الأخبار
أخبار إقليمية
البشير : "الشمالية" قادرة على إنقاذ العالم من الجوع
البشير : "الشمالية" قادرة على إنقاذ العالم من الجوع
البشير :


01-18-2016 09:59 PM
قال الرئيس السوداني، عمر البشير، بأن الولاية الشمالية قادرة على إنقاذ العالم والأمتين العربية والأفريقية من الجوع والفقر عبر توفير الغذاء، وأكد أن الولاية مؤهّلة دون غيرها للاستثمار في مختلف المجالات، معلناً تركيز حكومته مستقبلاً على الاستثمار الزراعي.

وأكد البشير خلال مخاطبته انطلاق مهرجان "البركل" العالمي للسياحة بالشمالية، الإثنين، عزم الحكومة على إنشاء مشروع بالطاقة الشمسية يستهدف كهربة المشروعات الزراعية الواقعة على نهر النيل، لتقليل تكلفة الكهرباء للمزارعين.

وأشار إلى أن العالم أضحى يتحدث حالياً عن بوادر أزمة في الغذاء خلال سنوات مقبلة، مبيناً أن الشمالية ومن خلال إمكانياتها المتوفرة من حيث حيازتها للأرض البكر والمياه ومختلف المعادن، قادرة على إنقاذ العالم من الجوع وتأمينه من الخوف.

خطة إسعافية

وتعهّد البشير بالمضي في استكمال مشروعات التنمية والخدمات للمواطنين كافة على مستوى كل ولايات السودان دون تمييز، وأضاف "نحنا ماعندنا مواطن درجة أولى وآخر ثانية"، مشدّداً على توفير المياه النقية النظيفة للمواطنين بالمدن والريف على حد سواء، بجانب الصحة والتعليم.

وأوضح بأنه تم تخصيص جزء من ميزانية العام الحالي لكهربة المشروعات الزراعية على النيل، ورأى أن الحل يكون بإقامة مشروع بالطاقة الشمسية لمساعدة المزارعين لتوفير أموالهم، معلناً العزم على وضع خطة إسعافية عاجلة لمنع حالات كساد المنتجات الزراعية بالأسواق.

وأعلن البشير بأن المرحلة المقبلة ستشهد إقامة مصانع لتعليب الإنتاج الزراعي بالشمالية خاصة محصول البلح، وقال إن السياحة أضحت صناعة تتطلب إقامة البنى التحتية المتعلقة بها، متعهّداً بإنشاء واستكمال المنشآت السياحية بالولاية.

وباهى بتاريخ السودان وامتلاكه لحوالي 235 هرماً، ورأى أن الحرص على إقامة مهرجان "البركل" في موعده يؤكّد على تاريخ السودان العريق ويذكِّر الأجيال بالحضارة المروية والنوبية، وحيّا أهل الشمالية وبطولاتهم عبر الحقب.


شبكة الشروق


تعليقات 38 | إهداء 0 | زيارات 4130

التعليقات
#1402862 [محمد عبد الرحمن محمد حسين]
0.00/5 (0 صوت)

01-20-2016 08:57 AM
مليون فدان لمصر مع حلايب وشلاتين وتقول كلمك ده كذاب أشر

[محمد عبد الرحمن محمد حسين]

#1402558 [تيراب قمح]
0.00/5 (0 صوت)

01-19-2016 04:40 PM
الجزيره او الشمالية......!؟

[تيراب قمح]

#1402520 [هميم]
0.00/5 (0 صوت)

01-19-2016 03:37 PM
(البشير : "الشمالية" قادرة على إنقاذ العالم من الجوع) أكيد الرئيس الفاشل يقصد أن ذلك سيحدث بعد زوال نظامه الفاسد ...أكيد!

[هميم]

#1402511 [ابو جلمبو]
5.00/5 (2 صوت)

01-19-2016 03:21 PM
هههها واي واي يا بطني
بشة ده بيزكرني واحد قده سلك مزرعة موز واكل منها لحدي ما بطنو بقت زي شوال العيش وبقى ما قادر يمشي، قام رقد وبقى يقول والله مزرعة الموز دي ممكن العالم كلو ياكل منها.
لكن يا واطي هي مزرعة ابوك والا انت زرعت فيها موزاية واحدة؟

[ابو جلمبو]

ردود على ابو جلمبو
Hong Kong [ابو جلمبو] 01-20-2016 12:25 AM
سجمي
ابو كدوك الكلو شوك

[ابوكدوك] 01-19-2016 05:58 PM
شكلك انت القديت السلك بتاع مزرعة الموز دى يا مجرم عارفك انا تعملا والله !!

ابو جلمبو ، اوعك تقيف جنبو ههههههاااى يكا .


#1402488 [عتمني]
5.00/5 (1 صوت)

01-19-2016 02:34 PM
الفتره الانتقاليه السودان بدا يتعافى وطلمبات البترول مليانه بترول وفى اى وقت والدولار صمد فى مستوى معين والناس جيوبها اتملاءت فلوس وفجأه وبدون اى مقدمات نتفأجأ بان استفتاء الانفصال فى الاتفاقيه المنحوسه يشمل فقط الجنوب وهذا خطأ استراتيجى كبير لماذا لم يشمل كل السودان ولماذا لم يوضع الشعب السودانى فى الصوره اليس هو الشعب الذى حارب فى الجنوب باولاده وماله وذهبه من اجل وحدة السودان؟ ام ان الشعب وقود للحرب فقط؟ ومن ذاك التاريخ نحن نتدحرج فى منزلق ليست له نهايه.

[عتمني]

#1402416 [الناهه]
5.00/5 (1 صوت)

01-19-2016 12:41 PM
التحيه للسيد الرئيس
طيب اعمل ليهم ياسيادة الرئيس مصنع لتعليب التمور
وما تخلي الجماعه يجيبوا ليهم تقاوي قمح فاسده
امنع الجباة العتاة عنهم وامنع الرباطه اللابدين في الطريق ما يربطوا ليهم
ابعد الحكومه من المزارع الا عمال الرش والمهندسين الزراعيين لكن اي واحد لابس بدله اشتراكيه رماديه شايل دفتر يحوم بي هناك مافي
لو عملت دي تاكل العالم كله حتى اسرائيل معاهم والدولارات ما تعرف توديها وين

[الناهه]

#1402409 [007]
5.00/5 (1 صوت)

01-19-2016 12:21 PM
ولاية 99% صحراء وكميات المياه الجوفية المتوفرة بها للرى مشكوك فيها مش زى بحيرة شمال دارفور الجوفية التي إكتشفها العالم المصرى فاروق الباز عبر الأقمار الصناعية والتي تتجاوز مساحتها مساحة دولة لبنان وتحتوى على بلايين الأمتار المكعبة من المياه العذبة ثم إن الشمالية سكانها كلها ربع مليون يعنى تشيلهم كلهم وتسكنهم في حارة واحدة بأمبدة فمن وين يلقوا المزارعين لزراعة ملايين الفدانين وقد إقترح عبدالرحيم محمد حسين جلب 4 مليون مصري لذلك والخوف حتى المصريين سوف لن يوافقوا وستكون صفعة أخرى مثل صفعة إسرائيل بخصوص مقترح التطبيع.

[007]

ردود على 007
[الوجيع] 01-20-2016 11:52 AM
مع ذلك معيشة وساترة حال اهلها ومن ألجأهم الجوع اليها من سكان دارفور وشايفنها زى امريكا بالنسبة ليهم .

[how] 01-19-2016 04:56 PM
البحيرة البتتكلم عنها في شمال دارفور مشكوك في امرها وما زالت غير مؤكدة.

صور اقمار صناعية... شخص واحد فقط في العالم تكلم عنها ولم يعقبها اي استكشاف على الارض


#1402319 [nazir.adam22@gmail.com]
0.00/5 (0 صوت)

01-19-2016 10:38 AM
وما يزال الرجل يكذب ويتحري الكذب حتي يكتب عند الله كذابا

[nazir.adam22@gmail.com]

ردود على nazir.adam22@gmail.com
[how] 01-19-2016 04:57 PM
والله ياريت كل الناس يفهمو الحتة دي زيك.

الراجي من عمر البشير حاجة بعد 26 سنة يكون قاعد يضيع زمنو


#1402311 [زاد]
0.00/5 (0 صوت)

01-19-2016 10:33 AM
الواسوق قادر علي انقاذ العالم من الجوع زي انقاذكم للسودان
الواسوق الجرو علي قبرك

[زاد]

#1402309 [القنديلة]
0.00/5 (0 صوت)

01-19-2016 10:33 AM
عمر الكضاب صار نموذجا واضحا للجميع ، حتى أطفال الروضة باتوا يعلمون رئيسهم كذوب. بس هذه المرة في مهرجان البركل ظهرت لعمر الكضاب بجان الكضب خاصية الغباء ، حيث وعد بتوفير الكهرباء بواسطة مشروع للطاقة الشمسية ، و سد مروي على بعد أمتار. ربما يكون السد تم إنشاؤه بغرض دفن النفايات ، ما بعيد على الفوكس الترابي.

[القنديلة]

#1402300 [عشا البايتات]
0.00/5 (0 صوت)

01-19-2016 10:24 AM
البشير رجل مريض نفسياً مكانه المناسب مستشفى الامراض العقلية ، المهم لازم يتخلص الشعب السوداني من ديك العدة دا حتى ولو كسر نصفها .

[عشا البايتات]

#1402291 [ابو وليد]
0.00/5 (0 صوت)

01-19-2016 10:15 AM
والله البشير ده حيرنا...الراجل ده ما بيختشي كل العام عرف انه راجل كذاب ومنافق ومراوق ..وهوجلدو تخين مابحس ولابيشعر 25سنة بكذب لناس الشرق في كل سنة يوعدهم بحل مشكلة المياه وتجي السنة التانية ويعيد ويكرر في نفس الكلام ..هسع عاوذ يقنع ناس الشمالية بان الشمالية مستعده تاكل العالم كلو ..هي الشمالية قادرة تاكل نفسها هسع الشمالية اصبحت من افقر الولايات بعد الدمار الممنهج الذي مارستوه في كل القطاعات الزراعة الصحة المياه التعليم كل شي ادمر الله يدمركم ولايجيب عقابكم

[ابو وليد]

#1402278 [سوقني بعجلة]
0.00/5 (0 صوت)

01-19-2016 10:02 AM
خوفه المتراكم اصابه بالخرف

[سوقني بعجلة]

#1402258 [عتمني]
0.00/5 (0 صوت)

01-19-2016 09:34 AM
وأعلن البشير بأن المرحلة المقبلة ستشهد إقامة مصانع لتعليب الإنتاج الزراعي بالشمالية خاصة محصول البلح، وقال إن السياحة أضحت صناعة تتطلب إقامة البنى التحتية المتعلقة بها، متعهّداً بإنشاء واستكمال المنشآت السياحية بالولاية.
سيدي الرئيس هذا الكلام حلو وجميل وامنيات لكن الحال تقاس بالواقع الواقع انه هنالك جوع وعدم ومرض وغلاء فاحش انت متفائل زياده والشعب طيب زياده عن اللزوم والمعادله صعبه والحل وحده يعلمه الله ترآنا صابرين يا ريس.

[عتمني]

#1402243 [العرب المستعربة]
0.00/5 (0 صوت)

01-19-2016 09:24 AM
كفاية كذب وتضليل كم مواطن يغادر السودان يوميا اين المشاريع المروية الجاهزة التي دمرتها اين حقول البترول التي سلمتها للجنوب سكان العاصمة يستخدمون الحطب اليوم للوقود لا تتكلم عن التنمية تكلم عن الخراب شردت اهلنا في الجزيرة اكبر جريمة يا ريس اذهب ارحل لن نلاحقك فقط اذهب اترك البلد هذا قدرنا

[العرب المستعربة]

#1402232 [جركان فاضى]
0.00/5 (0 صوت)

01-19-2016 09:13 AM
دا معناه يا القضارف طلتى ماسورة...وكذلك دوكة وقلع النحل والمفازة وهبيلة والقدنبلية والنهود ...وكل مناطق الزراعة المطرية...والله يا حليلك يا القضارف يدوك الشاكوش الحار دا

[جركان فاضى]

#1402200 [الشفت]
5.00/5 (1 صوت)

01-19-2016 08:49 AM
ههههههه شي مضحك والله دمرت مشروع الجزيرة يافاسد انت وحكومتك وبتتكلم عن صحراء في الشمالية ؟؟؟؟؟؟؟؟؟؟؟؟؟؟؟

[الشفت]

#1402169 [الموجوع]
0.00/5 (0 صوت)

01-19-2016 08:30 AM
طاقة شمسيةلانتاج الكهرباء في مروي وعلي بعد أمتار من أكبر سد في افريقيا
حسب كلامكم
معناها اعترفوا بفش السد البنيتوهوا ده أول

[الموجوع]

#1402165 [المندهش]
5.00/5 (1 صوت)

01-19-2016 08:25 AM
الصحيح كل العالم والامتين العربيه والاسلاميه غير فادرين على انقاذ اهل الشماليه من الجوع والعوز تحت ظلام حكمكم

[المندهش]

#1402163 [زهجان من الكيزان]
0.00/5 (0 صوت)

01-19-2016 08:24 AM
ما زال الرجل يكذب ويكذب حتي كتب عند الله كذابا

[زهجان من الكيزان]

#1402146 [مرقنا]
0.00/5 (0 صوت)

01-19-2016 07:50 AM
ههههههههههههههههههههههههههههههههههههه

[مرقنا]

#1402145 [عبدالرحيم]
0.00/5 (0 صوت)

01-19-2016 07:48 AM
قال ("نحنا ماعندنا مواطن درجة أولى وآخر ثانية)

صحيح ما عندكم درجة اولي وثانيةوثالثة ورابعة لأنها دي محجوزة تماما للمواطنين الكيزان ومناصري الكيزان واحزاب الخلايا النائمة التي اسسها المؤتمر الوطني ليوهم الناس بوجود احزاب تشارك في السلطة.

الحقيقة الدرجات المتوفرة حاليا في حكومتكم هي من العاشرة الى ما دون الحضيض؟


كسرة:
لماذا لم يتحدث البشير في خطابه عن النفايات الذرية حول منطقة السد ؟؟

[عبدالرحيم]

#1402137 [صالة المغادرة]
0.00/5 (0 صوت)

01-19-2016 07:35 AM
والله يا الرقاص كضبك مشاتر ياخى البلد مهددة بالجوع من اربعاتها وخاصة الشمالية وين سد مروى وين السد وين الرد الذى اصبح دينا واجب السداد ورقبة الشعب هى السدادة الله يسد نفسك ونفسك وينتقم منك بقدر كذبك وتضليلك وغشك الكل يوم زائد وكما يقول طلاب الجامعات فكو دربنا وجعتو قلبنا قلبك ياالرقاص انشاء الله يتعطل وانت فى الانعاش فى لاهاى يا قرف يا اذى .

[صالة المغادرة]

#1402114 [بيكانتو]
1.00/5 (1 صوت)

01-19-2016 06:17 AM
الحداث ما سوآي

[بيكانتو]

#1402107 [Ismail Hussein]
3.50/5 (2 صوت)

01-19-2016 05:17 AM
الا يستحي هذاالرجل?

[Ismail Hussein]

#1402098 [باكاش]
4.63/5 (4 صوت)

01-19-2016 03:39 AM
استراتيجية حكم الاخوان المسلمين.
1..الهيمنة علي مقدرات البلاد والتعامل معها بكونها غنيمة حرب.
2.. اعتماد الوعود الزائفة في اللقاءات الجماهيرية بتحويل البلاد
الي جنة وارفة.
3 اختلاق عدو وهمي لتعليق الفشل عليه وتمرير جرائمهم.
تخوين وتعميل المعارضة والتجسس عليها وتصفية قياداتها.
.....
حسه في زول من الدول العربية و الافريقية قال الدول دا نحن
جعانين تعال جيبلينا اكل؟

[باكاش]

#1402086 [عبدالله]
1.00/5 (1 صوت)

01-19-2016 02:12 AM
دار لا تمر فيه جياع اهله . موش كده يا ريس ؟؟؟ السلعه الوحيده الانخفض سعرها الى ميتين جنيه هى التمر وزمان كنا بنبيعو للجنوبيات بغرض تصنيعه ﻷدويه معينه .
هسه لو دايرين حنشبعكم تمر ونفوق العالم أجمع .
ايه رأي اأااك ؟؟؟؟؟

[عبدالله]

ردود على عبدالله
[الراجل] 01-19-2016 02:24 PM
مفروض يتعمل مصنع لصناعة الخمر من انتاج البلح ويتصدر للدول الافريقية ونكسب عملة صعبة وما يتباع داخل البلد ونطلب من ناس عبد الحى يوسف يطلعوا فتوى بمشروعية هذا الاقتراح تحت بند فقه الضرورة بدل البلح ضايع ساى وما مستفيدين منو

[مجنووووووون] 01-19-2016 07:22 AM
ادوية شنو ياخوى ما تقول بيصنعن منو العرقى ياحليلك ياعرقى البلح البركاوى ههههههه


#1402064 [بكري الصائغ]
4.00/5 (3 صوت)

01-19-2016 01:00 AM
طالما زار البشير الشمالية التي لم يزرها ايام ترشيحه في الانتخابات وزار بدل عنها ولايات اخري،...لماذا اذآ لم يقم بزيارة ولو عابرة للمناطق النوبية التي تعرضت للحريق المتعمد؟!!...لماذارفض زيارة منطقة مروي ليثبت للناس انها خالية من التلوث الناتج عن دفن الحاويات الصينية السامة؟!!

[بكري الصائغ]

#1402054 [شرجال]
1.00/5 (1 صوت)

01-19-2016 12:03 AM
انتهيتو من ارض الجريرة وقبلتو على ارض الشمال الشال نخياها على عثمان عبر شركته الوثبة الراعية وتركه فى شوارع الظلط وحتى اراضى الشمالية العرضت للاجانب فى السفارات رفضوها وسعرها اليوم متدنى للغاية اعرف واحد صدقوا ليه بعشرة فدان عرضها على سعودى بخمسمائة الف ريال فقط وعندما رغضها السعودى باعها ب 15 الف جنيه سودانى على اقساط
ففال ما فى طريقة موية ولا سكن ولا دخول بابور يدور والماهية اف ويا حليلك يا مروع الجريرة

[شرجال]

#1402049 [هههههههههههه]
2.25/5 (3 صوت)

01-18-2016 11:28 PM
الريس ما صدقناك في سد مروي الضخم عايزنا نصدقك بانتظار ضل الشمس ههههههههههههه الريس الكذاب.

[هههههههههههه]

#1402044 [ابن السودان البار]
3.50/5 (4 صوت)

01-18-2016 11:16 PM
شي جميل أن يكون عندنا ريس بتمني الخير لبلده ويحب يفرحهم ؟؟؟ قال لناس مدني حا يكون عندكم قطار مكييف عشان ما في واحد يمشي الخرطوم مكتح ؟؟؟ وتاني ما في بالة قطن بتمشي بورتسودان لاننا حا نصنع أقمشة وملابس ونكتفي ذاتيا ونصدر ؟؟؟ وما في واحد حا يشرب موية غير نظيفة ؟؟؟ وما في طفل حا يكون بدون مدرسة ؟؟؟ وامنيات ريسنا الملهم لناس مدني والشمالية لو حسبنا تكلفتها ماليا لاحتجنا لميزانية السعودية ؟؟؟ فشكرا يا ريس علي الأماني الطيبة لكن الفيك اتعرفت ؟؟؟

[ابن السودان البار]

ردود على ابن السودان البار
[ابن السودان البار] 01-19-2016 05:43 PM
شكرا الأخ سيكو علي المعلومة وقالوا الكذاب لا يحسن الا الكذب ؟؟؟ وريسنا مرتاح وضمن الدنيا عنده بعلتين ويأكل في الفول مع الكمونية ويفسي ؟ ويرقص ويكذب زي ما عايز وما عارف مع ركبه المجيمة دي كيف بيصلي عشان كمان يرتاح في الجنة؟؟؟

United States [سيكو] 01-19-2016 12:08 PM
وقال لناس الجنينة حنوصل لكم الكهرباء من سد مروى!!! هذا الرجل طاشى وقادى الشبكة.


#1402036 [احمد عبدالله]
4.00/5 (2 صوت)

01-18-2016 10:55 PM
((قال الرئيس السوداني، عمر البشير، بأن الولاية الشمالية قادرة على إنقاذ العالم والأمتين العربية والأفريقية من الجوع والفقر عبر توفير الغذاء)) .

إختشى يا جنابك هو إنت قادر تطعم شعبك الذى يعانى من المجاعات و من شظف العيش ؟ أم ان الإختشو ماتو ؟

متى يترك هذا الشخص الكذب و الضحك على عقول الناس ؟ ألا يعلم هذا العالم الذى يخاطبه المشير بأن هو (أى العالم) من يقدم الإعانات الإنسانية لشعب السودان عام بعد عام منذ قدومكم المشئوم فى 1989 ؟
حتى أصبح ثلثى شعب البلاد يعيش بشكل مباشر أو غير مباشر على الإغاثات و الهبات الاجنبية ..

[احمد عبدالله]

#1402035 [mabo]
5.00/5 (2 صوت)

01-18-2016 10:53 PM
يا خوانا الرجل من الخرطوم القديمة اسمه عمر الكضاب وهذا يكفي

[mabo]

#1402032 [الاستاذ كمونية - محلل سياسى]
5.00/5 (2 صوت)

01-18-2016 10:44 PM
سبحان الله !!

اكتر حاجه فلح فوقا البشير انه حفيظ ، يدوه حتة ورقه بالليل قبال يسافر يقوم يقراها
وبعد كده يسمعا مره واتنين وتلاته ، وبى كده يكون انجز ، يقوم يسافر ..

اها تكبير ، تهليل ، وبعداك يخش يسمع الكلمتين الحفظم بخصوص الولايه الماشى ليها ، يلا اها رقصه رقصتين ، وينزل اها حارقى البخور يدوروا والله مبالغه خطابك كان ياريس ، الله اكبر
تكبيييير ، تهلييييل ، وبعداك يفتش على الزياره البعدها ، للاسف طوال ربع قرن بنفس ،الطريقه ونفس العبارات ونفس الاسلوب ، معاد ومكرر ، معاد ومكرر ، معاد ومكرر !!

لكن الشئ اليغيظ ويجنن ونفسى اعرفه - هو طبيعة وعقلية الشخص الذى يكتب له مثل هكذا
خطابات بنفس الاسلوب ، ونفس الجاكات ، بصراحه وضاعه ما بعدها وضاعه للاسف .

[الاستاذ كمونية - محلل سياسى]

#1402022 [أبو قنبور]
4.97/5 (8 صوت)

01-18-2016 10:27 PM
البشير يذكرني بقصة رجل كان له صديق اشتهر بالكذب لدرجة أنه لا يصدق أبداً، وتم دعوة هذا الرجل للعشاء في مناسبة اجتماعية فأصر صديقه الكذاب على مرافقته، وعندما فشلت كل محاولاته في إثناء الكذاب عن الذهاب معه، اشترط عليه أن يجلس صامت ولا يتكلم، قال الكذاب: هذا شرط لا يمكن تطبيقه لن أقعد كالأبكم. قال الرجل: حسناً إذا تكلمت فاجعل كلامك قليلاً ولا تكذب. قال الكذاب: هذا غير ممكن فقد تعودت أن أكذب. قال: حسناً، قل كذباً معقولاً ولا تبالغ. قال: ولكني لا أعرف المعقول من المبالغة. قال الرجل: إذا بالغت في الكذب سأنبهك واقول لك (الجاك) فإذا قلت لك ذلك أعلم أن كذبتك فيها الكثير من المبالغة. قال: اتنفقنا. وانطلقا معاً إلى مكان المناسبة.
كان مجلسهم وسط مجموعة تتكلم عن تماسيح النيل، وذكروا عدة قصص عن التماسيح التي تم اصطيادها من النيل من قبل أقاربهم، وهنا تحدث الكذاب فقال: والله أنا أبوي السنة الفاتت صاد تمساح طوله ضنبه عشرة متر. نبهه صاحبه وقال: (الجاك). تراجع الكذاب وقال: لا والله معليش يا جماعة ضنبه كان سبعة متر. قال صاحبه (الجاك). قال الكذاب: استغفر الله كان طول ضنبه خمسة أمتار. قال صاحبه (الجاك). قال الكذاب: يا جماعة والله الفترة طالت كان طول صنبه تلاتة متر بس. قال صاحبه (الجاك). التفت الكذاب إلى صاحبه وقال: (تجك حفيان وعريان، عايزني أخليهو ليك بلا ضنب!!!).
لماذا لا يعين الرئيس مستشاراً للكذب المعقول يقول له (الجاك) كلما أبعد النجعة وبالغ وفارق المعقول وهو قد أدمن الكذب حتى أصبح لا يفرق بين الكذب المعقول والكذب الخرافي الذي أصبح ديدنه كلما تكلم.

[أبو قنبور]

ردود على أبو قنبور
United States [سلفادور اليندى] 01-19-2016 06:19 AM
لا .. ما تقول لى .. جات معبره شديد .. حلوه .. انا متأكد أنو العفننى الكذاب قراها .. لكن من ميتة قلبو تلقاهو ضحك وبكل بساطة ولسان حاله يقول :
بالله عليكم انا ما حريف كذب ؟؟؟


#1402020 [مكشكش-مفكر اسلامي،خبير وطني، محلل ستراتيجي ،ناقد ..الخ]
4.88/5 (4 صوت)

01-18-2016 10:25 PM
وااااااااحر قلباه يا ولدي ،، واااااحر قلباه ،، والله ان شر البلية مايضحك فعلا" ،،،، ان ما يقطع نياط القلب ان بقيت فيه نياط ، ليس كلام الرئيس فقد تعودنا على ذلك صباح مساء لربع قرن سلف ،،، ولكن ما يقطع تلك النياط رد فعل هذا الشعب الجاهل الأهبل المخبول الموهوم الساذج الغبي البليد الميت حد التعفن ،،،،،وهو يهلل ويكبر في بلاهة متناهية لمثل هذا السخف والاسفاف...

[مكشكش-مفكر اسلامي،خبير وطني، محلل ستراتيجي ،ناقد ..الخ]

ردود على مكشكش-مفكر اسلامي،خبير وطني، محلل ستراتيجي ،ناقد ..الخ
[هناي البكاي] 01-19-2016 07:24 PM
يا المكشكش يا خوي سيبك من موضوع الشعب دا وما تحرق دمك ساي ، والله شعبك كان سويت ليه (ود اب قرعة قوم ارعى) ما يفرفر تاني، دحين شوف مستقبلك كان عندك مستقبل او شوف معاش اولادك كان عنك بطن بيت .

[abushihab] 01-19-2016 06:26 AM
في هذا الوضع الذي نحن فيه (شر البلية ما يغيظ) اهل الشمالية لم يروا الجوع في حياتهم الا في هذا العهد البائس حيث ان الاراضي صارت بورا بسبب السياسة الرعناء من قبل حكومة الانقاذ التي فرضت الجبايات في كل (تنقر) والتنقر هو الدرب الذي يؤدي للساقية.....اللهم انا لانسألك رد القضاء لكنا نألك الطف فيه.


#1402019 [عصمتووف]
5.00/5 (2 صوت)

01-18-2016 10:22 PM
السؤال الاول الصعايده وصلوا
استحي واستنجي ي شبخ الهوس ابناء الشمالية ف المهجر والذهب ام حرائق النخيل اسال عنها لو كنت لا تعرف ولن ينقذ العالم الا الصعايدة

[عصمتووف]

ردود على عصمتووف
European Union [الفحل] 01-19-2016 08:26 AM
الصعايدة انقزو روحهم اول هم فاضين لزراعة خلينا من الاشاعات الفارغة ديل اكسل بشر هم فاضين من الجلوس في القهاوي والشيش وكلهم تجار سلاح وبلطجية وقطاعين طرق وقوادين وخليك انت والصعايدة في بلدكم وسجمكم ورمادكم واحنا ما عاوزين نلوث مجتمعنا بالقوادين والديوثين

[AL-Kiran] 01-19-2016 05:20 AM
heeeehe.. shamalia he said.. first time I hear the desert site saving peopeles to die. because people are sows an apples over there.. heeehe


#1402016 [SUDANESE]
0.00/5 (0 صوت)

01-18-2016 10:19 PM
كل قرارات واقوال البشير لاتقوم ولاتنفذ حتي من اعطاء المؤتمر الوطنى.....
بس داير واحد يقول لي قال البشير شنو ووتنفذ؟....
موضوع الشمالية دا كلام بشيري ساكت....

[SUDANESE]

ردود على SUDANESE
[AL-Kiran] 01-19-2016 04:44 AM
heeeehe.. shame on him.. B'coz his from shamalia.. heeeehe



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة