الأخبار
أخبار إقليمية
الناس في شنو؟ صورة
الناس في شنو؟ صورة
  الناس في شنو؟  صورة


12-10-2015 09:58 AM
بسم الله الرحمن الرحيم

سهير عبد الرحيم


بينما تكتظ الميادين بالمواطنين وهم يبحثون عن بارقة أمل في الحصول على اسطوانة غاز، حتى ولو كانت نصف ممتلئة وحتى لو وصل سعرها عشرة دولارات (تعريف السعر بالدولار تماشياً مع سيطرته)، وبينما يصعد الدولار نفسه يومياً وهو يطأ بأقدامه على ظهر الجنيه المنحني.

وبينما يطالب وزير المالية برفع الدعم عن الكهرباء والمواد البترولية والقمح و..و..، وبينما يكثر الحديث عن السكر الملوث، وبينما تتوقع وزارة الصناعة أن يصل العجز في السكر إلى (595) طناً مع تلوثه هذا، بمعنى أنه ملوث وغير موجود.

وبينما تتصدر أخبار حاويات المخدرات وخراطيش الهيدروليك المعبأة بحبوب الكبتاجون الأخبار يومياً.

وبينما، وبينما... بين كل هذه الأحداث المؤسفة والأخبار المحبطة، تطل علينا أجهزة الإعلام بخبر يفيد لقاء جمع الترابي وعلي عثمان محمد طه في مناسبة زواج.

إذا التقى الترابي وطه... ثم ماذا بعد؟!

ماذا نستفيد نحن من لقائهما أو مقاطعتهما؟ وماذا جنى الوطن والمواطن من الرجلين؟ وما هي ثمرة اتحادهما غير أفشل ثورة تمر بتاريخ البلاد؟ وماذا جنينا من انفصالهما غير تأجيج نيران الحروب وتفريخ الحركات المسلحة؟

هاتان الشخصيتان هما ركنان أساسيان في أزمة الوطن، وهما شخصيتان ينطبق عليهما القول (نوم الظالم عبادة)، فلو استمتعا بقيلولة أو حتى نومة مثل نومة أهل الكهف لانصلح حال البلاد والعباد.

إني أتمنّى أن أفهم ماذا جنينا من فائدة من هذين الرجلين وأفكارهما ومشاريعهما والتي جعلت الشعب السوداني كله داخل قفص مثل فئران التجارب؟

وما هي الفائدة المُنتظرة من مصافحتهما أو عناقهما أو خصامهما غير المزيد من الفشل والتردي في كل شيء؟

كان الله في عون المواطن المغلوب على أمره والذي يرزح من صفوف إلى صفوف في انتظار نتيجة مصافحة الترابي وعلي عثمان، وانتظار انقلاب الاتحاديين على الميرغني أو الإبقاء عليه، أو تنصيب وتوريث مريم الصادق أو شقيقها الفتى المدلل في القصر.

خارج السور :

الصورة الوحيدة التي نتمنى أن نشاهدها ليست مصافحة الترابي وطه، ولكننا نتمنى مشاهدة جميع قيادات الحكومة وزعماء المعارضة في حفرة من (الرمال المتحركة) ، وأن يقف الشعب السوداني على مقربة منهم يحتسي نخب (وحلهم) ولا يمد لهم عصا النجاة إلا لإغراقهم في رمال متحركة أخرى.



*نقلا عن السوداني

image


تعليقات 22 | إهداء 0 | زيارات 7478

التعليقات
#1383316 [جمال]
2.50/5 (2 صوت)

12-10-2015 09:03 PM
نحن بنحبك يا سوسو بنخاف عليك من المافيا ديل يلحقوق محمد احمد الله يستر عليك ويحفظك

[جمال]

#1383246 [truth]
2.50/5 (2 صوت)

12-10-2015 06:22 PM
.

[truth]

#1383239 [الطريفى الفارق جملة]
2.50/5 (2 صوت)

12-10-2015 05:39 PM
لا لالالا ولد دا ..لكن يابتنا ماقلبتى الهوبة,,مقال يجب ماقبلة

[الطريفى الفارق جملة]

#1383203 [ابشنب]
2.50/5 (3 صوت)

12-10-2015 03:38 PM
سهير ...... لا يغير الله ما بقوم حتى يغيروا ما بانفسهم

[ابشنب]

#1383170 [احمد]
2.69/5 (6 صوت)

12-10-2015 02:08 PM
اصبحت لانعبأ بمثل هذه الاخبار ..لقاء الترابى وعلى, الحوار الوطنى ,7زايد7 ,الوثبة,مفاوضات الحكومه والحركات ...الخ) كلو كلام فارغ
برافو سهير

[احمد]

#1383162 [برعي]
4.25/5 (4 صوت)

12-10-2015 01:59 PM
اعوذ بالله منهما الاثنين ،

[برعي]

#1383156 [عبدالله احمد محمد]
2.75/5 (4 صوت)

12-10-2015 01:46 PM
صدقتى نوم الظالم عبادة .... اللهم لا تلمهم تانى اللمة الثانية دى اذا نجحت على سوداننا السلام

[عبدالله احمد محمد]

#1383148 [ابوكدوك]
3.83/5 (14 صوت)

12-10-2015 01:32 PM
شتان ما بين الثرى والثريا !!

بين الصوره اعلاه .. !! والصوره ادناه ؟؟
.
بين خدود الورود ، واصحاب الاخدود ، !! ؟ .

وخميسمكم فله يالحلوين

امممموا ..

الليله عندنا طرب بتاع ناس جيرانا معزومين عشان كده مبسوط شديد !!

امس كان فى حفله ،والليله برررضو حفله،امس والله كان شفتو الناس دى حتت النبك ،

والفقس ،والغبار ده فوووق وصل السماء ، ااى لازم الناس تفرق حبه نسوى شنو عاد لكن

والسلام عليكم ورحمة الله وبركاته ..

[ابوكدوك]

ردود على ابوكدوك
[الكلس] 12-11-2015 08:44 PM
شد حيلك شوي آآجنا -- عفو دة كلام شنو البتو فيهو دة

European Union [دردوق] 12-10-2015 05:09 PM
ههههههه ان شاءالله دايما مبسووووط


#1383140 [الفطقي]
3.57/5 (6 صوت)

12-10-2015 01:24 PM
لا حول ولا قوة إلا بالله .. قال تعالي "وجوه ترهقها غترة" بالله عليكم هل رأي أحدكم علامة واضحة أكثر من هذه الوجوه التي تتوشح بالسواد؟؟!!! شوفو الراجل الإسمو علي عثمان وفرق اللون بين وجهه ويديه!!!! سبحان الله سبحان الله
وبالمناسبة لو الصورة هي عقد القران فإن هذا العقد بااااااااطل لأن مأذونه باطل

[الفطقي]

ردود على الفطقي
[خالد] 12-10-2015 03:24 PM
ترهقها قترة وليس غترة يا الفطقي


#1383126 [الكاره للعنصرية]
4.75/5 (5 صوت)

12-10-2015 01:05 PM
هذان الشخصان هما أس بلاء السودان حقيقة وبالذات الترابي هذا الثعلب العجوز

[الكاره للعنصرية]

#1383116 [حسام تومابى]
4.50/5 (4 صوت)

12-10-2015 12:53 PM
وهما شخصيتان ينطبق عليهما القول (نوم الظالم عبادة)، فلو استمتعا بقيلولة أو حتى نومة مثل نومة أهل الكهف لانصلح حال البلاد والعباد.

اللة يفتح عليكى

[حسام تومابى]

#1383101 [ابراهيم]
4.57/5 (6 صوت)

12-10-2015 12:25 PM
حريقة تحرقهم ياخى
بى جاز وسخان

[ابراهيم]

#1383100 [الوليد ابراهيم عبدالقادر]
4.50/5 (5 صوت)

12-10-2015 12:25 PM
آآآآآآمين يا رب العالمين

[الوليد ابراهيم عبدالقادر]

#1383090 [زول]
4.47/5 (7 صوت)

12-10-2015 12:04 PM
ده خلوه يتنشر كيف ؟؟؟؟؟؟؟
يديك العافيه سهير
ديل إن شاء الله ب ريح صرصر عاتيه ...

[زول]

#1383080 [ابوشنب]
4.50/5 (6 صوت)

12-10-2015 11:51 AM
عسيل والله , الله يديك العافية

[ابوشنب]

#1383078 [حاج علي]
4.00/5 (5 صوت)

12-10-2015 11:47 AM
مقال قوي يا اخت سهير
سوف نسحلهما ونبول علي جسديهما عما قريب

[حاج علي]

#1383076 [jafar]
4.47/5 (8 صوت)

12-10-2015 11:45 AM
والله يا سوسو انت المرة دى تستاهل التحية لك وقوفا وأنا أها وقفت ليك احييك تحية خاصة.. بالله عليكى عندك الحاجات الحلوة دى كلها أمال ليكى شهور بتحرقى فى دمنا بمواضيع هامشية لا لا لا انت المرة دى نجمة الراكوبة دون منازع .. ايوه كده انكشى لينا المواضيع المكنكشانه دى وبالذات فى على عثمان دا العامل زي فار البيت الما عايز يمشى فى ستين داهية

[jafar]

#1383072 [كان زمان]
4.50/5 (6 صوت)

12-10-2015 11:38 AM
يعيشك - باللهجة التونسية.

[كان زمان]

ردود على كان زمان
[شليل] 12-10-2015 02:04 PM
برشاااااااا برشااااااا


#1383043 [سودانية]
4.69/5 (7 صوت)

12-10-2015 11:08 AM
هههه ياختي الترابي وطه لما يتلاقوا ويتصافحو وتقالدو بكونوا عايزين يرسلو لفئران التجارب جوة اليلد رسالة مفادها
(رحم الله امرء اراهم اليوم من نفسه قوة)
افهموها مالكم بقيتو غبيانين زيهم
جماعتك راقدين سلطة ...
السيناريو تعبان ياشيخ والاخراج منتهي
كلاكيت تاني مرة

[سودانية]

#1383031 [تفتيحة لمن فضيحة]
4.69/5 (7 صوت)

12-10-2015 10:43 AM
ياجماعة مافي طريقة تغيرو لينا ال Fear files دي ؟ لانو حانشوفو بكرة وبعد بكرة في ذي ألوان!!

[تفتيحة لمن فضيحة]

#1383026 [.عوض الله]
4.38/5 (7 صوت)

12-10-2015 10:40 AM
انت بنت ضكرانة . انها الحقيقة التى لامراء فيها

[.عوض الله]

#1383016 [سوداني]
4.78/5 (8 صوت)

12-10-2015 10:24 AM
لو لم تكتبي غير هذا المقال لكان كافيا
شكرا بنت عبد الرحيم

[سوداني]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة