الأخبار
أخبار إقليمية
برلمان البودي والدخان - منع من النشر
برلمان البودي والدخان - منع من النشر
برلمان البودي والدخان - منع من النشر


01-18-2016 01:53 PM
بسم الله الرحمن الرحيم

سهير عبدالرحيم

أحياناً أشعر أن نوابنا في البرلمان يرغبون في شغلنا بقضايا انصرافية وأمور هامشية لا طائل ولا جدوي من ورائها مما يجعلنا نمور ونمور وندور في حلقة مفرغة حول أفكارهم ورؤاهم وتساؤلاتهم التي من المفترض أنها تصب في مصلحة المواطن .

آخر تقليعات نواب الهناء ماطالبوا به وزارة التجارة من حظر استيراد الكماليات وهذه الكماليات التي تحدثوا عنها تشمل (التونكات والبودي) ، هكذا لخص النواب مشكلة الاقتصاد السوداني والعجز في الميزانية وسقوط الجنيه أمام الدولار بأن (البودي والتونك) هما السبب .

ولمن لا يعرف من هو ( البودي) فهو تلك البلوزة الفنايلية والتي ترتديها النساء عادة تحت الفساتين أو الثياب، وهي قماش من النوع الـ (free size) ، له كم طويل، بمعنى أنه مثل الذي ترتديه مشاعر الدولب وأميرة الفاضل وسعاد الفاتح وبدرية سليمان و( زوجتا ) الرئيس.

بل وترتديه غالبية النساء في السودان، أما (التونك ) فهو جاكت طويل يشابه في الطول الزي المدرسي التقليدي و يتم ارتداؤه مع اسكيرت أو بنطال .

طيب ممكن نعرف ده كلو علاقتو شنو بعجز الميزانية وعلاقته شنو بأنهيار الجنيه !!!

هل وصل السخف والاستهتار بعقول المواطنين أن يتم تعليق الأزمة الاقتصادية، وفشل البرامج الإسعافية للميزانية بملابس النساء وهل سيغلق نواب البرلمان ملفات الفساد ويطلوا من تحت ثياب النساء لرؤية مايرتدين، وهل يا ترى سيقوم البرلمان أيضاً بمنع استيراد الملابس ( الداخلية ) للنساء!! .

في هذا الوطن كل شيء جائز ألم يتم من قبل فرض ضرائب على (الطلح والشاف) ، بمعنى أن كل امرأة تجلس للدخان تخصم منها مع كل (بوخة) ضريبة دخان، لذلك قد تلجأ النساء في الأحياء إلى إنشاء مركز للدخان المخفض، أو الدخان الجماعي أو دخان قدر ظروفك، أو دخان مرة في الأسبوع.

ماذا بقي أيضاً يا نوابنا من افكار في جعبتكم لإعادة العافية لمشروع الجزيرة والنهوض بالتعليم والصحة وسودانير والسكة الحديد و...و.جميع المؤسسات الموجودة في حالة موت سريري، ماذا تبقى !!

أجل تبقى شيء مهم فرض ضرائب على الحناء وتحديد كمية النشادر في كل (قدم) ، واستصدار قرار بعدد مرات ترديد الحناء ومنع استيراد المحلبية والسرتية.

لماذا لا يتم تقديم اقتراح أيضاً من قبل النواب بحظر صناعة الدلكة والبخور باعتبار أن مدخلات انتاجها ومشتقات صناعتها من منتجات مستوردة .!!

الغريب في الأمر أن أعضاء البرلمان من النساء هن الأكثر استعمالاً للبودي (وكمان بطقمن مع الألوان).

خارج السور :


نواب يتركون انهيار التعليم وتردي الصحة وملفات الفساد ويبحثون وينقبون فقط في ملابس النساء أو ختانهن ، ماذا ننتظر منهم من مراقبة ومحاسبة للجهاز التنفيذي !!


تعليقات 35 | إهداء 0 | زيارات 16644

التعليقات
#1402906 [بكري محمد]
3.00/5 (2 صوت)

01-20-2016 10:04 AM
القاصي والداني يعرف ما آل إليه الوضع من فساد ضرب بأطنابه كل مؤسسات الدولة من الرئيس الى أصغر مسؤل ولكن كان حري بالكاتبة أن تشير فقط دون التصريح
لبعض المفردات لأنها تجرح الزوق والحياء العام ولا تنسى أنها إمراة ويجب ان تكون أشد حياءا في تناول تلك المواضيع

[بكري محمد]

#1402631 [ابن السودان البار]
2.00/5 (2 صوت)

01-19-2016 07:05 PM
اقترح علي المغتربين عمل صندوق بالعملة الصعبة لزيادة مرتبات ومخصصات اعضاء برلماننا الكرام ؟؟؟

[ابن السودان البار]

#1402500 [ود الشريف]
2.00/5 (4 صوت)

01-19-2016 03:02 PM
اقتباس : مثل الذي ترتديه مشاعر الدولب وأميرة الفاضل وسعاد الفاتح وبدرية سليمان و( زوجتا ) الرئيس.

ما كترتي المحلبية يا بت الناس ما يمنعوها كيفن !!

[ود الشريف]

#1402483 [زول..]
1.75/5 (5 صوت)

01-19-2016 02:25 PM
وفقت كاتبة المقال فيما ذهبت إليه أن البرلمانيين لا يملكون الحيلة لمعالجة المشاكل فيلجأون إلى أمور فارغة لا تحل المشكلة ولا تمسها في عضدها. وباقي المقال كله فارغ فراغ البرلمان السوداني

[زول..]

#1402468 [المشلعيب]
3.50/5 (4 صوت)

01-19-2016 01:50 PM
لن يستطيع احد ركوب ظهرك الا اذا انحنيت له

[المشلعيب]

#1402450 [سودانية]
3.50/5 (4 صوت)

01-19-2016 01:21 PM
خليهم يمنعوا استيراد البودي التونك يازولة اسكتي بجن داخلات البلد تهريب وبروح عليهم حق الجمارك وبيعوهم الفراشة كل حاجة بي عشرة بدل بي مية انت مالك زولة طمباجة كده ...برلمان البصيرة ام محمد

[سودانية]

ردود على سودانية
[اللحوي] 01-19-2016 11:08 PM
إنت الصح .... عرفتي اللعبة .... واحد أو مجموعة من البراميل عفوا .. أقصد البرلمانيين لديهم نية إستيراد هذه السلع .. !!!!!!!!!


#1402435 [جاكس]
3.75/5 (3 صوت)

01-19-2016 12:58 PM
التخلص من الروائح الكريهة من الأعضاء التناسلية لتكون الزوجة مرغوبة جنسياً وقابلة للأكل من قبل الزوج يتم بالنظافة الشخصية بالصابون والماء بشكل دائم، وبالمطهرات لمن استطاعت إلى ذلك سبيلا، وليس بهذه الطريقة المتخلفة والضارة بالجهاز التنفسي والمدمرة للبيئة والتي تزيد من نسب التصحر وتدمير الغطاء النباتي. لا عجب أن يحكمنا أهبل اسمه (بشبش) ونكون من اكثر الدول تخلفا وبؤسا.

[جاكس]

#1402382 [الناهه]
4.50/5 (6 صوت)

01-19-2016 11:46 AM
يا جماعه قروش مافي
يعني الحكومه تصرف ليكم على 70 وزير و18 والي بحكوماتهم واكثر من 400 عضو برلمان وجيش عرمرم من الدستوريين وميليشيات امنيه لتاديب الشعب من وين والنسوان يلبسن شنو وشنو داك ما جايبات خبر ودواء مافي وفي مدن فيها فجوه في الدقيق وفجوه في الغاز ..خلو عندكم وطنيه شويه ... انا لو من حكومتنا الاسلاميه الرشيده تطلع قرار للرجال برضو بان يكون الزي الوطني هو العراقي بدلا من الجلابيه ومنع لبس الشالات والملافح الا للدستوريين زكذلك يمنع لبس البنطلون والاكتفاء بالارديه مع فنايل تي شيرت .. وكله يرفع الجلابيه والتوب ما دايرين اي حاجه مافي لها داعي ربنا خلقكم كده .. خلو عندكم احساس ووطنيه شويه

[الناهه]

#1402379 [المحرر]
4.35/5 (6 صوت)

01-19-2016 11:43 AM
.

[المحرر]

#1402362 [لون النيل]
3.75/5 (7 صوت)

01-19-2016 11:21 AM
فعلاَ شيء محير نصف الاشياء التي تستورد خاصة بالنساء وإذا أرادالبرلمان الحفاظ علي الدولار عليه ايقاف استيراد الكريمات مستحضرات التجميل التي اصبحت تستورد علي حساب الدواء وبذلك تكون ضربة عصفورين بحجر واحد اولاً توفير الدواء والمحافظة علي شكل المرأة السودانية بعدما تحولت الي كائن منسوخ ولا مفسوخ لاندري

[لون النيل]

ردود على لون النيل
[how] 01-19-2016 02:54 PM
ان اقترح عليك انك تشرح نفسك لمقعد في البرلمان في الانتحابات التشريعية الجاية.... وبتفكير زي ده انا متأكد انك حتفوز


#1402339 [أبوشولرب]
4.00/5 (6 صوت)

01-19-2016 10:56 AM
طبعا لو ما فى اعفاءات لشاغلى المناصب الدستورية من الضرائب والمكوس كانت بدرية سليمان فلست من ضرائب الدخان والدلكة ..............

عليكم الله شفتوا بدورة دى دخانا ظابط كيف ؟!

[أبوشولرب]

#1402269 [albraa]
3.85/5 (8 صوت)

01-19-2016 09:46 AM
والله مقالك أروع من رائغع .

[albraa]

#1402264 [محمد احمد الغلبان]
3.86/5 (10 صوت)

01-19-2016 09:40 AM
(ماذا بقي أيضاً يا نوابنا من افكار في جعبتكم)

دي ابلغ عبارة قليت...

[محمد احمد الغلبان]

#1402172 [ود الكندى]
3.94/5 (7 صوت)

01-19-2016 08:34 AM
وهل القطيع يشعر بالاخريين يابنتى الله يكون في عون الشعب ولاحول ولاقوة الا بالله

[ود الكندى]

#1402152 [المسلمي]
3.97/5 (8 صوت)

01-19-2016 08:00 AM
خليهم يمشو ام فكو احسن عشان يكون شي مالوف والناس تكش منو لان المغطي ما بنفع عشان الناس بقت ما تختشي والاختشو ماتو والله هو الساتر وقولو يا ساتر

[المسلمي]

#1402084 [ابتسام]
3.94/5 (7 صوت)

01-19-2016 02:01 AM
انتى ما مواكبه يا سهير !!

[ابتسام]

#1401966 [عمر الحاج حلفاوي]
3.71/5 (8 صوت)

01-18-2016 08:32 PM
البرلمانات العربية كلها للديكور وتجميل شكل الدولة-يعني الديمقراطية مطلوبة والمؤمنون امرهم شوري بينهم -لازم نعمل احزاب ونعمل انتخابات لذلك لا تستغربي عليهم ما يطالبون به- النواب علي ثقــة ان الذي سيتم تنفيذه ما يريده الرئيس أو الحاكم فلماذا الشطط والبهدلة والعراك -لكن لي عتب بسيط علي الكاتبة لا تكثري من ذكر ادوات التجميل الخاصة بالمراة ليس لعيب ولكن لاتسفهي باعضاء البرلمان الي هذا الحد انهم رجــال ونســـاء من الســـودان يعرفون قدرهم - مثل من يعمل في الجيش والشرطة ودواوين الدولة الاخري -يجب ان لا تسبح عكس التيار ورحم الله امرا عرف قدر نفســه..

[عمر الحاج حلفاوي]

ردود على عمر الحاج حلفاوي
[حلفاوي] 01-19-2016 10:37 AM
نفهم ده تهديد مبطن للاخت ولا شنو ... تكتب زي ما هي عايزة .. ونشوف اليمسها .. و في برلمان اصلا كل لعب في لعب وضحك على الدقون كلام فارغ بلد سايبة .


#1401960 [خليفة احمد]
3.99/5 (13 صوت)

01-18-2016 08:23 PM
دا برطمان مليان هواء ساكت ...لزوم الدردشة والحنك الفارغ لدخول اكبر عدد من اللجان لصرف الحوافز والبدلات والسفريات وهلم جرا.... برلمان لا يستحق تضييع دقائق من وقتنا الغير غالي.......بلد محكومة ب تلاتة انفار برلمان شنو العليهم ....هم الوزراء قاعدين ساكت وخير مثال قطع العلاقات مع ايران وطرد السفير الايراني من الخرطوم عمكم غندور وزير الخارجية سمع زينا من سكاي نيوز !!!!!!

[خليفة احمد]

#1401953 [بكري الصائغ]
4.42/5 (15 صوت)

01-18-2016 08:05 PM
الاخت الـحبوبة،
سهير عبدالرحيم،
اقتباس:
(نوابنا في البرلمان يرغبون في شغلنا بقضايا انصرافية وأمور هامشية لا طائل ولا جدوي).
٢-
تعليق:
*****
(أ)-
هل هم فعلآ نوابنا؟!!..هل هم نواب الشعب؟!!

(ب)-
هل يمكن ان نطلق عليه لقب "برلمان"؟!!..هل هو فعلآ "برلمان" بالمعني المعروف عالميآ ومتداول عالميآ وتنطبق عليه كل مواصفات برلمان "حقيقي"؟!!

(ج)-
من اهم وظائف ومهام النواب في مجلس "بدرية سليمان"، ان يبتعدوا تمامآ عن مناقشة اي موضوع يهم المواطنين!!..ان يبتعدوا عن اثارة المواضيع التي تزعج الرئيس في قصره، او مناقشة القضايا الهامة التي لا يرغب النظام في طرحها في المجلس لانها - ببساطة شديدة - مواضيع تكشف حال النظام المزري وفشله في كل المجالات: السياسية والعسكرية والامنية والاقتصادية والاخلاقية.

(د)-
من اهم وظائف ومهام النواب في مجلس "بدرية سليمان"، ان يناقشوا فقط ما يملي عليهم، وما يفرضه الحزب الحاكم من مواضيع - محددة منتقاة بعناية شديدة- مثل:(البودي والتونك)!!...الويل وكل الويل للنائب الذي يخالف قوانين "بدرية سليمان" رئيسة المجلس ويفكر في طرح موضوع غير مقبول لدي بدرية!!

(هـ)-
بتوجيهات عليا نجد ان الصحف المحلية (مجبورة وقسرآ) نشر ما يدور في جلسات المجلس كنوع من وجود حرية نشر في البلاد، وان النواب قد ناقشوا المواضيع بحرية كاملة بلا ضغوطات او ارهاب!!، وان المجلس يقوم يوميآ باخطار الشعب بانجازاته ونشاطاته!!

(و)-
مرت سبعة شهور من ان بدأ المجلس اولي جلساته في يونيو الماضي ٢٠١٥، وحتي لم لم ينجز المجلس اي انجاز يفتخر به!!..الحال في السودان هو نفس حاله قبل سبعة شهور ما تبدل ولا تغير:
***-الحرب مستمرة في دارفور ورفض المجلس التدخل فيها!!
***- ابتعد عن موضوع حلايب..الفشقة..ابيي!!
***- الجوع مازال يضرب مناطق محاصرة من قبل القوات المسلحة!!
***- سكت المجلس عن مناقشة الفساد وتركه للجان الحوار!!

٣-
المقال رائع، واروع ما فيه ان تم حجبه وعدم السماح بنشره، مما يدل علي انه (وجـــع) النظام.. واحرج النواب..واحرج ايضآ بشدة اصحاب "الشركة الاسلامية" التي استوردت ((البودي والتونك)!!

[بكري الصائغ]

ردود على بكري الصائغ
[ٍMohamed Ali] 01-19-2016 10:17 AM
تساؤلاتك في الصميم أستاذ الصائغ.. لا يبنغي أن نسبغ عليه كلمة برلمان ولكن يمكن
أن يكون بهلون برطمان كما قال أحد الإخوة.

الله نصرك القريب.


#1401944 [كشيب]
3.71/5 (14 صوت)

01-18-2016 07:15 PM
انا كنت مفتكر البودي والتونك دي حاجه تانيه والله محن سودانيه كما بيقول أخونا شوقي بدري
شكرا ليك اتعلمنا كلمتين بعد العمر دا

[كشيب]

#1401935 [حسان الحساني]
3.98/5 (12 صوت)

01-18-2016 06:52 PM
عزيزتي الفاضلة كاتبة المقال نشكرك لتوضيحك معاني مفردات ( البودي و التونكات ) ليتا اسيوع لايصين و ما فاهميين حاجة و كنا خايفيين نيأل اخواتنا و بنات أهلنا و تطلع كلمات ما كويسة ---
أعجبني تعبير احد المعلقيين في وصفه لرؤوس المسؤولين في حكومة الانقاذ و قال انها رؤوس لا تنتج الا الافكار مقلوبة و المفاهيم الشيطانية و هذه الرؤوس لا تصلح الا للف العمم بعد وضع الطواثي عليها باحكام ---
حركة اسلامية و حكومة و برلمان جميعهم وصل مرحلة العجز التام و فقدان الاتجاه و نعدام الرؤية و ضياع الامل في الحصول علي طوق نجاة و مركب الانقاذ اتملت موية و ماشا تغوص و تحتل لتحت شوية شوية ----
اللهم اغرق مركبهم و اخرجنا من بينهم سالميين و غانميين --

[حسان الحساني]

#1401904 [زول قديم ومعتق]
2.66/5 (6 صوت)

01-18-2016 05:15 PM
يا سهير نسيتى حاجة مهمة موجودة لسه فى كردفان ضريبة دق شلوفة ودى طبعا حل محلها الروج عند بنات الخرتوم وكده

[زول قديم ومعتق]

ردود على زول قديم ومعتق
[بت ابوها] 01-19-2016 01:39 PM
يازول قديم معليش دق الشلوفة عادة سودانية وليست كردفانية وانا حبوبتي جعلية لكن عاملة دق الشلوفة . مع انها اندثرت في كل السودان وحتي كردفان .


#1401898 [دردوق]
3.91/5 (20 صوت)

01-18-2016 04:35 PM
وهل يا ترى سيقوم البرلمان أيضاً بمنع استيراد الملابس ( الداخلية ) للنساء!! .



حليل زمن النسوان البلبسو ملابس داخليه هسي الانقاذ خلتم كلهم

ماشات ام فكووو !

[دردوق]

ردود على دردوق
[خارم بارم] 01-19-2016 01:43 PM
ما هو عشان كده قالوا " ما ترفعوا الجلاليب"!

[جاكس] 01-19-2016 01:18 PM
حدّد يا أخي في أي الأوقات والأيام يمكن للنساء أن يمشين (أم فكو)؟... لأنه من الناحية اللوجستية يصعب في زماننا هذا أن تمشي النساء (أم فكو) من تحت في جميع الأوقات! يا حليل زمان ناس أبونا آدم وأمنا حواء حيث كانوا يسرون (ملط)... عندما لم يهتدوا حتى لتغطية سوءاتهم بورق الأشجار.

European Union [المؤمل خير] 01-19-2016 08:04 AM
نضحك لتعليقك الجميل ده ولا نبكي حالنا !!!


#1401891 [سيد الدكان]
3.00/5 (6 صوت)

01-18-2016 04:27 PM
(ولمن لا يعرف من هو ( البودي) فهو تلك البلوزة الفنايلية والتي ترتديها النساء عادة تحت الفساتين أو الثياب)

لا نعرف كيف راح على الكاتبه انو البودي لا يتم ارتداءه تحت الفساتين بل هو لباس نسائي خارجي وهو بالفعل فانيلي و ملتصق بالجسم .
نوام البرلمان قصدوا انو ملتصق بالجسم و ربطوهوا بالدولارات حتى لا تثير ثائرة الناس ويُتهموا بحاجات تانية .

[سيد الدكان]

ردود على سيد الدكان
[قرفان من الكيزان] 01-19-2016 05:11 AM
عندك دكان ملابس نسوا في سعد قشرهولا شنو
انت طلعت خبره


#1401863 [خارم بارم]
3.92/5 (11 صوت)

01-18-2016 03:22 PM
حالة ناس السودان الفضل ديل، أسَّع ذكرتني ليك بي قصة حكوها لينا زماااااان لما كنا صغار. قالوا واحد شاب أسمر نشيط وقوي عاجاباهو نفسو، ماشي يقدل في جنينة ماعارف اسمها شنو كده، لكنها (وارفةُ الظلال، وفيها من كل فاكهةٍ لون، ومن كل نبعٍ قطرة).. جنينة حدادي مدادي تكون زي المليون ميل مربع كده.. الشاب يمد أيدو دي يلقط ليهو تفاحايه، يمد أيدو التانية ديك يلقط ليك منقايه ... وهو ماشي لو عَتَّرَتْ ليهو موزايه، يقع على وشو يلقى ليك جوافايه في خشمو. فجأة لقى ليهو زول شكلو مكَعْكَعْ كده قاعد تحت شجرة فواكه مدنكلة، قام مدَّ ليهو حبة فاكهة. الزول العامل مَكَعْكَعْ ده قال ليهو:" لا يا ولدي أنا عاوز من الحتة النجييييضة الفي الفرع العالي دييييييك... كدي شيلني في كتفك ده، وأرفعني فووووق لغاية احصله أجيب ليك كمان منها". الشاب، يا مؤمن، صدَّق وقال يمكن الحال ينصلح أكتر واتجدع ليك زياده في النعمة دي، ورفع العجوز على كتفة عشان ينزل ليهو حاجات من الحتة المدنكلة النجييييييييضة ديييك. لكن المَكَعْكَع العامِل مسيكيييين ده، إتْحَكَّر كويس فوق كتف الشاب، وحَنكَل ليك كرعينو الاتنين وكَرَبهم كويس في رقبة الشاب وشَلَّ ليك اليد اليمين اللي الشاب كان مسميها (خدمتي المدنية المنضبطة) وثَبَّتْ ليك إيدو التانية اللي الشاب كان مسميها (قوتي المسلحة الضاربة)...والمَكَعْكَع (الخبيث) ده بقى يتناول الفواكه السمحة والنجيييييضة من الفروع العالية ديييك ويلغف، وكل يوم يتقل زيادة ويتردم شحم لغاية الشاب الأسمر حالتو بقت تحنن العدو زااااتو...قَدُرْ ما إتْــفَـــلْـــفَصْ وحاول يَنَزِّل المصيبة دي من فوق كتفه ما لقى ليك طريقة... أها ومن ديك وعيييييك، المصيبة دي تاكل من ثمار الفروع النجييييضة، والشاب (يا حبَّة عيني) ما عارف يسوي شنو، يتململ المصيبة الفوق كتفو دي تتدخل "تدخل سريع" وترصعو ليك على قفاهو لمان الطيور الفي شجر كلو الجنينة تتطاير... ولا قادر يمد يدو يشيل من الفواكة النية في الفروع التحت.... ولا حتى لاقي طريقة يدنقر يلقط من الواقع في الواطة.. باختصار كدة ولا نبقة ما لاقيها... يا ربي البيفكو من الورطة دي شنووووووو؟؟!!!!.. بقى يفتش طريقة تمرقو من الجنينية دي.. وبعد ده كلو المصيبة دي ما عاوزه تخليهو.. لو لقى حاجة بعد ما يمرق برة الجنينة برضو تخمشها منو.
كلام خارم بارم مش كده؟؟؟!!!

[خارم بارم]

ردود على خارم بارم
[خارم بارم] 01-19-2016 01:27 PM
أخوي محمود، أقول ليك الشاب ده معسَّم ما قادر يدنقر يلقط ولا نبقه تقول لي يقع بيهو الواطه.. هو المَكَعْكَع الخبيث خلى حياة الشاب ده كلها داقه الدلجة.

[جاكس] 01-19-2016 01:09 PM
أول مرة أعرف الفواكه (بتشحم)! يا ربي تكون الجنينة دي هي الفردوس المفقود الذي يضج بالحوريات اللائي لا يتورع من أجل الاستمتاع بهن جماعة داعش فيفجروا أنفسهم ومعهم الأبرياء؟؟؟ وقبلهم أولادنا في الجنوب والذين ثبت أنهم ماتوا فطايس! لا عاشوا ليستمتعوا بنساء الدنيا، ولا طالوا حوريات الآخرة.

[سودانية] 01-19-2016 10:15 AM
اهههها لا خارم لا بارم انت زول فاهم وواقعي ما حالم

[mahmoud] 01-19-2016 09:38 AM
طيب ماكان اقع بيه في الوطا


#1401862 [Zorba]
3.94/5 (10 صوت)

01-18-2016 03:18 PM
برلمان البودي والدخان و الكبرته و الدِلكة و الطهار الفرعوني و الطمث و النِفاس وهيئة للأمر بالمعروف والنهي عن المنكر. و القادم أروع.

انتوا شوفتوا حاجة ..... مع برلمان سينما ..... مش حتقدر تغمض عينيك.

[Zorba]

#1401861 [فكرى]
3.61/5 (10 صوت)

01-18-2016 03:17 PM
حينما يكون الحديث عن النواب فأننى أؤقن بأن حديثهم لافائدة منه وأطلق عنان خيالى لكل ماهو سئ بدءا من الموضوع مسار الجدل وإنتهاءا بألفاظ التداول ..




الحرية لوليد الحسن وكل المعتقلين فى سجون الطغاة ..

[فكرى]

#1401860 [محروق]
3.97/5 (6 صوت)

01-18-2016 03:13 PM
يابت الناس ديل ماعندهم مبادئ وعايزين يعملوا علاقة حميمه مع اسرائيل .

[محروق]

ردود على محروق
[قرفان من الكيزان] 01-19-2016 05:13 AM
يا اخي بالغت شويه ، يبدوا انك ما عارف علاقه حميمه يعني شنو


#1401859 [ود بشيرى]
3.60/5 (6 صوت)

01-18-2016 03:11 PM
برلمان بركز على قضايا انصرافيه مالهم ومال ذلك .... دمار للبلد التى تدمرت هذا البرلمان ...
الطابق البوخة قام ندا يهتف نام من الدوخة ....
لك الله يا بلد ...

[ود بشيرى]

#1401851 [حسام تومابى]
3.41/5 (11 صوت)

01-18-2016 03:01 PM
تراهم شغلوكى و خلوكى تكتبى عن الموضوع بدل تفتشى فى ملفات الفساد

[حسام تومابى]

#1401844 [sami]
3.38/5 (9 صوت)

01-18-2016 02:54 PM
باقي
يمشوا
علي
حلل
الطبيخ
البطاطس 11الف
التقلية 9الاف
امرقيقة خمسة الاف؟
هذه الفوضي التي اخترناها(بالتزوير)
ماذا تنتظري
من من
اتي
اليك من اعلي السور
ياقاتل يامقتول
لذلك مات السودان فصبرا جميل والله المستعان؟
الفاااااااااتحة

[sami]

#1401839 [حماده بشير]
3.99/5 (9 صوت)

01-18-2016 02:42 PM
يا بتي قالوا سيد الرايحة بفتش خشم البقرة وديل راح عليهم الدرب وما عارفين الحل اهو بخبطو يمكن تثدق معاهم وينثلح الحال....قال نواب برلمان قال...

[حماده بشير]

#1401831 [عبدالرحيم]
3.61/5 (9 صوت)

01-18-2016 02:31 PM
والله اول مرة اسمع وكلام النواب والحمد لله عرفت المعنى من حديثك هذا اما نواب الجن ديل ما عندهم غير الختان والملابس الداخلية للنساء ؟؟؟

والحقيقة ديل ما نواب ديل (صفاقين) وشيايلين خير لهم ان يمشوا يشوفوا شغلهم مع ناس الطمبور والفن الشعبي.

والحقيقة لله نحن بنطلب منهم حاجات فوق قدراتهم لانهم اصلاً تم تعيينهم من الاساس صفاقين وشيالين ولا نتوقع منهم لا هم ولا حتى الوزراء اكثر من ذلك..

[عبدالرحيم]

#1401829 [حكم]
4.18/5 (11 صوت)

01-18-2016 02:29 PM
برلمان يصفق لزيادة اسعار المحروقات
برلمان يثور عندما تكون الغنيمة(السيارة) فقط لرءساء اللجان
برلمان لا يحرك ساكنا امام موت ابناء الوطن فى مسيرات سلمية
ولا تهمه الاجزاء المحتلة ممن بلادنا
ووزراء الهناء يرجعوكم للعواسة وتربية الغنم والحمام


المرة القادمة سيكون الكلام عن المكياج وادوات الزينة الكريمات
والوزير يقول الناس ترجع للكركار والودك
والله يكضب الشينة

[حكم]

#1401822 [دايره صبر]
3.61/5 (10 صوت)

01-18-2016 02:23 PM
هههههههه ياهو ده الفضل ونواب البرلمان ديل ما عندهم حريم بلبسو البودي والتونك
الله يستر بعد رفع الجلابيه كما قال الأستاذ عثمان ميرغني حيكون رفع التوب زي ما قلتى يا أستاذه سهير
الله المستعان

[دايره صبر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة