الأخبار
أخبار إقليمية
برلماني يكشف عن احتلال كسلا لمناطق بالقضارف ويحذر من مواجهات
برلماني يكشف عن احتلال كسلا لمناطق بالقضارف ويحذر من مواجهات
برلماني يكشف عن احتلال كسلا لمناطق بالقضارف ويحذر من مواجهات


01-18-2016 11:39 AM
البرلمان: سارة تاج السر
أعلن النائب المستقل مبارك النور، عن احتلال ولاية كسلا مناطق واسعة تتبع جغرافياً لولاية القضارف، ونشر قوة من الشرطة والجيش فيها، وحذر من أن يتسبب ذلك الوضع في مواجهات واستعجل حكومة المركز للتدخل فوراً.
وقال النور في تصريحات صحفية أمس، أن صراعاً نشب بين ولايتي القضارف ونهر النيل، في تبعية مناطق الحجر الأبيض الغنية بالذهب بالبطانة، ولجأ الطرفان الى ديوان الحكم الاتحادي للفصل، فقام الديوان باتباع تلك المناطق الى كسلا رغم أنها لم تكن طرفاً متصارعاً، وأردف: "بعدها مباشرة رجع معتمد محلية كسلاوية متاخمة للقضارف، من الخرطوم وبعد وصوله المناطق المتنازع عليها قام بفك البيرق، وأتى بقوات من الشرطة والجيش واحتل المناطق الغنية بالذهب".
وأوضح النور أن ذلك التصرف خلف احتقاناً وسط الأهالي هناك، وحذر من انفجار الوضع بالمنطقة، واتهم ولاية كسلا بوضع يدها على منطقة ود الحليو من القضارف بدواعي أمنية، وقال "الآن الأسباب انتفت ويجب أن تعود ود الحليو الى القضارف"، وطالب بإقالة والي القضارف الحالي وتعيين والٍ من الولاية نفسها للحفاظ على أراضيها".
في السياق منعت الكتلة البرلمانية لنواب القضارف، وفداً أهلياً من القضارف يعتزم تقديم شكوى للبرلمان بخصوص الصراع مع كسلا، عن مقابلة الصحفيين، بعد أن كانت الكتلة تعتزم عقد مؤتمر صحفي في وجودهم.

الجريدة


تعليقات 11 | إهداء 0 | زيارات 2566

التعليقات
#1402860 [محمد عبد الرحمن محمد حسين]
0.00/5 (0 صوت)

01-20-2016 08:55 AM
وليه مابتتكلم عن احتلال حبشي للسودان من جهتكم اتقو الله

[محمد عبد الرحمن محمد حسين]

#1402194 [عبدالله الفونجي]
0.00/5 (0 صوت)

01-19-2016 08:47 AM
كان الحكم الفدرالي كدة خلوه أحسن ما بنفع معانا لا فدرالي لا كدرالي المركز وبس
بنعرفو وبعرفنا ماعايزين أي فلسفة فاضية .. قال تتبع لي الولاية الفلانية , ماكل ولاية ترفع علم وخلاص , والله دي قصة .

[عبدالله الفونجي]

#1402106 [Aola Tah]
0.00/5 (0 صوت)

01-19-2016 05:10 AM
ما دا نتيجة والهدف في تفتتيت الاقاليم يا حليل لمن كانت الاقليم الشرقي يلا انبسطوا مش دا كان الهدف من الاول وقت طلع ليك صوت كدا رجع المناطق التي محتله من اثيوبيا دا الاحتلال داخلي وفي النهايه ما تخاف الثروه حترجع ليكم الزعل ليه هبر المعادن لسه في حوزتكم سواء كان لكسلا ولا القضارف كلكم في سلة واحدة ولا النسبة سوف تنقص واعملوا بالمثل القال القفه بادانين بيشلوها اتثنين اهنئكم بالهبره الجديدة والله لا يوفقكم وحسب الله ونعم الوكيل

[Aola Tah]

#1401964 [جنوبي]
5.00/5 (1 صوت)

01-18-2016 08:29 PM
ههههههههههههه
يعني حقت كسلا حرقتك يا مبارك النور !!؟ سمح الفشقه كيف ؟!!

[جنوبي]

#1401943 [الدنقلاوي]
5.00/5 (1 صوت)

01-18-2016 07:13 PM
والله شر البلية ما يضحك، هي اثيوبيا شالت نص ولاية القضارف، من مربع بريقع لي جبل حلاوة، وانتو قاعدين تتفرجوا، يبقى حرام على كسلا حلال لإثيوبيا!

[الدنقلاوي]

#1401926 [الدرب الطويل]
0.00/5 (0 صوت)

01-18-2016 06:06 PM
هههههههههه.. نضحك مما نسمع!!!..
محن سودانية لا تنتهي يا شوقي بدري!!!..
يعني هسي لو اتقسم السودان حتقوم حروب ما ليها لا اول ولا أخر..

[الدرب الطويل]

#1401925 [حسن الضهبان]
0.00/5 (0 صوت)

01-18-2016 06:04 PM
(فك البيرق) كيف يعني؟ هههههههه
الله يجازي محنكم ياناس حكومة السجم.

[حسن الضهبان]

#1401918 [عمكم المفرنب]
0.00/5 (0 صوت)

01-18-2016 05:44 PM
وبعد وصوله المناطق المتنازع عليها قام بفك البيرق، وأتى بقوات من الشرطة..

عليكم الله دا كلام..
نهر النيل والقضارف متنازعين في الارض,,
بردلب يدوها لكسلا وكسلا تفك البيرق بالواطة
دي الكبسيبة الاباها المهدي
العفو يا اخوانا انا مسحلب

[عمكم المفرنب]

#1401868 [sudanii]
0.00/5 (0 صوت)

01-18-2016 03:32 PM
دولة كســـــلا
أحتلت دولة القضارف
انها الحرب
أغبياء

[sudanii]

#1401782 [زول]
0.00/5 (0 صوت)

01-18-2016 01:02 PM
فتن ...
لعن الله الكيزان

[زول]

#1401734 [ابو عبد الله]
5.00/5 (1 صوت)

01-18-2016 11:52 AM
يا اخوانا دي مصيبة شنو؟ اول ما شفت العنوان اعتقدت انه اثيوبيا احتلت مناطق من السودان لا حول ولا قوة الا بالله.

[ابو عبد الله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة