الأخبار
أخبار إقليمية
فقراء اليوم..ثوار الغد
فقراء اليوم..ثوار الغد
فقراء اليوم..ثوار الغد


01-29-2016 11:47 PM
كمال كرار

الحد الأدني للأجور لغاية الآن يساوي 426 جنيه،وأسطوانة الغاز الصغيرة زنة 12.5 كيلو جرام بمبلغ وقدره 75 جنيهاً،أضف الترحيل بالرقشة لأقرب مكان وهو 5 جنيه،إذن تكلفة ملء الأسطوانة زائداً الترحيل يعادل 80 جنيه.

حلة الملاح الفقيرة لأسرة صغيرة بها 4 أشخاص ،تحتوي علي ربع كيلو (عضم)وليس(لحم)،بقيمة 6 جنيه ،وبصل بقيمة 2 جنيه،وزيت ب 2 جنيه،وبهارات بواحد جنيه ،ومعلقتين ويكة ب 3 جنيه،زائداً 4 رغيفات بي واحد جنيه إذن المجموع يساوي 15 جنيه.

أضرب ال15 جنيه في 30 يوم والحاصل 450 جنيه،أضف ثمن الغاز والبالغ 80 جنيه،والمجموع 530 جنيه.
افترض أن الأبناء خارج أي مدرسة،والأم ربة منزل،وأن الأب وحده (يمتطي)المواصلات إلي مكان عمله ذهابا وعودة بمبلغ في حده الأدني 3 جنيه في اليوم،أضرب في 22 يوم وهي أيام العمل الرسمية والحاصل 66 جنيه.
افترض أن كل من في البيت يستحم كل يوم بصابونة غسيل ،وبقية(البروة)تغسل بها الملابس،والصابونة ب 2.5 جنيه،أضرب في 30 يوم والحاصل 75 جنيه.

لا يتذكر أفراد الأسرة المعجون ولا يتعاملون به،ولا يشربون الشاي ولا القهوة،ولا يعرفون طعم السكر أو الفواكه.
يدفع رب الأسرة قسراً كل شهر الجبايات التالية،رسوم نفايات 15 جنيه،مياه 16 جنيه،كهرباء(200 كيلووات)وضرائبها 33.5 جنيه.
تؤجر الأسرة غرفة واحدة،في مكان بعيد في العاصمة،ومعها(حفرة)تسمي(بيت الأدب)بمبلغ وقدره 300 جنيه في الشهر،وهو إيجار زهيد لأن صاحب الغرفة يضع تقديراً لحال الأسرة الذي لا يخفي علي احد.

النفقات الشهرية لهذه الأسرة،التي تأكل صحن ويكة واحد في اليوم ،وليس بمقدورها الذهاب لمستشفي أو طبيب،ولا يستطيع أولادها التعلم لأنها غير قادرة علي دفع رسوم المدارس،أو سندوتش الفطور،تبلغ في حدها الأدني 1035.5 جنيه.
وبالتالي فإن الأسرة تعاني عجزاً شهرياً في ميزانيتها يبلغ 609.5 جنيه،تغطيه بالإستدانة من الدكاكين .

ولو كان في السودان حكم ديمقراطي عادل،فإن هذه الأسرة وبنفس هذا المرتب،ستأكل 3 وجبات في اليوم،لأنها ستشتري احتياجاتها من الجمعيات التعاونية المدعومة،حيث الرغيفة بعشرة قروش،وكيلو اللحم بواحد جنيه،وسيتعلم الأولاد مجانا في المدارس ويتعالجون مجاناً في المستشفيات،وستوفر لهم الدولة سكناً شعبياً محترماً .

وعندما يسقط الشعب هذا النظام الفاسد،سيصبح سعر ملء أسطوانة الغاز(زنة 12.5 كيلو) واحد ونص جنيه،لأنها لا تكلف إلا واحد جنيه و20 قرش كما هو معلوم،وسيتم التوزيع بواسطة شركة الغاز الحكومية،وعندها يختفي سماسرة الغاز،والشركات التي تستغل المواطن،ومن بينهم مقاول (من الباطن)...

ويختفي من ضمن ما يختفي مجلس(البصمة)،الذي تبلغ مرتبات أعضائه في السنة 56 مليون جنيه(56 مليار قديم)،ونفقات تسييره من بنزين وخلافه 64 مليون جنيه(64 مليار قديم)،ولو قسمنا ميزانيته علي أعضائه البالغ عددهم (354)لوجدنا أن نصيب كل منهم يساوي 28.3 ألف جنيه(28.3 مليون جنيه قديم)،بخلاف الحرابيش،ومعناها أن مرتب العضو يعادل مرتب 66 عامل،وبالتالي فلا يهمهم ارتفاع سعر الغاز،طالما كانوا سدنة(الإنقاذ).

[email protected]




تعليقات 20 | إهداء 0 | زيارات 5300

التعليقات
#1407806 [الراجل]
0.00/5 (0 صوت)

01-31-2016 01:30 AM
يا استاذ كمال اظنك عايش بره السودان وما جايب خبر وكلامك ده ما صاح نحن ساكنين فى حى كافورى وكل يومين بنضبح خروف تمنه 2 الف جنية يعنى اتنين مليون والجداد والسمك راقد عندنا هبطرش يعنى يوميا بناكل تلات وجبات الفطور لحمه محمرة والغدا جداد من فندق السودان هو سمو شنو اسع والعشاء سمك بحرى بجيبو لينا السواقين بتاعين عربات الاولاد البودوهم المدارس الانحليزية ما السواقين البفسحوا نسوانا الاربعة ومعاهم الاولاد ما عارفين بجيبوا من وين لكن سمك خطير المحل اسمو بيت الاسماك اظنو فى بحر الكيلو بى 200ج بس ما غالى والله الشفع غلبونا بقينا ما عارفين اساميهم بقو كتار ما من اربع نسوان والمشغوليات بقت كتيره من الوزاره لى مجلس ادارة البنك لى المجلس الوطنى والله جارين جرى شديد الله بس يكون فى عونا ده كلو عشان نحل مشاكل الناس البتتكلم عنهم ديل ياخى ديل عبارة عن شماسة ومشردين ربنا يجعله فى ميزان حسناتنا وتعال
صلى معانا الجمعة الجاى فى مسجد النور واسمع مولانا عصام احمد البشير وشوف الناس نضيفه ومبقبقه وشوف نوع العربات الفارهه الواقفة بره عشان تامين نحن عايشين فى نعيم وما تصدق كلام العملاء والمأجورين ما اطول عليك بس احب اطمنك البلد البلد بخير وكل واحد عنده عماره عمارتين ومزرعة مزرعتين والحمد لله ياخى خليك رجل تقى وقوى وامين وانشالله ربنا بفتحها عليك وسيبك من الشماسة ديل

[الراجل]

#1407752 [الفاتح]
0.00/5 (0 صوت)

01-30-2016 09:36 PM
أقوى الثورات ستكون من الجياع لا معارضه حتنفع ولا غيرها عندما يهب هؤلاء الجياع في أوجه الظلمه ستكون هي الثورة الحقيقية وخليهم يجوعوا الشعب وهم لا يدرون أن هؤلاء الجياع هم الذين سيرمون بهم في مزبلة التاريخ ...وقربت وهم في غيهم سادرون

[الفاتح]

#1407741 [المسلمي]
0.00/5 (0 صوت)

01-30-2016 08:43 PM
ياخي ما تبقي رئيس وتريحنا

[المسلمي]

#1407735 [خالبوش]
0.00/5 (0 صوت)

01-30-2016 08:23 PM
أتحدى البشير وكيزانه جميعاً أن يقرأوا هذا المقال ويردوا على كلام كرار في الإعلام! (وسيعلم الذين ظلموا أي منقلب ينقلبون)

[خالبوش]

#1407734 [خالبوش]
0.00/5 (0 صوت)

01-30-2016 08:21 PM
أتحدى البشير وكيزانه جميعاً أن يقرأوا هذا المقال ويردوا على كلام كرار في الإعلام!

[خالبوش]

#1407725 [الدرب الطويل]
0.00/5 (0 صوت)

01-30-2016 07:42 PM
ثورة الجياع لا ترحم.. لان الغبن يولد الانتقام.. لنا في رومانيا عبرة..
شدوا حيلكم يا ابالسة.. ما فعلتوه في السودان لم ولن يفعله غيركم..

[الدرب الطويل]

#1407692 [[email protected]]
5.00/5 (1 صوت)

01-30-2016 05:24 PM
قال تعالي (ولا تحسبن لله غافلاً عما يعمل الظالمون إنما يؤخرهم ليومٍ تشخصُ فيه الأبصار) الي قوله تعالي:(إن اللهَ عزيزٌ ذو إنتقام) سورة إبراهيم الآية ٤٢ـ٤٧ . بس أنا عايز الناس ترجع لربنا تصلي وتتصالح مع ربنا ومع بعض والناس تعيش كأسنان المشط وديل خلوهم لربنا بأدبهم وسوف ينتقم منهم بس كده قولوا لا حول ولا قوة إلا بالله بصدق ومن وتشوفوا.

[[email protected]]

#1407613 [bokolo]
0.00/5 (0 صوت)

01-30-2016 01:49 PM
الله المستعان

[bokolo]

#1407593 [القلم الحر]
0.00/5 (0 صوت)

01-30-2016 01:18 PM
تقديراتك خطا الواقع اكتر من ذلك بكتير

[القلم الحر]

#1407567 [لون النيل]
0.00/5 (0 صوت)

01-30-2016 12:18 PM
انت ماسمعت كلام الرئيس ولا شنو يا استاذ كمال الرئيس قال اي زول راتبو مايكفي ولا حق حلة الملاح ينقص ولا ما يلقة حق العلاج علي طول يمشي علي وزارة الضمان الاجتماعي وتقول ليهم ان فقير وعاوز قروش الدواء والغاز وحق المدرسة علي طول بطلعو ظرف فيه 5 مليون وطبعاً دا اقل ظرف موجود عندهم شفتي كيف يعني تاني خلاص كل الناس المساكين ديل مع وزارة الضمان مشاكلهم اتحلت لذلك قررت الوزارة بعدما اصبح لديها فائض فتح مكتب وزاري في كل ولاية بعدما تم الاكتفاء الذاتي لكل فقراء الخرطوم الذينا كان يتجاوز عددهم 3 مليون مرتباتهم اقل من 500 جنيه
تاني مع وزارة الضمان مافيش نووم وانت جيعاان ......!!!

[لون النيل]

#1407531 [بكري محمد]
1.00/5 (1 صوت)

01-30-2016 11:04 AM
عجز 609.5 جنيه حسب وعد الرئيس ستغطيه وزارة الرعاية والضمان الإجتماعي

[بكري محمد]

#1407519 [elfadil]
0.00/5 (0 صوت)

01-30-2016 10:15 AM
ياخ د الكلام انحنا ديرين الناس تكتب كد الواقع العايشين فيه دا الطرش واللوايطة الكيزان وابوهم الطربوش البشكيروالله والله والله ثلاث راجيك يوم حبل الكضب بنقطع تجي تقولي دخل الفرد كم الف دولار لاحول ولقوة الا بالله الهم دمرهم يارب رفعنا اكفنا اليك ياالله دمرالكيزان واعوانهم وسلاطينهم وعلماءهم اجمعين.

[elfadil]

ردود على elfadil
[ودالجزيرة] 01-30-2016 10:42 PM
آمين آمين آمين آمين آمين آمين آمين آمين آمين آمين آمين آمين آمين آمين آمين آمين اللهم دمر الكيزان وجلالة الملك عمر بن حسن آل الشير خادم الكيزان


#1407518 [Ali S. Alberjo]
0.00/5 (0 صوت)

01-30-2016 10:14 AM
لا حول ولا قوة الا بالله العلي العظيم، سترك يا رب، اللهم أعصف بائمة النفاق الديني والكسب التمكيني الكيزان وأرنا فيهم عجائب مقدرتك

[Ali S. Alberjo]

#1407513 [karkaba]
0.00/5 (0 صوت)

01-30-2016 10:01 AM
الحل في اسفاط اللصوص الكيزان

[karkaba]

#1407493 [زول نصيحة]
0.00/5 (0 صوت)

01-30-2016 08:55 AM
مقال ممتاز .. سلمت يداك

[زول نصيحة]

#1407484 [Bit messames]
0.00/5 (0 صوت)

01-30-2016 08:18 AM
يا كمال يا اخوي:الطغمة الفاسدة دي ما بتعرف كلام منطق و عقل و دين فاكل الحرام يبقي عازلا لكل ما يلامس القلوب.هم لا يفهمون الا منطق القوة و يخشون كل ما قد يقربهم لملاقاة ربهم فماذا نحن فاعلون؟

[Bit messames]

#1407477 [الاختشوا ماتو]
0.00/5 (0 صوت)

01-30-2016 07:54 AM
با ناس الراكوبة كان تجيبوا مع صينية الغداء البائسة دى صينية غداء خليفة ابليس فى الارض الملعون الترابى حتى تكتمل الصورة يا كمال كرار وحكمة الله الترابى ما عندو وظيفة بعد ده كلو حالو باهى كما يقول الليبيون ولكن يبدو ان الملائكة تتنزل عليه بالنعم والبركات لانه سبق ان قال ان الرقاص هبة السماء لاهل السودان وشيخ حسن عندو سلوك موصلة مع السماء وعارف كل شىء نسالك يالله يا منتقم ياجبار نزول باسك الذى لايرد وسطوتك التى لاقاهر لها ان تنزل على هذه العصابة حاصبا من السماء اورجزا مدمرا او غاشية لاتبقى ولاتذر او طوفانا يتخطفهم ولايبقى لهم اثر ونسالك يا الله ان تنكس رايتهم وتقصر قامتهم وتاخذهم اخذا وبيلا وترنا فيهم عجائب مقدرتك وكبير بطشك ونسالك يالله ان تعجل لاهل السودان فرجا قريبا فانت القادر على ذلك وامرك بين الكاف والنون ولا اله الا انت سبحانك اللهم وبحمدك ونصلى ونسلم على خير من اصطفيت من عبادك محمد بن عبد الله الرسول الخاتم واخر دعوانا ان الحمد لله رب العالمين .

[الاختشوا ماتو]

#1407454 [واحد من إياهم!]
0.00/5 (0 صوت)

01-30-2016 03:02 AM
الحساب ولد....!

[واحد من إياهم!]

#1407445 [سودانية]
5.00/5 (2 صوت)

01-30-2016 01:56 AM
حسبنا الله ونعم الوكيل ... اللهم عليك بعمر البشير و سدنته فأنهم لا يعجزونك ... اللهم ارنا فيهم عجائب قدرتك ... اللهم انهم قد شقوا علينا ... اللهم فشق عليهم ... اللهم فشق عليهم ... اللهم فشق عليهم

[سودانية]

ردود على سودانية
[sasa] 01-30-2016 09:33 AM
اقتباس

(((((حسبنا الله ونعم الوكيل ... اللهم عليك بعمر البشير و سدنته فأنهم لا يعجزونك ... اللهم ارنا فيهم عجائب قدرتك ... اللهم انهم قد شقوا علينا ... اللهم فشق عليهم ... اللهم فشق عليهم ... اللهم فشق عليهم ))))


اللهم عليك بحزبى الترابى المتامر اللاوطنى والمتامر الشعبوى اللهم انتقم منهم فردا فردا دنيا واخرة

[عادل] 01-30-2016 09:15 AM
آمين يارب العالمين


#1407432 [omer]
5.00/5 (1 صوت)

01-30-2016 12:52 AM
كلام عقل

[omer]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة