الأخبار
أخبار إقليمية
خطيب مسجد الخرطوم: بدء الزاوج بالحفلات (معصية)
خطيب مسجد الخرطوم: بدء الزاوج بالحفلات (معصية)
خطيب مسجد الخرطوم: بدء الزاوج بالحفلات (معصية)


02-06-2016 11:49 AM
الخرطوم: الجريدة
دعا خطيب مسجد الخرطوم الكبير في خطبة الجمعة أمس المصلين إلى بناء أسرهم على التقوى والصلاح، وقال: إن سورة التغابن حددت التعامل بين أفراد الأسرة حال وقوع خلاف بينهم (يَاأَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ) وطالب المصلين بالتعامل بحكمة مع زوجاتهم مشدداً بأن بعض الرجال يظهرون عنفواناً زائد ويصدرون أومراً للزوجة ليؤكدون أنهم أهل مسؤولية وهذا ليس من الدين ، وأضاف بأن الشق الثاني من الآية (إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِنْدَهُ أَجْرٌ عَظِيمٌ) حدد كيف أن الأموال تكون فتنة والأولاد كذلك ، وقال: " هنالك من يبدأ الزواج في صرف أمواله في أمر غير محمود مثل الحفلات وفي ذلك معصية والأوفق لها أن ينفق ماله في الذهاب الى العمرة" ، وطالب الأزواج بعدم مسايرة زوجاتهم بالصرف على أصهارهم باعتبار أن عشيرتهم هم أولي القربى والأحق بالصرف، وأوضح أن إلتزام المرأة الصالحة لا يقاس بأدائها للصلاة لأن الصلاة يجب أن تترجم في السلوك وتجسدها الأخلاق.

الجريدة


تعليقات 17 | إهداء 0 | زيارات 2867

التعليقات
#1411541 [Karzay]
0.00/5 (0 صوت)

02-07-2016 06:29 PM
من يبدأ الزواج في صرف أمواله في أمر غير محمود مثل الحفلات .....
ياشيخنا لابد من هذه الحفله لوداع العزوبيه قبل الدخول في السجن المؤبد
لذي الحفله بما فيها من اكل وشرب لذة للشاربين ضروره من ضرورات الحياه. حتي دي حاسد فيها الناس؟؟؟؟؟؟؟؟الشيوخ من امثالك شاخه عليهم الكلاب

[Karzay]

#1411356 [المكتول مغس]
5.00/5 (1 صوت)

02-07-2016 11:52 AM
دجااااال ومناااافق بلا امام بلا خطيب ... ائمة السلطان الذين يخافون الرئيس ولا يخافون الله .

[المكتول مغس]

#1411330 [Lila Farah]
0.00/5 (0 صوت)

02-07-2016 11:04 AM
يكرهون الحياة ومباهجها للناس حاي ولو كانت بالحلال عشان يعيشوا هم براهم
حتي الفرحه الكله ليله واحده في العمر ولغاية 11 بالليل بس
دايرين يحرموا الناس منها أولاد الحرام.

[Lila Farah]

#1411291 [ALwatani]
0.00/5 (0 صوت)

02-07-2016 10:04 AM
جل خطباء المساجد ام زمان كان طبال او بتاع حفلات

يناس الكتابى المتزوج ودخل الاسلام لاينقض زواجة مبالك المسلم


هل رزق والكارورى لولا هذا الحالة الفريدة كانا خطبين فى هذين المسجدين

روحوا بوسوا كفيى الترابى

[ALwatani]

#1411263 [مهند عبد الرحمن]
0.00/5 (0 صوت)

02-07-2016 09:13 AM
بغض النظر عن اختلافكم مع انسان او بغضه لاي اسباب يجب عليكم العدل في الاحكام الرجل قال كلام صاح ليه بتسبو ليه والغريب انكم عايزيين الحكومه تعدل فيكم ياخ كما تدين تدان بس اي واحد يقولو ليكم شيخ او امام مسجد قبل ما يفتح خشمو تهبو فيهو بعدين الحكومه الراكباكم دي عملتو ليها شنو ما قاعدين في بيوتكم وتسبو وتتفاصحوا ساي قال تعالى {يَاأَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ)ز

[مهند عبد الرحمن]

#1411214 [اللدر]
0.00/5 (0 صوت)

02-07-2016 08:05 AM
وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ.

[اللدر]

ردود على اللدر
[Karzay] 02-07-2016 06:37 PM
دا زمان؟؟؟ الان زا وومن؟؟تعال محاكم الاسر وشوف العجب ..والصيام في رجب!!!!


#1411201 [hamed]
0.00/5 (0 صوت)

02-07-2016 06:55 AM
أبدأ بالبشير الذي رقص على أنغام أحبو وأحب نوناتو نوناتو الفي وجناتو

[hamed]

#1411197 [Jimmy Cliff]
0.00/5 (0 صوت)

02-07-2016 06:53 AM
الا رقصة الرئيس يا حضرة الامام اعمل حسابك و لا راتبك بتخصم منو؟؟؟رقصة الرئيس لا فيها عقد شرعى و لا يحزنون""بس رائك فى رقيص الرئيس اب جعبات

[Jimmy Cliff]

#1411184 [Zorba]
0.00/5 (0 صوت)

02-07-2016 06:31 AM
كله حرام .. حرام .. ما فيش حلال؟
كله حرب .. حرب .. ما فيش سلام؟
كله حزن .. حزن .. ما فيش فرح؟
كله ضرب .. ضرب .. ما فيش شتيمة؟
كله تخلف .. تخلف .. ما فيش تقدم؟
كله امبارح .. امبارح .. ما فيش بكرة؟

[Zorba]

#1411128 [شرجال]
0.00/5 (0 صوت)

02-06-2016 10:51 PM
يا اخ الناس ديل ما عقدوا بالكتاب والسنة دايرين منهم شنو حفلة ولا دخلة يعنى انضربوت بالسوط رى الجهلة والحمير مع اعتذلرى لثقافة الجلد الى يكرس لها امثال هرلاء لبذين ياكلو عيش من النفاقدا

[شرجال]

#1411066 [منير عبدالرحيم]
0.00/5 (0 صوت)

02-06-2016 07:56 PM
بطلنا من زمان نصلي ورا منافقين ذي ديل...

[منير عبدالرحيم]

ردود على منير عبدالرحيم
[محمد خليل] 02-07-2016 08:31 AM
لا تطلق كلمة منافق أو كافر على أي انسان الا اذا كنت متأكداً 100% انه كذلك لأنك مسؤول عنها أمام الله فلا تحمل نفسك بأوزار لا تنفعك بل تضرك.


#1411039 [المسلمي]
0.00/5 (0 صوت)

02-06-2016 06:52 PM
الخلط بين الدين والسياسة لا يمكن ان نترجم القول الي احقاد الدين واضح والاسراف واضح فيجب علي الامام ان يوجه الدولة الي خطورة الحرام من المال

[المسلمي]

#1410995 [على على]
0.00/5 (0 صوت)

02-06-2016 04:13 PM
انتو دا ما رزق القال يقيلوا ليو وزير المالية والبترول.؟
بقى ما بحضر تلفزيون وما بقراء اخبار الغاز ولا دا ما شعرا عندو ليهو رقبة

[على على]

#1410974 [jafal]
0.00/5 (0 صوت)

02-06-2016 03:26 PM
انت بديت زواجك كيف ؟ وحفلاتك ما كانت أسبوع يا شيخ ؟ قول الحقيقة

[jafal]

#1410955 [قاضي إشبيلية]
0.00/5 (0 صوت)

02-06-2016 02:33 PM
تدخل سافر في شئون الناس باسم الإسلام.ز
إنت مال أهلك في الأمور دي..

زي ما قال المعلق (فدائي) مفروض واحد من المصلين كان يشب ليهو في حلقو و يخنقو...

كأنهم ما شايفين الدمار الحاصل في البلد يتكلموا في أمور ما ليهم علاقة بيها.


أعوذ بالله

[قاضي إشبيلية]

#1410903 [فدائى]
5.00/5 (2 صوت)

02-06-2016 12:44 PM
والله ياشيخنا المعصيه الوحيده العارفنها انو المصليين الصلو الجمعه معاك وحضروا الخطبه وما قام واحد فيهم شبه ليك فى رقبتك وكتلك وريح الناس منك كلهم دخلوا فى المعصيه انت ما شايف المعاصى البتعمل فيها الحكومه ليل نهار بكل اشكالها وتحديها لرب العباد علنى وجاى تتكلم على حفله (المواضيع بتاعة ود الوزيره تتطلع شنو )(والله انت بكلامك ده بتدعوا التاس لفعل المعاصى لانو اكيد بكون فى مية واحد سب ليك)

[فدائى]

ردود على فدائى
European Union [الداندورمي.] 02-06-2016 03:08 PM
هههههههه وقام واحد شبه ليك في رقبتك
والله كلمة شبه طولته منها ونسيته يا،،،فدائي ذكرتني ليها يديك العافيه.
أمشي الجمعه الجايه وخليك قريب منه شبليهو في رقبتو وأخنقو.

[hamad] 02-06-2016 02:56 PM
انا سبيت لهاذ المسمى بالشيخ دشليون مكعب

[الراجل] 02-06-2016 01:28 PM
استغفر الله انا واحد من السبو ليه


#1410900 [أبو علي]
5.00/5 (2 صوت)

02-06-2016 12:36 PM
حدد كيف أن الأموال تكون فتنة

وأموال الدولة المنهوبة ، أهي حلال ورحمة أيّها المتشيّخ الناهب !

[أبو علي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة