الأخبار
أخبار إقليمية
منظمة حزب البشير للشفافية تتوقع تقدماً إيجابياً للسودان في قائمة الفساد
منظمة حزب البشير للشفافية تتوقع تقدماً إيجابياً للسودان في قائمة الفساد
منظمة حزب البشير للشفافية تتوقع تقدماً إيجابياً للسودان في قائمة الفساد


01-25-2016 10:32 AM
الخرطوم: لبنى عبد الله
توقعت منظمة الشفافية السودانية، تقدماً إيجابياً في موقع السودان في القائمة المتعلقة بالفساد في الدول، واستند على الإجراءات السياسية والتشريعية والمؤسسية والرقابية والتنفيذية التي تم اتخاذها في العام 2015م.
وقال رئيس المنظمة د. الطيب مختار إن فصل النيابة عن الجهاز التنفيذي، وإجازة قانون مفوضية مكافحة الفساد، وقانون حق الحصول على المعلومات، كان سيعطي دفعة إضافية أن تم خلال العام المنصرم.
وأضاف أن الطريق ما يزال طويلاً أمام السودان ليستطيع تخطي الموقع المتاخر الذي ظل يحتله لسنوات، ورأى أن ما تم من مجهودات خلال العام الماضي يشكل قاعدة قوية للوصول الى موقع أفضل في مقبل السنوات بما يمكن البلاد من كسب ثقة واحترام المجتمعات والمؤسسات محلياً وإقليمياً ودولياً ويدفع بالاستقرار والتنمية.
وتابع أن منظمة الشفافية الدولية ستعلن تقريرها المعروف بمؤشر مدركات الفساد في العالم عن العام 2015م في 26 يناير الجاري، وزاد أن العالم ينتظر ذلك التقرير كل عام لتبني عليه المؤسسات السياسية والاقتصادية والمجتمعية أسس علاقاتها مع دول العالم.
وأوضح الطيب أن المنظمة الدولية كانت أعلنت تقريرها عن العام 2014م في التاسع من ديسمبر من ذات العام.

الجريدة


تعليقات 8 | إهداء 0 | زيارات 5058

التعليقات
#1405352 [خالبوش]
0.00/5 (0 صوت)

01-25-2016 03:56 PM
حلم الجعان رغيف!

[خالبوش]

#1405336 [salah]
5.00/5 (2 صوت)

01-25-2016 03:32 PM
شفافيييية ؟ سودانية؟ بالله عليكم كدي أول حاجة نضفوا حمامات المطار دي.

[salah]

#1405333 [Zorba]
5.00/5 (1 صوت)

01-25-2016 03:30 PM
منظمة حزب البشير .... وكمان لشفافية .... ولا قصدك الموية والنار .... الاتنين ديل ما بتلموا مع البعض.

منظمة حزب البشير للشفافية تتوقع تقدماً إيجابياً للسودان في "قائمة الفساد"

قائمة الفساد دي بينشرها منو؟ مش نفس المنظمات و الجهات البيتقولوا عنها انكم لا تعترفون بها و بيقول عنها البوق ربيع عبد العاطي انها جهات عملية وان لديها اجندة خرجية و مؤمرات تحاك ضد السودان. الآن بتعترفوا بيها ليه؟
قبل ما تعترفوا بهذه النمظمات و الجهات الدولية كان الاجدي اولا الانصياع لمحكمة العدل الدولية "اهو كله دولي" و المتأكد من شفافيته و ذمته بينوم قرير العين و ما بخاف لا من قانون و لا محكمة دولية انتوا خايفين من المحكمة ليه؟ لأنكم متأكدين انكم ستتم ادانتكم و ستحاسبوا حساب عسير و الدليل انكم من رئيسكم احتفلتوا براعي غنم شريف و امين لان الشرف و الامانة لا يتوفر فيكم و اصبحت الامانة و الشرف النابعة من السلوك الانساني الفطري الطبيعي في زمنكم ميزة نادرة يتم الاحتفاء بها. فما دخلنا بشفافيتكم؟ اتقصدون شفافية ملابسكم؟ ملابسكم صحي نضفت بعد ما كنتوا وسخانين و جرابيع و فقرانين و مقاطيع ... ويجب ان تحتفلوا بعدم الشفافية بدلاً من محاربتها لأن عدم الشفافية هي التي لبستكم الملايس الشفافة و الحرير.

[Zorba]

#1405221 [adam mohamad]
5.00/5 (1 صوت)

01-25-2016 12:09 PM
يا كيزان انتو بتخشو منو اي شفافية انتو بتتكلموا عنها واي تقدم في اللائحة ياخي البشير واعوانه هم اصلا الفساد والفساد قال بري منهم والشيطان زاتو وقف في العقبة وقاعد يتفرج ومحتار فيهم كيف انهم فاتوهوا في الخباثة

[adam mohamad]

#1405186 [الاختشوا ماتو]
5.00/5 (1 صوت)

01-25-2016 11:14 AM
انتو طبعا يا الطيش يا تانى الطيش ما تعشمو فى ترتيب احسن من كده والله نحنا الطيش زاتها شايفنها كتيرة عليكم وما بتستحقوها قرف يقرفكم يا لصوص يا تجار الدين يا سفلة يا اوغاد يا خلفاء ابليس فى الارض

[الاختشوا ماتو]

#1405184 [سيد الاسم]
5.00/5 (1 صوت)

01-25-2016 11:11 AM
تتوقع منظمة (الشفافية) السودانية .. آآآآآآآآآآآآ
توقعوا انتو بس
هسي المنظمة المتوقعين منها دي ما قلتوا مسيسة و ما بتعترفوا بيها لانها مغرضة ..

[سيد الاسم]

#1405182 [aldufar]
5.00/5 (1 صوت)

01-25-2016 11:09 AM
ابسط العدل يا ناس منظمة الشفافية بين الناس وطبقوا القانون على الرئيس و الوزير او بن الوزير ولا تاخذكم بهم رحمة فقد اصبح السودان من اكبر البلدان فسادا بشهادة منظمات عالمية بالله اليس عيبا في حق اهل السودان دولة تكون فاسدة.
ورافعة شعار الاسلام والدين ؟ ااتغشون الله ام شعبكم المسكين .


ابسطوا العدل بين الناس وان لم يحدث ذلك فانتظروا عذاب واصل لكم .


متى تصدقوا لله يا اهل الحكم ؟؟؟؟؟ فاكرين الدنيا دي على طول انتم فيها ناسين ظلمة القبر المنتظرة.

[aldufar]

#1405174 [aldufar]
5.00/5 (1 صوت)

01-25-2016 11:00 AM
منظمة الشفافية لو بسطت العدل بين اهل السودان فلن تستقيم حال السودان ولا شعبه.

واذا لم يتم محاسبة من يخطيء ايا كان وزيرا اورئيسا فلن ينصلح حالنا .

واذا لم نرجع ونخلص لله حكومة وشعبا فان حالنا ستزاد سوءً يا شعبي الفضل.


العيب في الشعب السوداني اولا لان مصلب هذا الشعب آتى هؤلاء الوزراء وهذه الحكومة اذا الفساد ات من الشعب نفسه ولو لم يخلص هو فاننا لن ناتي بمخلصين لادارة حكم البلد .

ابسطوا العدل بين الناس يا منظمة الشفافية وطبقوا قانون من اين لك هذا على الصغير والكبير ولا كبير على القانون والبت باسرع ما يمكن في اي قضية فساد.

نحن نريد ان نعمل بلد مش خرابة كماهو الحال الآن؟

[aldufar]

ردود على aldufar
United States [Lila Farah] 01-26-2016 11:01 AM
اضافه لمعلومات خالد عمار بخصوص الطيب مختار
فهو أيضا حرامي ونصاب كبير كما وصفه عماد الدين حسين
مدير عام سوداتل السابق الذى هو ايضا حرامي ونصاب وبلاعة
عمولات حسب تقارير شركة هواوى الصينيه عن حجم العمولات والرشاوى
التي دفعتها في السودان وكل موظفي سوداتل الكيزان عارفين المعلومات
دى بس مافي زول فيهم يجرؤ علي ان يقول البغله في الابريق.

[خالد عمار] 01-25-2016 12:15 PM
كدي اول حاجة اسالو الطيب مختار دا اولا من سيرتو الذاتية، ياخي دا كوز ما عندو اي قدرات جابو جهاز الامن ومشغلو في المنظمة قطعا لطريق اي محاولة لإنشاء منظمة شفافية حقيقية، وطبعا دا في إطار استراتيجية النظام وهي اختطاف وتزييف قطاع منظمات المجتمع المدني وذلك بإنشاء منظمات كرتونية..الطيب مختار كان شغال في سودان تيل وفي نفس الوقت مدير إدارة في وزارة العمل..ومكلف بإدارة منظمة الشفافية وتجيير نشاطها ما يخدم النظام..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة