الأخبار
أخبار إقليمية
سياسات وموجهات جديدة لتنظيم هجرة الأطباء
سياسات وموجهات جديدة لتنظيم هجرة الأطباء



02-17-2016 02:43 PM
الخرطوم: عواطف عبد القادر
أقر اجتماع لوزراء الصحة بالولايات وضع سياسات وموجهات لتنظيم هجرة الأطباء ووضع مصفوفة لتنفيذ سياسات وتشريعات تمنع العمل الخاص أثناء ساعات الدوام الرسمي للأطباء، وتفعيل آليات لمتابعة مشروع نقل التخصصات الدقيقة للولايات وعمل نظام لمتابعة الأجهزة الطبية مما يتيح الاستخدام الأمثل لها، ودعا الاجتماع لإنشاء معامل صحة عامة، ووضع قانون إطاري للعمل الخاص في مجال الصحة.

الانتباهة


تعليقات 5 | إهداء 0 | زيارات 2906

التعليقات
#1416595 [إبن السودان]
0.00/5 (0 صوت)

02-18-2016 09:50 AM
انا طبيب متغرب و لما القي خبر زي ده بتذكر ايام البهدله من داخليه لداخليه و من ميز لي ميز . بتذكر ايام اضراب الاطباء لما الشعب خذلنا قبل الحكومه ... الشعب ال أضربنا عشان نوفر ليهم خدمه تحترم ادميتهم ... قالو مرتاحين و مقرشين و قليلين أدب و الجرايد تكتب و الحساب يوم الحساب. اصاب بالغثيان من عبارات زي .. مصفوفه_ اليات _ سياسات .. عارف يعني شنو تجفيف مستشفي الخرطوم .. عارف احساس انك تقيف قدام المدير الطبي عشان تشحد جونتات و هو يتعامل كانه دافع من جيبه .. و غيرها مواقف و قصص كتير
بس العايز اقوله ان عيون الناس الخليناهم ورانا لسه بتذكرني اني افرق بين كرهي للظلم و الظالمين و بين فكرة الشر يعم و الخير يخص .. انا شغال بمرتب شهري لو في السودان ممكن اخده في 3 سنوات لكن مستعد ارجع البلد عشان الناس البيستاهلو و غالبية اهلنا يستاهلو و عشان عين تكرم الف عين .. بس ربنا يصبرنا علي ناس المصفوفه حتي يقضي الله امرا كان مفعولا ...

[إبن السودان]

#1416440 [زول متابع]
0.00/5 (0 صوت)

02-18-2016 12:36 AM
طبعا مامون حميدهكان قاعد فى نصهم ووملاهم القرارات اللى طلعوا بيهاو ماوس حقده على الاطباء على كل ارجى الجاييك يا حميضة

[زول متابع]

#1416398 [dodar]
5.00/5 (1 صوت)

02-17-2016 09:37 PM
انتو وكت ماعندكم وظائف للدكاترة ورواتب تعبانة للشغالين !! سيبو الناس فى حالها وخليهم يفتشو معايشهم برة . بلا مصفوفة وبلا مكتوفة !!! بالاء يخمكم

[dodar]

#1416265 [احمد حسن علوب]
5.00/5 (2 صوت)

02-17-2016 04:14 PM
يا وزير الصحه خلينا فى الجد انا عندى ولد وبنت فى السعوديه شغألين أطباء . وهاجرو قريب بعد ان حفو واتبهدلو من فترة التدريب وفترة الخدمه .
الولد والبنت بياخدو مرتبات اجمالى فى حدود اتناشر الف ريال سعودى يعنى ما يعادل خمسه وتلاتين مليون ج سودانى .
اذا كنت بتلتزم تدفع ليهم نفس المرتب فى السودان.... على الطلاق بكره اسافر واجيبم ليك صره فى خيت .
واذا ما بتقدر احسن تسكت ساكت لانهم ذاقو منكم ما ذاقو من شلهتا وجوع واهمال . وشكرا

[احمد حسن علوب]

ردود على احمد حسن علوب
[ود افريقيا] 02-17-2016 10:13 PM
حرم لو دفعوا لينا 40 مليون في الشهر ما بنرجع للكﻻب الخنازير ديل


#1416216 [صوت ضميرك]
5.00/5 (2 صوت)

02-17-2016 03:15 PM
تاني ( مصفوفة) يا .....المصفوفة اشتغلت الله اكبر .......جنس جنكسه

[صوت ضميرك]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة