الأخبار
أخبار إقليمية
برلماني يطالب بإسقاط عضوية طه وقوش والجاز والفاتح عز الدين
برلماني يطالب بإسقاط عضوية طه وقوش والجاز والفاتح عز الدين
برلماني يطالب بإسقاط عضوية طه وقوش والجاز والفاتح عز الدين


نسبة حضور النواب خلال الدورة الماضية ٥٤٪ فقط،
01-26-2016 10:49 AM
البرلمان: سارة تاج السر
طالب النائب البرلماني المستقل ممثل الدائرة (٧) عد الفرسان ولاية جنوب دارفور، محمد الطاهر عسيل، رئيس البرلمان ابراهيم أحمد عمر بتطبيق لائحة الانضباط واسقاط عضوية النواب المتغيبين من الحزب الحاكم دون اذن مسبق أو عذر، كعلي عثمان محمد طه، صلاح قوش، عوض الجاز، الفاتح عز الدين.
واتهم عسيل رئاسة البرلمان بتمرير القوانين واجازة بيانات الوزراء دون اكتمال النصاب القانوني، واضاف "احياناً بنكون اقل من الـ١٠٠"، واشار الى ان نسبة حضور النواب خلال الدورة الماضية ٥٤٪ فقط، بينما شكل الغياب بإذن ٢١٪ ودون اذن ٢٥٪ وفقاً لإفادة أحمد عمر في آخر جلسة.
وتعهد عسيل بعدم تمرير أي قانون أو لائحة من الآن فصاعداً دون اكتمال النصاب القانوني للمجلس، وذكر "حأقيف في كل جلسة وأطلب من الرئيس يحسب عدد الحضور"، وقال إن اللائحة صممت في جزء من موادها لمحاربة النواب المستقلين بينما نفس اللائحة لا تستخدم لمحاسبة النواب المتغيبين.
وتابع: "في ناس ما شفناهم دورة كاملة، ولو طبقوا عليهم اللائحة ما بخشوا تاني البرلمان"، وضرب امثلة بالنائب الاول السابق للرئيس علي عثمان محمد طه، رئيس جهاز الامن السابق صلاح قوش، رئيس البرلمان السابق الفاتح عز الدين، واشار الى ان حضورهم يأتي مقروناً بحضور الرئيس عمر البشير او في حالة الحشد لمناسبة ما.ز
واردف ان اللائحة تعطي الرئيس الحق في انذار العضو حال تغيبه ٦ جلسات وتسقط عضويته اذا غاب دورة كاملة دون عذر اذن مسبق.

الجريدة


تعليقات 8 | إهداء 0 | زيارات 3839

التعليقات
#1406306 [حكيم]
0.00/5 (0 صوت)

01-27-2016 12:05 PM
ولك الشكر أيضا علي رحابة صدرك وسماحة طبعك وحرصك أن تخطو مؤسسات بلادنا للأفضل ولكن بما لك من تجربة برلمانية وما كونته عنك من خلال ردك أنا علي يقين من تفهمك للردود ومدي مطابقتها للواقع المؤلم لك التحية يا عسل

[حكيم]

#1406124 [عسيل]
5.00/5 (1 صوت)

01-27-2016 07:33 AM
شكراً للجميع، رسالتكم وصلت، وانا ما قلت أصلاً الأمور بتتغير بالساهل و لكن يجب أن نبدأ مما نواجه من مصاعب كبيرة كانت أم صغيرة. و أكرر أنا شخصياً أصلا ما كلب لا لي نظام و لا لي أي جهة. أنا حر مستقل و ما جابني زول و كنت و الله متمني ينزل ضدي واحد من حزبهم و لكن انسحبوا أما موج التغيير. أكرر أنا ما كلب أنسان حر أستطيع أرسل رسالتي في أعلى المراتب. أحترمكم جميعاً لإارجو أن نتبادل الإحترام

[عسيل]

#1405936 [عبدالحميد البراري]
5.00/5 (1 صوت)

01-26-2016 06:25 PM
يا محمد الطاهر عسيل زمان القذافي في ليبيا عامل برلمانات في الاحياء لللجان الشعبيه وبعدين موتمر الشعب العام وقاعه كبيره ملانه فل بالناس الوهم الزيكم ديل يناقشوا ويكوركو واخيرا يرفعوا التوصيات للقذافي بعد جلسات ومناقشات والتلفزيون الليبي كل يوم ينقل في الجلسات دي اخيرا التوصيات تمشي للقذافي في مكتبه كان يمد ايدو ويجر سله للمهملات من تحت الطاوله ويقذف باوراق التوصيات فيها لتمشي مع الوسخ ويحكم في ليبيا بما يجود عليه دماغو بخزعبلات الناس كلها بتعرفها . دحين ياخوي انت عاوز علي عثمان وصلاح قوش يجوا يحضروا معاكم وهم اصلا جايبنكم ياوهم تمثيليه والقرارات اصلا متخذه مسبقا هم مافاضين يضيعوا وقتهم في شي اصلا هم عارفنوا . لكن لو انت دايرهم امشي دبي بتلاقيهم مع بزنسهم وشركاتهم . انتو كلاب حر ساكت ياخوي

[عبدالحميد البراري]

#1405877 [احمد]
0.00/5 (0 صوت)

01-26-2016 03:51 PM
افرض كل النواب حضروا بنسبة100%حا يعملو شنو

[احمد]

#1405778 [تكس راجع]
5.00/5 (1 صوت)

01-26-2016 12:20 PM
لو جو حيغيرو شىء كلكم فى الهواء سواء

[تكس راجع]

#1405760 [أب أحمد2]
5.00/5 (1 صوت)

01-26-2016 12:02 PM
وأنت مصدق انه ده برلمان؟؟؟؟؟؟

[أب أحمد2]

#1405734 [ابوجاكوما]
5.00/5 (3 صوت)

01-26-2016 11:25 AM
ياالشيخ محمد طاهر عسيل والله إنت عسل
يعني عايز سيادة النائب الأول لريس الجمهورية سابقا
يجي يجلس معاكم !!! ليه ويسوي شنو !!!
وقوش سعاته
وشيخ الفاتح يخلي .... لي منو !!!
واتو ذاتكم بتسوووو في شنو يعني يمكن إنت الوحيد الجايب خبر الجماعة ديل
في وحدين من يدخلوا ويتوسدوا ضهر الكرسي بعد كباية شاي الصباح المدنكل وبعدها البوفيه المفتوح والليمون الحلو داك تاني مادايرين حاجة .. وتسمع إلا الشخير
طلب خاص ياشيخ عسيل راغبهم وسجل أسماءهم وأديهم الرئيس لوما هو ذاتو يكون نايم
الله يعينك .. حتقعد براك في المجلس دا

[ابوجاكوما]

#1405713 [مجمود]
3.00/5 (2 صوت)

01-26-2016 11:07 AM
هذه قيادات يا شيخنا مش جايين من عد الفرسان اوعد الغنم علشان يجو كل جلسة زيك وديل مشغولياتهم كثيرة موش فاضيين يجو كا جلسة

[مجمود]

ردود على مجمود
Hong Kong [Bashar Abo Ahmed] 01-27-2016 02:52 PM
.هذه قيادات يا شيخنا مش جايين من عد الفرسان اوعد الغنم علشان يجو كل جلسة زيك وديل مشغولياتهم كثيرة موش فاضيين يجو كا جلسة

وانت ياسيد محمود واحد من مطبلاتيه القيادات ديل هههههههههههههه سبحان الله انت عنصرى وجهوى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة