الأخبار
منوعات سودانية
رجل يجهش بالبكاء في المحكمة لارتباط زوجته بعلاقة غرامية مع آخر
رجل يجهش بالبكاء في المحكمة لارتباط زوجته بعلاقة غرامية مع آخر



12-19-2015 09:29 PM
أم درمان - آمنة خليفة
أجهش رجل بالبكاء داخل قاعة المحكمة عند تلاوة المتحري لأقوال زوجته بأنها مرتبطة بعلاقة غرامية مع آخر قبل وبعد زواجها. وكشف المتحري أن الزوج تقدم إلى الشرطة ببلاغ يتهم فيه شاب بالتعدي وانتهاك الخصوصية بسبب تواصله مع زوجته، وان الشرطة القت القبض على الشاب المتهم وأقر في التحريات بوجود علاقة بينه وزوجة الشاكي، وأنه يرغب في الزواج منها لأنه غير راضٍ عن زواجها بالشاكي لارتباطهما بعلاقة عاطفية قبل أن يظهر في حياتها ويتزوجها، وظلا يتواصلان ويتقابلان حسب أقوال الزوجة، وعند وصول المتحري لتلك النقطة أجهش الزوج بالبكاء ما جعل المحكمة توقف الجلسة، وتحدد جلسة لاستجواب الزوجة وعشيقها

اليوم التالي


تعليقات 22 | إهداء 0 | زيارات 10598

التعليقات
#1401814 [awadalkareem ahmed]
0.00/5 (0 صوت)

01-18-2016 02:09 PM
والله ده راجل باطل مفروض يديها ويدى عشيقها طلقه فى الراس -

[awadalkareem ahmed]

#1400856 [عقرب الخلا]
0.00/5 (0 صوت)

01-17-2016 07:46 AM
سابتك و ذهبت و تزوجت بابي حبيقة ذلك الضب المشوي .

[عقرب الخلا]

#1397742 [تبكي لشنو ياخايب انت]
3.00/5 (2 صوت)

01-09-2016 08:56 PM
تبكي لشنو بلا يخمك.. انت زول سوفت وعاطفي.. وهي زاتها اظنها عارفك سوفت وهين ولين..


قش دموعك ديل.. بلا بطالة معاك... تأكد أن دموع الرجل لو نزلت ما بتنزل ساي إلا في شيء بستحق البكاء.. اما سمعت في الونسة بيقول ليك بكي رجال...

تبكي ليك في مراة لا خافت من ربها ولا عاينت ليك انت زوجها على سنة الله ورسوله ومشاعرك ورجولتك ولا عاينت لاهلها.. لا عاينت لتقاليد ولا عرف


المفروض كان تجيييك وتقول ليك طلقني ان ما قادرة اعيش معاك وما طايقكك ومشاعري تجاه لا احس بها معك.. كان ممكن طوالي تقول ليها قشة ما تعتر ليك.. وتفكها وتحفظ ليك كرامتك ورجولتك وتحفظ نفسها وسمعتها كانسانة وكانثى. وتمشي طوالي على الحيبي الخائن دا وتم معاهو المشوار دا لو فعلا استطاع أن يعيش وضميره مرتاح وقدرت تعيشي معاهو بسعادة.

ملحوظة: اتمنى من هذا الحيبب الخائن أن يقدر ما قمت وفعلته من جرم ولا ينظر لك كخائنة بل كزوجة معززة مكرمة.. لكن انا اشك في ذلك ونحنا وانت والزمن ونشوف!!!

[تبكي لشنو ياخايب انت]

#1395055 [Lila Farah]
5.00/5 (1 صوت)

01-03-2016 02:08 PM
هذه الحمقاء الخائنه عليها لعنة الله دنيا وآخره
أنصح هذا الزوج الرائع النبيل أن يطلقها ويطوى
صفحتها من حياته للأبد اليوم وليس غدا والا كانت
العله فيه شخصيا.
هذه الخائنه لاقيم ولا وفاء عندها ولم تشعر بك يوما
وستندم أشد الندم لو تمسكت بها يوم لا ينفع الندم.

[Lila Farah]

ردود على Lila Farah
[عيب يا[mag]] 01-12-2016 06:49 PM
يا للأسف.. المدعو[mag] لا يسمى ما قامت به الزوجة خيانة.. وطيب الخيانة دي كيف ياكابتن مراة متزوجة وعلى علاقة برجل تاني.. ما بتسميها خيانة. انت قايلك الخيانة دي بس معاشرة جنسية على السرير فقط؟ حتى لو كانت كلام عبر التلفون طالما سمحت لنفسها أن شخص غريب واجنبي عنها يتبادلون الحب باللفظ والكلام المعسول وعبارات الثناء فهي خيانة وخيانة عظمى.

طيب الخيانة شنو؟ يعني في نظرك ما فهمنا.. يعني انت في نظرك عادي الشغلانية ولا شنو؟!!! ياراجل عيب والله عيب انت راجل وفي كامل رجولتك وتقول الكلام دا اللي بيفطس من الغيظ دا؟ ياراجل دا كلام دا؟ انت متحرر زيادة ولا ماسك الحضارة من النص ولا قمت من النوم وعلقت ولا ما فاهم الموضوع ولا اصلا حياتك كدا؟!!

مظلومة شنو يا راجل؟ عيب عيب الكلام دا... مهما يكن حتى لو لم تسطيع العيش معه المفروض بكل الطرق تحاول أن تتطلق منه بالشرع وبالمعروف لو كانت فعلا تخاف الله.

لا يوجد سبب واحد لامراة متزوجة أن تخون زوجها ولا لرجل أن يخون زوجته..

لو عايزة حبيبها ما في مشكلة مافي حد معترض في حبها.. بس تحل مشكلتها الاول. ولو حبيبها نفسه لو ابن ناس ومتربي ما بسمح لنفسه أن يمارس هذا الدور القذر.. لو واحد مثل معه كدا مع زوجته أو أحد اخواته فهل يبقبل؟

وانت برضو لو سمح الله ممكن تقبل بالكلام دا على ولياتك؟ ياريت اجابتك تكون [بلا] بالنفي[ عشان ما اطرش]

تعرف الحبيب الخائن دا اظنه متابع جيد المسلسلات المكسيكية والتركية والهندية المدبجلة وعاير يعيش نفس الدور والمشهد؟ ودي المصيبة.

[mag] 01-11-2016 12:13 AM
بس إشرحي لينا كيف حكمت علي الزوجة بالخيانه وهي قد تكون مظلومة وتزوجت من الرجل غصباً عن إرادتها !!!!! الخبر يا ليلي ليس الخيانة أو الطلاق الخبر هو أن القاضي أوقف الجلسة عشان أحد أطراف النزاع أجهش بالبكاء وهي سابقة قانونية وبعد كده كل واحد داير يأجل جلسة يمشي للقاضي ويبكي !!!!!! جيتك و الا ما جيتك .


#1394019 [السيد محمد حسن]
0.00/5 (0 صوت)

01-01-2016 03:36 AM
هى ذاتها ما عندها ولي بيشكو عليهو والفروض تدقها وتدق عشيقها وتعرس عليها وما تطلقها ولا تلمسها تخليها نص فى الارض ونص في السماء

[السيد محمد حسن]

#1393839 [طز في الكيزان]
0.00/5 (0 صوت)

12-31-2015 04:47 PM
هههههه،محنة سودانية اخري،ههههههههههههههههههاي

[طز في الكيزان]

#1393563 [مرتضى الطاش]
4.75/5 (3 صوت)

12-31-2015 09:25 AM
بسم الله والصلاة والسلام على محمد



إستعاذ الرسول صل الله عليه وسلم من قهر الرجال....وهذا المسكين قٌهِر


فبكى.

[مرتضى الطاش]

#1390202 [بدر نورالدائم]
5.00/5 (3 صوت)

12-24-2015 04:40 PM
انت رجل مخلص وربنا يعوضك بااحسن منها ولكن يا اخى الكريم كون على علم بان هذا الشاب الحقير لم يدوم معها طويل وسوف يكون دائما فى حاله شك وهى الخسران وكما تدين تدان

[بدر نورالدائم]

#1389019 [د. هشام]
5.00/5 (1 صوت)

12-22-2015 10:30 AM
و كمان جلسة تانية بعد البكا؟...محن سودانية!! "كما يقول الأستاذ شوقي بدري"

[د. هشام]

#1388172 [ود ابرق]
5.00/5 (1 صوت)

12-20-2015 07:16 PM
سيبك من البكاء ، الفرصة جاتك جاهزة ، طلقها وتزوج بأخرى وما أكثرهن . وكده تكون حليت الموضوع.

[ود ابرق]

#1388083 [جرتلى]
5.00/5 (1 صوت)

12-20-2015 04:08 PM
ده كلام خوجات اختلطه الحابل بالنابل انا لو كنت ولى امرها لتبرأت منها
الزواج علاقه مقدسه مش لعبه فى يد العشاق

[جرتلى]

#1388023 [خالد]
5.00/5 (2 صوت)

12-20-2015 01:49 PM
أبعدو من المسلسلات التركية هي أس البلاء كلها خيانات وكلام فاضي.

[خالد]

#1387979 [عتمني]
1.00/5 (1 صوت)

12-20-2015 12:33 PM
كل هذه المشاكل لان الناس بيهملوا حكاية الحب قبل الزواج وهو عماد القوه اما الذين يتزوجون للمجامله ابن خالتى وبنت عمى واخت صديقى وعشان فلوسه كثيره وهلم جرا سوف يبكون كما بكى صاحبنا

[عتمني]

#1387832 [ابو احمد]
5.00/5 (2 صوت)

12-20-2015 09:26 AM
الله يكون فى عونك من البدايه تطلقه وتريح بالك وانشاء الله ربنا بيعوضك بالافضل

[ابو احمد]

#1387811 [محمد احمد همتك]
5.00/5 (6 صوت)

12-20-2015 09:05 AM
اعوذ بالله من ذلة الرجال ،
كم منا عشق وحب انسانة ما كانت من نصيبه . انا لو كنت مكان العشيق لحفظت شرفها وابتعدت وتركتها تدير معركتها ان اختارت البقاء معه فارضي بنصيبي وان تطلقت بما يرضي الله وعادت مطلقة وانتهت مدة عدتها فوقتها من حق العشيق ان يتقدم لها .
انتوا نسيتوا الاصول والتاريخ يا ناس كيف تتزوج امراه ارتضت ان تقابلك خلف زوجها وما قولك بكرة بعد تتزوجها ان وجدتها مع اخر غيرك (لا تنهي عن خلق وتاتي بمثله عار عليك ان فعلت عظيما .

[محمد احمد همتك]

#1387807 [زول و نص]
5.00/5 (9 صوت)

12-20-2015 09:02 AM
ابكته الثقة المفرطة وخيبة الأمل والحسرة على الزمن ابكاه الأستحمار

[زول و نص]

#1387798 [المتجهجه بسبب الانفصال]
5.00/5 (6 صوت)

12-20-2015 08:49 AM
هذه لاتستحق منك دمعة واحدة،،، فكها للزول العايزاهو ده وبعد ان تتزوج من عشيقها هذا ستذهب السكرة وستندم وتسف التراب لأن الله لا يظلم انسان اخلص لطرف بينما يخونه ولا يراعي العهد المغلظ بينهما ،،، بصقت في الصحن الذي كانت تأكل منه،،، استبدلت ما هو طيب (رباط الزوجية) بما هو خبيث ( العلاقة بشخص آخر وهي في عصمة رجل) ،،،

[المتجهجه بسبب الانفصال]

#1387734 [جزيري]
5.00/5 (1 صوت)

12-20-2015 06:53 AM
ما تبقى راجل باطل شوف البسووه الرجال و ابقى راجل زيهم/ لكن هي لو مقتنعة بالاول رضت بالزواج من التاني لي شنو؟؟؟؟

[جزيري]

ردود على جزيري
[المغبون من الحاصل] 12-20-2015 11:47 AM
صدقنى الرجل ده بكون بكى على حاجات تانية ما عليها هى لانه اكيد عرفهاما بتستاهل يبكو عليها .

[ودالخضر] 12-20-2015 08:46 AM
البكاء لا يعنى الضعف ولكنه يعنى الحب وهذا الرجل متيم بها ومن حقه ان يظهر حب حتى ولو كانت زانية وهذا امر اخر


#1387731 [حسن خيرى]
4.75/5 (3 صوت)

12-20-2015 06:45 AM
شنبك ده ما تشغلوا ياخ ..... طلقها طلقها البلا اليخمها ....

[حسن خيرى]

#1387696 [منتصر سورتود]
5.00/5 (2 صوت)

12-20-2015 01:46 AM
زمن اعوج
البلد بقت فيها حاجات عجيبة .

[منتصر سورتود]

#1387692 [المحتار]
5.00/5 (1 صوت)

12-20-2015 01:37 AM
من الاول فاتح بلاغ ليه ما ترمى الطلاق بالتلاتة و تحسم المسألة ليست من امرأة مثل هذه تستاهل دموع

[المحتار]

ردود على المحتار
[مبارك] 12-20-2015 06:05 AM
الاخ الأزهري
الرجل يعشق زوجته ولا يستطيع منها فكاكا. .. والدموع تعبير عن الحب والارتباط بها مع أن هذه الخائنة لا تستحق كل هذا


#1387679 [الأزهري]
5.00/5 (4 صوت)

12-20-2015 12:20 AM
في اللحظة تبكي ولا تفك الطلقة الأخيرة وتخرج قبل رفع الجلسة مرتاح البال بلا وانجلا

[الأزهري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة