الأخبار
أخبار إقليمية
الكيان النوبي.. (مكاييل السلطة)..!
الكيان النوبي.. (مكاييل السلطة)..!



12-13-2015 10:33 PM
عثمان شبونة

*التكتلات البشرية يقتضيها الضرر (مع الضرورة!) بالنظر لسمعة الحكومة في تعاملها مع (المواطنين).. فإن قلنا (الرعايا) رغم صحة الكلمة؛ فكأننا نقر بأن هنالك (رعاية حقيقية!) تبديها هذه الحكومة التي ترعى (جماعتها) ومصالحها.. ولا أدل على ذلك من حلقة الظلم المطبق على رقاب الناس؛ والترقب للإحن والمحن؛ بينما تفحش (أهل السلطان) في الثراء والجور؛ يعيدون للتاريخ سير (القرامطة)..!
* الكيان النوبي (جسم) لم ينشأ من فراغ.. لقد عانى النوبيون في شمال السودان ومازالوا من جور السلاطين والأساليب المهينة لوجودهم وتاريخهم.. تنقلهم الأزمنة من حزن إلى فجيعة.. تحاصرهم (السدود) والأيام السود..!
* الكيان النوبي له قضايا مطلبية؛ التئم من أجلها مؤتمر خاص يوم الجمعة الفائت.. هي قضايا السدود؛ ثم التعدين العشوائي وما يترتب عليه من مضار صحية..! كل هذه المهلكات تئن بها الجغرافيا.. فاذا لم يتحالف الشمال مع (كيانه) تفاقمت البلوى.. ثم.. شابت الحياة (عسرة) على عسرتها القاتلة.. والحكومة التي (تعشعش) في الخرطوم تتقاصر يدها عن هذه الجهات التي اتحد عليها الضيم فأصبحت طاردة (للحياة)..!
* إن يد السلطة لا تمتد إلاّ (مؤذية) فلا استقرار يُرجى مع السدود المزمع بناؤها.. ومن سد مروي الذي تمنّعت معه الكهرباء وغاب عنه (الأمان) نأخذ العبر والدروس..! كذلك تمثل ظاهرة احتراق النخيل (المريبة) مع الطامات الأخرى هاجساً.. ليس للكيان النوبي وأهل الشمال فحسب؛ بل هي هاجس أصحاب الضمائر الحية في كل أرجاء السودان.. وليت السدود القائمة ــ على كثرتها ــ أكفت المواطن عناء الظلمة وتدمير البيئة؛ وقبل ذلك تهجير الكرماء..!
* وفقاً للزميل عبدالوهاب همت الذي رصد لموقع (الراكوبة) الالكتروني؛ أن مؤتمر الكيان النوبي الذي أقيم رغم أنف (الرقباء) اختاروا له صالة بالكلاكلة؛ إلاّ أنه وبسبب السلطات التي (تترصد) تم تحويل المؤتمر لنادي المحس بالخرطوم.
* حجة السلطات أن الكيان غير مُسجَّل لدى مسجِّل الهيئات والمنظمات..! كأن الذي يكافح ضد مصيرٍ داجنٍ وكئيب سينتظر السلطة لتقنن له المسائل عبر الأوراق الرسمية..! لو كان الكيان النوبي تابع (قـبَلي) أخرق؛ أو يحمل السلاح؛ لفـُـتحت له المعابر والمنابر..! مع العلم أن كوارث السدود وغيرها من قضايا أهل الشمال لا تختلف عن مجمل (الكوارث القومية) في أقاليم البلاد الأخرى..! أو كما قال المؤتمرون.
ــ أليس حرق (200 ألف) شجرة نخيل من المصائب الكبرى؟! علماً بأن الفاعل (مجهول!!).
ــ أليست الآثارالمدمرة لاستخدام المواد السامة من قبل شركات التعدين العشوائي تستحق عناء الكيان النوبي؟!
* من المواقف التي تمتزج بالطرافة مع المرارة ما جاء في خواتيم خبر الزميل همت: (أن أحد المشاركين ذهب للمكان الأول المعلن لعقد المؤتمر ولم يجد شخصاً هناك، فأوقفته السلطات.. سألوه عن سبب حضوره..! وبلا تردد جاءت إجابته القاطعة "أنه جاء ليشارك في المؤتمر".. فقالوا له: "غير مسموح لكم عقد المؤتمر هنا لأنكم جسم غير مسجّل ونشاطكم غير قانوني".. فما كان أمام الرجل إلاّ مباغتتهم بحجة قوية: (هي الحركة الاسلامية دي مسجلة وين.. ما ليكم 26 سنة بتعملوا مؤتمرات في زول سألكم؟؟)..!
أعوذ بالله
ــــــــــ
التغيير ــ الأحد


تعليقات 14 | إهداء 0 | زيارات 2206

التعليقات
#1385099 [Aola Tah]
0.00/5 (0 صوت)

12-15-2015 04:55 AM
احب ان اعلق علي بعض المعلقين اولا انتم انفسكم تتباهون بالحضاره النوبيه سواء رضيتم ام ابيتم اما اما حكاية السمك العفن لك الحق عارف هو عفن ليه لانه جاي من عندكم ومره بمناطقم لذا بقى عفن وبناكله ليك ليه عشان تشوف عفانتك حتي السمك اتعفن من ريحتكم اما السرطان سببه ضريبتنا ليكم عشان تعرف حاجه اسمها كهرباء ويا اخ ابوكدوك احنا ما في زول يقدر ياكل عشانه احنا وليس ضعاف لمن ياكلوا عشانه احنا احفاد ترهاقا وارجوا فبل ايشخص يتكلم عن قبيله يعمل حسابه ان لنا السن ولكن اتمني ان لا ننسي باننا سودانيين اما احنا غدارين ما بنكون هكذا لا مع الذين يستحقون ونتمني ان يدرسوا ابنائنا باللغه النوبيه هذا فخر باننا نملك لغه والنيل بيمر بمناطق عدة حتى يصل لحلفا يعني شوف عفانة السمك من وين

[Aola Tah]

#1385033 [ابو حمدي]
0.00/5 (0 صوت)

12-14-2015 11:09 PM
ياخوانا الموضوع غاية في الاهمية اتمني من اخوتنا النوبيين تناول الموضوع الاساسي وعدم الانجرار وراء تعليق اقل مايقال عنه انه ذو غرض بل عنصري

ثانيا عدم حصر النوبية في قبائل بعينها لانها تمثل امة وشعب وليس قبيلة كما تمثل نصف اي سوداني سوي تاه وراء العروبة او غيرها وفوق هذا وذاك الكل يعاني من القهر واخيرا جداد اليكتروني يشتت جهود الناس ويخلق تناحر بينهم بدل التعاضد والتناصر

[ابو حمدي]

#1384910 [البعاتي]
5.00/5 (1 صوت)

12-14-2015 05:44 PM
ود الجزيرة اهدى اليكم عيوبكم فلماذا الهجوم الغير مبرر الرجل قال في مبتدأ كلامه التالي :

" اللهم يفك محنتكم ويشفي مرضاكم ويرفع عنكم السرطان ... ههههه لكن الحكام ديل جو من وين... ثانيا انتم بين كماشتين شمالا مصر وجنوبا الكيزان كيف تتجرعون لرفع السلاح البيئة كذلك لم تخدمكم ... نعم انتم مسالمين لكن عنصريين للحقيقة ... بعدين اتحدوا مع ابناء عمومتكم نوبة الجبال والنيل الازرق ودارفور .. اتركوا عقدة العروبة والعرب. "

قال الحكام ديل جو من وين قصدو ان معظم من تقلد رئاسة الحكم من الشمالية (بمعناها الواسع) فلا تلوموا "انفسكم".

قال انتم بين كماشتين مصر شمالاً (النوبيون موجودين على جانبي الحدود) وجنوباً الكيزان ، فماهو الحل الذي يمكن ان يجده النوبيون لمكافحة ذلك؟

قال انتم مسالمين ولكن عنصريين ؟ هل هذا صحيح؟
قال مستنتجاً من السؤال الأخير بأنكم عنصريين لدرجة حتى عدم قبول العناصر القديمة في السودان مثل النوباويين والأنقسنا والدارفوريين ، فهل هذا ايضاً صحيح؟

ثم قال على الرغم من خطأ إستدلاله هنا اتركوا عقدة العروبة والعرب بمعنى أن المانع من اعترافكم بهذا العناصر القديمة هو موالاتكم للعرب من بينكم ، فهل هذا صحيح؟


ثم ضمن مقاله ضحكة نحسبها جميعا ضحكة من شر البلية التي يضحكها جميع اهل السودان من الحال الذي اصاب اطراف البلد ووسطها وليس فقط النوبيين

تحياتي

[البعاتي]

ردود على البعاتي
[ابوكدوك] 12-14-2015 11:00 PM
وانت كمان ليك التحيه الاخ البعاتى ، وللاخت سودانيه ، وتحيه من القلب للاخ ود الجزيره

وخالص الود لتعليق الاستاذ همت ، وكل الاخوه العلقوا بدون فرز

لكن صراحه بعض الاخوه ندمونى التعليق باساءتهم لبعضهم البعض انا ما مشكله عادى

لكن الاساءه بالالفاظ لبعضهم البعض بتترك اثر سلبى عالشخص ،انتقد الفكره واقنع غيرك بالمنطق لا بالتفوه بالالفاظ ..

يعلم الله ما زعلت من تعليقك لا تعليق ود الجزيره ولا اى تعليق بالعكس كلنا اخوان

لكن اللى يزعلك الاشخاص القعدو يسيئوا لبعض ويذكروا بعض القبائل بالشيئ الكعب

ربما فينا بعض العيوب تتوجب على الشخص مواجهتها وتجنبها وعدم انكارها زى ما قال

ود الجزيره لكن صدقونى الناس اخلاقا ما واحد زى مافى القبيله الفلانيه فى الكويس والكعب والعنصر ياهو نفس الشي فى النهايه بشر نحن ..

عالعموم نصيحتى للاخوه الاساءوا لبعضهم بالشتائم " كده عيب والله عيب "

ويا ود الجزيره امسحا لى فى وشى ..


#1384881 [سودانية]
5.00/5 (1 صوت)

12-14-2015 04:11 PM
النوبة ديل صاح ماشالو سلاح ودخلوا النخل لكن عندهم لسان افظع من الراجمة ذاتو ...والماعندو لسان فقري وفلسان ههههه
بعدين عندهم غتاته ولا تقية الشيعة ...كدي اقعد جنبهم وهم برطنو قسم بجلال الله تخلي الفجة ويمرقنك كرعيك
هو السودان كلو مهمش ومرحل ...ماها السمحة بس القالو مرحلة

[سودانية]

#1384880 [سودانية]
5.00/5 (1 صوت)

12-14-2015 04:10 PM
النوبة ديل صاح ماشالو سلاح ودخلوا النخل لكن عندهم لسان افظع من الراجمة ذاتو ...والماعندو لسان فقري وفلسان ههههه
بعدين عندهم غتاته ولا تقية الشيعة ...كدي اقعد جنبهم وهم برطنو قسم بجلال الله تخلي الفجة ويمرقنك كرعيك
هو السودان كلو مهمش ومرحل ...ماها السمحة بس القالو مرحلة

[سودانية]

ردود على سودانية
[ابوكدوك] 12-14-2015 09:04 PM
تعالى بس انتى نعرسك واحد مننا ، وانا متاكد راح تغير كلامك ده !!

نحن والله ناس الله ساى ، والكديس ياكل عشانا ، بس انتى وافقى ، وما تلاوزى !!


#1384872 [همت]
5.00/5 (1 صوت)

12-14-2015 03:13 PM
بسياساتها الظالمة الفاسدة، تسعى الحكومة لفصل الشمال وبقية أرجاء السودان حتى تحيل البلد إلى خمسة دويلات صغيرة لا حول لها ولا قوة. الحكومة التي تنفذ أوامر البنك الدولي والبنك الدولي هو أمريكا التي تسعى من خلال نظام البشير إلى تقسيم السودان إلى خمسة دويلات صغيرة، تجتهد في سياساتها الظالمة وعلى راسها سياسة رفع الاسعار من خلال رفع الدعم الغير موجود أصلاً حتى تسعى أقاليم السودان بعد عجز مواطنيها عن العيش الكريم تحت ظل البشير وزبانيته إلى الإنفصال...وعندها تأتيهم الحكومة بالمفاوضات التي تشمل حق تقرير المصير حتى يلحق الشمال بالجنوب ثم يلحق بهم الغرب ثم الشرق، الخ، والبشير الفاشل لا بأس بالنسبة له في يظل حاكماً ولو على جزيرة توتي فقط

[همت]

#1384857 [المؤمل خير]
0.00/5 (0 صوت)

12-14-2015 02:31 PM
يا ود الجزيرة ...أنت شوف حالك وحال مشروع الجزيرة وبعدين تعال قول لينا كيف يتحد نوبة أقصى الشمال مع نوبة أقصى الجنوب ؟

[المؤمل خير]

ردود على المؤمل خير
[الشاكوش] 12-14-2015 06:10 PM
انا نوبي ولكن لم يعجبني تعليقك... وبالمناسبة تعليقك بائس وانت لا تمثل الا نفسك لأن القضية النوبية هي قضية كبيرة وشائكة ( سدود وانعدام كهرباء واراضي زراعية تموت عطشاً وحرائق النخيل ومخاطر التنقيب عن الذهب وما يترتب عليها)...لم يتحدث الاستاذ عن الاتحاد النوبي انما تحدث عن المشاكل التى يعاني منها اهلنا في الشمال ... سؤالي لك في أي سطر طلب الاستاذ أن يتوحد النوبة ...عيب ..


#1384846 [همام]
5.00/5 (1 صوت)

12-14-2015 02:09 PM
شركة حاصور يفتك بالمواطين فى قرى الشمال يستعمل مادة السيونيد الفتاك بدل الزئبق وهو مملوك لوحد مسئول كبير فى الحكومة وضخم ثروته فى الداخل والخارج مع هذا يقواون يحضر يوميأ بالهلكوبتر فى مقر الشركة لاستلام الدهب الخالص المنتج وانتم تعرفون الكيزان المنافقين يغطون اجرامهم بعضهم ببعض الله يفرقهم بددا ويشتتهم كدقيق نثره يوم ريح ثم قالوا لهم أجمعوه.

[همام]

#1384769 [الحلفاوي]
0.00/5 (0 صوت)

12-14-2015 11:37 AM
ياود الجزيرة
مصر مين وكيزان مين الثور لو ثار ما يخاف من التتار .. انت ما سمعت عن ملوكنا بعانخي وتهارقا وحتى البنية اماني ريناس عملو شنو في المصريين والاشوريين والرومان .. نحنا احفاد ديل ولو عايزين نكتما ما بنعرف جغرافيا بنعرف تاريخ بس

الملكة أماني ريناس أو أمانجي ريناس وكان يرافق اسمها لقبي قوري وكنداكي أي الملكة والحاكم، حكمت مملكة كوش من سنة 40 قبل الميلاد الي سنة 10 ميلادية، وهي زوجة الملك النوبي ترتيقاس وانجبت منه الأمير النوبي اكينيداد، وظلت زوجة لا تحكم حتي توفي زوجها وبعدها قادت النوبة.
احبت الملكة النوبية ان تعطي رسالة الي الرومان سادة العالم في هذا الوقت بان ما حدث في مصر لا يمكن أن يحدث في النوبة واستغلت انشغال الحاكم الروماني لمصر أيليوس غالوس في حملة علي شبه الجزيرة العربية..فقادت جيشها وذهبت الي اسوان وطردت الحامية الرومانية..واستطاعت اخذ اسري رومان واخذوا تماثيل اغسطس المصنوعة من الذهب و البرونز كانت موجودة في جزيرة فيلة.

[الحلفاوي]

ردود على الحلفاوي
[محمد حسن فرح] 12-14-2015 06:34 PM
ايها الجاهل الجبان من اماني دباس وملك ترباس كدنديد من هؤلاء!!؟ طيب هؤلاء ليش انت جبان عن ذكر اسمك!؟ انت واهم وماك دخل بمن ذكرت لان هؤلاءكانوا مرويين وليسوا نوبيين وانت ربما صعيدي مندس ولا بصيلي ولا عليقي ولا تفتور


#1384656 [عدو الكيزان]
5.00/5 (2 صوت)

12-14-2015 08:27 AM
شكرا لك عزيزي شبونة فلمثلك ننحني احتراما وتقديرا لقلمك ،، وأطمأنك أن الكيان النوبي يمضي في ثبات بكل ثقة وإقتدار .. لك التحية

[عدو الكيزان]

#1384652 [wad algazera]
5.00/5 (2 صوت)

12-14-2015 08:22 AM
والله ان لم نرجع لاصولنا ولثقافتنا سوف نسلب من كل شي طال الزمن او قصر... اتحدوا مع ابناء عمومتكم نوبة الجبال والنيل الازرق ودارفور .. اتركوا عقدة العروبة والعرب .. اتركوا عقدة العنصرية ..(القنطور اصلوا تراب) عيشوا المحنة والذل مع ابناء عمومتكم واخوانكم ابناء جبال النوبة .. الم تكونوا نوبة ام هناك اختلاف بين نوبة ونوبيون خايف واحد من المتعربيين ديل يجي يفتي ويتفلسف ( دكتور بتاع مكتب عبدالله التيب وين دكتور هادا هو يتكلم اربي كويس) ...

[wad algazera]

ردود على wad algazera
[ابوكدوك] 12-14-2015 11:08 PM
ليك التحيه الاخ ود الجزيره وكلامك تاج عالراس :

وحقك على ان اصابتك بعض السهام معليش " امسحا فى وشى " .

[الوجيع] 12-14-2015 09:36 PM
يا ود الجزبرة الناس ديل لو كانوا عنصريين زى ما قلت ماكان ناسبوا العرب وقاسموهم ارضهم وديارهم وعلموهم حياة الاستقرار والزراعة والبيوت المبنية وسلموهم سلطة البلد واخر جزاهم التهميش والازدراء والافتراء و كان المفروض خلوهم فى سعيتهم وخلاهم ومساديرهم ودوبيتهم لى يوم الدين مقطعين ومبهدلين .

European Union [فارس الحديد] 12-14-2015 02:45 PM
يا اخوي هوى كلامك دة انت الفيهو عنصرية وصراحة انحنا أهل الغرب والجبال آس العنصرية زاتها وكدي عاين جوه بطن القبيلة الواحدة بتعرف الفرق خليك من القبائل التانية مع بعض ' اشان كدة ماتشتري ليك كرافتة وتعمل فيها قاشر ومن تحت انت قاعد ساي


#1384607 [Aola Tah]
5.00/5 (2 صوت)

12-14-2015 06:13 AM
السلام عليكم يا اخ ابوكدوك انت ناسي باننا احفاد الملك ترهاقا الذي جال وصال بانتصار وراء انتصار يعني قوتنا هي وحدتنا ونحن حقا شعب متعايش ولكن احذر الحليم اذا غضب وادعوا كل النوبيين الاتحاد والله مع الجماعه وفي الاتحاد قوة وهم يعلموا هذا لذا بيحاولوا يعملوا اشيائهم في الخفاء وهم شافوا عندما ثاروا في كجبار وكلنا سوف نفدي حياتنا فداء لارض النوبه ونوبا اتوا كتنا جمان ويرقا ديا

[Aola Tah]

#1384562 [Dorarr]
0.00/5 (0 صوت)

12-13-2015 11:15 PM
تلك إذاً قسمةٌ ضيزى

[Dorarr]

#1384561 [ابوكدوك]
0.00/5 (0 صوت)

12-13-2015 11:13 PM
نحن النوبه بصفه عامه ، عيبنا الوحيد اننا طيبين ومسالمين ، وياعمرنا ما رفعنا سلاح

فى وجه اى سلطان ايا كان سواءا عسكر ولا مدنى ، عشان كده اى حاكم جاء اخد حقوا فينا

وفات ابتداءا من عبود اساس البلاوى وانتهاءا بجماعة البشير ، الله يسامحهم كلهم ساسه

بيض ، ياعمرنا ماشفنا منهم خير ابدا ، كله تهميش ، وتهجير ، وحروب ، نهونا نهاية بطل

باستثناء فترة الانجليز الوحيدين اللى نذكرهم بالخير ، لانهم كانوا منظمين البلد ولمساتهم

حتى اللحظه موجوده سواءا مستشفيات ولا تهيئة مشاريع ولا خدمات ، واوعكم تاجى جداده

ناطه تقولى انى بحب الاستعمار ، لانى راح اديها مسمار على راس اللى خلفوها ، ايوه

المستعمر كان افضل من ساسة اخر زمن لانهم اللى سووه فينا النجار ما سواه فى خشبوا

ااخ يانوبه وااخ يا وادى حلفا ياجنة الله فى ارضه ضيعنا عيود وركب فينا مسمار جحا :

حلفا دغيم ولا بيروت .... ياعبوووود !!

كله من عبود ، ايوه كله من عبوووود ،

هو سبب البلاوى دى كلها ، نهانا نهاية بطل !!

عالعموم التحيه للاستاذ عبدالوهاب همت ، والاستاذ شبونه ، وكل الاخوه ،

واخص بالشكر منبر الغلابه والمساكين منبر الراكوبه ، وما ضاع حق وراءه مطالب :

والسلام عليكم ورحمة الله وبركاته ..

[ابوكدوك]

ردود على ابوكدوك
European Union [جعلي وافتخر] 12-14-2015 06:43 PM
يازول حلفا بتاعة شنو وحضارة شنو تصلو غير السمك المعفن ما عندكم حاجة

[البرفكس] 12-14-2015 10:36 AM
يا ود الجزيرة ..
منو القال ليك نحنا عرب ... ياخي نحنا العربي علموهو لينا في المدارس و الاستاذ كان بيشرح العربي بالرطانة ... لكن حكاية العنصرية دي فيها كلام شوية ... فالواحد لو راكب مواصلات مثلا و لقى واحد رطاني زيهو فلا شعوريا تلقاهو دور معاهو رطانة طوالي و ده حنين للغة ليس الا ... و في الآخر ليس لعربي فضل على عجمي الا بالتقوى ... اللهم اجعلنا من المتقين .
تحياتي
افيا ارقو

[wad algazera] 12-14-2015 08:17 AM
اللهم يفك محنتكم ويشفي مرضاكم ويرفع عنكم السرطان ... ههههه لكن الحكام ديل جو من وين... ثانيا انتم بين كماشتين شمالا مصر وجنوبا الكيزان كيف تتجرعون لرفع السلاح البيئة كذلك لم تخدمكم ... نعم انتم مسالمين لكن عنصريين للحقيقة ... بعدين اتحدوا مع ابناء عمومتكم نوبة الجبال والنيل الازرق ودارفور .. اتركوا عقدة العروبة والعرب.

[البرفكس] 12-14-2015 07:15 AM
آآآآآآآخخخخخ
حلفا دغيم ولا بيروت ....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة