الأخبار
أخبار إقليمية
كمال عمر : ثلاثة أرباع الأحزاب «متخلفة»
كمال عمر : ثلاثة أرباع الأحزاب «متخلفة»
 كمال عمر : ثلاثة أرباع الأحزاب «متخلفة»


: «أقول لهم الشعب السوداني بقى واعي ومشاعره كلها مع الحوار»،
12-26-2015 08:00 PM
الخرطوم: عبدالرحمن صالح
أكدت آلية الحوار «7+7»، استمرار الحوار بعد انتهاء الثلاثة أشهر المحددة له إلى أن يصل الجميع إلى وفاق وطني شامل. وأشارت إلى اهتزاز قناعات الممانعين للحوار بمصداقيته، وذكرت أن قيادات الحركات المسلحة في الخارج والقوى السياسية في الداخل زال تخوفها من الدخول في الحوار، وأضافت: «أكدوا لنا أنه حوار حقيقي وليس ديكورياً كما كانوا يتوقعون»، في وقت توقع فيه قيادي بالاتحادي الأصل، اقتراب قطاع الشمال من الحوار أكثر من الحركات الدارفورية.
وأكد عضو الآلية كمال عمر، في حديثه لبرنامج مؤتمر إذاعي أمس، عدم حصولهم على موافقة قاطعة من الحركات المسلحة للقدوم للحوار، وأضاف: «لم يبدوا لنا رأياً واضحاً نستند إليه ونقول نريد أن نؤجل الحوار لقدومهم»، ووجه كمال رسالة إلى من وصفهم بالممانعين والرافضين المحتمين بالمجتمع الدولي للوصول للسلطة، وقال: «أقول لهم الشعب السوداني بقى واعي ومشاعره كلها مع الحوار»، ووجه كمال انتقادات لاذعة للأحزاب السياسية ووصف ثلاثة أرباعها بـ«المتخلفة»، وقال إنها لا تقوم بدورها الكامل في توعية المواطن السوداني، وقال: «هذه الأحزاب متخلفة ساي وهمها الأساسي الحزب وبتعمل الحزب عشان تصل بي للسلطة وليس لخدمة ووعي المواطنين». وأكد كمال عدم استطاعتهم تحميل أزمات البلاد إلى حزب معين، وأضاف: «انفصال الجنوب وأزمته عملها الاستعمار بسياسة المناطق المقفولة وليس الإنقاذ»، وحمل المجتمع الدولي مسؤولية الحرب الدائرة الآن في دارفور وجنوب كردفان والنيل الأزرق وانفصال الجنوب، وأضاف: «المجتمع الدولي ساهم في صناعتها لأنه لا يريد الاستقرار للسودان».
وفي السياق، أكد القيادي بالحزب الاتحادي الديمقراطي الأصل محمد المعتصم حاكم، أن قطار الحوار لن ينتظر أحداً، وهو يحمل مخرجاته التي تتوافق مع كل المواثيق، وتوقع حاكم اقتراب قطاع الشمال من الحوار أكثر من الحركات الدارفورية، وأضاف: «الحركات الدارفورية رفضت أن تأتي إلى الحوار مع الرئيس التشادي، وهذا جعلنا نشكك في نواياها»، وأكد وجود أصابع خفية تحركها، وقطع حاكم بعدم دعم الدول الخارجية للحركات، وقال: «الدول أُرهقت مادياً وأتوقع منها أن تضغط على الحركات كي تأتي إلى الحوار».
الانتباهة


تعليقات 22 | إهداء 0 | زيارات 2920

التعليقات
#1392155 [السماك]
0.00/5 (0 صوت)

12-28-2015 01:28 PM
ثلاثة أرباع الأحزاب «متخلفة» !!!

غلفاء وشايلة الموس تطهر في بنات الحي!!!

[السماك]

#1391671 [adilabraheemabousheeba]
0.00/5 (0 صوت)

12-27-2015 05:21 PM
كل الهبلمانه دى عشان تخرجوا بتوصية واحده هى كيف يحكم السودان وباقى الخرابيط بتاعتكم بلوها واشربو مويته

[adilabraheemabousheeba]

#1391625 [شليل وينو]
5.00/5 (1 صوت)

12-27-2015 03:47 PM
لإول مره صدق قول كاذب فى كثير من اقواله عن التجمع فى الخارج وتسترهم خلف الوهم ان المجتمع الدولى سوف يساندهم ويمدهم بكل المساعدات المختلفه للاطاحه بالحكم فى السودان .المجتمع الدولى يعرف السودان و قضاياه المتشابكه ويتابعها عن كثب ويسعى لتفكك وتقسيم السودان وان لا تقوم له قائمه وذلك للخوف من التيارات الاسلاميه والوحده وتطور اى بلد افريقى او عربى ولا بد لدول العالم الثالث الركوع حتى النخاع والاستسلام التام له لاثبات ان القوى العظمى ثابته لا تتغيير ويكفيك ما يحدث وجدث للعراق ولبيا وسوريا واليمن وافغانستان وروندا ومالى (فهم انت افضل من اخوك عرقيا ولونا وتاريخيا)والامثله كثيره وتتدخل بذكاء وطرق مختلفه .هذا للتوضيح.اما قوله(ان الشعب بقى واعى ومشاعره مع الحوار) ده فهم احوص . وينو الشعب نفسو؟ الشعب مش مشاعره مع الحوار بل طبيعة الحياه فى كل بقاع السودان التسامح والطيبه والسلام وتتمثل فى كل اهلنا وسماحتهم منذ زمن بعيد .كرهوا الحرب واجبروا عليها وانفصل الجنوب بكوا دما حزنا عليه مندهشين كيف حدث ذلك فلا تقول لى ان ازمة الجنوب عملها الاستعمار : الاستعمار جزء من لعبة المجتمع الدولى ولكن ما دور الحكومات من بعد الاستقلال غير رفع السلاح ضد الاخوه فى الجنوب ولم تبقى ذره فى معيار للحكم الا والضرب بعصى من حديد وهل حلت المشكله لا ,بل تفاقمت لاقصى حد وغرزت الكراهيه بسفك الدماء والامعان فى اذلال لاخوة الجنوب واتسعت الهوه بين الوصول لادنى حل وجاء الانقاذ بأسم الاعجاز فى زياده الطين بله وهدم ما تبقى وفقد الاخوه فى الجنوب كل الامل لان تكون هناك لغة حوار مع اى حكومه لطول الازمه وكثرت سفك الدماء ولكن لم يفقدوا الانتماء للسودان فعندما شعرت الانقاذ باليآس قرروا فصل الجنوب وبذلوا كل جهدهم لذلك وكان ما كان ولا لوم للاخوه فى الجنوب لانهم احسسوهم بانهم غير مقبولين للانتماء لهذا البلد علنا وسرا وعلى مستوى رئاسه الدوله . ولا اعرف لماذا سميت بثورة الانقاذ اين الانقاذ هنا بالمنطق؟ فلا تتعزر بالاستعمار .والمستعمرين لو عارفين كان بيحصل زى ده كان فصلوا الجنوب من زمان. ولكن لعلمهم ان اهل الجنوب هم سودانين عرقا وانتماءا وحبا للسودان الواحد . ودارفور فى الطريق ده كان من الاستعمار برضو؟ وحتعملوا شنوا ,تفصلوها؟ ضيعتوا البلد واهل البلد.

[شليل وينو]

#1391585 [cool]
5.00/5 (1 صوت)

12-27-2015 02:28 PM
نسيت ياكمال الكلب تحميل المجتمع الدولى فقدان سودانير
والسكه حديد ومشروع الجزيره والخطوط البحريه نسيت
ياكلب تحميلهم مصانع الالبان والنسيج وتعليب الفواكه
نسيت ياكلب تحميلهم الفساد والصحه والتعليم والجوع
والعطش والغاز والخبز والوقود نيست ياكلب الترابى
تحميل المجتمع الدولى التشريد والقتل وبيوت الاشباح
والتهجير والتعذيب والاغتصاب واكل اموال الزكاه
والحج نسيت تحميلهم حلايب والفشقه والاتاوات والجبايات
ومصانع تجفبف البصل والدباغه والدقيق والزيوت,نحن
نحمل المجتمع الدولى صبره ودعمه لاخوان الشواطين ياكلب.

[cool]

#1391495 [أبو محمد الأصلي]
5.00/5 (1 صوت)

12-27-2015 11:53 AM
يا كمال عمر لو فاكر أن دم علي فضل حيذهب هدر تبقى غلطان ، ولو فاكر دم مجدي محجوب محمد أحمد ورفاقه الذين قتلوا بسبب العملة تبقى غلطان ، ولو فاكر دم شهداء بورتسودان حيضيع تبقى غلطان ، ولو فاكر دم شهداء كجبار حيضيع تبقى غلطان ، ولو فاكر دم يحيى بولاد حيروح في الفاضي تبقى غلطان ، ولو فاكر دم شهداء سبتمبر حيجرفه النهر تبقى غلطان ، ولو فاكر ، ولو فاكر دم الزبير محمد صالح حيغرق معاه تبقى غلطان ، ولو فاكر إغتصاب البنات في أقسام الشرطة من قبل الضباط والعساكر بعد العقبض عليهن بتهمة الزي الفاضح وتهديدهن ومساومتهم على شرفهن والنتيجة دار المايقوما تبقى غلطان ، ولو فاكر إغتصاب الرجال في بيوت الأشباح حيمر مرور الكرام تبقى غلطان ، ولو فاكر الذلة والمهانة للشعب السودان بإسم الاسلام حتروح هدر تبقى غلطان ، ولو فاكر أكل مالك البلد والناس وإكتناز الذهب والفضة والدولار والمتاجرة بقوت الشعب حيروح هدر تبقى غلطان ، ولو فاكر أنه الشعب حينسى مخازيكم وقلت أدبكم عليه تبقى غلطان ، ولو فاكر الحوار مهما تمخض عنه سيقيكم سوء العذاب تبقى غلطان ، ولو فاكر أنه الشعب حينسى ما فعلتوه به وبمقدراته تبقى موهوم . والله تجعر ليل نهار ده ما بحلك لو أنزلت لينا مائدة من السماء . بل راسك وانتظر انا لمنتظرون .

[أبو محمد الأصلي]

ردود على أبو محمد الأصلي
[ود اغبش] 12-28-2015 08:30 AM
اصلي


#1391484 [الناهه]
0.00/5 (0 صوت)

12-27-2015 11:37 AM
صدقكم الاستاذ كمال عمر وان كذب عليكم
نعم الشعب السوداني يترقب نهاية الحوار ليرى سيناريو ما بعد الحوار حيث تعود اللحمه بين التوأمين السياميين بعد فرقه وشوق ولتعود الانقاذ سيرتها الاولى لوصل مانقطع ... وايضا ليرى الشعب السوداني الاحزاب الهلاميه الي وثبت مع حوار الوثبه والمتخلفه كما وصفها الاستاذ كما ليرى الشعب من سيحصل منها على منصب وتفتح له خزائن المال العام ومن سيركل على قفاه حتى يقع على وجهه
والاهم من ذلك وبعد انتهاء حوار الوثبه .. سيكون حتميا قيام المؤتمر القومي السوداني الجامع باحدى الدول الاوربيه تحت رعاية الامم المتحده والاتحادالاوربي وامريكا لاقرار حكومه ووضع انتقالي ديمقراطي وقدتكون المحكمه الجنائيه الدوليه وملف شهداء سبتمبر هي الاليه التى ستفعل على نحو غير معهود ولا مسبوق وما زالت الايام حبلى بالاحداث الجسام ويمكرون ويمكر الله والله خير الماكرين

[الناهه]

#1391411 [ghalip]
5.00/5 (1 صوت)

12-27-2015 10:17 AM
كلامك صـــــــــــــــــــاح يا كمال الماعندك علاقة بالكمال بس انت قبلهم طبعا

ي ....... خليك عندك مبدأ لو مرة في حياتك

انت وشيخك ال......... عار علي السودان

وليكم يوم

[ghalip]

#1391383 [aldufar]
0.00/5 (0 صوت)

12-27-2015 09:44 AM
هو التخلف افوتكم يا ساسة السودان هو فيكم عقول اسالوا روحكم كم حزب في بريطانيا وفرنسا وامريكا وكل دول الغرب . مافي بلد في الدنيا فيه 300حزب إلا صعاليق ساسة السودان اجمعوا كل عشرة فاشلين طامعين في الحكم واعملوا ليهم حزب واخر واحد ضموه للاحزاب حزب عثمان ميرغني شايف الاحزاب القبلوا جعلت من السودان وشعبه بلدا مثل البلدان المتحضرة يا اخي اتلهي حزبكم يا كمال هو اولهم تخلفا طامعين جميعا في الثراء وليس في تطور حكم راشد جميعا همكم ليس السودان ولا شعبه همكم يا حزاب الجلوس على الكراسي فقط ، الله اشتتكم جميعا يا حزاب وحركات متخلفة.

ولو فيكم عقول لجمعتم كل الخبوب والاحزاب الفاشلة ومعها الحكومة وعملتم اربعة احزاب فقط تجمع كل السودان ويصدر قرار قوي بالغاء كل الاحزاب الحالية منعا باتاً وتكوين اربعة احزاب تداول الحكم ويكون رئاسيا يا كمال الحمار لكن انتم جمعيا ياساسة السودان اغبياء والدليل هو فشلكم المستمر في دمار السودان وشعبه.
حتى تاريخه .

[aldufar]

#1391347 [سجمى سجمى]
4.00/5 (1 صوت)

12-27-2015 09:08 AM
سجمى سجمى الكلب بقى ينظر كمان
حكم حكم

[سجمى سجمى]

#1391336 [ودالشريف]
0.00/5 (0 صوت)

12-27-2015 08:59 AM
هههههه والله امرك عجيب كمال عمر انت اخر واحد يتكلم فى الاحزاب ويتكلم عن الوطنية انت مجرد اركوز مهرج لاتملك فكرا ولا صدقا تكذب وتكذب وتكذب ووحدك تصدق كذبك الشعب السودانى نعم واعي وعرف انكم منافقون فاسدون متاجرون بالدين لا خير فى اللاوطنى ولا فاللاشعبي انتم سبب بلاء هذا الوطن والله فقعتنا مرارتنا يا كمال عمر يوم تشكر ويوم تدلك ويم تسب وتسخط اذهب للجحيم انت واحوارك وشيخك كبير الدجالييين

[ودالشريف]

#1391321 [ود الكندى]
0.00/5 (0 صوت)

12-27-2015 08:50 AM
سعادة الشيخ/حسن الترابى لقد بنيت حركة إسلامية وانقلبت عليك ولقد حاولت ان تبنى سودان موحد الا ان أبناء الشمال رفضوا ذلك وانفردوا بالحكم كان السودان خاص بهم ولكن اكبر نقطة سوداء في تاريخك هي وضعية المدعو كمال عمر في حزبك الذى لايعرف كوع من بوعو نسأل الله ان يحفظ البلاد

[ود الكندى]

#1391268 [أبو علي]
5.00/5 (1 صوت)

12-27-2015 08:11 AM
أحد المعلقين الكيزان : ونحن عايزين رجال أقوياء ذي كمال عمر ده..

وأنتم أما زلتم تبحثون عن الرجال وقد بلغتم من العمر عتيّا!
منذ صباكم وأنتم تلهثون وراء الرجال (الهمّ) ألا تشبعون!
لاشفاكم الله من مرضتكم وجعلكم أبدا (عايزين رجال أقوياء)

[أبو علي]

#1391252 [ابواالليل]
5.00/5 (1 صوت)

12-27-2015 07:44 AM
المشكله اكبر بكتير من تصريحه هذا (ان الشعب بقى واعى).( واكد ويؤكد ويصر )وينو هو الشعب البتتكلم انتى بآسمه وعنو؟ نصف مهاجر ونصف غلبه الحيله فى اليسوى معاكم الشعب السودانى برئ من كل ذلك لا احزاب ولا حكومه ولا معارضه اصبحت تمثل فقط ضوضاءه فى فضاء السياسه السودانيه وطموحات شخصيه للاستيلاء على السلطه واللعب كما لعب غيرهم (الدور دورى), والمواطن البسيط يعرف ذلك جيدا بدليل سكوته واكتفى فقط بالنظر لما يدور ويدور فى حلقه مغلقه ومفرغه لكل مايحدث والبعض لا يعنيه من كل هذا غير لقمة العيش والتى اصبحت الهم الاكبر لكل اسرة.

[ابواالليل]

#1391180 [Aola Tah]
0.00/5 (0 صوت)

12-27-2015 02:42 AM
رئيسك لمن سرق السلطه قال انه من الاحزاب القديمه والقديم هوا اساس كل شيئ اما الفج والخمج من الحزبين الذكرتهم هم سبب انتكاس وانهيار السودان وانهيار المشاريع وتفكيك الاقاليم الي ولايات اما الحوار كان بين منو ومع منو انتم انشقيتم الي وطني وشعبي والحركات نفسها منشقه منكم يعني الحوار بينكم انتم وحبيتوا تقول بانكم بتعملوا حوار لمن حسيتوا بان التنظيم بتاعكم العالمي خلاص عملتوا مصالحه باسم الحوار والحوار بلا الاحزاب وحوار بلا شعب يبقي بيدور على حلقه مفرغه والاحزاب القديمه ايضا بها شباب بسدوا عين الشمس بس ما بشتروا وانت اادوك منصب وين

[Aola Tah]

#1391167 [باكاش]
0.00/5 (0 صوت)

12-27-2015 02:03 AM
زهو فارغ وعقدة متمكنة
وممارسة الانفصام عند الشعور
بالاقتراب من السلطة.....
الشعب السوداني هو الذي
قاطع انخابتكم يا....

[باكاش]

#1391145 [معاويـــــــــــــــــــــــــــــــة]
0.00/5 (0 صوت)

12-26-2015 11:58 PM
ياكلب انت منو القاليك الشعب السودانى والاحزاب بتجرى ورا السطله وانت كنت بتجرى ورا شنو زمنك ده كلو افاك دجال

[معاويـــــــــــــــــــــــــــــــة]

#1391131 [صلاح حسن]
4.88/5 (5 صوت)

12-26-2015 11:01 PM
(( «أقول لهم الشعب السوداني بقى واعي ومشاعره كلها مع الحوار»،)) .

و من بتين بقيتو تعرفو الشعب السوداني يا كيزان الشيطان ؟؟
أم ان الشعب السوداني عندكم هو ال 5 أو 6% الذين هم أنتم و مواليكم والهتيفة و النفعيين ؟؟

أنتم لا تعرفون شعب السودان ال مغيبنو فى كل شيئ تخص بلده و ماجايبين خبره فى 27 سنة و لا تتذكروه إلا حينما يصبح نظامكم الضعيف المتهالك فى كف عفريت و حينها تأتون تتمسحون به و تراوغون وتخادعون لكسب وده لكى يخرجكم من ورطاتكم و مشاكلكم .

و خليك انت فى صلافتك و عنجهيتك و إفتراءك و نظامكم المستبد الفاسد قارب محطته الاخيرة قبل ولوجه مزبلة التاريخ و عندها سيأتى بكم شعب السودان فرداً فرداً للمحاسبة و للقصاص على جرائمكم بهذا البلد و بشعبه الكريم , إنكم ترونه بعيداَ و نراه قريباً و بكرة تشوف يا كمال عمر ماذا سيحدث لكم عندما تٌنصب المحاكم فى الميادين و فى الاحياء , و ان غداً لناظره قريب ,

[صلاح حسن]

#1391095 [عصمتووف]
4.00/5 (3 صوت)

12-26-2015 09:45 PM
يبدو ان المتطفل لم يعرف الشعب السوداني بعد لا يعلم حين الواحد يغضب من اخية يقول له العن ابوك لو تعتقدون ب اننا خائفون من انهيار البلاد وتتحول الي سوريا جديده اهلا بها ف لا تعتقدوا بانكم حامين البلاد ومجرد سقوطكم ستنهار نعم اتمني ذلك لكن هل سال واحد فيكم عن مصيره كل المختلفين المعارضين ف رايكم وغير متوحدين هدفهم واحد تصفيتكم نتفق جميعا علي اجتثاثكم من الجزور ومشروعكم الوهمي سوف يذهب هباء تزروه الريح بل لا مكان لردم جيفكم النتنة ف حفره واحده هنا ف اول مره الحساب ميداني من مكان الاختفاء الي الشارع ومنها محاكمة وتوجية اتهامات افساد الحياة الاجتماعية والسياسية والاقتصادية غير كل من قتل واعتقل وعذب وافقر وفصل من عملة لائحة جاهزه انتظروا لتسديد الحساب فاتوره باهظة لكم ابقوا رجال مع امنياتنا لكم برحلة سعيده الي جهنم خالدون فيها ابدا

[عصمتووف]

#1391088 [لاحس كوع]
3.00/5 (2 صوت)

12-26-2015 09:26 PM
انتم كاذبون مخادعون،،الجزاء من جنس العمل،،الفلم اوشك ان يصل لنهايته،، لادائم الا الله.

[لاحس كوع]

#1391087 [ابو اروى]
3.00/5 (2 صوت)

12-26-2015 09:19 PM
هذه احصائية ممجوجة وان كنت اوفقك الرآي على ان تكون انت وحزبك في مقدمة هذه الاحزاب.
ولكن تعسا لعبد الدرهم والدنار، تعسا لسياسي ليس له مباديء

[ابو اروى]

#1391083 [المحتار]
3.00/5 (2 صوت)

12-26-2015 09:07 PM
متخلف انت و خشمك الكلو بذاق

[المحتار]

#1391082 [أبراهيم عثمان]
2.00/5 (3 صوت)

12-26-2015 09:05 PM
عفارم عليك يا أستاذ كمال عمر أديهم فوق رأسهم عشان كل واحد يعرف حجمه كويس... 100 حزب تعبانين ياخي مليتو البلد أحزاب... ومش التعبانين الاحزاب الجدد بس.. العكس.. التعبانين هي الاحزاب التاريخية العجوزة الخرفانة دي.. الاحزاب الجدد أحسن من القديمة شوية وفيها عقول شباب.. وعاش المؤتمر الوطني والمؤتمر الشعبي.. ونعم لتوحد الاسلاميين لأن التوحد قوة.. ونحن عايزين رجال أقوياء ذي كمال عمر ده.. وناس المؤتمر الوطني كلهم متكيفين منك من الرئيس لأصغر عضو... وفي زول من الجماعة قال مقولة عجيبة: أفووو عليك يا كمال عمر في المعارضة عذبتنا وفي الشراكة كيفتنا.

[أبراهيم عثمان]

ردود على أبراهيم عثمان
[زول] 12-27-2015 09:38 AM
مشاء الله متكيفين منو حلوة دي .لكن سؤال بسيط الزول خليتو ليهو حاجة الحساها والا خلصت الحدوتة. والله لو عملتو ليهو كشف انا اول واحد ادفع بصراحة الراجل تعب معاكم تعب شديد وما قصر ونبح في الحوار نبح تمام استاهل.كم سنة ضاعت من عمرو واصحابحو مشاء الله بنو القصور واسسو الشركات واموال بالهبل في البنوك الاجنبية.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة