الأخبار
أخبار إقليمية
الوثائق القومية: بيع وثيقة واحدة بلندن تساوي بترول السودان
الوثائق القومية: بيع وثيقة واحدة بلندن تساوي بترول السودان
 الوثائق القومية: بيع وثيقة واحدة بلندن تساوي بترول السودان


طالبت بتحسين أوضاع العاملين المؤتمنين على تلك الوثائق،
02-12-2016 10:33 PM
كشفت دار الوثائق القومية بأن بيع وثيقة واحدة بالمزاد العلني بلندن يعادل سعر بترول السودان، وفيما طالبت بتحسين أوضاع العاملين المؤتمنين على تلك الوثائق، حذر الأمين العام للدار د. كبشور كوكو من التفريط في الوثائق وتسريبها خارج البلاد والتخلص الجائر من المخطوطات المهمة، وشكا من تعرض العاملين لأوضاع صحية وبيئية وآفات خطرة كالثعابين والعقارب.
وانتقد في ذات الوقت تعطيل وزارة المالية لأنتاج العاملين لصناديق الأرشفة، وأعلن خلال زيارة لجنة العمل بالبرلمان للدار أمس، عن حملة تقودها الدار لجمع الوثائق من كافة ولايات السودان، مشيراً الى وجود وثائق بأيدي المواطنين. وشكا من عدم وجود مقار لهم بالولايات، وقال (مرات يخصصوا لينا مقر ولمن يجي والي جديد او معتمد محتاج لسكن بيكشونا ويختونا في حاويات)، في وقت تعهد فيه رئيس لجنة العمل والإدارة والمظالم العامة بالبرلمان عمر الشيخ بدر، بالجلوس مع مجلس الوزراء لحل كافة المعوقات التي تواجههم ووضع شروط خاصة لتحسين أوضاع العاملين بالدار، مؤكداً رضاءهم عن الأداء. وشدد المدير العام للتقنية والتوثيق محمد أزرق سعيد على تعديل قانون الوثائق لسنة 2005 لحماية الوثائق من التسرب خارج البلاد والتخلص الجائر، وأقر بحاجة الدار والعاملين فيها للدعم، وقال (هم كبشر يحتاجون لوضع أفضل)، فيما أكد رئيس قسم الحفظ امتلاكهم لـ«30» مليون وثيقة و«260» مجموعة أرشيفية، وكشف عن مجهودات لاستجلاب الجريدة الرسمية للبلاد (الغازيتا) من وزارة العدل.

الانتباهة


تعليقات 10 | إهداء 0 | زيارات 4651

التعليقات
#1414531 [تفتيحة لمن فضيحة]
0.00/5 (0 صوت)

02-14-2016 02:32 PM
قالو المصريين اشترو الوثائق بتاعة حلايب وشلاتين ودقسوكم !!

[تفتيحة لمن فضيحة]

#1414355 [المتجهجه بسبب الانفصال]
0.00/5 (0 صوت)

02-14-2016 09:46 AM
لقد تم اللعب في وثائق الكثير من الاراضي حول الخرطوم وحولت ملكية العديد منها الى اشخاص لاحق لهم فيها بعد استخراجها من دار الوثائق فمثلاً الارض التي اقيم فيها برج الفاتح وجزء مجاور لها سرقت من ملاكها الحقيقيون واستولى عليها اقارب لهم وقد ورد خبر في الراكوبة قبل عامين بشأنها وربما تكون هنالك عشرات أو مئات بل الوف الحالات الشبيهة بعد انعدام الوطنية وموت الضمير الحاصل بي حاليا سببو إنتي (الانقاذ) ،، بعض الموظفين في دار الوثائق في عهد الانقاذ شاركوا في ذلك ،، أراضي كثيرة تم تزوير اوراقها،،، أما الوثائق التي تخص الوطن فالله اعلم وربنا يستر ،، ثم أين الدار الجديدة التي تم نقل دار الوثائق لها ،، حدثتي أحدهم أن بعض الوثائق كانت مهملة ومرمية في سقف المبنى باعتبار العاملين في الدار انها غير مهمة ،،، الوثائق السودانية مهمة جدا ليست للسودان فقط بل حتى للدول المجاورة خاصة في فترة الحكم الانجليزي لان الانجليز كانت لهم نظرة خاصة للسودان ولم يضعوه تحت ادارة وزارة المستعمرات الانجليزية بل وضعوه تحت إدارة وزارة الخارجية البريطانية،،،،

[المتجهجه بسبب الانفصال]

#1414044 [مالك الحزين]
3.50/5 (2 صوت)

02-13-2016 12:42 PM
بيع وثيقة واحدة بالمزاد العلني بلندن يعادل سعر بترول السودان،

خلاص إستعدوا ,,, وأسمعوا من الآن سوف تباع كل الوثائق ,, الباعوا خط هيثروا ,, وباعوا السكه الحديد ,, والخطوط البحريه,, ما صعب عليهم يبيعوا الوثائق

[مالك الحزين]

#1414025 [الحق ابلج]
3.50/5 (2 صوت)

02-13-2016 12:15 PM
انها مشكله حقيقيه وبالرغم من انو كبشور كوكو ذاتو كوز وعمر الشيخ اكبر حرامى زى ما فال أخونا خالد ادناه الا انو لا توجد اى وسيله لحماية كم وتلاتين مليون وثيقه .
البرلمان طبعا تعبان ولا يرجى منه لكن مجرد اثارة الموضوع ومناقشتو حتخلى الحراميه اولاد الكلب يعملو حسابهم الف مره .
الكوز ممكن يبيع امو بأبخس تومن .

[الحق ابلج]

ردود على الحق ابلج
[زول الخلا] 02-14-2016 11:07 AM
لا أدري من هو عمر الشيخ بدر(أم ضبان) هل هو اللي كان يشتغل في التعاون؟لو هو دا تمساح كبير ببلع جب وجب و لو هو يكون تمساح كل لعهود من نميري واليمقرطية التانية وبداية الإنقاذ ما شاء الله عليهو ديناصور عديل كدا.


#1413990 [صادميم]
4.00/5 (3 صوت)

02-13-2016 11:09 AM
الوثائق مهمة جداً لكن انتو كمان ما تبالغوا قال ثمن و ثيقة يساوي ثمن بترول السودان !!! وزي ما انسرقت المشغولات الذهبية من متحف السودان القومي ستكون اي و ثيقة ذات قيمة راحت من زمان.

[صادميم]

#1413975 [سوداني كردفاني]
3.00/5 (2 صوت)

02-13-2016 10:28 AM
سؤال لكل سوداني وخاصة ناس دا الوثائق اول بداية لتاريخ حجز الاراضي الاستثمارية هل هو1948 ام لا وهل توجد خرطة توضح ذلك لان الكيزات باعوا كل الاراضي الاستثمارية في كل السودان

[سوداني كردفاني]

#1413963 [ابو جاكومه]
3.00/5 (2 صوت)

02-13-2016 09:51 AM
كلام خطير جداً
يعني يا تساونا مع الحراميه الكبار . يا نبيع الوثائق القوميه ونبغى في صف الحراميه الكبار الحجل بالرجل .. وسوقني معاك .

الظاهر بعتوها زمان يا كبشور كوكو . لأنه لا خبر لك ولا حس ولم نسمع لك صوت . دائماً إنتوا يا كيزان السجم بتحبوا الفلوس . وأنا أقترح تسمية حزبكم ب [ حزب المؤتمر الطفيلي لكنس المال ] .

[ابو جاكومه]

#1413901 [عمر عبد الله عمر]
3.00/5 (3 صوت)

02-12-2016 11:51 PM
كبشور كوكو دا جاهل و لا مستهبل؟
ما في وثيقة في دار الوثائق السودانية دي إلا و عندها نسخة اصلية في جامعة درهام في بريطانيا.. من وين جات أهميتها ما هي كلها نسخ تركها الإنجليز.. رسمتها إنت و لا الوهم بتاعنك دارويش الإستقلال ديلاك..
والله لو كان كلامك دا صاح يا كبشور كوكو كانوا باعوك إنت ذاتك مع دار الوثائق دي خلي الورق الفيها عشان ينحلوا من ورطتهم دي...
قال بسعر البترل قال... شوف الهبل و الخبل!

[عمر عبد الله عمر]

#1413898 [سوبرمان]
3.94/5 (6 صوت)

02-12-2016 11:25 PM
مالك يا كبشور قلت الكلام دة إنت عارف إنو الكيزان ديل جنهم وجن الدولار وأصلهم ما بيهمهم بلد أو تاريخ وطن يقوموا ينهبوا الوثائق ويبيعوها بالدس، أبقى عشرة عليها وإلا الرماد كال حماد.

[سوبرمان]

ردود على سوبرمان
European Union [الجــــــــــــــزيرة ابـــا] 02-13-2016 07:43 AM
فى زول نصيح بكشف للحرامى مكان مفتاح الخزينة ؟!!!

دى شفع كبار وحرامية محترفين فى كل شئ حتى التلاعب بالقرءان الكريم قاموا به .. وبلعبوا بالنار فى رؤوسنا .. تجريب ونهب


#1413897 [Khalid Abdalla Ragab]
4.00/5 (3 صوت)

02-12-2016 11:19 PM
Sobhan Allah Omer ElShaikh
Badr the known thief is now the person responsible for filing the dispute!? Who will file his previous thefts?

[Khalid Abdalla Ragab]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة