الأخبار
أخبار إقليمية
نافذون بوزراة النفط يسجلون شركة بدولة الامارات لمنفعتهم الشخصية بقيمة 400 ألف درهم
نافذون بوزراة النفط يسجلون شركة بدولة الامارات لمنفعتهم الشخصية بقيمة 400 ألف درهم
نافذون بوزراة النفط يسجلون شركة بدولة الامارات لمنفعتهم الشخصية بقيمة 400 ألف درهم


شاهد الوثيقة
12-13-2015 04:28 PM
الراكوبة قام نافذون في وزارة النفط بتسجيل شركة لمنفعتهم الخاصة بمبلغ 400 ألف درهم أماراتي وذلك بغرض العمل في مجالات النفط بالسودان والاستفادة من علاقاتهم الشخصيه لتأمين العقود والعطاءات لها. ووفقاً لرواية مصدر موثوق للراكوبه ان الامر افتضح عندما قام وزير النفط السابق باكتشاف الواقعه , وأن الشركة تم انشاؤها بأموال الدولة ولم يدفع المساهمون من أموالهم الخاصه, وأضاف المصدر بأن ملاك الشركة هم عوض الكريم محمد خير أمين عام وزارة النفط , وعاطف مصطفى أبشر مدير عام شركة أساور سابقاً ومدير مكتب عوض الجاز الاسبق , ويشغل حالياً منصب مدير شركة النيل الازرق للبترول , ومحمد صالح عثمان مدير سودابت السابق , وحسين محمد عبدالشافي رئيس حسابات وزارة النفط.
هذا وبعد افتضاح أمرهم أقر مالكو الشركة بالواقعة وسجلوا ذلك كتابةً واتخذت بعض الاجراءات في حينها , وبناء على ذلك تم الاتفاق على ارجاع الاموال والغاء تسجيل الشركة , ولكن انتقال الوزير الى مكان آخر حال دون اتمام الامر.


تعليقات 40 | إهداء 0 | زيارات 18979

التعليقات
#1386255 [نمر]
0.00/5 (0 صوت)

12-16-2015 08:52 PM
أسرق و ( تحّلل ) .. انت في أمان .. أطمئن انت في سودان (الإنقاذ) !!!
الفضل يرجع لهذا القانون المعطوب الذي أحّل الفساد و السرقة والنهب و أكل السُحت و نهب المال العام .
شفتوا دولة زي دي ؟؟
شفتوا دين زي ده ؟؟

[نمر]

#1386060 [Fakey]
0.00/5 (0 صوت)

12-16-2015 01:07 PM
ههههههههه
هههههههههههه
هههههههههههههه
شر البيلية ما يضحك نتمني من الله ان يعذبكم في قبوركم

[Fakey]

#1385446 [الكردفاني العديييييييييييييييييييييل]
4.00/5 (1 صوت)

12-15-2015 03:13 PM
وين الرقاص ..... الاصلا .... ما شايف فساد...... سوف jسأل عن النقير والقطمير ...... حينها لن تنفعك ..... العصابات المؤتلفة الى حين ...

[الكردفاني العديييييييييييييييييييييل]

#1385425 [كلام مليان]
4.00/5 (1 صوت)

12-15-2015 02:27 PM
ههههههههه
هههههههههههه
هههههههههههههه
شر البيلية ما يضحك
وزي ما قالوا الإختشوا ماتوا
ديل لا بيختشوا ولا بموتوا
ونحن زي الجمل ( الشعب ) الكلب ( الكيزان ) ينبح ( ينهب ) والجمل ماشى ( فقرانين وجعانين )
والله يكضب الشينه

[كلام مليان]

#1385394 [اسكدتندي]
0.00/5 (0 صوت)

12-15-2015 01:23 PM
حرامية بس وعلى عينك يا تاجر

[اسكدتندي]

#1385039 [متسكع]
1.00/5 (2 صوت)

12-14-2015 11:19 PM
حكي طبيب ان احد معارفه يعمل في بنك
السودان مرتع الفساد في السودان
حينما تاتي بعتة الامم المتحدة وكان
علي راس هذا الفريق الاممي باكستاني
يقول لة زرت عددا من الدول المشهورة
بالفساد ولكن لم اجد افسد من بلادكم
كانوا يحولون الصفر الي ثلاثة اصفار
قال له Big corruption

[متسكع]

#1384971 [QUICKLY]
5.00/5 (2 صوت)

12-14-2015 07:58 PM
خبر زي دا من كثُره ما عاد يؤثر فينا
انوفنا من كثر عفن مؤخرات الاسلاميين اصبحت لا تشم تعودنا عليها وخلاص

متى يستفيق هذا الشعب من غفلته متى يستفيق هذا الوحش من غفوته!!

[QUICKLY]

#1384963 [مجدي علي]
4.88/5 (4 صوت)

12-14-2015 07:36 PM
عندما تقوم اخلاق سلطة حاكمة على السرقة والفساد ، ودون أن يرف لها جفن ، ودون حياء ، فإن ذلك السلوك سيتسرب ويعم ليشمل المجتمع وتسود أخلاق السرقة ويختلط أمر الحق العام والخاص ، وتتحطم أهم قيَّم الانسان ألا وهي الشرف وتتبعها قيَّم أخرى مثل الكرامة والتي لا تنفصل عن قيَّم الحق والحرية والعدالة والأمان !

فالسلطة ليست ممارسة حكم وترسيخ مباديء خاصة بتنظيم أو جماعة بحيث يكون الاهتمام بالتنظيم والجماعة هو الأصل ، بقدر ما هو منبع من منابع تعميم القيَّم المقترنة بالعمل (بيان بالعمل) أي اقتران الشعارات مع الواقع التنفيذي والذي ينعكس على المجتمع ، فالمشكلة الحقيقية لأولئك الذين يرفعون شعارات الاسلام السمحة هي أنهم يدورون حول الحلقة دونما ارتياد لأعماقها .. يهتمون بالإطار الذي حول الصورة دونما الاهتمام بالصورة داخل الإطار ... أو كالذي يلبس جلبابا نظيفا بينما يئن جسمه من مرارات تراكم الأوساخ التي لم يعبأ يوما بازالتها وتطهيرها قبل الدخول في ذلك الجلباب الأبيض النظيف .... اللهمّ إنَّا نسألك بمعاقد العز من عرشك وبمنتهى الرحمة من كتابك أن تعطنا رزقا حلالا طيبا يا طالبا غير مطلوب وياغالبا غير مغلوب .. واهدنا للصراط المستقيم ... إنك أنت المُستعان على كل أمر ...
هؤلاء قوم لو وصفناهم بالمفسدين ، فذلك نقطة في محيط حقيقتهم التي أودت بنا لما نحن فيه .... ولا حول ولا قوة إلا بالله

[مجدي علي]

#1384956 [زول مهم]
5.00/5 (2 صوت)

12-14-2015 07:25 PM
و ماذا عن شركة اساور نفسها و هي مسجلة في دبي ايضا و باسم مديرها السابق و اسمه غاندي في عهد الوزير الزبير و تحت رعايته و دي برضو حا يكون نهايتها زي القبالها

[زول مهم]

#1384919 [عباس]
4.75/5 (3 صوت)

12-14-2015 06:02 PM
قال لي وهو يفرك كلتا يديه...
وجدتها وجدتها...
وجدت شنو يا زول...

عارف الكيزان ديل تبحروا في العلم والدين..ووصلوا إلي قناعة تامة أنو ما في أخره ولا حساب ولا عقاب ولا يحزنون...دنيا بس الغفو منها قبال تموتوا...

قلت له طيب ما يكلمونا...

قال لي...

أحا.. عشان بكلموك أمال تعرفهم كيزان كيف ديل الحسد جاري في دمهم..
لم أملك إلا أن أقول..
أعوذ بالله..

[عباس]

ردود على عباس
[Engineer] 12-15-2015 10:27 AM
خطييير يا عباس!


#1384874 [أحمد صالح]
4.50/5 (3 صوت)

12-14-2015 03:18 PM
عاطف مصطفى أبشر من أقرباء عوض الجاز وكان يعمل مدير لمكتبه عندما كان وزير للنفط وقبل أن يترك الوزارة عينه مدير لشركة النيل الأزرق للجيوفيزياء (BGC )التابعة لسودابت وهو ليس جيوفيزيائي ولا جيولوجي. الأخطر من هذا تم تكوين عشرات الشركات تعمل في خدمات البترول وجمكيعها يمتلكها أعضاء المؤتمر الوطني وأبنائهم مثل شركة أبن عوض الجاز وأبن د. عمر محمد خير الأمين العام لوزارة البترول سابقا والصف طويل ....

[أحمد صالح]

ردود على أحمد صالح
[الطريفي] 12-16-2015 10:32 AM
عاطف مصطفي ابشر ليس من اقرباء عوض الجاز بل كان سكرتيرا ثالثا ام ثانيا لا اذكر ولم يصل مرحلة مدير مكتب حتي منذ ان كان وزيرا للتجارة وهو خريج الهند وقد نشأ في الثورة الحارة الخامسة وليس من اسرة غنية ليمتلك هذه الاموال بل هبطت عليه هذه الثروة بعد عمله بالوزارة مثله مثل الكثيرين ممن شغلوا هذه المناصب . وكبج يتساءل عن اين ذهبت اموال البترول؟

European Union [كسار الثلج] 12-14-2015 06:54 PM
و كمان عوض الجاز طلع عندو أقرباء وأهل. يا للعجب.


#1384855 [مدحت عروة]
0.00/5 (0 صوت)

12-14-2015 02:26 PM
عليكم الله قارنوا بين فساد الديمقراطية وفساد الانقاذ وناس الانقاذ قالوا جو عشان يقضوا على الفساد ويحافظوا على وحدة السودان واصلاح الحال والعلاقات الخارجية!!!
كسرة:والله حقوا المعارضة تطبع بيان الانقاذ او الكيزان الاول وتوزعه على الشعب!!!
هل تمانع اجهزة الامن من توزيع بيان الانقاذ الاول؟؟؟
عشان الشعب يشوف ماذا حقق الاسلامويون من اجندة بيانهم الاول خلال اكثر من 26 سنة؟؟؟؟؟
الله يرحم القيادى الكوز نسيت اسمه القال والله اننى اختشى ان ادعو احد احفادى لينضم او يصبح حركة اسلامية ويبدو انه تاب قبل الممات والله اعلم به!!!
الواحد ما بينسى اسماء مثل المحجوب ومبارك زروق والازهرى ويحيى الفضلى وعبد الجواد والامير نقد الله والصادق المهدى وجون قرنق مثالا لا حصرا لكن بعد شوية ح ننسى اسماء مثل الترابى وعلى عثمان وهلم جرا!!!
بالله عليكم الله ناس يستلموا بلد مليون ميل مربع بى حلايبه وحركة تمرد واحدة يبهدلوه مثل تلك البهدلة تمزيق وعشرات الحركات المسلحة وليهم اكتر من 26 سنة فى الحكم؟؟؟
اعوذ بالله زى ما بيقول شبونة!!ديل رضعوا من ثدى حركة المدعوان حسن البنا الساعاتى وسيد قطب المسموم ولم يرضعوا من ثدى وطنهم السودان وانحنا مالنا ومال الكيزان والقومية العربية ما نبقى قومية سودانية زى ما الامريكان بقوا قومية او امة امريكية ونتعامل حسب مصالحنا مع اى دولة فى العالم تحترمنا ولا تعتدى علينا حسب المصالح المشتركة؟؟؟؟كنا نكون امة قوية حرة ديمقراطية نقود ولا ننقاد ونصبح نجما فى افريقيا بدل ما بقينا حثالة وزبالة باضاعتنا لهويتنا ونظامنا الديمقراطى لكن ارى نور الفجر قريب وسننهض باذن الله!!

[مدحت عروة]

ردود على مدحت عروة
[وحيد] 12-16-2015 04:01 PM
ورد ذكر الصادق المهدي مع السياسيين الشرفاء الذين حكموا السودان ايام الديمقراطية، و مهما كان اختلافنا في طريقة حكمه الا ان لا احد يشكك في نزاهته

[ابومحمد] 12-15-2015 02:43 PM
تعليقك جميل الاخ مدحت بس ليه دخلت الصادق المهدي مع الاسماءالتي لا تنسى؟الصادق لايهمه غير مصلحته الشخصيه فقط وهو من الذين اضاعوا السودان ومازالوا يصنعون فيه الفوضى السياسية وعدم الاستقرار السياسي والامني...

تقبل تحياتي

[Alhaj Alsedique] 12-15-2015 11:22 AM
المرحوم يس عمر الامام كوز نظيف الله يرحمه


#1384825 [همام]
5.00/5 (1 صوت)

12-14-2015 01:10 PM
ما ذال الفساد مستمر الى يكتب الله السلام من كل تلك بلاوى السودان ياناس الخلصاء ارفعوا ايديكم للواحد الاحد فى صلواتكم وعند يستجاب الدوعاءوهو دعوات الشعب المظلوب عن يزيل البلاء عن السوان من المفسين والظلمة.............. الخ .

[همام]

#1384821 [Ahmed]
0.00/5 (0 صوت)

12-14-2015 01:04 PM
يخوانا ناس الحوار ديل ما يعملوا لجنة حصر الفساد والاموال المنهوبة ويتعمل توثيق بالاسماء ا كا ن افيد وانفع للشعب السودان واخير من الكلام الكتير عن الهوية والكلام الفاضي الما بتفهم ولابودي ولايجيب

[Ahmed]

#1384795 [Tag.]
5.00/5 (1 صوت)

12-14-2015 12:21 PM
حسين محمد عبدالشافي رئيس حسابات وزارة النفط.

لاحول ولا قوة الا بالله هذا الشخص كيف يصل به الحال لهذه الدرجة فى هذه الدنيا الفانيه وهو من حفظة كتاب الله وكان ايام الدراسة امام مسجد الداخلية .

[Tag.]

ردود على Tag.
[عتمني] 12-16-2015 11:24 AM
هذا هو الاستدراج

[ابومحمد] 12-15-2015 03:53 PM
كان امام مسجد الداخلية وبعد ان اعتنق الكيزانية اصبح امام الحرامية


#1384787 [فدائى]
0.00/5 (0 صوت)

12-14-2015 12:09 PM
لمن نقول ليكم الناس ديل عندهم دين جديد بتعتبروه هظار لكين الوضع مختلف لانو البوذيين قالوا الحاجات البعملوها الناس ديل فى دينهم (حرااااااااام) معناه الشغله كلها عباره عن دين جديد(ولازم نعرفوا)

[فدائى]

#1384770 [سام بخت]
3.50/5 (2 صوت)

12-14-2015 11:40 AM
ولا تنسوا غاندى معتصم وشركة اساور فى ولاية نهر النيل حيث ادعى انه وهو اوخوه عثروا على كمية كبيرة من الذهب

[سام بخت]

#1384768 [الناهه]
5.00/5 (1 صوت)

12-14-2015 11:36 AM
بشهادة منظمة الشفافيه العالميه التى يحترم الشعب السوداني تقاريرها وتعتمدها كل دول العالم ومصارفها فقد ثبت ان هؤلاء هم افسد من مشى على ظهر البسيطه ورغماء عن افتضاح امرهم الا انهم مازالوا ماضون في الفساد والافساد وكان الله في عون البلاد والعباد

[الناهه]

ردود على الناهه
[ابومرام] 12-16-2015 07:29 AM
انت بتاعت موريتانيا؟؟؟؟؟؟؟؟؟؟؟؟؟؟؟


#1384763 [الفاروق]
5.00/5 (1 صوت)

12-14-2015 11:28 AM
اذا كان الصغار سرقوا واحد من قريتنا نعلم انه ياخذ فلوس الذكاة ويتاجر بها بين القضارف والابيض يحمل الترلات بالذرة وبعد البيع يرجع الفلوس في خلال ثلاثة شهور تبلغ ارباحه اكثر من ثلاثة مليار وقبل شهر وصل السعودية بمليون ونصف المليون دولار لكي يعمل شركة

[الفاروق]

#1384737 [.ابونضال]
3.00/5 (2 صوت)

12-14-2015 10:29 AM
يبدو ان المدعي العام لا يتدخل في قضايا الفساد والمال العام الا بعد رفع الدعوى من جهة ما و عليه ارى ضرورة تكوين جسم من القانونيين الوطنيين الحادبين على مصلحة البلاد والعباد بتولي رفع دعاوي قضايا الفساد ومتابعتها نيابة عن المواطن وسيحفظ لهم التاريخ ذلك وليكن اسمه ( قانونيون ضد الفساد) .

[.ابونضال]

#1384728 [مبارك محمد الفضل - السودان]
0.00/5 (0 صوت)

12-14-2015 10:16 AM
من الزمن داك اﻻسرار الخطيرة دى مدفونة وين ؟! بعدين يا شباب اكشفوا لينا من بيت الكلاوى الحاجات الضخمة حقت على عثمان ونافع ومن على وزنهم خلونا من الجرابيع ديل ديل حيعاتين ساى

[مبارك محمد الفضل - السودان]

#1384720 [alwatani]
5.00/5 (1 صوت)

12-14-2015 09:57 AM
يناس موضوع كيزان دى شماعة مجمعوعة حرامية غشوا ابناء الوطن بموضوع عدالة الاسلام فدعموا الدوله من اجل ان ينعم المواطن لكن لمن استقر الحكم ابعدوهم جميعا
وانحصر الامر فى فئة معين وتحديدا بعض من الجعلين والشوايقة (ارزقية)وعلاقة المصاهرة وبعد بغاث الطير والررجة من الغرب والشرق وجبال النوبة واليوم كثير من الذين ى جامعات كانوا انتجية تجدهم تبوؤا مناصب عالية لان تربطهم اواصر مصاهرة وصلة دم وتحديدا بعد خروج البترول بل حتى ابناء زويهم الفى الخارج تركوا الخارج واليوم من منصب بترولى الى الاخر والذين كان بامس عاضين على الجمبرة والحركات الطالبية ابعدوا تماما بعد ماتعلموا الدرس زى زين العابدين بل زين العابدين برطع واستفاد وزوجتة من مال السحت ام الخلص تروكوا لمن رؤواواحسوا بان الفساد ات اعتزلوا العمل ولم بتحملوا اى عبئ من ازلال الشعب

وساحوا فى ارض الله الواسعة فجل الذين اليوم يهللون ويكبرون لم يكون لهم دور فى العمل الطلابى ملموس الهم الا قلة انتهازية وجل الذين يفسدون ليس بقادة عمل عام لان من مثل محتاجين لايفرط فى حقهم مثلا (غثان) مطية ابن الوالى ونسيبة
مصعب زوج بن نافع وهلم مجره حتى النسوة عملن علاقات واصبحن فى مناصب دسترية عالية فى الحركة؟ " والاغرب الواحدة اذا وجدة فتاة اكرمها الله بالحشمة ولابسة البرقع صاحت دا العاملاهة فى نفسك دا شنوا " فالاسلام بريئ من هذه الررجة
التى اساءت له وطبعت فى عقول كثير من النشاة فكرة سيئة عن سماحة الاسلام
ودى ظاهرة فى المؤسسات العامة والخاصة تجد مجمعة ارزلية تربطهم نسب ومصاهر وجعلوا منها اقطاعية حتى السلام عندهم خشم بيوت "هل هذا هو الاسلام ؟"

[alwatani]

#1384715 [التلب]
0.00/5 (0 صوت)

12-14-2015 09:49 AM
والله انا حقيقة محتار جدا فى الجماعه ديل ... الواحد فيهم مايخاف انو ممكن ولو بنسبة واحد فى الميه ممكن يتكشف .. وحتى لو اتكشف وما عملوا ليه حاجة يعنى هو عارف انو النظام ومنسوبيه كلهم فاسدين ومافى زول حيقدر يسأله .. ماب يخاف انو اهله واوﻻده واسرته والجيران وناس البلد يعرفوه انو حرامى ؟؟ وكيف يمشى المناسبات اﻻجتماعيه ويكون شعوره شنو اذا الناس عاينوا ليه ؟؟ وانا والله دائما أتساءل بينى وبين نفسى هل الناس اصلا حراميه ؟؟ ﻷن الحرامى مافارقه اصلا معاه ..!! والله اتمنى بس لو واحد من الجماعه ديل حتى ولو يكتب باسم مستعار يورينا وهو ساكن فى عماره ما كان يحلم بها او يركب عربيه ماكان يراها اﻻ ماشه فى الشارع وماهو شعوره وهو فى مناسبة فاتحه او عرس ؟؟
ياريت لو واحد تجرأ وكتبها فى شكل سيرة ذاتيه وتلله على اﻻقل يكون قدم للبشريه خدمة قد ﻻتقيم بثمن .

[التلب]

#1384697 [ٍSalah AL Deen P]
0.00/5 (0 صوت)

12-14-2015 09:23 AM
البشير اقصى ما يتخذه من اجراء هو تشكيل لجنة أو مفوضية لمكافحة الفساد،، وبالتالي تعيين المزيد وتكليف آخرين برواتب ومخصصات.. وتراوح اللجنة او المفوضية في مكانها لعدة سنوات.. وهكذا مكافحة الفساد ينتج عنها مزيد من اهدار المال العام.

[ٍSalah AL Deen P]

ردود على ٍSalah AL Deen P
[هدهد] 12-15-2015 07:18 AM
أما انك رجل طيب .... فاقد الشيء لا يعطيه البشير هو اساس الفساد وهو الذي علم هؤلاء القوم الفساد والسرقة فقد سرق اخوانه وزوجاته مليارات الجنيهات وعملوا الشركات والعمارات والبزنس واصبحوا بين ليلة وضحاها من اعظم اثرياء السودان . البشير جسده عريان وعورته مكشوفة فكيف تطلب منه ستر عورات الاخرين ؟؟؟؟؟ هذا هو من ضيع البلد ودمر ثروته وحكمه واخلاقيات الناس وجعل ميزانية الدولة كلها للقوات الامنية التى تحرس حكمه وملكه الذي يظن انه لا يبلى بعد ان دمر الصحة والتعليم !!!!!؟؟؟ اللعنة على البشير اولا واخيرا فهو سبب دمار الوطن المواطن


#1384670 [ابو جاكومه]
4.00/5 (3 صوت)

12-14-2015 08:41 AM
صراحة الكيزان ديل جابوا دين جديد لنج ليس له أتباع غيرهم إسمه دين السرقه والكذب والنفاق ومحو كل الأديان السماويه . لن تنعموا أبدا ولن تهنؤا بما سرقتوه سوف نرجع كل ما سرقتموه ولن نعفو عنكم ونسامحكم مهما طال الزمن

[ابو جاكومه]

ردود على ابو جاكومه
[> عثمان أحمد] 12-14-2015 03:14 PM
عاطف مصطفى أبشر من أقرباء عوض الجاز وكان يعمل مدير لمكتبه عندما كان وزير للنفط وقبل أن يترك الوزارة عينه مدير لشركة النيل الأزرق للجيوفيزياء (BGC )التابعة لسودابت وهو ليس جيوفيزيائي ولا جيولوجي. الأخطر من هذا تم تكوين عشرات الشركات تعمل في خدمات البترول وجمكيعها يمتلكها أعضاء المؤتمر الوطني وأبنائهم مثل شركة أبن عوض الجاز وأبن د. عمر محمد خير الأمين العام لوزارة البترول سابقا والصف طويل ....


#1384646 [يحىى هارون جبريل]
4.00/5 (1 صوت)

12-14-2015 08:10 AM
وبعد ده كله
فيها تحدىى
لاثبات الفساد

[يحىى هارون جبريل]

#1384637 [أبوقرجة]
4.00/5 (3 صوت)

12-14-2015 07:50 AM
دي خيانة عظمى وعقوبتها الإعدام شنقاً حتى الموت....
لكن دا كله برجع بقولها ليكم لما يتم إزالة النظام ... وقريب جداً الأمر دا..

[أبوقرجة]

#1384620 [كراكه]
5.00/5 (3 صوت)

12-14-2015 07:05 AM
بعد ده كله يقولوا ليك ما في أي دليل دي مزايدة من الناقمين على المشروع الإسلامي وربائب الشيوعيه
والله مصيبة البلد دي والكوارث الحلت بيها من تلك الفئه الضاله والمنحرفه أخلاقيا التي تدعي الإسلام.
والله لقد اذاقوا الشعب الأمرين بسبب هذا الفساد الصارخ الذي كل يوم يعبر عن نفسه، والله أصبحت مشاكل الفساد كل يوم تترى وكأن الفساد يأبى إلا أن يطل برأسه كاشفا وفاضحا لسارقي قوت الشعب وآماله.
تذكروا اخوتي أينما وجد الفساد وحل تعطلت التنميه بالمقابل

[كراكه]

#1384619 [عبدالرحيم]
5.00/5 (2 صوت)

12-14-2015 07:04 AM
يا خي خليهم يركبونا انشاء الله يكتلونا وما يخلوا فينا زول ماشي على وجه الارض؟ وين بتاع النظام الخالف ما يتكلم في الحاجات الزي دي ؟ وين كلام عمر او كمال عمر وناس قطبي وناس الدين ؟؟؟ لا حول وقوة الا بالله العلي العظيم

[عبدالرحيم]

#1384574 [SUDANESE]
5.00/5 (5 صوت)

12-14-2015 12:07 AM
الناس ديل عارفين لو قبضوهم اقصي شئ هو رد راس المال ولهف الربح-تحلل ياعمر ....ويلك من الراجيك يوم توضع في ابو شبر..
ولكن السؤال الموجه لهم الا تخافون سؤال الله؟؟؟ ماتقولوا لي دا لي زمنه..والله كريم...حركات اهلنا السودانيين..
والله هذا اليوم اقرب من مماتظنون.

[SUDANESE]

#1384568 [دقنة]
5.00/5 (5 صوت)

12-13-2015 11:37 PM
وماذا عن باقي الشركات الكآئنة في منطقة بزنس باي في دبي وبالأخص شركة صلاح قوش وشركة ريتاج المملوكة للوزير المفوض سابقاً في أساور المهندس صلاح وهبي ؟

وحسابات بنك دبي الإسلامي لجماعة الكهربة سابقاً ومصانع المنطقة الحرة في كل من جبل علي والحمرية وراس الخيمة وووووووووووووووو !!!!!!!! شي مقرف بالفعل

[دقنة]

ردود على دقنة
[فاعل خير] 12-14-2015 07:20 PM
ما تنسى المنطقة الحرة بمطار الشارقة والحمرية

[Jodat] 12-14-2015 08:39 AM
و هذا يفسر تردد زعيم العصابة في زيارات خاصة للإمارات .... حسبنا الله و نعم الوكيل ....... متى ينتفض الشعب السوداني من سباته !!!! ؟


#1384565 [فارس]
5.00/5 (3 صوت)

12-13-2015 11:27 PM
هذه نقطة من بحر الفساد،، المصيبة أن يستمر هؤلاء في وظائفهم وكأن شيئا لم يحدث.

[فارس]

#1384530 [ود أبرك]
4.35/5 (6 صوت)

12-13-2015 09:30 PM
واللة حرااااام ياعاااااالم...... ، لم يتم استرجاع المبلغ ، لانة تم نقل السيد الوزير ،لموقع آخر . مع العلم بأن الشركة قد تم تسجيلها قبل ثلاث أعوام ونيف ...!!!
بدلاً ..من التدخل الفورى للنائب العام ... لحماية أموال الشعب السودانى أى المال العام ، وتوجية التهم ،ثم محاسبة المتلاعبين بقوت الشعب السودانى .
الخوف بان الوزير الجديد ، قد حول الشركة بأسمة ولمنفعتة الخاصة ، مادام ليس هناك اى رقيب وحسيب .

[ود أبرك]

#1384515 [ابومرام]
5.00/5 (1 صوت)

12-13-2015 08:53 PM
ممكن الجماعهة ديل يتحللوا؟؟؟؟؟؟؟؟؟؟؟

[ابومرام]

#1384501 [صلاح حسن]
4.25/5 (7 صوت)

12-13-2015 08:09 PM
البلد ماشة للاسف من فساد ل فساد مع عدم وجود قانون يردع الفاسدين و وزارة العدل و النائب العام قاعدين صورة , قاعدين يتأملون فى مناظر الفساد المختلفة التى تظهر على السطح كل يوم !!

المواطن أوكل أمره لله و هو يرى أمواله تسرق و موارده تُنهب من دون ان يفعل شيئ طالما أجهزة الدولة العدلية صامتة لا تبالى كأن هذه السرقات تحدث فى كوكب عطارد , و حسبنا الله و نعم الوكيل .

[صلاح حسن]

#1384493 [زول ساي]
5.00/5 (2 صوت)

12-13-2015 07:35 PM
بلد هاملة لكن النظام اساسا هو نظام فساد ولا يهتم باموال الشعب السوداني والمضحك في الامر ان البشير يرغب في ان لا يقف احد اما الله ليقوم هؤلاء ظلموني!!! طيب الظلم امة كاملة ده يقع وين؟ هذا عقل يحتاج لتغيير جذري حتى يعرف اول الامر من اخره وتستوي الاشياء لديه وهذا عمر طويل يتجاوز مئات السنين ... فكرة الاسلامويين واحدة في كل الاحوال ولا نظن ان يهبهم الله شيئا مما نرجو من عقل وحكمة...

[زول ساي]

#1384472 [السودان الوطن الواحد]
4.38/5 (4 صوت)

12-13-2015 06:43 PM
هذه خيانة وطن وفساد فى الأرض بدون وازع دينى ولا أخلاقى مع سبق الإصرار والترصد والمتعمد والنهب والسرقة الفاضحة الواضحة بدون أدنى شعور بالوطنية أو لديهم شعرة من الأخلاق وبدون حاجة ملحة بل استغلال مواقع الدولة والمناصب ولسيت هذا بعد حتى أموال الدولة تم استغلالها بشكل بشع ينم عن شخصيات غير بشرية وغير صالحين وطفيلية من النوع الردىء فالإعدام فى مكان عام هو أنسب عقوبة وغيرها يصبح القاضى الذى سيحكم فى هذه القضية أيضا مجرم علماً بأن هناك صلاحيات للقاضى إلى ترفيع القضية إلى درجة خيانة وطنية عظمى ويحكم عليهم بالإعدام وإذا القاضى لم يفعل ذلك فهو يعد من ذمرة الفاسدين أيضا ..

[السودان الوطن الواحد]

#1384455 [محمد حمزة]
5.00/5 (5 صوت)

12-13-2015 05:58 PM
هذه قضية جاهزة للبث فيها من قِبل وزير العدل السيد عوض الحسن النور , بس ماتكون النتيجة كسابقاتها مثل قضية أراضى مكتب الوالى السابق عبدالرحمن الخضر و قضية قتل متظاهرى سبتمبر و غيرها ..

وزير العدل الحالى أحدث إحباطات كثيرة لمواطنى السودان الذين كانو يرون فيه منقذ للمال العام من تماشيح الانقاذ و يرون فيه محارباً للفساد و للمفسدين بناءً على تذكية مولانا سيف الدولة حمدنالله عبدالقادر له , تلك التذكية التى حملها المواطن محمل الجد و لكن خاب ظنههم فيه عندما رأو أحلالم تتبدد تحت عجلات قطار الفساد الزاحف و عندما تبين لهم بأنه لا إجراءآت تم فعلها فى قضايا الفساد المعروفة للجميع .

[محمد حمزة]

#1384450 [فكرى]
3.94/5 (5 صوت)

12-13-2015 05:50 PM
ياسبحان الله تكاليف التسجيل والتشغيل من (مرتبات الموظفين والنثريات والإعاشة والبدلات وتكاليف إيجارات المبانى الأصلا مملوكة لهم بالإضافة لتكلفة الخبراء والمستشاريين والنقل جميعها تخرج من المال العام جيب محمد أحمد فهم لا تغشاهم غاشية سوى الأرباح !!!

[فكرى]

#1384434 [Bdrtaha]
3.55/5 (7 صوت)

12-13-2015 04:46 PM
وبعد دا كله البشير دائر دليل للفساد طبعا هو عارف ويكون عوض الجاز شريك الكيزان نهبوا البلد وما خفي اعظم لو في سلطه جد في السودان كان جلبتهم بالانتربول لكن لكن؟؟؟؟؟؟

[Bdrtaha]

ردود على Bdrtaha
European Union [حسكنيت] 12-14-2015 03:17 PM
الأم قالت لأولادها : يا أولادى ما تباروا لى أولاد الحرام ديل
قالوا ليها إنتى أولاد الحرام ديل قايلاهم منو ؟ ما ياهم نحنا ذاتنا
الحكاية فى الرأس الكبير ذاتو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة