الأخبار
أخبار إقليمية
مشاعر : التأمين الصحي غير ملزم بتغطية الأدوية التجارية ذات التكلفة العالية
مشاعر : التأمين الصحي غير ملزم بتغطية الأدوية التجارية ذات التكلفة العالية
مشاعر : التأمين الصحي غير ملزم بتغطية الأدوية التجارية ذات التكلفة العالية


01-13-2016 09:41 AM
البرلمان: سارة تاج السر
أعلنت وزيرة الرعاية والضمان الاجتماعي مشاعر الدولب، ان التأمين الصحي غير ملزم بتغطية الأدوية التجارية ذات التكلفة العالية باعتبارها "ماركات تجارية"، وقللت من قيمة الاشتراك الذي يسدده المؤمن عليه والذي قالت انه لايتجاوز ٤٨ جنيهاً شهرياً او ٥٠٠ الف جنيه سنوياً، واضافت " نحن مرات بنصرف للمريض دواء في روشتة واحدة بي٥٠٠ الف جنيه"، وتوعدت الوزيرة فى البرلمان امس، بحسم ملف المتسولين والتدخل بقوة خلال الايام المقبلة ابتداء من العاصمة الخرطوم.
وبررت الوزيرة عدم تغطية التأمين الصحي لبعض الأدوية غالية الثمن، لكتابتها بالاسم التجاري وليس الطبي، واشارت الى ان التامين غير ملزم بتغطية الماركات التجارية، وكشفت عن اتفاق بين وزارة الصحة ومنافذ التامين، على كتابة الدواء باسمه الطبي فقط.
ونبهت الدولب الى ان فكرة التأمين قائمة على التكافل، ولفتت الى ان المبالغ التي يدفعها المشترك لاتوفر له العلاج، وانما مشاركة الاخرين والاعداد الكبيرة المشتركة في الخدمة هي التي تسدد فاتورة المريض، واوضحت ان خطة العام الجاري تتضمن ادخال القطاع غير المنظم تحت مظلة التامين، ووعدت بتجويد الخدمة بالتنسيق مع وزارة الصحة.

الجريدة


تعليقات 5 | إهداء 0 | زيارات 1691

التعليقات
#1400723 [كان ختوك كضب مايلوموك!!!]
0.00/5 (0 صوت)

01-16-2016 02:33 PM
(بنصرف للمريض دواء في روشتة واحدة بي٥٠٠ الف جنيه"، وتوعدت الوزيرة فى البرلمان امس، بحسم ملف المتسولين)
مابعرف ياكضابه!!!يادبابه!!ومابطلع من خشم بابه!!!
ومافاضيه من الشو بالخاتم وزيق تيابه!!
متين الله بسيسالك دفعتوا خمسنايه!!!
ياوزيره ضايعه بلده بلا عنايه!!!!
انتو التامين عندو دواء حتي بتاع الكحه عشان ماتغطي الغالي!!!
وله حفظوك الكلام زبانية البرج العالي!!!
البيصرفو علي حفوافزهم وسفرياتم ورحلاتم ودراستم!!
ذي بتاعين الذكاه!!!!
ماعندك من اسمك غير شش عععععععععع ررررر!!!

[كان ختوك كضب مايلوموك!!!]

#1400312 [خاتي اللوم]
0.00/5 (0 صوت)

01-14-2016 07:48 PM
وهل الشعب ملزم يوفر ليك بيت وعربات ومخصصات وعلاج و و و

[خاتي اللوم]

#1399869 [Zorba]
0.00/5 (0 صوت)

01-14-2016 04:44 AM
انتي برضو ما ملزمة تكوني وزيرة الرعاية والضمان الاجتماعي.

[Zorba]

#1399730 [Free]
0.00/5 (0 صوت)

01-13-2016 04:51 PM
Then, who will cover them you thief

[Free]

#1399568 [الناهه]
5.00/5 (1 صوت)

01-13-2016 11:55 AM
ياسيادة الوزيره مشاعر الدولب
الادويه ذات التكلفه العاليه يعني اصحابها مساكين وامراضهم جاءت نتيجه للفقر والمرض والجوع الانتي من المفترض عارفاهو اكتر من غيرك بحكم عملك في رعايه المجتمع ولا شنو
غايتو ما بنقول ليك التامين الصحي كده ولا كده لانه حقيقة في قله من الشعب السوداني فقيره فقر مدقع بتستفيد منه ولو بعد مجابده ومشاوير ورهق بالغ ولكنهم في نهاية الامر يحصلون على جزء مما يريدون واكثر الاحيان بيقولوا ليهم ناس التامين الصحي الدواء ده غالى ما معانا
الله ينعل السوق الاسود والسوق الموازي وينعل الشغالين في الدولار وينعل اي واحد فاسد بياكل قروش الشعب ويبنيها قصةور وفيلل ويركب بيها سيارات فارهه ويحج ويعتمر بيها ويعلم اولاده ويعالجهم بيها وبيسافر بيها بدون سبب السنه كلها وبيصرفها على عطالى الدستوريين حتى حق الدواء ما بخليهو للمساكين
الموضوع جاب الموضوع لكن الله ينعلهم برضو

[الناهه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة