الأخبار
أخبار إقليمية
إشراقة ترفض المثول أمام لجنة التحقيق وترجيحات بفصلها من الحزب الاتحادي الدقيري
إشراقة ترفض المثول أمام لجنة التحقيق وترجيحات بفصلها من الحزب الاتحادي الدقيري
إشراقة ترفض المثول أمام لجنة التحقيق وترجيحات بفصلها من الحزب الاتحادي الدقيري


02-18-2016 04:15 PM
الخرطوم: محجوب عثمان

رفضت مساعد الأمين العام للحزب الاتحادي الديمقراطي إشراقة سيد محمود مقابلة اللجنة التى تم تشكيلها للتحقيق معها عقب تقديمها مذكرة لمسجل الأحزاب طاعنة فى الأمين العام للحزب د. جلال الدقير واعتبرت إشراقة أن اللجنة التى شكلت للتحقيق معها غير قانونية كونها خرجت من المكتب السياسي غير المعترف به أصلاً، في وقت كشفت فيه مصادر اتحادية عن اتخاذ الإجراءات ضد إشراقة واعتماد تقرير لجنة التحقيق وفصلها من الحزب.

وقال بيان صادر من مناهضي أمانة الدقير ممهور بتوقيع إشراقة وبروفيسور علي عثمان وسوكارنو جمال الدين إن ما قام به الدقير من دعوة للمكتب السياسي يعتبر تأصيلاً للدكتاتورية عبر مؤسسات الحزب، مشيراً لمخرجات المكتب التي برأت الأمين العام من المحاسبة ما يعتبر مخالفة لدستور الحزب، مؤكدين أن قرارات المكتب السياسي واللجان التى أقرها لا تحمل لديهم أي مرجعية ولا يوجد ما يلزمهم بها كونها خالفت العديد من مواد دستور الحزب.

وبدوره أكد مصدر من داخل الحزب أن لجنة التحقيق ستمضي فى مهامها للتحقيق مع الموقعين على المذكرة وسترفع تقريرها وتتخذ الأمانة العامة فى مواجهتهم العقوبات التى توقع أن تكون الفصل من الحزب، لافتاً إلى أن فصل إشراقة من الحزب يترتب عليه إسقاط عضويتها من البرلمان استناداً على نص المادة 29/ هـ من لائحة أعمال المجلس الوطني التى تنص على إسقاط العضوية متى ما تغير الانتساب السياسي أو الحزب الذى انتخب العضو بموجبه لعضوية البرلمان.

الصيحة


تعليقات 12 | إهداء 0 | زيارات 2282

التعليقات
#1417142 [الناصح]
5.00/5 (1 صوت)

02-19-2016 04:21 PM
اشراقة جنجويد بعد كده طوالى على المؤتمر الوطنى أكان قبلوك, بس لازم تربطى رويسك المدوقس ده زى باقى الكوزات المنافقات.

[الناصح]

#1417081 [Lila Farah]
0.00/5 (0 صوت)

02-19-2016 11:52 AM
حريقه في اشراقه وفي الدقير
واتفوووووووووووووووووووووووووووووو علي بشه ومن داقره.

اشراقه والدقير ...الدقير واشراقه

فصلوها لأ ردوها طلقوها لأ فصلوها وهي تزغرد لامن شرطا الضحك.
حريقه فيها وفي الدقير وفي البروفيسور علي عثمان وسوكارنو جمال الدين
الخايبين الطالعين ونازلين وراها اتفووووو عليكم رجال آخر زمن .ِ

[Lila Farah]

ردود على Lila Farah
[عبدالرحيم] 02-19-2016 02:06 PM
ههههه فعلا المشكلة في البروف الطالع نازل وراء اشراقة .. عشان كدا لجنة التأديب لم تستدعيه ولو صحيح بروف وبيحترم علمه ما كان ماشئ وراء اشراقة او وراء الدقير واحمد بلال .. يترك البروف من اي منصب لا في الحزب ولا في الدولة وبعد دا كله ماشي وراهم ..

خليك في الجامعة التي تعمل بها احسن لك ولعلمكم من ان تتبع اشراقة والتي في النهاية سوف تترك وتذهب للمؤتمر الوطني لأنه عندها زغرودة لازم يستوفونها حقها لما هي تمش الوطني لانها هي طالبة منصب وجاه بعدين انت بتمشي وين؟؟؟؟

الحكاية كلها ثلاثة شهور والحكاية حا تجوط وتتشك وتتخلط من جديد؟


#1417073 [كرم]
0.00/5 (0 صوت)

02-19-2016 11:03 AM
ياناس الراكوبه أرحمونا شويه ، نحن ماصدقنا الوليه دي شالوها من الوزارة وقطعت وشها من الأخبار ، الشي شنو كل يوم إشراقه قالت وإشراقه فعلت حاجه ما يستفيد منها الناس .

[كرم]

#1417063 [زرديه]
0.00/5 (0 صوت)

02-19-2016 10:42 AM
شرغرغ عجبني ليك بعد ده شوفي ليك دلكه وخمره وشوفي راجلك وين

[زرديه]

#1417031 [yahou]
5.00/5 (1 صوت)

02-19-2016 08:25 AM
اسمك جميل وشكلك حبوب وجهك برئ ايه الوداك العفن الاسمو السياسه دي

[yahou]

#1417006 [حاج علي]
0.00/5 (0 صوت)

02-19-2016 07:03 AM
غايتو الصورة
جنس جضوم هههههههههههههههههه
واحدة جامعية تزغرد لواحد جاهل مجرم وقاتل زي حمتي

[حاج علي]

#1416860 [Truth]
0.00/5 (0 صوت)

02-18-2016 06:34 PM
و الله محن زاتنا ما فاهمين كنا فاكرين انو اعضاء البرلمان منتخبين من الشعب و بعدين لو فصلوا اشراقة حيحصل شنو غير قاعدة الحزب حتبقا 14 عضو من اصل 15 عضو

[Truth]

#1416844 [ابو جلمبو]
1.00/5 (1 صوت)

02-18-2016 05:31 PM
الحزب الدقيري ده يعني الوقوف فيهو بالصف وفيهو دقار والا شنو يا ناس ورونا عشان نمشي نقيف في الصف وندقر

[ابو جلمبو]

ردود على ابو جلمبو
[كعكول في مرق عنقريب] 02-20-2016 07:43 AM
تحياتي يابوجلمبو - إنت عارف مصدر الدقير هو شنو؟ الدقير هو تخفيف لتصغير كلمة الذكير - وقلب الذال إلى دال شائع في السودال وكذلك الكاف إلى حرف صوته يشبه القاف نكتبه قافاً لأنه لايوجد في الابجدية العربية. أما الدقر بمعنى الثعبان فهو أيضاً للشبه الواضح.

مما ورد أعلاه فالاسم تصغير لل "ذكير" - يعني ما تامِّي ... يعني ناقص... فما تخاف أقيف في صفك ودقر ... بس أوعك ما تدنقر.

[ود التوم] 02-19-2016 06:10 AM
abureem هههههههههههههههههههههه هههههههههههههههههه

[abureem] 02-18-2016 11:07 PM
هههههه هههههههه !!!! انت ياابو جلمبو من زمن الدقار !!!! والله انت زول دقة قديمة ... وما مواكب .. هسع اولاد ميكي بيقولوا ليهو Miss ..Call


#1416830 [ود افريقيا]
0.00/5 (0 صوت)

02-18-2016 05:01 PM
بكرة بتبقى مؤتمر وطني

[ود افريقيا]

#1416828 [إيتام نيفاشا]
1.00/5 (1 صوت)

02-18-2016 05:01 PM
قرف يقرفكم يا احزاب الفكة ومعاكم عصابة الرقاص وكل الذين باعوا ضمائرهم وغيروا الوانهم مقابل الدرهم والدينار الذى يدفع لهم خصما من فاتورة حليب الاطفال وعلاج الغلابى والمرضى غير المقتدرين وطلاب المدارس الذين يذهبون للمدرسة بدون فطور

[إيتام نيفاشا]

#1416824 [bakhita]
3.00/5 (2 صوت)

02-18-2016 04:48 PM
انا عاصرت اشراقة فى الجامعة والله كانت باهتة لحد ناس فى الكلية ما بعرفوا اسمها بذكر كانت دايما شفيقانة فى اراكان النقاش وما بتعرف بتتكلم ما عارفة كيف اصبحت وزيرة الله يلعن الكيزان

[bakhita]

ردود على bakhita
[عبدالرحيم] 02-19-2016 06:58 AM
يا بخيتة حكاية وزيرة او وزير ساهلة جداً بس الواحد يموت في حب الاخوان والمؤتمر الوطني ويسب ويشتم كل المعارضين وما ينسى يتسخدم كلمة خونة ومارقين ومتمردين علمانيين وانهم قاعدين في القنادق العالمية ويستلمون قروش الاستخبارات الامريكية ...الخ

وتمشى تقرأي كتاب في السب والشتم وتحفظيه وتفرغ هذا السم وفي داخل الاجتماعات المغلقة مع الحزب الحاكم/الكيزان وتقومي تردحي في المعارضة وتشتمي في الجماعة اياهم وتقولي انا احب المؤتمر الوطني حتى الثمالة .. كما قالت احدى المرشحات في دائرة كرري بالخرطوم.

فحب المؤتمر الوطني عرفناه فلماذا تحب الثمالة؟؟وان كتاب تحب المؤتمر الوطني حتى الثمالة فأنا الثمالة؟؟

وفي ذات الوقت تتحدث عن الانقاذ وانها جاءت لتنقذ الشعب الذي وجدته عاريا فكسته ووجدته جايعا يقيف في صفوف الرغيف فأطعمته..وكان يلبس قميص واحد فاصبح يلبس قميصين وثلاثة والدولاب لما تفتحه تهجم عليك الملابس وان الحكومة ادخلت لهم الموبايلات من 3310 الى اخر موديل يعمل بالجيل الرابع وسوف تدخل الحكومة كمان الموبايلات التي تعمل بالطاقة الشمسية قريبا وسوف تدخل الحكومة الكمبيوترات الخالية من اليو اس بي الخ دا الخ


#1416822 [الداندورمي .]
0.00/5 (0 صوت)

02-18-2016 04:41 PM
الرشاقه الفصلت إشراقه.

[الداندورمي .]

ردود على الداندورمي .
[AL-Kiran] 02-18-2016 11:09 PM
heheheee



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة