الأخبار
أخبار إقليمية
الحسن الميرغني : مهلة الـ "180" يوماً لتغيير واقع البلد في حساباتي لم تبدأ بعد
الحسن الميرغني : مهلة الـ "180" يوماً لتغيير واقع البلد في حساباتي لم تبدأ بعد
الحسن الميرغني : مهلة الـ


قال : ستنتهي غدا (الخميس) ثم استدرك
12-02-2015 08:30 PM

الخرطوم – كشف محمد الحسن الميرغني، رئيس الحزب الاتحادي الديمقراطي الأصل المكلف، عن اجتماع لقيادة الحزب خلال الأيام المقبلة لتقييم تجربة الشراكة في الحكومة، وأكد أنه ميال لاستمرار الشراكة ووصفها بالناجحة.
وقال الحسن إن مهلة الـ(180) يوما التي حددها لتغيير واقع البلد، ستنتهي غدا (الخميس) لكنه استدرك أنها في حساباته لم تبدأ بعد، ورهن بدايتها بتوليه ملفاً محدداً.
ونفى الحسن في تنوير لمجموعة من الصحفيين بجنينة السيد علي أمس أن يكون الحزب قد سمى حاتم السر أو إبراهيم الميرغني ناطقا رسميا باسمه، مؤكدا أن الحزب يمثله رئيسه محمد عثمان الميرغني. وقال إن الاتحاديين بالحزب رغم خلافاتهم لكنهم "أفضل السيئين".
وبشأن ما راج عن صحة رئيس الحزب أكد أنه بخير وصحة جيدة ومتابع جيد لما يدور في الساحة السياسية، وطالب مروجي الخبر بإبراز التقارير الطبية التي تثبت ذلك.
وجدد الحسن انتقاده لمسجل الأحزاب، وقال إنه يتدخل في شؤون الحزب الداخلية، وإنه رفض قبول تفويض شفاهي باسمه في وقت قبل فيه تفويضا شفاهيا من آخرين

اليوم التالي


تعليقات 17 | إهداء 0 | زيارات 3506

التعليقات
#1379973 [Mat too]
0.00/5 (0 صوت)

12-04-2015 04:10 AM
يازول يكلفوك بشنو انت اشتروك زي الخروف تقول باع وتقعد ساكت! هو الناس العندهم قيمه قاعدين ساكت، شيل شهادتك بتاعت فني طيران وامشي بيها لسودان طير كان شغلوك سلم علي انت فاقد تربوي
انبوبة الغاز احمد سعد برضه لا تعليم عالي له وآخر بدل طالع ونازل اعمل زيوا ، وكلموا قول ليهوا البنزين قطع عايزين مدد ده المقصود يا مولانا الفلس الفلس الفلس حار والماسوره احر اختار واحد منهم

[Mat too]

#1379639 [قرمبع]
4.00/5 (1 صوت)

12-03-2015 01:01 PM
لو بطريقتك دي انا حاحلها قبالك!!

[قرمبع]

#1379621 [ظلال النخيل]
0.00/5 (0 صوت)

12-03-2015 12:33 PM
كلامه زي الزول الفتح مطعم وكتب لوحة كبيرة تقول ( اليوم بقروش وبكرة مجان )

الوليد الميرغني كلما نسأله حيقول ال 180 يوم حسب فهمي ما بدأت ... وهكذا دواليك

[ظلال النخيل]

#1379552 [جنوبي]
5.00/5 (1 صوت)

12-03-2015 10:57 AM
هو صحي يا جماعه نكون منصفين شوية الزول ده لمن قال 181 يوم نحنا ما قلنا ليهو نبدأ العد من متين .. ههههههههههه

[جنوبي]

#1379468 [alwatani]
3.00/5 (1 صوت)

12-03-2015 08:50 AM
والله اى زول وليى منصب دستورى منذ 1989 فالقد الصلاحية ومضيعة للزمن 0ودايجب ان تكون اهم مكونات الدستور الجديد

[alwatani]

#1379437 [ساخر عدييل]
3.00/5 (1 صوت)

12-03-2015 07:29 AM
غبي منو له .. من المفترض بالكيس العاقل نفي أن بيده عصا موسي في بداية التصريح ( العبيط ) و أن أوان التغيير لم يبدأ بعد حينها .. ( و ليس التملص بعد قضاء المدة ) .. و أبحثوا لي عن نائبة رئيس البرلمان التي هللت لمقدرات شيخها الخرافية !!! و ليس علينا الا أن نضحك مما نسمع .

[ساخر عدييل]

#1379433 [Al-Saif Albuttar]
3.00/5 (1 صوت)

12-03-2015 07:07 AM
هذا هبيل ليس الا

[Al-Saif Albuttar]

#1379406 [عبدالحميد عبدالله عبد الحميد]
4.00/5 (2 صوت)

12-03-2015 02:31 AM
ال 180 يوم حقت المهبول ده شكلها حاتبدا يوم القيامه العصر

[عبدالحميد عبدالله عبد الحميد]

#1379402 [إبن الخرطوم]
4.47/5 (6 صوت)

12-03-2015 02:04 AM
هذا الكتاب كم واحد وضع يدة علية وكذب.

[إبن الخرطوم]

#1379396 [الأزهري]
4.24/5 (7 صوت)

12-03-2015 01:06 AM
طيب ما تدوه كدا ملف حلايب نشوف المدة المحددة دي حتبدا وتنتهي متى

[الأزهري]

ردود على الأزهري
[جركان فاضى] 12-03-2015 08:36 AM
من البداية كدا حلايب....يا أخى خلى يمسك الملفات الصغيرة زى ملف الغاز ...بعدين يتدرج شوية شوية...اصلو قاعد يقضى فى الخدمة الالزامية مع النظام اليومين ديل


#1379387 [خاتي اللوم]
4.25/5 (7 صوت)

12-03-2015 12:39 AM
اهاااااا
بدينا الخرخرة؟

[خاتي اللوم]

ردود على خاتي اللوم
[جنوبي] 12-03-2015 10:55 AM
هههههههههههههه

[ود الشريف] 12-03-2015 07:02 AM
جنس خرخرة وفيها دك ورق كمان


#1379382 [truth]
4.28/5 (8 صوت)

12-03-2015 12:12 AM
انا ما قادر افهم الارتباط بين الهبل و الميرغنية هل هو مسألة جينية ام اسلوب تربية ..

[truth]

ردود على truth
United States [الحقيقة] 12-03-2015 10:37 AM
دة أثر الفتة الباردة،، مش وصوهم ما يدخلوا يدهم في الفتة الحارة


#1379371 [adrob2]
1.50/5 (2 صوت)

12-02-2015 11:10 PM
الحزب الإتحادي الديمقراطي وحزب الأمة هما الحكومة الشرعية المنتخبة من قبل الشعب السوداني ، ورسالة الي السيد محمد الحسن الميرغني شدو حيلكم ولمو صفوفكم لأن الشعب السوداني يثق بكم ونتمني لكم كل التوفيق لقيادة السودان لبر الأمان سودان خالي من الإرهاب والإرهابيين والفاسديين سودان جميل وزاهر ومستقبل مشرق.

[adrob2]

ردود على adrob2
[واعي الراعي] 12-03-2015 08:39 AM
ان كان راجي الصادق والميرغني يرسوك لي بر الامان الرماد كالك


#1379360 [Abu]
4.00/5 (3 صوت)

12-02-2015 10:20 PM
“Politicians and diapers must be changed often, and for the same reason.” Indeed Mark Twain was right.... This is a living example of how those "Thugs" think and reacts. The hell with them all??

[Abu]

#1379349 [sam]
4.25/5 (3 صوت)

12-02-2015 09:58 PM
طالب مروجي الخبر بإبراز التقارير الطبية التي تثبت ذلك.(( يقصد اباءه ))
متل اللي عندو دليل على فساد الوزراء ومتقلدي المناصب العليا ياتينا بالدليل
الدليل ان اباك((( قد هرمنا قد هرمنا وبلغنا من الكبر عتيا )))
والدليل على فساد الحكومة ان احدهم ياتي الى المنصب ومتسلف حق المواصلات وساكن بالايجار وفي المناطق الطرفية بالعاصمة دا اذا لم ياتي من الاقاليم وحالتو تحنن
هذا هو الدليل

[sam]

#1379348 [المختصر المفيد]
4.44/5 (6 صوت)

12-02-2015 09:51 PM
العذر اقبح من الذنب .. لم اتولى ملف محدد .. مساعد رئيس بدون وصف وظيفي without job description على أي أساس تاخد راتب وكيف يحل لك ؟

[المختصر المفيد]

#1379342 [المشروع]
3.25/5 (3 صوت)

12-02-2015 09:16 PM
خلاص علموك الجماعة المكر والخداع وشغل اللولوة من اسع ..خلاص جريت واطي وقلت عندما استلم ملف محدد والمرة الجاية تقول ان الملف استلمته ناقص وهكذا دواليك..

خلاص الفيك اتعرفت لكن المشكلة في الحاجة عيشة ؟؟ نائب رئيس البرلمان نشوفها تقول شنو؟؟

[المشروع]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة