الأخبار
أخبار إقليمية
إدانة مزور شهادات جامعية لدبلوماسي وزوجته بالخرطوم
إدانة مزور شهادات جامعية لدبلوماسي وزوجته بالخرطوم



12-09-2015 04:02 PM
الخرطوم: فوزية ضحية
أدانت محكمة جنايات الخرطوم وسط متهماً قام بتزوير شهادتين جامعيتين صادرتين عن جامعة الخرطوم لدبلوماسي وزوجته يعمل بإحدى سفارات الدول العربية بالخرطوم، كما حملت الشهادات المزورة توقيعات التعليم العالي والخارجية، وأمرت المحكمة بالسجن لمدة عام في مواجهة المتهم، ورأت المحكمة أن المتهم أكد قيامه بتزوير الشهادات موضوع البلاغ، وبرأت المحكمة «5» متهمين آخرين لعدم كفاية الأدلة.
تفاصيل جديدة حول مقتل مواطن بالفاشر في الشارع العام
بحري: هاجر عبدالرحمن
أغلقت المحكمة الخاصة بجرائم دارفوار أمام هيئة المحكمة العليا قضية الاتهام حول مقتل رجل بالفاشر في الشارع العام جوار المسجد، وجهت النيابة الاتهام فيها لعشرة متهمين بينهم امرأة وتعود التفاصيل حيث افاد الشاهد الاول بأنه ذهب لمنزل المجني عليه ليلة الحادثة يطلبه بدين له وإعطائه جزءاً منه واثناء ذلك اتصل عليه المتهم الرابع وطلب منه الحضور لمنزله لاكمال بقية المبلغ وذهب له وجد معه المتهم التاسع والاول وسلمه بقية المبلغ وفي صباح اليوم الثاني سمع بالحادثة وبينما افاد المتحري الثالث عند اعادة استجوابه انهم قاموا بالكشف عن محادثات تمت بين المتهمين قبل وبعد الحادثة، وتم تقديم مسنتدات تعضد الاتهام.


الانتباهة


تعليقات 9 | إهداء 0 | زيارات 6619

التعليقات
#1383222 [ود التوم]
5.00/5 (1 صوت)

12-10-2015 04:27 PM
ياخوانا انتو عينكم للفيل وتطعنوالشهادات المزوره فى زمن الانقاذ شى عادى كل من هب ودبا صار دكتور ولا برف بس تدفع وتختار الجامعه وكلامى ده حقيقه اسالو الصحفى العمل تحقيق فى موضوع الشهادات الجامعيه وكان خافى نفسه وفى مقابله مع المزورين عرف الشهاده وسعرها وطلبك فى الاختيار اى جامعه وكله بحقو ويقول الصحفى المزوراتى عنده شهادات بعض الجامعات جاهذه وفى الحال اما بعض الجمعات تحتاج ان انتظار يوم او يومين وشهادات اصليه من داخل الجامعه مختومه بس الزول التمسك ده عديم حظ وراح ضحيه التذوير صار بلكوم فى زمن المشروع الحضارى البلد داريره شك وتوزيع من جديد

[ود التوم]

#1383139 [Mat zman]
0.00/5 (0 صوت)

12-10-2015 01:21 PM
دبلوماسي يتعامل مع التزوير هو وزوجته ،إذن هو غير أمين وحرامي اكتبوا الأسامي ودعونا من الستر والكلام الفارغ أنتم تشجعون الاجرام مره بالتحلل ومره بالستر من هذا الدبلوماسي ومن هي زوجته تجده من وجهاء المجتمع الذي يقوم علي الباطل فهو باطل
بس كده دبلوماسي وزوجته بدون معرفة من هم ، الموضوع فيهو كلام والكلام فيهو كلام الخ...........

[Mat zman]

#1382990 [أسامة]
0.00/5 (0 صوت)

12-10-2015 09:42 AM
الخبر الصحيح هـو : ــ
أدانت محكمة جنايات الخرطوم وسط متهماً قام بتزوير شهادتين جامعيتين صادرتين عن جامعة الخرطوم لدبلوماسي وزوجته يعمل بإحدى سفارات الدول الخليجــــــــــــية بالخرطوم.

[أسامة]

#1382888 [الوجيع]
0.00/5 (0 صوت)

12-10-2015 06:45 AM
واين الشركاء الاخرين فى ادارة التعليم العالى ووزارة الخارجية والجامعة نفسها والمفترض يكونوا متهمين اساسيين فى القضية ويا حليلك يا جميلة ومستحيلة والقضية ليست قضية تزوير عادية بل تزوير ارادة وتشوية لسيرة حافظت على طهارتها وسمعتها الطيبة بين جامعات العالم وتعداها التشويه الى صورة امة باكملها وذى كلها تساوى سنة واحدة سجن وحتى سمعتنا بقت ما بتهمنا .والحقيقة ان مثل هذه الاحكام لا تردع احدا بل تشجع على مزيد من التعدى على حقوق المجتمع والمفروض فى الحكم القضائى ان يكون عظة وعبرة للاخرين وليست العقوبة فى حد ذاتها هدفابقدرما هى رادع لمن تسول له نفسه ولا يستقيم الظل والعود اعوج .

[الوجيع]

#1382795 [Ema]
0.00/5 (0 صوت)

12-09-2015 09:14 PM
الدبلوماسى ما سودانى عربى ممثل لى بلدو ........تلقا دفع تقييل

[Ema]

#1382764 [جزيري]
0.00/5 (0 صوت)

12-09-2015 08:15 PM
الشي المعهود انو الدبلوماسي مفروض يكون انسان صادق بكل ما تحمل كلمة صادق من معاني / هل الحصانة البلوماسية تحول دون محاكمته؟؟؟؟؟؟ و لو دا حصل تكون الحصانة يحمي المجرمين

[جزيري]

#1382679 [الراجل]
5.00/5 (1 صوت)

12-09-2015 04:59 PM
اها والدبلوماس ومرتو بتاعين الشهادات المزورة عملتو ليهم شنو؟اكيد سافروا وباشروا عملهم فى السفارة نظام كيزان وكده
وخبر محكمة دارفور اكيد الصاغ الخبر يونس شلبى عشان ما بجمعش ونحن ما فهمنا حاجة

[الراجل]

ردود على الراجل
[بت قضيم] 12-10-2015 01:35 AM
اها يا (الراجل) قريت الخبر وفهمك وداك لي سفر الدبلوماسي ومرتو وكمان بأسرى عملهم في سفارة نظام الكيزان؟؟؟
فهمك تقييل اظنك،،، الخبر بقول ( متهماً قام بتزوير شهادتين جامعيتين صادرتين عن جامعة الخرطوم لدبلوماسي وزوجته يعمل بإحدى سفارات الدول العربية بالخرطوم)
يعني ما دبلوماسيين لنظام الكيزان،،، بس شغالين في سفارة بلدهم في الخرطوم،،،
فهمت؟
الواحد بس يعلق مشاتر بدون ما يفهم الموضوع،،،،، يعني نظام معارضة من اجل المعارضة بس

[ود بري] 12-09-2015 08:56 PM
والله حرام عليك ياخ...ظلمت المرحوم يونس شلبي.


#1382672 [صلاح تاور]
0.00/5 (0 صوت)

12-09-2015 04:46 PM
يا اخوانا مطعم منقويا حي البستة امدرمان شغال والا قفلوهو؟؟؟

[صلاح تاور]

ردود على صلاح تاور
[الدامبيري] 12-10-2015 09:29 PM
الافتتاح بكرة يا تاور


#1382667 [أبو السمح]
0.00/5 (0 صوت)

12-09-2015 04:36 PM
نفهم انو اول اشتغل دبلوماسي و بعدين احتاج الشهادة الجامعية و قام بالتزوير
ليه لزوم الشهادة طالما اشتغل و كمان دبلوماسي حتة واحدة
الزوجة كان يكفيها شهادة ثانوي عام و تكون مديرة منزل السفير
( عالم الإنقاذ عجيب يحير الشيطان زاتو )

[أبو السمح]

ردود على أبو السمح
[أبو الشين] 12-10-2015 01:38 AM
يازول قول بِسْم الله ،،، الدبلوماسي وزوجتو ما تابعين لي الانقاذ،،،،
الدبلوماسي وزوجته يعمل بإحدى سفارات الدول العربية بالخرطوم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة