الأخبار
أخبار إقليمية
وفد الطرق الصوفية يغادر البلاد الى الولايات المتحدة لتحسين العلاقات الامريكية السودانية ورفع اسم السودان من قائمة الارهاب .
وفد الطرق الصوفية يغادر البلاد الى الولايات المتحدة لتحسين العلاقات الامريكية السودانية ورفع اسم السودان من قائمة الارهاب .
وفد الطرق الصوفية يغادر البلاد الى الولايات المتحدة لتحسين العلاقات الامريكية السودانية ورفع اسم السودان من قائمة الارهاب .


الزيارة تستغرق 15 يوما
12-01-2015 03:19 PM
(سونا) غادر فجر اليوم وفد رفيع المستوى من زعماء الطرق الصوفية الى الولايات المتحدة الامريكية ، وتهدف الزيارة الى تحسين العلاقات بين البلدين ونشر الثقافة الاسلامية وعكس الصورة الايجابية عن السودان خارجياً اضافة لرفع اسم السودان من قائمة الارهاب .
وقال الاستاذ عصام الشيخ عبدالله صاحب المبادرة الشعبية للوفد ان الزيارة تستغرق 15 يوما يتم فيها زيارة البيت الابيض ومجلس الشيوخ الامريكى (الكونجرس) ووزارة الخارجية الامريكية اضافة الى ثلاثة ولايات هي واشنطن ، وجورجيا ، ويوتا ، مضيفاً ان الزيارة جاءت بتنسيق من السفارة الامريكية لتعريف القيادات الدينية السودانية بتعدد الديانات فى الولايات المتحدة وحرية الاديان وتعدد الثقافات .
وأوضح عصام الشيخ ان الوفد سوف يعقد 30 اجتماعا منها 10 اجتماعات فى واشنطن و20 اجتماعاً فى بقية الولايات الاخرى .


تعليقات 62 | إهداء 0 | زيارات 7118

صفحة 1 من 212>
التعليقات
#1379315 [حمدي]
0.00/5 (0 صوت)

12-02-2015 07:48 PM
الاخ / ابو جندل
رشتة رفع العقوبات عن الانقاذ حقيقية و و بموجبها سوف يتم تحديد عودة السودان للمجتمع الدولي -- و تم نشر هذه الرشتة في حينها في كبريات الصحف الامريكية و الاوربية و ايدها مجلس الامن الدولي و تبناها الاتحاد الاروبي و نمجلس السلم و الامن الافريقي --- و هي مكون جوهوري و اساسي في مواثيق و ادبيات المعارضة السودانية --- و الانقاذ تعلم جيدا ان من صاغ هذه الرشتة هم الناشطيين السودانيين في المهاجر و لذا ثقلت عليها و لم تستطيع تحملها ---

[حمدي]

#1379290 [zezoo]
0.00/5 (0 صوت)

12-02-2015 06:14 PM
ي حليلنا عاوزين تعملو فينا شنو اكتر من كدا ي عواليق بهدلتونا اللة يحرك الكيزان ويحق سنينهم

[zezoo]

#1379271 [محي الدين الفكي]
0.00/5 (0 صوت)

12-02-2015 05:09 PM
كلام ورأس الككو طيب اهم حاجة ارفعوا اسم الأسلام من الارهاب واقيموا ندوات والمترجمين قاعدين وعرفوا الشعب الامريكي وجه الاسلام ودور الطرق الصوفية في ادخال الاسلام الجميل للسودان بعدين نشوف رد الفعل ؟

[محي الدين الفكي]

#1379175 [بدر]
0.00/5 (0 صوت)

12-02-2015 01:11 PM
اهم حاجة شالوا النوبة معاهم ولا لا

[بدر]

#1379155 [truth]
5.00/5 (1 صوت)

12-02-2015 12:26 PM
حيرتونا دى سياسة و مصالح دول و لا طلاق بت العمدة ...ما خلاص تيسو السودان بروسيا كم سنة و ترجع امريكا تعرسو تانى

[truth]

#1379121 [الناهه]
0.00/5 (0 صوت)

12-02-2015 11:27 AM
ما هذه السذاجه
لماذا ترهقون مولانات الطرق الصوفيه وتحميلهم امور اكثر بكثير من مقدراتهم
امريكا تعلم من هؤلاء وكيف جاء هؤلاء ومن يتحمل نفقات تسفيرهم ... ومولانات الطرق الصوفيه انفسهم ركنوا الى مباهج الدنيا ونواعمها وانساقوا وراء مالا يستطيعون ..
في نهاية الامر امريكا لن تطبع العلاقات ابدا مع حكومة المؤتمر الوطني الا بعد بعد ضمان قيام وضع انتقالي وحكومة انتقاليه تفضي الى الديمقراطيه والامر ينظر اليه من زاوية الاخوان المسلمين والارهاب وكان الله في العون

[الناهه]

#1379112 [المنجلك]
5.00/5 (1 صوت)

12-02-2015 11:09 AM
هذا افتراء وكذب وتضييع للمال والوقت
الا يكفي اقحام شيخ البرعي وشيخ حسن يرحمهم الله في جريمة نيفاشا
الصوفية ليست لها نشاط سياسي بالمعني التقليدي فحاول شياطين المؤتمر الوطني الزج بها في مكاسب سياسية تخدم مصالحهم الخاصة وهناك شيوخ يعملون لصالح الحكومة

العقوبات الاقتصادية يتضرر منها السودان حكومة وشعباُ ولكن ما جدوى رفع هذه العقوبات في ظل الفساد وغياب العدالة الاجتماعية

[المنجلك]

#1379053 [قهرااااان]
0.00/5 (0 صوت)

12-02-2015 09:41 AM
هذا زمانك يا مهازل فامرحى

[قهرااااان]

#1379039 [بكري محمد عمر]
5.00/5 (1 صوت)

12-02-2015 09:13 AM
هندسة العلاقات بين الحكومات والشعوب مناطة بوزارة الخارجية وليس الطرق الصوفية ولكن يبدو ان غندور لا يعرف عن السياسة الا اسمها
لكن كنا عايزيننعرف شيخ الجكسي مشى مع الجماعة ديل ولا شال ليهم الفاتحة وقال ليهم ربنا يسهل اموركم

[بكري محمد عمر]

#1379023 [حردان]
5.00/5 (2 صوت)

12-02-2015 08:55 AM
الصوفية لم تعلم هذا الشعب الا الخبل والهبل والعيش تحت ظلال الخرافة،،،هذه الحكومة لا تملك ذرة كرامة،لكنها تتغذذي من ضعفنا..اليس من المخزي ان يمزق رجل امن صغير مذكرة المعارضة لوزير العدل الاخواني والحركات المسلحة تولول طلبا لمساعدة خارجية والسلاح بين يديها!!!

[حردان]

#1379012 [Sebit]
5.00/5 (1 صوت)

12-02-2015 08:46 AM
Good dream folks but good luck did u prove yet

I am conservative

[Sebit]

#1379003 [[email protected]]
5.00/5 (1 صوت)

12-02-2015 08:37 AM
هل يوجد فرق بين التصوف والنصرانية

[[email protected]]

ردود على [email protected]
European Union [ترنتي] 12-02-2015 11:31 AM
إستفغر الله

الجهل مصيبه


#1379002 [كندمر]
5.00/5 (2 صوت)

12-02-2015 08:36 AM
بسم الله..يا حى ياقيوم..هل يتجدد التاريخ.وفد الطائفية توجه نحو قبلته لندن مطلع القرن العشرين لتأكيد الولاء للمستعمر وحاملا سيف المهدى هدية لملك برطانيا العظمى آنذاك .ورجعوا محملين بكسوة الشرف..والالقاب والاراضى الزراعية والسرايا والجنينةوالروزرويس.. وناصية السياسة..ولم يعتقوا رقبة الشعب السودانى حتى تاريخه..والان تغيرت بوصلة القيلة الى واشنطون ..فصحح المتدينون اتجاه قبلتهم صوب امريكا الامبريالية العظمى ...على وعسى تجديد وتأكيد سطوة الاسلام السياسى بمختلف طوائفه على رقاب الشعب السودانى..اعتقوا رقابنا ..ابتغاء للاخرة ..وانبذوا الفانية كماتدعون..اللهم أمنحهم الشهادة واقبرهم على يد أبناء شعبك العتقاء مواليد أكتوبر وأبريل..امين

[كندمر]

#1378988 [الريس]
5.00/5 (1 صوت)

12-02-2015 08:15 AM
انصار السنة وين ياناس

[الريس]

#1378973 [adilabraheemabousheeba]
5.00/5 (1 صوت)

12-02-2015 07:43 AM
الدوله دى ما فيها عاقل يوقف هذه المهازل وفد من الطرق الصوفيه لامريكا لاعادة العلاقات وحل مشاكل السودان

[adilabraheemabousheeba]

#1378970 [ابو العز]
5.00/5 (3 صوت)

12-02-2015 07:40 AM
تصرف فى منتهى الروعة من حكومتنا الرشيدة.. عشان تتفاهم مع الشيوخ فى مجلس الشيوخ بعثت ليهم الشيوخ من ناس الطرق الصوفية.. سياسة خارجية مية فل واربعتاشر..

[ابو العز]

ردود على ابو العز
[أب أحمد الجسور] 12-02-2015 09:35 AM
ممتاز


#1378969 [بشير بشير]
5.00/5 (1 صوت)

12-02-2015 07:38 AM
يعني اعترفتوا انو السودان صورتو بقت سيئة .. طيب السبب منو ؟؟ الله يلعن الكيزان دنيا وآخرة لانهم سبب دمار السودان في كل النواحي

[بشير بشير]

#1378963 [محتار فى خلق الله]
5.00/5 (1 صوت)

12-02-2015 07:18 AM
واللهبعددهالا كان ترسلوا اماتكم وزوجاتكم عشان يخشوا ليكم واسطة ويرفع عنكم الحظر..
النتائج بداءات تظهر وقرب انشاءالله ذهباكم وسيصبر الشعب على الجوع والغلاء لسنيين
حتى تذهبوا وسوف تذهبوا وتترموا فى مذبلة التاريخ// كل قروش السودان الاتهربت سترجع وكل الاستثمارات التى عملتوها لانفسكم ستصادر وتعود لشعب السودان انشاءالله

[محتار فى خلق الله]

#1378961 [المشروع]
3.00/5 (3 صوت)

12-02-2015 07:13 AM
-1-
اقترح على الاخوة المعارضة في امريكا ان يكرموا وفادة الوفد ويدعوهم لبيوتهم في دعوات مباشرةوان يكرموهم غاية الاكرام ويكونوا معهم حتى مغادرتهم ارض المطار فهم اخوة لنا مغشوشين من المؤتمر الوطني والحركة الاسلامية .

-2-
الحركة الإسلامية الترابية العلى عثمانية تريد ان تستثمر جميع مكونات الشعب السوداني وتريد ان تستثمر سمعة السودانيين السمحة واخلاق السودانيين لمصلحتها فقط

-3-
لذلك علينا مقابلة الوفد واستمالته لجانب الشعب السوداني بدلا من استغلالهم من الحركة التي تدعي الاسلام وتمارس الظلم والقهر والتمكين وتسيطر على المال والسلطة.

-4-
ببساطة ممكن اقناعهم للوقوف الى جانب الشعب السوداني وشرح لهم ما حدث في سبتمبر 2013م المقتولين برصاص في الصدر والرأس دون اي سبب سوى المظاهرة بحقوقهم التي كفلها لهم الدستور واقناعهم بألوقوق مع الالاف المهجرين قسرا الى استراليا وامريكا وكندا والمضيق عليهم في السودان من قبل عصابات التمكين والصالح العام

-5-
بدلا من اتخاذ موقف منهم يجب ان ندعوهم لحضور ندوة تقيمها المعارضة لشرح وجهة نظرها وان يوضح لهم خطورة تجيير الحركة الصوفية من قبل الكيزان هذا كان فعلا ان هذا الوفد يمثل الطرق الصوفية حقاً ولم يكن وفد يمثل الجبهة الإسلامية القومية (الخلايا النائمة) للكيزان مستغلين او راكبين فوق ظهور الطرق الصوفية.

[المشروع]

ردود على المشروع
United States [a7med] 12-03-2015 09:37 PM
ديل شباعنيين من الحكومه، كان جبت كل الدلايل علي سو، الحكومه ما حيقنعو ليك

[الراجل] 12-03-2015 12:03 AM
اها قول اقنعناهم ووقفوا الى جانب الشعب حيعملوا لينا شنو حيوزعوا لينا كشاكيش ونوبات وفتة مجانا. غايتو وقفتهم معانا الايكونو واقفين معانا فى صف الغاز اليومين دى

[باكاش] 12-02-2015 09:23 AM
التخلص من البساطة.. ديل انتهازيين بيخدعو الحكومة ويخدعوا الشعب.
يعني بالبيضة والحجر الانقاذ ضيعت القيم زمان وزير افرازاتها.


#1378958 [الفاروق]
5.00/5 (1 صوت)

12-02-2015 07:01 AM
ايام حرب الخليخ علماء البحوث الاسلامية اجتمعوا مع بوش الصغير وعلموه الدين الاسلامى وموقعه فى نار جهنم ولم نرى له اثر ولا حس . وهولاء دين الصوفية دين اوباما فلنرى ماتكشفه الايام .

[الفاروق]

#1378940 [جبة جابر]
5.00/5 (2 صوت)

12-02-2015 04:53 AM
كم تكلفة الوفد الصوفى لمدة 15 يوم فى امريكا ومن سيدفع التكلفة. .... على الاقل ادعمو بيها الطماطم
زى وفد المجلس الوطنى المكون من 40 عمل سيحة فى اوروبا......والله البلد دى هامله وما عندها وجيع

[جبة جابر]

#1378935 [صديق حسين]
5.00/5 (1 صوت)

12-02-2015 03:22 AM
يعني اللي حا تصرفوه في هذه الزياره الهمجيه حا يكون قدر خساره الدوله جراء الحظر نفسو بس نصيحه للوفد ما تنسو تاخدو معاكم عابدين الدومه زعيم كل المجتمعات المدنيه والشعبويه و الفوضويه عله يوافينا بالسيلفي اول ب اول لو واحد انترم لا قدر الله طال ما علي مهدي في نصها و مافيش حد اسمح من حد والا ما كدا يا عابدين و قول ليهم لو المسئله فتوه و قلع اها انا ماااشي ونشوف اللي بفتح خشيمو عشان اخيطو ليهو ودا عابدين فتوه من اليوم اللي عرفناه فيه

[صديق حسين]

#1378930 [العجب]
5.00/5 (2 صوت)

12-02-2015 02:52 AM
غايتو جنس جرسة!! بعد كده الا ترسلوا فرقة الفنون الشعبية وندى القلعة, احتمال الامريكان يرضوا عليكم, والوفد ده مفكر يعمل حولية في الكونغرس ولا كيف!!

[العجب]

ردود على العجب
[ABOAHMED.....] 12-02-2015 04:45 PM
هههههههههههههههههههههههههههههههاي....
والله يالعجب عجبتني تب ... مصاريني دي قطعتها بالضحك...
قلت لي حوليه في الكونجرس الامريكي....حلللللللللوه وملعووووبه...
صدق فكره ما بطاله ... عشان الامريكان زاتهم ياخدوا فكره عن الحوليات
وما ادراك ما لحوليات.....


#1378925 [صديق حسين]
5.00/5 (2 صوت)

12-02-2015 02:41 AM
ناس الصوفيه في أمريكا ورئيسنا الهمام في الامارات في زياره رسميه و ترطيبيه جاءت غير موفقه واستعجال ما في محله اللهم الا اذا كانت النيه جضور سباق الفورمولا فالاستقبال كان فاتر لتكرار الزيارات الملكيه الفرعونيه ثم انها فرضت على الاماراتيين فرضا من قبل الحاشيه من المتبضعيين وعددهم اكثر من خمسه وزراء واكيد زوجاتهم وبعض الأقارب و المستشاريين وصديقات الزوجات والجواري كل هذا وغير الاستقبال الرسمي من نائب رئيس الدوله لم يجري الرئيس لحد الان أي نشاط سياسي كان او اقتصادي يعود بالخير لمصلحه البلد و مده الثلاث أيام الرسميه للزياره انتهت والباقيات الصالحات فسحه وشحن العده بينما دوله الامارات صاحبه الدعوه مشغوله هذه الأيام بتكريم شهدائها في عيدهم الأول بينما شهدائنا نحن ماتو فطيس و على قوله المثل غلطان المرحوم واللي مات في اليمن يندفن قبلو مافي عمله حره نجيبم بيها و الموجود دا يادوب يكفي مرتبات الوزراء و أعضاء البرطماااااااان ثم ان دوله الامارات بها احتقالات عيد تأسيس الدوله يعني مناسبه وطنيه ما كان في داعي للتلصق و شوفو زياره ملك المغرب بكرا و قارنو مستوى حفاوه الاستقبال له و ما جرى للرئيس مادي قريعتو - وزرائنا لم يجدو من يجلس معهم من المضيفين لانهم ما فاااااضييين يعني بالعربي كدا ناسنا جا ينتهزو الفرصه وهاك يا شوبن وخمج بينما الحال بالسودان يغني عن السؤال لا غاز لا كهرباء لا مرتبات لا وفره في أي منحى من مناحي الجياه - هنالك قمه الأرض بفرنسا ونسبه ل انشغال وزيرنا الحنين البكاي غردون باشا بالشوبن و شراء أطنان كرادن الدهب هو وربع مجلس الوزراء المصاجبين لوفد الرئيس عالي الهمه و لافي العمه سياده المشير اللي جا من الحفير فقد السودان تيعا لذلك فرصته و لم يشارك و لو بربع ورقه بينما وجدنا و من خلال متابعتنا ل اعمال القمه بباريس دول افريقيه و لاتينيه اقل حظوه من السودان جاءت مشاركتهم فعاله و جاده و سوف تنهال عليهم المحفزات و سيدعمون دعما سياسيا و ماديا من قبل الدول العظمى نظير تبنيهم ل اطروحات ستساهم بلا ادنى شك في تقليل انبعاث العازات السامه و المساهمه في الحفاظ على طبقه الازون من كل ما يسهم في الاضرار بها مما يعود بالخير للأرض و من عليها ولكن هذا ليس بالهم الكبير البلد ممثله في رأس الدوله ومن معه من شاغري الوظائف الطفيليه والحلزونيه فالرئيس في احازه الان وكذلك الكومبارس و الوزارات في البلد في حاله بيات شتوي حتى مطلع العام الميلادي الجديد الناس مشغوله السهرات حاتكون وين و كدا - ههههههههههههههه - و اللي مستني معامله رسميه من وزير او وكيل وزير وأطاتو أصبحت - لان موسم احتفالات نهايه العام على الأبواب والمهم سنه و عدت بخيرا و شرها و نشوف غيرا و دا السودان و ديل رئسنا و سفهاء القوم عندنا حسبي الله و نعم الوكيل -

[صديق حسين]

#1378915 [سيزر]
5.00/5 (1 صوت)

12-02-2015 01:20 AM
علي مهدي بجلابية خضرا ... مشى معاهم ؟؟؟؟

[سيزر]

#1378898 [Lila Farah]
3.00/5 (2 صوت)

12-01-2015 11:46 PM
ماتنسوا تسوقوا معاكم الدجال بله الغايب طالما الحكاية
بقت دجل وصوفيه وفته ودراويش ومحايا وحجبات..!!!!!!!!

عليكم الله دى بلد ودى دوله ؟ دايره اعرف آراء النصابين والدجالين
بتوعين الهجره الي الله الدجال الزبير احمد الحسن وتابعه مهدى ابراهيم
وآراء الدجالين شيوخ وعلماء الضلال شيوخ وعليماء السلطان في سفر الدجالين
ديل لامريكا ؟

[Lila Farah]

#1378884 [karkaba]
4.00/5 (3 صوت)

12-01-2015 10:43 PM
علي الشرفاء والنشطاء تلقين مشاطات الكيزان مايليق بهم

[karkaba]

#1378879 [باكاش]
4.00/5 (3 صوت)

12-01-2015 10:30 PM
الاخوان المسلمين ليست لهم كرامة ولا اخلاق
يمين انحن المعارضينكم شفقنا عليكمزمان في الخلوة
الفقيهة تكولينا اغسلو اللوح وختوهوا كويس لانو الدين
لو لعبتو بيهوا يلعب بيكم وياها البقت علي الكيزان
اصابهم نهم الذلة بقو ما يشبعوا منوا لانهم لعبوا
بالدين وسفكو الدم ونهبوا مال الناس وتجرؤوا علي
الله.

[باكاش]

ردود على باكاش
[باكاش] 12-02-2015 06:01 AM
ما بشبعوا منها.


#1378868 [مغبون]
4.00/5 (3 صوت)

12-01-2015 09:54 PM
آخر الابتكارات ماشين يعملوا عمل للامريكان هناك

[مغبون]

ردود على مغبون
[عبود] 12-02-2015 01:35 AM
و انته الصادق ماسين يفكوا العمل


#1378860 [rashid]
4.00/5 (3 صوت)

12-01-2015 09:39 PM
ما شاء الله شيوخ البرادو حيحلوا مشاكل اااسﻻم مع امريكا انشاء يكونوا شالوا معاهم نوبات وبخرات ومحاية لشيخ اوباما ياخانا فب سذاجة اكثر من كده .

[rashid]

#1378858 [الارض]
4.00/5 (3 صوت)

12-01-2015 09:25 PM
تعرفو اجمل ما في المقال ده حكاية الاستاز عصام رئيس الوفد انا بعرف عصام الشيخ وهو اشاسا زول امي واسمو ما بعرف اكتبو وهو من اكبر لصوص الاراضي ومالك المدينة المحورية و هو نفسو كان رئيس الوفد بتاع الادارة الاهلية لي امريكا الحكاية دي ما مظبوطة سيبك مت علاقات و ماشابه زلك المسالة فيها ماكلة وسرقة عديييييل وما ليها علاقة بالسياسة واعتقد انو مشي عرض على الامريكان ادفنو نفايات في الجزيرة ولتحاجة زي دي

[الارض]

#1378851 [عبدالحفيظ ابراهيم]
4.00/5 (3 صوت)

12-01-2015 09:03 PM
الجماعه ديل مفتكرين قبه البرلمان الامريكى تحتا فكى ونسوا انو اليهود والنصارى لن يتركونا حتى نتبع ملتهم فهل نسمع قريبا بقيام شيخ فلان بفتح فرع له بامريكا على غرار كنتاكى وبيتزاهت..
الامريكان جهجهو الدنيا وشيوخنا بتاعين القرضه قرش ديل غير مؤهلين للجلوس مع الحركات المسلحه وحل النزاع القايم بين الحكومه واعداءها..ودى اولى من الشيخ يمش ينطط عيونو خايف امام بلاغه وحنكه بروفسيرات وعلماء السياسه والمال الامريكان ..والله حكايه دايره محايه.

[عبدالحفيظ ابراهيم]

#1378839 [حسان الحساني]
4.00/5 (3 صوت)

12-01-2015 08:42 PM
العقوبات الامريكية ضد السودان اسبابها واضحة وضوح الشمس في رابعة النهار --- هي ممارسة حكومة الانقاذ و رعايتها للارهاب الدولي :-
شاركت حكومة الانقاذ في تفجير سفارتي امريكا بنيروبي و دارالسلام -- شاركت حكومة الانقاذ في تفجير المدمرة الامريكية ( كول ) في اليمن -- دعمت الانقاذ و مولت عشرات العمليات الارهابية ضد امريكا و نفذتها قاعدة بن لادن نيابة عنها --- كل ذلك تم مع وجود ادلة و براهيين قوية بطرف امريكا ---- لم تجد الانقاذ حيالها الا النكران حينا و الصمت في احيان كثيرة ---
مع احتراما لرجال الطرق الصوفية يجب عليهم ان ينحازوا الي جانب الحق و الي جانب الشعب السوداني و المساعدة في التخلص من هذا النظام الفاسد و الفاشل و المستبد --- الشعب السوداني لن يغفر لهم مثل هذه المواقف المخزية في نساندة الظلم و الفساد --- سوف تفشل هذه الرحلة كما فشلت سابقاتها --- ان طريق رفع العقوبات واضح و تعرفه الانقاذ جيدا لكنها لا تستطيع السير فيه :-
وقف الحروب و تحقيق السلام -- بسط الحريات -- نبذ العنف و الارهاب و التخلي عن الجماعات الارهابية --- مراعاه حقوق الانسان -- التحول الديمقراطي في السودان ---
هذه الرشتة بطرف حكومة الانقاذ منذ عدة سنوات و لكنها لم تستطيع تنفيذ اي بند فيها و لا ينبغي لها و لذا سوف تظل الانقاذ تدور حول نفسها و سوف تظل امريكا تشدد العقوبات عاما بعد عام حتى يقضي الله امرا كان مفعولا --

[حسان الحساني]

ردود على حسان الحساني
[ابوجندل] 12-02-2015 01:25 PM
ليس كما تدعى وحكاية الرشتة دى هم ونحن فاهمين لكن ودى الكضاب لحدى بيتة والا تكون الناس فى اية والحسانية فى اية


#1378836 [مهرج]
4.00/5 (3 صوت)

12-01-2015 08:31 PM
طبعاً مطلبهم الأول رفع الحصار علي الرز والقمح, مكونات الفتة.

[مهرج]

ردود على مهرج
[المشروع] 12-02-2015 10:32 AM
الاخ/ مهرج

-1-
قلنا ان حركة الكيزان تريد ان تفتن الشعب السوداني ببعضه البعض وتجعل المعارضة تلعن الجميع وتقاتل جميع مكونات الشعب السوداني.

-2-
لم يتم التأكد بعد عما اذا كان هؤلاء يمثلون الطرق الصوفية ولا اعتقد ان الطرق الصوفية لها رغبة في الدخول الى السياسة فهم اهل مديح وزهد يبتغون بذلك الله والدار الاخرة بغض النظر عن اختلافنا او اتفاقنا معهم.\

-3-
تقوم سياسة الكيزان على الفتنة وكل ما من شأنه ان يباعد بين المعارضة للنظام ومكونات الشعب (مكرر بصيغة اخرى)

-4-
غداً سوف يقوم الكيزان بإعلان وفد اخر (رياضي) مثلا وتقول ان الرياضيين يذهبون الى امريكا لرفع الحصار وتجعل المعارضة تسب وتشتم قبيلة الرياضيين مثلاً..

-5-
بعد غد سوف تقوم حركة الكيزان بإعلان وفد اخر من جهة اخرى (اتحاد العمال) مثلا بالذهاب الى جهة معينة..وبهذه الطريقة تجعل المعارضة تقاتل جميع فئات الشعب السوداني

-6-
كل هذه الوفود عبارة عن خلايا نائمة لحركة الكيزان التي ولا يمثلون الجهات التي تقول وبالتالي تكون الحركة الكيزانية العلي عثمانية الترابية بالوقوف مع تلك الجهات زورا وبهتانا ثم تبعد الشقة بين المعارضين للحكومة وتلك الجهات.

نامل من الجميع التعليق خيرا على الوفد وعلى الطرق الصوفية خيرا وعدم الانجرار وراء اساليب الكيزان التي تتحدث الآن باسم السودانين وهي تعلم ان الجميع لا يحبونها واطلب من الاخوة رجاء عدم التعليق السلبي على الصوفية بغض النظر عن رأيهم الشرعي فيها فكل انسان محاسب على عمله يوم القيامة

وبالله التوفيق


#1378835 [[email protected]]
4.00/5 (3 صوت)

12-01-2015 08:29 PM
دا جري وراء السراب هؤلاء الطرق الصوفية لا تعرف دينها جيداً قال تعالي:(ولن ترضي عنك اليهود ولا النصاري حتي تتبع ملتهم) يعني إلاتبقي زيهم لبس فاضح وبارات جوار مساجد
Never will Jews or Christians be satisfied with you unless you follow their religion-unless you leave your religion and join theirs.

[[email protected]]

#1378833 [محمد الفاتح]
4.00/5 (3 صوت)

12-01-2015 08:24 PM
الا ياهند قولي أو أجيزي
رجال الشرع اضحت كالمعيزي
ألا ليت اللحي صارت حشيشا
فتعلفها خيول الإنجليزي

[محمد الفاتح]

#1378823 [الحق ابلج]
4.00/5 (3 صوت)

12-01-2015 07:57 PM
لاتوجد طرق صوفيه حقيقيه تعمل بالسياسه تتدخل فى الشئون الخارجيه كمان
هذه احدى بدع الانقاذ وتدخل ضمن سياسة الفوضى الخلاقه التى ابتدعها الامريكان ويخترقون بها كل مكونات المجتمع فى اختراق ناعم وبدقه ووعى

[الحق ابلج]

#1378821 [الشعب الفضل]
3.00/5 (2 صوت)

12-01-2015 07:55 PM
الصوفية هم اس البلاء - اكثر من 90% من شيوخهم يحملون بطاقة المؤتمر الوطني ويسوقون قطعانهم الى المؤتمر الوطني الذي سامنا سوء العذاب يذبحون الناس في دارفور وجنوب النيل الازرق وجنوب كردفان ويقدر عدد قتلاهم بما يزيد عن نصف المليون ويغتصبون النساء ووالله الصوفية مسئولون عن هذا التاييد وبقية افعال المؤتمر الوطني الذي اهلك الحرث والنسل وهجر خيار الاطباء والمهندسين والاقتصاديين المؤتمر الوطني الذي اهان المعلم وقضى على التعليم والمؤتمر الوطني افقد الناس احسن ما كانوا يملكون الا وهي الاخلاق فصار السوداني يعيش على ذكرى اسلافهم فالرشوة متفشية وصارت على عينك يا تاجر والخدمة المدنية صارت معفنة بل نجاسة اما الشرطة فصارت مصدر لاكل الحرام بكل انواعه من الرشوة ومارا بحماية تجار المخدرات وقلع حق الناس بكل الاساليب والاساليب كثيرة جدا جدا
ماذا اقول وماذا اترك خلاصة الامر كل عفانة وكل فساد وكل نجاسة وكل ارهاب وكل تلاعب بالدين وكل عفانة في العالم اتى بها المؤتمر الوطني للسودان
اما هؤلاء الصوفية المرتشين نعم المرتشين للوقوف مع المؤتمر الوطني واتباعهم مسئولون امام الله عن اعمال كوم الزبالة المسمى بالمؤتمر الوطني

[الشعب الفضل]

#1378789 [واحد مهموووووووووم]
4.00/5 (3 صوت)

12-01-2015 06:44 PM
يا جماعة الخير نسعلكم سعال
الزول الاسمو عصام الشيخ ده منو البعرف عن ماضيه شي يفيدنا
اقصد قبل عشرين سنة كدا ،،،،
قبل ما نفتو هنا

[واحد مهموووووووووم]

#1378778 [ود المهدي]
3.00/5 (2 صوت)

12-01-2015 06:18 PM
الامريكان لن يرفعوا اسم السودان من قائمة الارهاب طالما النظام الحالي في سدة الحكم . ولو مشى السودان كله .


فنسأل الله ان يرفع البلاء والغلاء عن كافة اهل السودان من عنده وليس من عند الامركان .


على الشعب السوداني ان يلجا لله وهو القادر على كل شيء .

[ود المهدي]

#1378774 [سواق الليموزين]
4.50/5 (4 صوت)

12-01-2015 06:08 PM
الزيارة بالتنسيق مه السفارة الامريكية لتعريف الوفد بتعدد الديانات في الولايات المتحدة يعني ماشين واشنطون عشان فيهااعضاء الكونجرس وماشين يوتا علشان يتعرفوا ويعملوا اجتماع في سولت ليك سيتي مع المورمان وماشين جورجيا يزوروا اكبر معبد بوذي موجود بامريكا ويجتمعوا بالكهنة ويجتمعوا بالإمام بمسجد الفاروق بجورجيا يعني في الاخر الجماعة ماشين سياحة طيب ما كان تاجروا مني الليموزين بدل تاجروها من الشركات التانية وتخلونا نلهط معاكم من المال السايب ده وكنت علي الاقل زوغتكم ووديتكم اتلانتك سيتي وديزني لأند ولاس فيجاس ووديتكم ديسكو تعملوا فيه ذكر والله حي الله حي ههههههه

[سواق الليموزين]

#1378771 [السودان الوطن الواحد]
3.96/5 (7 صوت)

12-01-2015 06:02 PM
القارىء للإهتمام الأمريكى والأنجلوسكسونى بالطرق الصوفية فى السودان من زاوية مختلفة يجد أن ثم هناك أجندة مختلفة للتقارب بغير الذى يتبادر إلى أذهان الناس من تسامح وتلاقى شعوبى فالطرق الصوفية تبدو أرض خصبة للإختراق ( الماسونى) بما تتوفر لديه من طقوس يمكن أن يُدس فيها ما تشتهى نفوس قادة العالم وقد يصل ذلك إلى (صناعة) شيوخ وطرق صوفية لقيادة المرحلة القادمة للتصوف فى السودان صوفية وما هم بصوفية ويكثر اتباهم وسط البهارج المادية ومحاربة الزهد المعروف لدى السادة الصوفية بطريقة خفية يفعل الجان بهم ما يشاء بدلا من الروحانيات الملائكية والتقرب إلى الله بالزهد
وهؤلاء اللذين فى اللجنة هم صفوة واصحاب نوايا طيبة ولكنهم قد يكونوا مخترقين بآخرين من خلفهم .. والله أعلم ولكن الوعى واجب الأمريكان لا يعرون تقارب بلا مقابل ومقابل متضاعف على اقل تقدير

[السودان الوطن الواحد]

ردود على السودان الوطن الواحد
[فدائى] 12-02-2015 01:32 PM
انت بس يامعلم القدرت تلمس الوجع ***زيارات السفاره الامريكيه لعدد من شيوخ الطرق الصوفيه فى السودان طرح كثير من الاسئله والاستفهامات كيف؟ولماذا؟ والغرض؟ والكيزان بقوا زى الطفل اللسه ماتعلم الكلام مع امريكا والطفل المااتكلم لسه لمن ايكون داير حاجه اما اوصف وصف ولا يقعد يبكى كلما تقول ليهو(داير دى)لو كانت الحاجه الرفعتها ليو ما هى العاوزه يقعد ابكى لغاية ما تصل للشى الدايرو والكيزان اول ما سمعوا بالزيارات المتكرره من السفاره لشيوخ الدجل قالوا بس خلاص هم دايرين ديل النوديهم ليهم امكن احلوا المشكله بدون ما يعرفوا امريكا دايراهم لييه مادام بحلوا ليهم المشكله والدجالين ما صدقوا جرى دايرين امارسوا الدجل بالدولار وبالنص مع الجماعه وبعد ده كلوا لو فشلوا حقو الكيزان اجربوا حاجه كده امكن تنجح (البتاعات البودوهن دبى اجيبن ليهم قروش امكن الشغلانه تظبط)

[ALIIIIIIIIIIIIIIIIIIIIIIIIIIIIII] 12-01-2015 11:20 PM
بتفق معاك تماما في الكلام القلتو فعلا فالصوفية مدخل لاي شئ بالمناسبة ونسبة كبيرة للذين تشيعو في السودان بالمناسبة كانوا منهم...و بالمناسبة امريكا مابتعمل حاجة كده لوجه الله تعالي امريكا عاملة زي بريطانيا الكانت بتدعم فرق منحرفة دينيا زي القاديانية والبهائية اواخر القرن التاسع عشر واوائل القرن العشرين وده كلو لضرب الاسلام وتحريفه ومسخه وامريكا الان تحذو حذو بريطانيا بالضبط نفس السياسات فعلا وقولا ولكن المسلمين مشكلتهم انهم ذو ذاكرة خربة بالمناسبة هذه هي المشكلة


#1378756 [shawgi badri]
4.63/5 (4 صوت)

12-01-2015 05:36 PM
طول جيلتنا عرفنا ان الصوفية تكونت بعدا عن الترف والصلف والظلم الذي ظهر في الدولة الاموية والعباسية والفاطمية والتركية ... الخ في السودان الصوفيون بعدوا عن السلة وفسادها . الحصل شنو الليلة ؟

[shawgi badri]

ردود على shawgi badri
[Rebel] 12-01-2015 09:19 PM
* الحصل فى 26 سنه كتير يا شوقى ياخوى!.."الانقاذ" ما خلت زول فى البلد!, إلآ و "رقعته" و "مسحت ليه شنبه"!!...لا خلت ختمى!..لا خلت انصارى!..لا خلت حزب امه"قومى!"!..لا خلت إتحادى(أصل!)..لا خلت إتحادى(ديموقراطى)!..لا خلت حزب امه(جناح مبارك)!..لا جناح(د.الصادق!)..لا خلت (حق)!..لا خلت (7+7)!..لا خلت ناس تابيتا و الحركه الشعبيه!..ياخ ديل ما خلوا راجل دجال و سحسوح زى واحد اسمه بله الغايب!!
- كمان "الصوفيه" ديل قالوا إشيلوا نصيبهم, طالما الحكاية خربانه من كبارها!!..و طبعا لآنهم "متصوفين" و كده!..و لأنهم لسه ما "ناقشين!" حاجه عشان اكونوا زى ناس لى "الليفه يا خليفه!", عشان كده بيرضوا بالقليل!!..رحله "سياحيه" الى امريكا لمدة 15 يوم!!..و انت لسه فى صوفية القباب و حمدالنيل يا شوقى ياخوى!!
* طيب..هل سألت نفسك اين صرفت "الإنقاذ" 110 مليار دولار عائدات بترول بين 1999-2010؟ و مبلغ 60 مليار دولار عباره عن قروض و منح و هبات و مساعدات, فى 15 سنه؟..و 32 مليار عائدات الذهب؟..و خليك من الجنيهات السودانيه بتاعة الجمارك و الضرائب و الجبايات و قروش مبيعات الاراضى"؟..و خليك من تحويلات المغتربين و عائدات الصادرات غير البتروليه!!.. و خليك من قروش "قطر الشقيقه!"!.. و خليك من قروش عائدات المرتزقه السودانيين فى حربهم ضد الحوثيين!!..
* ناس الانقاذ ما خسرانين حاجه يا شوقى ياخوى!.."مال المسلمين" ادوهو "الاخوان المسلمين" و "اهل القبله" فى السودان!!


#1378749 [ظلال النخيل]
3.63/5 (4 صوت)

12-01-2015 05:12 PM
للاسف الشديد معظم شيوخ الطرق الصوفية هم اكبر داعمين للانقاذ وحكومة الكيزان بعد ان غرف الكيزان من اين تؤكل الكتف فقاموا باعطائهم آلاف الهكتارات والافدنة من الاراضي ليشيدوا عليها مراكزهم واغدقت عليهم بالمواد التموينية والمبالغ الطائلة في مقابل الايعاز لحيرانهم ومنتسبيهم بعدم معارضة حكومة الانقاذ والتصويت في اي انتخابات خج لصالح مرشحي المؤتمر الوطني ... نعم هناك فارق كبير بينهم وبين جماعات الهوس الديني من انصار السنة والتكفيريين لكن نعيب عليهم وقوفهم مع حكومة الكذب والدجل الذين يستمرؤون الكذب على الله وعلى الشعب باسم الدين...

مش قلت ليكم ديل موالين للانقاذ ... ايه دخلكم في علاقة امريكا السيئة مع الكيزان ...المفروض تناشدوا امريكا لتساعدنا في اقتلاع الكيزان وحكومتهم الفاسدة...

رجاء بكرة لما ترجعوا بالسلامة ما تقولوا لينا سافرنا بالبراق ...وما تتخلفوا هناك بدعوى نشر الدين

[ظلال النخيل]

#1378748 [ابوكدوك]
3.63/5 (4 صوت)

12-01-2015 05:06 PM
مدد ، مدد ، مدد !!
==================
يا اولاد العم سام مدد !!

اللى بحب النبى يقلع طاقيته !!

15 يوم ، وحالتكم وفد كمان ، ده حتى حرام ، ده بقا شهر عسل !!

ماتنسوا شيلوا الحلل ، والصوانى ، والطار ، والبخور ، شيلوا لحمة كتير واعملوا

فته برز ، اعملوا حوليه وماتنسوا الزفه جنب البيت الابيض ، عشان تفكوا العارض !!


مهازل فى بلد المهازل من حكومة المهازل !!
==================================
وا اسفاه على بلد تدار امورها بالبخور والاعتقادات والدجل والشعوزه !!

وا اسفاه عندما يلتقى الجهل مع التعصب الطائفى والقبلى فى امة ما !!

وا اسفاه على مستقبل امة تحكم برقاب عبادها شرارها !!

اااخ يا مرارتى القربت تتفقع !!

[ابوكدوك]

#1378747 [أبو الربيع]
3.13/5 (5 صوت)

12-01-2015 05:05 PM
لو فعلوا شي في مصلحة البلد يكون شي جيد

[أبو الربيع]

#1378745 [كان زمان]
3.75/5 (3 صوت)

12-01-2015 05:02 PM
يارب دي علي حساب منو ؟؟؟

[كان زمان]

#1378743 [Rebel]
4.69/5 (8 صوت)

12-01-2015 04:58 PM
* بالله شوفوا الدجل و الشعوذه و التدليس وصلوا وين!!
* يعنى ناس الكونقرس و البيت الابيض يقولوا للجماعه ديل شنو!!..و لا شالوا معاهم "ديك اسود" و "نوبات"!
* إذن, الجامعات تغير المناهج و تبدأ تدرس "طرق صوفيه" من الليله!.. بدلا عن "السياسه و الدلوماسيه" و "الدراسات المقارنه" و "العلاقات الدوليه"!

[Rebel]

#1378739 [عمر محمد الحسن]
3.63/5 (4 صوت)

12-01-2015 04:56 PM
غايتو لو سيدي علي ود أب فقرة(بكسر ألفا وتسكين القاف) ما مشي معاهم يبقي ما فايدة.راجل واصل وبصلي العشا مرتين في الأسبوع في أمريكا ..مرة في المسجد الاقصي وسبع مرات في المسيد بتاعو...

[عمر محمد الحسن]

ردود على عمر محمد الحسن
[المتجهجه بسبب الانفصال] 12-02-2015 07:32 AM
ضحكتنا من الصباح اخ عمر محمد الحسن،،،، تعليق ظريف يلخص استخدام الدين للعب بعقول البسطاء،،، تسلم يا أخي ،،،


#1378728 [عمر محمد الحسن]
2.50/5 (3 صوت)

12-01-2015 04:41 PM
لو ما ساقو مهاهم سيدي علي ود أب فقرة مافي فايدة.. .. أصلا بصلي المغرب في المسيد بتاعو ويحصل العشاء في Islamic center بتاع واحد من المدن الامريكية مرتين في الأسبوع ...من غير طيارات طبعا الكلام دا..

[عمر محمد الحسن]

#1378727 [القريش]
4.50/5 (4 صوت)

12-01-2015 04:40 PM
نفس العقليه القديييييييمه ان دخلتى فى الاسلام لزوجناك الامير يونس ود الدكيم ان وافق هو !!!علي اليمين الكيزان الدرب راح ليهم فى المويه!كمان جابت ليها دروشه وطرق صوفيه وفته!رحم الله اساطسن الدبوماسيه السفير جمال محمد احمد ومحمد احمد المحجوب!!!ومعاهم منصور خالد!

[القريش]

ردود على القريش
[ali] 12-02-2015 05:11 AM
ناس يونس ود الدكيم الكفار احارموهم لحمرة عترجمة النص


غشينا ساح الوغي و خضنا غمار حروب كثيرة عبر البحار
خبرنا فيها مقاتلين اشاوس و اخرون جبناء رعديدون
من قبائل شتي ..
لقد تعاركنا مع (الزولو) و (البورمان) و (البوتان)
لكن أشجع و أبسل من فتيان (الفزي وزي) لم نر و نخبر
اولئك السمر ذوي الشعر الكثيف , المجعد
يندسون بين الادغال و الاجام
فيعقرون خيلنا في الظلام
و يستبيحون حصوننا المنيعة في سواكن*
يراوغون جندنا كمثل قطط ماهرة تضرب علي قيثار
يا للفزي! لقد عجزنا حقا ان نفت في عضدهم

****
ايها الفزي
اليك قلادة شرف و فخار
ممهورة بالاجلال و الاكبار
فان تك في الحياة جاهل و بائس
فانك في ساح الوغي باسل و مغوار
و نحن منك نتوق الي حسن جوار
لقد لقينا عنتا و شدة في حربنا ضد اهل خيبر
و أذاقنا (الزولو) و (البورمان) صنوفا من الانكسار
لكن قاماتهم تتقاصر دونك فهم بالنسبة لك صغار
ينشرون في الصحف حسن سيرتنا
و كل معاني العز و الفخار
لكننا امامكم لا ندعي بطولة ولا انتصار
تحية لكم ايها الفزي وزي..
اننا نحني جباهنا اجلالا لكم كبارا و صغار..
لم نرد حربكم لكنها الاوامر العسكرية التي صدرت بسحقكم
و لم يكن امامنا بد من الانصياع
و رحنا نقذف عليكم حمم (المارتيني)*
****

هؤلاء الفزي وزي
لا يحملون بطاقة او هوية
ولاتزين صدورهم و اكتافهم النياشين و الاوسمة
لكنهم كالسباع الضارية
يثبون من بين الاشجار
متمترسين خلف دروعهم و شاهرين سيوفهم ذوات الحدين

تحية لكم ايها الفرسان
ولو لا اننا فقدنا علي يديكم الكثير من رجالنا
لشاطرناكم احزانكم الكبار
لكننا في وصف شجاعتكم نحار
فحين نرميكم بوابل النيران و الشظايا
تثبون في وجه النار و الشرار

***


هذا الفزي وزي
حيا تزيده المعارك بريقا
و ميتا كأن وجهه وجه مستعار
كزنبقة وادعة و حالمة
و ان استثار فهو كالريح الهوجاء
ما أثار المحتلون فيه غير نظرة اذدراء و احتقار
لذا استحق منا كل مديح و فخار
هذا الكادح المعدم البائس في الحياة
و في الحروب لا يشق له غبار
هذا الفزي وزي
كث الشعر كأنه التبن
الاشعث المغوار
ذاك الذي اقتحم صفوف الجيش الانجليزي في جدارة و اقتدار!

ينهم ورجالتهم وعزتهم
https://www.youtube.com/watch?feature=player_embedded&v=9Jro5LeagB0


#1378725 [ALIIIIIIIIIIIIIIIIIIIIIIIIIIIIII]
4.32/5 (5 صوت)

12-01-2015 04:35 PM
ثاني...انتو ناس الحكومة دي عندهم عقلية غريبة وعبيطة وساذجة مرسلين ناس الطرق الصوفية لتحسين العلاقات ورفع السودان من قائمة الدول الراعية للارهاب وتحت تحت رفع العقوبات الاقتصادية طبعا عشان يعكسوا انو السودان بلد بتاع دراويش ودجل وشعوذة وبلد الف ليلة وليلة والذي منه يعني يالامريكان ليكم تسلحنا انحنا ناس دراويش وعبطة ساكت ..عليكم الله ارفعوا مننا العقوبات ...واخيرا هي لله هي لله لاللسلطة ولا للجاه غايتو جنس عفن ودجل.. للدنيا قد عملنا وللسرقة والدجل قد تخصصنا وللكذب تحللنا ده هو شعار الهجرة الي الله بتاعهم عالم دراويش بالجد

[ALIIIIIIIIIIIIIIIIIIIIIIIIIIIIII]

#1378724 [حسن عيسى]
3.88/5 (5 صوت)

12-01-2015 04:34 PM
الكيزان مساكين اتضايقوا ضيق شديد خلاس بالفلس. ما قلتو نوبة! مش دى نفس امريكا الدنا عذابها؟

[حسن عيسى]

#1378723 [adrob2]
3.00/5 (2 صوت)

12-01-2015 04:33 PM
حكومة أمريكا وحكومة السودان مستمتعيين بمعاناة الشعب السوداني. الحصار المفروض علي الشعب السوداني فقط ، الله كريم علينا

[adrob2]

#1378721 [محمد خضر]
3.82/5 (5 صوت)

12-01-2015 04:27 PM
بسم الله والصلاة والسلام على رسول الله
شى جميل كونكم تستعينو بالطرق الصوفيه للاصلاح بس انشاء الله يكونو صوفيه متعلمين ومتفقهين بمعنى الكلامه .
وباريت مايكون معاهم جهلة الصوفيه امثال المدعى شيخ الامين وغيره من الجهله عشان مايحرجونا بجهلهم .والله ولى التوفيق وربنا يستر

[محمد خضر]

#1378709 [الفجري داك]
3.75/5 (4 صوت)

12-01-2015 04:10 PM
ههههههههه مضحكة آخر الزمن !!!!

[الفجري داك]

#1378707 [الراجل]
4.25/5 (3 صوت)

12-01-2015 04:09 PM
تحسين العلاقات ونشر الثقافة الاسلامية وعكس الصورة الايجابية ورفع اسم السودان من قائمة الارهاب
ده كلو فى 15 يوم ؟؟ الوفد برأسة بلة الغائب وشيخ الامين جكس وشايلين معاهم براميل بتاعة محاية وحجبات وبخرات عل وعسى السياسة ما جابت فايدة امكن الشعوذة والدجل تجيب راس الامريكان الناشف ده
بالمناسبة الوفد بتاع ناس الادارة الاهلية المشى امريكا اخبارو شنو ؟؟ اه يا وجع القلب

[الراجل]

#1378703 [ديك الجن]
4.25/5 (4 صوت)

12-01-2015 04:05 PM
لماذا الإصرار على إستمرارية هذا التهريج؟ ألم تكفيكم زيارات ما يسمى بوفد الإدارة الأهليـة ووفـد البرلمان والزيارات العبثيـة التى قام بها بعض المسؤولون إلى جهات ليست من مؤسسات القرار الأمريكى.
من الآخر ، هنالك مطلوبات محددة للإدارة الأمريكية على الحكومة السودانية تنفيذها كلها ومن ثم الحديث عن التطبيع وما يتبعه من إجراءات ، والحكومة السودانية تعلم جيدا ما المطلوب منها ولكنها كعادتها فى اللف والدوران والتذاكى واللولوة توعز إلى هؤلاء البسطاء للذهاب إلى أمريكا حتى تقول للشعب السودانى نحن لم نترك سبيلا للتطبيع مع أمريكا إلا سلكناه لكن ( لن ترضى عنك اليهود والنصارى حتى تتبع ملتهم) ونحن لن نساوم فى ديننا وتوجهنا الحضارى.
وهكذا تدور فى حلقة مفرغة ولن تفلح فى التطبيع مع الإدارة الأمريكية بأساليب البلطجة هذه ورغم إنبطاح الكيزان على الاخر ولعق جزمة أمريكا - بعد كل العنتريات الجوفاء مثل " أمريكا دنا عذابها" و " أمريكا تحت جزمتى"إلا أنهم لم يعودوا حتى بخفى حنين ولا يزال المشوار بعيدا طالما لم يغيروا هذه السياسات الخرقاء منذ 1998 والتى عصفت بالسودان إلى هذا الدرك السحيق من التردى على كافة الأصعدة ، ورغم ذلك يأملون فى جنى العنب من الأشواك ، وهذا (لعمرى فى القياس بديع)
“ Repetition of the same action , in the same way and expecting a different result

[ديك الجن]

#1378702 [السنهوري]
4.00/5 (4 صوت)

12-01-2015 04:04 PM
بالتوفيق ، نسأل الله أن يعم الخير للشعب السوداني الفضل

[السنهوري]

#1378696 [radar]
3.63/5 (4 صوت)

12-01-2015 03:50 PM
أعملوا ليكم حلقة ذكر كاربة وأدوا ولدكم أوباما جلابية خضراء وسبحة وطربوش ويكون كويش لو عملتوا ليكم مهيوبة بملاح أم رقيقة.

[radar]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة