الأخبار
أخبار إقليمية
الشرطة تقبض على موظفة بتهمة بيع أراض حكومية
الشرطة تقبض على موظفة بتهمة بيع أراض حكومية



02-23-2016 01:30 PM

الخرطوم - بخيتة زايد
ألقت الشرطة القبض على موظفة، تواجه اتهامات تتعلق بالاحتيال والتزوير في مستندات رسمية وبيع أراض حكومية بضاحية الملازمين في أم درمان، وبحسب مصادر شرطية فإن السيدة جرى توقيفها في أربعة بلاغات، وأبلغ مصدر (اليوم التالي) أن عملية البيع تم اكتشافها عندما شيد أحد المواطنين بناية شاهقة في الأرض الحكومية، وعند توقيفه أرشد إلى المتهمة وتم إلقاء القبض عليها ووضعها رهن التحري، ومن خلال التحريات اتضح أنها زورت مستندات الأراضي وباعتها لمواطنين بأسعار متفاوتة ما بين (200 - 700) ألف جنيه

اليوم التالي


تعليقات 14 | إهداء 0 | زيارات 4955

التعليقات
#1419638 [هندسة]
5.00/5 (1 صوت)

02-24-2016 07:17 PM
الحكاية شنو فى عهد عبد الوهاب عثمان بقى حرامية الارض نسوان قالوا الواحدة تخلف كراعها كدا يجيها المخطط كلوا وتطلع ما يقدر يناديها يقول ليها دا حق ناس
والورير الذى خلفه بيتلقى تعليماتو من وداد روجة الرئيس التى ادعت ملكيتها لارض نادى برى المصدقة قبل ما يادوا ابراهيم بتاعها راتو

[هندسة]

#1419403 [فيلق]
5.00/5 (2 صوت)

02-24-2016 11:17 AM
الشرطة لو فالحه خلاص كان تقبض المتعافن المتعافي ماخلي ارض في الخرطوم مااشتراها وهو والي ...يحكي ان المتعافن عندما يمر بعربتة وتعجبة قطعه ارض ناصية مدنكلة اسكها ليك سك الكديس للفار الا اجيب اجلا واقلعا قلع من سيدا ياناس الشرطة امشو اقبضو المتعافي وحققو معاو ...من وين جاب القروش دي من بيت ابو ولا امو
وتاني شئ ناس وداد والبشكير ملكو كافوري كلها ماسالتوهم لية والمانافع داك برضو
وعلي عثمان اسي قال قاعد في مزرعه وماعندو بيت بالله خلاص يااباذر الغفاري صدقناك ...ياابوعلوة انت بتتعالج في الاردن كيف نصدقك انو ماعندك ارض ولابيت ...حكي لي زميلي ذهب مع والده للعلاج في الردن مصاب بالسرطان توفي الي رحمه مولاه والطبيب المعالج قالو نائب رئيسكم بتعالج معاي كل فترة عندو سرطان الدم لاشماته في المرض ربنا اشفية لكن كيف يمكن الذهاب للاردن بصورة مستمرة لامرة لامرتين لزول عادي مامقتدر
ياناس الانقاذ بطلو نفاق خلوكم واضحين

[فيلق]

#1419364 [أب أحمد2]
5.00/5 (3 صوت)

02-24-2016 10:02 AM
لم نسمع بمثل هذه الجرائم التى تقوم بها حواء السودان من قبل الا فى عهد الانقاذ!!!!
جماعة الانقاذ والمؤتمر الوطنى أفسدوا كل ما هو جميل فى السودان، حتى الهواء والله يستر من القادم!!!!!!!!
من كان يصدق بأن حواء السودانية أصبحت تزور وتختلس وتسرق وتحتال وتبيع كرامتها وتسافر للخارج من اجل ال......(وهذه لاتصدق أبدا).
من الذى ينقذ السودان من هذا المصير المجهول؟؟؟؟؟؟؟؟؟
أرفعوا أكفكم الى السماء وأدعوا دعوة المظلوم والمنكوب والمزلول وسوف ينصرنا الله على الظالمين.

[أب أحمد2]

#1419346 [صالة المغادرة]
5.00/5 (2 صوت)

02-24-2016 09:48 AM
مدير عام الاراضى الاسبق ووكيل ديوان النائب العام السابق خمش ولهط وما خلى قطعة ارض مميزة الا وحاز عليها ليه ما حاكمتوه وقطعا خايفين يقول ليكم زى المقدم بتاع الجمارك قال كلام واضح انا لحمى مر وحاطلع فى الصفيحة واقول النصيحة والكلام كان واضح عشان وداد جاغمة جغم صاح عبر منظمة سند الخيرية والموضوع فيهو بلاوى متلتلة كما يقول اهلنا فى مصر بلا مشروع حضارى بلا قرف يا نهابين يا محتاين يا دجاين يا تجار الدين .

[صالة المغادرة]

#1419302 [ود الكندى]
5.00/5 (1 صوت)

02-24-2016 08:35 AM
لاحول ولاقوة الا بالله لقد بيعت السودان بالكامل

[ود الكندى]

#1419298 [البروف]
5.00/5 (1 صوت)

02-24-2016 08:28 AM
الحمد للة على كل حال
زمان كان الاحتيال والسرقة والتزوير للرجال فقط
اما الان اصبح الجنس الاخر هو المتصدر لكل الجرائم والاحتيال
سبحان الله ( الحال ميل )
الله يحفظنا جميعا

[البروف]

#1419269 [المسلمي]
5.00/5 (2 صوت)

02-24-2016 07:09 AM
لها حق البيع لانها باعت ضميرها فكيف لا تهون عليها الارض التي ترنكز قدميها علي ترابها

[المسلمي]

#1419178 [كعكول في مرق عنقريب]
5.00/5 (7 صوت)

02-23-2016 08:53 PM
عمارة شاهقة غير مرئية

طيب فهمنا دي زورت وباعت (الشاري ده ما عاف قيمة الارض في الملازمين كم؟) ... وطيب الإتنين حرامية وزلنطحية ... وين ناس الاراضي والمساحة وزبانية شهادات البحث ومتلقي الحجج مفتشي التنظيم .... ومفتشي المبانين ما شافوا العمارة دي من ما حفروا ودقوا الساس والعمارة اتبنت طوبة طوبة لحدي ما شهقت ... وين الناس اللي سلموا الاوتاد واللي وصلوا الموية والكهرباء ... العمارة دي لازم مبنية بالطوب السري والسيخ الشفاف والخرصانة الخفية والمونة السحرية.

[كعكول في مرق عنقريب]

#1419134 [الأشـعـة الـحـمــراء]
5.00/5 (3 صوت)

02-23-2016 07:10 PM
مـوظـفـة .. فـي الأراضـي .. الـتـزويـر تـم بـداخـل الأراضـي بـواسـطـة المـجـمـوعـة المـسـانـدة ( SUPPORT ) .. الـسـيـنـاريـو .. يـتـضـمـن فـقـرة إكـتـشـاف الـتـزويـر .. ثـم الـسـجـن .. و الـخــروج مـن الـسـجـن بالمـزيـقـا.. ؟؟

[الأشـعـة الـحـمــراء]

#1419109 [هناء عبدالعزيز]
5.00/5 (1 صوت)

02-23-2016 05:38 PM
A very sound advice...... ironically

[هناء عبدالعزيز]

#1419085 [صالح عام]
5.00/5 (3 صوت)

02-23-2016 04:42 PM
يا اخت نسيبه ما بتجيكى عوجه بس امسكى فى كلمة ( انا لحمى مر وبفضحكم كلكم ) دخلى معاك الكيزان الكبار حيقولو ليك خلوها مستوره

[صالح عام]

#1419022 [الفجري داك]
5.00/5 (2 صوت)

02-23-2016 02:47 PM
هي بس ؟ البلد كلها فاسدة !! شوف الناس اصحاب المليارات !!ووين الخضر والى الخرطوم وماذا تم فى شأن المليارات والتزوير وأين المدينة الرياضة والآراضي المبيوعة ..دعونا نسمع ولانتعجب ففقة التحلل عند الأنقاذ سليمة 100% ؟؟؟؟
وأيه المانع ماتبيع ؟ الحكومة باعت كل شبر ..أمرحي وأتحللي أسلام الترابي وفقة البشير ضمن دستور البلاد ..هي لله والله اكبر !

[الفجري داك]

#1419021 [ALGANDAWI]
5.00/5 (1 صوت)

02-23-2016 02:44 PM
مسكينة هذه الموظفة وقعت في المحظور.
طيب وين الجماعة بتاعين مكتب والي الخرطوم السابق(د.عبدالرحمن الخضر) الذين زوروا وباعوا على كيفهم.

[ALGANDAWI]

#1419016 [التلب]
5.00/5 (6 صوت)

02-23-2016 02:35 PM
وﻻ يهمك .. قولى ليهم عايز اتحلل !! بس اعملى حسابك ﻻنو طبعا بيكون معاك واحدين كبار ما تصرحى وﻻ تفتحى خشمك مع اى زول وﻻ تجيبى سيرة زول فقط امسكى فى دايره اتحلل .. ﻻنو لو جبت سيرة الجماعه المعاكى بلحقوك غسان !!

[التلب]

ردود على التلب
[زلوط المنفلوطي] 02-23-2016 05:04 PM
كلامك 100% صاح أي عنكبه بلحقوك غسان وبعدين تحللي وحللي وسللي وتبختري الحبه مابتجيك بس كتري من جزاك الله خير وجوزية خيرا وفي ميزان حسانتك الحبه مابتجيك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة