الأخبار
منوعات سودانية
بين ندى وتسابيح
بين ندى وتسابيح
بين ندى وتسابيح


02-22-2016 01:58 PM
الخرطوم : معاوية محمد علي


تعقد محكمة الملكية الفكرية بالخرطوم اليوم جلسة جديدة في قضية مذيعة قناة النيل الأزرق السابقة ندى طلعت ضد قناة الشروق الفضائية، وذلك لسماع صاحبة الدعوى وشهودها في القضية، مدير البرامج السابق بقناة النيل الأزرق الشفيع عبد العزيز والمنتج محمد عكاشة.
وتتلخص وقائع القضية في أن الشاكية ندى طلعت أفادت في دعواها بأن قناة الشروق الفضائية مارست القرصنة على برنامجها «كلام نسوان» الذي هو من فكرتها وتقديمها وسبق أن قدمته في قناة النيل الأزرق، وبعد ذلك قامت المذيعة تسابيح مبارك خاطر بتقديمه في قناة الشروق في شهر رمضان الماضي دون أي تنازل أو موافقة منها للقناة، وطالبت ندى بتعويضها مبلغ 500 ألف جنيه.
وفي ذات السياق قالت ندى طلعت لـ «آخر لحظة» إنها لا تقصد من قضيتها المذيعة تسابيح في شخصها ولا قناة الشروق، ولكنها ترى أن برنامجها تعرض إلى عملية قرصنة واضحة، وأنها تريد أن ترسي أدباً جديداً في الوسط الإعلامي باللجوء للقضاء بعيداً عن المهاترات وحرب التصريحات المعروفة في مثل هذه الحالات، وأضافت أنها تثق في حكم القضاء السوداني المشهود له بالنزاهة والعدالة، وهي راضية بحكمه إن كان لها أو عليها.

اخر لحظة


تعليقات 8 | إهداء 0 | زيارات 7047

التعليقات
#1418955 [ودالخضر]
0.00/5 (0 صوت)

02-23-2016 12:52 PM
اولا دى مذيعة غير معروفة وعايزة تعمل ليها ضجة اعلامية وشكلها راس دا ما فيه شئ غير الثوب اللابساه انا اول مرة اشوفها فى ياتو قناة

[ودالخضر]

#1418907 [عبدوش]
0.00/5 (0 صوت)

02-23-2016 11:38 AM
اول شي البرنامج ما فكرة جديدة عشان الاستاذة ندى تشتكي ويكون عندها حق من سنوات وأنا متابع للبرنامج وأن اختلف الاسم شوية ( كلام نواعم) في اذاعة مونتكارلو الفرنسية . وكل البامج في قنواتنا ما هي الا تقليد لفكرة برامج أجنبية حتى اذا كانت لا تتماشى مع المثل والاخلاق والرسالة الاسلامية (والأمثلة كثيرة على ذلك ولو دخلو جحر ضب لدخلناهو ) عشان كدة أحسن للاستاذة ندى تحترم نفسها حتى لا تاتي صاحبة فكرة برنامج كلامو نواعم وتشتكيها ( والاختشو ماتو )

[عبدوش]

#1418827 [الممغوس]
0.00/5 (0 صوت)

02-23-2016 08:40 AM
الحاصل شنو يا اهل الفن امس الاستاذ الحلنقي واليوم الاستاذه ندي زمان الواحد لدينتو وجاي يسدد ليك الدين انت بتتكسف تشيل منو القروش رغم البلغ حقك احقيقة اناس اتغيرت الزمن هو هو اقالوا الخواجة لمن يفلس يشوف دفاتروا القديمة ولله يصلح الحال

[الممغوس]

#1418781 [mabo]
0.00/5 (0 صوت)

02-23-2016 07:07 AM
وقد اضافت انها تثق في القضاء السودانى المشهود له بالنزاهة والعدالة وههى راضية بحكمه)ثقتك فى القضاء السودانى اشبه بثقة صاحب برنامج حتى تكتمل الصورة ببشبش او كثقة بشبش بالفريق طه - القضاء السودانى لما كان نزيه انتى لم تولدى بعد فيبدو انك من جيل الانخاز فلا غبار عليك

[mabo]

#1418547 [الجعلي]
5.00/5 (1 صوت)

02-22-2016 04:22 PM
ماتشوفي شي غيروو ,,, وما تخليك روحك رياضية ,, خلاص هي ناقصة قضايا وقلة حياء ,, طممتي بطني وانتي قايلة دي قضية وراثة .. ياختي روحي الله يوفقك وبلاش الشوويات ديل .

[الجعلي]

#1418504 [adilnugud]
4.50/5 (3 صوت)

02-22-2016 02:49 PM
هو اصلا البرنامج مسروق من فضائيات خارجيه...................

[adilnugud]

#1418499 [أرسطو]
4.50/5 (3 صوت)

02-22-2016 02:40 PM
يا أستاذة ندى , أنت نفسك سارقة فكرة البرنامج من برنامج (كلام نواعم ) على فضائية MBC ..

[أرسطو]

#1418468 [المستعرب الخلوى]
4.75/5 (4 صوت)

02-22-2016 02:09 PM
دى غايتو غيرة ساكت من تسابيح ..

[المستعرب الخلوى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة