الأخبار
أخبار إقليمية
بعد ضبطه مع أصدقائه وصديقاته في خلوة غير شرعية بشقة بالخرطوم ..ادانة نجل الوزيرة تهاني تور الدبة بالدعارة
بعد ضبطه مع أصدقائه وصديقاته في خلوة غير شرعية بشقة بالخرطوم ..ادانة نجل الوزيرة تهاني تور الدبة بالدعارة
بعد ضبطه مع أصدقائه وصديقاته في خلوة غير شرعية بشقة بالخرطوم ..ادانة نجل الوزيرة تهاني تور الدبة بالدعارة


في قضية جديدة ..تفادت محكمة النظام العام جلده
01-18-2016 11:58 PM
الراكوبة قبل ان تنتهى قضيته الاولى ضبطت شرطة النظام نجل وزيرة العدل واخرين في خلوة غير شرعية بشقة بالخرطوم شرق وذلك فجر الجمعة.وتمت صباح اليوم الاثنين محاكمة ابن الوزيرة وأصدقائه وصديقاته بالغرامة بواقع ألفي جنيه لكل منهم وتفادت وزيرة العدل التي تم تكريمها مؤخرا الظهور في المحكمة وتولى احد أقاربها عملية دفع الغرامة كما تفادت المحكمة جلد المجموعة.

ويذكر ان رئيس الجمهورية عمر البشير كان قد رفض قبول استقالة تهاني تور الدبة بعد أن ضبطت الشرطة نجل الوزيرة وصديق له في العربة الخاصة بوزارة العدل ومازلت القضية منظورة امام المحاكم.


تعليقات 52 | إهداء 0 | زيارات 30904

التعليقات
#1577107 [ودالشيخ]
0.00/5 (0 صوت)

01-03-2017 09:36 AM
الولددا بينتقم من أمو بسبب موت أبوه ...

[ودالشيخ]

#1413851 [الكردفاني العديييييييييييييييييييييل]
0.00/5 (0 صوت)

02-12-2016 08:41 PM
خلونا في الغاز ..... وازمته .... والحوار الفشوش ..... والذهب الذي ذهب بخيرة.... الشباب ...وضاعوا في الوهم ..... والدولار ...الذي اعجز ... الرقاص رقيصه ... والغلاء .... الذي خرج عن نطاق ... الحدود ....وسحق الكل .... حتى انتبه ....فجأة رجل البشير الموتور ..... وقال انه ماكان يظن ان المواطن ..... يعاني هكذا معاناة .... !!!!!!؟؟؟؟؟

لان الجماعة كل مرة بيطلعوا حاجة تكون حديث المدينة ....حتى يشغلوا الناس ..... عن الازمات المستفحلة المتزايدة يوما بعد يوم ..... في حياة المواطن ..... انها مجرد ملهيات عن اساس الموضوع ..... وهو ان العسكر والانتهازيين.... والنفعيين .... والمصلحيين ... واليمينيين واليساريين .... واتباع الامامين .... وغيرهم .... الكثر ممن بالساحة ... او باستراحات المحاربين ..... لا يرجى منهم خيرا لهذا الوطن ....

ان هذا الوطن يحتاج لقدوة ..... وضمير حي ..... يمسح كل الحاضر والماضي المشين ..... ليبدأ من الصفر..... هذا هو الموضوع .....

[الكردفاني العديييييييييييييييييييييل]

#1403877 [Bahi]
5.00/5 (2 صوت)

01-22-2016 10:21 AM
اللهم استعيذ بك من قول او فعل يسوءني غدا...اللهم اصلح حال ابناء المسلمين....

[Bahi]

#1403035 [Rebel]
5.00/5 (2 صوت)

01-20-2016 01:21 PM
* "القانون الجنائ", "شرطة النظام العام", "امن المجتمع", "محكمةالنظام العام", "جهاز الامن"..إلخ..كلها أجهزه القصد منها إرهاب المجتمع السودانى و إخضاعه و إذلاله و السيطره عليه, بهدف "التمكين" لحكم "الجماعه المجرمه" إلى الأبد!
* و تطبيق "شرع الله" الذى يدعيه هؤلاء الإرهابيين, لم يكن سوى "دعوة حق اريد بها باطل"!
* و من يقول غير ذلك فهو "منهم",,

[Rebel]

#1402765 [باكاش]
2.00/5 (1 صوت)

01-20-2016 04:05 AM
ياجماعة نحن نخلص من الدبب دي متين
عشان نشوف موضوع حلايب شابكننا الدبة
طلعت والدبة نزلت وولدا عمل.

[باكاش]

#1402587 [هميم]
5.00/5 (10 صوت)

01-19-2016 05:24 PM
الولد مسكين تائه بين المخدرات والحريم بعد أن قتل النظام ابيه واشترى أمه بوكالة وزارة العدل! الأفضل له من التوهان ده أن يبحث عن ثأر أبيه!

[هميم]

ردود على هميم
[العمرابي الخطر] 01-20-2016 12:54 PM
كلام في الصميم


#1402540 [عبدالحميد البراري]
5.00/5 (5 صوت)

01-19-2016 03:54 PM
انشاءالله رابطه سنار المره دي تكرم الام بمناسبه انها الام المثاليه في التربيه وكده

[عبدالحميد البراري]

ردود على عبدالحميد البراري
[أنا] 01-20-2016 12:32 PM
هههههههههههههههه الله يضحكك


#1402535 [عبدالحميد البراري]
5.00/5 (5 صوت)

01-19-2016 03:50 PM
ياخوانا انتو الشقق دي بيعملوها كيف نحن 15 سنه غربه ماقادرين نمتلك ارض

[عبدالحميد البراري]

ردود على عبدالحميد البراري
[الكردفاني العديييييييييييييييييييييل] 02-12-2016 08:15 PM
دي من 55 مليار بتاعت البترول ..... ولكن الاحتمال ....الاقرب من حاويات المخدرات .....


#1402508 [يوسف عبدالله]
5.00/5 (4 صوت)

01-19-2016 03:17 PM
هو شنو حكاية الإفلات من العقاب دى الملازمة إبن وزيرة العدل ؟
يعنى الواحد لازم يكون أبوهو أو أمه وزير عدل حتى يضمن عدم الإدانة ؟
المرة الفاتت غيرو ليهو المادة من المتاجرة فى المخدرات لحيازة مخدرات وهى أخف .. المرة دى من غيروها ليهو من الجلد إلى الغرامة !!
هو القوانين دى موش مفروض تكون واحدة للجميع

[يوسف عبدالله]

ردود على يوسف عبدالله
[Nader] 02-12-2016 04:47 PM
لا لا كده ما ينفعش انت بتشكك فى نزاهة قضاء دولة المشروع الحضارى حتروح وين من ربنا

[العمرابي الخطر] 01-20-2016 12:56 PM
المروووووووونة يخوانا
عندك ضهر,,,
خلووها مستووورة

[sami] 01-20-2016 08:04 AM
لازم القوانين تكون مرنة؟
اولاد عز؟
دا
مشروع فضل الظهر
من كان له فضل زاد فليعد به علي من لازادله.


#1402499 [صلاح حسن]
5.00/5 (2 صوت)

01-19-2016 02:58 PM
هو ابن الوزيرة دة ماعندو اهل يليموهو ؟؟ حايم من فجر ل فجر .. و من حوامة بعربية حكومة مليانة مخدرات ل خلوة غير شرعية بالشقق ؟؟
طيب بقعد فى بيتو بتين ؟؟ لا قراية لا مشغلة !!

الغالب إنه ح يستمر فى حياتو دى إذا لم يتم محاكمت و جلده أمام الملأ حتى يعرف الله واحد و يخلى البعمل فيهو دة . الظاهر مافى زول فى البيت بسأله ماشى وين أو جاى من وين !!
ندعو له بالهداية , و أحسن أهله يحصلوهو قبل ما يغرق فى الهلس .

[صلاح حسن]

ردود على صلاح حسن
European Union [salahuddin] 02-14-2016 03:57 PM
يا صلاح يا حسن هلس شنو أكتر من كده انتى خايفالولد ده يغرف فيه.. زول قبضوه شايل مخدرات وفى عربية حكومة ومتعاطي مخدرات وأيضاً قبض في خلوة غير شرعية مع اصدقائه وصديقاته في شقة أكيد معاهم مخدرات وشراب و.... و,,,,ياجماعة في هلس أكتر من كده .. (طبعاً هو عارف انه ابن وزيرة ومافي حد في الدنيا يقدر يحاكموا وايضاً الحماية الكامله من أكبر سلطه في البلد)الله المستعان..


#1402494 [محمد علي]
4.88/5 (5 صوت)

01-19-2016 02:45 PM
زعلانين ي راكباً وعارفين دمتم الغالي
الشباب في جلسه إيمانية من بتاعت الاتجاه الاسلامي

[محمد علي]

ردود على محمد علي
Saudi Arabia [سامي] 01-23-2017 02:16 PM
هههههههههههه

[أبوعديلة المندهش] 02-15-2016 10:09 PM
صدقت يا اخ محمد على فالقوم إسم الله عليهم كانوا بيتسحروا


#1402465 [واحد]
5.00/5 (9 صوت)

01-19-2016 01:44 PM
يذكر ان رجلا دفن كلبا في مقابر المسلمين فشكوه الناس للقاضي فلما حضر امام القاضي ساله هل دفنت كلبا في مقابر المسلمين قال نعم لبيت وصيته فقال القاضي ويحك تدفت عينا نجسا في مقابر المسلمين ثم تستهزاء بالقاضي قال الرجل لقد اوصي الكلب بالف دينار للقاضي فقال القاضي رحم الله الكلب الفقيد فتعجب الناس من صنيع القاضي فقال لهم لا تتعجبوا لقد تاملت الكلب فرايته من نسل كلب اهل الكهف
قال ليك ده اول قاضي من الجماعة ديل في التاريخ

[واحد]

ردود على واحد
[sami] 01-20-2016 08:06 AM
فقه التحلل
لاضرر ولا ضرار

[محجوب عبد المنعم حسن معني] 01-19-2016 11:21 PM
you made my day man
وينك يا حبيب مشتاقين
مع مودتي


#1402453 [majour]
3.00/5 (2 صوت)

01-19-2016 01:26 PM
الود ده شكله الجماعة شاكين وخايفين يكون عارف حاجة من اسرارهم من ابوه قبل ان يقتل, والجماعة عاوزين يكسروا عينوه, تحسبا لأي طارئ خاصة وامه رفضتهم. بس ماقولة هو الوحيد البيقبضوا عليه كل مرة, يعنى هو الوحيد الحشاش والذبورجي الفاسد فى البلد يعنى.الود مسكين لا تذيدوا بلوته.

[majour]

ردود على majour
[الكردفاني العديييييييييييييييييييييل] 02-12-2016 08:22 PM
ايوه .... يا ميج .... الموضوع ..... غالبا مدبر ..... يعني معقول من بين الاف الشقق المستخدمة ...... من هذه العصابات ..... فقط يستهدفوا الشقة دي ..... بس.....

[يونس] 01-20-2016 12:40 PM
يمكن عاوزينا يسكرو عين امو وتقبل العرس شكلوا في واحد قافل عليك بي كرتين جوكر

[سودانا فوق فوق فوق] 01-19-2016 07:50 PM
كلامك منطقي و الله


#1402427 [الـــســـــيــــف الـــبـــتـــار]
4.88/5 (5 صوت)

01-19-2016 12:53 PM
من سلم من العقاب أســـــــاء الادب .

[الـــســـــيــــف الـــبـــتـــار]

#1402413 [الناهه]
5.00/5 (4 صوت)

01-19-2016 12:32 PM
ياجماعه ابن الوزيره مشى يذاكر مع زملائه وزميلاته وهو برئ لان صاحبه اتصل بيهو قال ليهو تعال نذاكر وهو ماعارف ان بعض الوميلات معاهو
اها
ابن الوزيره جاء داخل وقبل ما ياخد نفسه من السلم طبوا عليهم ناس البوليسوقدره انه كان قاعد في المكان والوقت الخطا
قال الرسول صلى الله عليه وسلم قاضي في الجنه وقاضيان في النار

[الناهه]

ردود على الناهه
[أبوعديلة المندهش] 02-15-2016 10:15 PM
صدقت يا ناهة الشباب ديل كانوا بيذاكروا لأنه على حسب معلوماتى المؤكدة كان عندهم تانى يوم تسميع سورة الحمدو .

[ALIIIIIIIIIIIIIIIIIIIIIIIIIIIIII] 01-19-2016 03:55 PM
اي خلاص صدقنا الكلام ده يالناهة قال مشي يذاكر وعووووووووووووووووووك


#1402389 [اكرم حسن]
4.82/5 (5 صوت)

01-19-2016 11:55 AM
اول مظهر للفساد
ان لا يتساوى الفقير وذوى النفوذ فى الحقوق والواجبات

[اكرم حسن]

#1402381 [بابكر الماحى]
5.00/5 (4 صوت)

01-19-2016 11:45 AM
فى قضية داعر سنار ، برئته محكمة الاستئناف بحجة ان الخلوة غير الشرعية لا توجد فى نصوص القانون الجنائى ودى كانت دفوعات محاميه ...طيب خلوة الولد فى قانون الذكر والذاكرين ؟؟العدالة مقهورة

[بابكر الماحى]

#1402374 [elfaith]
4.99/5 (7 صوت)

01-19-2016 11:37 AM
تفادت الجلد ؟
ليه عندو سكري برضوا ذي بتاع سنار القبضوه مع الفراشه

[elfaith]

#1402347 [جنوبي]
5.00/5 (13 صوت)

01-19-2016 11:08 AM
هم ما بكونوا قاعدين يعملوا شئ غلط , يكون كان بيحكي ليهم لما قبضوه .. يقول ليهم والله كان شفتوا ماما الساعه الجات داخله القسم وقالت ليهن هيييييي ! انتو ما عارفين ده ود منو !!؟ فكوا هسسسي دي ,,
الود ده بجلطنا قبل يجلطك جلطك البلا ! انتي ما تديهو قروش خلي يمش يتصعلق بره زي اولاد الباقين !! بخيله ,,
تكريمك زكرني تكريم فيفي عبده ..

[جنوبي]

ردود على جنوبي
[أنا] 01-19-2016 01:55 PM
ههههههههههههههههههه يا جنوبي الله يضحك

[A. Rahman] 01-19-2016 01:42 PM
يا زول فيفي عبده مالا كمان؟ بتتصرف في ممتلكاتها و مالها و حقوقها ما في ممتلكات و أموال و حقوق الناس التانين. الولد دا قضيته الأولانية ما تمت ليها شهر، معناها مافي زول زجره و قال ليه يختشي، دا يوريك إنه سوء التربية عنصر أساسي في تربية الإسلامويين، بدون فرز.

[mama] 01-19-2016 12:55 PM
جنوبي سلام،،،
الفارسني و فاقع مرارتي تدخل الرئيس!!!! ما عارفة عمل كدا ليه؟ وحدة خجلت من نفسها و اختشت على دمها و استقالت انت مالك؟ ضرووري يعني الشبهات دي؟ اصلو ما بتدخا إلا في الغلط ياكافي البلا زي ما عفا عن الشيخ بتاع الأطفال عافاكم الله. يعني عمرو ما ينصر مظلوم مثلا.


#1402345 [عوض الله]
5.00/5 (4 صوت)

01-19-2016 11:07 AM
ابن الوزيرة هو ابن مجتمعكم الذي يمارس غيره هذه الافعال و هم اكثر رشدا و يحتلون مناصب مرموقة،الذي لم يعره اهتماما هذا الابن الضال سمعة عائلته و اهمية منصب والدته في وزارة العدل،تكريم والدته من جماعة سنار عبارة عن رد اعتبار بعد الحملة عليها لتدخلها في سير العدالة،و ها هو يكرر ما هو مشين عرفا و قانونا،فهل تتدخل الوزيرة مرة اخرى لتعطيل سير العدالة،هل تتقدم باستقالتها مرة اخرى ؟؟؟؟

[عوض الله]

#1402343 [الحوتاوى]
5.00/5 (3 صوت)

01-19-2016 11:03 AM
خيار وفقوس،، بلدوزر بورتسودان الدفع الرباعى والقيادى بالمؤتمر الوطنى قبضوه متلبسا في خلوة بشقة مفروشة بأركويت في نهار رمضان مع 4 جيكسات وهو المتزوج ب 4 زوجات ما عملوا ليهو حاجة وحتى عندما حكم عليه القاضي ب 30 جلدة رفض تنفيذ الحكم فتم إستبدال ذلك بغرامة مالية فقط زى إبن الوزيرة دة.

معنى ذلك أن هناك قانونان واحدة للعامة والسابلة يجلدونهم جلد غرائب الإبل وأخرى لأهل الحظوة من قيادات المؤتمر الوطنى والكيزان مثل مدير الحج والعمرة بولاية سنار الذى خرج من جريمة الزنا خروج الشعرة من العجين.

[الحوتاوى]

ردود على الحوتاوى
[الكلس] 01-20-2016 02:09 AM
هههههههههه هههههههههههههه


#1402335 [كبسور]
5.00/5 (1 صوت)

01-19-2016 10:53 AM
إبن كرام مواطنين آخر زمن

** حارقين أرزكم فى شنو يا ناس الراكوبة ؟؟

عارفين كرام مواطنين يعنى شنو ؟؟

ولا اشرح ليكمالفرق بين إبن محمد احمد ومشاعر الدولب ؟؟

دا ولد شوية وزيرة دولة حالو
لو كان - لا قدر الله - ولد عمر البشير ذات نفسو ؟
كان على بنات السودان كلهم السلام

*
قدَّر ولطف
ادا مع اصحابو وصاحباتو ، زيت فى بيت فى محكلة فى مرواد ×60 داهية النظام العام والشريعة المجغمسة

[كبسور]

#1402330 [ود اقنى]
5.00/5 (6 صوت)

01-19-2016 10:49 AM
انا بقترح للاستاذه تهانى تراجع حساباتها مع بعض الناس لماذا تكون عربيتها متابعه وولدها دائما متابعه من دون الناس فيبدو عندها مشاكل شخصيه مع واحد امنجى ولماذا هى وبس وكل شباب الخرطوم بنقنجيه وبتاعين بنات وهنالك بيوت خماريات ودعارة معروفةلدى الاجهزة المختصة , فانا والله مابعرفها ولا معاها فى حزبها ولكن دى نصيحتى ليها لازم تراجع نفسها فالمقصودهى وليس وليدها الحنكوش.

[ود اقنى]

ردود على ود اقنى
European Union [الطيب] 01-20-2016 12:46 AM
أعتقد بشدة أن هذا الفتى مستقصد ومتابع. هناك الكثيرون والكثيرون جدا يعيشون بهذه الطريقة ويتفاخرون بها جهارا دون المساس بهم


#1402324 [رحلة الاصدقاء]
4.88/5 (4 صوت)

01-19-2016 10:41 AM
وين الشريعة يا رقاص؟
وين النهج الرباني يا مهدي؟
وين قانون بدرية الترزية؟
وين قدوقدو؟

النظام العام لذلة ومهانة الناس.. لاكين اولاد الكيزان ما في زول يهبشم لأنهم محصنين .. ومن أمن العقاب اساء الأدب ..

[رحلة الاصدقاء]

#1402314 [لون النيل]
5.00/5 (6 صوت)

01-19-2016 10:34 AM
تاني يا خلف الله لكن ماعزبتنا

[لون النيل]

#1402294 [دنا عذابه]
5.00/5 (3 صوت)

01-19-2016 10:16 AM
كل يوم يبتلى عمر الرقاص ببلوة جديدة ، تقدح في سمعتهم التي باتت كالجيفة التي تعافها الكلاب الضالة. الآن الرئيس الرقاص يغالب أمره بين نارين تمزق في جسده. نار فضائح الدولة التي يرأسها ونار إعتقاله بالمحكمة الدولية كمجرم قاتل. الآن كبار مجرمي الحكومة وفي ظل إستسلام البشير الرقاص بين هذه النيران ، صارت جرائمهم تكبر وتعلوا وتدمر. فتاجروا بالمخدرات وجلبوها بالحاويات. كذلك الاتجار بالبشر والاعضاء البشرية ، ثم دفن النفايات المشعة . يا حليل أيام المتعافي ، كانت جرائمه متواضعة شوية مبيد فاسد وتقاوي فاسدة ، مليارات قليلة ، وربما ترك السرقة بعد حادثة الطائرة الهلكوبتر ، أيضا الخضر ، سرقة معقولة شوية أراضي وحركات تحلل وخلاص هو نظيف حسب منطوق القانون والراجل آخر إنبساط.

[دنا عذابه]

ردود على دنا عذابه
[ظفار] 02-14-2016 02:09 PM
حرامعليك عايز تقنعنا المتعافى والخضر حملان وديعة


#1402292 [سلطنة المسبعات]
5.00/5 (4 صوت)

01-19-2016 10:15 AM
دائماً مفضوحين على روؤس الاشهاد....السحت واكل اموال الناس بالباطل هذا هو النتاج ومخرجاتهم كما يطلقون

[سلطنة المسبعات]

#1402280 [أنا]
4.00/5 (2 صوت)

01-19-2016 10:04 AM
قرفتونا والله العظيم بالولد الكريه دا كلو يوم عندو مصيبة بلا يخمو ونرتاح منو

[أنا]

#1402275 [ابو مازن]
4.94/5 (12 صوت)

01-19-2016 09:56 AM
معذور ابن الوزيرة والله الولد معذور ومحتاج لعلاج بدل البهدلة دي كل يوم شرطة وحراسة ومحاكم الله يعينه الولد قتلوا ابوه الناس القصر وخلوه من غير دليل ولا رقيب واحتمال كبير يكونوا قاصدين يدمروه كدا بالمخدرات والدعارة وكل الموبقات عشان يفضّل كدا من غير وعي حتى ما يسال من ابوه وكيف قتل علي أيدي كيزان الدم عليهم لعنات الله وكل الرسل و الملائكة اجمعين

[ابو مازن]

ردود على ابو مازن
European Union [الطيب] 01-19-2016 11:32 AM
صدقا حزنت لهذا المسكين ضحية إختيار أبويه السير في طريق الشيطان الإسلامي فأضاعوا عليه فرصة الحياة في بيئة طبيعية.


#1402262 [صابر الصابر]
4.00/5 (3 صوت)

01-19-2016 09:39 AM
بلد سايبة ..

[صابر الصابر]

#1402256 [WAHAB]
4.00/5 (3 صوت)

01-19-2016 09:34 AM
الله المستعان لو كان القضاء في بالدي هكذا فماذا بقي لنا في الوطن وماذا ننتظر غير الضيق والخذلان .

[WAHAB]

#1402225 [حنين]
4.00/5 (4 صوت)

01-19-2016 09:07 AM
ياجماعه القاضي الحكم بالحكم الهزيل ده عايز يأكل عيش

[حنين]

#1402223 [محمدوردي محمدالامين]
4.25/5 (4 صوت)

01-19-2016 09:04 AM
لا حول ولا قوة الا بالله العلي العظيم

[محمدوردي محمدالامين]

#1402198 [سوداني ود بلد]
4.50/5 (4 صوت)

01-19-2016 08:49 AM
كل يوم تزداد قناعتي بأن حكومة المؤتمؤ الوطني تصر وتزداد في احتقار الشعب السوداني وتخرج له لسانها وتقول له طظ فيكم جميعا ( طبعا بإستثناء اعضاء المؤتمر الوطني ومن يدعمونهم في حكومتهم) والدليل علي ذلك انه كان يمكنهم ايقاف وسحب هذه القضية فبل وصولها للمجكمة , ولا من شاف ولا من دري .

[سوداني ود بلد]

#1402186 [محمدوردي محمدالامين]
4.50/5 (4 صوت)

01-19-2016 08:42 AM
هل دعوتم اليوم علي الفساد والمحسوبيه والمفسدين وعلي الكيزان الضالين المضلين ؟ والقضيه بعد البنقووالحشيش جابن ليهادعاره وعلي الشعب السوداني ان يغض البصرعن هذا الفساد الذي يمشي عاريا داخل وزارة (العدل)!!!

[محمدوردي محمدالامين]

#1402179 [الاستاذ - كمونية - محلل سياسى]
4.99/5 (14 صوت)

01-19-2016 08:38 AM
عيال سمها فاير يا جماعه ، ياجماعه عيال نايمه وشبعانه يا جماعه !!

طحانى ، ومربات ، لحوم ، وسمك ، عنب ، وحمام ، يعنى طاقه زايده ، يعنى شبع وتبزير نعمه !

عشان كده انا لامن اعرس جناى ده بدرشو ليك درش لامن يعرف الله واحد !

لكن المشكله البتواجهنى اى واحده احبها بتقوم تبيعنى وتدينى شاكوش -

لامن راسى كلو بقا " بقج بقج " والله ياجماعه !!؟؟

غايتو بس الله كريم على .

[الاستاذ - كمونية - محلل سياسى]

ردود على الاستاذ - كمونية - محلل سياسى
[سامي] 01-19-2016 11:38 AM
ياكمونية الولد لو ماكد الدوم واكل القونقليز والشطة بالعجور والتبش ولعب بلي فريت والجلة وشليل الختفو الدودو ورعي البهائم وزرع مافي فايدة ولازم بعد داك يجلدو فى المدرسة الحكومية يرفعوه اربعة وواحد يشد الجلابية وحليل زمن المدارس الحكومية . اذن ولد نور الدبة لازم يلبس عراقي ويجلد 100 جلدة من ابوكديس علي اربعة دفعات وبعدين نشوف نتيجة العلاج دا.

[الولايات المتحدة السودانية] 01-19-2016 10:46 AM
بيض نيتك وخليك مع المشروع الحضاري ... قمة الحضارة في الدعارة والتدعرر .


#1402178 [ود الكندى]
4.50/5 (5 صوت)

01-19-2016 08:37 AM
لاحول ولاقوة الا بالله اللهم احفظ ابنائنا

[ود الكندى]

#1402176 [محمدوردي محمدالامين]
4.50/5 (4 صوت)

01-19-2016 08:36 AM
لا حول ولا قوة ال بالله العلي العظيم الله ينتقم من الفساد والمفسدين والمحتمين بالزيف بشعارات الاسلام والدين هل دعوتم اليوم علي الكيزان الضالين المضلين؟

[محمدوردي محمدالامين]

#1402171 [Truth]
4.00/5 (4 صوت)

01-19-2016 08:31 AM
يبدو ان الابن دلل اكثر من الازم و لكن فقدان الاب لا يعطى عذرا للدلال المفرط و يبدو ان الام هى من فرطت فى تربية ابنها و امرأة مثل هذه يجب ان تحترم وضعها و تنسحب من الحياة العامة و تحتفظ بوقار هذه الاسرة الكريمة المشهود لها طالما الابن لا يضع مكانة لهذا

[Truth]

#1402170 [سوداني حتى النخاع]
4.72/5 (6 صوت)

01-19-2016 08:30 AM
هكذا تتوالى الفضائح التي يرتكبها الكيزان أو أولادهم، وما زالوا يتدخلون في تخفيف العقوبة أو إلغائها حسب الظرف ومقتضى الحال.
اللهم عجل بنهاية حكمهم. إنهم استمرأوا الفساد حتى أصبح مألوفاً ولايسبب لهم إزعاجاً، يعني ماتت قلوبهم!!

[سوداني حتى النخاع]

#1402162 [عبد الجبار أحمد]
4.43/5 (8 صوت)

01-19-2016 08:20 AM
الولد دا شكلو فاقد حنان ومحتاج لإعادة تربية وعلاج نفسي . يبدو أن امه رغم اصرارها على عدم الزواج بعد وفاة زوجها الا انها ايضا مشغولة بقضايا الحزب وجمع الفلوس . لماذ لا تقوم بتزويجه لواحدة من اخوات نسيبة وتريح نفسها منه
الشيء الاخر كوننه يفلت من العقوبة في كل مرة فهذا معناه التمادي في فعل المخالفات
ما راى من عفا عنه المرة الماضة في هذه المرة

[عبد الجبار أحمد]

#1402154 [المسلمي]
4.32/5 (5 صوت)

01-19-2016 08:03 AM
هذا الفساد هو الذي ادي بسوريا والعراق الي ما هو عليه والمترفين هم سبب البلاء

[المسلمي]

#1402153 [عبدالرحيم]
4.38/5 (6 صوت)

01-19-2016 08:01 AM
الود الله يهديه فقع مرارة امو فقع ؟ والله المراة دي محترمة جداً لكونها لم تتزوج اي احد من الكيزان بعد وفاة زوجها وهذا قمة الوفاء واكيد الى الآن الكيزان جارين وراها؟

وهي ما عندها اي ذنب في ما يفعله ابنها بحكم السن والصبا وغياب الاب الذي قتلته رعونة الكيزان وفعايلهم وعمايلهم السودة زي وشهم ولكن على السيدة تهاني تور الدبة الا ان تتدخل بوقعها الرسمي اطلاقاً.. وطبعا اكيد ما حا تتدخل ثاني وان الجماعة سوف يرفعون عنها الحرج ..

[عبدالرحيم]

ردود على عبدالرحيم
[Truth] 01-19-2016 07:36 PM
والده د.عبدالله الجعلى طبيب كان يعمل فى احدى الوكالات الاسلامية الطبية فى اديس ابابا و يقال بأن المجموعة التى حضرت الى اديس ابابا لتصفية الرئيس حسنى مبارك اقام جزى منهم معه فترة فى سكنه و قول انه دون علمه و قول اخر انه يعلم ..المهم بعد فشل محاولة حسنى مبارك باكثر من اسبوع تم اغتياله و صديق له كان يودعه امام باب المنزل من عربة مسرعة و لم يفتح الفائل حتى الان و لم يعرف الجانى و الاقاويل تتحدث عن انه تمت تصفيته من جانب المخططين لاغتيال حسنى مبارك و الله اعلم

[المشروع] 01-19-2016 12:57 PM
هههههههههههه اسال قوقل وقالو البسأل ما بخيب بل ويجيب

[البموت في الدبة] 01-19-2016 10:44 AM
انتو المره دي زوجها كان منو ... وأغتالوه الكيزان متى ؟ أفيدونا


#1402150 [الجــــــــــــــزيرة ابـــا]
4.44/5 (7 صوت)

01-19-2016 07:56 AM
ﻻ يحيق المكر السئ اﻻ باهله

كلما تم التضييق على خلق الله بالفساد والتلاعب بالحقوق .. كلما ضاقت عليهم داخل بيوتهم وانفسهم وفضحهم الله بين البشر .
التسوّى كريت فى القرض تلقى فى جلدها

[الجــــــــــــــزيرة ابـــا]

#1402144 [معاويه]
4.00/5 (4 صوت)

01-19-2016 07:46 AM
لازم فى الامر ما هو مخفى الوزيره دى اصلا كان عندها عقل تزوج الولد ده وتفجخو فى الواطه ده مالو زى ود ابرق يفكو منا يقع هنا .....................

[معاويه]

#1402139 [عبدالحفيظ ابراهيم]
3.88/5 (7 صوت)

01-19-2016 07:41 AM
قوا انفسكم واهليكم نارا وقودها الناس والحجاره..وانذر عشيرتك الاقربين...ثم ان فاقد الشى لايعطيه..
الوزيره لاتستحق وظيفه بهذه الاهميه وهى عاجزه عن تطبيق القانون داخل منزلها وفشلت فى اصلاح ابنها وهو فرد!!! ..كيف تصلح المجتمع؟؟؟
اليس بيننا من هو ارشد واطهر واكفا منها..طبعا فى..
انا اشك فى رغبه وزير العدل ان يكون مساعده من العناصر الضعيفه والملوثه لينفرد بالقرار لشىء فى نفسه او نفس لوبى خفى والله اعلم..
المسؤليه الاساسيه على الرئيس شخصيا ..

[عبدالحفيظ ابراهيم]

#1402131 [فضائح حزب الرقاص]
4.99/5 (17 صوت)

01-19-2016 07:27 AM
لو تتذكروا يا رواد الراكوبة البنت التى تم جلدها 80 جلدة بحجة ارتداء زى فاضح ولازال فيديو قدوقدو موجود على اليوتيوب وفى زيارة الرقاص الى القضارف قال البت الجلدوها دى ارتكبت جريمة حدية ونحنا ما بنلعب ونجامل فى حدود رب العالمين وتانى شريعة مجغمسة مافى خاصة بعد انفصال الجنوب فهذه البنت المسكينة جلدت فى زى فاضح ولاشفيع لها لانها ضعيفة وابنة ضعيف اما الشريف ابن الوزيرة الذى قبض متلبسا بجريمة الاتجار فى المخدرات وقبل الفصل فى البلاغ جاء بكبة جديدة ومعلوماتنا تؤكد ان الموضوع كان مرواد فى مكحلة وقاضى السجم والندم قام بايقاع عقوبة الغرامة حسبما اتفق عليه مع اهل وذوى المتهمين لانهم شرفاء وابناء الشرفاء فيا ايها الرقاص هذه هى الشريعة المدغمسة ومجغمسة هذه هى شريعة عصابةالانقاذ التى ابتلى الله بها شعب السودان الممكون الصابر ولعنة الله تغشى الترابى حيا وميتا فهو سبب كل هذه البلاوى والمصائب التى بسببها توقفت الامطار وجفت الضروع ويبست الزروع ولا حول ولاقوة الا بالله وحسبنا الله ونعم الوكيل عليكم ايها السفلة الاوغاد

[فضائح حزب الرقاص]

#1402121 [سوداني]
3.38/5 (5 صوت)

01-19-2016 06:38 AM
الشاب ده مالو مصر يعمل كده في أمه والله العظيم ما شمتان فيك كده شوفو ليه طبيب نفساني هو ولدك حصليه والذهاب الي نفساني والله ما عيب او تكون هنالك جه تقوم بذلك حريقة في الشغل وفي عمر البشير انتبهي لوالدك واللبهم في رزق كفروالكمل رزق مات الواحد فينا كارهكم كلكم لكن بس الأولاد مساكين ضحايا بينكم

[سوداني]

#1402118 [حميدوف]
4.00/5 (4 صوت)

01-19-2016 06:31 AM
ياخ الولد ده مالقي زول يربيه ولاشنو كل يوم طالع بي مصيبه جديده والله ده فات شيخ الببسي عالم تقرف

[حميدوف]

#1402110 [بكري الصائغ]
3.93/5 (13 صوت)

01-19-2016 05:58 AM
١-
اقتباس:
*****
في قضية جديدة ..تفادت محكمة النظام العام جلده: (بعد ضبطه مع أصدقائه وصديقاته في خلوة غير شرعية بشقة بالخرطوم ..ادانة نجل الوزيرة تهاني تور الدبة بالدعارة بالغرامة بواقع ألفي جنيه لكل منهم)!!


٢-
تــعليق:
****
(أ)-
هل تدخل الرئيس عمر البشير في هذه القضية (تمامآ كما تدخل من قبل في العديد من القضايا الجنائية وفي الشأن القضائي) وامر قاضي المحكمة بعدم اصدار اي قرار بالسجن او بالجلد علي ابن الوزيرة؟!!

(ب)-
من قام حقيقة بدفع الغرامة: الحزب الحاكم الذي تنتمي له الوزيرة؟!!.."رئاسة الجمهورية" علي اساس انها وزيرة في الحكومة؟!!..وزارة العدل؟!!..ام القصر؟!!

(ج)-
من هن صديقات ابن الوزيرة؟!!..هل هن ايضآ بنات علي شاكلة ابن الوزيرة...(والطيور علي اشكالها تقع؟!!)...

(د)-
ما الذي يرمي اليها ابن الوزيرة من تصرفاته المسيئة لوالدته واسرته؟!!

(هـ)-
هل ستقدم الوزيرة تهاني تور الدبة هذه المرة استقالتها كالمرة السابقة؟!!

(و)-
ما رأي وزير العدل الدكتور عوض الحسن النور في قرار "محكمة النظام العام" التي تفادت اصدار حكم قوي يتناسب حجم الجريمة (دعارة + خلوة غير شرعية)، مع العلم انه قد سبق ان صدرت من قبل احكام قاسية علي متهمين اعتقلوا بتهمة وجودهم في خلوة غير شرعية في شقق فاخرة؟!!.. لماذا هذا الخيار والفقوس في معاملة المتهميـن؟!!

(ز)-
بعد هذه الفضيحة التي جرت في "محكمة النظام العام"، نسأل بكل صراحة:
(هل نحن في حاجة الي "محكمة النظام العام".."وشرطة النظام العام".....ووزارة العدل؟!!)...

(ح)-
الا يعني هذا الحكم الباهت بلا طعم ولا لون علي ابن الوزيرة، ان اولاد الوزراء وكبار المسؤولين ان قاموا بارتكاب جرائم انهم في امن وامان من السجن والجلد ؟!!

(ط)-
هل سيحتفل ابن الوزيرة في نفس الشقة ومع نفس الاصدقاء والصديقات بنجاته من السجن والجلد؟!!

(ك)-
هل ستنشر الصحف المحلية خبر الاعتقال والمحاكمة الهزيلة؟!!..ام ممنوع نشر الخبر؟!!

(ل)-
قبل ١٥ عام مضت - اي في عام ٢٠٠١- نشرت جريدة "الشرق الاوسط" اللندنية بتاريخ:(الاربعـاء 22 صفـر 1422 هـ 16 مايو2001- العدد 8205-) خبر قديم جاء فيه:
(اعلن علي محمد عثمان يس وزير العدل السوداني ان وزارته ستعرض قريبا على المجلس الوطني (البرلمان) قانونا جديدا للنظام العام المثير للجدل والذي يلقى انتقادات واسعة من منظمات حقوق الانسان المحلية والدولية. وقال يس اثناء رده امس على استفسارات من الجانب الاوروبي في اطار اجتماعات الحوار السوداني ـ الاوروبي، ان وزارة العدل هي اول من بدأ بنقد قانون النظام العام وكل تجاوزاته اهتماما بتحقيق العدالة في المجتمع ووقف أي انتهاكات لحقوق الانسان والعمل على سيادة حكم القانون. واكد انه ليست هناك حاليا اية محكمة خاصة للنظام العام بل تحكم الحالات عبر المحاكم العادية)...

***- اليوم بعد ١٥ عام من هذا نشر هذا الخبر، نسأل وزير العدل الحلي الدكتور عوض الحسن النور: اين موقع وزارتكم ونحن في القرن ال٢١ من "قانون النظام العام وتحقيق العدالة في المجتمع ووقف أي انتهاكات لحقوق الانسان والعمل على سيادة حكم القانون؟!!)

(م)-
اخيرآ: هل سيتقدم وزير العدل باستقالته بعد ان هز ابن الوزيرة مكانة الوزارة وكشف فساد "محكمة النظام العام"؟!!

[بكري الصائغ]

ردود على بكري الصائغ
[بكري الصائغ] 01-19-2016 02:55 PM
بثت جريدة "اخر لحظة" التابعة للسلطة الخبر التالي الذي (لم يمنع من النشر)!!:

السلطات تضبط نجل “مسؤولة سودانية” مع
فتاة في شقة بالخرطوم ومعه حشيش
***********************
-جرائم وحوادث- 2016/01/19
المصدر: موقع "النيلين" نقلآ عن "اخر لحظة"
------------------------------
***- علمت صحيفة اخر لحظة الصادرة بالخرطوم يوم الإثنين ان نجل مسؤولة معروفة ، تم القبض عليه بواسطة السلطات .. الامر كان صادماً لمجتمع المدينة بعد ان ضبطت السلطات الشاب مع فتاة في شقة بشرق الخرطوم وبعد التفتيش وجد معه حشيش. . الحادثة كانت فجر الجمعة.

تعليقات:
******
١-
هل السلطات تتعمد نشر مثل هذه القضاية في الأونة الاخيرة اصبحت مثل هذه الاشياء كثيرة ضبط مسؤال وابناء المسؤلين ولكن بكل اسف ذات السلطات تبررهم من هذه التهم وكأنما الحكاية كلها اشاعة في اشاعة وبكرة حنشوف سوف يتم إخلاء سبيله.
٢-
الله يفضحهم واحد وراء التاني … عيال متربيه بمال الحرام..

[بكري الصائغ] 01-19-2016 02:41 PM
أخواني الاعــزاء:
ahmed ali
Mamoun
سوقني بعجلة

تحياتي الطيبـة،

لا حل امام النظام لكي يحافظ علي ما تبقت له من هيبة ضعيفة وحفاظ ماء الوجه الا ان يعيد المحاكمة مرة اخري.

[سوقني بعجلة] 01-19-2016 09:53 AM
اخي بكري
ليس هناك وزارة عدل في السودان
هناك توجد وزارة عار بمعني الكلمة
وزارة مهمتها الاساسية هي
حماية النظام ورموزه
من اتي الي هذه الوزارة نظيفا
قاموا بافساده
ابحث عن فقه الضرورة
نحن شعب تحت الاحتلال

[Mamoun] 01-19-2016 09:09 AM
عفوا استاذي بكري ردا على سؤالك هل نحن بحاجة الى محكمة النظام العام أقول لك بل هل نحن بحاجة الى هذا المسمى بالجهاز القضائي السوداني ؟ وهل بات هنالك جهاز قضائي بعد الثلاثين من يونيو ، اذا كان هنالك وزارة عدل وجهاز قضائي في السودان لما وجدنا بين ظهرانينا أوكامبو على حين غرة

[ahmed ali] 01-19-2016 07:37 AM
مع إحترامي لك يا بكري الصايغ ولكن وجود مجموعة تعني إنتفاء الخلوة الغير شرعية !!!!!!! جماعة قاعدين ؟ ثانياً ليس هناك دليل شرعي واحد لإثبات واقعة الزنا !!!!! لو أنا كنت القاضي كنت جلدت القبضوا علي الولد الحنكوش ده . لكن يبقي السؤال من الذي بلغ ؟؟ و عند دخول المجموعة الي الشقة لماذا لم يستطيعوا شم رائحة البنقوا ؟؟؟؟ ولماذا لم يقوم الطبيب الشرعي بالكشف علي عذرية الفتيات ؟؟؟؟؟؟؟؟؟


#1402109 [شلاقه]
4.50/5 (9 صوت)

01-19-2016 05:53 AM
الولد ده حقو امه لو عايزه ترد الجميل لبشه تلبسو كاكي بعد ده ومن هلكوبتر ترميه لناس الحركة الشعبية في الجبال هناك مكان الرجال ترتاح وتريحنا من فضايحه

[شلاقه]

#1402105 [كاكا]
4.97/5 (17 صوت)

01-19-2016 05:07 AM
الشافع ده بعاند في امه عشان باعت دم ابوه

[كاكا]

ردود على كاكا
[الجعلي الطفشان] 01-19-2016 09:18 AM
صدقت في هذا يا كاكا وهي قولة حق .ومين العارف هي ذاتها بتعمل في شنو ؟؟

[ود الشريف] 01-19-2016 08:40 AM
والله يا كاكا عٍند زي ده إلأ يكون زي كلامك ده .

[البشر الحاقد والترابي الفاسد] 01-19-2016 08:23 AM
الشافع دا عارف الناس ديل قتلوا ابوه عشان كدا عارفهم ما بسوا ليه حاجة ...وان سجنوه واو جلدوه بتلكم من قتل ابوه .. الا اعملوا ليه حادث كما عملوا حادث لغسان ... وانها لثورة حتى النصر ....

[ابوعاج] 01-19-2016 08:21 AM
كيف ياكاكا ماعارفين

[Jimmy Cliff] 01-19-2016 06:30 AM
sure



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة