الأخبار
أخبار إقليمية
البشير: لمستُ حالة الرضا في الجزيرة ولأول مرة يستقبلني ناس مدني في الشوارع
البشير: لمستُ حالة الرضا في الجزيرة ولأول مرة يستقبلني ناس مدني في الشوارع
البشير: لمستُ حالة الرضا في الجزيرة ولأول مرة يستقبلني ناس مدني في الشوارع


12-20-2015 04:49 PM
أن أكد رئيس الجمهورية المشير عمر البشير اهتمام الدولة بالقطاع الزراعي والصناعات التحويلية، واعتبر رئيس الجمهورية ولاية الجزيرة شريكاً أصيلاً في مشروع الجزيرة مع الحكومة الاتحادية.

ونقلت مديرة مكتب (الصيحة) بود مدني كوثر باباي عن رئيس الجمهورية قوله أمس "إن الدولة لن تصدر القطن الخام مجدداً وسيتم تصنيع الملبوسات الجاهزة وضربة البداية ستنطلق بمصنع الحصاحيصا، وسنقيم أكبر مدينة صينية لصناعة النسيج بمدينة ود مدني".

وأشار البشير لدى مخاطبته جمعاً من أعيان ولاية الجزيرة إلى أن أمريكا تدعم الزراعة لأن الزراعة تمثل 4% من اقتصادها بينما تمثل بالنسبة لنا 80% ذلك ألغينا 11 ضريبة زراعية في يوم واحد ودعمنا مدخلات الإنتاج الزراعي وتركيز أسعار المحاصيل وبخاصة القمح حيث أعلنّا شراء الطن بـ4000 جنيه، ونبيعه للمطاحن بـ1200 جنيه، وقال إن إيلا كان خيارنا لولاية الجزيرة لما لها من طاقات يحتاج لمن يفجرها، موضحاً حالة الرضا التي لمسها في زيارته للولاية، وقال: "أول مرة يستقبلني ناس مدني فى الشوارع"، معرباً عن أمله في أن يخرج الحوار الوطني بوثيقة تصبح دستوراً دائماً للبلاد.

وفي موازاة ذلك اعتبر والي الجزيرة محمد طاهر إيلا زيارة المشير عمر حسن أحمد البشير رئيس الجمهورية لولاية الجزيرة والتي امتدت لثلاثة أيام ناجحة، مشيراً الى أن الزيارة لامست أشواق ورغبات إنسان الجزيرة باستقبال قيادة الدولة العليا لتجديد العهد بدعم الجزيرة وللبرامج التي تقودها الدولة في الحوار الوطني وإصلاح الدولة وإعلاء قيم التراحم والتعاون وإحداث نهضة اقتصادية شاملة تستوعب احتياجات معاش الناس وتوفيرالغذاء للوطن العربي.

الصيحة


تعليقات 18 | إهداء 0 | زيارات 5982

التعليقات
#1388872 [الداندورمي.]
0.00/5 (0 صوت)

12-22-2015 03:05 AM
والله إنته غنم حوش بانقا ،،،مارضيانين منك.

[الداندورمي.]

#1388690 [كرازي]
5.00/5 (1 صوت)

12-21-2015 04:49 PM
ياجماعه 80% من افراد جهاز الامن بمختلف افروعه من الجزيره والمناقل اكل عيش وهتيفه..والعسكري غشوك .حليلك يانميري عسكري حر مش عسكري لبن وكمان رايب,اخص

[كرازي]

#1388622 [مدحت عروة]
5.00/5 (1 صوت)

12-21-2015 02:44 PM
وطيلة اكثر من 26 سنة كنتوا بتسوا فى شنو؟؟؟؟؟؟؟؟؟؟؟؟؟؟؟؟؟؟؟

[مدحت عروة]

#1388609 [ابو عمر]
0.00/5 (0 صوت)

12-21-2015 02:34 PM
في المدن تعملوها صينية
صينية ولا صحن؟

[ابو عمر]

#1388519 [المكتول مغس]
5.00/5 (1 صوت)

12-21-2015 11:45 AM
تم ختم المقال بـ ((توفير الغذاء للوطن العربي)) كلام غريب وعجيب نرجو اولا اطعام الشعب السوداني فوتريته وقمح يا كيزان وبعدين نشوف العرب نوفر ليهم الرز والمكرونه . هههههههههههههه

شر البلية ما يضحك فعلا واهلنا قالوا تكسي في جيرانها وهي عريانه .

[المكتول مغس]

ردود على المكتول مغس
[سيزر] 12-22-2015 01:04 AM
أهلنا برضو قالوا .........و شايله موسها


#1388493 [باكاش]
5.00/5 (2 صوت)

12-21-2015 11:11 AM
هههههه ديل ناس الامن بضحكوا عليك جايبين شوية ناس
من عناصرهم والباقي تامينوا دفعيات..فرحان كمان امس
القريبة دي بتشتم فيهم ويقابلوك.

[باكاش]

#1388479 [مخ الكوز في حشفتو]
5.00/5 (1 صوت)

12-21-2015 10:42 AM
شاوسيسكو ود الهديه. عمرك ما تتعلم من التاريخ و الدروس و العبر

[مخ الكوز في حشفتو]

#1388437 [Mutasim]
5.00/5 (1 صوت)

12-21-2015 09:32 AM
و الله انه من الحمق مخاطبة امثالك بالمنطق ولكن من باب الفضول الم تسال نفسك أين كانت هذه الجماهير الغفيرة في الانتخابات الاخيرة انتخابات النوم التي ضحك العالم من ضعف الإقبال عليها ... كان الأولي بك ان تتزكر حكاية المرشح الاتحادي الذي حمل علي الاعناق و حين جاءت الانتخابات لم يحرز ولا صوت فصرح ان اكثر ما يغيظه " ابن ال.... ألمان شايلني دا ما صوت مالو "

[Mutasim]

#1388393 [السودان الوطن الواحد]
0.00/5 (0 صوت)

12-21-2015 08:57 AM
أنتو يا جماعة البشير ده ما سودانى ولا شنو ؟ يظهر الطغيان عمى بصيرته وفقد كثير الفطنة والذكاء السودانى

نحن عندنا مثل فى السودان شهير بقول : الكضاب وصلو خشم الباب ، واستقبال أهل الجزيرة للرئيس فى الشوارع لأول مرة إنما يدل على صفاء وسلامة نية أهل الجزيرة والحلم والصبر على كل ما اصابهم واصاب السودان قاطبة من ظلم وحيف، وهذا التسامح الفريد للشعب السودانى إن لم يتبعه عمل مطرد وتطور وتحسن يومى وتنفيذ كل الوعود بتوقيتاتها المعروفة فى المرة القادمة أهل الجزيرة لن يستقبلوا الرئيس فى الشوارع ولكن سيقومون بطرد الوالى كما طردوا سلفه.. فالكذب وضياع الزمن اصبح ما بغطى مع ناس الجزيرة ولا كل الشعب السودانى

[السودان الوطن الواحد]

ردود على السودان الوطن الواحد
[كمال الدين مصطفى محمد] 12-21-2015 08:55 PM
حلم وصبر اكثر من 27 عاما يا شيخنا .. الله يهديك يامن تسمي نفسك بالسودان الوطن الواحد .. ودا كلام يستحق ان تستخدم فيه اسما مستعارا ..!!!


#1388346 [حاج علي]
5.00/5 (1 صوت)

12-21-2015 08:04 AM
مدني بلدي البعرفها ما فيها ولا كوز
الزبير بشير طه متخلف من جزيرة الفيل

[حاج علي]

#1388339 [layla]
0.00/5 (0 صوت)

12-21-2015 07:54 AM
اذا افترضنا انو في ناس طلعت تستقبلك فهم يا اما مدفوع ليهم واما جهله مع فقرهم الظاهر في جتتهم النحيله لانك ما اديت المحتاجين الفرصه للتعليم او تحسين مستوي دخل المزارع وقضيت علي امالهم باهمالك للقطاع الزراعي واولو مشروع الجزيره لما وصل برميل البترول لي 100 دولار..وبعد ماقطت جاي تقول ليهم الدوله مهتمه بي بالمشروع ؟؟؟يبدو انك تاخرت اكتر من عشرين سنه وعاوز بدايه جديده..يكون السودان وارثو من جدك؟؟؟اتق الله وخلي البشر لي خالقا لانو الدوام لله ولو طال عمرك للميه برضو حتمشي وتخليها لي غيرك

[layla]

#1388320 [أسامة الكردي]
4.50/5 (2 صوت)

12-21-2015 06:39 AM
المشكلة انك كذاب منافق يا أهبل .

[أسامة الكردي]

#1388265 [rashid]
2.50/5 (2 صوت)

12-20-2015 11:10 PM
كذابون انتم ودمدني ﻻتستقبل امثالك في الشوارع من خرج تاييد لانجازات ايﻻ ظلت هتافاتهم ايﻻ وبس يعني نحن في مدني مع ايﻻ ضد الفساد والظلم والطغيان واﻻستبداد الذي لحق مدينتنا.

[rashid]

#1388259 [Lila Farah]
5.00/5 (1 صوت)

12-20-2015 10:56 PM
والله لو خرج ناس الجزيره الحقيقين البنعرفهم بالطريقه الوصفا السفاح
يبقي علي السودان السلام....!!!!!

لازم ناس الجزيره يوضحوا موقفهم هل فعلا خرجوا عن بكرة أبيهم لاستقباله
والا الحكاية طضبه من كضبات السفاح الارهابي الكضاب المنافق ؟

[Lila Farah]

#1388178 [ابو جاكومه]
3.00/5 (1 صوت)

12-20-2015 07:37 PM
يا ريس تأكد 100 % إن كل المستقبلين لك في الجزيره كومبارس ضاحكين عليك ولا يوجد شخص واحد يهتف لك من قلبه كلهم مرتزقه وإنت الضحيه أصحى وصحصح وفكر هل حكمت بشرع الله وعدله لكي تصدق هؤلاء الهتيفه الأرزقيه سوف يجعلوك كبش فداء فكل الذين كانوا معك أو الذين معك حتى الآن سرقوا ونهبوا والكل ضدك ويريدونك أن تظل هكذا كما عهدوك يكذبون عليك ويضحكون منك وخير مثال الإعلام الكاذب الذي سوف تتولى أنت مسؤليته !!!! وإن بحثت في كل شؤون الدوله تحصل على مصائب عظام وأنت لا عليك دائما مصدق المنافقين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[ابو جاكومه]

ردود على ابو جاكومه
[ظفار] 12-21-2015 01:03 PM
انت عارف يا أبوجاكومة دى بتفوت عليك ما عندنا أهلنا ناس المناقل قالوا مضوا الاساتذة عشان يحضروا والتلاميذ يصطفوا على الترعة والرئيس يجى يمر على الكبرى الداخل المناقل المسألة كلها صناعة نفوذ بالقوة لكن فى حالة اعدام الرئيس العدد يتضاعف


#1388166 [ككك]
3.00/5 (1 صوت)

12-20-2015 07:08 PM
الاستقلال

[ككك]

#1388154 [عمر جبور /أزرق / الجزيرة]
3.00/5 (1 صوت)

12-20-2015 06:32 PM
باختصار شديد أقول:
شكرا الأستاذ وراق القابض على جمر الجزيرة ، منافحا ومدافعا عن نخلة تحرق وبقرة تقتل وينبوعا يردم..
القليل الدائم خير من الكثير المؤقت.. ولو أن لنا عقولا ما فرطنا في المشروع الكبير وأوصلناه للدرك فهوى اقتصاد البلد في مكان سحيق..
الآن حصحص الحق وزهق الباطل ووعى الناس الدرس
والله يكضب الشينة .. وإن غداً لناظره قريب..
وسنبتشر بالبشير..

[عمر جبور /أزرق / الجزيرة]

#1388135 [ود الماهل]
4.50/5 (3 صوت)

12-20-2015 05:43 PM
يا ناس الجزيرة افيدونا بصحة أقوال عمر الكضاب ، قال إستقبلوه في الشوارع. ,وقبلها وصف ناس الجزيرة بتربية شوعيين وكسالى.

[ود الماهل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة