الأخبار
أخبار إقليمية
إتفاق بين جهاز المغتربين وشركة مطارات السودان على توعية المسافرين وإرشادهم للالتزام بلوائح المطارات
إتفاق بين جهاز المغتربين وشركة مطارات السودان على توعية المسافرين وإرشادهم للالتزام بلوائح المطارات
إتفاق بين جهاز المغتربين وشركة مطارات السودان على توعية المسافرين وإرشادهم للالتزام بلوائح المطارات


12-07-2015 11:58 PM
(سونا ) -أكد الأستاذ عبد الرحمن سيد أحمد زين العابدين نائب الأمين العام لجهاز تنظيم شؤون السودانيين بالخارج على ضرورة التعاون والتنسيق بين الجهاز وشركة مطارات السودان القابضة لتوعية وإرشاد السودانيين المغادرين والواصلين عبر مطارات السودان بالالتزام بضوابط السلامة المعمول بها في مطار الخرطوم والمطارات الدولية .
جاء ذلك خلال الاجتماع المشترك بين الجهاز والشركة الذي انعقد عصر أمس برئاسة الشركة حيث أطلع الفريق اول ركن طيار أحمد محمد على أحمد الفكي مدير عام الشركة وفد الجهاز على الممارسات السالبة من بعض المسافرين والتى توقعهم تحت طائلة العقوبات القانونية المنصوص عليها في قانون الطيران الدولى .
ودعا الفكي المغتربين السودانيين إلى الالتزام بتنفيذ التوجيهات الصادرة من الجهات المختصة في المطارات مبينا ان عددا من المسافرين يتجاوزون الحدود المعقولة وتوجيهات السلامة دون معرفة عواقبها ، كما دعا إعلام جهاز المغتربين إلى المساهمة في قيادة حملة توعوية للمغتربين في المهاجر المختلفة .
من جانبه أبدى نائب الأمين العام لجهاز المغتربين استعداد الجهاز لاستخدام الوسائط الإعلامية المتاحة في ذلك .
وقد أتفق الجانبان على تكوين لجنة مشتركة لتنفيذ ما تم الاتفاق عليه .
وقد حضر الاجتماع من جانب جهاز المغتربين الاستاذان محمد الامين مصطفى المدير العام للإعلام والعلاقات العامة وأحمد عثمان محمد عبد الله المدير العام للجاليات والهجرة بجهاز المغتربين ومن جانب الشركة الاستاذان زهير حمدنا الله شندقاوي مدير إدارة العلاقات العامة وإبراهيم توفيق علي من إدارة أمن الطيران بمطار الخرطوم .


تعليقات 14 | إهداء 0 | زيارات 2244

التعليقات
#1382526 [زول مقهور]
0.00/5 (0 صوت)

12-09-2015 11:19 AM
الموضوع شكله فيه عضة؟؟؟؟؟ماقالوا مافى عضة تانى!!!!!!!!!!!!!!!!!ههههههههههه
شر البلية مايضحك.....

[زول مقهور]

#1381974 [المتجهجه بسبب الانفصال]
4.38/5 (6 صوت)

12-08-2015 12:53 PM
ناس دخلو مطار جدة والرياض ودبي وابوظبي والشارقة والمنامة وأديس ومسقط ونيويورك وجون كينيدي وشارل ديغول واستراليا وغيرها من المطارات البدوش الرأس توعوا ليهم شنو في مطاركم أبو بابا واحد خروج زي تكل حبوبتي زمان،،، زي ما بقول دينق سودانيزاونلاين اختشي يا فلان ،، نحن نقول اختشي يا جهاز المغتربين والشركة القابضة وخلي المجابدة،،،

نحن لا نسخر من بلدنا ولكن نستغرب في المسئولين السودانيين البسافروا كل يوم ويجو يقولوا كلام زي ده كأنهم ما سافروا وشافوا المطارات كيف تدار،، أولا صلحوا بدون مؤاخذة حمامات المغادرة القذرة بالمطار وأعملوا ليكم بوابتين تلاتة خروج،،،

[المتجهجه بسبب الانفصال]

ردود على المتجهجه بسبب الانفصال
United States [Lila Farah] 12-08-2015 11:31 PM
كلامك صاح...!!!!
اللي يصلحوا الادبخانات أولا وبعدين ينضموا.!!!!!!!


#1381962 [رحمة ود منوفل]
4.50/5 (4 صوت)

12-08-2015 12:31 PM
اكثر العبارات استفساذا للمغترب القادم من مطار هيثرو او مطار الرياض او مطار اديس ابابا على سبيل المثال . وحينما ينزل فى زريبة الخرطوم يشاهد بالخط الكبير مطار الخرطوم الدولي !!!!!! وتدخل المطار تجد نفسك وكانك فى قبو لوقوف العربات . والمؤسف عند المغادرة تجد نفسك وعائلتك محشور فى سيب ضيق به عدد من الكراسي واكثر المسافرين وقوفا واذا جاء وقت الصلاة تجد نفسك فى مصلى داخل صالة المغادرة لايتسع الى سبعة مصلين الا بالتزاحم ولايوجد به نافذة لتجديد الهواء او شفاط يشفط انفاس البشر . تؤدي الصلاة وانت مختنق بقلة الاوكسجين . فهل يا مسؤولي مطار السجم أمن ضيق الارض فى السودان حتى تتفح قريحتكم الخربة عن خرطة لتوسة صالة لمطار مضى عليه اكثر من مأة عام ولايزال فى مساحته نفسهاومبناه الذي تفضل ببنائه الانجليز !!!!! حينما كانت الطائرات من نوع فوكرس وداكوتا . واليوم اصبحت الطائرات جانبو ينزل من كرشها خمسمائة بني ادم وحقائبهم .. ويقول ليك جهاز المغتربين يجتمع مع ادارة المطار لتعليم المغتربين التعامل مع انظمة السلامة. المغتربين لم تواجههم مشاكل السلامة فى اكبر مطارات العالم ترتيب ونظافة وزحام بالبشر . هل يحتاجون لكورسات للتعامل مع زريبة الغنم فى الخرطوم المسمى مطار دولي . اخس على الكذب والبلطجة والجهل ..

[رحمة ود منوفل]

#1381904 [م محمد الحاج]
4.50/5 (4 صوت)

12-08-2015 11:25 AM
اعملوا طيارات بالاول
بالحيل خايفين علينا
تعالوا جدة شوفوا السفارة المستأجرة بحوش ميدان كورة والناس مرمية في الارصفة الخارجية
رجال ونساء لا غيرة علي الناس ولا احترام للرعايا والمشكلة السفارة وسط حي سكني والله من الخجل الواحد يمشي السفارة غصبا عنه ليه ما يفتحوا الابواب للناس تنستر في الحيشان ده

[م محمد الحاج]

#1381844 [ابو شهاب]
4.75/5 (4 صوت)

12-08-2015 10:07 AM
المسافر لايحتاج لتوعيه وارشاد بالامس القريب وانا كنت فى استقبال ابنى القادم من الخرطوم استوقفتنى مناظر السودانيين القادمين على هذه الرحله من حيث المظهر العام للمواطن السودانى

وبدلا من التوعيه والارشاد ارجو التشديد على المظهر العام للمواطن السودانى لان هذا يعكس وجه السودان وليس مظهر الشخص يجب ان يرتدى المواطن الزى القومى الكامل بدلا من جلابيه بدون طاقيه وشبشب وسديرى والسودانيين من دون القادميين للمملكه من الدول الاخرى حتى الاكثر منا تخلفا يرتدون زيا موحد او الزى القومى الكامل لبلدانهم وليس هنالك ما يلفت نظرك نحوهم مثلنا

[ابو شهاب]

#1381825 [غايتو]
4.38/5 (5 صوت)

12-08-2015 09:43 AM
وراها ما وراها .... ولجنة مشتركة وحوافز عن كل اجتماع ومصاريف متنوعةوغيره ...
الناس بتسافر منذ عشرات السنوات و مدركة وملمة بكل التعليمات ...
ولاحظ ( توعية المغتربين فى المهاجر المختلفة) ... يعنى سفر وبدلات .
ياترى حا يجمعوهم وين فى السفارات ولا الميادين العامة ...

[غايتو]

#1381803 [موردة حضارة]
4.75/5 (5 صوت)

12-08-2015 09:22 AM
الله يقبض روحكم. قابضة شنو وكلام فاضي
امشو شوفو قرف حمامتكم وعدم توفر المياه حتي للصلاة الناس تعاني عشان تتوضا
واحرجتونا مع الاجانب والله الواحد بعاين ليهم وهم مدهوشين للحاصل واي زول تعاين ليه في عيونو بقول متين بس الطيارة تطير بي من القرف ده.وتوبه تاني

والله العظيم تمشي الحمامات تلقي المويه مطفحه في ارضية الحمام. شي مابصدقو زول

والكهرباء تقطع دايما...والارضيه في الصالات وسخانة...وملابس الموظفين والعمال
والضباط حدث ولاحرج وشي سفنجات.. وكديسة حايمة في سير العفش تتفسح ساي في السير اخير ليها من الكوش..الفارغه من بقايا الطعام..وفيديو الكديسة شفتو امبارح في الواتسب. حرام عليكم وحرام علي القشير والترابي وكل الوسخ في السلطة. الله ينتقم منكم ويسلط عليكم من يزلكم ويقهركم..

قرف اقرفكم

[موردة حضارة]

#1381770 [مواطن]
4.38/5 (6 صوت)

12-08-2015 08:51 AM
كلام فارغ من ناس فارغين على الاقل ماهي الارشادات

[مواطن]

#1381758 [الأشـعـة الـحـمــراء]
4.69/5 (8 صوت)

12-08-2015 08:38 AM
(( شركة مطارات السودان القابضة )) .. ؟؟

ولــد .. دهـ .. !!

[الأشـعـة الـحـمــراء]

#1381741 [سوداني زعلان]
3.75/5 (5 صوت)

12-08-2015 08:17 AM
إتفاق بين جهاز المغتربين وشركة مطارات السودان على توعية المسافرين وإرشادهم للالتزام بلوائح المطارات

حسي عليك الله هي وينه المطارات الدولية دي قرف يقرفكم كرهتونا البلد ذاتو الواحد خمسة سنة مامشي عشان القرف دا مغتربين وكلام فاضي حرامية x حرامية لعنة الله عليكم

[سوداني زعلان]

ردود على سوداني زعلان
[zAIDAN] 12-08-2015 12:15 PM
اجسن ليك ماتمشى البلد صارت زفت في زفت


#1381740 [العمرابي]
2.50/5 (4 صوت)

12-08-2015 08:15 AM
إنتوا ياناس جهاز المغتربين لو قفلتوا شبابيكم الفاتحة دي وخليتوا المغترب في حالو مابتجيهو اي عوجة. المغترب كفاهو تحويلاتو الشهرية للسودان وطبعا بالعملة الصعبة. كل مغترب عايش ليهو اسرتين تلاتة

[العمرابي]

ردود على العمرابي
[هدى] 12-09-2015 12:15 PM
من زمان قلنا اقفلوا جهاز المغتربين واخذ الجبايات والاتاوات عن طريق الحاسب مباشرة توفيرا لوقت المغترب وبعد الدفع يطبع خروج وعودة كما فعلت دول الخليج.


#1381738 [عبدالرحيم وقيع الله]
2.50/5 (4 صوت)

12-08-2015 08:07 AM
ما هو الجديد في الموضوع يعنى ؟؟؟ ولماذا هذا الخبر المبتور ؟؟؟ السودانيين يسافرون منذ عشرات السنين والطيارات تنقل صباح مساء وبعض الخطوط لها رحلتين في اليوم فما هو الجديد يعنى ..

ويا اخونا مدير الاعلام الخبر غير واضح تماما الا ان يكون اجتماعكم مع الشركة قلة شغلةوعدم موضوع ؟؟

[عبدالرحيم وقيع الله]

#1381700 [مريود]
4.38/5 (6 صوت)

12-08-2015 06:49 AM
وشركة مطارات السودان القابضة.

أول حاجة وفروا لينا موية في حمامات المطار.

بعد دا نحن هينين الكلام معانا ضيوف ودي واجهة.

مقعول مطار دولي ووحيد وليس لحماماته صهريج مياه احتياطي! في بلد قطوعات المياه فيهامتكررة؟

وعلى غفلة زمن طويل أنا شخصيا بدفع رسوم المغادرة مرتين. ما في موظف وعاني ؟؟

ومرة وأنا طالع على صالة المغادرة الموظف قطع لي ورقة بيضا كتب لي عليها : باقي له 20 دولار.

لما يكون عندنا مطار أول بعدين علمونا كيف نتعامل معه.
عالم وهم.

[مريود]

#1381695 [بت حبوبتها]
3.75/5 (5 صوت)

12-08-2015 06:06 AM
ضحكت من العنوان بس وما قريت الخبر ..

( شركة مطارات السودان ) أووووه دة كلام كبير .. شركة شنو ؟!
( للالتزام بلوائح المطارات ) عجيب والله ..لوائح شتو ؟!

هي وينا المطارات دي أم شركات ولوائح ولو قريت الخبر كمان يمكن ألقى عندها ميزانية وبرج مراقبة وضمير صاحي !

[بت حبوبتها]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة