الأخبار
أخبار إقليمية
ورشة المغتربين تؤكد أهمية مدارس اليوم الواحد بالدول الغربية
ورشة المغتربين تؤكد أهمية مدارس اليوم الواحد بالدول الغربية
ورشة المغتربين تؤكد أهمية مدارس اليوم الواحد بالدول الغربية


12-06-2015 09:21 PM
(سونا) عقد جهاز تنظيم شؤون السودانيين العاملين بالخارج اليوم بمقره ورشة عمل حول اعداد منهج لمدارس السودانيين بالخارج وهى ما يسمي (بمدارس اليوم الواحد) وهي مدارس تنشأ في الدول غير الناطقة بالعربية تستهدف ابناء المغتربين السودانيين بتلك الدول وتهتم بتدريس اللغة العربية والتربية الاسلامية والوطنية .
وقدمت الاستاذة شيماء محمد قريب الله الباحثة التربوية ورقة حول تجربة مدارس اليوم الواحد الواقع والمأمول حيث عكست الورقة واقع وتجارب مدارس أبناء المغتربين بالخارج وتناولت المشاكل والمعوقات وآفاق التطور لتلك المدارس .
كما تناولت تجارب لمدارس اليوم الواحد بفرنسا وبلجيكا وهولندا
واكدت الورقة علي أهمية المدارس بتلك الدول ونادت بمزيد من الاهتمام وبذل الجهد الاداري والتنسيق مع القائمين علي امرها ومدهم بالدعم المعنوي والمادي .
واكد السفير حاج ماجد سوار الامين العام لجهاز المغتربين التزامهم بتطوير مدارس السودانيين بالخارج وتدريب المغتربين من خلال معهد متخصص على ان يكون التدريب الزاميا وانه تم إنشاء صندوق لعودة المغتربين وإدماجهم في المجتمع وباشر عمله بإدماج المغتربين العائدين من اليمن مشيرا الي حوسبة كل المناهج وبدء العمل في إعداد أطلس السودان الثقافي لنشره في المواقع الالكترونية .
وأعلن سوار إن العام المقبل 2016 م سيشهد انطلاقة شبكة قنوات فضائية لجهاز المغتربين موجها جامعة المغربين بإعداد منهج لتعليم أبناء المغتربين بالخارج يتلاءم مع طموحاتهم ومقدراتهم وينمي روحهم الوطنية وينشر تقافة وتراث السودان في نفوسهم .
وأوصت الورشة بتشكيل لجان لإعداد المنهج وإنشاء قناة فضائية للمغتربين والتوسع في فتح مدارس للسودانيين بالخارج وحوسبة المناهج الدراسية لأبناء المغتربين إجراء بحوث لمعرفة تجارب الآخرين والاستفادة منها وقيام معسكرات تربوية في الإجازات الصيفية تستهدف صقل المهارات اللغوية .


تعليقات 7 | إهداء 0 | زيارات 2719

التعليقات
#1381499 [الراصد]
3.00/5 (1 صوت)

12-07-2015 02:52 PM
ااااها... ولستة (المعلمين) المعارين جهزتوها ولا لسة...

[الراصد]

#1381478 [عبدالحميد]
3.00/5 (1 صوت)

12-07-2015 01:51 PM
ياخوي قوم لف مدارس شنو البيعرف ليها ابو ماجد سوار،
نموذج مصغر:
الآن في الرياض - عاصمة السعودية عندنا مدرسة سودانية تأخد آلاف الريالات ي السنة الواحدة من الطالب: جا يوم عامل البلدية لقاها وسخانة زبالة واكتر من زبالة
فصل كهربتها .. وطرد الطلاب والاساتذه الفيها ..
لا هي مسجلة بصورة رسمية عند السلطات السعودية
والسفارة عارفة كلو دا لكن لمن هم السفارة بقى لم ملايين الريالات من المغترب المسكين..
------------فاصلة -------------سطر جديد

حتى سفارتنا نفسها ما قادرة توفر موية للحمامات --- و المصلى ما هو جيد --
والصفوف والزحمة وعدم تواجد الموظفين بالسفارة .. والله كانهم في السودان ...
يخس ... ادنى مقومات الدبلوماسية مافي .. وهى موية في الحمامات عشان تتنضف بيها...
------------------------بخل وجشع
يجي حضرة السفير بالرياض ويتبرع لحفل فريق الجالية السودانية بعشرة آلاف ريال
بالله دا تبرع ؟؟؟!!!

[عبدالحميد]

#1381433 [هدى]
5.00/5 (1 صوت)

12-07-2015 11:47 AM
جهاز المغتربين يجب الغائه والاستفادة من تكاليفه في ما ينفع الناس .

[هدى]

ردود على هدى
[هدى] 12-08-2015 09:27 AM
لك التحية sa----انشاء الله ما في شلهتةفما فائدة جهاز كل عمله الجباية اما الجبايات فيمكن جبايتها الكترونيا والخروج والعودة ايضا. وباقي المعاملات التي لا يمكن حوسبتها مثل استخراج الجواز الجديد فمن الجوازات مباشرة.

[sa] 12-07-2015 07:45 PM
ليه يا هدى؟؟؟ الجهاز ده الحسنة الوحيدة الفي السودان. والله لو لغوه هنشلهت جنس شلهتة لا يعلم بيها إلا الله.....


#1381356 [IBN ALKHARTUM]
3.00/5 (1 صوت)

12-07-2015 09:51 AM
مدارس اليوم الواحد دا نظام صيني ,متبع في الدول الغربية وأمريكا والغرض منو تدريس اللغة الصينية للصينين لكن إنتو الغرض منو جمع عملة صعبة للخزينة الفاضية المنهوبة.أمشو ألعبو غيرة.

[IBN ALKHARTUM]

#1381197 [حكم]
2.88/5 (7 صوت)

12-07-2015 01:35 AM
الناس الفى الدول الغربية اسمهم مهاجرين وليسوا مغتربين

اولادهم بيدرسوا مجان فى المدارس الاجنبية الانتوا بتدفعوا الشىء الفلانى فى السودان عشان تعلموا اولادكم فيهاالمنهج الاجنبى

اول حاجة علموا الجوة السودان الكتابة الصحيحة والفرق بين الغين والقاف والسين والثاء بعدين كوسوا الفى الدول الغربية

الجوكم من الدول العربية اجحفتوا فى حقهم فى قبول اولادهم فى الجامعات السودانية بالرغم من ان اولادهم بيدرسوا 12 سنة قبل الجامعة وفى السودان بيدرسوا 11 سنة بس

اوع تكون بتفكر فى انه اولاد المهاجرين حيخلوا ليك جامعات كمبريدج واكسفورد عشان يجوا يدفعوا ليك فى جامعة مامون حميدة ؟؟

لو انتوا حريصين على اولاد الوطن، من الاول مهجرين وطاردين ابهاتهم لشنو؟؟

[حكم]

ردود على حكم
[abushihab] 12-07-2015 06:56 PM
(اول حاجة علموا القي السودان الكتابة الصحيجة) هذه وحدها تكفي جزاك الله خير.

[ALIIIIIIIIIIIIIIIIIIIIIIIIIIIIII] 12-07-2015 05:33 PM
بالضبط كفيت واوفيت


#1381165 [كشيب]
5.00/5 (1 صوت)

12-06-2015 11:42 PM
ضياع مال ووقت لأن اولادنا لن ولم يشاركوا في مدارسكم. نحن هربنا من قهركم واستبدادكم دايرنا كمان نفتح قنوات ونسمع لتعليمكم المانافع حتي في السودان. الأولاد أفضل ليهم يتعلموا أولا التعامل لأن رسول الله صلى الله عليه وسلم قال الدين المعامله.
بلا يخمكم كلكم

[كشيب]

#1381145 [ود احمد]
5.00/5 (1 صوت)

12-06-2015 10:42 PM
هذا جهاز لا يمثل الا نفسه والدليل على ذلك نظام القبول بالكوتة التي ظلمت ابناء المغتربين لان الدولة تربد فلوس واجبارهم الدخول بالخاص
فلوس لا نريد معسكراتكم وخرابكم

[ود احمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة