الأخبار
أخبار إقليمية
الجواز الجديد بين قيمتين !!!!
الجواز الجديد بين قيمتين !!!!
الجواز الجديد بين قيمتين !!!!


12-29-2015 08:49 PM
الرفاعي عبدالعاطي حجر


السيد / وزير الداخلية لجمهورية السودان
السيد / النائب العام لجمهورية السودان
السيد/ وزير المالية لجمهورية السودان
السيد / وزير العدل لجمهورية السودان
السيد/ المراجع العام لجمهورية السودان
السيد/ الأمين العام لجهاز شؤون السودانيين بالخارج
السيد / سفير السودان بالمملكة العربية السعودية
السيد / قنصل عام قنصلية السودان بجدة
السادة / رؤساء تحرير الصحف السودانية الصادرة في الخرطوم


السلام عليكم ورحمة الله وبركاته ,,,

أخاطبكم بصفتي احد المغتربين بالمملكة العربية السعودية – جدة , ولما للأمر من انعكاسات سالبة , ولما للأمر من أهمية قصوى , ولما أجد في الأمر من زهق القرار , وتعب المقرر بشأنه وقلة حيلته , وعنت المقرر بالأمر إداريا , آثرت أن أقول الحق , برغم مهددات كثيرة , وهي شهادة يجب أن تقلها, ( فإن تقلها تمت وإن لم تفعل فالموت حق علينا ) , فالأفضل أن تصدع بالقول الحق ما كان متيسر لديك من وسيلة , وما دامت صحيفة الراكوبة الإلكترونية تمنحنا هذا الفضاء , دون منىً ولا أذى , بل بكل الحب والود والتعاون , خدمة لقضايا أبناء شعبنا , فلنفعل , فلها التحية والشكر والامتنان, أن أوصلت أصوات الغلابة والبسطاء , إلى ساحات , الرأي العام , ليقرأ البسطاء ويتكون رأي وفكرة , حول القضايا العامة , عسى أن تأتي ثمار ذلك خطوة عملية لحل أشكال الجواز الجديد , الذي أصاب إرهاق , وإعياء , من يخطب وده , لنكون رمينا بحجر في أزمة , ما كان لها أن تستفحل , وتصير هماً إلا نتاج صمت من يرى الفعل ويقف عاجز , متى يبلغ البنيان يوماً تمامه ,.

الواضح عملياً لأي مراجع , لطلب الجواز المشقة التي ترى عياناً بياناً في وجوه كالحة أعياها السهر والحضور مبكراً وقد تصيب حظاً أو لا, أن تنال استمارة هي غاية في الأمنيات , التي ربما تتطلب , قيام الليل واستذكار, الأوراد المنجية, من الهلاك أمام أبواب القنصلية , فهل من طريقة أخرى ؟ أيسر ؟ وأسهل ؟ لتحقيق مراد المغترب المهدود بين مشادة , تكاد تقطعه إلى أجزاء ؟.

الحقيقة التي يجب أن تلم بها صحافتنا ومسئولينا هي أن الجواز هنا يكلف ما قيمته خمسمائة وخمسة عشر ريالاً سعودياً . وهو مبلغ بسعر الصرف السوداني يماثل ثلاثة أضعاف المبلغ في السودان ؟؟؟ فما هي الأسباب ؟؟؟ هل من حقنا , أن نطرح هذا السؤال ؟؟؟ اعتقد من حقنا , فإذا كان الأمر كذلك ؟ فلمصلحة من وكيف توزع هذه الزيادة ؟ ثم انه هل من حق المغترب ألا يدفع أي أموال زائدة ومفروض محلياً ؟؟؟؟.

الجواز الجديد اقتضته ظروف تحولات إلى الجواز الإلكتروني نعلمها , ونعلم أن القدرات عندنا ضعيفة !! فهل يمكن تأجيل الخطوة قليلاً والسماح بالسفر للسودان بالجواز الأخضر ليتم الاستبدال هناك ؟ سيقول احدهم , الأفضل هنا رغم غلاة سعره ؟؟ نقول لا فالأفضلية لاستخراجه في السودان, كسباً للوقت واستئناس بالأهل , وأن تكلفة الجواز هنا يستعاض عنها بمتعة الطواف على البلاد ورؤية إذا ما كان متيسر العيش فيها أم لا ؟؟؟

فشلنا الإداري بائنا في تنظيم هذه الخدمة البسيطة , ولذلك , طرحت الأسئلة, والنداء لعدة جهات , وحصر المستهدفين ومن ثم توفير بوابة لأصحاب الظروف الخاصة والطلبات الخاصة من شاكلة سفر اضطراري , وتجيدي إقامة , وجامعات ومدارس .... الخ , اعتقد أن أي عمل لنا يصاحبه , ضجيج كبير ومشكلات لا حصر لها , وهنا يبرز دور جهاز المغربيين, في تنسيق هذا الأمر , وجهده في طرح , معالجات عاجلة, تقتضي توفير, الجهد والوقت والمال المهدر, في استخراج جواز!!! .

النداء يستوضح بالضرورة ماهية مضاعفة قيمة الجواز ؟ وهل قانوناً ينبغي أن تكون للجواز قيمتان ؟ في الداخل بمبلغ ثلاثمائة وخمسة وثمانين جنيهاً سودانياً , بينما في جدة قيمة الجواز والمدفوع مبلغ ومقداره خمسمائة وخمسة عشرة ريالً سعودياً , وعندما تحول القيمة للجنيه , يقارب المبلغ لألف وستمائة جنيه (بالجديد) , وبالقديم مليون وستمائة ألف جنيه, فهل يعقل ؟؟في أي عرف ؟ هذا التناقض وهذه المبالغة ؟, إن لم نقل مفارقة !!! وربما ترقى لأكبر من هذا المعنى !!!

السادة المعنيون بالأمر:

نرجو أن تحل مشكلة التناقض , في قيمة الجواز الجديد, بين الداخل والخارج , ونسمع رأياً قطعياً, في القيمة الزائدة , أما أنها خطأ, يزال , أو صحيحاً وتبقى ذات تفسير قانوني ومالي واضح الدلالة .
السادة أهل الدراية , بموضوع الجواز الجديد , إن الاكتظاظ والزحام , اللا ترتيب التي تعتري طالب الجواز وبالبلدي ( الشلهتة والبهدلة ) , يجب أن تنتهي , و رغم أن الأمر عاماً , لم نرى أي قنصلية أخرى, غير السودانية تعاني هذا الزحام , وسوق الله اكبر السوداني , نهاراً وليلاً فهلا ؟ نطمح في معالجة, تعيد لنا الترتيب والانضباط والمثالية الإدارية .والله من وراء القصد .





....................................حجر.
[email protected]




تعليقات 32 | إهداء 0 | زيارات 9903

التعليقات
#1393622 [الخمجان]
0.00/5 (0 صوت)

12-31-2015 11:05 AM
شكرا يا شباب علي المرور لقد هرمنا وآن لنا ان نحفظ شيبة رأسنا

[الخمجان]

#1393598 [محمد عبد الرحمن محمد حسين]
0.00/5 (0 صوت)

12-31-2015 10:24 AM
الاخ محمد حسن فرح نرصد اخطاء الافراد والجماعات واي من يمثل اسم السودان واساء التمثيل نحن له بالمرصاد ونحن اي جهة خليها للزمن

[محمد عبد الرحمن محمد حسين]

#1393514 [حسين]
5.00/5 (1 صوت)

12-31-2015 08:16 AM
يافرحتكم بالجواز ....اتغير الشكل واللون لكن المضمون هو هو...جواز دولة مصنفة عالميا بالارهابية فيا ترى ياسودانيين دفتر التلفونات دا تقدرو تسافرو بية لوين انشاء اللة

[حسين]

#1393503 [المتفائل]
0.00/5 (0 صوت)

12-31-2015 07:29 AM
إقتراح يا وزير الخارجية المحترم وهو :


أن يتم تجديد الجواز الالكتروني بوضع استكر يحمل تاريخ التجديد ونهاية الخمس


سنوات وطبعا يثبت ذلك في الكمبيوتر .


او


من الاول يكون تاريخ الجواز مفتوح كالجنسية وان كان لابد من الدفع فاليكن كل



خمس سنوات مثلا .



ربما يساهم في حل أزمة الزحام وتوفير المال العام

[المتفائل]

#1393461 [حسكو]
5.00/5 (1 صوت)

12-31-2015 01:33 AM
عندك واسطه تستلم سريع ماعندك تنتظر الارنيك كان يباع بالسر بي 300 ريال لمن الزحمه زادت سعرو وصل 500 ريال

[حسكو]

#1393303 [سوداني وافتخر]
5.00/5 (1 صوت)

12-30-2015 03:33 PM
الاخ كاتب المقال نسي شئ مهم جدا وهو بيع الاورنيك بطريقة غير نظامية ،،، بعض النافذين داخل السفارة يعطون الارانيك لقرابيهم واصدقائهم ويقومون ببيعها للمراجعين ،، وكنت شاهد عيان عندما تم القبض على واحد جاء ومعه اورنيك بالرقم 25 وكان هناك اورنيك اخر يحمل نفس الرقم ، فتم استجوابه واعترف بالشخص الذي باع له الاورنيك وهو معروف (اتخفظ باسمه حاليا) يحصل هذا الاخير على الارانيك بواسطة مقدم (في صلة القرابة خاله) يعمل داخل السفارة ، يوصلها له عن طريق احد عمال السفارة. ونفس العامل في السفارة يقدم الارانيك لسيدتين او ثلاث معروفات ببيع الارانيك لكل ناس جدة
اريحونا منهم .

[سوداني وافتخر]

#1393158 [السودانى الاصيل]
5.00/5 (2 صوت)

12-30-2015 11:44 AM
والله يا جماعة انا ما كوز ولا بحب الكيزان وتم احالتنا للصالح العام وعد تعيننا فى اى وظيفة على الرغم من انى مهنى وخريج جامعة الخرطوم فى عهدهم الميمون ولكن الحق يقال الموظفين فى السفارة و اله ببذلوا قصارى جهدهم وانا عملت الرقم الوطنى من قبل و الجواز خلال هذا العام والله الناس دى بتقعد من صباحية الله الى الساعة الخامسة و السادسة مساء حتى لو بياخذوا اوفر تايم برضو الناس دى شغالة وما مقصره ابدا ولكن الرسوم ما منطقية حقيقة

[السودانى الاصيل]

ردود على السودانى الاصيل
European Union [ترنتي] 12-31-2015 12:57 PM
أتفق معك وأما أيضا لست بكوز ولا جك


#1393136 [محمد حسن فرح]
5.00/5 (4 صوت)

12-30-2015 11:06 AM
أكبر جالية عددا في السعودية وبالتالي الرياض هم: الباكستانيون المصريون الهنود البنغلاديشيون يلي ذلك الاندونيسيون اليمنيون الفلبينيون ... اذا ذهب لسفرات هذه الدول في الرياض يأخذك العجب من النظام والنظافة والهدوء اطلاقا لا طيرا يشقشق او عصنا يحف وفي هذه السفارات ممنوع ان يراجعهم مواطنهم بملبس لا يليق والموظف مستحيل ان يترك مكتبه طوال ساعات العمل الا للضرورة والضرورة تعني الذهاب للحمام أو استجابة لرئسه!! اما في في سفارة السودان فتعالوا لتروا العجب العجاب علما بان عدد السودادنيين المقمين في السعودية يكاد لا يصل ال 450 الف { حتى الآن لا توجد احصائية رسمية دقيقة بل ليست هناك جهة معنية بذا وانا اتحدى السفارة ان تفيدينا برقم صحيح في هالشأن} .. في سفارتنا في الرياض من دخولك بابها{ الباب مشرع وهامل لا يوجد معني الامن والسلامة مسموح لمن هب ودب ان يدخل بلا إذن بلا مساءلة} تبدأ الجباية على يمينك وفيه قذر مع فوضى عارم ومؤخرا نقلوا مكتب الجوازات قرب البوفيه { المواطن السوداني نفسه عدو للنظافة فآثار اكلهم من أوراق متناثرة وقواير ماء فارغة وكاسات الشاي الورقية على الارض وعلى الطرابيز حدث ولا حرج } على اليسار غرفة جباية للتصوير الضوئي ولتصوير المستندات باستغلال بشع للناس { يقولون ان ريع هذا المكتب ترجع لجمعيات القرآن في السودان! الله أعلم } موظفي السفرة لا يلتزمون بزي موحد او على الاقل بوضع شعار السفارة والاسم في صدورهم وفي الغالب ياتي موظفهم متأخرا متجهما كسولا ومتحفز للشجار مع المواطنيين فضلا ان دائم التحرك قليل الجلوس في كرسية ومكتبه ،، وهم مبهدل لا يعني بملبسه وهندامه والموظف في السفارة لا يبالي في الجلوس على شباك المعاملات والسفة في فمه ومرارا شاهدت ضابط جوازات بهذا المنظر المنتن في ردهات السفارة.. ابواب السفاره في الداخل يعني لا خصوصية لماتب الحكومة تستطيع الدخول الى داخل الداخل وهناك نفس الفوضى والمجاملات في كل مكتب شلة من الاصحاب والمعارف للمعاملات والخدمات الخاصة .. فوضى ضارب كل ركن من السفارة .. جدر السفارة تكاد تكون مغطاة بالاعلانات وذا شي غريب جدا ,, ورغم ان السفارة تحاصر المواطنين بالرسوم والجزية والاتاوات لا تجد اثر هذه الغرامات حتى المسجد .. فالسفرة من اكثر من 20 سنة عجزت ان تهيئة مكان مناسب للصلاة يصلون في غرفة 7×6 متر والقبلة منحرفة { ما كلفوا نفسهم حتى بالبحث عن محسن من السعوديين وما أكثرهم لبناء مصلى مناسب للسفارة } هذا باختصار داخل السفارة في الخارج تجد سياراة المراجعين السودانيين يثير الدهشة لانك لا تجد في طول حي السفارات وعرضها سفارة امامها هذا العدد الضخم من السيارات المتهالكة!! ورغم ان كان مقر لآمن السفارات امام كل سفرة الا ان السفاراة السودانية تيبدو مستثناة من ذا ,, هذا حال السفرة وموظفيها الذين لا يسرك ولا يسعدك رؤيتهم فضلا عن التعامل معهم ... وانصافا هناك كلمة في حق المواطن السوداني وبخاصة مراجعي السفارة السمة الغالبة الفوضى والعشوائية واظن ان الانسان السوداني عدو للنظام والنظافة ومن المؤسف ان بعض السودانيي يراجع السفارة بملابس هزيله كالعراقي والسروال والطاقية او عمة قذرة او بنطال متهالك { الا من رحم الله } والسوداني لا ينسى علبة او كيس التمباك ولا ينسى اطلاقا بصق ورمي سفته في الاركان حتى في السفارة! هذا باختصار

[محمد حسن فرح]

#1393113 [Sebit]
5.00/5 (2 صوت)

12-30-2015 10:21 AM
Change the map to

I am conservative

[Sebit]

#1393099 [وحيد]
5.00/5 (2 صوت)

12-30-2015 09:59 AM
روح السفارة الفلبينية و شوف السفارة بتحترم مواطنها كيف .... نحن تحكمنا عصابة من المجرمين و القتلة و اللصوص لا هم لهم الا اذلالنا و فرض الاتاوات علينا و من اعترض انضرب او انقتل ... خلينا نبقى رجال و نقوم على الرمم ديل نخلي ريحتهم طير طير ...

[وحيد]

#1393089 [رؤيا]
5.00/5 (5 صوت)

12-30-2015 09:50 AM
يا اخوانا السلام عليكم ورحمة الله وبركاته

مدام جبتوا قصة الجواز الالكترونى دا بغض النظر عن السعر والتعب والصفوف والاخطاء وغيره وغيره ..

اهم شيء قصة الصورة الفى الجواز دى كل دول العالم .. ما عدا السودان .. التصوير بتم بكاميرات ذات جودة عالية وتقنية رهيبة .. بس نحن اى واحد منكم يفتح جوازه وكم جواز شخص قريب منه او معاه ويشوف الصور أولا التصوير تحس انه المصور راقد في الأرض ويعاين ليك من تحت ويصور .. عين مفتوحة عين مقفولة طرحة معدولة طرحة غير معدولة رأس عديل او مايل شمال يمين .. يا اخى في فن تصوير ما عارفة ما سمعوا بيهو .. ما قلنا تعديل ولا تغيير بس تصوير على الأقل لما تعرض جوازك في مطار ما يقعد موظف الجوازات يعاين مية مرة وللصورة ويقلب الجواز فوق تحت علشان يعرف الصورة دى مأخوذة كيف .. التصوير حدث ولا حرج ..

والله والله والله انا لما مشيت أتصور في المغتربين الكانت بتصور فينى كانت بتتكلم مع الموظفة التانية وهى بتصور ولمحت الشاشة لمحة سريعة وقالت لى خلاص .. سألتها انتى شوفتى الصورة دى عديلة مظبوطة ولا لا .. قالت كويس بدون ما تعاين حتى قلت سبحان الله ..

يا اخوانا الجوازات دى بنسافر بيها .. بنسااااااااااافر بيها .. على الأقل اتحلينا من الجواز القديم ووقعنا في قصة صورة الجواز الجديد .. جيبوا فنى تصوير عديل علشان يظبط الصورة والله انا لما اعاين للجواز واشوف الصورة أقول دى انا ولا لا وصورونى كيف خليك من العاملين في المطارات الدولية الأخرى وعلشان اتفادى القصة دى ما زلت مرفقة الجواز القديم مع الجديد بس البشوف الجديد ويتعب نفسه أقول ليهو افتح القديم يشوف الصورة ويطابق الأسماء الأمور تمشى..

يا اخى شلتوا قروشنا دفعنا دون اعتراض طيب اعملوا لينا بيها شيء جدير بالاحترام ..

انا شفت صورة واحدة والله اتذكرت الصور الكانت بتتعرض في التلفزيون زامان لشخص .. ميت في حادث ومجهول الهوية .. مستحيل اصدق انه دى حكومة ومستحيل اصدق انه دى طريقة لجواز الكترونى .. والله القديم كان افضل لو دا بس مستوى التصوير .. غير الأخطاء وقصة التعديل ..

ولا الرقم الوطنى .. حدث ولا حرج

احترموا المواطن السودانى وهويته .. والهوية دى لما تكون عبارة عن اثبات شخصية اعملوه زى الناس ..

ولا حول ولا قوة الا بالله .. وحسبى الله ونعم الوكيل فيكم ..

[رؤيا]

ردود على رؤيا
[الكنزي] 12-30-2015 11:55 AM
انا صوروني في الاول و بعدين بعد شهر و نص مشيت القنصلية في دبي (ما في زول برد ع التلفون و لمن مشيت ليهم بالدرب لقيتهم قاعدين جنب التلفونات و بتونسو !!) المهم الاسم طلع فيه خطأ بالانجليزي امسكك امسكك بديت اجراات من اول و جدييد طبعا بعد اسبوع من فلم خطأ الاسم ... المهم بعد اسبوعين كمان جبتو عدييييل من السودان صحبت راكب ... الزول السلمو لي سالتو اول ما فتحت الجواز .. يا زول انت متاكد دا انا !!؟؟؟ اتخلع و قال لي يعني ركبو ليك صورة في اسمك .... والله يا اخت اصبتي كبد و فشفاش و كلاوي الحقيقة لمن علقتي بان الصورة بتديك احساس انو الصورك دا كان راقد في الواطة! ... الغايظني لي هسة انو جايب لي اضان و التانية مافي .. علي الرقم من كبر اضنيني!

[مدريد] 12-30-2015 11:34 AM
ما قلت إلا الحقيقه ...معي هذا الجواز لا بأس به من حيث التصميم الحاجه المكرهاني فيه الصوره أنا كأنه مش أنا وأعوذ بالله من قولة أنا... أذكر الكاونتر اللي صادفته كان فيه واحده شكلها يخوف عديل أول ما وقفت قدامها التقول جيت أشيل معاها فاتحه .دون أي اهتمام انتهت من إجراءات التصوير ... لامن أستلمته عاينت للصوره أكتر من مٌره ...حاجه تقرف ..


#1393088 [abu Mzin]
5.00/5 (1 صوت)

12-30-2015 09:50 AM
سؤال لماذا الصورة غير ملونة هو الجواز الوحيد فى العالم صورته غير ملونه

[abu Mzin]

#1393078 [[email protected]]
5.00/5 (1 صوت)

12-30-2015 09:42 AM
مسألة بزنس

[[email protected]]

#1393077 [الخمجان]
5.00/5 (1 صوت)

12-30-2015 09:42 AM
يا اخوانا افيدونا انا مقيم في السعودية ومسافر بتأشيرة خروج نهائي في شهر
مايو 2016 وأقرب موعد للتقديم علي الجواز الالكتروني وجدته في ابريل 2016 علما
أن الجواز سيصدر بعد شهرين من الموعد المحدد . سؤالي هو ممكن اقدر أسافر نهائي
بالجواز القديم ولا لازم الجديد العندو علم يفيدنا وجزاكم الله خير

[الخمجان]

ردود على الخمجان
[عبادي] 12-30-2015 04:23 PM
ربنا يعدل طريقك ان شاء الله
كلنا يوم ما سوف نرجع غصبا عننا

[rashid] 12-30-2015 01:08 PM
ياالخمجان ات ازول منصيح نهائي علي وين .والله ترجع نهائي تندم وبعد العندك يكمل تفتش في الرجوع متلقاه .

[ابو الشاذلي] 12-30-2015 12:13 PM
يمكنك السفر ان شاء الله طالما انك ذاهب الي السودان وليس دوله اخري وقد استفسرت قبل فترة من السفارة وجوزات المطار

[متابع قرفان] 12-30-2015 12:09 PM
أخي الكريم ، انا عملت أجراءات الجواز الالكتروني في سفارة السودان بالرياض وسألت عن كل المواضيع ...
شوف ممكن تسافر بالجواز الاخضر .. أذا كلن مجدد حتي 16/5/2015م ، واذا لم يكن مجدد سيجدد لك عادي بمبلغ 115 ريال ، بشرط انك تبدا في أجراءات الجواز الالكتروني الجديد ... بمعني انك تقدم للرقم الوطني اذا كان ما عندك ... وتعمل التصديق للجواز الالكتروني الجديد .. وممكن تدفع الرسوم 530 ريال ..بدون ان تتقيد بالاستلام بعد شهرين لانو ح تستلم في السودان ..
بالمناسبة ما تشتغل بموضوع حجز موعد للاجراءات ...لانو ما شغالين بيهو في السفارة كتير ... أهم شي تكون في السفارة أو القنصلية بدري .. قبل الساعة 8 صباحا ..
لانو بعد 10.30 صباحا ما بقبلو زول .. وما تشتغل كتير بموضوع موعد وما موعد دي ...
نقطة ثانية مهمة جدا جدا .. بالجواز الاخضر القديم لازم تحجز وتسافر علي الخطوط السودانية .. أي سفر علي اي خطوط تانية .. برجعوك من المطار ...
خلاصة الموضوع .. ونصيحة ليك أذا كان جوازك مجدد حتي تاريخ سفرك بالخروج النهائي
يعني جوازك ساري المفعول حتي شهر مايو 2015م ... طوالي احجز علي الخطوط السودانية .. وفي أمان الله .. وسلم لينا علي الاهل جميعا ... ربنا يوفقك يا أخي ...

[الدجاج عامل ازعاج] 12-30-2015 11:54 AM
وانت مسافر نهائي يا خمجان !!
والله فعلا خمجان ..
يلا امشي خم وصر واتخمج


#1393062 [عبد الرحمن]
4.75/5 (3 صوت)

12-30-2015 09:20 AM
لا يغير الله ما بقوم حتى يغيروا ما بانفسهم. وانت بتخنق في عود كما جاء بالمثل. فوالله الواحد بقى يستحي لما يقول انا سوداني!!! والآن نعيش على خلفية اجدادنا وا خلفوه لنا من انجازات وقيم ومثل. أما ما تتحدثوا عنه فهذا هواء لا معنى له فكونوا اكثر عملية واعملوا ما هو في مصلحتكم فعسى الله ان ياتي بقوم اخرين يغيروا ما حل بهذه البلا. وان طال الزمن او قصر كل شيء له اخر فنسال الله العفو والمغفرة والصبر. فوالله هذه نصيحة قيمة قلتها لكم من باب انظر لمستقبلك وامشي لقدام لا تلتفت لما حولك. والمثل يقول من لا يخاف الله فخافه. والله المستعان

[عبد الرحمن]

#1393039 [حموده الفكي]
5.00/5 (4 صوت)

12-30-2015 08:54 AM
لماذا لا يمكن الحصول على الاستمارة وتعبئتها أونلاين
لماذا يطلب الحضور للتصوير وأصلاً الصورة موجودة في السجل الوطني
يبقى المطلوب فقط بعد تعبئة الاستمارة أونلاين من موقع الجوازات السودانية ودفع الرسوم إلكترونياً (سواء من السودان أو الخارج) تحديد موعد (أونلاين) لاستلام الجواز
ما هو المستحيل في هذه الإجراءات المبسطة؟

[حموده الفكي]

#1393037 [محمد عبد الرحمن محمد]
5.00/5 (2 صوت)

12-30-2015 08:52 AM
زد علي ذلك سماسرة من جنسيات افريقية تسهل لك الاورنيك وتقدم ليك ويدخلوك تتم الاجراءت علي فكرة (ماممكن تطلع الجواز من السودان لانه سوف لايسمح لك لالسفر اطلاقا بالجواز القديم ده رد علي (ابو أحمد) والرد التاني للهلباوي مافي قوة تقدر تسفرك وتهديد السفارة او القنصلية لاي واحد بانه من الممكن عمل خروج مستحيلة والقانون ظاهر من يستطيع عمل الخروج هي الجهة التي تعمل بها فقط وأطمئن الاخوة المغتربيين بأنه تم انشاء جهاز لمراقبة الاجهزة الامنية بالسفارة مع بعض الجهات السيادية في السعودية والسودان

[محمد عبد الرحمن محمد]

ردود على محمد عبد الرحمن محمد
[محمد حسن فرح] 12-30-2015 10:07 AM
{{ وأطمئن الاخوة المغتربيين بأنه تم انشاء جهاز لمراقبة الاجهزة الامنية بالسفارة مع بعض الجهات السيادية في السعودية والسودان }} مالمقصود بهالعبارة؟ وكيف ذا؟


#1393031 [الكترابة]
5.00/5 (1 صوت)

12-30-2015 08:44 AM
امشي السودان
وحا تدفع ضرائب ورسوم
لا مفر من حكومة الجبايات

[الكترابة]

#1393029 [najy]
5.00/5 (1 صوت)

12-30-2015 08:43 AM
على حسب علمي ان الجوز القديم مسموح بة الفسر الي السودان فقط و علي الخطوط السودانية

اما السفارة و ما ادراك ما تيم السفارة .... حدث لي موقف في سفارة الرياض لدى موظف الجوازت حيث كنت اريد ان اطبع الرقم الوطني (مفقود) واذا بالموظف الموجود ليس على مكتبة لاكثر من ساعة ونصف و عندما حضر الي المكتب و طلبته بطباعة الرقم قال بكل تبجح الا بعد الساعة 2:30 هسي م بطبع لك و كانت الساعة وقت حديثي معة 11:15 قلت له ان ما فضي و ما بقدر انتظر كل هذا الوقت فط لطباعة رقم قال بكل تهكم مافضي ....... مسنكرا الكلمة كاننا جانا في الاغتراب من اجل المراجعة في السفارة فقط وليس لدينا اعمالنا

موقف اخر من سعادت النقصل في الرياض بخصوص نفس المشكلة الرقم الوطني ... عندما اشتكيت انه لا استطيع ان اطبع الرقم من الجوازت السفارة رد بكل تهكم مدروس لديهم (كيف تضيعو مفترض ما يضيع) كان ردي لة ان اي شي في الدنيا بضيع حتى الزول نفسو ممكن يضيع .... فكان ردة الغريب و الذي صدمني و لم اكن اتوقعه ابدا من رجل مفترض درس السياسة و فن التعامل كان ان قال لي (لو كنت حافظتة علي الرقم ما كان احتجته تجي عندي و تستجيني عشان نطبع لك الرقم !!!!!!!!!!) تخيلو مدي فهم موظفين السفارة لمراجعين .... فكان ردي له استجديك ؟!!!!!! انا لوقف في باب بيتك تقول لي الكلام ده وله بشحتك شي يخصك تقولو لكن الغلط ما علك الغلط علي الدخل علي زول زيك بعته الخارجية عشان تمثل المؤتمر الوطني و حكومتهم

[najy]

#1393026 [محمد ساتي]
5.00/5 (2 صوت)

12-30-2015 08:41 AM
شكرا للسيد / حجر على هذه البادرة منك وهي نابعة من قلم يتألم بقوة وبحسرة على الإنسان السوداني الأصيل / الشعب الطيب / الشعب الأمين المخلص ..

لا نريد تقليص الرسوم إذا كانت هذه الرسوم ستصب في مصلحة الوطن والمواطن وحتى ولم تصب في مصلحة المواطن .. آمل أن يتم تغير فترة استخراج الجواز بدلا من شهرين أن يكون الاستلام خلال اسبوع إن أمكن .. وهذا هو مطلب الجميع ..

والله الموفق والهادي إلى سواء السبيل ..

[محمد ساتي]

#1393025 [عبد الرحيم سعيد بابكر]
5.00/5 (1 صوت)

12-30-2015 08:39 AM
شكرن الكاتب العزيز كان يلزمنا اثارة هذا الامر من البداية..فروقات السعر في قيمة الجواز؟ سؤال مطروح نرجو من رؤساء تحرير الصحف اعادة طرحه..ويبدو ان هناك ثلاثة سعار لقيمة اجواز الجديد (1) القيمة لمحلية في السودان (2) 515 ريال في جدة (3) 530 ريال في الرياض؟ هذا الفرق يلزم تبريره أو الغاءه..

[عبد الرحيم سعيد بابكر]

#1392984 [الغاضبة]
5.00/5 (2 صوت)

12-30-2015 07:04 AM
السلام عليكم ... لقد استخرجت الجواز من السودان وتحديدا من جهاز تعذيب العاملين بالخارج قبل عام، وهناك لاقيت من صنوف العذاب والشلهتة والبهدلة ما لم أره طوال حياتي ... المسالة ليس لها حل في ظل الفشل الاداري الشامل الذي يعتري البلاد...

[الغاضبة]

#1392983 [radar]
5.00/5 (1 صوت)

12-30-2015 06:57 AM
قدمت للجواز منذ منذ تقريبا أربعة أشهر وكل مرة أراجع القنصلية في دبي يقولون لي جوازك جاهز وانشاء الله سيأتي في الحقيبة الدبلوماسية الجاية وكل اسبوع أذهب وما في |أي حاجة ومافيش حد تسألوا الكل يقول لي جواز حسب اسيستم جاهز ولكن ما عارفين ايه المؤخره. أخيرا ذهبت لسيادةالعقيد قال لي بالحرف الواحد والله أنا بقدر أعمل ليك حاجة الا بعد ما يعود الموظفين للعمل وقلت له الموظفين موجودين قام قال لي لا يا أخي نصف الموظفين لدينا مرضانين ولهم كم يوم ما بداوموا قلت ليه ليه قال لي لأنكم أنتم ما عارفين حاجة الناس دي بتستغل حتى الساعة 2 صباحا. تخيلوا وأهو أنا منتظر. أدعو لي معاكم

[radar]

#1392966 [ابو النيز]
0.00/5 (0 صوت)

12-30-2015 05:33 AM
انت ما داير تدفع 300 ريال زياده لكن مستعد تدفع 700 ريال قيمه تذكره تجيبك السودان عشان بعد دا تدفع حق استخراج جواز و دمغات و شاي باليانسون و و و و
و قاعد كم ساعه تكتب ليك مقال طويييييييييل عرييييييييييييض

سؤال

انت غبي؟

[ابو النيز]

ردود على ابو النيز
[سودانى] 12-30-2015 12:27 PM
الاخ ابوالنيز.واضح انك ليس من المغتربين. لانك مافهمت فحوى وموضوع الكاتب. حصرت نفسك فى المبلغ فقط. قمة الذله والمهانه فى السفارة السودانية. وبهدله وشلهته للاسر فى بلد هنا لاتراعى ماهو حاصل فى السفاره من مرمطه وتسويف للزمن من قبل أفراد لاتحترم أدنى درجة الانسانية. لو قارنت نفسك بين الامم القريبة مننا فقط سوف تجد التخلف والرجعيه من قبل النظام للمواطن السودانى.
ليس المسسلم بلعان ولا فاحش ولا بذئ. لايصح لك كمسلم وسودانى انت تسئ لاخوك.
ربنا يهديك ويهدينا معاك. نحن فى غربه نجد من الضغوط النفسية والعبئ والمسؤليه ما تنوء منه الجبال. لماذا توجد قيميتين للجواز؟ وازيدك علم أنه لا يوجد ايصال لاورنيك 15 المعروف لوزارة المالية.
الكاتب بيسال اين تذهب هذه الاموال؟؟؟؟؟؟ من حق اى مواطن أن يعرف الى اين تذهب هذه الاموال ولماذا القيمة الزائده ما دام المغترب بيدفع مساهمه مالية وذكاه فى شكل جبايات غير مقنعه فى ظل نظام الكل يعرف انه نظام فاسد أهلك البلد وضيعها الى ان وصلنا الى هذا الحضيض.
نسال الله ان يولى ولاه امورنا خيارنا والله المستعان


#1392941 [سعيد شاهين]
0.00/5 (0 صوت)

12-30-2015 02:51 AM
بصراحه المغتربين يستاهلوا الحاصل ليهم ليه اقول ليكم
رغم كل ما يدفعونه للدوله من اموال لولاها لانهار السودان من زمان
طيب نعمل شنو
بسيطه اقفلوا البلف
يعنى على المغتربين الذين تعذبوا سنين عدد فى الغربه ومرارتها وكمونيتها عليهم وانا جدا جدا فى هذا الامر
عليهم اعلان المقاطعه التامه لكل مرافق السفارات السودانيه يعنى مقاطعه مفتوحه ادناها شهر واقصاها سنه
اها حيجبو ليكم البوليس فى بيوتكم يقولو ليكم ليه ما جيتو السفاره ولا حيضربوكم بقوات التحالف
على المغتربين ان يصمدوا وحبة قروشهم دى يحولوها لاهلهم احسن الى ان تحترم الحكومه شعبها
اكرر اقفلوا البلف والله تلقوهم يفتشوا عليكم فتيش
ومن يرضى الاهانه عليه بالاستكانه
والشكيه لغير الله مذله
بى حقكم ويحتقرزكم وراضين الشاكين ليها شنو
اقفلوا البلف اقفلوا البلف فى كل دول المهجر
والله حق الايجارات مايلقوا
اقفلوا البلف قاطعوا السفارات افرض ما سافرتو السودان لمدة سنه البحصل شنو لا انتو بتموتو لا السودان بطير
اقفلوا البف واتحزمو

[سعيد شاهين]

#1392939 [سوداني]
0.00/5 (0 صوت)

12-30-2015 02:31 AM
الى جهاز المغتربين ... الاسر الكبيرة تعمل شنو مع هذه الرسوم الباهظة ....
الى جهاز المغتربين ... الاسر الكبيرة تعمل شنو مع هذه الرسوم الباهظة ....
الى جهاز المغتربين ... الاسر الكبيرة تعمل شنو مع هذه الرسوم الباهظة ....
الى جهاز المغتربين ... الاسر الكبيرة تعمل شنو مع هذه الرسوم الباهظة ....
الى جهاز المغتربين ... الاسر الكبيرة تعمل شنو مع هذه الرسوم الباهظة ....
الى جهاز المغتربين ... الاسر الكبيرة تعمل شنو مع هذه الرسوم الباهظة ....

[سوداني]

#1392923 [أبو هريرة]
5.00/5 (3 صوت)

12-30-2015 01:08 AM
سفارة السودان في الرياض ، قسم الجوازات فيها عبارة مهانة وراكوبة مبنية جوه السفارة وطريقة إصطفاف الناس والزحمة مهينة للغاية وبطء الموظفين في التعامل مع الطلبات خلق زحمة لا يقدر عليها إلا ذوي القوة والشدة. والمطعم الموجود داخل مبني الجوازات لو يسمحوا للبلدية السعودية بالدخول لأقفلته في لحظات ، نموذج للسودان داخل السفارة من حيث عدم التنظيم وعدم إحترام لأدمية الأنسان السوداني الذي يجي لإستخراج أو تجديد أو إضافة أو إلغاء أي جواز لم يتكرموا حتى بوضع ماكينة أرقام ومقاعد كافية رغم مئات الملايين من الريالات التي يجنوها من وراء المغترب في الجوازات فقط. المحسوبية والواسطة تشعرك بالذل وأنت واقف في صف يرهق البدن ومكان مبنى من الصفيح ضيق للغاية .
أما في جدة فالقنصلية محل تندر وضحك من الجنسيات الأخرى ولهم كامل الحق فيما يشاهدونه من تدني الخدمة وسوء معاملة السفارة والقنصلية لمواطنيها.

إذا لم تحترمك حكومتك فلن يحترمك الآخرين

هذا وضع وصورة مصغرة للسودان في الداخل حيث الفساد ضرب كل أركان الدولة حتى لا تجد ضمير حي يراعي صحة الأنسان أو تعليمه أو مياه شربه أو بنياته الأساسية
بلد لم يعد أحد يثق في أن يتعالج فيه ولا يتعلم فيه ولا يجد فيه كهرباء ولا ماء نظيف، بلد تنعدم فيه الرقابة على الأطعمة والأغذية ليس بسبب الكفاءة بل بسبب إنعدام الضمير. بلد صحة البيئة فيها وصلت درجة لا يهتم فيها مسئول صغر أم كبر بعظم هذه المشكلة ، بلد ينعدم فيها الدخل والإقتصاد ولا يدري حكامها ماذا يفعلون بعد أن نهبت خيراتها بقوة السلاح. وأصبح لا شيء غير الضرائب ، تعطلت كل مشاريع الأنتاج الكبيرة وأصبحت الجبايات هي مصدر ركوب اللاندكرورزات والطيارات لقادتها صغارا وكبارا
أنه السودان المأسآة ماضيا وحاضرا ومستقبل أسود

[أبو هريرة]

#1392921 [ابو احمد]
0.00/5 (0 صوت)

12-30-2015 12:30 AM
السلام عليكم
بسيطه امشي استخرج جوازك في السودان

[ابو احمد]

ردود على ابو احمد
European Union [ديك الجن] 12-30-2015 09:36 AM
ردك هذا يكون مفهوما لو أن الرجل تحدث عن مشكلة تخصه وحده ، ولكنه يطرح مشكلة تخص كل السودانيين المغتربين فى السعودية تحديدا . أرجـو أن نعلق فيما يفيد الموضوع بعيـدا عن الإستسهال والمساخـة.


#1392912 [amir]
0.00/5 (0 صوت)

12-29-2015 11:30 PM
ببساطة المغترب بقرة حلوب ..................

[amir]

#1392903 [ابوكدوك]
5.00/5 (1 صوت)

12-29-2015 10:43 PM
لقد أسمعت لو ناديت حيا ولكن لا حياة لمن تنادي !!

ليتهم يسمعوا لنا نصحا او ينصتوا لنا قولا !!

لم يستوعبونا فكرا ورفضوا نصحنا فى الخير وفى الشر !!

نصبوا لنا العداء فى السراء وفى الضراء ، اكلونا لحما ورمونا عظما للاسف !!

فهؤلاء عقولهم لا تستوعب لغة النصح ، فقط همهم مناصبهم وفروجهم وبطونهم اخى الكريم !!

لنا الله ولهم الله يجمعنا بهم ويجمعهم بنا فى يوم لاريب فيه ، ان كان لهم حق علينا اخذوه

وان كان لنا حق عليهم اخذناه ولن نترك لهم صغيرة او كبيرة الا وطالبناهم بهاامام من

لا يظلم عنده احد ..

[ابوكدوك]

#1392897 [بدر نورالدائم]
0.00/5 (0 صوت)

12-29-2015 10:30 PM
العزيز لك التحيه ونشكرك جزيل الشكر الايضاح ومعرفت الحقائق رغم الرسوم العاليه مافى اى نسهيلات وماذلنا نعانى من استخراج الرقم الوطنى والمواعيد بالشهور واتمنى لك التوفيق

[بدر نورالدائم]

#1392896 [الهلباوي]
5.00/5 (1 صوت)

12-29-2015 10:25 PM
بالمناسبة دي يا مغتربي السعودية ،، اين المهندس التاي ،، الراجل قبض او تم تهديده ،، بعد ماكان عامل رجة بالاعتداء عليه في القنصليه بالسفاره السودانية بجده وقلب الدنيا وكلف الدوله ارسال لجنة تحقيق للسعوديه الراجل اختفي نهائي حتي الكتابه خلاها ،، شابكننا وطنيين ناس مصالح بs

[الهلباوي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة