الأخبار
أخبار إقليمية
الشرطة تروي كيف تمت عملية القبض على المتهمين بالسطو علي ذهب بـ(20) مليون جنية بأمدرمان
الشرطة تروي كيف تمت عملية القبض على المتهمين بالسطو علي ذهب بـ(20) مليون جنية بأمدرمان
الشرطة تروي كيف تمت عملية القبض على المتهمين بالسطو علي ذهب بـ(20) مليون جنية بأمدرمان


المدبر لعملية السطو تم القبض عليه داخل مطعم سمك يمتلكه بضاحية الرياض
01-07-2016 03:00 PM
الخرطوم : مي على أدم :
تمكنت شرطة مباحث أمدرمان وسط من كشف غموض سرقة(35) كيلو جرام من الذهب بقيمة (20) مليون جنيه من داخل شركة مسك الختام للمجوهرات المحدودة بسوق أمدرمان بالقائها القبض على المتهم الرئيسي المدبر لعملية السطو حيث تم القبض عليه داخل مطعم للسمك الذي يمتلكه بضاحية الرياض شارع أوماك وذلك بعد أن إشتبهت الشرطة بالعربة (كليك) التى كان يقودها المتهم لحظة تنفيذ عملية السطو

على محل الذهب، وقال مصدر أن الشرطة ضبطت العربة(كليك) وبالتحري والتحقيق مع المتهم أرشد على الشقة والتى داهمتها الشرطة وعثرت على كميات من المعروضات التى أستخدمت فى الجريمة وكميات كبيرة من الذهب وبالتحقيق مع المتهم أرشد على بقية المتهمين البالغ عدههم(3) أشخاص ، وتم حجز العربة (كليك) والعربة(دفار) كمعروضات فى البلاغ.

آخر لحظة


تعليقات 33 | إهداء 0 | زيارات 24616

التعليقات
#1397724 [جمال علي]
0.00/5 (0 صوت)

01-09-2016 08:06 PM
واحد كوز شغال في الأمن و مسئول كبير.رسل لينا رسالة في الواتس و قال العصابة قبضوها.لحظتها تأكدت أن الموضوع مفبرك من قبل ناس الأمن ليشغلوا الناس.

[جمال علي]

#1397723 [mada2000]
0.00/5 (0 صوت)

01-09-2016 08:00 PM
فبركة العسكري الطلع التصريح كيف يطلع تصريح الي محل ذهب .
بدون رخصة المحل اوما يوفيد ملكية المحل .
أقل شي ممكن يفعلو رقم السيارة بطاقة شخصية
ولايكون في تواطؤ من..................

[mada2000]

#1397587 [البعاتي!!!!!]
0.00/5 (0 صوت)

01-09-2016 12:25 PM
تمام شرطه... نظام!!!!!!!!!!
ديل نطو وسرقوا الحمام!!!!
وقبضوهم كلو تمام في تمام!!!!
باقي العصابه الفي القصور ماسكه الزمام!!!
وشالت الدهب ونطت نصت نهار والناس صاحيه مش نيام!!!!

[البعاتي!!!!!]

#1397376 [لبني]
3.00/5 (2 صوت)

01-08-2016 05:28 PM
أمي ذهبها كلو اتسرق بعصابة نسوان، عملو انهم جاين ينظفو تلبيت وشغلوها وشالو ذهبها الأبوي بيجيو ليها طول عمرها من السعوديه. القيمه ناديه كبيرة جدا ومعنويا طبعا الدهب المرأة بيعني كتير . بتخيل اي اخوي الكبير اشتكي في الشرقي بيكونو شتلت منو بتاع البنزين والسجائر والفطور وبرضو ما لقوهن!!!! قدرو يلقو العصابه بتاعت الرحال بالتفكير الجهنمي دي وهم سرقو تحت وصايه وعين وحراسه الشرطه!! ما أظن

[لبني]

#1397323 [زول ساى]
2.75/5 (5 صوت)

01-08-2016 11:40 AM
ليست مسرحية ، علينا ان نتحلى بالموضوعية قليلا والصورة هى لأفراد الشرطة ومباحثها ، ليس كل شئ ننظر له بأنه مسرحية يجب ان نقول الشئ الحقيقى بغض النظر عن كرهنا ام حبنا للنظام ، نريد معارضة واعية ومسئولية بعيدة عن قول أكذب ثم اكذب حتى تصدق ، فهذه سياسية إعلامى هتلر .

[زول ساى]

#1397280 [ودالقرض]
4.00/5 (4 صوت)

01-08-2016 06:54 AM
والله...مسكين الشعب السودانى ....انا هنا لا اعلق على السرقة ...ولكن استشف من التعليقات ان حكومة الكيزان جعلت من السودانيين مجانين ...شى هلوسة وشى تخييلات ....وافكار غريبة ...الله يكون فى عوننا...حرامى خطط بذكاء لسرقة ..الا انه وكما يقولون لاتوجد جريمة كاملة ....وعادة المجرم محترف ويكون سرق او احتال بنفس الطريقة من قبل ....ومثبتة فى ذاكرة رجال الشرطة

[ودالقرض]

#1397276 [المنجلك]
4.75/5 (7 صوت)

01-08-2016 06:11 AM
التبيداب امدرمان بتاعين الدهب ديل مفتحيين
الموضوع دة شكلوا دعاية مجانية وكل الاحتمالات واردة الا قضية السرقة دي مفبركة فمن السهولة صهر الذهب وتحويله لقطع تعدين اهلي لا يمكن شخص يخطط بهذا المستوي ويحتفظ بالذهب بهذه البساطة ويقوم بأرشاد الشرطة لدليل ادانته

1- معقولة لا يجود جهاز انزار يعمل حتي وان انقطع التيار الكهربائي
2- عربية صيانة تعمل ليلا في شارع الدهب دون اثارة شكوك
3- تم اقتحام الدكان من الامام وقسم الشرطة علي بعد 2 كيلو
4- حتي في حالة وجود تصريح الا تتم مراقبة العمال
5- ما علاقة عمال رئاسة الجمهورية بالصيانة في السوق

بلد عجيبة ما تقدر تفهم فيها حاجة

[المنجلك]

#1397258 [ابن كوش]
4.50/5 (5 صوت)

01-08-2016 03:53 AM
كم انتم اغبياء و مهوسييين, المسالة مفبركة للهو الناس عن الخوار الفاشل وبعدين منو الحرامية اكثر م تجار الدين. الناس غلابه و وراء لقمة العيش ينامون بعد صلاة المغرب عشان الجوع ما يبهدلهم لانهم بياكلوا وجبة واحدة وبما حضر تفتكروا يكووا الحرامية ديل من وين و منو فيهم؟ بس اسالوا بكري (النايب الأول) يفكها ليكم اقلوا سجارتوه قوية من زمان

[ابن كوش]

#1397252 [سوداني قرفان من حكم الكيزان]
4.50/5 (5 صوت)

01-08-2016 02:44 AM
مسرحية اخراجها تعبان شديييييييد يعني بالمنطق واحد يمشي القسم ويطلع تصديق وياخد معاه ناس الشرطة وينجز مهمة السرقة ويقبضوه بسبب العربية ياخي دي قصة ماتقنع ليها طفل وبعدين معاكم ياجماعة حيرتو ابليس زاتو خلوها حلوه شوية

[سوداني قرفان من حكم الكيزان]

#1397248 [باكاش]
4.50/5 (5 صوت)

01-08-2016 02:06 AM
دا لو همباتي في الشارع العام
يقلع في الناس ما كان اتقبض بالسهولة
دي.. العدو غيرها.

[باكاش]

#1397235 [الراجل]
4.00/5 (5 صوت)

01-08-2016 12:08 AM
نص الدهب رجع لى سيدو والدهب تلتو ولا كتلتو والنص التانى مبروك على الناس الفى بالى

[الراجل]

#1397232 [alaaza bit wad almsaed]
3.00/5 (4 صوت)

01-07-2016 11:56 PM
مصطفى اسماعيل جاب الذهب ده من ويييييين ؟؟؟؟؟؟؟؟؟؟؟؟؟

[alaaza bit wad almsaed]

#1397231 [ميرغنى جمعة]
4.50/5 (6 صوت)

01-07-2016 11:47 PM
لعبة أمنية غبية لصرف الانظار عن الاحداث والفضائح ولعبة حوار البشير كم من تمثيليات وفبركات حدثت وقت الزنقات يا بتوعين الامن الشعب صار واعى العبوا غيرها

[ميرغنى جمعة]

#1397210 [Hashim]
3.00/5 (2 صوت)

01-07-2016 10:41 PM
ينداول العامه بأن المتهم محمد عثمان صاحب حوش السمك كان مسجون في قضية احتيال ضد احد البنوك. وإن البنك بيعو بيت اهلو. واﻻن ساكنين بيت ايجار. ويظهر عايز يعوض.
يبقى عايزين نغرف من هو محمد عثمان هذا واصلو وفصلو وكان شنو اصلا وكيف عمل حوش السمك ...... الخ

[Hashim]

ردود على Hashim
Russian Federation [حكم] 01-08-2016 02:02 PM
اخونا هاشم

الراجل قبضوه فى حوش السمك حقو
معقول يكون باع بيت اهله ومازال يمتلك حوش السمك؟؟


#1397208 [احمد عبدالله اسماعيل]
4.50/5 (6 صوت)

01-07-2016 10:31 PM
الظاهر مسرحية "الخوار" لم تشغل الناس بما فيه الكفاية , ف عايزين يشبكو المواطنين و يشغلوهم فى مسرحية جديدة إسمها "إذا سرقت فأسرق جمل" ..

[احمد عبدالله اسماعيل]

#1397206 [حسين السيد]
4.00/5 (5 صوت)

01-07-2016 10:19 PM
دة إسمو استغباء الناس و الضحك على الدقون ..
لو إفتكرتو انكم أذكياء و دايرين تطلعو بالمواطن السما فإنكم مخطئون لا المواطن هو الضرب السما جير و لوّنه ابيض و أزرق ..

[حسين السيد]

#1397205 [Hashim]
4.00/5 (3 صوت)

01-07-2016 10:15 PM
قضيه غريبه عجيبه بداية ونهاية.
ناس تبيدي ديل مش قبل كده قتلوا واحد منهم؟

[Hashim]

#1397204 [عصمتووف]
4.75/5 (6 صوت)

01-07-2016 10:12 PM
علام الفرح والحكي ي رجال الشرطة الاغبياء يفترض تتم اقالتكم جميعا ي فاشلون وخائبون ب الواضح كده ياناس الواحد فينا لو اراد دخول اي مرفق حكومي يطالبه موظف الاستقبال ب المستند الرسمي بطاقة شخصية او بطاقة عمل موثوقه م بالكم ف وقت يتم ف الواحده صباحا وف محل ومحلات تعتبر مناجم ذهب بس ب المنطق كدي بس م تقولو لي حسن النية

[عصمتووف]

#1397184 [خالد مصطفي]
2.50/5 (5 صوت)

01-07-2016 09:12 PM
والله شرطة السودان ماشاءالله عليها دائماً رافعين رأس البلد فوق ومشرفيننا وأي جريمة ما بتأخذ في يدهم ساعات أو أيام وحتي قاتل الدبلوماسي الامريكي قبضوه في أيام وقاتل الدبلوماسي الاوروبي الاخر قبضو قاتله في وادمدني بعد 24 ساعة فقط.. عفارم عليكم يا رجال الشرطة والمباحث الجنائية.

بالمناسبة دي بعض الناس عندهم مشكلة ثقة مع الشرطة ويقولوا ليك لو إتسرقت عوضك علي الله وما تشتكي ليهم زاتو لكن الحقيقة غير كده وأنا عندي تجربة واحد صديقي كان مغترب في أمريكا ومقيم فيها وجاء السودان اجازة ويوم كنا راكبين المواصلات مع بعض ونسي ليهو شنطة يد صغيرة في الحافلة والشنطة كانت فيها كل أوراقه وجوازه وجواز زوجته وأولاده بالاضافة لمبلغ 10 ألف دولار (يعني شقاء عمره كله).. طبعاً الراجل جن جنونه وقرب يموت والناس قالوا ليهو الله يعوضك ما حتلقاها لكن أنا أصريت عليهو مشينا فتحنا بلاغ في الشرطة الساعة 11 مساء في قسم شرطة بحري وطبعاً ناس الشرطة لامونا علي التاخير (الشنطة فقدناها من الظهر) لكن وعدونا يطلعوا أتيام تلف علي كل أصحاب حافلات الخط بتاعنا في بيوتهم في نص الليل داك وقالوا إنهم بيعرفوا كل أصحاب الحافلات بالإسم والعنوان !!! وأنا أقسم بالله الصباح الساعة 7 تقريباً إتصلوا علينا وقالوا لينا تعالوا القسم لقينا ليكم الشنطة بكامل محتوياتها.. وإتضح أن صاحب الحافلة وقف وقرش عربيتو في بيته ونام وما شاف الشنطة زاتو لكن الجماعة جو صحوهو في نص الليل وفتشو الحافلة ولقوا الشنطة والسواق إتجاوب معاهم كويس وجاء معاهم القسم وصديقي دفع له 10% من الدولارات (حوالي ألف دولار) لأنو القانون بيقول من يجد شئ ضائع ويحافظ عليه ويسلمه للشرطة أو لصاحب الحق يأخذ هدية 10% من القروش بالقانون.. سيد الحافلة قال لي ناس المباحث لما جوهو البيت وصحوه من النوم كان زعلان زعلة شديدة لكن هسع بالقروش دي قال لي أنا بقيت أسعد زول في الدنيا هههههههههه.

عفارم عليكم يا وحوش الشرطة.
ياخي ديل مجانين وشواطين لدرجة عارفين سواقين الحافلات نفر نفر.

[خالد مصطفي]

ردود على خالد مصطفي
[بوليس قديم] 01-08-2016 07:57 PM
بالله يا ابو الشباب انت قايل عندنا قمبور ؟؟
حافلة شنو البركبها زول شايل ليهو شنطة وقروش قدر دي ؟
بعدين شنطة فيها جواز ، واميركي كمان . معقول ينساه في الحافلة .

قوم لف ياخ .

[اندروس] 01-08-2016 05:23 PM
يا أخى نحن لبنا عقول ... صديقك المغترب ويحمل معه شنطة يد صغيرة بها عشرة الف دولار وجوازه وجوازات اسرته وكل اوراقه وراكب معاك المواصلات وفى حافلة كمان ؟ ياخى احترم عقولنا شوية عشان نصدق جزء من كذبتك الكبيرة التى لن يصدقها طفل فى السابعة من عمره .. ديل مش وحوش الشرطة لانه كل الشعب السودانى مقتنع بانه ناس الشرطة فسدة ومرتشين واكثرهم فسادا ناس المباحث لانهم بيقاولوك عديل اذا سرق منك شئ ذو قيمة ... خالد مصطفى بكل صراحة انت أرزقى مع الاعتذار للقراء الكرام

[amir] 01-08-2016 08:07 AM
دائما الدنيا بخير وهناك العديد من منتسبي الشرطة على درجة من الكفاءة والمهنية والاستقامة . لكن شرطة السودان الان اصبحت جزء من الجريمة وكثير من افرادها مجرمين بدرجة امتياز .والتسيب العام والاستهتار وعدم الانضباط الذي ضرب كل مرافق الدولة عمل فيها ما لم يعمله النجار في الخشب . فاذا لم تدفع لهم ويتدخل قريبك الرتبة فلان كان الله في عونك وعوضك خيرا.

[عبير] 01-08-2016 07:06 AM
خربتها بالسطرين الاخيرات, بعد عفارم وبرافو تجي تقول وحوش مجانين وشواطين؟


#1397170 [الحازمي]
4.50/5 (3 صوت)

01-07-2016 07:59 PM
لا نشكك في كفاءة الشرطة السودانية اذا توفرت لها المعينات و التدريب و الرواتب المجزية كبقية القوى العاملة!!
و لكن يبدو أن الانقاذ تدبر أمرا!!!
اذ لا يستقيم أن تستغفل الشرطة بهذا السيناريو السمج!!!!

[الحازمي]

ردود على الحازمي
[amir] 01-08-2016 08:10 AM
الشرطة تتقاضى اعلى الرواتب في القوى العاملة مثلها مثل الامن والجيش اذا قارنتها بالقطاعات المدنية الاخرى . لكن عدم الانضباط والتسييب والاهمال وعدم المحاسبة والرقابة الداخلية والخارجية هي السبب في ما وصلت اليه


#1397167 [الشرطو الضحك]
3.99/5 (9 صوت)

01-07-2016 07:52 PM
مسرحيييه

[الشرطو الضحك]

#1397163 [ود الامير]
4.47/5 (8 صوت)

01-07-2016 07:41 PM
ما شاؤ الله!! اكثر شيء تطور في السودان هو اللصوصية واساليب الهبر واللهف واللغف. وليس ذلك بمستغرب فالناس على دين ملوكهم!!

[ود الامير]

#1397158 [الداندورمي.]
3.75/5 (5 صوت)

01-07-2016 07:37 PM
هل إنسان خطط للسرقه بكل هذا الذكاء غبي لدرجة
أن يقبضوهوا خلال أيام ،،،سرقة القطار الكبري لحدي الآن
لم يتم القبض عليهم.هل ذكاء الشرطه أم غباء الحرامي؟

[الداندورمي.]

ردود على الداندورمي.
[جركان فاضى] 01-07-2016 09:55 PM
عشان كدا بكرة زولك المسكين البضحك دا يطلع ماعندو اى موضوع بالسرقة...شكلوا زاتو ما شكل حرامى


#1397157 [جركان فاضى]
5.00/5 (3 صوت)

01-07-2016 07:33 PM
اسهل طريقة للتنقيب عن الذهب...طريقة القصر الجمهورى

[جركان فاضى]

#1397137 [الكاره الشيعة واصحابهم الزمان]
3.88/5 (6 صوت)

01-07-2016 06:14 PM
بعدين الضابط دا قالد المجرم دا هل هو معجب به
لا شىء يدل على انه مجرم ولا مسكة الضابط تدل على العلاقة بين ضابط ومجرم بل هى اشبه بالعلاقة بين ضابط وصديقه
والله حيرتونا

[الكاره الشيعة واصحابهم الزمان]

ردود على الكاره الشيعة واصحابهم الزمان
[Grfan] 01-08-2016 01:47 AM
دا ما المجرم. دا أحد افراد تيم المباحث. جابت ليها قلد كمان, يجب ان نحي الشرطة ولا نبخس إنجازاتهم

[محمد الزاكي] 01-07-2016 10:08 PM
خخخخخ ديل كلهم شرطة...منوا القال ليك دا حرامي؟


#1397134 [ود نفاش]
3.75/5 (5 صوت)

01-07-2016 06:00 PM
حتى الكذب فاشلين فيه.زول عنده مطعم سمك بسرق بالطريقة دى.انا اشك ان الموضوع فيه. ان..

[ود نفاش]

#1397124 [Mojo]
3.96/5 (8 صوت)

01-07-2016 05:29 PM
تمكنت شرطة مباحث أمدرمان وسط من كشف غموض سرقة(35) كيلو جرام من الذهب بقيمة (20) مليون جنيه من داخل شركة مسك الختام للمجوهرات المحدودة بسوق أمدرمان بالقائها القبض على المتهم الرئيسي المدبر لعملية السطو حيث تم القبض عليه داخل مطعم للسمك الذي يمتلكه بضاحية الرياض شارع أوماك وذلك بعد أن إشتبهت الشرطة بالعربة (كليك) التى كان يقودها المتهم لحظة تنفيذ عملية السطو ....


والي هنا انتهي الفيلم الهندي بطولة واخراج الممثلييين البارعين من فرقة الكيزان للدراما والفنون ... الي ان نلتلقي في المره القادمة ....

فترقبووووووووووووووووووونا !!!!!!!

[Mojo]

#1397119 [محي الدين الفكي]
2.25/5 (3 صوت)

01-07-2016 05:15 PM
طبعا صناعة الذهب فس السودان والاب الروحي لصناعة الذهب بابكر تبيدي واولاده محمد وخالد وقد جاء بابكر تبيدي وهو بديري من منطقة دنقلا جاؤا عبر النيل بثلاثة مراكب محملة باطنان من الذهب واستخرجه من الشمالية وكان ولده محمد بابكر تبيدي يملك ومازالت حديقة الحيوانات وقصر الضيافة الى جبل طينة ملك لورثة محمد بابكر تبيدي وممتلكاته كانت اكثر من حكومة الحكم الانجليزي , يحكى ان الحاكم العام دعى محمد بابكر الى قصر غردون باشا تكريما له وبعد الحفل سأل الحاكم العام محمد بابكر تبيدي عما يريد فقال له اطلب ماذا تريد الحكومة لانه كان اغنى من الحكومة ...

نشكر دور شرطتنا على القبض على المتهمين واعادة الذهب الى اهله ولكن لابد من اتخاذ تدابير اخرى لحماية تحار الذهب والمجوهرات وكذلك لا بد من حماية الذهب وتجاره من تدخل الامن والقبض على تجار الذهب لان الذهب هو مال سائل وقد حرم الله الاعتداء على تجار الذهب خاصة الامن الاقتصادي وبنك السودان , ان الله سيسأل هذا النظام عن حرمة الانسان لماله وكيف يتصرف فيه والله المستعان على مايصفون .

[محي الدين الفكي]

#1397102 [منور]
2.94/5 (11 صوت)

01-07-2016 04:26 PM
مسرحية هزيلة الإخراج ...والمتهم ألفي الصورة وهو يضحك خير دليل على سوء الإخراج ...واكيد صاحبنا طلب منه التمثيل والظهور كمنفذ للعملية لوضع نهاية لجريمة شغلت الرأي العام وذكر فيها ما ذكر من أطراف ....صاحب مطعم سمك يسطو على محل كبير للذهب بموافقة من المحلية او المعتمدية وبطاقات من القصر الجمهوري ولا يشك فيه أحد ...ما أظن والله أعلم ....

[منور]

ردود على منور
[أرسطو] 01-07-2016 09:56 PM
صحيح يا أخ منور - سيناريو المسرحية لم يتم أخراجه بطريقة مقنعة - والسؤال الكبير هو عندما ذهب صاحبنا الى قسم الشرطة لأستخراج تصريح أعمال الصيانة بالمحل - ألم يسأله ضابط الشرطة عن رخصة المحل أو أى مستند يفيد أممتلاكه لمحل الذهب ؟؟ - ثانيا و قبل كل شى ماهى البطاقة الشخصية التى قدمها صاحبنا للشرطة والتى تفيد بأنه المالك لمحل مسك الختام ؟؟ - ناس المباحث قالوا أستدلوا عليه بواسطة سيارته الكليك التى كان يقودها اثناء حضوره الى قسم الشرطة و شوهدت أمام المحل اثناء تنفيذ العمليه - هناك أنسان يمتلك عقل مدبر لمثل هذه العملية يقومبأرتكاب تصرف يدل على الغباء مثل استعماله لسيارته الخاصة اثناء تنفيذ مثل هذه العملية ؟؟ - المسرحية لم يتم اخراجها بأتقان ..

[أبو الشهييق] 01-07-2016 07:00 PM
يا اخونا كدي صلي على النبيز
ده تيم المباحث واصحاب الشركةـــــ مافي متهم بعرضوه بالطريقة دي حتى لو كان أبو الضابط الفي الصورة.
كدي قوم اشرب ليك كباية عصير وروق اعصابك والبس النظارة وتعال


#1397101 [salahuddin]
2.82/5 (5 صوت)

01-07-2016 04:21 PM
بكرة حنسمع كان مشترك معاه واحد من الكبار ويطلع منها زي الشعره من العجين ولا من شاف ولا من درى .. زي حاوية المخدرات التي ضبطت في الميناء عيناً جهارا ورغم أن ضباط الجمارك اثبوا الواقعة في وسائل الإعلام المختلفة مقالات وصور وخلافه ومن يومها لا سمعنا ولا شفنا بمحاكمة ولا غيره لكن سمعنا بالمخدرات تدخل المدارس والجامعات وتنتشر وسط الشباب وآخرها ابن الوزيرة في وزارة العدل والذي ضبط ومعه المخدرات .. وأيضاً خرج منها سالما غانماً((طيب المخدرات دي جات من وين؟؟؟))..

[salahuddin]

ردود على salahuddin
[سارة عبدالله] 01-08-2016 12:59 AM
سلام أخينا تحليل ممتاز مسك الختام علينا ان نعرف من هم ماسكين الختام شئ يدعو لكن هواء السودان نستنشقه سرقه تفوح

[A. Rahman] 01-07-2016 06:58 PM
لا يا بوصلاح ما حتسمع باشتراك واحد من الكبار لأنه السمعناه إنه المحل ذاته بتاع الكبار جمال الوالي و وداد، ما شايف اسم المحل ذاته يشبه الإنقاذ؟ مما قمنا بنسمع ناس تبيدي و اولاد ملا و أولاد مسيك و الأمين عبد الرحمن و غيرهم، يعني محلاتهم نحمل أسماءهم، و لم نسمع حاجة اسمها مسك اختام و لا حسن الخاتمة و لا مؤسسة الذاكرين و لا الصافي جعفر و لا كلام فاضي.


#1397098 [اللكندى]
2.92/5 (8 صوت)

01-07-2016 04:06 PM
بلاده مبالغه فى بث بيسرق بعربيته الخاصه فى السينما حتى الهنديه بيسرقوا عربيه عشان يسرقوا بيها . أين الغموض

[اللكندى]

#1397095 [MAHER ABDEEN]
4.50/5 (4 صوت)

01-07-2016 03:53 PM
well done
what about the big gangs?

[MAHER ABDEEN]

#1397088 [najy]
2.99/5 (11 صوت)

01-07-2016 03:37 PM
معقولة ؟؟؟؟؟؟؟!!!!!! بس كده يخي قومو لفو

[najy]

ردود على najy
[كلام حلو] 01-08-2016 12:16 AM
سبحان الله كلام غريب و الله

European Union [دردوق] 01-07-2016 10:46 PM
شنوو بعد دا ما خلاص البطل ماااات



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة