الأخبار
أخبار إقليمية
حكومة الخرطوم تحذر المخابز من بيع رغيفتين بجنيه
حكومة الخرطوم تحذر المخابز من بيع رغيفتين بجنيه
حكومة الخرطوم تحذر المخابز من بيع رغيفتين بجنيه


01-28-2016 04:10 PM

الخرطوم – خضر مسعود
كشف عادل ميرغني، نائب الأمين العام لاتحاد المخابز بولاية الخرطوم، أن دعم غاز المخابز من شأنه أن يوفر (20%) من التكلفة، فضلا عن أنه يسهم في الحفاظ على البيئة، ويمنع لجوء أصحاب المخابز لاستخدام الحطب، مشيرا إلى توجيهات وصفها بالصارمة، صدرت من وزارة المالية وشؤون المستهلك في الخرطوم، بعدم بيع رغيفتين بجنيه، والالتزام ببيع الثلاث بجنيه، وأشار عادل في تصريحات صحفية أمس (الأربعاء)، إلى تكوين لجنة لحصر المخابز على مستوى السودان، لمعرفة حاجتها الحقيقية من الغاز، وقال إن هناك باخرة محملة بـ(30) ألف طن دقيق ستصل إلى ميناء بورتسودان

اليوم التالي


تعليقات 7 | إهداء 0 | زيارات 2637

التعليقات
#1407178 [ALwatani]
0.00/5 (0 صوت)

01-29-2016 09:42 AM
الناس ديل فبركوا ازمة الغاز ليزيدوا السعر واصبح ثلاثة اضعاف

وقبلوا للدقيق هيفبركوةليصبح الجوال 400

وواليك للاسف الناس دى اتعلمت لخم الدولار من ايام البترول فصعب عليهم العيش هم وازواجهم نسايبهم الكل يوم سفر لاروبا حتى رئيس المجلس الهرم وبدرية ابنتها من زوجها السفير زوجها بيصرف بالدولار ليدير بت السفار وكثير من السفراء هم فى الخارج يلموا فى الدولار السودانى وزوجاتهم مستزورات بالمؤسسات الدوله ايضن يحولن الدولار والذهب السودان عبر كبار الزوار الى الخارج وعلما جميع ابنائهم لايعرفوان عن السودان الا الجواز الدبلماسى وحتى بعد زواجهم يحملونة "دى كارثة السودان "

[ALwatani]

#1407011 [abushihab]
5.00/5 (3 صوت)

01-28-2016 08:28 PM
ما كانو اربعة بالف جنيه وصارو تلاتة, ايه يعني لو صارو اتنين.....(لاتنسو الف جنيه
مش واحد جنيه) بلاش تضليل.

[abushihab]

#1406961 [جركان فاضى]
4.50/5 (5 صوت)

01-28-2016 05:33 PM
اوووووووووووو...الكلام دخل الحوش....ماتبيعوا رغيفين بجنيه...بيعوا تلاتة رغايف بجنيه....تلاتة رغايف ضعيفة مش سمينة زى الاول...واعلان النظام ان هناك باخرة دقيق جاية للسودان يكشف ان هناك ازمة دقيق كبيرة ستحدث... ماقلت ليكم الكلام دخل الحوش....قروش الميزانية سوف يكون مصدرها رفع اسعار المواد الغذائية...فيا شعبنا السوداني القادر يستمتع بالدنيا فليواصل استمتاعه...والمغلوب على امره فليغادر سريعا لاكمال استمتاعه فى الاخرة...والمغلوب على امره 90% من الشعب

[جركان فاضى]

ردود على جركان فاضى
[ALIIIIIIIIIIIIIIIIIIIIIIIIIIIIII] 01-28-2016 11:55 PM
بكرة يقولو في ندرة وبعده يقولو لينا ده ابتلاء من الله كالعادة وبكرة يعلنو رفع الدعم الخرافي الهلامي بتاعهم وبالتدريج بعدو يجي البنزين والجازولين وبعدو السكر وكلو مرة بنفس الاعذار الطفولية الاستعباطية الغبية ذي عذر في باخرة جاية في السكة وبكرةياجركان فاضي يااخوي يقولو ليناالباخرة اتاخرت عشان الحظر وماقدرنا نحول القروش عشان كده الباخرة ماقدرت تجي يعني نفس السيناريو البايخ بتاع الغاز والناس ترجع تقيف ده كلو عشان في النهاية من 3 عيشات لعدد 2 عيشة او واحد عيشة ده كل الفهم ..تكرار لنفس السيناريو ده يوريك انو الكيزان ديل اعبط واهبل مخاليق الله علي الارض

[Truth] 01-28-2016 09:10 PM
امس صرحوا بأن المشكلة هى سوء الترحيل لانهم تعاقدوا مع مرحل واحد فقط اليوم اصبحت مسألة باخرة قادمة بكرا لا نعرف العذر الجديد ارجو تعيين منسق للتصريح تفاديا للحرج حتى الفران بقى ناطق رسمى للدولة و فى النهاية انتو ما عندكم دولار و ماتكذبوا على نفسكم


#1406947 [عبد الله البعيو]
4.50/5 (3 صوت)

01-28-2016 05:03 PM
إنتو لمن قررتوا ترفعوا سعر كيلو الغاز أخدتوا في الاعتبار ناس المخابز ديل ولا المسألة كده ماعون جديد للجباية العشوائية؟!!!

[عبد الله البعيو]

#1406941 [السنجك]
4.50/5 (3 صوت)

01-28-2016 04:50 PM
قبل مايكون سعر الانبوبة 75جنية كانت الرغيفتين ب واحد جنية...
الله يستر ماتكون نص الرغيفة ب واحد جنيه...

[السنجك]

#1406937 [فدائى]
4.50/5 (3 صوت)

01-28-2016 04:41 PM
العيشه الواااحده حتبقى ب خمسه جنيه اذا لم يذهب كيزان الخراب فى خلال شهرين

[فدائى]

#1406936 [ودالفاضل]
4.50/5 (3 صوت)

01-28-2016 04:41 PM
معقول رغيفتين ضنب فار ب جنيه , وبعد شهرين الرغيفه الواحده ب جنيه وبعد سته شهور ( شمة ريحة ) الرغيفه ب جنيه وبعد سته شهور اخري حاتبدا المجاعه , الله يكضب الشينه , والمسؤولين قاعدين يحذروا ويفزروا ولا زييه لزياده الإنتاج .

[ودالفاضل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة