الأخبار
أخبار إقليمية
التوقيع علي عقد مشروع السكن منخفض التكلفه للمغتربين
التوقيع علي عقد مشروع السكن منخفض التكلفه للمغتربين
التوقيع علي عقد مشروع السكن منخفض التكلفه للمغتربين


12-14-2015 09:16 PM
(سونا) - تم اليوم بجهاز المغتربين التوقيع على عقد لتوفير السكن منخفض التكلفه والأراضي للمغتربين بالتقسيط وذلك بمربعات المغتربين بمخطط المطار الجديد ، وقد وقع العقد انابة عن جهاز تنظيم شؤون السودانيين بالخارج الاستاذ الصادق محمد احمد نائب المدير العام ومدير تنمية الموارد بالصندوق الوطني لرعاية السودانيين بالخارج ، وعن شركة الميراء العقارية الاستاذ محمد موسى حامد ود الجبل .
وبموجب هذا الاتفاق سيكون بمقدور المغتربين تملك الاراضي في المخطط المميز بأسعار معقولة وبالتقسيط المريح ، في مساحات تبدأ من 400 متر مربع للقطعه ،كما سيكون بإمكانهم الاختيار بين عدة عروض للبناء منخفض التكلفه وبنظام التقسيط ايضا.
وفي زيارة ميدانيه للمخطط قبل توقيع العقد قام السفير حاج ماجد السوار الامين العام لجهاز تنظيم شؤون السودانيين بالخارج يرافقه عدد من مسؤولي الجهاز والصندوق بتفقد المنشآت الخدميه التي تم إنشاؤها في المخطط من محطات للمياه ومدارس أساس وثانوي اضافة الى طريق الأسفلت الرابط للمخطط والمطار والذي يصل المخطط بكبري امدرمان الجديد ، وأشاد السفير حاج ماجد بالنهج الذي اتبعته شركة الميراء في عملها المميز وذلك بإيصال الخدمات اولا الى المخطط قبل البدء في تسويقه مما يدل على التطور الكبير الذي طرأ على فكر التسويق والأعمال التجارية العقاريه في السودان .
وصرح السيد السفير ان المغتربين يستحقون ان تقدم لهم مثل هذه المخططات المميزه بعد ان عانوا كثيراً في السابق من عروض غير مناسبه لم تحقق لهم ما كانوا يتوقون اليه ، وأشار الى ان توفير وسائل الاستقرار لهم من اكثر الأمور التي تشغل بال المغترب وان الجهاز يسعى دوما الى توفير ما يتطلع اليه المغتربون.
الجدير بالذكر ان عمليات البيع والتسويق للمخطط سوف تبدأ مطلع العام 2016 عبر جولات منتظمة للخارج يعلن عنها في وسائل الاعلام المختلفه ، وتبدأ بدول الخليج وصولا الى أوروبا، وذلك بإشراف الصندوق الوطني لرعاية السودانيين بالخارج.


تعليقات 44 | إهداء 1 | زيارات 9195

التعليقات
#1583373 [ابونجلا]
0.00/5 (0 صوت)

01-16-2017 10:59 AM
الرجا توضيح طريقه الشراا

[ابونجلا]

#1583370 [ابونجلا]
0.00/5 (0 صوت)

01-16-2017 10:58 AM
كيفيه طريق الشىء

[ابونجلا]

#1386104 [كندمر]
0.00/5 (0 صوت)

12-16-2015 02:39 PM
عقد من لا يملك مع من لا يستحق...

[كندمر]

#1386053 [ابوبكر]
0.00/5 (0 صوت)

12-16-2015 12:51 PM
السودان مغضوب عليه عالمياً فايه لازمة مطار جديد ؟ حتستقبلوا فيهو منو ؟ احسن ليكم تعمروا بقروش المطار دي مشروع الجزيرة لأنو البلد مافيها دخل قومي .

[ابوبكر]

#1385852 [الناصح الامين]
0.00/5 (0 صوت)

12-16-2015 08:48 AM
البقرة الحلوب انتبه
لا تقبل بماسورة جديدة تضاف إلى هذه المواسير :-
سندس الزراعية ؟؟؟؟؟؟؟؟؟؟؟؟؟
الوادي الأخضر !!!!!!!!!!!!!!!!!!!!
مشروع غرب أم درمان الزراعي ؟؟؟؟؟؟؟؟؟؟؟؟؟؟؟؟؟
مشروع السليت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الناصح الامين]

#1385506 [محمد مى]
3.00/5 (2 صوت)

12-15-2015 05:16 PM
الجولة سوف تبدء أول شئ دول الخليج وبعد ذلك الى أوربا فقط فى سودانين يعيشون فى مصر لم يتم ذكر أى شئ عنهم السبب أنهم مساكين ليس عندهم قروش الشئ المضحك أنهم تذكروا السودانين الذين يعيشون فى القاهرة وجميع محافظات مصر وقت الانتخابات الرئاسية وطلبوا منهم يحضروا قسائم الزواج وشهادات ميلاد الابناء لكى يتم توزيع منازل جاهزة وقطع أراضى حسب الرغبة وأنتهت الانتخابات ونجح الرئيس بشبش والان لم يأخذ أحد شئ ولم يعبرهم أحد عملية نصب

[محمد مى]

#1385389 [Abu Omr]
4.75/5 (7 صوت)

12-15-2015 01:19 PM
الواحد لو عايز يسكن مع عائلته يسكن في مكان هاديء أم مكان فيه ضجيج الطائرات واحدة قايمة وواحدة نازلة؟ حكاية مخطط سكني بالقرب من المطار عبارة عن دعاية رخيصة ويعني أيه لما أسكن جنب مطار؟ هل فيها مدنية و تحضر وخلافها؟ يعني علشان يقول فلان بن فلان ساكن جنب المطار الجديد؟

أرجو من إخواني المغتربين ألا يتورطوا في مثل هذه مشاريع والأفضل شراء قطعة أرض من مالكها مباشرة وبالكاش حاضرا وبنفسك من دون وكيل وغيره وأن تستلم أوراق القطعة الرسمية وأن تكون خالية من أي موانع ومشاكل ثم تقوم بتسويرها وتبنيها طوبة طوبة بالمجادعة إن لم يكن لديك المال الكافيء للبناء , لا تورطوا نفسكم في حكاية أقساط ربما مستقبلا لا تستطيعون الإيفاء بها.

[Abu Omr]

#1385388 [Brins]
1.00/5 (1 صوت)

12-15-2015 01:19 PM
اشتري ارض في دوله تانيهوارخص واضمن وارض الله واسعه ماشرط انا سوداني اعيش في السودان مافي ميزه بتميزه اهلنا ولهم الرحمه وخلاص خليناه السودان للنصابين .

[Brins]

#1385379 [عمر]
1.00/5 (1 صوت)

12-15-2015 12:44 PM
الزبدة في الجولة الخارجية دي.. باقي ليكم الداير يشتري في صحرا العتمور دي بعدم الوكيل .. البلد ملآنة محامين وسفاراتكم ملانة عواطلية..
هيصو يا بتاعين الجولات الخارجية والهجرة الي الله...العياذ بالله .. ود الجبل developer هههههههاي.. ترم سلامتو

[عمر]

#1385377 [جركان فاضى]
5.00/5 (1 صوت)

12-15-2015 12:40 PM
مربع 18 الازهرى اشتروه المغتربين عام 1996م...وبأسعار أعلى من أسعار السوق... ولليوم لم تصله الخدمات رغم انه درجة أولى...وهذا المخطط فى قلب الخرطوم وعلى بعد امتار قليلة من مبانى حكومة ولاية الخرطوم...ماتنغشوا يا مغتربين زى ما غشوا ناس مربع 18 الازهرى

[جركان فاضى]

ردود على جركان فاضى
[Yaseen] 12-16-2015 10:07 AM
طيب ناس مخطط التنعيم بالقرب من مجمع ساريا...يحفر آبار ولاشنو؟..معقول مربع 18 الازهرى مافيهو خدمات؟؟؟ وهو فى نص البلد؟


#1385367 [عوض عبدالله الزين]
5.00/5 (1 صوت)

12-15-2015 12:26 PM
السلام عليكم ورحمة الله ..للاسف ان معظم المسئوليين في السودان يفتقدون الشفافية والصدق في التعامل مع الشعب بل في احيانا كثيره يضحكون علينا و يسيغفلون ؛فهذا
المخطط االسكني المعروض للمغتربيين ليس بالمخطط الجديد بل سوق في الخرطوم و في بعض المصالح الكومية سوقت القطع في حدود12الف جنيه الى 18الف جنية..حاليا هنالك نزاع بين ملاك الاراض و الشركة العقارية فهذة الاراضي تقع اصلا في ولاية شمال كردفان..احبتي لمن يريد الاطلاع على الموضوع اكثر ليتابع الخبرادناهالذي ورد في صحيفة اخر لحظة الكومية:

(قعت arady10شركة الميراء للتجارة والاستثمار المحدودة عقداً مع حكومة ولاية شمال كردفان حصلت بموجبه على أراضٍ من إدارية أم دراوة جبرة الشيخ مخطط مدينة صنقعت - مدينة النور - والتي تقع غرب مطار الخرطوم الجديد .. ومنح العقد الشركة هذه الأراضي مقابل قيامها بأعمال التنمية والتعمير في حدود مساحة ثمانية آلاف فدان، والتي تعادل قيمة تكاليف الأعمال المطلوبة والتنمية للمنطقة.. والتزمت الشركة بتنفيذ المشروع وعدم المطالبة بزيادة المساحة المقررة لها حتى في حالة ارتفاع أسعار المواد وتكلفة العمالة والمرفقات وكل الظروف اللاحقة، بدواعي تقلبات الأسعار.


بهذا العقد ظل أبناء المنطقه يأملون ويحلمون أن تنفذ الشركة وتباشر في إنشاء المدارس والمستشفيات ومحطات المياة والمساجد وإدخال الكهرباء، وكانوا راضون تماماً عن العقد الذي وقعته عنهم وزارة التخطيط العمراني بالولاية .
٭ تشكيل لجنة
وقد شمل العقد فقرة أن تسلم الشركة الأراضي على حسب تنفيذها لمراحل متعددة في فترات زمنية بعينها لحصر الإنجاز والتسليم، وكونت لجنه لمتابعة البنود المنصوص عليها في العقد تضم مكتب معتمد المحلية ووزارة التخطيط العمراني وبعض أبناء المنطقة، وسميت باللجنة الخاصة بمدينة صنقعت ..
ولكن قبل شهور قلائل من التسليم وتنفيذ التوقيع (التعمير مقابل الأرض) بدأ المواطنون في الشكوى من عدم تنقيذ بنود العقد المبرم بين الشركة وحكومة الولاية بكاملها، وكانوا يأملون في دخول الكهرباء واستكمال بعض المؤسسات التي بدأ العمل بها، لكنها توقفت لدواعٍ لم تعرف بعد، وعند استطلاع عدد من المواطنين قال المواطن (حامد بابكر) إن تنفيذ المدارس والمستشفيات لم يكتمل بعد، مع العلم أن تاريخ انتهاء في 21-5-2016 وذكر أنه تم تشييد بعض المدارس، وأضاف أن المساجد الخمسة لم يشيَّد فيها سوى المآذن فقط، بالإضافة إلى تنفيذ ثلاثة كيلو من الطريق المسفلت، وتمت التنميه الآن في 7 آلاف قطعة فقط بدلا عن 45 ألف قطعة، وتغول المستثمر على مساحات أكبر من 8 آلاف قطعة، وقال إن حكومة الولاية وعدتهم بتنفيذ العقد، وذكر المعتمد أن العقد تم تغييره، وأضاف أن من الممكن ابتعاث مساح المحلية للتأكد من المساحة الخاصة بالمستثمر لكنه لم يفعل.
والسؤال هنا كيف يمسح المساح الأرض والعقد تم تغييره ...؟ لاتوجد لدينا ثقه في حديثهم، وتكمن معضلتنا في حصر المساحة للمستثمر مقابل توفير الخدمات المتفق عليها
ووعدهم المعتمد أن يقوم الوالي بزيارة للمنطقة، ولم نجد منه وعد مباشر، مع العلم أننا لا نرغب في شيء سوى توفير الخدمات التي وردت في العقد ..وعبر صحيفة آخر لحظة .. نطالب الوالي بأن يقوم بزيارة طارئة للمنطقة، هكذا تحدث المواطن (عبدالواحد سليمان)
وأضاف رئيس اللجنه الشعبية بالمنطقة خميس الحبر: (نحن نرغب فقط في الخدمات المنصوص عليها في العقد الموقع، وقال نحن مغيبين تماماً في أرض الواقع من قبل المحلية
و يناشد أهالي جبرة الشيخ والي ولاية شمال كردفان لزيارة المنطقة لللوقوف على أحوال التنمية والإعمار بالمنطقة)

[عوض عبدالله الزين]

#1385301 [عبدالله احمد محمد]
4.13/5 (5 صوت)

12-15-2015 10:32 AM
لا يلدغ المؤمن من جحر مرتين

[عبدالله احمد محمد]

ردود على عبدالله احمد محمد
[جركان فاضى] 12-15-2015 12:35 PM
مرتين بس...اللدغات كتيرة ولايسع المجال لذكرها


#1385295 [روميو]
5.00/5 (1 صوت)

12-15-2015 10:23 AM
ههههه عزارى ثم حزاركم ايها المغتربين من الدخول فى مثل هذا والله فعلا الجدعان فلسو وناوين عليكم جد . انا مغترب وقد سبق وقدمت لارض من ضمن مشروع طرح سابقا وقد دفعت رسوم بالدولار فى السفارة السودانية بليبا عام 1990م وراحت شمار فى مرقة حتى التاريخ دة . ناس جهاز المغتربين ديل لهم يوم والله بعد يتغيرو السفله ديل نلم فيهم زبح بالسكاكين الميته وداخل منازلهم .. اصبرو الدور جايكم بعد ما زبحتونا انتو سنزبحكم نحن بس زبح حقيقى وداخل اسركم .. تشوفو يا حرامية اولاد النجوس .نعم لانكم لو كنتم من اصلاب رجال ربوكم بالحلال لما سرقتونا .

[روميو]

#1385292 [المنجس]
5.00/5 (3 صوت)

12-15-2015 10:18 AM
بسم الله
أخى المغترب وأخى المتغرب خير الكلام ما قل ودل أحرص على حقك خليك مفتح وقرط على كدا

[المنجس]

#1385286 [أبو فهد الشيخ]
1.00/5 (1 صوت)

12-15-2015 10:11 AM
لا أدرى هل كل ما يأتى بريق أمل من السودان نقابله بهذه الشبهات ؟ دعونا نتوسم الخير في هؤلاء الناس ولو مرة واحدة خاصة أخونا سوار ونعطيهم الفرصة فربما تكون النوايا صادقة
ثم ان الدخول في المشروع إختيارى ولا ضغط على إنسان
ترى ياجماعة هذه الصفحة مقروءة بدرجة لاتتصورونها من غير السودانيين ومن مؤسسات إقتصادية عالمية بل وأجهزة سياسية وأمنية ونحن نشوه في سمعة بلدنا من خلال مهاجمتنا لمؤسسات الدولة دون أن ندرى

أتمنى أن تكون أنتقاداتنا عقلانية بالدرجة الاولى وليس الخلاف من إجل المعارضة فنحن في النهاية محكومون بهذا الاطار الذى نحبه وهو السودان

[أبو فهد الشيخ]

ردود على أبو فهد الشيخ
[المغبون 2] 12-15-2015 04:40 PM
طيب يا ابو فهد اين خدمات (الوادى الاخصر) تبع المغتربين والله خلاص نسوهوا بعد ما اتورط فيه كثير من المغتربين كم سنه مرت وكلها وعود كاذبة تفتكر من سوف يصدق هاؤلاء الناس مرة اخرى من كذب مرة فسوف يكذب الاخرى لانهم لو صدقوا مع المغتربين والله ماكان حوجوهم انهم يلفوا بالعواصم عشان يسوقوا لمشروع ولكن كذبهم الكثير على المغتربين جعل المغتربين لايثقون فيهم يمنوك ويمنوك ثم بعدما تتورط لاتجد واحد فيهم الى جانبك يخص عليهم وعلى مشاريعهم الخايسه .

[كدوس] 12-15-2015 02:01 PM
خلاص روح اشتري انتا يابوفهد خلينا ليك الامل كلو .والسودان شوهو الناس الماسكنو فضحونا زمان وشرطو عينا .
حاجة تانية المطار ده وينو للحين مامبين والمفروض مارقنو بعيد من السكان ولاكيف .
حاجة اخيره المنطقة الخلف الجبل ومنطقة المطار والمندره كلها عباره عن خلاء لو عايز تسكن بعد تلتين سنه روح اركب الماسوره كخخخخخخخخخخخخ


#1385279 [ولد سيدنتو]
5.00/5 (1 صوت)

12-15-2015 10:06 AM
ســــؤالــي .. أين مخطط مدينة النور العالمية جنوب أمدرمان محازي للنيل هذه المدنية التي تم تخطيطها من قبل 10 سنوات تقريبا أو 15 سنة وكان من المخططات الجميلة جدا أين هي تلك المدينة الآن ؟ أرجو الأجابة لمن له معلومات ؟.؟.؟.
والســــــؤالي الثاني أين ومتى سيتم بناء مطار الخرطوم الجديدة ؟
لقد مضى أكثر من 15 سنة تقريبا والمطار والمخطط قائم ... متى سيتم إفتتاح المطار رسميا للعمل ؟؟
وهل مخطط بناء مطار الخرطوم شىء حقيقي أم خيال في عقل الحكومة ؟
ويا حليلك مخططات جديدة لم تتم !!!!!!!!!!!!!!

[ولد سيدنتو]

#1385278 [مريود]
5.00/5 (2 صوت)

12-15-2015 10:06 AM
أنا شفت المنطقة جميلة وهواؤها صحي ومطلة على النيل الأبيض . وفي حيازات لأهل المنطقة وهم ناس طيبون جدا جدا والبلد أمان .

لكن نصيحة لا تشتر بيتا مبنيا بالذات إذا كا الغرض من البناء الاستثمار. لأن البنيان محتاج متابعة بالتفاصيل من حفر التربية وهالك يا مواد وبنيان ورش ومواصفات وعيييييييك.

( أما المثل ابني وليس يطلع كويس )

بطلع ماسورة.

لكن الأرض فرصة عسى ولعل يكون فيها تعويض عن الوادي الأخضر .

[مريود]

#1385266 [سام بخت]
5.00/5 (1 صوت)

12-15-2015 09:55 AM
من يصدقكم فهو اثم قلبه

[سام بخت]

#1385237 [عبدالمنعم العوض]
5.00/5 (1 صوت)

12-15-2015 09:21 AM
لا حول ولا قوة الا بالله العلي العظيم
شوف ثقة المغتربين دي وصلت في الحكومةدي لي وين من خلال تجربة سنين تفننوا فيها باساليب مختلفة لجذب المدخرات
كنت اعتقد ان الصحيح ان تنشأ شركة عقارية من اموالنا البتخصم مننا كخدمات على كل معاملة خارج نطاق الضرائب والرسوم وتكون مملوكة على الشيوع لكل المغتربين بدل انها تذهب لصناديق منهوبة من افراد وجماعات لتأليف القلوب والمحسوبية والتمكين مثل هذه الاراضي لماذا تعطى لشركات خاصة لود الجبل او غير ودالجبل
هل هو سوء التخطيط ام سوء القصد والنية فالله اعلم بالمقاصد ولك الله يا بقرة حلوب

[عبدالمنعم العوض]

#1385234 [Yaseen]
5.00/5 (1 صوت)

12-15-2015 09:18 AM
تفاصيل اكثر عن الموقع....ونقترح البحث عن مخططات جديده فى كل من الخرطوم وام درمان وبحرى.....
مساعدة المغتربين الذين يملكون أراضى ولم يستطيعوا بنائها...وذلك بتشييد..المنزل ويكون الدفع بالاقساط أو ايجار البيت لصالح الجهة التى تبنى حتى يتم اكتمال جميع اقساطها ثم يتم تسليمه للمغترب....يوجد مغتربين لديهم أراضى لهااكثر من عشر سنوات لايستطعون بنائها ولابيعها...وهى فرصة لحل مشكلة السكن وتنشيط سوق العقار.

[Yaseen]

#1385231 [الشفت]
5.00/5 (1 صوت)

12-15-2015 09:16 AM
تلقوها عند القافل دي قال قطع سكنية قال هو في زول غيركم بقدر يشتري حاجة في البلد غير كيزان السجم والرماد اللهم يالله ارنا فيهم عجايب قدرتك يالله

[الشفت]

#1385225 [المستعرب الخلوى]
5.00/5 (1 صوت)

12-15-2015 09:12 AM
دونكم سندس وبقية المشاريع الفاشلة من سماسرة الإنقاذ المتأسلمين ..

[المستعرب الخلوى]

#1385223 [ود بانقا]
5.00/5 (4 صوت)

12-15-2015 09:11 AM
في السودان زمان ، أيام كانت هناك بعض المصداقية والناس في شوية بحبوحة . طرحوا للمغتربين مشروع سندس الزراعي ، وبعده قطع أراضي . وصار ما صار من خراب للمغتربين وخسائر فادحة إلى الآن المغتربين في مأزق.
أما الآن والسودان صار من أكبر دول الانحطاط في العالم. وتعدي الحكام على ثروات الشعب حتى أفقروا الشعب بالجوع والمرض . كذلك حاج ماجد الذي يراس جهاز المغتربين ، سيء التاريخ ولا يوثق به وهو كوز مع فئة الضلال بقيادة شيطانهم الترابي عليه لعنة الله أينما حل. أيضا ود الجبل شخص عربيد وغير متعلم وجاهل ، يمتلك ثروة مجهولة المصدر ، مثله كصلاح ادريس والعارف عزو مستريح ، أوغاد اشروا الفساد في السودان وإن كانوا يتظاهرون ببعض الاعمال الخيرية تمويها .
الحرص واجب يا مغترب ، حاج ماجد عندما زار الخليج ، ضرب بالنعال في إحدى لقاءاته وذلك من شدة كره المغترب له.
هل تظن أيها المغترب ، أن حكومة البشير يمكن أن تقدم لكم المساعدة والخدمة لرفاهيتك ؟ الحكومة تنظر للشعب يموت في شوارع الخرطوم ويشحذ في إشارات المرور ، من الجوع والمرض وإنعدام الدواء ، إنعدام الغاز وماء الشرب النقي ، غلاء الاسعار. كان الاولى أن تساعد الحكومة هؤلاء الضعفاء ، المنطق يقول تقديم الخدمة للمواطن أهم من المغترب بإعتبار أن وضعه جيدا ، علما بأن المغترب أيضا متأثر بتهور السودان لأنه يصرف على أسرته.
إذا الموضوع واضح ، كل هم الحكومة أن تتحصل على العملة الحرة وتنتفخ مزيدا من الكروش ومزيدا من بناء الفلل . ووداد تحتاج العملة الحرة لمؤسستها الخيرية حتى تتمكن من مكافحة الايدز ومحاربة زواج القاصرات.

[ود بانقا]

ردود على ود بانقا
[تأشيرة خروج] 12-15-2015 09:41 AM
كفيت ووفيت


#1385215 [Omar A.Aziz]
5.00/5 (4 صوت)

12-15-2015 09:06 AM
كفاية تجربة الوادي الاخضر منطقة تم توزيعها في شرق النيل هي عبارة عن مجرى سيل ولم تدخل المناطق الموزعة تحديدا للمغتربين اي نوع من الخدمات ولا راح تدخلها وسعرها في السوق العقار في السودان حاليا 18 مليون درجة اولى ونحن هنا اشتريناها بما يعادل اليوم 30 مليون يعني الحكومة بتبيع الاراضي حقتها اغلى من السماسرة في السوق شي محير عشان كده ما اظن ثاني في مغترب عاقل راح يدخل في معمعة زي دي مع اي جهة كانت من الحكومة او جهاز المغتربين والله العاوز يبني احسن ليه يبني طوبة طوبة براهو على الاقل عارف انه راح يبني شنو وبي شنو ووين ودليل على ذلك السكن الشعبي المتهالك وما تم ليه سته سنة خلوا المغتربين في حالهم كفاية الضرايب والزكاة البتاخذوها ما في داعي ود الجبل كمان يلغف حصاد غربة المساكين ديل ود الجبل لو عاوز يساعد يطور جبل اولياء احسن ليه الاقربون اولى بالمعروف فكوا المغتربين والله امورهم بتزبط براها ..

[Omar A.Aziz]

#1385197 [برعي]
5.00/5 (1 صوت)

12-15-2015 08:48 AM
اوعواااااا.

[برعي]

#1385193 [ود الكندى]
5.00/5 (1 صوت)

12-15-2015 08:45 AM
ياجماعة ود الجبل يعطيك كاش وتعطيه شيك بالزيادة يعنى ربا عديل حسب ماسمعنا والله اعلم نسأل الله السلامه الحذر ثم الحذر

[ود الكندى]

#1385186 [متغرب]
4.75/5 (3 صوت)

12-15-2015 08:40 AM
اها والمغترب الماعندو اتكيت وسلوكيات التعامل ذى ماقلتو اجيكم ساى كده ولا يستحمى ويلبس بدله ويجيكم ياحراميه حسبى الله ونعم الوكيل فيكم

[متغرب]

#1385182 [ابوكدوك]
5.00/5 (2 صوت)

12-15-2015 08:37 AM
قطيه مضمونه ولا قطعه من الكيزان مجهجهه !!

انتو ما تبتو من خازوق سندس !!

وعلى قول المثل :

100 نطه ولا ب .... !!

[ابوكدوك]

#1385177 [babo]
5.00/5 (2 صوت)

12-15-2015 08:32 AM
عقلية جهاز المغتربين متخلفة فليس كل المغتربين بحاجة الى قطع سكنية لماذا لا توجد خيارات عديدة للمغتربين ولماذا يعامل المغتربون على حد سواء فمنهم من قضى أكثر من 35 عاما في الاغتراب وسددوا ما عليهم من ضرائب وجبايات ومنهم من لم يمضي أكثر من 10 سنوات فأين العدالة ، يجب أن تكون خدمة المغتربين حسب مدته وحسب التزانه في تسديد الضرائب كافة

[babo]

ردود على babo
[ترنتي] 12-16-2015 01:01 PM
فعلا Babo ،،،،،،،،،، شنو شابكننا المغتربين الأمضو أكثر من 35 سنة لا يعاملو زي الجداد ،،،،،،،،

يا Babo ،،،، أين هي الخدمة التي تقدم سواء من أمضي 70 سنة او 7 ساعات ،،،

الحكومة ما عندها شغلا فيك ،،،،،، تاني دبل ال 35 سنة ،،، وأكان ربنا هون تجي حكومة تانية ،، وتنصـفـك ،،،،

حلم الجعات عيش .......

[زول] 12-15-2015 09:34 AM
لا اولوية ولا حاجة زول ماشي ليهم مافي امش ات الادوك اول حاجة


#1385173 [تأشيرة خروج]
5.00/5 (3 صوت)

12-15-2015 08:29 AM
تشموها قدحة

أنصح المغتربين بالإستثمار وشراء شقق في عجمان والبوسنة وجورجيا في أجعص المناطق وكل الخدمات متوفرة وأسعار رخيصة

[تأشيرة خروج]

ردود على تأشيرة خروج
[تأشيرة خروج] 12-15-2015 11:38 AM
ياسين ولكل رواد الراكوبة في شركة إماراتية حأجتهد أجيب إسمها على حسب كلامهم ممكن تتملك شقة في أوروبا (جورجيا) ب 175 ألف درهم فقط وعلى أقساط لمدة 5 سنين من غير فائدة!! وهم بيأجروها ليك وبعد ده كلو تاخد الإقامة..في خيارات تاني كتيرة في دول رخيصة زي المغرب والبوسنة وتركيا (رغم الوضع الأمني)..

[Yaseen] 12-15-2015 09:44 AM
معلومات اوفى جزاك الله خير....هواتف ...عناوين أى حاجة تلمنا فى الناس السمحين ديل


#1385172 [AmA]
5.00/5 (1 صوت)

12-15-2015 08:28 AM
الفلس عند الجماعة حاصل ، و ما زال عندهم النصب متواصل.

[AmA]

#1385135 [seebo]
5.00/5 (2 صوت)

12-15-2015 07:11 AM
ود الجبل قال حلوة والله بابكر حامد او يعرف بود الجبل مجرم ومرابى ومهرب للعملة وسبب مباشر لدمار البلد الاقتصادى احذرو اى شغلة فيها اسم ود الجبل يامغتربين

[seebo]

#1385130 [Osama Dai Elnaiem]
5.00/5 (2 صوت)

12-15-2015 07:02 AM
أسئلة ساذجة مع كامل التقدير---- هل تتبع المنطقة الي شمال كردفان؟ هل تم بيع المخططات في صفقة بين ود الجبل واحمد هارون مقابل قرض لتمويل نهضةشمال كردفان؟ من سيقوم بادخال خدمات الماء والكهرباء والاسفلت مستقبلا ؟ ما هي الضمانات لكي لا يلاقي المشروع مصير سندس الشهير والصافي جعفر سئ الذكر؟ مجرد اسئلة ؟؟؟؟

[Osama Dai Elnaiem]

#1385116 [Jimmy Cliff]
5.00/5 (2 صوت)

12-15-2015 06:22 AM
اها المغترب رجع و سكن يعيش من وين و لا اولادو يغتربوا و يدفعوا حق المعيشة و تستمر الراسمالية الطفيلية من ود الجبل لاولاد و احفاده تشرد المواطن للاغتراب وود الجبل و سلالته تستمر فى ارهاق الاقتصاد السودانى لعنه الله عليكم يا كيزان السودان و اشباههم
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين.!!!!!!!!!

الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين.!!!!!!!!!

الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين.!!!!!!!!!

[Jimmy Cliff]

#1385114 [كندمر]
5.00/5 (3 صوت)

12-15-2015 06:18 AM
(السكن حق لكل مواطن..إن لم تمنحه الدولة مسكنا كاملا ،على الاقل توفر له أرض بخدماتها، والحد الادنى أرض بدون خدمات،والسكن ليس مجال أستدار العملة ويستوجب الغاء اسكان المغتربين ،أو استماره بضوابط بحيث يمنح المغترب كاى مواطن السكن بالعملة المحلية وحسب ضوابط الاسكان بل يسرع له المنح إذا استثمر بصورة توسع مظلة التخديم فى منطقته.).هذة سياسة الاسكان أو ما يسمى بالخطةالاسكانيةالتى فرضتهانقابة مهندسى الاسكان باستقالتهم الشهيرة عام 74 التى قبلها الطاغية نميرى، ووقع قبولها لكل عضو شخصيا..الاستقالة تمت إثر اعلان نظام مايو سياسةللاسكان تبنى غلى أساس الارض سلعة تجارية مشتهاة ؛وبدء سياسة المزادات ،وإعلان ان التوزيع لعضوية التحاد الاشتراكى..سندت النقابة المركزيه للمهندسين فرع الاسكان وقررت الاستقالة الجماعية لكل مهندسى السودان..وهزم الطاغية؛وأجازوا الخطة الاسكانيةالتى وضعتها نقابة مهندسى الاسكان بمجلس الشعب...ولم تطبق : وحتى تاريخة تباع الاراضى بما يسمى. (بخارج نطاق الخطة الاسكانية).وتستدر العملة من المغتريبن...سياسة إستمرت من عهد سئ الذكر (نميرى )مرورا بمفشل الانتفاضات (الصادق المهدى ) وحت الان بظلمةوظلام الانقاذ.وبهذا الخبر يتحالف جهاز الجبايةمع تجار السوق السوداء لنهب وإبتزاز المغترب..جريمة تسجل فى السجل الأسود للمتأسلمين..تجار الدين..أين
وزارةالاسكان؟..التى بدأت بقسم فى وزارةالحكم المحلى إبان فترة حكم عبود العسكرى ،بنت المساكن الشعبية ووزعتها، كما الاراضى بدرجاتها المختلفةللمواطنين بسعر إسمى ...أيها المغتربون هدفوا لحل جهاز الجباية ومحاسبة زبانيته حسابا عسيرا.. فالانتفاضة آتية لا ريب فيها..وإذا الشعب يوما اراد الحياة..فلا بد من (السكن)...نحن رفاق الشهداء..الصابرون نحن..المبشرون نحن...

[كندمر]

#1385105 [ود التوم]
5.00/5 (2 صوت)

12-15-2015 05:40 AM
هههههههههههههههههه لسع مفتكرييييييين في مغترب نايم ومنتظر من الكيزان الاراضي والبيوت -- بالله ما تنسو تصلونا في امريكا

[ود التوم]

#1385103 [الحق يقال]
5.00/5 (3 صوت)

12-15-2015 05:37 AM
أنا شخصيا ( والعياذ بالله من كلمة أنا ) أعتبر كل من يشتري وبالأخص المغترب، من هؤلاء الكيزان اللصوص، أراضي أو منازل أو يحول ألاف الدولارات لتعليم أبنائه في جامعاتهــم الإرهابية، شخص أناني وعديم الضمير وغير مخلص للوطن .

[الحق يقال]

ردود على الحق يقال
[جركان فاضى] 12-15-2015 12:51 PM
لا ليس انانى او عديم ضمير...شخص ساذج وبس

[Yaseen] 12-15-2015 09:04 AM
الله يهديك


#1385090 [الحق ابلج]
5.00/5 (1 صوت)

12-15-2015 03:09 AM
You have lost all credibility omong al mughtaribeen . No body is going to believe a word of what Haj Majid and his crew are saying . Just go some 6 month back and count down how many huge projects you have promised to achieve . And what is result ? A big Zero . right from the bank you promised to establih to the medium size investments you suggested and now this unknown accommodation establishments you are advocating . All that is nonesense as the fake tricks of your deparment is trying market fantasy plans as did Elsafi Jaafer before .You are no more than a burgler .

[الحق ابلج]

#1385059 [عادل]
2.50/5 (2 صوت)

12-15-2015 12:54 AM
حقيقة ده خبر جيد ، ومخطط المطار ( دره) من المخططات الممتازه ، وهي من الاماكن القليله جدا المتبقيه وقريبه جدا.. انا من أبناء جبل أولياء واعرف هذه المنطقه جيدا،،، كما اسمع عن السيد محمد موسى ود الجبل وهو من أبناء تلك المنطقه ( جبيل الطينه) كما انه من رجال الاعمال الشباب وهو فعلا صاحب فكر ومتعلم ورجل كريم ومعطاء ، ولا أطن انه في حاجه ليغش احد،،،،
وكما جاء في الخبر انه السيد السفير زار الموقع واطمأن على الخدمات المقدمه فيه،،، ولو لم يكن كذلك لما تم توقيع عقد.....
وبعدين في النهايه هو موضوع عرض وطلب... وبوصفه احد أبناء المنطقه فالمنطقة المفروضه مطمئنة جدا جدا وجاذبه.... يكفي انها ستكون ( حي المطار)... وأول ما تطير طيارة واحده من المطار ستتضاعف قيمة هذه الارض....
شكرًا السيد السفير حاج ماجد على هذه الخدمات ....
شكرًا لكل من يعمل جاهدا لخدمة المغتربين ...
وفقكم الله وسدد خطاكم

[عادل]

ردود على عادل
[جركان فاضى] 12-15-2015 12:50 PM
اول ماتطير طيارة واحدة ستتضاعف قيمة الارض!!!!!!! اتستمتع بأزيز الطائرات!!!!! يا أخى أسال الناس الساكنين قرب المطار عشان تعرف مساوئ السكن قربه...ياأخى كبابى الشاى كان ما ابعدتها من بعض بتتكسر من ازيز الطائرة...وزيادة على ذلك فان ازيز الطائرات لن ينقطع ليل او نهار مع زيادة حركة الطائرات العالمية ... خاصة بعد زوال الانقاذ تعال شوف الطائرات زى الجراد

[السنجاوي] 12-15-2015 12:34 PM
سلام يا أخونا عادل
السكن قرب المطار ليس ميزة بل كل الدول تحرص على أن يكون المطار بعيداً عن الأماكن المأهولة بالسكان بسبب الضوضاء والمخاطر الكبيرة بغض النظر عن صدق وجدية القائمين على الأمر ومن يكونوا؟؟

[عادل] 12-15-2015 11:49 AM
والله يابوساري اخوي لا رشوني لا شفتهم... لكن لو انت مشيت المنطقه دي كنت عرفت انا بقصد ليك شنو،،،، اولا هي فعلا منطقه لصق المطار الجديد، وود الجبل وصل ليها المويه والزلط وبني فيها مدارس أساس وثانوي وده أطن انه حسب الاتفاق مع ولاية شمال كردفان، لانه المخطط داخل ضمن اراضي الولايه.
اخونا ياسين انا عندي قريبي اشترى تقريبا عشرة قطع وهو زول بتاع اراضي اصلا.. وحسب تحليله انه المخطط ده ما حيتكرر ( الا اذا اتلغى المطار) ..لانه بمجرد قيام المطار الأسعار بتتضاعف...
انا من مغتربي الامارات وصراحه ناوي اشتري قطعه او اثنين... بالرغم من اني اتلدغت في اراضي الوادي الاخضر لكن ناوي اعوض انشاءلله ... وكمان شايف حاج ماجد ده مهتم بتقديم خدمات كويسه من جا للجهاز،،، انا ماعندي علاقه معاه لكن الحق يقال كمان... في إيجابيات مفروض نعترف بيها ياجماعه،،،،

[Yaseen] 12-15-2015 10:33 AM
شكرا على هذه المعلومات المهمة..واذا لديك اى معلومات اخرى فلاتبخل بها علينا .... ...وانت زى ماعارف نحن المغتربين فى السعودية غلابة....وغشونا كم مره... نتظر منك النصيحة يااخى عادل

[ابو ساري] 12-15-2015 09:37 AM
الظاهر رشوك بقطعة. طيب بالمرة كدا شوف لينا معاك مشروع سندس و الصافي جعفر. و بعدين ( سعادة السفير ) بتاعك دا مش الدباب الكفت الدكتور في القاعة و مافي حد حاسبو؟ استحي ياخي

[تأشيرة خروج] 12-15-2015 09:36 AM
الجداد الإلكتروني عمل ليهو فرع بتاع إستثمار


#1385046 [محجوب عبد المنعم حسن معني]
0.00/5 (0 صوت)

12-14-2015 11:52 PM
حقيقة هناك تحسن ملحوظ في اداء جهاز المغتربين
الرجل اراه متحركاً في كل اتجاه منذ توليه امر الجهاز
في راَي ان الاستاذ ماجد سوار يبزل جهد مقدر في هذا الخصوص
على العموم ان تأتي متأخراً خيرأً من ان لا تأتي
اتمنى ان يكون الجهاز صادقاً في الوفاء بوعوده هذه المرة لا سيما ان هذا الامر يلامس اشواق كثير من اهلنا في المهاجر.
مع مودتي

[محجوب عبد المنعم حسن معني]

ردود على محجوب عبد المنعم حسن معني
[محجوب عبد المنعم حسن معني] 12-15-2015 11:04 PM
الاخوة الكرام
درب التبانة
ibrahim
العوض
جركان فاضى
التحية للجميع
والله نتمنى الصدق في كل كلمة وردت في الموضوع
الموضوع كما اسلفت يلامس اشواق الكثيرين منا
مع مودتي للجميع

[جركان فاضى] 12-15-2015 12:44 PM
يا محجوب معنى يا عزيزى...ابدا ما كنت اتخيل ان يصدر هذا الكلام منك...يا أخى ناس معنى ديل ناس فاهمين...حافظ على سيرة الاسرة فلا نريد لها ان تتشوه

[العوض] 12-15-2015 08:59 AM
محجوب والله مامفتكرك بتصدق ليك كوز دا كوز كضاب يعني ما فيهو خير والله وانا احلف ان هذا الرجل وعلى شاكلته لا ينفع الا نفسه واجزم ان هذا التوقيع الذي تم بكون لاهط لايه كم من المليارات وبعدين المطار الجديد وين ونحن وين هو المطار فى صغط لغط يعني لو عندك مشوار في الجهاز نفسو لازم تتحرك صلاةالصبح او قبلوا عشان تحصل الدوام وبعدين الراجل عمل شنو ياخ امش المغتربين لسه الناس واقفه صفوف واول ما تدخل الجهاز بكون راسك لافي وما تعرف تبدا من وين يعني ابسط شي لافته ورخيصه في السعر تبين للمغترب الخطوات التي يجب عملها سوا كان خروج وعودة او عقد جديد دا ابسط شي وطبعا السلبيات كتيره وماف زمن لي سردها لكن دا عينه من سلبيات الكوز المعفن دا.... مع مودتي

[ibrahim] 12-15-2015 08:44 AM
تحسن في الطريقة الجديدة للنهب كفاية مشروع سندس النهب فيهو المغتربين في السابق الفكرة اساسية طريقة جديدة ومبتكرة وبعدين مافي زول عاقل بيلدغ من جحر مليار مرة

[درب التبانة] 12-15-2015 07:45 AM
ما هو التحسن الذي تعرفه عن جهاز المغتربين هل الغيت الضرائب وغيرها من الجبايات ؟ يا صديقي ان المغترب السوداني هو الوحيد في بلاد العالم الذي يعمل له تأشيرة خروج من بلده ؟ واذا لم تقف في الصفوف حتى يلف رأسك وتدفع ما في جيبك فلن تخرج من البلاد !! اين لائحة المغتربين التي يدفعون عليها من اموالهم كدخول السيارة وامتلاك الارض والتي طبقت ايام الرئيس السابق نميري رحمه الله ؟ ان ما قيل فيه دخن (بالفتحه) .


#1385045 [Lila Farah]
4.50/5 (8 صوت)

12-14-2015 11:39 PM
شركة الميراء العقارية الاستاذ محمد موسى حامد ود الجبل .

الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين!!!!!!!!!!
الحذر يامغتربين.!!!!!!!!!

وكمان فيها محمد موسي ود الجبل .!!!!! لا حول ولا قوة الا بالله
صحي الطيور علي أشكالها تقع ..!!!!!!!!!!!!!!!!!!!!!!!!!!!!

لماذا ياحاج ماجد ياارهابي يافاشل شركة الميراء بتاعة ود الجبل دى بالذات
وكل الناس تعلم انه لايملك سابق خبره في التطوير العقارى ولم يعرف أحد له انجاز عقارى ولا يعرف أحد مايملكه من معدات وآليات .!!!!!!

لماذا لم تدخل الميراء العقاريه في منافسه مع الشركات الاخرى المعروفه والتي لها سابق أعمال مقدره والبلد مليانه ليتم اختيار الشركه الافضل ؟

هل اشترى ود الجبل الاراضي في منطقة المطار الجديد وعلي أى أساس اشتراها وبكم
المتر ؟ وبكم سيبيع المتر وعلي أى أساس حدد السعر .؟


نحذر المغتربين من هذا الشرك ونحذرهم من اى محاوله لِشفط ولهط قروشهم
الموضوع مريب طالما فيهو محمد موسي ودالجبل.!!

ياحج ماجد سوار ياارهابي يافاشل كل محاولاتك ستبوء بالفشل فما عاد المغتربين
بقنابير ياحرامي ؟

هل تعرف عدد المحاولات التي حاولتها لنهب المغتربين خلال 2015 ؟ الناس مسجلين
ليك كل حاجه ياحرامي يافاشل .

اقفلوا جهاز المغتربين وسرحوا العطالي الشغالين فوقوا عندها سيشعر المغتربين
أنكم جادين في اصلاح حال المغتربين .!!!

[Lila Farah]

ردود على Lila Farah
[تأشيرة خروج] 12-15-2015 08:26 AM
شوفي ليكي شقة في العتبة ولا العجوزة ياحفيدة لخديوي


#1385037 [former Sudanese]
5.00/5 (3 صوت)

12-14-2015 11:14 PM
لا يلدغ المؤمن من حجر مرتين.
يكفي انكم شربتم دماء المغتربين واكلتم كل اموالهم.
كل ما تعرفون له الكذب،سرقه الاموال واكل مال اليتيم.
الويل والويل لكم من عذاب القبر ويوم القيامه.

[former Sudanese]

#1385028 [الكيزان جبروني ع الاغتراب]
5.00/5 (3 صوت)

12-14-2015 10:54 PM
مأكلة جديدة ..لكن الحيلة ما بتتبلع الدور ده يا كيزان ..المغترب بقه مفتح ..الضمان شنو بعدين تغالطوا لمن يرجع بعد عشر سنوات ..انا عن نفسب بقول ليكم دي لعبة شوفو غيرها يا حاج ماجد سوار ..الغريبة كل كا الدولار يرتفع سقف اجرامكم بيرتفع والشعب المسكين ضغطو بيرتفع ..الله يستر ...غايتو الفين وستاشر دي شامي لي فيها ريحة نهايه للتعب المعشعش في البلد ...( مجرد تفاؤل ليس إلا ) .

[الكيزان جبروني ع الاغتراب]

#1385009 [ابن السودان البار]
4.88/5 (10 صوت)

12-14-2015 10:08 PM
دا فخ فنان من لصوص الإنقاذ او شرك جديد وخطة جهنمية سيقع فيها عدد من اخوانا الطيبين الذين مهما عمل فيهم وخدعوا أكثر من مرة برضو ممكن خدعتهم بكل سهولة ويقولوا (لك المؤمن صديق) والحكمة تقول إذا انعدمت الأرانب ماتت الضباع ؟؟؟ فالذي يريد أن يسمع النصيحة او لا فله ما يريد ؟؟؟ هنالك قصور كبير في كمية الكهرباء المنتجة وليس هنالك بصيص امل في حل أزمتها في ظل هذه الحكومة الفاسدة وكذلك في مياه الشرب فحتي الأحياء السكنية القديمة في قلب الخرطوم تنقطع عنها الكهرباء والمياه وحتي إذا وصلتها تكون ملوثه وغير صالحة للشرب ؟؟؟ فهل تدفع دم قلبك وشقي سنينك مبلغ فلكي لسكن تستلمه بعد عدة سنوات بدون كهرباء ومياه صالحة للشرب ويقال لك أنتظر دخول الكهرباء والمياه بعد عدة سنوات ؟؟؟ وفي ظل قضاء فاسد ومرتشي لا تستطيع أخذ حقك إذا تم ظلمك ويمكن رميك في أحد بيوت الأشباح لو كترت كلامك وقليت ادبك ؟؟؟

[ابن السودان البار]

ردود على ابن السودان البار
European Union [عم عبد الرحيم] 12-15-2015 08:59 AM
بعد التحية العطرة يا ابن السودان البار أتفق معك تماما فيما كتبته، بل ازيد عليه بأن الحكومة تسعى للحصول على العملات الصعبة للمغتربين لتوفير رواتب العطالى في الحكومة عشان يزيدوا في السب على الشعب بأنه مستهلك وغير منتج وعاطل ساكت. اعتقد بانه المغتربين فاهمين بانها لعبة للحصول على اموالهم بالباطل.

وبعدين هناك عشرات التجارب في هذا المجال واحداها مشروع سندس الزراعي الذي تم بيعه للمغتربين وخاصة بالسعودية وماذا حصل؟؟؟ لم ولن يستلم احد فدان واحد، وباقي الصقة معروفة تشييد فيلا بحوض سباحة واخر راحة للمسؤول عن المشروع والمدعو...................................



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة