الأخبار
أخبار إقليمية
بير الإقتصادي / احمد الشيخ واوجاع الإقتصاد!!
بير الإقتصادي / احمد الشيخ واوجاع الإقتصاد!!



هل المغتربين مسؤولين عن تمويل السلع والمحروقات؟
01-17-2016 02:57 PM
حيدر احمد خيرالله

*الخبير الإقتصادي الأستاذ/ احمد محمد احمد الشيخ ،الأمين العام للغرفة القومية للخدمات الإقتصادية ، فى حواره مع صحيفة أخبار اليوم بالأمس أكد ان اصلاح الإقتصاد يبدأ بزيادة الإنتاج وتقليل فاتورة المنصرفات والواردات وناشد الدولة بكل اجهزتها و مؤسساتها وخاصة القطاع الاقتصادي والزراعي بشقيه المروي والمطري ان يتجهوا لزيادة الانتاج .. مؤكدا ان كل المعالجات التى تطرح الان لن تقود السودان الى انفراج ، وحين يؤكد سيادته على هذه الرؤية نجد البرلمان تنقل عنه الأخبار:

*(دعا النائب البرلماني تاج الدين المهدي، لتوجيه المواطنين لترشيد إنفاقهم، وقال" بمثل ما ندعو الحكومة لتقليل إنفاقها نوجه المواطن لترشيد استهلاكه"، وطالب وزارة المالية بالاستفادة من تحويلات المغتربين البالغة أكثر من ٣ مليارات دولار سنوياً، في إنشاء محافظ دولارية لدعم المحروقات والقمح والأدوية.
وقال تاج الدين ، إن الإنقاذ في بداياتها وجهت تحويلات المغتربين في تمويل السلع الضرورية وتوفير الدقيق والمحروقات والأدوية ومدخلات الزراعة ووصفها بالتجربة الناجحة، وطالب بضرورة تقليل إنفاق المواطنين وترشيد استهلاكهم ما من شأنه أن ينعكس بشكل إيجابي على الموازنة.)..

*النائب تاج الدين يقول : بمنتهى السذاجة الإقتصادية والسياسية (" بمثل ما ندعو الحكومة لتقليل إنفاقها نوجه المواطن لترشيد استهلاكه" ) بربكم هل هذا منطق نائب عن الشعب؟ فاذا رفضنا ترشيد استهلاكنا فهل هذا مبرر لأن تصرف الحكومة صرف من لايخشى الفقر؟ وهل للحكومة اب تصرف من امواله ام هى اموال هذا الشعب المنكوب؟ أما ثالثة الاثافى فهى مطالبته بالتعدي على اموال المغتربين الذين ظنهم بمثل سذاجته ، فهم الان يرسلون تحويلاتهم لأسرهم خارج محفظة البنوك لفارق السعر الكبير بين السعر الرسمي والسوق الموازي ،لكن امين جهاز المغتربين السابق بدلا عن ان يطالب بتحفيز المغتربين بان يتم لهم الصرف بسعر تشجيعي نجده يتحدث بمنطق عفا عليه الزمن ..

*والكارثة الأخرى هل المغتربين مسؤولين عن تمويل السلع والمحروقات؟حتى تؤخذ اموالهم لهذه المحفظة الكريهة؟ واذا كان الحل فى تحويلات المغتربين فماهو العمل الذى يؤديه مئات الوزراء؟ شكرا للاستاذ احمد الشيخ الذى تحدث عن ضرورة اعادة النظر فى هيئة الحج والعمرة وماتؤديه ، ولأنه دخل مباشرة لأوجاع الإقتصاد السودانى عندما طالب بوضوح بزيادة الانتاج ، فى الوقت الذى يطالب فيه نواب الشعب بالتنكيل بالشعب ولانامت اعين البؤساء أما النائب تاج الدين المهدى الذى رضع و الأستاذ احمد الشيخ من ذات الثدي الاسلامى الذى أدخلنا فى هذا المأزق ، فاننانحفظ له الكثير من جميل المواقف وننتظر منه ان يعدل من كبوته الحالية .. وسلام ياااااااوطن..

سلام يا

(احتدم الجدل بين نواب برلمانيين ورئيسة الجلسة عائشة محمد صالح بشأن توزيع الفرص، بينما انسحب النواب المستقلون من الجلسة احتجاجاً على عدم منحهم فرصة للتداول بشأن تقرير خاص بوزارة الإرشاد والأوقاف، واتهم بعض النواب عائشة باختيار المتحدثين من ورقة معدة مسبقاً سلمت لها مع بداية الجلسة،) بدون زعل يمكن بخرة من السيد / الحسن بخصوص ال181يوم التى ستحل فيها مشاكل السودان !! دستور ياجماعة .. وسلام يا..

الجريدة الاحد 17/1/2016


تعليقات 4 | إهداء 0 | زيارات 2086

التعليقات
#1401773 [الناهه]
0.00/5 (0 صوت)

01-18-2016 12:55 PM
خلاص ضربوا قروش البترول
وتقريبا الذهب ده موضوعه ما بعوض لا لاحق لي ده ولا داك
باعوا اصول مشروع الجزيره وخط هيثرو وبواخر سودان لاين وضربوا قروش شركة الاقطان وباعوا اراضي ولاية الخرطوم ورهنوها ( مافي حتات تتباع) واكلوا قروش اطعام الحجاج وبلعوا اراضي الاوقاف وشركاتهم للنقل والمواصلات العملوها بدل السكه حديد ارتفاع الدولار خله الاسبيرات واللساتك غاليه وبقت الشغلانه ما بتخارج
اها
بقى مافي حاجه لسه ما وصلوا ليها الا قروش المغتربين رغما عن سداد المغتربين للجبايات من ضرائب وزكاه وجبايات اخرى متعدده ومتفرقه ولكن الموضوع يتعلق بباقي قروش المغتربين في الفي حساباتهم في بنوك دول المهجر دي ..اها .. دي يجيبوها كيف للمسفوفه .. ياربي تتعمل شركات تجيب بترول وغاز ولا يستوردوا شنو ..دايرين يشوفوا ليكم حاجه عشان القروش دي تصل جيوبهم .. وكان المغتربين عصلجوا معنى كده تاني مايفكروا يجوا السودان تب وللاوطان في دم كل حر يد سلفت ودين مستحق ... اها .. نحن واقفين في حته الدين ده ..كيف يسدد المغتربين الدين ..يعني مافي طريقه الا يجيبوا القروش دي بدون مماطلات مع التحذير من اي فهلوه او زوغان فالموقف يحتم جلب هذه الاموال وان لا يكونوا مثل المرجفين اعداء الدين والوطن الطابور الخامس عملاء اسرائيل ..وطنكم ووطنيكم في انتظار اموالكم ايها المغتربون الشرفاء وبعدين في نسبة ارباح خياليه بدل قروشكم تفعد مكدسه بدون فايده ليكم فالامر وطني جدا

[الناهه]

#1401596 [اhabbani]
0.00/5 (0 صوت)

01-18-2016 08:39 AM
يا تاج الدين المهدى كدى رجع الارض الخصصتها لى نفسك من اراضى الجزية المتاخمة للخرطوم .
يا ايلا يلا ورينا شغلك وانت جابوك من بورتسودان مخصوص لى الناس الزى تاج الدين دا

[اhabbani]

#1401454 [جاكوما]
0.00/5 (0 صوت)

01-18-2016 12:30 AM
ثلاثة مليار تحويلات المغتربين؟الاحصائية دى بجبوها من وين.. انامتأكد
مافى ولا مغترب واحد بيحول بالبنك !! إلا يكون غبى !

[جاكوما]

ردود على جاكوما
European Union [ABDULRAHMAN] 01-18-2016 12:07 PM
لانهم بيطبعو القروش ويجو يشترو الريال والدولار عن طريق ناسهم وبيحولو للصين ودول اخرى ويستورو الكماليات للسودان -


#1401346 [ود المهدي]
5.00/5 (1 صوت)

01-17-2016 06:45 PM
المغتربين ليهم الله ، انتو خليتو ليهم قروش يا كلاب .................


والله المليارات التي اتت للسودان من البترول لوظفت بحقيقة لمحتاج السودان لاي لكن وقعت في ايادي الكيزان بنو بها العمارات والاستثمارات لهم ولمن وآلاهم .


والمغتربين قدر البجمعوه يا حيوانات بحلوه لاسرهم في السودان؟؟؟؟؟؟؟؟؟؟؟؟ والباقي بعيشوا بيوه وهم الآن اصبحوا في مفترق طرق ديار الغربة اصبحت لا تسعهم لان الضيق وصلهم او كاد ان اطرق ابوابهم وانتم ادرى بما يحصل .


ايها الاوباش رجعوا اموال الدولة التي نهبت ومنحت قروض حسنة ولم ترجع .


لخزينة الدولة والاموال المجنبة من كل او معظم الوزارات ارجعوها لخزينة الدولة وسوف ينصلح الحال لكن المغتربين لا اموال لديهم الآن.

[ود المهدي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة