الأخبار
أخبار إقليمية
رئيس اتحاد الصحة: لن تُنظف الخرطوم ولو استوردوا ألف عربة
رئيس اتحاد الصحة: لن تُنظف الخرطوم ولو استوردوا ألف عربة
 رئيس اتحاد الصحة: لن تُنظف الخرطوم ولو استوردوا ألف عربة


02-12-2016 04:37 PM
الخرطوم: عواطف عبد القادر
شكا رئيس اتحاد ضباط الصحة بالسودان أحمد إدريس، من وضع ضباط الصحة بالبلاد، واصفاً إياهم بـ«المهمشين». وقال إدريس على هامش الملتقى التشاوري الأول لرؤساء اتحادات ضباط الصحة بالولايات أمس، إن عدم وضع خطة واضحة لاستبقاء ضباط الصحة أدى لاستمرار هجرتهم، لافتاً إلى هجرة أكثر من «1000» ضابط صحة من جملة «4.600» ضابط صحة مسجل بالبلاد. ونوه أحمد إلى أن هناك «600» ضابط صحة مميز هاجروا للخليج، وكشف عما أسماه بالتقاطعات المهنية بدخول جمعيات وأشخاص لا علاقة لهم بالمجال، وأكد أحمد أن ولاية الخرطوم «لن تنظف» ولو استوردوا آلافاً من عربات النفايات ما لم تقم باستيعاب ضباط صحة مهنيين.مشيراً إلى أن مشروع النظافة بالخرطوم دخل فيه أشخاص لا علاقة لهم بالنفايات ما عدا مدير عام مشروع النظافة، ولفت إلى وجود «800» ضابط صحة يعمل بالولاية.
ورسم إدريس صورة قاتمة عن أوضاع ضباط الصحة بالسودان، مطالباً بتخصيص حوافز مالية لهم وبدل سكن ولبس، وأماط رئيس اتحاد ضباط الصحة اللثام عن افتقار المحليات بالعاصمة والولايات لآليات الحركة وأجهزة الكشف والرقابة على الأطعمة والأغذية بالسودان، ونبه إلى ضرورة الوقف الفوري للبيع العشوائي للأطعمة داخل المدارس وضرورة اكتمال النواقص في دورات المياه بالمدارس، بجانب ضبط فوضى الأسواق.

الانتباهة


تعليقات 15 | إهداء 0 | زيارات 3573

التعليقات
#1413948 [الحقيقة المرة هي:]
4.00/5 (3 صوت)

02-13-2016 08:36 AM
العيب في الشعب السوداني نفسه هو وسخ لانه اتى باوسخ من في الأرض ليحكمنا.

العيب فينا كشعب ، والبلد ما فيها قانون هو سبب انفلات وخراب كل شيء .


البلد لو فيها رجال بتحاسب الوزير والرئيس قبل الغفير لما تدمرت حال البلد وأصبحت من ارزل دول العالم . بسبب غياب القانون يا عالم .


ووالله إن لم يبسط العدل على الجميع وخاصة الوزراء والمدراء لن ينصلح حال البلد لو قامت القيامة .


غياب العدل هو سبب الخراب الحاصل والوسخ والفساد والدمار لكل شيء بالسودان.

[الحقيقة المرة هي:]

#1413910 [كمال ابو القاسم محمد الحسن]
2.00/5 (1 صوت)

02-13-2016 12:55 AM
الحاصل شنو...؟؟؟!!!
ما حنسلما الا لسيدنا عيسى المسيح
الزارعنا غير الله اليجى يقلعنا
أي مجمجة ...يلا قونا في النقعة
حلة الملاح والوضع الاقتصادي في السودان خمسين سنة ما يتحلا
الداير يشيلنا....اليلحس كوعو
أها هسع الخرطوم(الاسلامية...دي) معقول 1000 عربية ما تنضفا
يا اخوانى (الخرطوم...العلمانية...الكافرة عديل) بي باراتها وبهجتها...كان بيسقوا حدائقا الباسقة...ويغسلوا شوارعا العا مرة،الناس دس ماسمعت بالمتنبي ، مع إنو إنتهازي غلييييييد...وأوانطجي زي نا سبدرات...وكدا...لاكين نضمو سمح بالحيل...حيث (غرد) قبل (زمن تويتر)

لا خيل عندك تهديها ولا مال....................فليسعد النطق ان لم يسعد الحال

أها الناس ديل النضم الظريف غالبن...الحكاية شنو
يا الله (طلع دينن) ونحن نعاين ونشوف ونسمع ونشم ونتحسس ونشارك بي غتاتةونشمت ونقول اللهم زيد وبارك

[كمال ابو القاسم محمد الحسن]

#1413882 [أبو هريرة]
3.00/5 (2 صوت)

02-12-2016 10:17 PM
خرطوم : تفوز بلقب اوسخ عاصمة فى العالم .

فازت العاصمة السودانية الخرطوم بلقب اوسخ عاصمة فى العالم فى الاستفتاء السنوى الذى تصدره مجلة (هيروزن ) الامريكية ، وقد انتزعت اللقب بفارق كبير من عاصمة افريقيا الوسطي بانغي متفوقه عليها بخمسين نقطة من مجموع الاصوات التى يدلي بها السياح الامريكين فى كل عام لاختيار اوسخ العواصم العالمية .
واكد الاستاذ يهانز فيدرك الصحفى بالمجلة ورئيس لجنة التصويت ان الاختيار وقع هذا العام على العاصمة السودانية بناءا على معايير خاصه تم طرحها للامريكين الذين زاروا موخرا الخرطوم . ومضي بالقول ان الشعب السوداني يفتقر لابسط ثقافة السلوك الحضارى ويهتم بمظهره الشخصي اكثر من اهتمامه بالبيئه المحيطة به .. فالخرطوم عبارة عن مكب كبير للنفايات وختم حديثه بالقول : تذكرني الخرطوم بحديقة القرود التى يتعذر تنظيفها .

[أبو هريرة]

#1413873 [aleheimir]
3.00/5 (2 صوت)

02-12-2016 09:41 PM
زمان (وآه من رمان هذه) كان عسكرى البلديه (المحليه) بى عصايه رقيقونه يوقف
سوف الخضار على فد رجل . فى عهده دمر نميرى الضباط الإداريين وبالتالى ضباط
الصحة . إنت يا أحمد إدريس جايى تشتكى بعد خراب مالطه ؟ من عجائب الإنقاذ
أن النفايات تسد الطرق فى كل أرجاء العاصمة والقائمون على أمرها يطالبون
بحوافر ماليه وبدل لبس وبدل سكن !!!!!!!
ويصرح أحمد إدريس بأن الذين يعملون معهم ده ما مجالهم . كدى عاين ليها من فوق
لى تحت ، فى زول فى مجالو يا أحمد إدريس ؟
أنا عندى ليك إقتراح النفايات دى خلوها لينا نحن ندير عملياتها بدون حوافز .
طبعآ حتقول ليا ده ما مجالكم.

[aleheimir]

#1413871 [هدهد]
5.00/5 (1 صوت)

02-12-2016 09:36 PM
ياحليل زمن كان البلد بخيرها وياحليل زمن ضباط الصحة فقد كان لهم حضور بارز وانجازات مقدرة فى الحفاظ على صحة الانسان والاشراف التام على نظافة الاحياء والاسواق ..... زمن ليته يعود مرة اخرى وننعم بالمهنة وشرف العمل دون فساد وجبايات وظلم .

[هدهد]

#1413861 [متسكع]
3.00/5 (3 صوت)

02-12-2016 09:04 PM
انت تعبان سااااكت رواتب عمال النظافة
في الدول الغربية المتحضرة اعلى رواتب
في الهيكل الوظيفي اما دول الخليج و
والدول النظيفة تدفع من امكانياتها
الضرائب تصرف في مشاريع نظافة حقيقية
مشكلتنا تجمع المبالغ الضخمة من المواطن
وتصرف في المكاتب وعربات ة مكيفات المحلية
والنثريات و ( كومشن ) الربط بمعني جيب
لينا 10 مليون والباقي حلال عليك
المشكلة في النظام وليس في النظافة

[متسكع]

#1413858 [توفيق عمر]
3.00/5 (2 صوت)

02-12-2016 09:03 PM
عشنا وشفنا يا خويا
النظافة دايرا ليها ضباط
دا ما موجود الا في السودان

[توفيق عمر]

#1413857 [أرسطو]
3.00/5 (2 صوت)

02-12-2016 09:02 PM
ضابط الصحة لا يصرف له لبس و لا تأمن له مركبة للتنقل بها الى الاسواق و كل المواقع و لا توفر له ادوات للكشف عن الاطعمة - و راتبه لا يكفية 5 ايام - بالله عليكم كيف يعمل و كيف يؤدى واجبه فى مثل هذه الظروف !!!!!!

[أرسطو]

#1413853 [ابوكدوك]
3.00/5 (4 صوت)

02-12-2016 08:43 PM
نظافة الخرطوم ونظافة السودان ككل تتم بطريقتين :

الطريقه الاولى :-

نظافة الخرطوم والسودان من الكيزان اولا - لانهم اساس الوسخ

الطريقة الثانية :-

ابعاد ما يسمي بمحلية من هكذا عمل وتحويلها الى شركات خاصة يتم الاتفاق معها بموجب
عقد وتكتفى المحلية بدور الرقابة فقط - مثال :- شركة ابوكدوك مسئولة عن نظافة حى
الرياض وحى اركويت والطائف والمعموره - قيمة العقد السنوى - 5 مليار جنية -
وقس على ذلك بقية الاحياء باسماء شركات اخرى مثلا شركة " rebel " مسئولة عن المنشية وبرى والدروشاب ،، وقس على ذلك بقية الاحياء ، بحيث تكون الشركة مسئولة عن جميع التكاليف يعنى بالبلدى عطاء ، ومن ثم تكتفى المحلية بدور الرقابة فقط ، واى شركة تقصر لا يتم التجديد لها ، اضافة الى غرامة تكون بالمليارات وبالقانون ،، خلال عام فقط ستتحول الخرطوم الى جنة الله فى ارضه ..

فقط يجب كنس هؤلاء الزباله من الساحه اولا .. بعداك وساخة الشوارع هينة .

[ابوكدوك]

#1413849 [ود اغبش]
3.00/5 (3 صوت)

02-12-2016 08:27 PM
كلام صحيح. .. لكن السبب ليس وجود آليات للنظافة المهم نوعية البشر. ..أعوذ بالله

[ود اغبش]

#1413841 [إبن الخرطوم]
3.00/5 (2 صوت)

02-12-2016 07:44 PM
المشكلة إنو لا توجد ثقافة صحية لدي الوافدين من أقاليم السودان أو الأجانب.

[إبن الخرطوم]

ردود على إبن الخرطوم
[زول الخلا] 02-14-2016 11:16 AM
أنت يالحبيب قول لأبوك جايئ من ياتو كركور الشمالية ولا وين أهل الخرطوم موجودين لا علاقة لها بها..ما تتفشر علي ناس الأقاليم برضو تربطك بيهم صلات ورحم ولا داعي لمعايرهم إنهم من الأقاليم وقل من وين إنت أجيب ليك حبوبتك جاية من وين...أهلها الأصليين بري والعقليين وبعض الأسر في توتي ,الفتيحاب وديم أبو سعد والجريفات والباقي كلو مهاجر..

[إبن الخرطوم] 02-13-2016 09:43 PM
يا إقليمي إنتة لو كنتة جيت الخرطوم زمان ما كنتة قلت كلامك دا عن الخرطوم, ناس الأقاليم بتفوا السفة في زهرية الزهور, تخلف. الشارع ,البيت والأنسان زمان كلهم نضاف لكن بعد الأنفتاح الأقليمي والأجنبي للخرطوم كل شيئ رجع للعصر الحجري. والمشكلة الكبيرة الناس اللفي الحكومة المسئولين عن إدارة الخرطوم ما بعرفوا أي حاجة عن الخرطوم, لسع ثقافاتهم إقليمية. مسكين خرطومنا الكان زي الفل.

[اقليمى] 02-13-2016 02:19 PM
والله الوافد انت واشكالك المتخلفه المتعفنه كعفانه خرطومك اوسخ حته فى السودان خرطومك
الشايفه دى لانها لمت ناس على اشكالك المصدومه فى خرطومك فاعلم ايها الخرطومى ان لم يكن لك جزور فى ربوع وسهول بلادى فانت اجنبى وافد على هذه الارض.

[داوودي] 02-13-2016 10:55 AM
شكلك عايش في دول الخليج نحن ما بنحب نرمى اللوم علي اي طرف تاني. لانو اصلا نحن ما عندنا الثقافة دي تلقا الواحد نضيف في لبسو وبيتو نضيف لكن الشارع الا تنتبة لموضع اقدامك .
الخرطوم من احسن الاحياء فيها لاسواء مكان كلو زي بعض . بلد ما فيها بنية تحتية ونحن في 2016


#1413834 [AAA]
3.00/5 (3 صوت)

02-12-2016 07:35 PM
لو البلد نضفت من الجماعة ديل الوساخة ما مشكلة..

[AAA]

#1413830 [عصمتووف]
3.00/5 (2 صوت)

02-12-2016 07:22 PM
خرطوم اية تنظف م بقت زي حديقة القرود

[عصمتووف]

#1413814 [TIGERSHARK]
4.00/5 (4 صوت)

02-12-2016 06:31 PM
Most of the Sudan cities are not clean, not just blaming the regime, the citizens should change their bad habits of throwing litters everywhere except in their homes

[TIGERSHARK]

#1413792 [قرفان للطيش]
2.75/5 (5 صوت)

02-12-2016 05:37 PM
انا يوميا يستقر يقيني بان السودان يحكم بشلة من البدو البلهاء،
هؤلاء تعادلنا الي عصور الكناف والاستجمار الخلوي
يا حليل زمن ملاحظ الصحة زمان

[قرفان للطيش]

ردود على قرفان للطيش
[زول الخلا] 02-14-2016 11:24 AM
هي يا قرفان مالهم البدو ونحنا علي قول عوض دكام الله يرحمو لضابط صحة صاحبو وهو يمازحه عندما قال ضابط الصحة وهو فرحان بمنصبه أنا ضابط صحة فأجابه دكام يا أخوي قايل نفسك ضابط نيشان ماك ضابط ضبان..فعليه مانا سائلين في زول ولا في حدا مالي عيننا..من ضواحي الخرطوم لكننا نحب أن نراها نظيفة كم كانت في سابق عهدها قبل أن تمتلئ بأكياس الباعة وأوساخ المطاعم وحيث كانت تغسل كل صباح بالماء والصابون والخضرة والزهور في كل مكان.

[أبو علي] 02-12-2016 06:00 PM
بان السودان يحكم بشلة من البدو البلهاء

لم التجنّي وجرح المشاعر !!
البدو في باديتهم يؤدّون واجاباتهم بامتياز
ليسوا بلهاء والذكاء فيهم يتدفّق ويفيض
ليت الحكم كان لهم فهم أطهر وأنظف ممّا تتصوّر
لا تعتقد أنّي منهم لكنّي أعرف معدنهم وشهامتهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة