الأخبار
أخبار إقليمية
مذكرة تفاهم مشتركة بين جهاز المغتربين ووزارة الصناعة والاستثمار بولاية الخرطوم حول فرص استثمارات المغتربين :
مذكرة تفاهم مشتركة بين جهاز المغتربين ووزارة الصناعة والاستثمار بولاية الخرطوم حول فرص استثمارات المغتربين :
مذكرة تفاهم مشتركة بين جهاز المغتربين ووزارة الصناعة والاستثمار بولاية الخرطوم حول فرص استثمارات المغتربين :


سوار : الاقتصاد المهاجر يمثل نسبة ثلاثين بالمائة من مصادر العملات الأجنبية بالبلاد
12-08-2015 03:20 PM
مذكرة تفاهم مشتركة بين جهاز المغتربين ووزارة الصناعة والاستثمار بولاية الخرطوم حول فرص استثمارات المغتربين :


دعا المهندس عبد الله أحمد حمد وزير الصناعة والاستثمار بولاية الخرطوم السودانيين بالخارج إلى استثمار مدخراتهم في الداخل معلنا عن توافر فرص للاستثمار في قطاعات الإنتاج الصناعي ومجالات الاستثمار الأخرى مؤكدا أن وزارته قد اتخذت عددا من التدابير لتبسيط الإجراءات عبر نافذة واحدة وأن الاستثمار بالداخل يعود بالنفع المغترب والوطن .
جاء ذلك لدى مخاطبته مراسم توقيع مذكرة التفاهم المشتركة حول فرص استثمارات المغتربين صباح ألبوم بمقر الوزارة بين جهاز تنظيم شؤون السودانيين بالخارج ووزارة الصناعة والاستثمار ( مفوضية تشجيع الاستثمار ) بولاية الخرطوم مشيدا في ذات الاتجاه بالدور الكبير لشريحة السودانيين بالخارج في رفد الاقتصاد السوداني وقطاعات التنمية الأخرى بالبلاد مبينا ان المذكرة سيكون لها الأثر الفعال في فتح أفق جديد لاستثمارات السودانيين بالخارج .
من جهته أشاد السفير حاج ماجد محمد السوار الأمين العام لجهاز المغتربين بالطفرة الكبيرة التي شهدتها المفوضية في إجراءات العمل عبر نافذة واحدة بما يسهم في تقديم أفضل الطيارات للمستثمرين وتبسيط الإجراءات لهم ، ودعا سوار خلال مراسم توقيع المذكرة السودانيين بالخارج إلى استثمار رؤوس أموالهم بالداخل لما يتمتع به قطاع الاستثمار الوطني من فرص وميزات أفضل من الدول الأخرى مثمنا في ذات الاتجاه جهود المغتربين وأدوارهم المستمرة في قطاعات التنمية بالبلاد .
وفي الاتجاه ذاته أبان سوار أن توقيع المذكرة يأتي في إطار اهتمام الجهاز الكبير بتفعيل الاقتصاد المهاجر مبينا أنه يمثل نسبة ثلاثين بالمائة من مصادر العملات الأجنبية بالبلاد وأن الجهاز يسعى من خلال هذا الملف إلى جذب مدخرات واستثمارات السودانيين بالخارج ودمجها في الاقتصاد الوطني بما يحقق مصلحة المغترب والبلاد .
هذا وقد وقع عن جانب جهاز المغتربين السفير حاج ماجد محمد السوار الأمين العام فيما وقع عن جانب وزارة الصناعة والاستثمار بولاية الخرطوم المهندس عبد الله أحمد حمد وزير الصناعة والاستثمار ، وحضر من جانب الجهاز الأستاذ عبد الرحمن سيد أحمد زين العابدين نائب الأمين العام والأستاذ محمد الأمين مصطفى المدير العام للإعلام والعلاقات العامة والأستاذ حسن بابكر أحمد مدير إدارة الاستثمار وخدمات المغتربين والأستاذة زينب محمد عثمان نائبة مدير إدارة الاستثمار وخدمات المغتربين بالجهاز ، وحضر من جانب الوزارة الدكتور تاج الدين عثمان سعيد مدير عام الوزارة والأستاذ أحمد عثمان أحمد مفوض مفوضية تشجيع الاستثمار بولاية الخرطوم.

اعلام جهاز المغتربين


تعليقات 13 | إهداء 0 | زيارات 1524

التعليقات
#1382581 [Lila Farah]
0.00/5 (0 صوت)

12-09-2015 01:20 PM
ياماجد سوار يادباب وياارهابي وياسفير سابق فاشل

الناس ناقشينك وفاهمينك .!!!!!!!
قدر ماتحاول فاهمينك وناقشنك .!!!!

لو داير وهمه تانيه يمكن يقتنع بيها المغتربين تلقاها
عند المغتربين ديل ذااااتم بس كيف اتا توقف استهبالك
وترتقي بفكرك من دحش لي حمار.!!!!!!

أول خطوات الاصلاح واقناع المغتربين بتحويل مدخراتهم
(علي فكره ياماجد سوار ياحمار تحويلات المغتربين اصلا ماوقفت ولا ساعه ولولا تحويلات المغتربين قسما بالله ماتبقوا في كراسيكم ساعه والتحويلات تتم عن طريق ناسكم اللصوص والحراميه المتواجدين في كل اماكن تجمعات المغتربين وهم من ينصحون الناس بألا يقوموا بتحويل سنت واحد عن طريقكم .)

أول خطوات الاصلاح ياحاج ماجد ياحمار هو ان تلغوا جهاز النصب والاحتيال المدعو
جهاز المغتربين وتسرحوا كل العصابه من الواقفين في بوابة الدخول حتى ماجد سوار الدباب الحمار وبعد كده انشوف هانسوى شنو .!!!!!!!


طبعا لن تقبل بهذا الاقتراح ياماجد سوار يادباب ياارهابي حتى ول فيهو صلاح الاحوال كلها في السودان لأنك ستكون اول المتضررين .!!!!!

[Lila Farah]

#1382531 [ترنتي]
5.00/5 (1 صوت)

12-09-2015 11:31 AM
بما يسهم في تقديم أفضل الطيارات للمستثمرين

أها الفي قلبك لسانك فضحــو يا سوار

الطيارات ،،،، يعني أي واحد إستثمر معاكم حا تطير إستثماراته ...

ولعد دا لا عذر لمن أنذر قال ليكم الطيارات ههههههههههههه

[ترنتي]

#1382467 [leno]
5.00/5 (1 صوت)

12-09-2015 09:47 AM
خلي بالك ياولد السطر 16 الكلمة 2 وعدوا بتقديم افضل الطيارات وطارت الطيارة طارت

[leno]

#1382406 [المتجهجه بسبب الانفصال]
5.00/5 (2 صوت)

12-09-2015 08:27 AM
عدد المغتربين في الخليج ما أظن يقل عن 4 مليون بنك واحد يا كافي البلاء يفتح ليهو فروع في الدول دي ما عندكم عشان الناس تحول عن طريقوا حتى الصرافات الاجنبية هربت والدولار في السوق الاسود بتاجروا فيهو ناسكم ،، شوفو الهنود في الخليج كيف دولتهم عاملة ليهم تسهيلات ،، فاتحة ليهم فروع للبنوك الهندية في كل دول الخليج ده غير نظام الحوالات بالبريد،، الهندي يحول 1000 دولار في السنة بكون مقابلة تسهيل استثماري في الهند،، يحول 100000 دولار في السنة بكون عندو تسهيل استثماري وهلم جرا ،،، هل تعلم ان الهند تنتج 8 انواع من العدس يا الوزير دقس،،، و12 نوع من الارز يا كوز،،، أما البهارات فلو ذكرتها لقلت هذا كلام مشاطات،،، وهي تستحوز على سوق اللحوم والخضروات والبقوليات والبهارات وبعض الفواكه والعمالة فحكومتهم منتخبة من غير جبخانة ،،، ،،، سيظل حاج ماجد سوار وغيره يفذلكون المذكرات والمشروعات الوهمية بعقلية ناس المحلية،، وهو اسلوب موغل في المحلية وعدم تبادل الخبرات الدولية على أساس أنا أفهم زول ومهندم وعايز اهندم المغترب،،، والله فعلا غرارة العبوس،،،


ماذا حصل لمشروع سندس وأمينه العام الذاكر لله المصلي على رسوله الباكي المآقي الصافي جعفر قدس سره الباتع،،،

[المتجهجه بسبب الانفصال]

#1382389 [سوداني زعلان]
4.50/5 (2 صوت)

12-09-2015 08:08 AM
ياخخخخخخخخخخ لا استثمار المغترب قال قال ياخ المغتربين الواح من عشرين الي عشرة سنة مايجي يشوف السودان واهلو عشان جهاز الحرامية دا من تدخل تد فع ت فع تدفع تدفع من غير اي مقابل او خدمات معاملة سيئة بذلة واحتقار وتقيف من الصباح لحدي اخر يوم وبعد كدا ترجع تاني يوم وعايز الكغترب لقروش التعب فيها دي يجي ناس زيكم كدا حرامية يشيل ساكت زمن البقرة الحلوب انتهي قرف يقرفكم كلكم من اكبر كوز لي اصغر واحد حسبي الله ونعمه الوكيل فيكم

[سوداني زعلان]

#1382378 [هدى]
5.00/5 (1 صوت)

12-09-2015 07:52 AM
عايزين المغتربين يدخلوا قروشهم السودان!!!!!!! جحا قال ان غشيتني مرة الله يلعنك ---ولو غشيتني مرتين الله يلعني---- ياترى كم مرة انخدع المغتربين.ابي كان مغتربا منذ1980 وتحمس للانقاذ المسلمة فحول 50 الف دولار شقى عمره وكان السعر 12 جنيها ولك ان تحسب ومنذ ذلك الحين لم يحول ابي اي مبلغ.

[هدى]

#1382194 [سوداني]
3.00/5 (2 صوت)

12-08-2015 07:55 PM
الحاحج سوار ماذا تم في شركة النيل الابيض القابضة ... واين ذهبت أسهمنا في الشركة ... نحن نمتلك فقط ايصال الدفع وحسب ما مسجل به فان مقر الشركة بالمقرن الا أننى كتبت مرارا وتكرارا ولم أجد اجابة سوى من وزارة التجارة وكذا الغرفة التجارية الصناعية ...

مطلوب اجابة من جهخاز المغتربين ....؟؟؟؟؟؟؟؟؟؟؟؟؟؟؟؟؟؟؟؟

[سوداني]

ردود على سوداني
[sasa] 12-09-2015 01:06 PM
ضربوها الكيزان وأذنابهم بقيادة علي عبد الله يعقوب وبني كوز وأهاليهم وباعوا المحلج بكوستي ومحلج ربك والمشاريع والآليات التي التي استولوا عليها بعد حل مؤسسة النيل الأبيض الزراعية لصالح شركتهم البقت عائلية وغشوا المزارعين وأخدوا منهم أرضهم ومجهودهم ونهاية الموسم ييدوك شوالين تلاتة قمح وتفترتك ، ويكنزوا الذهب والفضة ثم في النهاية باعوها ووزعوا قروشها ،، إنت وين يا حبيب ومال قايلين لافساد بس هو المخصصات المليارية والمتيازات والتجنيب ،،،لا لا فقد شمل كل شئ شئ وكل شخص من حيث يدري ولا يدري ،، والله غالب على أمره وهو لاقادر أن يحلنا منهم ويرد كيدهم في نحرهم،،،


#1382162 [المعتصم]
3.00/5 (2 صوت)

12-08-2015 07:06 PM
تاني المغتربين يدخلوا مع الحكومة في إستثمارات ؟ ماذا وجدوا من مشروع سندس. قطع الاراضي أين وصلت. ماذا قدم الجهاز من إعفاءات للمغترب . أبسط الخدمات - تأشيرة الخروج تحتاج لاسبوع حتى تتم مع الشبكة طاشة. حقو المسئولين يخلوا عندهم شوية أمانة

[المعتصم]

#1382139 [دردوق]
4.50/5 (4 صوت)

12-08-2015 06:26 PM
سوار : الاقتصاد المهاجر يمثل نسبة ثلاثين بالمائة من مصادر العملات الأجنبية بالبلاد





بالله الاقتصاد زاتوووو هاجر ! سبحان الله !! ده الزول الوحيد المفروض

لو جابوو ليهوو لوتري ما يهاجر و يسيب البلد !هعع !

[دردوق]

#1382104 [هشام علي]
2.00/5 (1 صوت)

12-08-2015 04:49 PM
خلاص الحكومة كملت المواطن الداخل اتجهة علي المغتربيين كان الله في عون المغتربيين 000الكيزان الله ينتقم منكم في الدنيا قبل الاخره

[هشام علي]

#1382072 [ديك الجن]
3.00/5 (1 صوت)

12-08-2015 04:11 PM
بس عايزين فلوس المغترب... ولا مرة بالغلط ما بتفكروا تقدموا ليهو خدمات أو منافع أو حوافز ولا حتى تسهيل إجراءات دخوله وخروجه، عشان كدا حكاية تلغفوا فلوسه دى تانى ما بتلقوها ( إذا خدعتنى مرة فهذا عيب عليك أما إذا خدعتنى مرتين فذلك عيب على)وكفاية الإسطوانة دى يكفى نهبكم لكل ثروات ومقدرات البلد.

[ديك الجن]

#1382067 [اب ذرد]
3.00/5 (1 صوت)

12-08-2015 03:55 PM
ن جهته أشاد السفير حاج ماجد محمد السوار الأمين العام لجهاز المغتربين بالطفرة الكبيرة التي شهدتها المفوضية في إجراءات العمل عبر نافذة واحدة بما يسهم في تقديم أفضل الطيارات للمستثمرين وتبسيط الإجراءات لهم ، ودعا سوار خلال مراسم توقيع المذكرة السودانيين بالخارج إلى استثمار رؤوس أموالهم بالداخل لما يتمتع به قطاع الاستثمار الوطني من فرص وميزات أفضل من الدول الأخرى مثمنا في ذات الاتجاه جهود المغتربين وأدوارهم المستمرة في قطاعات التنمية بالبلاد
افضل الطيارات فعلا فى قلوبكم ظهر
ههههههههههههههههههههههههههههههههههههه
استثمار قال قوموا لفوا

[اب ذرد]

#1382062 [عبدو]
3.00/5 (1 صوت)

12-08-2015 03:40 PM
((تفعيل الاقتصاد المهاجر مبينا أنه يمثل نسبة ثلاثين بالمائة من مصادر العملات الأجنبية))
سبحان الله .. من وين جات الثلاثين في الميه دي ، وكل المغتربين بحولوا قروشم بالسوق الاسود ))

[عبدو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة