الأخبار
أخبار إقليمية
سوار يعلن طرح أسهم بنك المغترب في الربع الأول من العام القادم
سوار يعلن طرح أسهم بنك المغترب في الربع الأول من العام القادم
سوار يعلن طرح أسهم بنك المغترب في الربع الأول من العام القادم


12-26-2015 07:28 PM
(سونا) - أعلن السفير حاج ماجد سوار الأمين العام لجهاز تنظيم شؤون السودانيين بالخارج عن طرح أسهم بنك المغترب للاكتتاب نهاية الربع الأول من العام القادم.
جاء ذلك لدى مخاطبته اليوم الملتقى التشاوري للمجلس الاعلى للجاليات السودانية بالخارج ، وقال إن الجهاز خطي خطوات نحو التطوير والانتقال للحوسبة، معلناً عن إطلاق خدمة الهاتف الذكي ابتداء من الاول من يناير القادم، مبينا أن الجهاز يسير بخطى استراتيجية لإدماج الاقتصاد المهاجر في الوطني عبر المشروعات.
وقال نتطلع أن يخرج الملتقي بخطة استراتيجية لعمل المجلس الأعلى للجاليات وخطة عملية لتغيير الصورة السالبة عن السودان عبر الأجهزة الإعلامية.
وأشار إلى تأثير العقوبات على التنمية في السودان وعلى المهاجرين، داعياً إلى أن يخرج هذا اللقاء بوضع خطة عملية لمناهضة هذهِ العقوبات والعمل على رفعها عن السودان.
واشار الى تنامي ظاهرة الهجرة غير الشرعية في السودان رغم أن قانون الاتجار بالبشر رادع ولكن هنالك عدم قدرة للسيطرة جراء العقوبات الجائرة والتي تحرم البلاد من التكنولوجيا وضبط حركة البشر.
وأوضح أن الهجرة أصبحت قضية دولية وليس وطنية فقط، مشيرا إلى أهمية وضع الحلول وأطر العلاقات بين دولة المهاجر واقامتة.
وأكد د.إبراهيم البحاري رئيس المجلس الأعلى للجاليات أهمية اللقاء لمناقشة كثير من القضايا والوقوف على الإنجازات والاتفاقات، مجدداً بمطالبة المجلس بإلغاء الضرائب على المغتربين بالكامل كما طالب بإلغاء نظام الكوته في الشهادة الثانوية بجانب التأمين الصحي.
وأبان أن الفترة القادمة سيشهد لقاءات للمجلس بمنظمات المجتمع المدني لمناقشة كثير من قضايا البلاد وربط الجاليات بها، داعياً الجاليات التركيز على القضايا الوطنية والابتعاد عن التسيس للجاليات.


تعليقات 33 | إهداء 0 | زيارات 2677

التعليقات
#1391819 [تىرير]
0.00/5 (0 صوت)

12-27-2015 11:13 PM
ارجو ان يلغى جهاز المغتربين هذا ويكون احدي ادارات وزاره الخارجيه حتى يتم متابعه احوال المغتربين والمهاجرين السودانين عن طريق سفارات بلدهم حسب القوانين الدوليه..

[تىرير]

#1391784 [جنوبي]
0.00/5 (0 صوت)

12-27-2015 08:54 PM
نقدّم النون ونخلي الباء ياء تبقي بنك المغترب والاسم سااالم .

[جنوبي]

#1391782 [ALWATANI]
0.00/5 (0 صوت)

12-27-2015 08:48 PM
مواسير كبر والصافى جعفر وفهلوت مصطفى عثمان ومزرعة البشير بالسليت كلها مشجعة للاكتتاب

[ALWATANI]

#1391665 [ابو القاسم]
0.00/5 (0 صوت)

12-27-2015 05:06 PM
إذا وجدت مغترب إشترى منك أسهم من هذا البنك ، فهي حلالك ، قم بعمل اللازم. ونقول لك مبروك مقدما.

[ابو القاسم]

#1391605 [السنجاوي]
0.00/5 (0 صوت)

12-27-2015 02:53 PM
يا حلاة لقلق ههههه تلقوها عند الغافل
وأصلاً المغتربين ما عاد عندهم قروش ياخ مرات الراتب ما يكفيك مصروف الشهر

[السنجاوي]

#1391515 [emad yousif]
0.00/5 (0 صوت)

12-27-2015 12:21 PM
يا زول خلينا فى حالنا ما عايزين بنك ولا يحزنون لو عايز تخدم المغتربين حل الجهاز والغى الضرايب الهاجس ما عادت فى مدخرات زى اول بنتقاسم اللقمة مع اهلنا فى السودان فى ظل التردي والفساد بتاعة حكومتكم

[emad yousif]

#1391506 [روميو]
0.00/5 (0 صوت)

12-27-2015 12:10 PM
هووووووووى يا سوار ابعد من المغتربين ديل ياخى ما تختونا كدى كدى كل مرة جايبين واحد يعمل فيها مبتكر وهو كل لحمو من اكل اموال الحرام . يعنى دى خدعه اخرى للمغترب . الذى يجتهد ليل نهار فى بلاد الغربة يكافح من اجل لقمه العيش الحلال تجو انتو تترصدو عشان تلهفوها منو ياخى قسما بالله حرام عليكم دة بدل تحيو هذا المغترب الذى طالما وقف ودعم بلده بكل غالى ونفيس ( عاوزين تغطسو حجرو )ولا اظن ان احد من المغتربين ينخدع تانى . اعملو حسابكم اخوانى فى بلاد الغرب من الحرامية اللذين لا يخافون الله ديل امثال جهاز المغتربين هذا والاسم الصحيح له جهاز تعزيب المغتربين . الله ينعل كل من يعمل فيهو اولاد ستين كلب مربين من اموال السحت وليهم يوم والله زبح بس وح نمش ليهم فى بيوتهم صبركم بس الايام جاية ..

[روميو]

#1391490 [جمال سعدون]
0.00/5 (0 صوت)

12-27-2015 11:47 AM
أعتقد أن المغترب ما عاد كما في السابق. الظروف تبدلت و 25 عاما عمر حكومة السفاح علمت الناس كثيرا. كذلك بروز مثل هؤلاء السفلة يدل بوضوح استحالة نجاح مثل مذه المشاريع. بل الآن كل الشعب السوداني بالداخل والخارج وكذلك العالم أجمع ، يشهدون الخراب والدمار الذي لحق بدولة السودان ، على أيدي هؤلاء الخونة الذين لا ذمة لهم و لا دين.
حتى أحدث المشاريع ، كسد مروي صار عبارة عن ألاعيب قامت بها مجموعة لنهب مدخرات الشعب وزجه في الكثير من القروض. الحكومة صارت تتاجر في البشر والمخدرات والنفايات المشعة . الوزراء والولاة يقومون بهذه الافعال المنكرة لعلمهم وقناعتهم بأن عمر السفاح فقد سيطرته على الدولة وهو في جحيم طلب محكمة العدل الدوليية حاج ماجد له تاريخ سيء الذكر وقد سبق وإنشق عن الكيزان ، ثم عاد لهم بوجه المنافق المحتال. وقد سبق وخاطبه المغتربون بأن يسعى لهم في بعض الاعفاءات . لم يكترث لمطالبهم .
المغترب ما عاد كما في السابق . دخله تدنى بالإضافة الصرف على أسرهم بالسودان وهذا ما جعل المغترب في غاية الحرص على أمواله .

[جمال سعدون]

#1391440 [RABSO]
0.00/5 (0 صوت)

12-27-2015 10:43 AM
لو عرضتوا الأسهم ديه ببلاش للمغتربين ما حيجيبوا خبركم يا حرامية ويا لصوص ... أنتم عملتو شنو للمغتربين عشان تفتحواليهم بنك ، السوق الأسود نفك منه دولاراتنا أحسن بألف مرة من تحويلات المغتربين عبر بنوككم الفاسدة بأداراتها ... ما كفايه يا جهاز المغتربين الهط البتلهطوه من المغتربين بتعصروهم عصر لقايت ما يلعن المغترب أبو أم اليوم الجاء فيه زيارة السودان ....
جهاز المغتربين شلة حرامية وحاسدين ، ده كوم والحريم الشغالين في الجهاز في قمة اللآمة والواحده لو غسلوا وشها من المكياج تلاقيا راجل ....
وأنت يا سوار طالع في طياره ونازل من طياره وبدلك وبناطلينك كترت وراتبك وأمتيازاتك بأموال المغتربين ... أختشوا علي دمكم وأعملوا حاجة يذكلركم بها المغترب ويثق فيكم .

[RABSO]

#1391423 [سام بخت]
0.00/5 (0 صوت)

12-27-2015 10:25 AM
اذا صدقك المغتربين ودفعوا باموالهم لك فهى حلال دلال يا سوار الجبهة

[سام بخت]

#1391402 [أب أحمد2]
0.00/5 (0 صوت)

12-27-2015 10:09 AM
ولكم فى تعويضات السودانيين المتضرين من حرب الخليج عبرة!!!!!
حكومة ملوص والثلاث ورقات!!!

[أب أحمد2]

#1391401 [سوداني]
0.00/5 (0 صوت)

12-27-2015 10:08 AM
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السيد/ ماجد سوار ... ساهمنا في هذه الشركةفي تسعينيات القرن الماضي على أساس تنمية مشاريع النيل الابيض ... ولكن لا نعرف عنها سوى ايصال دفع الاسهم ... نحتفظ به ... الثقة انعدمت فيكم تماماً ...

شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شركة النيل الابيض القابضة ... أين هي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سوداني]

#1391397 [سامي]
0.00/5 (0 صوت)

12-27-2015 10:04 AM
(لاتلقوا بأيديكم للتهلكة )

[سامي]

#1391389 [عصام محمد]
0.00/5 (0 صوت)

12-27-2015 09:53 AM
أيها الدباب الكضاب


بنك المغترب ، شركة المهاجر ، سندس الزراعي ، كلها مشاريع وهمية وبنوك موظفيها حرامية كل مدخراتنا يلعبوا بها ويضاربوا بها في سوق الله أكبر ولا أحد يردعهم فنصيحتي إخوتي أن لا تسمع لهذا الدباب الطالب الكذاب الأشر ، طبعا حينما تسمع السفير تتذكر جمال محمد احمد ، صلاح أحمد ابراهيم ، محمد المكي إبراهيم ، وفخر الدين محمد ,امير الصاوي وكل العظماء من أقمار الخارجية الذين شرفوا السودان في المحافل الدولية . أما ناس كرتي وكمال بتاع الدفاع الشعبي وكرتي بتاع السيخ والاسمنت فهؤلاء لا يعرفوا عن الدبلوماسية حروف الهجاء منها .

إحذروا الدبابين قاتلي أبناء السودان في العيلفون وفي غابات الجنوب الحبيب .

إحذروا الحرامية المؤتمرجية الذين باعوا الدين بدنيا رخيصة وبعدين يأكلوا مدخراتكم ويتحللوا كما تحلل إخوة من قبلهم

[عصام محمد]

#1391374 [ودالشريف]
0.00/5 (0 صوت)

12-27-2015 09:38 AM
نصيحة لوجه الله احزرو من الاكتتاب فى هذا البنك او اى مشروع ياتي من هولاء اللصوص خداع وكذب لسرقة عملتكم الصعبة قبل 9 او عشر سنوات قامو بالاكتتاب لبنك الخرطوم ويومها اشترينا السهم بدولار ولحدى يومي يومك مابعرف الحاصل شنو مع العلم اتطلعت على سعر السهم فى سوق الخرطوم للاوراق المالية قيمته اقل من 90 قرش يعنى قيمة الدولار بقي اقل من 90 ىقرش ده نهب مصلح وخداع احترسو احترسو وقدامكم امثلة كتير سندس الوادى الاخضر وبنك الخرطوم وكثير من الخدع يستخدمها هولاء الابالسة لسرقتم فهولاء يتحايلون على شعبهم ليسرقوهو احترسووووووو

[ودالشريف]

#1391330 [الحازمي]
0.00/5 (0 صوت)

12-27-2015 08:56 AM
أنا بساهم ب 10 سنت
ممكن؟؟؟

[الحازمي]

#1391316 [امين]
0.00/5 (0 صوت)

12-27-2015 08:47 AM
بنك المغترب اسوة ببنك المزاع تجربة مكررة وارئها لصوص وخونه لكن القوها عند غافل

[امين]

#1391297 [Marwan]
0.00/5 (0 صوت)

12-27-2015 08:32 AM
د.إبراهيم البحاري Who is this now, I never heard of him and I have been outside Sudan for the last 30 years

[Marwan]

ردود على Marwan
European Union [دقنة] 12-27-2015 02:36 PM
د/ إبراهيم البحاري وما أدراك ما دكتور إبراهيم البحاري !!!

غواصة قديمة في الحزب الشيوعي إشتروهو الكيزان بثمن بخس دراهم معدودة.

بالمختصر ,,,,, جاسوس وعميل للمؤتمر اللاوطني ( كمية من الخسّة تمشي على قدمين )


#1391288 [عثمان عبده]
0.00/5 (0 صوت)

12-27-2015 08:27 AM
1985م زارنا وفد من السودان بغرض إنشاء بنك المغترب ومازلت أحتفظ بإيصال الدفع ولم نسمع شي عنه...

[عثمان عبده]

ردود على عثمان عبده
[غسان] 12-27-2015 10:39 AM
ما شاء الله تبارك الله إنت من سنة 1985 حايم هنا .. الله يطول عمرك


#1391282 [عدو الكيزان]
0.00/5 (0 صوت)

12-27-2015 08:22 AM
العبوا غيرها فريحتكم ضربت الآفاق ، والمغتربين ليسوا بهائم حتى يصدقونكم ، وانت اساسا لست مؤهلا لتقود عملا كهذا ايها الامنجي المعتوه . ويا ويلك يوم سقوطك فسترى ما لم يخطر على بالك ، طلاب العيلفون الذين فتحت فيهم النار لازالت ارواحهم تطاردك ، والحساب ولد يو م الجلد .

بنكك دا بله واشرب مويته مافي حد حيساهم

[عدو الكيزان]

#1391264 [أبوقرجة]
0.00/5 (0 صوت)

12-27-2015 08:09 AM
بالله منو البديكم قروشه يا كيزان..... دي تلقوها عند الغافل بس.

[أبوقرجة]

#1391235 [ليه كدة]
0.00/5 (0 صوت)

12-27-2015 07:05 AM
يقول تعالي....(بسم الله الرحمن الرحيم..ولاتؤتوا السفهاء اموالكم)صدق الله العظيم

[ليه كدة]

ردود على ليه كدة
[المغبون من الحاصل] 12-28-2015 05:23 PM
حديث للرسول صلى الله عليه وسلم يقول (قال صلى الله عليه وسلم: "ثلاثة يدعون الله، فلا يستجاب لهم: رجل كانت له امرأة سيئة الخلق فلم يطلقها، ورجل كان له على رجلٍ مال فلم يشهد عليه، ورجل أعطى سفيهاً ماله، وقد قال عزّ وجل: (وَلا تُؤْتُوا السُّفَهَاءَ أَمْوَالَكُمُ) [النساء:5]. وهذا معناه انك اذا اعطيت السفيه مالك وضيعه لو دعيت عليه فسوف لن تقبل دعوتك لان الله تعالى حذرك من ان تعطى السفيه مالك .


#1391234 [zumaa]
0.00/5 (0 صوت)

12-27-2015 07:03 AM
ياجماعة عندي سؤالين لكل مغترب
1/ هل جهاز المغتربين دا مفيد ؟
2/ هل قدم الاستاذ حاج ماجد سوار دا اي منفعة للمغترب ؟

الدولة الوحيدة في العالم العاملة صرح عملاق لجباية المغتربين هي السودان
باقي دول العالم عندها مكتب صغير في وزارة الخارجية يلجأ له مواطنها اذا اذا واجهته مشكلة.

[zumaa]

ردود على zumaa
[عبود] 12-27-2015 12:35 PM
لا مفيد و لا اى شىء على الاطلاق غير اكل المال بدون وجه حق
غير الارقام الفلكية في السفارات مافي ادفع زكاه ادفع ضريبة رسوم عاليه و غيربه ووو


#1391207 [البصير]
0.00/5 (0 صوت)

12-27-2015 04:33 AM
الكيزان الحرامية عاوزين يلغفوا قروش الجوة و البرة!! غايتو المغتربين البقدروا يصطادوهم الا النوع البكونو متخلفين عقليا.

[البصير]

#1391202 [زول ساي]
0.00/5 (0 صوت)

12-27-2015 04:09 AM
يا اخونا العب غيرها الفلم دا سبق دخلناه قبل كدا شوف ليك مشروع شفط ﻻموال الغﻻبه المغتربين بطريقه احسن و مؤدبه شويه...بس برضو موضوع استثمار و ارضي زراعيه و صناعيه و سكنيه دي في ناس سبقوك فيها و اسال عن سندس و ما ادراك ما سندس..بصراحه المغتربين بقي مافبهم لحم عشان يتحملوا ضربكم ...غﻻبه و مساكين و وضعهم ﻻ يسر ابدا فارحموهم ..بعدين مين طلب منك بنك و انت شاورت مين فيهم عايز تعملوا اعملوا باسمك و اختصر الطريق ...

[زول ساي]

#1391191 [أنا سوداني انا]
0.00/5 (0 صوت)

12-27-2015 03:31 AM
يا حرامية زمان انطرحت الفكرة وعملت الأمانة اكتتاب والتاجر مقر بشارع ألمك نمر والقروش انضربت زي دولارات قناة جونقلي واراضي المغتربين
مافي مغترب واحد حيكتتب معاكم ،،،لأنو حيطلع زي اورنيك 15

[أنا سوداني انا]

#1391151 [Lila Farah]
5.00/5 (1 صوت)

12-27-2015 12:47 AM
أسهم البنك الداير تنصب بيهو دا روح اطرح اسهمه هناك في حلتكم
يادباب ياارهابي يافاشل ..!!!!!

مامعقول كل ماتجيك وهمه تقبل بيها عل المغتربين تحاول تنصب وتحتال
بيها عليهم ..!!!!!

المغتربين بيحولوا قروشهم وبأعلي سعر لأهلهم عبر تجار العمله التابعين
للمؤتمر الواطي المنشرين في جده ودبي وفي كل تجمعات المغتربين واتا عارف
الكلام ده يافاشل .

الحل هو حل جهاز المغتربين وتسريح الحراميه الشغالين فوقو من أصغر حرامي
والا حراميه لأكبر حرامي وبعد كده انشوف رأى المغتربين شنو !!! ده هو الحل.

[Lila Farah]

ردود على Lila Farah
[ود اغبش] 12-28-2015 08:45 AM
غايتو اي زول مر ولو مرور الكرام بجهاز المغتربين ما بكتتب في البنك ده . اخدوها مني

[أب أحمد2] 12-27-2015 10:15 AM
العيب ليس فى جهاز المغتربين, العيب فى النظام الحكم وجماعته المفسدين.
الحل هو رحيل النظام!!!!


#1391130 [من ارض السودان البكر]
5.00/5 (1 صوت)

12-26-2015 11:01 PM
يا كيزان السجم ان المواطن المغترب ترك لكم السودان باكمله وانتو مصرين تلحقوه يا كيزان السجم احذرو غضب الحليم يا كيزان السجم دمرتم كل شي فلا تظنو ان الشعب جبان فتتمادو كما ظللتم تفعلون يا كيزان السجم وجدتم شعب مسامح زي ما قال نميري نفضو مراكيبهم وفاتو لقد نزعتم هذه الصفه عن الشعب لحتى تكونو انتم اول المتضررين من الشعب الغير متسامح وسيكون عذابة لكم شديد وموعدنا يوم الزينة

[من ارض السودان البكر]

#1391123 [Ismail Hussein]
5.00/5 (4 صوت)

12-26-2015 10:50 PM
أذكر في أوائل تسعينات القرن الماضي كنت مغتربا في السعودية واكتتبت بمبلغ 500$ في بنك بنفس هذا الإسم أي "بنك المغترب " وكان يقوم عليه شخص معروف ومن أسرة كبيرة ، ليس كهذا الصعلوك الذي لم يحترم حتى معلمه، وكنت قد زرت مقرذاك البنك، الذي كان بشارع البلدية، بنفسي بعد مدة من الاكتتاب، ولم أجد إلاسيارة مرسيدس سوداء جديدة تقف عند المدخل وسكرتيرتين حسناوتين بالداخل وإلي يوم الناس هذا لم أر من ذاك البنك أسهما أو أرباحا واستخلفت الله في دولاراتي وحمدت الله لأنني لم اكتتبت في مشروع سندس بتاع الصافي جعفر داك لو تذكرون. فنصيحتي لكم معشر المغتربين أن تحتفظوا بدولاراتكم ودراهمكم وريالاتكم أو أنفقوها على عيالكم ذلك أجدى لكم ولاتعطوها لهؤلاء السفهاء النصابين حتى لاتندموا.

[Ismail Hussein]

ردود على Ismail Hussein
[35سنة غربة] 12-27-2015 07:29 AM
أي والله ياأخ اسماعيل نفس الكأس أنا شربت منه وبمبلغ ألف 1000$ وأنا احتفط بوثيقة الاكتتاب من بنك المغترب ومن يومها راح علي الدرب .اللهم ياالله يا منزل الكتاب يا هازم الاحزاب لا تجعل لهم خيرا في ابنائهم وعشيرتهم وارنا فيهم واهليهم يوما أسودا بس ان الكلاب لطويلة الاعمار

[أنا سوداني انا] 12-27-2015 03:33 AM
كلنا اكتتبوا فيهو ومشينا زيارة لي المقر وكان فيهو الإدريسي ،،،،وطلع الموضوع فشنك

[KKambalawi] 12-27-2015 03:26 AM
يمشي سوار ويجي حوار..
لموا قروشكم عليكم...ديل نصابين أولاد حرام, وعايشين بي مال الحرام.


#1391122 [former Sudanese]
5.00/5 (1 صوت)

12-26-2015 10:44 PM
سبحان الله
طريقه ثانيه لسرقه اموال المغتربين وإبتزازهم.
يا حكومه الإنقاذ لقد صرتم مثل جهنم، دائما تسألون هل من مزيد، هل من مزيد.
الويل والويل لكم من يوم القيامه.

[former Sudanese]

#1391116 [دقنة]
5.00/5 (1 صوت)

12-26-2015 10:33 PM
إن لم تستحي فافعل ما تشآء !!!

[دقنة]

#1391099 [متسكع]
0.00/5 (0 صوت)

12-26-2015 09:54 PM
ايها الرباطي قف

[متسكع]

#1391098 [متسكع]
5.00/5 (1 صوت)

12-26-2015 09:53 PM
ايها الرباطي قف

[متسكع]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة