الأخبار
أخبار إقليمية
الحسن الميرغني يعتزم الاستقالة من منصبه كمساعد اول للبشير
الحسن الميرغني يعتزم الاستقالة من منصبه كمساعد اول للبشير
الحسن الميرغني يعتزم الاستقالة من منصبه كمساعد اول للبشير


في طريقه الى تايلاند العلاج من تمزق في رجله،
02-10-2016 10:59 AM
الخرطوم: القاهرة: الجريدة
كشف مصدر مطلع عن عزم مساعد اول رئيس الجمهورية الحسن الميرغني، باستقالته من منصبه كمساعد اول للرئيس.
وافاد المصدر ان الاسباب التي ادت الى عزم الحسن الميرغني تقديم استقالته تتمثل في عدم ايكال اية مهام او ملفات ليباشرها منذ ادائه القسم، بالاضافة الى ما وصفها المصدر بالمعاكسات غير المبررة من قبل نافذين بالحكومة والحزب الحاكم فيما يتعلق بإنفاذ الشراكة المبرمة بين الحزب الاتحادي الديمقراطي الاصل، والمؤتمر الوطني.
وقال ذات المصدر ان الحسن كان في طريقه الى تايلاند قبل شهرين، بهدف العلاج من تمزق في رجله، ومكث في الامارات شهراً، ويقيم بالقاهرة منذ شهر، وسيغادرها الى تايلاند، واشار الى عدم نقل الحسن لمكتبه الى جنينة السيد علي.

الجريدة


تعليقات 24 | إهداء 0 | زيارات 4817

التعليقات
#1413281 [عماد الدين]
0.00/5 (0 صوت)

02-11-2016 10:20 AM
اساسا منو القال ليكم عندو تمزق أو ماشي يتعالج ده اسمو اسلوب الضغط علي البشير وكمان قعادوا في القصر لزوم التمرين يعني في المستقبل القريب حا يكون هو راس الدولة ولا نسيتو نحنا تعبنا في الانتفاضة سنة 84 وفجأة لقينا عمو المرحوم احمد في راس الدولة. انتو خليكم للتنابز والكلام الفارغ والناس عارفة من اين تؤكل الكتف. ارجوكم اول حاجة تكلموا عن وقف الحرب الاهلية عشان نتفرغ للفاسدين وبعدين نشوف منو اليحكم. لكن اذا جايطه كدة الحرامية حايزيدوا والخسران الشعب السوداني.

[عماد الدين]

#1413209 [ود المهدي]
0.00/5 (0 صوت)

02-11-2016 08:31 AM
حسن شنو وكلام فارغ شنو دا راجل لا دور له في تسيير الدولة ، رجل عالة على الدولة وعلى المواطن وما يتقاضاه اعتبر انه حرام لانه وجوده وعدمه في الدولة واحد ،

نحن لا نعرف له دور سوى ابوه هو الميرغني الكبير ، لكن لا دور له ولا لابيه هم جميعا بياكلوا على نفقة المواطن المسكين من النثريات والمزايا التي تعطيها لهم الدولة وهي من الضرائب المفروضة على المواطن لكي ياكلها هؤلاء الاوباش .


لم نعرف له أي دور طليع في حل أي مشكلة ، واتوا به ترضيه لابيه .
وامثاله كثر في حكومة الإنقاذ اللاوطني هذه.

[ود المهدي]

#1413183 [drsha]
0.00/5 (0 صوت)

02-11-2016 07:28 AM
ويجيك واحد ناطي يقول ال البيت ، بيت شنو يامتخلف ، ديل ناس اقطاعيين ولدوا وتربوا وتنعموا بخيرات البلد والجهلاء امثالك ، تقدر تعدد محمدة واحدة قدموها للشعب السوداني طوال تاريخهم الممتد في الدجل واللعب بعقول البسطاء
ياعالم افيقوا واصحوا من ثبات الجهل والتخلف ، لقد الله الناس سواسية

[drsha]

#1413100 [على]
5.00/5 (3 صوت)

02-10-2016 09:37 PM
ملفات شنو هو جاء بالمحاصصة احسن ليه يلف كدة زى عمو الصادق المهدى وبعدين تايلند دى فيها علاج للركب دى بتبوظ الركب ههه وحلايب اخبارها شنو

[على]

#1413097 [الدرب الطويل]
5.00/5 (1 صوت)

02-10-2016 09:26 PM
هو الوداك تلعب حفيان شنو؟؟.. ما عارف انو الكيزان ديل لعبهم خشن وبيضربوا في الأنكل؟.. كبيرهم بتاع (القنقر) خبير في (عضم الشيطان) وكده.. خليك حريف زي بتاع (قناة قلبك) وأبو لغاليغ زي الخروف داك.. و عبدو هداك متجدع مرة يشارك في فعالية كده وللا يفتتح مقر جمعية كده..

يعني ملف شنو حيدوك ليهو يا روح ماما؟؟..

[الدرب الطويل]

#1413037 [Khalid Abdalla Ragab]
0.00/5 (0 صوت)

02-10-2016 05:54 PM
Had he been playing football some where? When did the 181 days finish, hope before his resignation!

[Khalid Abdalla Ragab]

ردود على Khalid Abdalla Ragab
[AL-Kiran] 02-10-2016 09:29 PM
his resignations -


#1413026 [سوداني]
0.00/5 (0 صوت)

02-10-2016 05:20 PM
لاحوا ولاقوة الا بالله وحسبي الله ونعم الوكيل ناس الموتمر الوطني زرعوا كل تلك الفتن والحقد في قلوب الناس لدرجة الكلام في ال البيت اله كل من كتب وعلق او بتكلم كلام فارغ ان ينقلب عليه أهله والنَّاس اجمعين وان لا ينام وان يعيش عيشة ضنك وان يموت علي سوء الخاتمة يارب العالمين (من آذي لي وليا آذنته بالحرب) فيا الله لقد ضاق الحال بِنَا من الكلام في ال البيت اللهم اجعل الدائره تدور عليهم وان يرجع الناس الي رشدهم

[سوداني]

ردود على سوداني
[باكاش] 02-10-2016 10:19 PM
بل تدورعليك يا متخلف، انت عرفتهم ال البيت كيف ؟ حضرت ولادتم ولا الرسول
قال ليك ديل اولادي، يا متخلف الحسن بن علي كان يتحدث ويفلح الارض وكان يجعل
من الدهب بلالي ضغيرة ويغرزها في الارز
لان بيته كان قبلة المحتاجين والفقراء ناسك ديل من يوم قادوا حملة كتشنر
يمصوا في السودان ويمصوا دم البسطاء
ويكدسو منهم الاموال ويحولوها للخارج
للتمتع بها وكانو يقولوا للبسطاء ماتودوا
او لا ادكم للمدرسة يطلعوا باطلين وهم
يودو اولادهم لجامعات الغرب وريني زول
منهم عمل شفخانة بس في مناطق مريديهم ولا مدرسة ولا مصنع عندهم مصانع في مصر ما عن لا وها في السودان عشان السودانيين مايشوفو اموالهم ياخي ارحم نفسك وفكنا من اسطوانة ال البيت دي الناس بقوا يغيرو الدين دا زاااااااااااتوا.


#1413017 [AAA]
0.00/5 (0 صوت)

02-10-2016 04:57 PM
بكرة الحسن..او يطلع واحد من شيالين النعلات...ينفي الكلام ده كلو.. والخلاّ عادتّو قلّل سعادتّو..

[AAA]

#1413004 [خليفة احمد]
0.00/5 (0 صوت)

02-10-2016 04:23 PM
فعلا الحسن صاعقة النجم !!!! ولا ملف واحد ما مر عليك .... الكيزان ماليهم حق !!! صدق صاحبنا الهدندوي والذي عين معتمد محلية بالبحر الاحمر وبعد فترة اتصلت به وسالته عامل كيف؟؟ ف احاب بطريقتهم البجاوية الساخرة،،،شوف الجبهجية مكتب يدوك وعربية يدوك وماهية كويس كمان يدوك لكن سلطة مافي طريقة....عليه صاعقة النجم كان عشمان في سلطة احسن يلزم حوش ابوه

[خليفة احمد]

#1412993 [اسماعيل حسن]
0.00/5 (0 صوت)

02-10-2016 04:10 PM
الصراع على كيكة السلطة معروف وهو امر مفروغ منه... من المراغنه و حزب الامة ممثل في اولاد الصادق المهدي .. وغيرهم كثير من بقية الارزقية ..
امر لآخر احب ان الفت له نظر الاخ المعلق باسم الحقيقة .
وهوان بانكوك اصبحت منذ فترة طويلة عاصمة جاذبة للعلاج بصورة لايمكنك تصديقها الا اذا زرتها او جلست الي من قصدها للعلاج.
عدد السودانيين الذين يحضرون للعلاج في بانكوك لايستهان به والاكثر من ذلك ان هالك بالخرطوم من فتحوا مكاتباً تعمل على ارسال المرضى السودانيين للعلاج ببانكوك هذا غير بقية خلق الله .فالعلاج هنا متطور ومتقدم ويكاد يماثل ان لم ابالغ بانه يبز بعض الدول الغربية.
تايلاند عموما وبانكوك بصورة خاصة ليست بلاد قائمة على تجارة الجنس على الرغم من سهولة تلك الممارسة هنا ولكن هات لي مثال عن بلد لا توجد فيه مثل تلك الممارسة .. ولكن كل لما خلق له..
رحم الله الاخ الشهم عبد الله حسن الذي كان يقول لمن ينعت بانكوك بانها ماخور الدنيا بان يبحث عن عدد المصانع القائمة في هذه المملكة وينظر الي تطورها في كل المجالات خاصة التعليم والصحة وبعدها سيعرف ان مثل هذه النهضة وذلك الانضباط في العمل والاقتصاد المنتعش لا يمكن ان يكون قائما على تجارة الجنس.

[اسماعيل حسن]

#1412977 [شوشرة]
0.00/5 (0 صوت)

02-10-2016 03:47 PM
ما بدري يا خليفه

[شوشرة]

ردود على شوشرة
[ود التوم] 02-11-2016 06:39 AM
هههههههههههههههههههههههههههههههه


#1412960 [زرديه]
4.69/5 (5 صوت)

02-10-2016 03:19 PM
تمزق في رجله ؟؟ اها يا ميسي

[زرديه]

#1412958 [Truth]
4.00/5 (1 صوت)

02-10-2016 03:18 PM
بدل ما يستقيل اجرب كراماتو حسب اقوال عشة

[Truth]

#1412949 [المحقق الحقانى]
0.00/5 (0 صوت)

02-10-2016 02:55 PM
شر البلية ما يضحك ؟؟؟؟

[المحقق الحقانى]

#1412943 [محمد حسن عبدالله]
0.00/5 (0 صوت)

02-10-2016 02:40 PM
شد عضلي في الرجل الي تايلاند طيب لو جاهو سرطان ثدي يمشي الجنة يتعالج ويجينا رئيس
علي فكرة سرطان الثدي بجي لي انصاف الرجال .

[محمد حسن عبدالله]

ردود على محمد حسن عبدالله
[ميسي ميسي] 02-11-2016 09:30 AM
شنو الكلام الفارغ ده ( ما في حاجة اسمها مرض لانصاف الرجال ) سرطان الثدى مرض بجى للرجال و للنساء و حمانا الله و اياكم ممكن يجى لاي انسان ...بس اسال الله السلامة ...........

[Viva Sudan] 02-10-2016 08:17 PM
ههههههههههههه يخرب شيطانك ياخ..


#1412938 [حسكنيت]
0.00/5 (0 صوت)

02-10-2016 02:25 PM
الحسن صاقعة النجم يا دوب عرف أنه طرورة

[حسكنيت]

#1412930 [رجل خط]
0.00/5 (0 صوت)

02-10-2016 02:13 PM
ياتو رجل فيهن لو الشمال معناتو شت الكوره الجارى وراهامن غير لياقه وخبره ب اصرارك دخول التشكيله غصبا عن المخضرمين لانو الكوتش ابوك, ولو اليمين معانها شاتوك ضفارى وخلوك تفتيش للعلاج والتدليك ويحلك بعد ماتبقى كويس اصلا نحنا جمهور بشجع اللعبه الحلوه.

[رجل خط]

#1412916 [المظلوم]
4.75/5 (3 صوت)

02-10-2016 01:46 PM
(الحسن كان في طريقه الى تايلاند قبل شهرين، بهدف العلاج من تمزق في رجله). المساج دا ما في تايلند براها, السودان برضو فيه مساج يا مولانابس هنا الأيادي ما ناعمة .
ويا ربي التمزق دا جاك من الدفري في المواصلات ولا من صف الغاز ولا من مشي الكداري.ولانقذت في النوبة؟؟؟؟؟

[المظلوم]

#1412895 [واحد قرفان جدا]
2.75/5 (4 صوت)

02-10-2016 01:03 PM
وهو بالجد فاكر نفسه مساعد أول للبشير ... كلكم ببشيركم الي مذبلة التأريخ

[واحد قرفان جدا]

#1412890 [محمود على اصغر]
4.50/5 (4 صوت)

02-10-2016 12:51 PM
وكفاءة اخرى فى طريقها الى خارج الحكومة بدلا ان يستفيد منها الشعب وذلك بسبب غير ة الرئيس وبطانته من نجاحه وتفوقه عليهم

[محمود على اصغر]

ردود على محمود على اصغر
[يا خبر بفلوس] 02-10-2016 01:24 PM
يا زول انت شارب حاجة ولا مالك ؟ قريت المعني بالحديث منو ؟


#1412870 [شهنور]
4.00/5 (4 صوت)

02-10-2016 12:26 PM
عملت شنو يا سحسوح فى ال ـ181 يوم اتربيتو بمال الشعب من جدكم الكبير لاخر شافع فى العائلة ..

[شهنور]

ردود على شهنور
[ود الشريف] 02-10-2016 12:58 PM
انت قايل اللفة الطويلة دي لشنو !!
طبعاً ايام الاجازات وايام الطبابة دي مش محسوبة .


#1412865 [ود شندى]
4.00/5 (3 صوت)

02-10-2016 12:19 PM
ال ١٨١ يوم كملن ياهبنقا ولا لسه !!!

[ود شندى]

#1412856 [عبدالرحيم]
5.00/5 (4 صوت)

02-10-2016 12:06 PM
خد الملف من احمد سعد عمر وهو الذي ورطك في الحكومة وقالو السعيد او اللبيب او الذكي من اتعظ بغيره وكان مناوي قبلك في هذا المنصب الرفيع (كبيييير مساعدي الرئيس)

ولو كلفت نفسك قبل ان تأتي واتصلت على اخونا مناوي كان اسدى اليك النصح وسهل لك الطريق الى القصر بأجندة قوية..

انت وحزبك تستاهلوا ما يجري لكم فقد دخلتم الحكومة في الدقائق الاخيرة وشاركتكمالانتخابات وجيئت من غير تفويض من والدك مولانا الميرغني ودخلت بتفويض مزور وشققت وفرقت ما تبقى من حزبك وبهدلت رجال اوفياء للحزب في عمر ابيك ووصفتهم بالدواعش وسمعت كلام احمد سعد عمر..

هل ترى انك بكل هذه الصفات تستحق ملف؟ والله انا لو في محل المؤتمر الوطني بعد ان شاركتهم في مسرحية الانتخابات اديك ملف يلفك لانك ساهمت في تفرقةالحزب وتشتيت شملهم

والله سبحانه وتعالى لماك مع الدقير في سرج واحد لافين في القصر لا شغل لا مشغلة فقط من اجل مساعدة المؤتمر الوطني وحركة الكيزان في خداع الشعب وتطويل عمر الانقاذ..

يقال ان احد الغواصات ساعد نابليون في احد الفتوحات التي كسبها نابليون وعندما جاء هذا الغواصة الى نابليون ليأخذ حقه رمى اليه نابليون بصرة من المال ورفض مصافحته بيده قائلا له ان نابليون لا يصافح احد يخون وطنه وجماعته.

ومع ذلك نأمل ان يحن عليك سباع المؤتمر الوطني بعد هذا الحديث اليحنن..

[عبدالرحيم]

#1412833 [الحقيقة]
5.00/5 (6 صوت)

02-10-2016 11:25 AM
والعلاج في تايلاند،، قادر الله

المعروف أن بانكوك عاصمة تايلاند تعتبر أكثر الأماكن المرغوبة للسياحة نسبة لإشتهاراها بالمخدرات والدعارة المفتوحة بجانب طبيعتها الجميلة ولم تشتهر أبداً بالطب،، أما ود المبرغنى ماشى هناك يعمل شنو؟

[الحقيقة]

ردود على الحقيقة
[قاضي إشبيلية] 02-10-2016 02:37 PM
هههههههه
يا استاذ الحقيقة)، هو لو قادر على اللي انتا خابرو ما بطال برضو.

[واحد قرفان جدا] 02-10-2016 01:05 PM
ماشي يعمل مساج

[ود الشريف] 02-10-2016 12:55 PM
ماشي يزرع باسطة

[عبدالرحيم] 02-10-2016 12:53 PM
يازول ظن خير مولانا ما بتاعت حاجات بالشكل دا؟؟؟ انت خليك في سياساته واثرها على السودان والسودانيين والاحزاب.

وخلينا من الحاجات الشخصية ما لنا مالوا يتعالج في تايلند او انشاء الله يتعالج بي محاية دا شغله هو لوحده

وبعدين تايلند الان مشهور بالطب والعلاج البديل ولها مستشفيات عالمية في هذا التخصص حتى ان قريبا لنا اصيب بالسرطان وذهب الى هناك وعاد معافا انشا الله ربنا يتمم له الشفاء والعافية

المهم نسال الله ان يشفي مولانا ويعافيه ويجيبوا راجع سالما معافى الى وطنه.. ويكمل مسيرته مع سباع المؤتمر الوطني ..ربما يتغير او يغيرهم خاصة وانه شديد على دواعش حزبه كماقال وان شاء الله نشوف الشدة دي داخل القصر .. ولا يكون كما قال الشاعر
اسد على وفي الحروب نعامة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة