الأخبار
أخبار إقليمية
بكري حسن صالح يفتتح مستشفى عمر ‏البشير الحديث في جيبوتي
بكري حسن صالح يفتتح مستشفى عمر ‏البشير الحديث في جيبوتي
بكري حسن صالح يفتتح مستشفى عمر ‏البشير الحديث في جيبوتي


شاهد صور
02-11-2016 11:58 PM
الهادي بورتسودان
كتب رئيس جيبوتي إسماعيل عمر قيلي على صفحته الرسمية في الفيسبوك : تم صباح اليوم إفتتاح مستشفى "عمر حسن البشير" وهو المستشفى عسكري (جيبوتي - السودان) الجديد ، وذلك بتشريف نائب الرئيس السوداني بكري حسن صالح. ,وهو مستشفى متطور جداً و بأحدث ماتوصلت له التكنلوجيا في المعدات والأجهزة الطبية ويشتمل المستشفى على كل التخصصات الطبية تقريباً بما فيها الطوارئ والعناية المركزة وغرف العمليات، وهو ثمرة التعاون الناجح بين السودان وجيبوتي ، و يقع المستشفى في أكبر شوارع العاصمة وهو بسعة 120 سرير .. وتكلفة عشرين مليون دولار وسيقوم بتشغيلة إطباء من كل البلدين

الجدير بالذكر أن المستشفى نفذته شركة شواهق الهندسية التي كانت تتبع لجهاز امن البشير و تم بيعها في صفقة مريبة لها علاقة بسكرتير البشير


image

image

http://www.alrakoba.net/news-action-show-id-196418.htm


تعليقات 25 | إهداء 0 | زيارات 6424

التعليقات
#1414235 [ابكرونه]
0.00/5 (0 صوت)

02-14-2016 12:39 AM
جهاز الامن والمخابرات الوطني يبلغ رؤساء تحرير الصحف بعد نشر مقالات او تصريحات او اي تعليقات على خبر افتتاح مستشفى عمر البشير في دولة جيبوتي.
وحذر من مغبة التطرق لهذا الخبر بأي شكل من الأشكال.

[ابكرونه]

#1414070 [husseinmusa]
0.00/5 (0 صوت)

02-13-2016 02:51 PM
جيبوتي عبارة عن محمية غربية فيها اكبر قاعدة عسكرية لفرنسا والحلفاء من ضمنهم امريكا واسرائيل...معظم الضربات الاسرائيلىة والامريكية علي السودان تمت من القواعد الموجودة في جيبوتي...فهذه رشوة لحكومة جيبوتي حتي تتدخل وتمنع هذه الدول بالقيام باي عمل عدائى للسودان من اراضيها...

[husseinmusa]

#1413864 [على]
0.00/5 (0 صوت)

02-12-2016 09:14 PM
الغريب ان السداسية مرتبطة عند الناس باليهود شكل الساسية بالطريقة دى هى اسلامية شوفوا الاثار الاسلامية فى الهند حاتجدوا نفس النجمة بهذا الشكل اليهودية متقاطعة زى المثلثات بعدين ما عارف نحن داعمين جيبوتى والصومال بشكل رهيب طبعا يوجد مكتب عسكرى مخابراتى سودانى كبير فى جيبوتى طبعا هى مقر لجهات عسكرية اجنبية كثيرة مثل فرنسا وامريكا واليابان والمانيا وكوريا واسبانيا وغيرها يبدوا ياربى تواجد السودان اتى من هنا كمان يوجدبالسفارة لجنة امتحانات لقبول الطلاب والطالبات الجبوتيين فى المؤسسات التعليمية السودانية طبعا نحن زى المثل البقول عريان ولابس ليه سديرى مش لو كنا وجهنا هذه الامكانيات لمواطنى حلايب كنا اليوم فى امن وامانطبعا حلايب سودانية سواء رضى من رضى وابى من ابى

[على]

#1413844 [AAA]
0.00/5 (0 صوت)

02-12-2016 08:02 PM
ما عندكم لينا وظيفة فرّاش ؟؟ بدل القرف ده احسن لينا نغترب في جيبوتي...

[AAA]

#1413765 [Suadni]
0.00/5 (0 صوت)

02-12-2016 04:02 PM
فراغ بنت ام قدوم...امها عريانة وتكسي في الخدوم...

[Suadni]

ردود على Suadni
[الكاتم شديد] 02-13-2016 02:44 PM
ههههه كتلتهم عديل


#1413761 [زرديه]
0.00/5 (0 صوت)

02-12-2016 03:47 PM
والله الكلام غلبنا
ديل ما شغالين بي اي زول ولا اي وكت ولا اي حاجه خالس
لكن بكوري فعلا طول النخله وعقل السخله

[زرديه]

#1413733 [مصطفى علي]
0.00/5 (0 صوت)

02-12-2016 01:59 PM
اقترح عليكم تسمية هذا الرئيس بأب دومة!!!

[مصطفى علي]

#1413732 [مصطفى علي]
0.00/5 (0 صوت)

02-12-2016 01:56 PM
هذه هي بالضبط حكاية سجرة الدوم تزرعها في بيتك وترمي بظلها على جيرانك.

[مصطفى علي]

#1413730 [عبدالرحمن الفاتح]
4.50/5 (2 صوت)

02-12-2016 01:47 PM
شايف القرنتية فى الصورة بعنجهية يزيح علم السودان ب يده الشمال ..
الغرور دة عند العصابة الحاكمة حتى خارج الحدود لدولتهم الفاسدة .

[عبدالرحمن الفاتح]

#1413714 [khalid]
4.50/5 (3 صوت)

02-12-2016 12:09 PM
ستغير اسمها زي ما غيرتوا اسم برج الفاتح ،، القروش دي مش غروشك يا البشير، القروش دى قروش الشعب .

[khalid]

#1413698 [محمد حمزة]
4.97/5 (8 صوت)

02-12-2016 11:17 AM
طبعاً سودان كيزان الشيطان مكتفى شديد من المستشفيات و عشان كدة قرر المشير توزيع المستشفيات الحديثة على دول الجوار .. قبل كدة أهدى جمهورية افريقيا الوسطى مستشفى حديث بكامل إحتيجاته التى تقدر ب 500 مليون دولار لأن رئيسها شارك فى تنصيب البشير بعد إنتخابات الخج عام 2010 , و كذلك قام بإنارة و إدخال الكهرباء ل 30 قرية تشادية على طول حدودها مع السودان ..

هذا الكوز المقدود يتصرف فى اموال شعب السودان كأنها من أملاكه الشخصية .. حاجة تدعو للغثيان و للقرف . أليس الأجدى بهذه الاموال اصحابها من شعب السودان فى الغرب و الشرق و باقى البلاد التى تفتقر لأبسط الخدمات الصحية ؟؟
هذه الجنائية الدولية و المقاطعة الغربية لنظام البشير اصبحت كنز لدول الجوار و إفقار لمواطنى السودان .

لعنك الله يا البشير أينما وليت وجهك الكريه, و هذه الاموال التى تهدر فيها للغير سوف لن نعفيها لك لا دنيا لا آخرة .
لقد حان وقت إقتلاعك و نظامك الحقير .

[محمد حمزة]

#1413696 [حى على البلد]
4.50/5 (4 صوت)

02-12-2016 10:57 AM
لا شك أن وداد بابكر اللصة الإخطبوطية صاحبة ميدان برى لها علاقة بهذا المشروع فبشبش الهطلة العرور صار خاتم فى أصبعها.

[حى على البلد]

#1413679 [عادل]
4.00/5 (2 صوت)

02-12-2016 09:41 AM
سؤال بريئ للغاية ... النجمة السداسية دي بتعمل شنو عند الواجهة ؟؟

[عادل]

ردود على عادل
European Union [حسن محمود] 02-12-2016 01:36 PM
دى علامة التقارب و التعاون الأخوانى السودانى - الإسرائيلى الذى من نتائجه هذا المستشفى الحديث ..

European Union [عصام عبدالقادر] 02-12-2016 01:20 PM
دى نجمة داؤد بتاعة اليهود ..
يعنى البناء و التشييد تم بالتعاون مع شركات إسرائلية .


#1413676 [الجــــــــــــــزيرة ابـــا]
3.00/5 (2 صوت)

02-12-2016 09:29 AM
يوم ﻻ ينفع مال وﻻ بنون اﻻ من اتى الله بقب سليم

اﻻقربون اولى بالمعروف .. لكن اصحاب السيجار البنقو ودق الطار ورقص الظار عندهم عقدة من الشع السودانى .. و( هى ) انهم ما قدروا يستوعبوا روح السلام واعتبار الحقوق وانه اﻻنسان ربنا كرمه فى البر والبحر .. معادلة ما بتخش راسهم الملان رماد وسكن وحريق فاحترقت دواخلهم وصابها الكفاف اﻻخلاقى وفاقوا فى الجريمة فرعون .. باقى ليهم فقط يقولوا ( انا ربكم اﻻعلى ) .
فرعون قتل واستحى بنى اسرائيل .. والكواويز قتلوا بنى شعب السودان كله

[الجــــــــــــــزيرة ابـــا]

#1413669 [عبدالواحد المستغرب اشد الإستغراب!!]
5.00/5 (4 صوت)

02-12-2016 09:00 AM
يا ساده يا كرام هذا الموضوع لا يخصكم لا من بعيد او قريب لان المستشفى دى وغيرها من المستشفيات تتم فى إطار التؤمه الما زالت قائمه بين نظام الخرطوم والتنظيم العالمى لجماعة الاخوان وكما هو معلوم فجماعة الاخوان او بالأحرى تنظيمهم الدولى بعد الحصار والمراقبه الصارمه على أنشطتهم من قبل الدول التي باتت تتعقبهم كمصر والسعوديه والكويت ودولة الامارات وبنصف عين مفتوحه من بريطانيا وامريكا وألمانيا يمارسون نفس الدور ومعلوم ان جماعة الاخوان يخفون نشاطاتهم تحت اسماء اشخاص تبدو أن لا علاقة لهم بها ولنا في السودان آمثله سيق ان اوردنا أسمائهم في تعليقات سابقه وقلنا وقتها الفهم فهم والما فهم عنو ما فهم، وللتذكير لديكم (صلاح ادريس الذى أفل نجمه عقب ضرب مصنع الشفاء وحل محله على الفور جمال الوالى واسامه داؤد وألكردنال وأسماء أخرى ستجدونها تعمل في قطاع الاراضى والنظام كان قد منح بعض الأسماء الغير معروفه اراضى شاسعه خاصة في جنوب الخرطوم لتوزع قطع سكنيه وجنوا من وراء بيعها أموال طائله!!)وبالمناسبه قصة منح تلك الاراضى للشخصيات الغامضه كانت وراء عدم فتح ملف رئيس تسجيلات الاراضى والوصول الى نهاياته التي كانت قد أثيرت في بعض الصحف الما ناقشه حاجه!! وبالعوده لموضوعنا فالتنظيم العالمى لجماعة الاخوان قرر نقل نشاطه للقرن الافريقى وقد بداؤا في التنفيذ فجماعتهم من دول الخليج حولوا استثماراتهم الى تلك الرقعه وخاصة بعد ان فشل مشروهم (الاسلامى جدا جدا) في السودان بسبب سوء الاداره والنهب المنظم لاموالهم من قبل إخوانهم في الله الورعين وفشلوا فى مصر بسبب تلهف الجماعه ومحاولة الاستحواز المبكر قبل ان يثبتوا اقدامهم جيدا فسببوا صدمه للشعب فخرج عن بكرة ابيه ليلقى بهم في مزبلة التاريخ!! وربما لم يلاحظ احد باب الهجره الذى فتح بدون مقدمات لتلكم البلاد واعنى منطقة القرن الافريقى في الآونه الآخيره!!.
ملحوظه هامه: عليكم الربط ما بين مستشفى رجل البر والإحسان عمر حسن البشير والملاوعه التي تتم من قبل الحكومه الاثيوبيه والنظام في السودان ضد الدوله المصريه في شأن سد النهضه وارجو ان تركزوا اكثر على حكاية الاعتراف بالكيان الصهيوني ثم التواجد الصهيوني المكثف في القرن الافريقى ولن ازيد على ذلك فعقوكم في راسكم الخ..الخ..الخ ،، طبعا صاحبكم بكرى حسن صالح ماشى ساكت ما فاهم اى حاجه ولا ليهو ولا عليهو !!.

[عبدالواحد المستغرب اشد الإستغراب!!]

ردود على عبدالواحد المستغرب اشد الإستغراب!!
[عبدالواحد المستغرب اشد الإستغراب!!] 02-12-2016 10:25 PM
دايما بتسيبوا لب الموضوع وتمسكو في حاجه هايفه !! يعنى التعليق الطويل عريض ده ما لفت نظرك فيهو غير مصر والله البشير ليهو حق المركب في ضهركم بردعه ويهوزيز في كرعينو !! ما تفوقو حرام عليكم !!.

[احلي مكان بلدي السودان] 02-12-2016 08:41 PM
لازم تجيب سيرة مصر..يا عبدالواحد مصر تحتل ارضنا ومصر تعلم جيدا ان سد النهضه. ستكون فوائده جمة لبلدنا الحبيب ولا يخفي علي احد التامر المصري ضد بلادنا
افق يا عبد الواحد من استغرابك لان السودان بعد زوال حكم الانقاذ سيمتلك قراره وسنتعامل مع مصر بندية تحكمها مصالح السودان وليس الشعارات الباليه..


#1413654 [زلوط المنفلوطي]
5.00/5 (3 صوت)

02-12-2016 07:45 AM
امك غلفه وشايل موسه تطهرههههههههههههههههههههههههههههه

[زلوط المنفلوطي]

#1413653 [سوداني]
5.00/5 (3 صوت)

02-12-2016 07:44 AM
لا لا ده من ابو كديس جد

[سوداني]

#1413649 [مبارك]
5.00/5 (2 صوت)

02-12-2016 07:12 AM
حق المستشفى ده يا عمر ما كان أولى تساعد بيه اهلك البقوا يأكلوا وجبة واحدة في اليوم ؟ حق المستشفى ده ما كان يمكن ان يساهم في تأهيل مشروع الجزيرة الذي يدرس في الجامعات الامريكية ؟ حق المستشفى ده ما كان يمكن ان تأهل به التعليم في البلد البقيتها خرابة ؟ حق المستشفى ده ما كان يمكن تساعد به اليتامى والارامل الذين فقدوا عائلهم بسببك ؟ . الحكاية دي ذكرتني قصة حقيقية لواحد بتاع مظاهر ذهب ليبارك لقريبته التي وضعت مولودا فأعطاها مليون جنيه هدية وهي كل ما يملك في هذه البسيطة وعندما رجع الى منزله وجد أبنائه جائعين وليس لديهم حتى الخبز الذي يسد رمقهم

[مبارك]

#1413645 [مواطن دارفورى]
5.00/5 (3 صوت)

02-12-2016 06:52 AM
جيبوتى هي البلد التي اختارها السفاح لتكون الملاذ الامن له بعد هروبه من ثوار الانتفاضة القادمه وبالطبع معاه " القرنتيه " الظاهر فى الصورة " نائيه " عاينوا كرشو وضخامة جسده .. أفهموها .

[مواطن دارفورى]

#1413637 [ابن كوش]
5.00/5 (2 صوت)

02-12-2016 05:19 AM
مستشفي وبي نجمة اسرائلية كمان.دا استثمار من فلوس الشعب السوداني لضمان الهروب لكن الثورة قادمة يا كلاب

[ابن كوش]

#1413635 [advisor]
5.00/5 (2 صوت)

02-12-2016 05:07 AM
يستاهلوا شعب جيبوتي الشقيق! لكن يا بشبش ابوضراع ناس صراصر اولي بعطاياك واستسمارك حتي ولو من باب رد الجميل او حتي حوش بانقا٠ اللة يمهل ولا يهمل تذكر هذا

[advisor]

#1413629 [قرفان من الكيزان]
4.94/5 (6 صوت)

02-12-2016 04:13 AM
معقول ( بتكلفة عشرين مليون دولار )
يعني فعلا عريانه وبتكسي في جيرانه
حاجه تقرف

[قرفان من الكيزان]

#1413625 [برجل]
5.00/5 (6 صوت)

02-12-2016 03:30 AM
كسروا مستشفى الخرطوم وبنو واحدة في جيبوتي الزول دا يكون فاكر نفسوا بناها في الخرطوم شارع المطار طبعا على حسب ال؟؟؟؟

[برجل]

#1413619 [yahoo]
5.00/5 (7 صوت)

02-12-2016 02:30 AM
من لا خير فيه لاهله لا خير فيه للناس خلاص جربتو فينا كل انواع التعزيب والتشريد والتهجير ولان جابت ليها موكاواه يعني كيا فينا الله يلعنك وينعل............ والله اكان جيبوتي ما عارف

[yahoo]

#1413616 [ود افريقيا]
4.82/5 (5 صوت)

02-12-2016 02:11 AM
جيبوتي بلد متطور مقارنة بالسودان..
لماذا لم يتم انشاء هذا الصرح في السودان ياعمر؟

كسرة..
"تحت تحت" قالوا وداد حبوبتها من جيبوتي

[ود افريقيا]

ردود على ود افريقيا
[abushihab] 02-12-2016 09:35 AM
دا اذا هو ذاتو ما من اثيوبيا العامل زي ملس زيناوي دا. يكسر مستشفي الخرطوم, يعمل مستشفي في جيبوتي زي شجر الدوم يظلل بعيد وتحتو مافي ضل!!!!!!!!!!!!!!!!!!!!!!!

[julgam] 02-12-2016 06:02 AM
دى حبوبتها من جعبوتي. ..يا جماعه الكيزان ديل حيكتلونا بسكتات دماغية الله لابارك فيهم..حكى على حمد ابراهيم وكان وقتها سفير السودانى جيبوتي. وعندما قام الكيزان بارسال الباخرة نيالا محمله بالذره أن الجيبوتيين نقلوا صور تفريق الباخرة لمدة نصف ساعه ولن أعقبها بتقارير مصورة لمدة ساعتين عن المجاعة وقتها التى ضربت كردفان ودارفور وصور للسودانيين ياكلون من أوراق الأشجار ويحفرون بيوت النمل..فانهالت على السفير المكالمات من السفراء مستغربه من رد الفعل الجيبوتى. ..على كل الابالسه كالغلفاء ..الشايله موسها..وانا ما بفسر..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة