الأخبار
أخبار إقليمية
البنك المركزي يدعو لعملة واحدة في السودان وإثيوبيا
البنك المركزي يدعو لعملة واحدة في السودان وإثيوبيا
البنك المركزي يدعو لعملة واحدة في السودان وإثيوبيا


02-11-2016 03:40 PM
الخرطوم:رباب علي
دعا وزير المالية والتخطيط الاقتصادي بدرالدين محمود عباس للتكامل الاقتصادي بين السودان وإثيوبيا في المجالات المصرفية والبنوك. وقطع محمود لدى لقائه محافظ البنك المركزي الإثيوبي أمس، بتقديم كافة التسهيلات اللازمة والفرص لتمكين البنوك الإثيوبية والسودانية للعمل في البلدين من أجل الانطلاقة الى الأمام في العمل المصرفي وتبادل الخبرات وتوسيع أطر التعاون المشترك من أجل مصلحة الشعبين. من جانبه دعا محافظ البنك المركزي عبدالرحمن حسن عبدالرحمن إلى التعامل بالجنيه السوداني في إثيوبيا والبر الإثيويبي في السودان، وقال إننا نتطلع لعملة واحدة بين البلدين وتوسيع البنوك وزيادة المراسلين مع البنك التجاري الإثيوبي.

الانتباهة


تعليقات 12 | إهداء 0 | زيارات 3669

التعليقات
#1413807 [Rebel]
5.00/5 (1 صوت)

02-12-2016 06:16 PM
* قطع شك "الجماعه" قنعوا من السودان ظاهر و باطن! و بقوا على "القرن الافريقى": اثيوبيا و جيبوتى , و هاك يا عمله موحده و هاك يا "بنوك" و سد نهضه و استثمارات و هاك يا مستشفيات!!
* طبعا دى "الهجره الى الله"!, القاصدها "شيخ" الزبير محمد الحسن!!
* و البلدان دي ما شاء الله, "واعده" جدا..جهاد نكاح و شاشبندى!..يعنى حيكون فيها "جهاد نكاح" شديد(من رباع و ما فوق)!
* و من هناك طوالى, محمد مرسى على "الكرسى"!
* اهو دى "الهجره" و "الجهاد", و الآ بلاش!!

كسره: "الحبش الغتيتين" البتقولوا عليهم "الغنمايه تأكل عشاهم" ديل..علي الطلاق يبيعوكم واحد واحد فى سوق الله اكبر, و إجيبوا تمنكم كاش داون!!..ابقوا رجال جربوا!!

[Rebel]

#1413717 [مغبونه]
5.00/5 (1 صوت)

02-12-2016 12:53 PM
وهل ستقبل اثيوبيا؟

تحويلات الاثيوبيين من السودان تدر على اثيوبيا حوالى مليون دولار شهريا. يعنى منضفين البلد من الدولار زيهم وزى الشوام والمصريين والتشاديين الخ

عاوزين تظبطوا عملتكم صلحوا قوانينكم المهببة دى اشتغلوا تنمية وامنعوا الوجود الاجنبى غير الشرعى واعملوا قوانين تجبر الاجانب الشرعيين على دفع ضرائب وتجديد اقامات ووو ووفروا الدولارات دى للادوية.

[مغبونه]

#1413707 [الفيلسوف السوداني]
5.00/5 (2 صوت)

02-12-2016 11:37 AM
عمك راجل كبير مرتو جابت ليهو العشاء بي لبن وكان معاهو حفيدو وحفيدو دا اكال شديد …وكل واحد ختولو لفة ( فطير ) قصادو ..الولد سريييع كمل الفطير الجنبو .وجدو لسه ما كمل ..طوالي قام قال لي جدو :ـ جدي .. ما نفتها ………

[الفيلسوف السوداني]

ردود على الفيلسوف السوداني
[ابو الهول] 02-12-2016 05:11 PM
ههههههههههههههههههههههههههههههههه...فزيييييع
انت فيلسووووف فظبع
قال ليهو شنو ؟؟ ما تجي نفتها....
ههههههههههههههههههههههههه


#1413690 [سودانية]
4.00/5 (3 صوت)

02-12-2016 10:44 AM
عملة واحدة!!!!!! ...اثيوبيا مالها ومال الحمار البرمي سيدو

[سودانية]

#1413655 [هدهد]
4.50/5 (3 صوت)

02-12-2016 07:48 AM
دي خدعة الجماعة عايزين يطبعوا مليارات الجنيهات ويضخوها في الاسواق الاثيوبية زي ما بغملوا معانا كلما جاتهم بلوة يطبعوا مليارات من العملة بدون اي رصيد ويضخوها في الاسواق على حساب عرق هذا المواطن البرىء . ديل ابالسة وحرامية عصابة تترف السرقةة والنهب هذا لبس عمل دولة عصابة فقط .

[هدهد]

#1413598 [الهلباوي]
1.00/5 (1 صوت)

02-12-2016 12:23 AM
عملة موحدة مع تشاد افضل لعدت اسباب اولها ان اكبر سوق للعملة في السودان هو سوق العملة التشادية ومتوفرة وتباع في الخرطوم في كافة الاسواق وكذا الجنيه السوداني تستبدله الان في اي محل في تشاد بالريال التشادي ثم اللغة العربية والبضائع المتداولة تجاريا بين السودان وتشاد اكبر بكثير من اثيوبيا ،، وتشاد بلد بترولية نامية وتشهد تطورا كبيرا في التنمية ولهم قناعة بالسودان.*

[الهلباوي]

ردود على الهلباوي
[ود افريقيا] 02-12-2016 02:26 AM
اثيوبيا اﻻن تنطلق بسرعة الصاروخ من حيث التنمية واﻻقتصاد.. والجماعة اياهم دايرين يختوا صلبهم هناك وينقلوا استثماراتهم من غير خسائر..
بالعربي كدا.. دا احتيال صريح


#1413567 [ALIIIIIIIIIIIIIIIIIIIIIIIIIIIIII]
0.00/5 (0 صوت)

02-11-2016 10:01 PM
غايتو الكيزان لحقوا روبرت موغابي المعتوه بعد شوية حيتعاملوا باليوان الصيني وبعد شوية بالدولار الامريكي وبعد شوية بالجنيه الاسترليني وبعد شوية يجيبو لينا التاكا البنغلاديشية وتبقي مبراة للذمة هههههههههههههههههههههههههههههههههههه..ياخي انا اديكم من الاخر احسن حاجة يلغوا الجنيه السوداني ويلموا الدهب البهربوه لبرة ويعملوه عملة عندها وزن وقيمة وبعد داك يلعن ابو الدولار الامريكي لاامريكا زاتها وكده تكون المشكلة اتحلت لايوم طالع لايوم نازل لاالدولار طقش 12 لانزل تحت تكونوا ماشيين مع اسعار الدهب عالميا ..عالم وهم

[ALIIIIIIIIIIIIIIIIIIIIIIIIIIIIII]

ردود على ALIIIIIIIIIIIIIIIIIIIIIIIIIIIIII
[عادل] 02-12-2016 09:46 AM
يا راجل حرام عليك كيف تقول موغابي معتوه ؟؟ هل تعلم ان موغابي من اشرف الحكام وان كل الذي يحدث هو بسبب الحرب الاعلامية لتشويه صورته لأنه وقف ضد تملك الاستعماريين القدامى لأراضي مواطنيه ...


#1413545 [جركان فاضى]
1.00/5 (2 صوت)

02-11-2016 09:06 PM
دى زى قصة الغنى والفقير القاعدين ياكلو مع بعض...الغنى يجيب صينيتو مدنكلة بأفضل اصناف الطعام...والفقير يجيب الشطة بالليمون...بعدين الفقير ياكل ويتكلم: يا اخى شوف الشطة دى خلتنا نأكل كيف!!!!!دايرين تخلطو قروشكم الزى الشطة بالليمون مع مشاوى اثيوبيا اللذيذة

[جركان فاضى]

#1413487 [ود المهدي]
1.00/5 (1 صوت)

02-11-2016 06:16 PM
يا وزير المالية الغبي يا بلهاء البنك المركزي السوداني خلاس عاوزين تلغوسوا العملة السودانية مثلما لغوستم اقتصاد البلد ،


اتركوا الهرج والمرج واتركوا العملة السودانية في محلها بلاش فسلفة يا بدر الدين الغبي .


كفاية خراب لقد دمرتم كل شيء عاوزين تخروا العملة رغم خرابها الواقع الآن.





لعنة الله عليك وعلى معك في البنك المركزي يا وزير المالية الغبي .



اي شيء عملتوا دوما جاري فقط في زيادة الاسعار فقط الله ايزيدك من نار جهنم .

في الدنيا قبل الآخرة .

كل اهل السدان يعلمون انكم جهلاء ولا تدري شيء في الاقتصاد لماذا انت هنا؟

ولا منتظر الغني .

[ود المهدي]

#1413467 [let Bisha dance fool]
3.00/5 (2 صوت)

02-11-2016 04:56 PM
لا حول ولا قوة الا بالله امانة ما وقعوا ناس... خلاص الزنقة وووووووووب الحرامية ازنقوا ..... خلاااااااااص فكوا آخرهم .... اقتصاد فرش أرضا خمووووا وصروا...الابواب كلها انسدت ..... فرصة مافي غير الاستسلام والسقوط

[let Bisha dance fool]

#1413461 [Truth]
3.00/5 (2 صوت)

02-11-2016 04:38 PM
بالله انت الشاطر ياخى البر له سعر واحد فى اثيوبيا تقريبا الدولار 17 او 18 بر و السوق الاسود زايد نص بر عايزين تطفشوا ليهم عملتهم

[Truth]

ردود على Truth
[ود افريقيا] 02-12-2016 02:27 AM
اثيوبيا اﻻن تنطلق بسرعة الصاروخ من حيث التنمية واﻻقتصاد.. والجماعة اياهم دايرين يختوا صلبهم هناك وينقلوا استثماراتهم من غير خسائر..
بالعربي كدا.. دا احتيال صريح

[abushihab] 02-11-2016 09:14 PM
ديل عاوزين يغتسو حجرا, يابوي ديل كج, محل ما يختو رجلهم يجيبو خبرو.


#1413448 [نور]
3.00/5 (2 صوت)

02-11-2016 04:21 PM
مرة إيوان صيني ومرة بر اثيوبي وبعد شوية بترجعوا لنظام المقايضة لأنه الجنية السوداني لا يساوي بصلة .. وأول شيء الدولة لازم يكون عندها عملة معترف بها ولها سعر تداول معروف مقابل العملات الأجنبية والجنيه السوداني الآن عنده كم سعر ..رسمي ..موازي ..صادر ...جمركي ..وهلمجرا فكيف تتعامل معاك الدول بأي سعر ...قالوا المودر بفتح خشم البقرة بس بقر الزمن ده ما بتفتح خشمها إلا لى زول عنده حديدة ....

[نور]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة