الأخبار
أخبار إقليمية
خطيب مسجد الخرطوم يطالب بمقاضاة بريطانيا
خطيب مسجد الخرطوم يطالب بمقاضاة بريطانيا
خطيب مسجد الخرطوم يطالب بمقاضاة بريطانيا


01-02-2016 11:00 AM
الخرطوم:طالب إمام مسجد الخرطوم الكبير الحكومة بمقاضاة بريطانيا أسوة بمقاضاة أمريكي لليبيا ومطالبتها بالتعويض لضحاياها في حادثة لوكربي وكذلك مطالبة الأرمن لتركيا بتعويضهم. وقال الدكتور كمال رزق في خطبة الجمعة أمس "إن بريطانيا استعمرت السودان بعدما استخدمت السلاح الناري لأول مرة واستطاعت عبره هزيمة الخليفة عبدالله التعايشي في كرري وأم دبيكرات" وأضاف: لقد اعترف تشرشل باستخدامهم لسلاح كان ممنوعاً في ذلك الزمان وبفضله حصدوا الأرواح وحكم حفنة من الإنجليز السودان وأقاموا المشروعات التي تخدمهم مثل مشروع الجزيرة، وشدد رزق بضرورة قيام السلطات برفع شكوى لأخذ الحقوق والمطالبة بالتعويض لصالح الشعب السوداني.

الجريدة


تعليقات 29 | إهداء 0 | زيارات 3703

التعليقات
#1395584 [ود الركابي]
0.00/5 (0 صوت)

01-04-2016 05:33 PM
كتر خير الانجليز العملوهوا مافي ود بلد واحد عمله ياشيخ حمار . وبعدين الجامع ده للصلاة مش للسياسة . منافق

[ود الركابي]

#1395357 [حمد مفرح]
0.00/5 (0 صوت)

01-04-2016 09:58 AM
بريطانيا تستحق التكريم

[حمد مفرح]

#1395215 [Jubaone]
0.00/5 (0 صوت)

01-04-2016 01:45 AM
نحن نريد بمقاضتكم انتم والمسجد داء بعمل لينا إزعاج. .قبل كل شيء أولا. يامجرام ....بريطانيا سوف نقف معاها ضدضكم في حالة حدوث مشكلة معاكم حاي علي جاهد. ...

[Jubaone]

#1395124 [المعتصم]
5.00/5 (1 صوت)

01-03-2016 05:07 PM
البريطانيين أشرف منك ولهم كرامة ولهم إنجازات خالدة في السودان. أما أنت أيها الوغد الخسيس تابعت شيطان السودان الترابي وفعلتوا أفعال الشياطين.

[المعتصم]

#1395093 [المندهش]
5.00/5 (1 صوت)

01-03-2016 03:14 PM
انا اتفق مع الشيخ النعجه ده فى مطالبة الانجليز بتعويض مغرى لانهم خرجوا وتركونا لهؤلاء الاوقاد

[المندهش]

ردود على المندهش
[الباشا] 01-04-2016 10:00 AM
مدهش يا مندهش .... هكذا تكون الردود.


#1395078 [اللدر]
5.00/5 (1 صوت)

01-03-2016 02:38 PM
الخطيب دا ذكرني يونس ود الدكيم القالو عايزين يعرسو ليهو الملكة فكتوريا ملكة بريطانيا العظمي إن هي قبلت دعوتهم للمهدية .....

و برضوا زي شطحات أمريكيا روسيا قد دنا عذابها ...

الأنجليز مفروض يكونوا قاعدين الى الآن ....... عشان يديروا لينا البلد لأنه نحن ما بنعرف

[اللدر]

#1395010 [زول زول]
5.00/5 (1 صوت)

01-03-2016 12:13 PM
رحم الله عثمان ازرق كان بطالب بعدم خروج الانجليز لمدة عشرين سنة اخرى عشان عارف بجوالزيكم ديل بقضواعلى الاخضر واليابس(مشروع الجزيرةوالسكة حديد وسودانير والخوط البحرية والدهب والبترول وكل شيئ حتى الانسان مامون حميدة يغلق مستشفى الخرطوم-تجفيف لتشتغل مستشفياتهم والناس الماعندها قروش تموت حسبنا الله ونعم الوكيل)0

[زول زول]

#1395001 [aldufar]
5.00/5 (2 صوت)

01-03-2016 11:44 AM
اياه الفضل يا رزق ما تبكي الماضي يا اهبل نحن اليوم في شنو قول ادوك مليار دولار ماذا قدموا لك الانجليز : بالله كم قيمة المعمار والمشاريع التي اقامها البريطانيين من اجل اهل السودان هل في حكومة من زمن الاستقلال قامت بتجديده او انشاء مباني تضارع تلك المباني القائمة اليوم . معظم الابنية القديمة التي بالسودان هي صنع الانجليز وليس لاي رئيس سوداني يد فيها اخجل يا راجل .


يا ريت الانلجيز لو ما ادونا الاستقلال امثالكم دمروا ما اقامه الانلجيز للسودان؟

وياليت بريطانيا مازالت حاكمة السودان كانوا طوروه مثل جنوب افريقيا؟ التي لو لا الاستعمار لكانت جنوب افريقيا مثل كينيا اوزمبابوي من افقر بلدان افريقيا اليوم
ولكن جنوب افريقيا جعلت منها دولة تحسب من الدول العظمى والصناعية في افريقيا.

شوف دول افريقيا ليسع الناس باكل قررود ويقتلها المرض والجوع والفقر كما يحدث في سودانننا اليوم؟

[aldufar]

#1394803 [عودة ديجانقو]
5.00/5 (2 صوت)

01-03-2016 04:44 AM
اولا يا كمال النعجه هل كلمة استعمار كلمه معيبه؟؟؟
أنا فى مرحلة الوسطى درست فى مادة العربى حاجه إسمها المجرد والمزيد ولما نجرد كلمة إستعمار نجدها عمر يعنى من التعمير وعشان كده اهلنا الانجليز لما جو السودان طبقوا المعنى بحذافيره...والله يا كمال النعجه حتى بعد مغادرتهم البلد فى ذلك اليوم المشئوم القدموهوا للسودان للآن لم تقدمه أى حكومه جات بعدهم أبسط حاجه ال 15 مليون القدموها الاسبوع الفات.
لما كنت فى سودانير الاوربيين طلعوا قرار بمنع استقبال طائرات البوينج 707 فى مطارات اوروبا ولكن أهلنا الانجليز وقفوا ألف أحمر بأن يستثنوا سوادنير وأنا أشهد على هذه الواقعه.
المفروض يا كمال النعجه الانجليز يطالبونا بنفقة متعه لأننا إستمتعنا بمبانيهم ومشاريعهم التركوها لينا وتعال نجرد الحساب مين يعوض مين يا كمال النعجه.

[عودة ديجانقو]

#1394730 [خال دانية]
5.00/5 (1 صوت)

01-02-2016 10:57 PM
وإقامة المشروعات التي تخدمهم مثل مشروع الجزيرة !! أهو دا إنت براك قلتها يعني مشروع الجزيرة خلوه ليك أخضر وناس أب شنب قضوا عليه هو وزمرتو يعني نطلب التعويض منهم ؟! يا مولانا قول خير أو صلي بالناس ساي

[خال دانية]

#1394703 [ALIIIIIIIIIIIIIIIIIIIIIIIIIIIIII]
5.00/5 (1 صوت)

01-02-2016 09:06 PM
بالذمة ياشيخ السجم الانجليز الكانو حاكمين السودان سلمو البلد مليون ميل مربع ماناقصة شبر وسلمت السودان دولة حديثة ماشة علي نهج وستمنستر جيتو انتو ياسجم الرماد ياعوقات دمرتو البلد دمار شامل وساحق وماحق والله انا بدعو الانجليز يجو صحي كفار لكن ارحم منكم بمليون مرة علي الاقل بشر وبعاملو الانسان معاملة الانسان ومعاملة كريمة مش زيكم قتل وذبح وطرد وتشريد وتدمير ونفاق باسم الدين ليل نهار لعنة الله عليك ولعنة الله علي مشروعكم الظلامي التدميري انتو جيتو من وين بالضبط عالم ملاقيط

[ALIIIIIIIIIIIIIIIIIIIIIIIIIIIIII]

#1394691 [منقو زمبيرى]
5.00/5 (3 صوت)

01-02-2016 08:35 PM
وانتو يا تجار الدين مفروض الجنوبيين يقاضوكم ويطالبوا بتعويضات لانكم شنيتوا عليهم حرب جهادية دينية وكمان جندتوا معاكم القرود لقتلهم, شردتوهم وجوعتوهم وحرقتوا قراهم هذه هي الجرائم التي تستحق المقاضاة.

[منقو زمبيرى]

#1394627 [سلفادور اليندى]
0.00/5 (0 صوت)

01-02-2016 05:29 PM
ومن نقاضى عن ضحايا سبتمر ؟؟
أحسن تكمد خشمك بتراب .

[سلفادور اليندى]

#1394620 [أبوعديلة المندهش]
0.00/5 (0 صوت)

01-02-2016 05:17 PM
يا شيخنا الدجال ,
لو تكرمت أدينى أنجاز واحد انجزتموه بعد خروج الأنجليز من السودان .
سيبك من الأنجازات لأنكم لم تنجزوا شيئ , هل استطعتم على الأقل المحافظة على ما تركه لنا الأستعمار من انجازات ؟

[أبوعديلة المندهش]

#1394591 [عبر الأثير]
0.00/5 (0 صوت)

01-02-2016 04:11 PM
يا راجل قل خيرا او اصمت ... هل تكلمت عن مقاضاة نظام قتل أهل بلده
هل تكلمت عن مقاضاة نظام سرق أموال بلده .
هل تكلمت عن مقاضاة نظام قتل أطفال بلده
هل تكلمت عن مقاضاة نظم قتل الفرح و البسمة في اهل بلده
هل تكلمت عن مقاضاة نظام شرد أبناء بلده في المعمورة .
و الله اقولها بالفم المليان لو كان اجدادنا يدرون ما سوف يوؤل عليه حالنا اليوم من ظلم و هوان من هؤلاء الخونة ، لتركوا الإنجليز في حالهم يحكموا البلد
حكم الإنجليز كان اعدل من هؤلاء و كان مبشر بقيام دولة منتجة و يكفي أنهن وضعوا كل الأسس التي تقوم عليها البلد يوم من عدالة و صحة و تعليم و إدارة . ..

[عبر الأثير]

#1394590 [seepo]
0.00/5 (0 صوت)

01-02-2016 04:08 PM
اتحدي كمال رزق ان تجري حكومته استفتاء الان ويخيرون الشعب ما بين حكومة البعير ام التبعية لبريطانيا اقسم بالله العظيم سوف يصوت المواطنون للاستعمار البريطاني

[seepo]

#1394579 [عبادي]
0.00/5 (0 صوت)

01-02-2016 03:47 PM
للمعلومية
الخليفة عبد الله التعايشي لم يشترك في معركة كرري
بل هرب الى الى الغرب وادركة الانجليز في ام دبيكرات وقتلوه
احمدو الله لو استمر في حكم السودان عشرة سنوات تاني كان بقي
في خبر كان

[عبادي]

#1394573 [الــســـيـــف الــبــتـــار]
5.00/5 (2 صوت)

01-02-2016 03:18 PM
لو لا دخول المستعمر الى السودان و هزيمة الخليفة التعايش لكان السودان اليوم فى خبر هنا دوله اسمها السودان ؟
أتى المستعمر كما أتى الافساد الوثنى الى احتلال الوطن و لكن الفارق بين الاحلاليين لا تحتاج الى مجهر او مايكرسكوب ؟
أسس المستعمر لمشاريع زراعيه بحسب طبيعة التركيبه السكانية و الاراضى البور و توفر المياه الجوفية و الرى و المحاصيل التى تتناسب و طبيعة التربه و كمية الانتاج للفدان و كل هذا بعد دراسة مستفيضة و توفر المعينات و الادارة و البنية التحتية لنقل المحصول الى الاسواق عالميا و محليا سكك حديد السودان و النقل البحرى و من لطبيعى أن تكون مصانع للاستفادة من المواد الاولية التى تحتاج الى الاستفادة منها كانت مصانع النسيج و الزيوت ؟
ماذا قدم الافساد الوثنى ؟
دمر البنية التحتية و المصانع توقفت و مشروع الجزيرة انهار و تبعه الكثير من المشاريع و المحالج و السكك الحديدية و البحرية و عليه نجزم أن المستعمر كان رحيما بالوطن و المواطن من هؤلاء اخوان الشواطين ؟
المستعمر يطالب مستعمر بالتعويض و نحن فى كلا الحالتين ضايعين ؟
ارحمونا و ارحلوا عننا و بأذن الله نعيد للطن و الكواطن سيرته الاولى ؟

[الــســـيـــف الــبــتـــار]

#1394571 [عبدالواحد المستغرب اشد الإستغراب!!]
5.00/5 (1 صوت)

01-02-2016 03:11 PM
يا اخوانا تعالو نعمل توكيل موثق للارجوز الاسمو كمال رزق عشان يسك لينا التعويضات من الانجليز !!وانا اصالة عن نفسى ونيابة عن آهلى فى كافة ربوع السودان على قلتهم وعشيرتى واصدقائى الضاربين في ارض الله الواسعه متنازل تنازلا كاملا للارجوز كمال رزق وتننازلى مبنى على اننى وعموم اهلى وعشيرتى وطوال فترة حكم الانجليز كان حدنا ركوب القطار واللوارى ولم نضطر لمغادرة بلادنا لاى جهه خارج البلاد ومن ركبوا الطائرات كانوا إخواننا وابنائنا ومعظمهم كانوا قد قصدوا بلاد الانجليز لاستكمال دراساتهم !!
في عهد تولى الارجوز كمال رزق تحول المسجد العتيق الى خشبة مسرح يقدم فوقها المذكور مسرحيات كوميديه عبثيه وهو إذا كان قد عرف أن عظماء الخطباء الذين إعتلوا منبر هذا المسجد الذى بنى في عهد الحكم البريطاني لما تجراء على التقدم لشغل وظيفة فراش فيه لكن نقول شنو في هذاالزمن الآجرب الذى مكن أمثال كمال رزق وغيره من إعتلاء منبر اعرق مسجد في السودان!! دنيا فرندقس!!.

[عبدالواحد المستغرب اشد الإستغراب!!]

#1394552 [حمد ابوادريس]
5.00/5 (1 صوت)

01-02-2016 02:35 PM
نعم من حقنا ان نطالب بتعويض من بريطانيا و هذا أمر يحتاج لدراسة معمقة ، و لكن ألا يرى دكتور رزق أن من يستحقون الشكوى و المطالبة بالتعويض هم حركته الاسلامية التي تخصصت في نشر الفساد و سرقة المال العام؟ صدقني التعويض لن يكفينا لذلك يجب أن نطالب بمحاكمة شاملة كاملة لجميع منسوبي الحركة الاسلامية و اسرهم الصغيرة و الممتدة و التي قد تكون قد استخدمت في اخفاء المال المسروق من الدولة السودانية و التي اصبحت تعيش على القروض و الهبات.

[حمد ابوادريس]

#1394549 [توفيق عمر]
5.00/5 (2 صوت)

01-02-2016 02:34 PM
بقينا علي جنس دا
قالو التاجر لمن يفلس بيراجع دفاترو القديمة
اختشي ياراجل فامرك مفضوح امام الله سبحانه وتعالي
اليس من باب اولي ان تنصح وانت امام يعني غدوة عند الله للبشر اليس من باب اولي ان تنصح حكومة الاخوان المسلمين بان يقفوا عدل امام الله الذين يخادعون الناس باسمة وهو يعلم انهم لا يخادعون الا انفسهم الله الذي ارتكبوا كل ما نهي عنه دون اي خجل او حياء وما زالوا يرتكبون من المعاصي ما يشيب
فقط اعلموا ان الله سوف ينتصر لدينه

[توفيق عمر]

#1394526 [الشرق]
5.00/5 (1 صوت)

01-02-2016 02:05 PM
حمار قاضي الحسي ديل يا منافق يا كلب ديك سابولك اقتصاد اكل فيه جدك لحد ما جاب القرف ده

[الشرق]

#1394514 [KARAZY]
5.00/5 (1 صوت)

01-02-2016 01:34 PM
خطيب مسجد الخرطوم والشحاته لمتين مادين قرعتكم؟؟؟اليد العليا خير من اليد السفلي ياأيها السفله..الخليفه هبش الملكه في روحها والا نجليز دقوا..عادي جدا بتحصل على مستوى الشيوخ ..عالم بيحبوا النسوان يعملوكم شنو يا دقه ياعرسه .والخليفه قايلهاعرسه ... طلعت علقه..

[KARAZY]

#1394512 [جنوبي]
5.00/5 (2 صوت)

01-02-2016 01:30 PM
انا خايف بريطانيا هي التجي تقاضينا علي تدميرنا للبني التحتيه السلمتا لينا لمن مرقت زي مشروع الجزيرة والسكة حديد والنقل النهري و.. و.. !!

[جنوبي]

#1394506 [المنجلك]
5.00/5 (2 صوت)

01-02-2016 12:58 PM
اليست المطالبة بعودة بريطانيا اكثر واقعية من قروش التعويضات التي ستذهب شمار في مرقة

[المنجلك]

#1394498 [Rebel]
5.00/5 (8 صوت)

01-02-2016 12:46 PM
* لو لا الاستعمار الإنجليزى, لما كان هناك شئ اسمه "السودان", الذى قسمتموه انتم الآن!..و لما كان هناك شئ إسمه مشروع الجزيره, الذى ضيعتموه الآن!!
* و لو لا الاستعمار, لكان "الدراويش" يحكمون "بلاد السود", يبيعون نساءه و رجاله فى وضح النهار!!
* و بخروج الإستعمار, صار "السودان" مملكه للطائفيه و تجار الدين و المهووسين, حتى تاريخه!!
* ايها الزنديق المنافق, كان الأحرى بك ان تطالب هؤلاء المهووسيين بتعويض مئات الآلاف من السودانيين الذين راحت ارواحهم على ايدى "هؤلاء", و نتيجة متاجرتهم بدين الله!..طالب بمحاسبتهم على إغتصاب النساء و الرجال!!..طالب بمحاكمتهم على فسادهم و ظلمهم و جورهم و سوء خلقهم!!
* لكنك لن تفعل!..لأنك رجل منافق و مرتزق و زنديق مثلهم!!
* فلعنة الله عليك و عليهم ما شرقت الشمس و ما غربت, و الى يوم الدين!

[Rebel]

#1394496 [عثمان الشيخ]
5.00/5 (2 صوت)

01-02-2016 12:44 PM
والله مفروض بريطانيا تطالبكم أنتم بالتعويض ياأهبل أستحي !!! .بريطانيا خلت ليكم بنيه تحتيه وأقتصاد لم تحافظوا عليهما بل دمرتوهما أنشاء الله يدمرك ومن معك.أبدأ اولا ببيتك .طالب حكوتك بالتعويض علي كل مافعلته بالشعب ياجاهل!!!

[عثمان الشيخ]

ردود على عثمان الشيخ
[Karazy] 01-02-2016 05:10 PM
ووالله انا متفائل جدا ان الانجلوسكسوني جاي جاي...الانجليز جاؤوا بعد المهديه والانجلوسكسوني جاي بعد الكيزان ..حلمت واللهم حققهوا ان الكيزان بتشاكلوا شكل شديد وضرب في بعضهم شديد...شئ شلاليت...شئ رصاص وحدين ميتون في الشوارع زي الخرفان وحدين كبار وحدين صغار...وحدين جاربين جري الكلاب بل اسرع هرج ومرج وحدين في السطوح ..برضو بيضاربوا ..الغريبه لا في عسعس..ولاعسكري بعد شويه اف ١٥,إف ١٦وطائرات شي هيلكوبتر..وشي اباتشي الجديده و القديمه.....والفرقه ٥٥ وشي من جيبوتي وشي من الكمرون ...والغريبه انا رايت ان شيخ حسن وشيخ علي عثمان فى مغالطه شديه خلاص ... والامام الصادق واقع من الكرسي...ياجماعه واحد يفسر لي الرؤيا دي شنو


#1394483 [babo]
4.94/5 (6 صوت)

01-02-2016 12:20 PM
السودانيين مش لاقين حقوقهم منذ الاستقلال فكيف تطالب بريطانيا بالتعويض ومن كان المستفيد الأكبر من مشروع الجزيرة ألم يكن اقتصاد السودان يعتمد على مشروع الجزيرة حتى بعد الاستقلال وأين الآن السكة حديد والنقل النهري والنقل الميكانيكي فقد هدموا كل هذه المشاريع بعد الاستقلال بالفساد والاستبداد وعدم التخطيط

[babo]

#1394477 [الداندورمي.]
4.88/5 (5 صوت)

01-02-2016 12:08 PM
خلا ص كملتوا قروش البترول وبقيتوا تفتشوا في التعويض
إنتوا لا،،،تشبعوا ولا،،،عينكم بتملي يا،،،شفاطيييييين الدولااااااارات.

[الداندورمي.]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة