الأخبار
أخبار إقليمية
أين يسهر "حسين خوجلي" ذاك المساء..؟
أين يسهر "حسين خوجلي" ذاك المساء..؟
أين يسهر


12-26-2015 12:38 PM
عبد الله الشيخ

في سياق أننا "مُزعمطين وغير منتجين"، مضى حسين خوجلي عبر قناته التلفزيونية ،إلى "نَهْزرة" الشعب السوداني ، معضِّداً رؤية تنظيمه، التي عبر عنها، "إسم الفضيل" منهم ، من وزيرٍ ، إلى مستشار، إلى شيخ الحركة الكبير..!

فَتَحَ "إنسان الشَرَفة" النار بضراوة على أهل البلاد، منتهراً لهم بصيغة الجمع، مع تخصيص التقريع لمن يتباكون على مشروع الجزيرة قائلاً :"مشروع دا بناه الانجليز، إنتو حقّكُم وينو"..!؟ وأضاف إنسان الشَرَفة، ماداً أصبعه في كافة الوجوه: "السودانيين ديل ما عندهم أي حاجة..ديل ناس قاعدين ساكت "..!

لقد شارف إنسان الشَرَفة، ليل الخميس الماضي، على القول بأن السودانيين "قاعدين ...."، بنفس أُسلوب رفيقه الحركي، الذي أعطى النظام سانحة تأكيد تخويفه للشعب..! و قبل تقريره بأننا "قيد المؤامرة"، وأن الجميع ينتظرون "مزيكة العسكر"، تحدى إنسان الشَرَفة كل السودانيين بقوله :ـ" أدوني إسم واحد.. إسم واحد..!"..ومضى سيادته مؤكداً:" نحن ما عندنا مفكر..! ولا حتى مُصلِح اجتماعي يتفق عليه الناس..! ما عندنا كبير على أي مستوى..! تتكلموا عن الخدمة المدنية، والخدمة دي عملوها الانجليز، والسكة حديد عملوها الانجليز،، والديمقراطية اللي بتكوركوا وتقولوا عايزنها دي ، برضو ماها سودانية.. إنتو نظام حكمكم وينو..؟ نحن ما عِندنا مفكر اقتصادي جاب ليهو نظرية قابلة للتطبيق..! ولما نسمع الفتاوى، نفتكر انو الناس ديل عايشين في القرن السابع..!".

وفي خضم دعوته الى "قلب التربيزة" بعد 26 سنة من السيطرة الكاملة، تساءل إنسان الشَرَفة:ـ "أين الرجال الصناديد..و لماذا أصبحنا مكباً للنفايات وللعاطلين..!؟"..هذا جملة ما قاله الخوجلين، الذي تنكّرَ للآلهة على الملأ، دون أن يأتي على حاويات التخدير التي "طشّت" في إيقاع أيامه، ما بين الميناء وعربات أنجال المجاهدين..! لكنّه ــ ولله الحمد ــ خصَّ مشروع الجزيرة بالذِكر، متناسياً مشروعه الحضاري، الذي أسهم فيه بقسط وافر من الـ "ألوان"..!

ثم عاد إنسان الشَرَفة وأخرج السودانيين من المِلّة، عندما تفقّد الفكر والمفكرين، فلم يجد بينهم سودانياً ، يطرح عليه "هدايا آخر الحلقة"، مثلما يجد ضآلته عند إبن ماء السماء،وإبن حبّان ، و الخليفة المأمون، أوعند حسناء عباسية، ذات جرس وبنان موسيقي..! أخرجنا إنسان الشَرَفة كل بلادنا من دائرة التقليد والأصالة، إذ لم يكتشف بها مفكرين في قامة حسن البنا والهضيبي والمودودي، وبقية مبدعي حركة الاسلام، الذين كان آخرهم قرضاوي الدوحة، و ليس آخراً حاوي بيت المال، المقبوض عليه هناك، حيث هناك..!

نسي إنسان الشَرَفة ــ ويا له من نسّاي ـــ من أين جاءت الكرش، وكيف بُنيت طبقاً عن طبق، طالما أننا طائفة من المُفلسين..! نسي ــ ويا له من نسّاي ــ كيف أنه ابتدر حلقاته في تلفويونه الخاص ــ أم ردمان ــ باكياً عند أم دبيكرات، و مشيراً علينا، بأننا الشعب الوحيد المجاهد، الذي هزم الخديوية وامبراطوريتي الترك وبريطانيا..!

و صحيح أننا كسودان، كنا يتامى من بعد ثيوقراطية ود تورشين..! لكن الله ،الذي يدفع الناس بعضهم ببعض، قيّضَ لنا الانجليز ليستعمرونا وينشئوا لنا جوارٍ في البحر، ومشاريع فوق شواطئ النهر..!

جاءنا الخواجات من وراء البحار، وبنوا لنا البوستة ،القشلاقات ،المستشفيات ، المدارس ،والحدائق..الخواجات قاموا بتأهيل التنكوقراط وتعلمجية الطوابير، وقيادات الجيش والشرطة،، و أورثونا خدمة مدنية و منشئات خدمية، وأحزاباً رجعية وأخرى تقدمية...إلخ ، إلخ ..!

ولا يُخفى على إنسان، مثل إنسان الشّرَفة، أن جميع الناشطين في مؤسسات الاستعمار تلك، "لم يتمكّنوا" بخصخصة طرمبات الوقود،ولا بتزوير الشهادات ،أو باستيراد حاويات التسطيل..!

الفضل للانجليز..؟! نعم الفضل للإنجليز الذين ملّكوا شعبنا مؤسسات قومية راسخة، وحفروا أرضنا، وحفظوا لنا فيها الكنز..وحتى لا نضل عنه في المستقبل، بنوا لنا فوقه جداراً، هو مشروع الجزيرة، الذي تنعّم بخيراته إنسان الشَرَفة ، والمدارس التي تعلّم فيها ،و القطارات التي طاف بها الأرجاء وهو يدوبي، متذوقاً ما تبقى من"عسل سوداني"..!

ذاك هو الجدار..فمن هدمه..!؟

ومن هما اليتيمان ،إن لم يتمثّلا في هذا "اليمين" وذاك "اليسار"..؟

أو في هذه "الغابة" وتلك"الصحراء"..؟

أو في ذاك "الجنوب" الذي فصلتموه عن "الشمال"..!؟

وأين يسهر إنسان الشَرَفة ساعتئذٍ، حين يشب اليتيمين، عن هذا "الطوق"، و"يستخرجا كنزهما"..؟!

للحديث بقية...
[email protected]


تعليقات 45 | إهداء 1 | زيارات 17321

التعليقات
#1439831 [صفصف]
0.00/5 (0 صوت)

04-05-2016 12:13 PM
دكتور تاج السر محجوب قرض من بنك نيما حجمه 20 مليون دولار وقرض حجمه 2 مليار دينار دون ضمانات تذكر فضلاً عن أن ذمته مطعون فيها لأنه اتهم باختلاس أموال عندما كان وزير مالية في حكومة دارفور؟
حبيب مختوم - والي جنوب كردفان حينها - قرض حجمه 12 مليون دولار
محمد داؤود الخليفة رئيس مجلس إدارة البنك على قرض 2.5 مليار دينار
حسين خوجلي على قرض 7 مليون دولار لشراء مطبعة
35 مليار دينار لقيادات الدفاع الشعبي وقيادات منظمة الشهيد، وكبار ضباط في الجيش وفي الشرطة و المحاسيب مش معروفة قروض حسنة ولا هبات ولا زكاة ؟
هل سدد هؤلاء المقترضين ما عليهم من اموال وبعضهم الان يمتلك الفضائيات والصحف

[صفصف]

#1392021 [Kudu]
0.00/5 (0 صوت)

12-28-2015 10:17 AM
أهو واحد من صعاليك النظام أثار فيكم الحنق لتصبوا جام غضبكم عليه لتنفسوا عن قيظكم المتراكم وتستفيد الحكومة من الهاءكم هكذا ببساطة.. الم تسمعوا بالمثل الذي يقول رب ضارة نافعة.
من رأيي ان الاعلام الإلكتروني ومواقع التواصل افادتكم كثيرا ومد في اعماركم أيها الحثالة فهي ببساطة أصبحت من وسائل الالهاء الكثيرة التي تلهي اغلبية الناس عن الخروج للانتفاضة مثلها مثل الحفلات وكرة القدم وحوار الوثية.. نقنقة البعض في الواتس وفضح فساد الحكومة وكيل السباب لهذا وذاك من الوزراء يعتبره البعض كاف لاسقاط النظام وكاف لفش الغبينة وتدواله من مجموعة لمجموعة لهو الجهاد بعينه.. لم يمر علي وانا أقرأ في كثير من القروبات ان شاهدت تحريض او تعيين يوم معين للخروج للتظاهر السلمي... . كل ما شتمنا أحدهم كلما هاجمناه واحرقناه بنيراننا الخافته واستهلكنا مئات من القيقا بايت وظننا اننا انتقمنا لانفسنا وانتصرنا لوطننا الم يقل وزير المالية بأننا شعب كسول وقد صدق.

[Kudu]

#1391852 [منير البدري]
5.00/5 (1 صوت)

12-28-2015 02:42 AM
الجغروتة ده قلبتو من عدلتو ما بتتعرف

و اجي اتراجل و اتفاصح سبحان الله

[منير البدري]

#1391751 [عوض عبدالله الزين]
0.00/5 (0 صوت)

12-27-2015 07:39 PM
حسين خوجلي لم يقل الإ الحقيقة..و صراحة برنامجه ممتع وافضل الف مره من كل الاعلام الحكومي .

[عوض عبدالله الزين]

ردود على عوض عبدالله الزين
[عوض عبدالله الزين] 12-28-2015 10:31 PM
ابو جاكومة يا اخي الله يسامحك..وفقط اتنمى ان تتسع صدورنا للحوار بعيدا عن التجريح..يا عزيزي ابو جاكومة حسين خوجلي قال:(مشروع دا بناه الانجليز، إنتو حقّكُم وينو"..!؟ وأضاف إنسان الشَرَفة، ماداً أصبعه في كافة الوجوه: "السودانيين ديل ما عندهم أي حاجة..ديل ناس قاعدين ساكت "..!)و هذه حقيقة وانا اتفق معه فيها..وحسين خوجلي قال:(تتكلموا عن الخدمة المدنية، والخدمة دي عملوها الانجليز، والسكة حديد عملوها الانجليز،، والديمقراطية اللي بتكوركوا وتقولوا عايزنها دي ، برضو ماها سودانية.. إنتو نظام حكمكم وينو..؟ نحن ما عِندنا مفكر اقتصادي جاب ليهو نظرية قابلة للتطبيق..! ولما نسمع الفتاوى، نفتكر انو الناس ديل عايشين في القرن السابع..!".)وهذا عين الحقيقة وانا اتفق معه فيها..والحقيقة هي الحقيقة بغض النظر عن من يقولها..وفي الاول والاخير هذه قناعتي و وجهة نظري..لك كل المحبة و الود يا ابو جاكومة

[ابو جاكومه] 12-28-2015 12:31 PM
الإعلام الحكومي هو حسين خوجلي شخصيا يا عوض .أها يا هوض كلام حسين خوجلي (كلام الحكومه) هو الحقيقه حسب نظرك المثقوب والمقلوب .يعني نحن الآن عايشين في بحيوحه !!!!!!!


#1391715 [منصور]
0.00/5 (0 صوت)

12-27-2015 06:39 PM
الى [الأشـعـة الـحـمــراء]
الو منو المعاي على الخط ؟ بالله ! طوانا ماسمعنا حسك ، طبعا وهذا وعد حتنقابل في شارع القصر جهارا نهارا.

[منصور]

#1391696 [ود المهدي]
5.00/5 (3 صوت)

12-27-2015 06:01 PM
حسين خوجلي لما اعطي سبعين او ثمانين مليون جنية في ايام الانقاص الاولى قرض حسن كانوا بسموه ناس الانقاص وهو كان منهم ويده معهم فاليسال نفسه هل رجع القرض الذي استلمه من حكومة المؤتمر اللاوطني حينها .


من اين له بالثراء الآن ؟؟؟؟؟ فكل الكيزان اثروا انفسهم مثله تماما واثروا اهلهم وشيدوا العمارات التي تروها اليوم في الخرطوم بقروش اهلنا الغبش .


نعم حسين خوجلي هل كنت ثريا قبل الانقاذ؟؟؟؟؟ ومن اين لكم بتلك الموال؟؟؟؟؟؟

لكن اين تذهبوا من الله يوم تقبرون .

[ود المهدي]

#1391651 [luai bakhiet]
0.00/5 (0 صوت)

12-27-2015 04:27 PM
يا شباب ليس المسلم بلعان ولاسباب ولابذئ اللسان لكن يكون النقد في لب الموضوع لان هنالك رقيب وعتيد سوف نحاسب علي كل شئ ويقول الرجل كلمة ولا يلقي لها بالا تهوي به سبعين خريفا في جهنم ونرجو ان يغفر الله لنا جميعا .اما هؤلاء الكيزان ندعوا الله العلي القدير ان يرينا فيهم يوما كيوم عاد وثمود وندعوا الله ان يرينا فيهم مصير القذافي

[luai bakhiet]

#1391641 [حسن اسامه حسين]
5.00/5 (1 صوت)

12-27-2015 04:03 PM
يسهر مع اسرته في فيلا فارهه يمتلكه في حي الطائف بالخرطوم ، وسبحان الذي اعطى عبده من شرفة الحمير والغنم الى طائف الخرطوم

[حسن اسامه حسين]

ردود على حسن اسامه حسين
[أنا السودان] 12-27-2015 09:34 PM
شرفة الحمير والغنم..!!
هل زرتها لتحكم عليها...؟؟
وماذا يضيرها لو كانت كما تدعي..؟
لبئس الفكر وبئس التفكير...
يتوجب علي أن أنحدر إلي القاع..لأصل إليك...
لكني أترفع عن أن أكون مفلساً

,,,

[دلدوم حجر التوم] 12-27-2015 04:35 PM
لم تفهم السؤال ،إذ أن فاتية أم درمان سيسهر على عود كداد محندد إن قام ووب وإن قعد ووبين ،فليقل لنا مرة ثانية كما تعود وبشرنا بالحاقه والرادفة بتاعة ثلاثين يونيو ،،فليقل ما أشبه الليله بالبارحه وما غضبة الشعب الأبى منكم ببعيد،ولكنها ستكون غضبة ذات أعواد،،


#1391617 [لحظة لو سمحت]
0.00/5 (0 صوت)

12-27-2015 03:21 PM
انا يا جماعة بحضر برنامجه هذا بس نفسى اعرف الزول ده الناس البتكلم عنهم ديل من نسج الخيال ام زولنا ده كذاب اذا استمعت اليه اقل شئ يحكى قصة حكاها ليهو صديق
لكن صراحة رغم قناعتى بانه كذاب الا انى بحب هداياهو

[لحظة لو سمحت]

#1391573 [خالد]
0.00/5 (0 صوت)

12-27-2015 02:11 PM
حسين خوجلي كلامو صاح بس نحنا ما بنرضى النصيحة عشان كدة عايشين في التخلف ده.

[خالد]

#1391566 [بدر نورالدائم]
0.00/5 (0 صوت)

12-27-2015 02:01 PM
الاخ عبد الله ماعندى اى تعليق اقدر اقوله او اكتب ولكن اقول لك اتمنى لك التوفيق ود الشرفه لنا معه حساب

[بدر نورالدائم]

#1391523 [شمالي]
0.00/5 (0 صوت)

12-27-2015 12:32 PM
هذا رجل جهلول ومُجهل لغيره
مشروع المناقل وتوسعة السكك الحديدية وخزان الروصيرص
كلها تمت في عهد الفريق ابراهيم عبود وبأيدي سودانية خالصة

[شمالي]

#1391492 [مدحت عروة]
5.00/5 (4 صوت)

12-27-2015 11:49 AM
ولو كنا حافظنا على العملوه الانجليز واتبعنا نظامهم الديمقراطى البرلمانى مع الحفاظ على هويتنا وعقيدتنا الاسلامية التى تتعايش بسلام مع بقية الديانات والاثنيات فى مودة وحب واحترام متبادل كنا بقينا بشر ونجوم بدل ما اتبعنا النظم الانقلابية عسكرية او عقائدية واوسخها واقذرها هى تجربة الاسلامويين فى الحكم لانهم ارتكبوا كل الفظائع والجرائم باسم الاسلام والاسلام منهم براء براءة الذئب من دم ابن يعقوب !!!
والمؤمن او المسلم يطلب الحكمة فى السياسة والادارة والاقتصاد والتعليم والصحة الخ الخ الخ ولو من الانجليز !!!!
الاسلامويين بيفتكروا نفسهم افضل اهل السودان وهم لا يدرون انهم من اوسخ طينة اهل السودان والله على ما اقول شهيد!!!

[مدحت عروة]

#1391480 [زول..]
5.00/5 (1 صوت)

12-27-2015 11:33 AM
للمقال سحر نحمده لكاتبه...ليت كل من يكتب يكون بهذا البيان ....لكن تعبير إنسان الشرفة لا أجده موفق وهو نوعا ما عنصري ، فالشرفة ولدت كثير من الرجال وليس حسين لوحده حتى تنسب إليه الشرفة ، إنسان الشرفة تعبير عن مجموعة وكأن الكاتب يلوح إلى كل من أتى من تلك المنطقة...!! وهذا ما لا حمدناه في المقال

[زول..]

#1391426 [RABSO]
0.00/5 (0 صوت)

12-27-2015 10:28 AM
حسين خوجلي قالو هشك بشك ....

[RABSO]

#1391408 [خارم بارم]
0.00/5 (0 صوت)

12-27-2015 10:15 AM
انسان الشرفة المعتوه المغشوش في نفسو، الما لامي في أي فصيلة ده، نوع كلامو ده ياهو زاتو "القَطِعْ شكْ" يخليهو في يوم من الأيام يشتكي من "الرَّجالة البــِتّـــَوِرْ النَّـــفــَسْ"!!!!! واليوم داك هو و(جماعتو) يرونه بعيدا، بس ناس السودان الفضل بقو يشوفوهو قريبا.

[خارم بارم]

#1391400 [ghalip]
5.00/5 (1 صوت)

12-27-2015 10:07 AM
الموضوع مستلهلك والكيزان الفيهم معروفا
لكن طريقتك في الكلام جذابة جد
بالتوفيق

[ghalip]

#1391377 [هاشم ابورنات]
5.00/5 (1 صوت)

12-27-2015 09:42 AM
الله عليك يا أستاذ عبد الله هذه لغة رصينة علها تمس قلوبهم وياويلهم حين تأتي الراجفة وياويلهم حين يفر المرء من كل شيء ،،،،لك المودة والي الامام

[هاشم ابورنات]

#1391331 [Abdo]
5.00/5 (1 صوت)

12-27-2015 08:56 AM
إنسان الشرفة من النوع البكون مبسوط لما تجي سيرتو حتى ولو بالعفانة لنه بيعتبر دي شهره و انه مثار حديث و إنتقاد لأنه مؤثر ؟ ناس تعدل الاعوج و تعوج العديل

[Abdo]

#1391324 [ابو خالد الدمام]
5.00/5 (1 صوت)

12-27-2015 08:52 AM
الاخ عبد الله الشيخ نحن في انتظار للحديث بقية ... سلم يراعك ... وقفوا الزول الشرفة عند حده .. المشكلة يا حسينو انت فاكر انو الشعب السوداني شعب اهطل عشان كده قلت تعمل ليك قناة وتقعد ترغي ... سبحان الله تقول وين الرجال وانت شكلك ستاتي خالص ..

[ابو خالد الدمام]

#1391307 [ود الكندى]
0.00/5 (0 صوت)

12-27-2015 08:43 AM
وماذا قدمت الحركة الإسلامية غير الفساد والمحسوبية والعنصرية حتى كادة ان تخرج الناس من الملة نسأل الله ان يحفظ البلد ويقوى ايمانهم ويدمر المفسدين وأصحاب الجهوية والطائفية

[ود الكندى]

#1391271 [جقر المنشية]
0.00/5 (0 صوت)

12-27-2015 08:14 AM
ومن أنت يا ذو الكريمات حتى تسب الشعب السوداني الأغبش.
داهية تاخدك يا .....

[جقر المنشية]

#1391266 [AHIAKAMAL]
0.00/5 (0 صوت)

12-27-2015 08:10 AM
.

[AHIAKAMAL]

#1391216 [Zorba]
0.00/5 (0 صوت)

12-27-2015 04:59 AM
أين يسهر "حسين خوجلي؟"

ياربي بسهر وين؟ العارف يورينا .... سمعنا قالوا بيلعب جيم GEM

البلد بتنوم من الساعة 11 مساء هو في محلات سهر ونحن ما عارفين

[Zorba]

#1391189 [Center]
3.00/5 (2 صوت)

12-27-2015 03:27 AM
من المعروف إنه بتحدث في قناة تلفزيونية خاصة وأي شخص لا يعجبه حديثه المفترض ما يشاهد أو يستمع له. والناس تشد حيلها وتعمل قنوات وترد على كلامه بذات الوسيلة. وبعدين يا جماعة في تخلف فكري لمن يهاجم الرجل بعبارات كرش وأرداف ويعتبر ذلك من قبيل الإفلاس في المنطق والتعبير

[Center]

#1391181 [foza]
0.00/5 (0 صوت)

12-27-2015 02:58 AM
ياخ انت ابداع يا ابو عبده

[foza]

#1391175 [الحق ابلج]
5.00/5 (2 صوت)

12-27-2015 02:23 AM
ان كنت تستكثر علينا يا حرامى التمكين ما نحن فيه وتعيرنا بما ليس فينا فتذكر أين كنت قبل انقلابكم . الم تكن مزعمطا مثلنا بل اسوأ ؟
هل كانت كنت تحلم ان تكون مالكا لقناة تليفزيونيه بل واذاعه خاصه وشركة المساء وعدد من العقارات واصبحت من سكان الرياض التى كنت تخاف من سكانها ؟؟
اما عن الانجليز فاعمالهم تدافع عنهم حتى فى مجال الشريعة الاسلامية والقضاء الشرعى والاحوال الشخصيه !
وقد تعججب يا صاحب المشروع الحضارى ان قلت لك ان مستر جاكسون مفتش مركز مروى هو أول من طبق حد الجلد لكل من يسب الدين الاسلامى !!! اسأل عواجيز الشايقيه ان سشئت .
فماذا فعل الكيزان بالسودان؟؟؟
جعلوه مسخا وزعمطوه بالمعنى الحقيقى للكلمه واسأل نفسك ايها الضال من أين لكم كل هذا . وأذا اعيتك الاجابه اﻵن فان غدا لناظره قريب .

[الحق ابلج]

#1391137 [HISHO]
5.00/5 (6 صوت)

12-26-2015 11:31 PM
لقد ظللت ارددها وساظل ارددها رغم المقولات المضللة والخاوية والكاذبة التى كانوا يلقنوها لنا كالببغاوات ونحن بعد يافعين فى المدارس الابتدائية بان الانجليز جاءو ونهبوا ثروات السودان .
ساكتب هذه المعلومة البسيطة عن رجل غير سودانى ولكن هو مؤسس السودان الحالى حتى يعرف الشباب الذين غيبوا عنهم الحقائق وزوروها كما يزورون مستندات اراضى السودان ويحولوها الى قطع سكنية لهم وابنائهم , امثال هؤلا غير جديرين باخذ معلومة من افواههم ,
ان مؤسس السودان الحديث اسمه (هوراتيو هيربرت كتشنر ) وهو ضابط برتبة فريق فى الجيش الامبراطورى البريطانى ولد فى العام 1850 وتوفى فى العام 1916 من القرن الماضى . بعد ان قضى على جيوش المهدية فى معركة كررى 1898 وتم اعلان دولة السودان تحت راية الامبراطورية البريطانية وتم تعيينه اول حاكم للسودان وتم منحه لقب لورد وارسى اسس الدولة السودانية الحديثة بعد ان كانت تحكمها سلطة الخليفة عبد الله التعايشى التى كان يسود فيها الدجل والجهل والشعوذة وتجارة الرقيق والخرافات , ظل اللورد كتشنر لفترة بسيطة حاكمأ للسودان وخلفه ضابط اخر هو (سير ريجنالد وينجت) ولقد تابع الرجل مسيرة اللورد كتشنر فى ارساء دعائم الدولة وعمل على بداية التقسيم الادارى للسودان , وتم نقله الى بريطانبا ليخلفه ( سير لى استاك) الذى تم اغتياله فى القاهرة , وخلفه (سير جيفرى ارشر ) وهو ظابط ايضأ ولقد كان سير جيفرى ارشر من اميز حكام السودان وهو الذى فى عهده تم وضع اللبنات الاولى لمشروع الجزيرة ومينا بورتسودان وقام ايضأ ببناء كلية غردون التذكارية ووضع كثير من القوانين وتنظيم الخدمة المدنية وكان شابأ عمره وقتها حوالى 39 عام وبقى فى السودان الى العام 1925 وتم نقله الى االهند ليخلفه (سير جون مايفى ) ليتابع مسيرة التنمية وفى عهده تم تقسيم السودان اداريأ وتم مد خطوط الهاتف والتلغراف واكمال خطوط السكة حديد الى غرب السودان وتم وضع قوانين الخدمة المدنية وتحديد مسارات العرب الرحل فى غرب السودان وتاسيس المستشفيات الحكومية فى كل المدن الرئيسة فى السودان وتم بناء المساجد الحكومية فى كل مدن السودان وتاسيس وتنظيم الاسواق وانشاء ميناء كوستى النهرى ولاول مرة تمت زراعة القطن فى مشروع الجزيرة وجنيه وتصديره , ثم خلفه (سير هربرت هدلستون) الذى تم فى عهده انشاء المدارس القومية (حنتوب , خورطقت , وادى سيدنا ) وتم انشاء معهد بخت الرضا لتاهيل المعلمين ليقوموا بالتدريس فى انحاء السودان ,ومن بعده خلفه (سير ستيوارت سيمس) الذى بداء باستيعاب السودانيين فى الخدمة المدنية بعد تخرجهم من المدارس الثانوية ومن كلية غردون فى الوظائف الحكومية , ومن ثم خلفه اخر خاكم عام للسودان (سير اليكساندر نوكس هيلم) ولقد كان هذا هو اخر عهد السودان بالحكم الراشد .
لقد بدات مسيرة التخلف من جديد بخروج الانجليز ولقد اضاع انصاف المتعلمين انذاك فرصة ثمينة من بين ايديهم عندما طالبوا الانجليز بالرحيل من السودان وهم وقتها لا تجربة ولا معرفة لهم بادارة الدولة فتحول السودان الى اقطاعية , وانتهى عهد الدولة وجاء عهد الوهم والخرافات من جديد ... لقد جاء من يقول ان السودان بحاجة لمفكرين .. وهل بقية الشعب لا عقول لهم ليفكروا بها حتى ياتيهم المفكر هذا .. انه عهد التخلف من جديد .. استعجب واستغرب ويصيبنى االدوار والغثيان والاحباط عندما يتحدثون عن حسن البنا او سيد قطب .
ايها الشباب ان ما ذكرتهم هم حكام السودان الذين طمسوا تاريخهم والصقوا به الاكاذيب والتهم الباطلة بهم , هذا جزء اصيل من تاريخ السودان ولا يمكن لانسان صاحب عقل هن يطمسه او بغيره اللهم الا المرضى واصحاب النواية السيئة والاغراض الخبيثة.

[HISHO]

ردود على HISHO
[ود الركابي] 12-29-2015 08:14 AM
يا ابو جاكومة كلامك غريب اذا نحن كنا متخلفين عاوز كمان الانجليز يحمونا وينظفونا ويغسلوا شعرنا بي الجاز ويشيلوا عناقريبنا يطلعوها لينا في الشمس . يأخي بالغت . لو لا الاستعمار الانجليزي كنا نكون متخلفين زينا وزي اي دولة افريقية الان . عايشة في القرون الاسطي . المشكلة ماقدرنا نحافظ علي ماتركه لنا الاستعمار بل دمرنا كل شيء كنا متفوقين فيهوا واقرب مثل التعليم . الكيزان قالوا عاوزين يعربوا المناهج يعني من حب العرب ليهم . لعنة الله علي الكيزان دنيا واخره . منافقين

United States [احمد] 12-27-2015 07:10 PM
يا Aheshak ما تنسي الديكتاتوريه والعنصريه الورثها حزب اﻻمه الي يومنا هذا حزب بغيض كل الدكتااوريات العسكرية البغيضه التي حكمتنا له فيها ايد.

[المرفعين السارح بالغنم] 12-27-2015 10:35 AM
اصحح معلوماتك
ميناء بورتسودان انشئ في عهد ونجت و اقترح تسميته بورت ونجت لكنه رفض ذلك
السير/جورج ستيوارت سايمز هو الذي خلف سير/جون مفي . اما هيوبرت هدلستون هو الذي خلف ستيوارت سايمز و من بعده روبرت هاو ثم الكسندر نوكس هلم

[Aheshak] 12-27-2015 10:29 AM
((ان مؤسس السودان الحديث اسمه (هوراتيو هيربرت كتشنر ) ......... بعد ان كانت تحكمها سلطة الخليفة عبد الله التعايشى التى كان يسود فيها الدجل والجهل والشعوذة وتجارة الرقيق والخرافات))

كلامك أعلاهـ متناقض :

كتشنر اسمة مستعمر : نهب خيرات السودان دعم بها دولة انجلترا

الخليفة اسمة مؤسس لانة اول رئيس لدولة السودان و وحد قبائل

لاتعرف نظام الحكم المركزي وطبع عملة سودانية وعمل بيت مال (وزارة مالية)

وعمل جيش مفرغ للدفاع عن البلد وايضا عمل نظام للبريد قبل دخول المستعمر.

***
مشروع حضاري *** عرس شهيد

ربط قيم السماء بالارض *** والتحلل والعفن

[جركان فاضى] 12-27-2015 09:22 AM
يا هيشو يا عزيزى جايى تشكر الانجليز قبحهم الله.!!!!..كأنك لم تسمع بالحمى الراجعة التى سببها القمل والتى راح ضحيتها ملايين السودانيين...اليس ذلك فى عهد الانجليز ...كيف كان يعيش السودانيين ايام الاستعمار؟...الم يكن القمل والمارقوت فى كل عنقريب سودانى؟...وكان القمل فى المواصلات يمشى من راكب لراكب مثل النمل...اتق الله ياهيشو...والتعليم:عشان تكتب خطاب او تقرأ خطاب تفتش تفتيش لمن يكتبه فى القرية او يقرأه...وشكرا الزعيم الازهرى والذى نشر المدارس الصغرى فى جميع انحاء السودان وعمل فيها اعاشة للتلاميذ...ازهرى من أخرج السودانيين من ظلمة الجهل الى نور العلم


#1391108 [Muslim]
2.50/5 (4 صوت)

12-26-2015 10:16 PM
يا أخواننا الزول ما شريف لا أصل ولا فصل ولا عمل
ماذا تتوقعون أن تسمعوا منه
قولوا له عيب، أبقي راجل الأول

[Muslim]

#1391052 [محمد مدني]
4.50/5 (4 صوت)

12-26-2015 07:10 PM
يا ساره منصور انتي وين

[محمد مدني]

#1391051 [babo]
4.50/5 (2 صوت)

12-26-2015 07:02 PM
من أين أتى سحين خوجلي بأموال يصدر بها جريدة ويبث بها قناة تلفزيزنية وحسب ما سمعت فانه تحصل على قرض بمبلغ 50 مليون جنيه قديم من بنك فيص الاسلامي وأصبح يراوغ ويماطل حتى انقلاب 1989م فتدثر بعباءة الاسلاميين وأصبح القرض في خبر كان مع رفاقه ...

[babo]

ردود على babo
[جركان فاضى] 12-27-2015 09:39 AM
حصل على قرض حسن من الترابى بقيمة 850 مليون بالقديم وراح شمار فى مرقة كما ضاعت اموال كثيرة من الشعب أيام حكم الترابى...وطبعا هذا المبلغ اكثر من مليون دولار وقتها...ولم يقف حسين خوجلى على ذلك...فبعد ان شبع مالا من التطبيل اصبح يفترى على المغتربين ويصفهم بالعبودية للغير
وكان الترابى يعطى قروض لامثال حسين خوجلى لشراء الدولار ثم يتم خفض قيمة الجنيه السودانى ويتم اعادة بيع الدولارات ويكون الفرق فى السعر هو الربح...وبهذه الطريقة شفط الترابى ثروة الشعب السودانى


#1391042 [fadol]
4.50/5 (4 صوت)

12-26-2015 06:24 PM
يا ابو سامى ......حسين خوجلى ليس زبالة ولكنه هو الحاوية التى صنعت لتحفظ فيها الزبالة. فالزبالة اصبحت لها فائدة فيتم تدويرها ويمكن ان تعطى مخرجات مفيدة للبشرية....ويا حسين خوجلى --والمظعمط الذى جاء بمصطلح الظعمطيلوجى والذى يجب ان يمنح عليه براءة اختراع اقول لكما انتما الاثنين إن السودان ذاهب امره الى حرب بين السودانين او الى ديمقراطية نظيفة ...وفى الحالين لن تستطيع انت ياحسين خوجلى.......ومعك المظعمط مهدى صاحب علم الظعمطة لن تستطيعا المشاركة ...ولاندرى اين ستكونان ذلك الوقت ..فانتما ليس رجال حرب ولا تستطيعون العيش فى الاجواءالنظيفة

[fadol]

#1391035 [الفاتح عبد الله]
4.47/5 (7 صوت)

12-26-2015 05:54 PM
يأكل أطنانا من فتات موائد لئام الانقاذ ، ثم يخرجها في الخلاء أطنانا ، ويبقى الشحم الذي لا قوة فيه ولا رجولة !

[الفاتح عبد الله]

#1391025 [خليفة احمد]
4.75/5 (3 صوت)

12-26-2015 05:24 PM
طلعت في الراس !!! الله يرحمك ياكابتن سينا......

[خليفة احمد]

#1391017 [الاسم:سكين فلسطسني]
3.00/5 (2 صوت)

12-26-2015 04:55 PM
يا شباب الوطن شوفوا صبايا فلسطين ! هل نحن اقل رجولة؟

[الاسم:سكين فلسطسني]

#1391001 [Ema]
5.00/5 (2 صوت)

12-26-2015 04:40 PM
لا فض فوهك

[Ema]

#1390993 [منصور]
4.94/5 (6 صوت)

12-26-2015 04:10 PM
والان حسين خوجلي اصبح راجل يؤخذ كلامه مأخذ الجد يا حليل ناس دق سوبا وابراهيم روثمان! عشنا و شفنا !

[منصور]

ردود على منصور
[fadol] 12-27-2015 06:22 PM
يامنصور ماتفتح الصفائح ..الخاصة بالود حسين خوجلى ....خلينا نعرفوا زمان كان شنو وكيف اكتسب تلك الخلفية الكبيرة (اقصد الخلفية الثقافية)

[الأشـعـة الـحـمــراء] 12-27-2015 11:29 AM
و مـعـاهـم الـرقـاصـة .. (إنـصـاف جـكـسـا) .. شـارع 41 .. ؟؟

[الشانق طاقيتو] 12-26-2015 08:02 PM
والله ضحكتنا يا منصور


#1390972 [المكتول مغس]
5.00/5 (1 صوت)

12-26-2015 03:07 PM
يديك العاقيه عبد الله ذاك المتحاذق يجب الرد عليها في كل حلقاته التي يبثها ويقبض ثمنها من الحكومة مقدماً من مال الشعب الذي يسبونه ليل نهار ولولا ذلك ما استطاع البث لمدة أسبوع .

[المكتول مغس]

#1390969 [ابو محمد]
0.00/5 (0 صوت)

12-26-2015 02:51 PM
تعليم في الصميم يا عيد الله الشيح !!!

[ابو محمد]

#1390966 [cool]
4.69/5 (5 صوت)

12-26-2015 02:46 PM
مزعمطين وغير منتجين لان الشعب لاياكل مع سارق قوته
مزعمطين ومغبشين لان الشعب لايتمسح عند جلاده
مزعمطين وكحيانين لان الشعب عفيف ويكره اشكال الفيل
مزعمطين وكرشك وراسك طن كيلو غير المصارين فااعلم
ايها الفيل الشعب يعمل فى عود صنع خصيصا
لشخصك السمين.

[cool]

#1390945 [ABU IXEER]
4.93/5 (8 صوت)

12-26-2015 01:56 PM
من اين جاءت الكرش والارداف وبنيت طبقات؟

[ABU IXEER]

#1390934 [محمد أحمد سليم]
5.00/5 (2 صوت)

12-26-2015 01:31 PM
مستوعب الأشياء والمطلع وحاج نظرية الساعة العاشرة مساءا حسين_خوجلي افتي بالتحلل من نهب المال العام بعد ربع قرن ويريد الباس الباطل ثوب الحق.
يتحدث حسين_خوجلي
عبقري وقديس الانقاذ ونجم الشاشه السمين وثروة الفكرالجماهيري وصاحب احلى ضحكة
السودان ثروة بابناءه الأبرار ابناء الانقاذ ابناء شركة المؤتمر الوطني .
لعنة الله عليك وعلي حسن الترابي و علي عثمان و نافع علي نافع وعمر بشه

@Omar_AlBasheir
عمر البشير

[محمد أحمد سليم]

#1390932 [دلدوم حجر التوم]
4.82/5 (5 صوت)

12-26-2015 01:28 PM
ردم صاح لفاتية قناة أم رمدان ،،،سجم الرماد،

[دلدوم حجر التوم]

#1390927 [دايره صبر]
4.38/5 (4 صوت)

12-26-2015 01:21 PM
كلام مليان وفى الصميم لهذا البوق من أبواق النظام
مستشفى الخرطوم التعليمي+السكه حديد+مشروع الجزيرة+مستشفى الراهبات+الخطوط الجويه السودانية+الخطوط البحرية+المخازن والمهمات من الذي دمر كل هذا الانجليز برضو يا الخوجلي صحيح انك خاوي وليس خوجلي.
حسبي الله ونعم الوكيل فيكم

[دايره صبر]

#1390913 [abusami]
3.75/5 (3 صوت)

12-26-2015 12:52 PM
حسين خوجلي زبالة من اعوان الحركة الاسلامية الفاشلة .

[abusami]

ردود على abusami
[القبيلة] 12-27-2015 06:02 PM
الكيزان ديل ما بتقدرو عليهم .. خلوهم يبرطعوا يمين وشمال عشان يخلصوا على الباقي من السودان .. ونرتاح جميعا ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة