الأخبار
أخبار إقليمية
«سوفت وير» يعطل جهازاً لعلاج السرطان بمليوني دولار
«سوفت وير» يعطل جهازاً لعلاج السرطان بمليوني دولار



12-31-2015 02:42 PM
الخرطوم: أبو عبيدة ــ رابح
كشف وزير الصحة بحر أبو قردة عن استجلاب جهاز لعلاج السرطان لمستشفى ود مدني بمبلغ مليوني دولار، ولم يعمل هذا الجهاز لعدم الحصول على الـ «سوفت وير» من أمريكا بسبب المقاطعة الاقتصادية.وقال الوزير إنه لا يستطيع أن يقول إن شراءه أو دخوله كان خطأً، مشيراً إلى أن تلك الأجهزة يتغير فيها «السوفت وير» كل فترة «أتوماتيكياً»، مما يتطلب الحصول على «سوفت وير» جديد، وأكد أبو قردة أنه حينما تم شراء الجهاز تم الحصول على «السوفت وير»، لكن بعدها تغير، وقال: «لم تكن هناك مشكلة عند شراء الجهاز»، ولفت إلى أن المسألة ليست مرئية بنسبة كاملة.

الانتباهة


تعليقات 11 | إهداء 0 | زيارات 2260

التعليقات
#1394092 [الغاضبة]
2.00/5 (1 صوت)

01-01-2016 11:40 AM
شكرا للمعلقين الكرام على وعيهم الكبير وتعليقاتهم الثرة، التي لو عمل بها المسؤولون لما آل حالنا إلى هذه المرحلة من التردي .... بحر أبوقردة لو كنت مكانك لاستقلت

[الغاضبة]

#1394022 [HAMEED ABDALLAH]
3.50/5 (2 صوت)

01-01-2016 04:11 AM
software system يعني شنو معناها يابحر ياقرد ...عليك الله جهاز باتنين مليون ...كان تصغر الرقم شويه

[HAMEED ABDALLAH]

#1394008 [عابر]
2.00/5 (1 صوت)

01-01-2016 02:34 AM
انت يا ابوقردة يا حرامي يا أهبل مع اني برجح انك حرامي اهبل ..
ااولا مافي حاجة اسمها جهاز لعلاج السرطان .. في اجهزة كتيرة بتخص تشخيص وعلاج السرطانات .. السرطااااانات مش السرطان ، ولا اعتقد ابدا ان هنالك جهاز بمليوني دولار ..
تانيا : متي تم شراء الجهاز ، قبل المقاطعة الامريكية ام بعدها .. بالطبع بعدها مافي جهاز بقعد من الزمن داك ، ولو قبل المقاطعة يبقى خلاص عدا زمنو وماقصر كونو اشتغل المدة دي كلها ومفروض يتغير للتجديد والمواكبة ..
اما لو بعد المقاطعة فيجب محاسبة الجهة التي وردته لانو امريكي لو اشتريتو باللف والدوران ما ممكن تصينو باللف والدوران وفي كتلوجو بكون مكتوب انو السوفت وير بتاعو يتم تحديثه كل فترة كذا او وفق كذا وما الى ذلك مافي حاجة زي دي بتتباع ساي كده ..
شكلك يادوب بتتعلم في مقالب الكيزان مفروض تمشي تاخد درس عصر عند عبدالرحمن سر الختم

[عابر]

#1393989 [من الآخر]
3.50/5 (2 صوت)

01-01-2016 12:33 AM
جهاز بي مليوني دولار ؟؟؟ ده جهاز ولا طياره !!! شوف السعر الرسمي للجهاز في النت يا ابو قرده تلقاعو ما فايت الف دولار و الباقي كلو كومشنات ما في خوف من الله بالمتاجره بي اي شي حتي الصحه

و ده جهاز شنو كمان البينتهي فيه تاريخ السوفت وير لو قلت جهاز موصل بالنت كانت بتتبلع ولو فيه توقيت داخلي جيب اي كهربجي يجر الذمن بيشتغل ليكم و لو ما حصل ده كلو انا شايف ذي ما قالو ليك المعلقين اقرب محل روادي.

[من الآخر]

#1393967 [محمد أحمد]
3.00/5 (2 صوت)

12-31-2015 10:31 PM
يكون واحد من الشغالين قعد يطبز فيه لمن عطله, و طبعاً خاتين صحن الفول والعيش و أكياس الشطه و الملح وزيت السمسم في رأس الجهاز و جك موية بالتلج لغاية ما جابوا خبره.

[محمد أحمد]

#1393946 [اخ تقرصو ميرم الكضابة]
2.00/5 (1 صوت)

12-31-2015 09:25 PM
حريقة تحرقكم ياكلاب ياحرامية يالصوص صحة المواطن مابتهمكم لامن قريب ولا من بعيد
لكن اللغف وواكل السحت بتتلموا فيهو زى كلاب الكوش
كدى شوف مصاريف واستحقاقات المشاركين فى لعبة "الوثبة"
كشف إيهاب إسماعيل، رئيس قسم الفندقة مساعد مدير إدارة الفندقة بقاعة الصداقة، عن تكاليف مليونية تم صرفها على الضيافة في جلسات الحوار الوطني، وكشف لـ(اليوم التالي) عن أن تكلفة ضيافة الشخص الواحد خلال اليوم تصل إلى حوالي (140) جنيها، بينما أوضح أن تكلفة طعام الإفطار للفرد تبلغ ما بين (60-65) جنيها، فيما تصل تكلفة طبق الغداء ما بين (65-75) جنيها، وأشار إلى أن هذه التكلفة تشمل ما يقدم أيضا من ماء، وشاي، ونسكافيه، ولبن، مبينا أن حساباتهم تقوم على اعتبار أن كل لجنة من لجان الحوار الست تضم (100) شخص، بالإضافة إلى (50) فردا من الإعلاميين، ونبه إلى أن الأمانة العامة للحوار وآلية الحوار تجتمع حوالي مرة خلال الأسبوع وكذلك آلية (7+7) وقال إن ميزانية ضيافة هذه الاجتماعات تقوم على اعتبار أن الأمانة العامة تضم حوالي (20) فردا وأن الآلية تضم حوالي (10) أفراد.
وتجدر الإشارة إلى أن لجان الحوار تجتمع بشكل يومي في قاعة الصداقة بمعدل (3) لجان خلال أيام (الأحد والثلاثاء والخميس) ولجنتين خلال يومي (الاثنين والأربعاء)، وبذلك تكون محصلة صرف اجتماع ثلاث لجان يوميا حوالي (41500) جنيه على الأكثر و(37500) جنيه على الأقل في اليوم، وأن كلفة اللجنتين يوميا (28000) جنيه على الأكثر و(25000) جنيه على الأقل، أما تكلفة الإعلاميين الـ(50)، فتبلغ يوميا أعلاها (7000) وأدناها (6250) جنيها.
ويذكر أن محمد بدر الدين، عضو لجنة العلاقات الخارجية بالحوار عضو المؤتمر الشعبي، قال في تصريحات صحفية إن أغلب الأحزاب والحركات المسلحة تجدد مطالبتها بمنحها نثريات يومية. وكانت أحزاب وحركات قد طالبت بمنح كل عضو مشارك في الحوار منها ثلاثة آلاف جنيه في الشهر

اليوم التالي

[اخ تقرصو ميرم الكضابة]

#1393907 [كاكا]
2.00/5 (1 صوت)

12-31-2015 08:03 PM
صحي بحر ابو قردة قاعد ساي ! الجماعة مسكوك سوفت وير دي وقالو ليك اسرح

[كاكا]

#1393860 [أبو الشهييق]
2.00/5 (1 صوت)

12-31-2015 05:37 PM
ياخي مافي مشكلة ودوه لمحمد هبوط بتاع الروادي بجهبصو ليكم زي الترتيب ـــــــــ بالله ديل مسؤلين ديل ـــــ ماكينات مصنع سكر النيل الابيض وقت أبوا يشتغلو قالوا الشفرة عند أمريكا وأي زنقة ليهم بلبسوها أمريكا ــــــ ياخي أمريكا تطير عيشتها معاكم ،،، محل ما فشلتوا في حاجة علقتوها في رقبة أمريكا .

[أبو الشهييق]

#1393848 [ككك]
2.00/5 (1 صوت)

12-31-2015 05:16 PM
وبس ليه الحكاية دى ما تحصل إلا فى السودان؟ يعنى الجهل والبلادة دى
دائما متلازمة حكومة الصعاليك ديل ! مع احترامى للصعاليك لأنهم رجال

[ككك]

#1393846 [عصام حمزة]
2.00/5 (1 صوت)

12-31-2015 05:06 PM
قمة الجهل والغباء ...طيب إنتو قبل عملية الشراء ماعارفين أن ال software system
للجهاز بتغير أوتوماتيكيا ...الله يكون في عون الشعب
وحسبي الله ونعم الوكيل ....

[عصام حمزة]

#1393838 [مالك الحزين]
2.00/5 (1 صوت)

12-31-2015 04:43 PM
ده كلام فاضى ,, جهاز بى لامليو ,, وتقولوا سوفت ولاير ,, ده لعب عيال وعدم مسؤوليه يجب محاسبة من جلبها حساب عسير ,و ويتحمل كامل المسؤوليه

[مالك الحزين]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة