الأخبار
منوعات سودانية
"وأنا يا زمان الانهزام" الزمن في الأغنية السودانية ... ترقب وانتظار وأمل
"وأنا يا زمان الانهزام" الزمن في الأغنية السودانية ... ترقب وانتظار وأمل



12-14-2015 05:23 PM
رصد - اماني شريف
نسمع كثيراً عبارات التحسر على ما مضى والوقوف على أطلال العمر وإطلاق مقولة (انحنا زمانا فات وغناينا مات). والزمان أو تعاقب السنوات وتبدلها ومرور الوقت على الأحداث قد تغير من الشخوص، وقد تبقى معادن البعض الأصيلة كالذهب لا تصدأ.
ما مضى من الزمان يتحسر عليه الكثيرون، ففي كل مجلس تسمع ذلك خاصة ممن عايشوا تلك الأيام التي توصف بالعصر الذهبي وتتجلى مقولة (ياحليل ايام زمان) و(أيام زمان كانت أيام) وهيهات أن تعود حيث لا يجدي البكاء على اللبن المسكوب، وقد يجئ ذكر الزمان تفاخراً أو عجباً به ولكل كاريزمته الخاصة به والتي نستبينها من خلال زمن نقضيه في التجوال عبر أزمنة شعراء هذه الأغاني.
التحسر على ما مضى
ولنبدأ بعميد الفن الراحل احمد المصطفى الذي أطرب السامعين لسنوات حيث ردد (أيام زمان كانت أيام)، وتغنى كمال ترباس بـ (جايي تفتش الماضي خلاص الماضي ولى زمان)، وصديق الكحلاوي (يا حليلها ريدة زمان ـ داك زمن أخضر وكان كان زماااان ما بحيا من تانى البعيدو)، وثنائي العاصمة (جار الزمان يا ناس مالكم نسيتونا؟)، ومن الحقيبة (يا أماني وجار بي زماني) و(يا حليل زمن الناس حنان).
أزمنة مختلفة
ونواصل المسيرة الشعرية والغنائية ونردد (الزمان زمانك أهدي لي من فضلك نظرة من رمانك) و(زمانك والهوى..اوانك احكمى فينا هذا اوانك) و( زمان الناس هداوة بال وانت زمانك الترحال) و(يا زماني كفاية ارحم فيني شمت الأعادي) و ( لا زمني ابتسم ولا فارقت هم) و (زمان ما كنت ما بتنسى وما بتخلف مواعيدك) و(مازمان وصوك علينا قالوا ليك خليك حنين) و(الزمان الخاني ياريتو لو كان خانك) و (انت ما انت الزمان أصلى ما مصدق عينيا) و (يا زمن وقف شوية ـ يا زمني ارحم شوية) و (في زمن الغربة والارتحال) و( بالله يا طيراً مهاجر للوطن زمن الخريف).
القسوة الشديدة
تذكير الحبيب ببعض التفاصيل خاصة القاسية ورد في عديد الأغنيات على شاكلة و(لو الزمن قساك أنا ماقسيت ـ أو الزمن نساك أنا مانسيت ) و(زمان غنينا لى عينيك أغاني تحنن القاسين) و(غدر الزمن مسح الأحاسيس النبيلة وبدلها) و(تعال نحلم وفي وش الزمان القاسي نتبسم وما نشيل هم) و( يا زمن علمني انسى المحال نسيان عيونا) و (ناسنا الزمان اتغيروا) و (زمني الخاين مابدورلو شهود ظلمك باين) و (كان نفسى قولك من زمان بالكاتمو فى سري ومكتم فى حشاي مدسوس سنين) و(يا ربيع أيامى يابهجة حياتى ونور زماني ) و (المحبة ياحبيبة اقوى من قدر الزمن) و (رحت خليتني لزماني وانت عارفو عليا جاني) و (أسمر جميل فتان مابجود بمثلو زمان) و(لو بإيدنا من زمان كنت خليتني ونسيتك ) و (أنا يا زمان الانهزام صابر مثابر للصبر) و(أنا عندي ليك سر من زمان داير اقولو ومنكسف) و(أمي يا دار السلام يا حصني لو جار الزمان)
وقد نرحل مع الزمان وقد يلهينا الزمن ولكن يبقى نبض القلب لا ينسى الأحبة

اليوم التالي


تعليقات 0 | إهداء 0 | زيارات 788


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة