الأخبار
أخبار إقليمية
وزير الدولة بالتجارة يؤكد أهمية تفعيل المراكز التجارية بالسفارات السودانية للترويج للصادرات السودانية
وزير الدولة بالتجارة يؤكد أهمية تفعيل المراكز التجارية بالسفارات السودانية للترويج للصادرات السودانية


01-26-2016 08:21 PM
(سونا) - أكد الصادق محمد علي حسب الرسول وزير الدولة بوزارة التجارة اهمية تفعيل المراكز التجارية بالسفارات السودانية للترويج للصادرات السودانية مما يخلق فرص للصادر وفتح أسواق عالمية خاصة السوق الأفريقي الذي يعتبر السودان بوابة له عبر منظمة الكوميسا مما يزيد من حجم الصادرات في البلدين .
واشار لدي لقائه اليوم للوفد السعودي المشارك بمعرض الخرطوم الدولي برئاسة اسامة العجان والوفد الاماراتي برئاسة سالم بن محمد العبدولي عضو غرفة التجارة والصناعة بالفجيرة ، بحضور وكيل الوزارة هاشم محمد أحمد ، الي اقامة بني تحتية لتنمية الصادرات السودانية مما يساهم في تطويرها وفق الجودة العالمية علي صعيد المثال صادرات الحلال من اللحوم السودانية .
وقال وكيل وزارة التجارة " اننا نسعي لزيادة حجم التبادل التجاري بين السودان والمملكة العربية السعودية وتنمية قدرات العاملين في التجارة والاستفادة من التجربة السعودية في المجالات التجارية.
من جانبه أكد اسامة العجان رئيس الوفد السعودي علي العلاقات التى تربط البلدين وضرورة زيادة حجم التبادل التجاري وتذليل العقبات التي تواجهها، كما اشار الي مشاركة المملكة في الدورات القادمة لمعرض الخرطوم الدولي .
الي ذلك قال الاستاذ سالم بن محمد العبدولي عضو غرفة التجارة والصناعة بالفجيرة الي تطوير العلاقات التجارية بين السودان والامارات .


تعليقات 12 | إهداء 0 | زيارات 1263

التعليقات
#1406412 [ابوجاكوما]
0.00/5 (0 صوت)

01-27-2016 03:47 PM
يا ناس الحكومة المنتوجات والخيرات السودانية تحتاج لثقافة تصديرية
نظافة سلعة ونظافة ناس ونظافة تعبئة يعني نوع خاص للتصدير ولكل جهة ليها ثقافتها في استقبال السلعة والترويج عن طريق السفارات حيبقوا ليكم تجار وهم أصلا شغالين الله ينور .. خلو التصدير للتجار المختصين إن وجدوا ويتم التسهيل لهم
وليست احتكارا على تجار المؤتمر والنسب ال........

[ابوجاكوما]

#1406400 [Rebel]
5.00/5 (2 صوت)

01-27-2016 03:16 PM
* خليكم واقعيين:
* أين "حب البطيخ" و "القرض" و "البخور و الحنه" و "بخور التيمان" و "الدكوه" من قائمة الصادرات "التأصيليه" يا وزير التجاره!!
* انسب شخص لمنصبك هذا هو شيخ الأمين, شيخ "الجكس"!..على ان يتم تعيين "الجكس" من الحيران و المريدين, كملحقين تجاريين بالسفارات السودانيه!!
* و بدريه سليمان و ندى القلعه وزراء دوله بوزارة التجاره!

مش كده و لا إيه!!!


.

[Rebel]

#1406305 [المهاجر]
0.00/5 (0 صوت)

01-27-2016 12:00 PM
لا حول ولا قوة الا بالله
كما خرجتم من قبل عن العمل الدبلوماسى ببيع الكمونيه والشكشوكه والفول
الان الكركدى والقنقليز

ماذ بعد ,,,,,,

[المهاجر]

#1406273 [aldufar]
0.00/5 (0 صوت)

01-27-2016 11:07 AM
ما تنسو الخشاف ، وعرق الحبهان ، والتسالي ، وذكر التمساح ، يعنى عطارة من نوع عالمي ابشروا ي اهل السودان ،،،،،،

بدل الدولة تعرض المنتوجات الجلدية وعلى احدث طراز ديرن اعملوا السفارات عطارات عيش ووداحمد ، والدخن والله اياة التوجه الحضاري القالوا البشير في ايامه الاولى اصبحت السفارات مكان لبيع العطارة .


ما شاء الله والله اصبحتم مثل جنوب في صنع السلاح والطائرات ،

خيبة عليكم خيبة عليكم خيبة عليكم بالله انتو حكام يرجوا منكم تطوير البلد.

[aldufar]

#1406271 [الناهه]
0.00/5 (0 صوت)

01-27-2016 11:03 AM
الموضوع لا يستحق معرض
كفاية بترينه فيها صحن كركدي وصحن سمسم وصحن قرض وصحن سنامكه وصحن صمغ عربي وصوره لخروف
ومافي داعي لعرض القطن المحور وراثيا لانه خشن جدا ومافي محالج تستطيع حلجه وانتاج عامين في مخازن بورتسودان ومافي زباين ولا يصلح الا مراتب نوم بس
اما معرض في كل السفارات دي عملية فساد وسفريات وبدلات ولربما صفقات مشبوهه
ما عندنا حاجة لمعارض وتضخيم الغرض منه معروف
كفايه البترينه

[الناهه]

#1406163 [aldufar]
0.00/5 (0 صوت)

01-27-2016 08:38 AM
يعني سفارتنا من بعد اليوم ح تكون فيها عطارة ههههههههههههههههههههههههه تبيع القرض والدكوة والكركدي وما شابة ذلك عشنا وشوفنا .

يا ريت لو محمد احمد المجحوب او صلاح احمد ابراهيم اعطوا فرصة ليروا الحكومة السودان ماذا فعلت باهل السودان من بعدكم.

وشوف كتابك الديمقراطية في الميزان لقد حدث كل ما تفضلت به لله درك لك الرحمة والمغفرة ووالله قبرك افضل ممن يحكومنا الآن؟؟؟؟؟؟

[aldufar]

#1406121 [Ashred]
0.00/5 (0 صوت)

01-27-2016 07:25 AM
مش لما يكون فى صادرات ياباشا
انت وين عايش

[Ashred]

#1406081 [Zorba]
5.00/5 (1 صوت)

01-27-2016 01:57 AM
عروض خاصة بالسفارات: استخرج رقم وطني و جواز سفر و خد معاهم هدية من الصادرات السودانية حسب رغبتك
1. نبق 2. قونقليز 3. قرض 4. كركديه 5. ويكة 6. دخن 7. كاول 8. شوال فحم 8. صمغ عربي 9. فوفليه 10. سمسميه 11. حلاوة مولد 12. قضيم 13. فسيخ 14. دلكة 15. خمرة 16. طلح 17. لبان بخور 18. زيت سمسم 19. ملاح تقلية 20. كجيك وووووووو

تُرفق اكياس تعيئة الصادرات السودانية مع مستندات استخراج الرقم الوطني و الجواز مع الصور الفوتوغرافية و صورة من جواز السفر.

[Zorba]

#1406035 [الحق ابلج]
5.00/5 (1 صوت)

01-26-2016 10:54 PM
يا ساتر حتى الترويج للسلع السودانيه ما كنتو عاملنو ولا عأرفين اهميتو . يا دوب ذكروكم ناس السعوديه والفجيره بالموضوع ..؟؟؟ والله انتو كوارث .
طبعا مفتكرين انو دور السفارات هو مجال راحات وعنطظه وجبايات وطبعا تجسس على السودانيين وتضييق . ومقابل كده بتصرفو بالدولار .... ان شاء الله ما تنفعكم يا رب .

[الحق ابلج]

#1406021 [العرب المستعربة]
0.00/5 (0 صوت)

01-26-2016 10:22 PM
يا وزير اكتفي ذاتيا بعدين صدر

[العرب المستعربة]

#1405996 [خليفة احمد]
5.00/5 (1 صوت)

01-26-2016 09:09 PM
ياود حسب الرسول انت من زمن السفارات السودانية فيها ناس تفهم في التجارة اوالثقافة او......الح...سفاراتنا ياباشا عبارة عن وحدات امن كاملة الدسم وشغاله بالمهاجر او المغترب فلان الفرتكاني قال وسو علما بان اكتر من كلام هذا المغترب مبذول في وسائل الاعلام والتواصل داخل السودان ،،،لكن وبما انهم لايجيدون مهنة غير القيل والقال فانهم يجتهدون فيها بصورة شنيعة يعاونهم بعض الانتازيين وعديمي المواهب والكفاءة من المغتربين،،،صادر شنو البروجو ليهو هم فاضين لكلام فارغ. ،،،

[خليفة احمد]

#1405995 [عبدالحميد البراري]
5.00/5 (1 صوت)

01-26-2016 09:08 PM
الموجوده في الصوره دي رغم انو بتصدروها بطريقه متخلفه شديد لانها بتصدر خام وغير مصنعه من زمان . ولكن الان الانقاذ نشفت البلد من اي شي ومافي انتاج ومافي تصدير في بس حراميه

[عبدالحميد البراري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة