الأخبار
منوعات سودانية
ندى القلعة: أبحث عن زوج (يخاف الله فيني) وعيد الحب حرام
ندى القلعة: أبحث عن زوج (يخاف الله فيني) وعيد الحب حرام
 ندى القلعة: أبحث عن زوج (يخاف الله فيني) وعيد الحب حرام


لدي أغنية تحث الفتيات بقبول التعددية الزوجية، .لدي (3) بنات و(3) أولاد
02-14-2016 03:34 PM
الخرطوم :
أنا ضد الاحتفال بعيد الحب، لأن الإحتفال به يخالف تعاليم ديننا الإسلامي الحنيف، الذي خصانا بعيدين من أعظم الأعياد، الأضحى والفطر، ولم احتفل طوال حياتي بما يسمى عيد الحب، والحب في قلبي هو لأمي وأولادي ووطني وجمهوري، غير ذلك لا أعرف..


هكذا إبتدرت ندى القلعة حديثها وقالت: (صاح أنا بغني) لكن ليس إحتفالاً بالمناسبة، فالغناء هو مهنتي و(أكل عيشي) وفرصة للقاء جمهوري، و(دي فرصة) اقول فيها للناس أن يتركوا تقليد (الخواجات) ولا يهتموا بالقشور والأشياء الغريبة علينا (زي عيد الحب) وغيره
*وعن جديد أغنياتها قالت ندى:
أعددت باقة من الأغنيات الجديدة منها أغنية (أفريقية) من كلمات وألحان سحر ميسرة، وهي أغنية تتحدث عن الإعزاز والإنتماء للقارة الأم (أفريقيا)، والفخر بألواننا السمراء والسوداء، وواصلت: أنا ضد العنصرية وتمييز الناس بألوانهم، والأغنية أول تجربة لي في الغناء باللغة العربية الفصحي وستترجم للغتين الإنجليزية والفرنسية.
وعن الجديد أيضاً تضيف الفنانة الجماهيرية قائلة: لدي العديد من الأغنيات الجديدة، منها أغنية تحث الفتيات بقبول التعددية الزوجية، وأضافت ضاحكة: أعلم أن الأغنية ستفتح عليّ طاقة من هجوم النساء، ولكن لأني فنانة صاحبة رسالة لابد أن أقوم بواجبي وأطرح قضايا المجتمع بكل جرأة دون النظر للعواقب، لذلك لم أتردد في طرح قضية العنوسة التي تفشت في المجتمع.
وواصلت بالقول: جديدي أيضاً فيديو كليب لأغنية أثيوبية جرى تصويره في أديس ابابا، وأرتب الآن لتدشينه في حفل كبير قريباً إن شاء الله.
ومضت ندى قائلة : أنا كنت الزوجة الثالثة لزوجي عليه رحمة الله، والآن ليس لدي ما يمنع أن أكون الزوجة الثانية أو الثالثة أو حتي الرابعة إذا ما وجدت الشخص الذي يحترمني و(يخاف ربنا فيني)، وأضافت: الحمد لله (الأولاد عندي والبنات عندي .. دايرة شنو تاني غير الإحترام)
ندى كشفت عن تقدم الكثيرين لخطبتها فيهم مشاهير ورجال مال وأعمال، لكنها إعتذرت لهم بلطف لأنها لم تجد من تبحث عنه من بينهم، وفي حال وجدته فليس هناك ما يجعلها ترفض.
وعن سر علاقتها مع الرقم (3) المتكرر في الكثير من أشيائها الخاصة؟ قالت ندى أن هناك سراً في هذا الرقم لا تعرفه، ولكنها تتفاءل به كثيراً، فهي لديها (3) بنات و(3) أولاد ولها من الأخوان (3) ومثلهم من الأخوات والأعمام والعمات والخلان والخالات وأضافت أن ابنها مولود في العام 93 وابنتها يوم 3 أكتوبر وأرقام هواتفها تحمل الرقم (3) متكرراً، وكذلك رقم سيارتها والكثير من أشيائها لها صلة بهذا الرقم وكلها من باب الصدفة فقط.
وفي ختام حديثها قالت ندى أنها ليست متابعة جيدة لما يدور في الساحة الفنية، لأنها مشغولة بأعمالها الخاصة والفنية، وأنها تسمع الكثير الذي يقال عنها ولكنها مفوضة أمرها لله المنتقم الجبار.

اخر لحظة


تعليقات 26 | إهداء 0 | زيارات 8417

التعليقات
#1429257 [وهلم جرا]
0.00/5 (0 صوت)

03-15-2016 09:07 PM
قالت والحب في قلبي هو لامي واولادي وجمهوري ووطني طيب نسيتي الله والرسول وين حبهم في قلبك ثم قالت فالغناء هو مهنتي واكل عيشي طيب ايه رايك الغناء حرام حرام بالدليل من القران والسنة

[وهلم جرا]

#1426855 [الباشكاتب]
0.00/5 (0 صوت)

03-11-2016 12:41 PM
بالله يا تاس الراكوبه ما تنسونا من انزال مواضيع لذيذه زى دى .
شوف التعليقات دى بتنزل الضغط كيف وتصلح المزاج ....... ؟؟؟ يا سلام يا راكوباب وبعدين ندى القلعه بنت كويسه وام ما حتزعل منكم ولا حاجه .

[الباشكاتب]

#1415381 [ود الحاجة]
0.00/5 (0 صوت)

02-16-2016 09:14 AM
تبحثين عن زوج ام تتطلعين لزوج
البحث للرجال يا شيخة

[ود الحاجة]

#1415090 [العجب]
0.00/5 (0 صوت)

02-15-2016 04:54 PM
ندى القلعة بقت تطلع فتاوى كمان!!! في عهد الإنقاذ كل شيء جائز ووارد.

[العجب]

#1415030 [Floors]
3.00/5 (2 صوت)

02-15-2016 03:22 PM
الشريف ماكفااااااااااااااااااااااااااااااااااااااااااااااااك !!!!!!

[Floors]

#1414939 [حسن علي]
0.00/5 (0 صوت)

02-15-2016 11:42 AM
يا سلام ده الكلام ، درر الحديث ، الي الامام ولا تنظري للخلف الي الامام زنقة زنقة الي الامام

[حسن علي]

#1414909 [ليدو]
4.50/5 (2 صوت)

02-15-2016 11:01 AM
طيب ما دام إنتي و زي ما قلتي بتفتخري بألواننا السمراء والسوداء ،، فاسخة وجهك وقالبة لونك مالك ؟؟؟؟؟ شي عجيب والله .

[ليدو]

#1414903 [خضرابي]
0.00/5 (0 صوت)

02-15-2016 10:51 AM
لماذا تحرمون ما احل الله الوليه عايزه عريس استروها وارحموها برحمة الله غافر الذنب رحيم بالعباد.

[خضرابي]

#1414893 [الخمجان]
3.00/5 (2 صوت)

02-15-2016 10:40 AM
قالت زوج يخاف الله فيني ( الطيبين للطيبات)

[الخمجان]

#1414876 [ابو شهاب]
0.00/5 (0 صوت)

02-15-2016 10:14 AM
ربنا يكرمك

[ابو شهاب]

#1414838 [مريود]
0.00/5 (0 صوت)

02-15-2016 09:08 AM
جارٍ البحث.

الولد بتاع ناس خليل وين؟

[مريود]

#1414796 [عودة ديجانقو]
5.00/5 (1 صوت)

02-15-2016 07:51 AM
عيد الحب حرام
*************
ذكرتينى حكاية الشاف زوجته فى وضع لايحسد عليه قام قال ليها والله يا خجيجه ما باقى ليك إلا شراب السجاير.

[عودة ديجانقو]

#1414755 [ود افريقيا]
3.00/5 (2 صوت)

02-15-2016 02:20 AM
قال عرس قال.. اختشي ياوليه.. بعد كدا اﻻ يعرسك الشريف
او كان تطرحي قضيتك دي في الحمار الوطني

[ود افريقيا]

#1414753 [علاء الدين دياب]
5.00/5 (1 صوت)

02-15-2016 02:13 AM
تحياتي ندي
عساك بخير
حقيقه ليس لدي مانع من الارتباط بك
وارجو الافاده علي الرقم 0122221918
والفيها خير ربنا يقدرها

[علاء الدين دياب]

ردود على علاء الدين دياب
[زول الخلا] 02-15-2016 12:04 PM
يا زول مبروك مقدما..أنا جاري ليك العدد وبتتزوجها بإذن الله لكن لي طلب واحد بس حفلة حقت عرسي التالت منكم...أها طمعت ولا حاجة؟


#1414720 [Jubaone]
5.00/5 (1 صوت)

02-14-2016 10:54 PM
داعيشي تحت غباء الفن. السول لماذ لم تحجب. .......ما تنساه الرقص دا كمان حرام....... إن خايف انت عضوية في جحيم المخابراتية. .....خسارة لك ولكل الفن

[Jubaone]

#1414717 [Truth]
5.00/5 (2 صوت)

02-14-2016 10:37 PM
توقعت من الصحفية سؤال البطاقة الشخصية و الاسم ثلاثى حتى الان نعرف ندى القلعة و لكن اسمها الثلاثى

[Truth]

ردود على Truth
[ود قلبا] 02-15-2016 02:04 AM
ندي محمد عثمان


#1414683 [ود بانقا]
5.00/5 (7 صوت)

02-14-2016 08:50 PM
مولانا ندى القلعة ، فتوى منك حلوة ( عيد الحب حرام ) ، طبعا عندك الغناء حلال لأكل العيش . ايه رايك في بشه يكون عريس . ترتاحي للآخر يفصل ليكي القوانين كما تشائي بواسطة بدرية الترزية . كمان المخلوق ده عندو مزرعة بالسليت لها مستقبل . خصوصا بشه باقي عليه أيام لو ما مات ، المحكمة الدولية يتجيب خبرو . رايك شنو؟

[ود بانقا]

ردود على ود بانقا
[مدحت عروة] 02-15-2016 11:34 AM
تعليق مبالغة يا ود بانقا والله يخزى شيطانك اقسم بالله ضحكتنى لمن قعدت اكح!!!

[سوداني بس] 02-15-2016 11:15 AM
ههههههه صدقت يا ود بانقا

[سوبرمان] 02-15-2016 04:22 AM
إنت كدة جننت وداد بابكر جن والله يستر على ندى.

[yahoo] 02-15-2016 01:59 AM
قويه يا ود بانقا قولت لي بدريه الترزيه


#1414682 [اوهاج]
5.00/5 (2 صوت)

02-14-2016 08:50 PM
هذا وقد جاءت الفتوى بحرمة عيد الحب استنادا على مصادر اطلعت عليها الشيخة ندى القلعة وارده فى الصحيحين ولكن نسال الشيخة ماذا عن رحلات نجيريا ؟الم يرد عنها شىءومع ذلك فشكرا فقد وصلت الرسالة (فقد تساوت الكتوف مافيش فرق بين الشيخة وشيوخ السلطان)

[اوهاج]

#1414679 [ود نوباوي]
5.00/5 (3 صوت)

02-14-2016 08:42 PM
ارشح ليكي عبد الرحمن الصادق المهدي ، يحب الهجيج وما حيعارضك في الغناء وإقامة الحفلات.

[ود نوباوي]

#1414675 [جمال مظفر]
0.00/5 (0 صوت)

02-14-2016 08:35 PM
الله يوفقك ويحقق مرادك

[جمال مظفر]

#1414667 [Bdrtaha]
0.00/5 (0 صوت)

02-14-2016 08:17 PM
المره دي انقلبت خواجيه بكريمات التبيض وباقي الجسم كيف لونو الله يفك عقدكم من اللون الاسود

[Bdrtaha]

#1414651 [بايره]
5.00/5 (4 صوت)

02-14-2016 07:09 PM
رأيك شنوا في دفع الله حسب الرسول

[بايره]

#1414630 [الشاتق طاقيتو]
5.00/5 (2 صوت)

02-14-2016 06:18 PM
الوقار المصتنع.... واحد من اكبر الامراض التي يعاني منها ناس كتار من اهل بلدي...
متين الخلاص يارب..

[الشاتق طاقيتو]

#1414616 [ابو زينب]
3.00/5 (2 صوت)

02-14-2016 05:34 PM
وعندك حفل اليوم 14/2 ياربي في رائك يكون دا تاريخ استقلال السودان ؟؟؟ قالت ضد الاحتفال بعيد الحب
عجائب ياناس !!!!!

[ابو زينب]

#1414614 [ابو زينب]
5.00/5 (4 صوت)

02-14-2016 05:32 PM
انتي خافي الله في روحك اولاً بعد كدا فتشي للبخاف الله فيك

[ابو زينب]

ردود على ابو زينب
[مريود] 02-15-2016 09:10 AM
أحسنت يا أبا زينب .

الله يوفقنا وإياك وإياها.


#1414584 [سامي]
5.00/5 (2 صوت)

02-14-2016 04:20 PM
دا كلام فارغ ربي اولادك وبناتك ديل... الان انتي عمرك حوالي 50 عاما عرس شنو تاني كفاية ثلاث عرسات ؟؟؟؟؟؟؟؟؟؟؟

[سامي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة