الأخبار
أخبار إقليمية
اللجنة الشعبية السودانية لاغاثة الشعب السورى تعرض نشاطها لدعم المواطنيين السوريين بالسودان
اللجنة الشعبية السودانية لاغاثة الشعب السورى تعرض نشاطها لدعم المواطنيين السوريين بالسودان
اللجنة الشعبية السودانية لاغاثة الشعب السورى تعرض نشاطها لدعم المواطنيين السوريين بالسودان


02-16-2016 10:55 PM
الخرطوم ( سونا) - أكد الدكتور ابراهيم عبد الحليم رئيس مؤسسة الزبير الخيرية استعداد الشعب السوداني لاستقبال اخوانهم السوريين مشيرا الى انهم في اللجنة الشعبية السودانية لإغاثة الشعب السوري يتفاعلون مع كل الاحداث .
جاء ذلك اليوم بمنبر وكالة السودان للأنباء حيث عرضت اللجنة الشعبية السودانية لإغاثة الشعب السوري لأنشطتها لرعاية ودعم السوريين في السودان .
وطالب ابراهيم جميع السوريين بتسجيل اسمائهم في المكاتب التي تم انشاؤها لهذا الغرض وذلك لتسهيل المساعدة لهم داعيا الشعب السوداني مساعدة الاخوة السوريين في تسهيل اندماجهم في المؤسسات الحكومية من تعليم وصحة وغيرها .
وقال الشيخ محمد حسن طنون رئيس منظمة انصار الأقصى ان اللجنة تكونت منذ العام 2012م لترابط الشعبين السوداني والسوري في العقيدة واللغة ومن اجل مساعدة اخوانهم بتوفير متطلبات الحياة الضرورية مؤكدا انهم ليسوا لاجئين ولا جانب وان الشعب السوداني يقاسمهم الغذاء وخدمات الصحة والتعليم .
من جانبه اوضح الاستاذ هجو قسم السيد رئيس لجنة التعليم باللجنة ان ما نقوم به اللجنة هو نيابة عن الشعب السوداني مشيرا الى ان ما يقارب ال1500 طالب بالتعليم العام من الاخوة السورين يدرسون بالمدارس الحكومية مثمنا دور رئاسة الجمهورية ووزارة التربية والتعليم بتوجيهاتهم بمعاملة التلاميذ السوريين كالسودانيين .
وشكر الاستاذ مازن سميح عضو اللجنة مستثمر سوري بالسودان الشعب السوداني والحكومة بمساعدة السوريين الذين اختاروا السودان كموطن بعد محنتهم مثمنا دور الشعب السوداني بفتح مؤسساتهم الخدمية لإخوانهم السوريين مؤكدا حرصهم علي حث الاخوة السوريين ان يكونوا منتجين ومفيدين لا عالة علي الشعب السوداني موضحا انهم في لجانهم المختلفة سيكونون خير معين للجنة.


تعليقات 15 | إهداء 0 | زيارات 1626

التعليقات
#1416543 [kurbaj]
0.00/5 (0 صوت)

02-18-2016 08:48 AM
لجان الكذب والنفاق ...؟؟؟.. (الأعراب أشدُ كفراً ونفاقاً...)

[kurbaj]

#1416384 [عبد الله البعيو]
0.00/5 (0 صوت)

02-17-2016 08:55 PM
ارتباط الأخوة السوريين بهذا الوطن ضارب في عمق التاريخ وأكبر دليل النادي السوري الذي ظل رمزا شامخا للعلاقات الطيبة بين البلدين. والسوريين أخوة لنا إن لم يكن في العروبة التي كانت مثار جدل بينكم فهم أخوة لنا في العقيدة. ومن واجبنا أن تمد لهم يد العون من منطلق أخلاقنا التي نتميز بها عن سائر الشعوب حتى عن الأغنياء العرب من دول الخليج الذين أوصدوا أبواب بلادهم في وجه السوريين فساءت بهم الحال لدرجة أنهم إضطروا لركوب البحر الى بلاد أوروبا فكانت نتائج هذه للهجرات كارثية فكم من أطفال إبتلعتهم أمواج البحار.
فليس من شيم السوداني أن يوصد بابه أمام المستغيث ونجدة الملهوف.
فيا أهل السودان الكرماء أتاكم هذا الشعب المنكوب ﻷنه ينشد الأمان في بلدكم.. وأكيد أن الشعب السوري على دراية تامة بالوضع المعيشي الصعب بالسودان ورغم ذلك فضل المجيئ الى السودان فهبوا لنجدته عملا بأصلكم الكريم وأخلاقكم النبيلة التي ظللنا نتفاخر بها جيلا بعد جيل.

[عبد الله البعيو]

#1416350 [على]
0.00/5 (0 صوت)

02-17-2016 07:13 PM
يااخوانا الكثير من السودانيين تعلموا مجانا على حساب الشعب السورى ولم يمنوا علينا واعتبرونا اخوانهم هسه لمن المت بهم مصيبة نمننهم حرام عليكم على الاقل سدوا الدين والسوريون ماقالوا لزول اتعلمتم عندنا مجانا بل اعتبروا الموضوع طبيعى اذا ما قادر تساعد اسكت وخلى غيرك يرد الجميل والسوريون شعب شغيل ولابحب الاتكالية دا انتم خليتم بعض الجنسيات تدخل وتشتغل بدون تاشيرات وينبزوكم فى بلدهم وفى بلدكم على الاقل السوريين ناس مهذبين اتقوا الله

[على]

#1416306 [فضل حسن يوسف]
0.00/5 (0 صوت)

02-17-2016 05:31 PM
وهم العروبة عقدة يعيشها أهل الشمال من غير النوبا فأجدادهم فروا للسودان هربا من المماليك وتركوا نساءهم سبايا مثل هروب المك نمر، والذى لم تكن عملية فراره غريبا على ثقافته، ودخلوا السودان ليغتصبوا النوبيات ويخرجوا هذا المسخ المشوه لكن ظلت عقدة الإغتصاب عالقة بذاكرتهم إلى الدرجة التي جعل البشير يقول إن الغرباوية إذا إغتصبها جعلى فذلك شرف لها، وضرورى ملاحظة العلاقة التي قرنها بين الإغتصاب والأشراف!!!!

[فضل حسن يوسف]

#1416190 [Rebel]
5.00/5 (1 صوت)

02-17-2016 02:25 PM
* غريبه!

[Rebel]

#1416174 [فدائى]
5.00/5 (1 صوت)

02-17-2016 02:05 PM
اغشوا معاكم يا اخوانا السوريين بعد ما اغيثوكم الشعب السودانى واغيثوه معاكم مما اغاثكم به (الكيزان اولاد ******** )لانو والله الشعب السودانى عليهو حال ؟اصعب من حالكم عشرات المرات

[فدائى]

#1415991 [باكاش]
0.00/5 (0 صوت)

02-17-2016 09:47 AM
انها الحرب العنصرية واستراتيجية التغيير
الديمغرافي التي يديرها الاخوان المسلمين
في السودان...منع المساعدات الانسانية
للمتضررين من اهلنا في دارفور وجبال
النوبة والنيل الازرق،وتكوين لجنة لاغاثة
اللاجئين السورين ...
وبعدين يجو يقولو ليك اخرجتو كلامنا
من سياقوا، واخطاتو فهم حديثنا.

[باكاش]

#1415962 [ابوالليل]
0.00/5 (0 صوت)

02-17-2016 08:59 AM
عقده اللون الابيض والانتماء العربى (عقده زى الظار البلبش داك).سلمنا عرضا ان نكون عرب لتحدثنا اللغه العربيه ولوننا ترابى,لكن هذا لن يجعلنا عرب زوى بشره بيضاء(ولا فى الحلم) لانو كدارينا معوجه وملامحنا افريقيه بحته . اصب كل اللوم على القبائل التى تسمى نفسها عربيه فى السودان. سموم افكارهم وعقليات متخلفه ولا تجدى بشئ غير العنصريه البحته, والاسلام منع ذلك. انهكت وجدان وكيان هذا الوطن فى جميع اطرافه(عرب - عبيد - خدم).لا هم بعرب حقيقة ولا بأفارقه.اختلطت عندهم الموازين اللونيه(قمحى او ذهبى فقط للتلميع والكشكره) والشعر( السبيبى) والتشبه بالعرب الاصليين بدون مقارنه.فى السودان عاملين ملائكه و فى دول الخليج( ارخص مله) خدم وعبيد ولا احد يعترف بعروبتهم (لا فى سوريا ولا السعوديه -مثلا) .ويجدوا صعوبه فى ادراك انهم حقا ينتمون لهؤلاء؟ وكيف؟ وليه؟ وتحصل له صدمه دماغيه فى الشريان الاورطى الاعور العربى وتهز معتقداته الباليه بهذا الاتماء ,فاما ان يعيش مذلول ويدهنس وياكل عيش , او يتعنطظ ويغلط ويقول عربى ,ودى بتوديهو فى ستين داهيه هناك لانها بعيده عن الواقع).( وقد سمعت يوما ان العرب يسمو السودانين:اولاد حرام - ابناء غير شرعيين, الضروره فقط(غنيه عن التعريف) ادت الى ذلك. قد تغضب وتنفعل وتنفجر بكاءا,لكن هذه هى الحقيقه والواقع الأليم لبعض السودانيين فى الدول العربيه . فلماذا نتمسك بهم ونتمسح ونتمرمرق تحت احزيتهم, انتم عرب بصوره ارتجاليه . واذا ذهب لدول افريقيه لا يوصف بافريقى.
ولو كان العرب الاصليين بجلالة قدرهم قبلو ورضوا الزواج بالافارقه وانجبوا هذه السلاله النبيله(على حد قولهم), فلماذا انتم خائفون من التزاوج بالافارقه رغم انهم جدودكم الاصليين؟ عجبا لعقول تحكمت فيها عقدة اللون والحفاظ عليه ونبذ بنى جلدهم ومنعهم من التزاوج. وبل زاد عن ذلك: لا يتم إختيار احد لوظيفه او فرصة عمل الا ان يكون قمحى او قمحيه واذا كان ابيض فهوعز المطلب حتى ان كان اميى متخلف(ده ختوا واجه بنفع - ومقدمات البرامج فى التلفزيون كلهم صفر,يكفيك ذلك). واذا سلمنا من هذا واعترفنا بكم قبائل عربيه ولا تحبوا الزنوج ولا تتزاوجوا معهم.فلماذا لا ترحلوا عنا لبلادكم او تتركونا لحالنا نحن الزنوج الافارقه الشينين فى سوداننا. لقد افسدتوا عقول بناتنا حتى اصبحوا دمى ملونه (مبرقعه)من كثرت استعمال الكريمات, فقط للظهور بمظهر مقبول حسب العقليه المريضه لعقده اللون لعلها تجد وظيفه فقط, ناهيك عن الزواج(زنجيه اللون معناها تموت بالبوره).وكثير منهم اصيبوا بامراض خطيره من جراء هذا التخلف المجتمعى والمستشفيات مليئه بهن. فهل هذه الظاهره اتت من فراغ؟
احلف قسما ان اى سورى(او سوريه) يدخل السودان يجد كل العنايه والمساعده بدون ان يطلبها وسوف يعامل افضل من اى اتخن مواطن سودانى طوال فترة تواجده. ...لماذا؟كلنا نعرف السبب ولا نبوح به.احلال اللون الابيض محل الاسود وعقدة الوان الطيف البشريه.(لان اهلنا فى دارفور احوج و أحق بالعنايه منهم الان) .واذا كان فهمى مغلوط هنا وغير صحيح فى حق مساعده الغريب والمحتاج, وطبع كرمنا السودانى للضيف والغريب,فلماذا لم نتعامل مع الاخوه الاحباش والارتريين بهذا المبداء عندما دخلوا ارضنا لجوءا(قبل السوريين) رغم انهم اقرب جوارا واشكالا ؟؟؟. الا يوحى ذلك لك بشئ؟
اخيرا كل ما اود قوله: لماذا لا نقبل بكوننا سودانيين فقط ولنا خصائص متفرده عن غيرنا (عرب ولا افارقه - قمحى ولا فحم) اختلاف الواننا وسحنتنا الافريقيه والعربيه لا يفرقنا فنحن ننتمى لوطن واحد, وقداسة اللون الابيض هذه لن تفيدنا بشئ غير الدمار والانحطاط .السوريين والارتريين والاحباش مرحبا بهم. نتعامل معهم بروح التساوى والإخوه الى ان يرد الله لهم اوطانهم وغربتهم.

[ابوالليل]

ردود على ابوالليل
[ابو الليل] 02-17-2016 08:01 PM
رد عل[amr] الزاوية التى تنظر بها للموضوع تطرقت اليها.واظنك لم تقراء الجزء الاخير منها.سطحيه. اقتباس: فلماذا لم نتعامل مع الاخوه الاحباش والارتريين بهذا المبداء عندما دخلوا ارضنا لجوءا(قبل السوريين) رغم انهم اقرب جوارا واشكالا .الموضوع هو مساعده المحتاج اما لبه غير ذلك.لنكون واضحين .واحترم زاويه رأيك. وهل اهلنا فى دارفور غير محتاجين والمسولين الازداد عددهم فى الخرطوم وبالاخص الاطفال والمشردين. فمن الذى يتق الله هنا؟

[amr] 02-17-2016 12:16 PM
المقام مقام مروءة ومساعدة للمحتاج ..وانت تتحدث عن اللون الابيض؟.. اتق الله


#1415951 [ali]
0.00/5 (0 صوت)

02-17-2016 08:39 AM
انتو نحن عالجتوتنا وعلمتونا وكفيتونا وريحتونا عشان نفكر في الشعب السوري ... نحن في المدن والريف ومناطق الحروب جوع وعطش ومرض ووووالخ

[ali]

#1415917 [abuemad]
0.00/5 (0 صوت)

02-17-2016 07:33 AM
والله وتالله لو تعرفون الشعب السورى والفلسطينى مايحيكونه من خبث ومكر وحقد وإحتقار للجالية السودانية فى المهجر لضربتموهم بالجزمة والشلوت . نحن شعب طيب لا يحمل أحقاد ولا ضغايين ولكن هؤلآء الشوام أولاد.....،،،،،،؟ أستغفر الله العظيم لن أكون لعان ولآ طعان كما قال الصادق المصدوق صلى الله عليه وسلم . سلط الله عليهم إسرائل وبعضهم البعض والله قادر على كل شئ

[abuemad]

#1415908 [عثمان خلف الله]
5.00/5 (1 صوت)

02-17-2016 07:07 AM
اعانة القريب اولي
بس دارفور قطر كابه فيها ملايين الدولارات
قرى نموذجيه ومدارس
الحكومه كمان وفق الاتفاقيه تدفع الملايين لدارفور كحالة استثنائيه دونا عن الولايات الاخرى
وبعد ده لا يعجب العجب ولا الصيام فى رجب
كده نحنا المفروض ما نساعد اى حد لما دلع دارفور يخلص
والله الشماليه وشرق السودان اتعس بمراحل من دارفور بس عارفين انو حال البلد من بعضو عشان كده هم صابرين
اى حد بعد ده المفروض ما عايز يساعد نفسو ويغيش من غرق جبينو يشوف بلد تانى تدلعو
نحنا مشردين بره البلد ما قادرين نرجع مع انو بلدنا مليانه موارد بس التمرد خارب سمعه البلد حصار وعدم استثمار وسمعة سيئه
السوريين عيشو بامان دى بلدكم

[عثمان خلف الله]

ردود على عثمان خلف الله
[كوكاب] 02-17-2016 03:07 PM
كر كر جدادة الكترونية.


#1415903 [ود بري]
0.00/5 (0 صوت)

02-17-2016 06:30 AM
اقسم بالله لو الحصل في سوريا حصل في السودان .. ناكل نيم حتى نستغيث .. ما في عربي بتهموا مشاكل السودان .. المشكلة الساسة السودانيون عندهم عقدة نفسية اسمها العرب.. نحن افارقة الهوي .. اسال اي سوداني لو تباري فريق عربي مع فريق افريقي ح يشجع الافريكان.. مصر نيجريا.. الجزائر الكاميرون.. العراق أي حاجة افريقية وشوف

[ود بري]

ردود على ود بري
[amr] 02-17-2016 12:17 PM
ضربتنا المجاعة قبل كده فهب العرب لمساعدتنا .. والآن نجد كل العون من قطر والسعودية فلاتنكروا الجميل .....


#1415879 [قرفان من الكيزان]
0.00/5 (0 صوت)

02-17-2016 04:53 AM
بالله عليكم الاولي بالمساعده هو الشعب السوداني ولا السوري

[قرفان من الكيزان]

#1415821 [mmmmmmm]
3.00/5 (1 صوت)

02-16-2016 11:47 PM
انتو ماكم ومال السوريين ماعندكم مشردين فى دارفور وجبال النوبه وكافة انحاء السودان ماتعملو ليهم لجنة اسي الحصل فى سوريا دا لو حصل فى السودان تفتكروا السوريين بستقبلوكم كدى عامليين فيها عرب ياملصقيين نحن افارقة جدودنا وحبوباتنا ماعندنا شغلة بالعرب الماعندهم عشرة ديل فكونا شوفو ليكم برنامج تانى ياحراميه

[mmmmmmm]

ردود على mmmmmmm
[كوكاب] 02-17-2016 03:13 PM
يازول الخلا وابو السميح انت دايرين تعربو السوريين ديل بمزاجكم يعني عشان لونهم ابيض ودايريين تتلصقو فيهم زي القراد وكمان شنو الدولة العباسية ونحنا جدنا العباس؟ تسعين في المية من السورين رومانيين واتراك واكراد بلاش لصيق يا ابو اللصيق.

[زول الخلا] 02-17-2016 09:46 AM
اختلف معاك إنت يمكن ما عربي قول أنا ما عربي مش كل السودانيين..بس ما تلقو ليكم فرصة في شئ إسمو عربي إلا تتفشو فيهو وهو لو مافي عرب كان إنت تتفاصح بالعربي كدا؟

[أبو السمح] 02-17-2016 08:26 AM
الدولة العباسية كانت في سوريا و البشير جده العباس , يعني قرابة روح بالروح
عرفت العلاقة يا الحبيب


#1415813 [الهلباوي]
4.25/5 (3 صوت)

02-16-2016 11:14 PM
في مجموعات كبيرة من نساء دارفور والنيل الازرق وجنوب كردفان مشردات يشحدن في استوبات العاصمة وشايلات اطفالهن بسبب موت ازواجهن في حرق قري دارفور ،، بالله ديل اعملو ليهم لجنة تنبسق من لجنتكم دي

[الهلباوي]

ردود على الهلباوي
[كوكاب] 02-17-2016 03:15 PM
ناس دارفور والنيل الازرق وجبال النوبة حيكونو ليهم لجنة للابادة الجماعية.

[Ghandi] 02-17-2016 09:34 AM
تشويش على الذهنية الجماعية للشعب السودانى و إيهام العرب بمروءة زايفة و عطية من لا يملك لمن لا يستحق.ربنا يحلنا من النفاق النحن فبه ده.

[الفوراوي] 02-17-2016 06:04 AM
ههههه يعملو ليهم لجنة تنبسق من لجنتهم؟ العالم كلها عايشة ازدواجية ولكن رغم هذا والله العظيم اخوانا السوريين فوق راسنا وانا رغم معاناة اهلي في دارفور تحدثت في راديو وتلفزيون الكندي عن اهمية اهتمام كندا دولتا وشعبا لانغاذ السوريين من انياب بشار الاسد والان انا شغال مترجم لخمسين سوري هنا في كندا....المهم نحن في حاجة لاهتمام باهلنا قبل ان نسال الغريب لان ناس الخرطوم لا يهمهم جبل مره ولا جبل عامر ولا اب كارينقكا ولا كادقلي...والجلد الما جلدك خليه يتحرق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة