الأخبار
أخبار إقليمية
برلماني يكشف عن عزم كتلة نواب الشرق مقابلة البشير حول الاعتداءات بالفشقة
برلماني يكشف عن عزم كتلة نواب الشرق مقابلة البشير حول الاعتداءات بالفشقة
برلماني يكشف عن عزم كتلة نواب الشرق مقابلة البشير حول الاعتداءات بالفشقة


تخوف من أن تؤول الفشقة لنفس مصير حلايب "التي ودعناها الله"
02-24-2016 11:08 AM
البرلمان: سارة تاج السر
حث ممثل دائرة الفشقة بالبرلمان مبارك النور، رئيس الجمهورية المشير عمر البشير، على إنشاء مفوضية خاصة بالحدود، وأبدى النور استياءه البالغ من صمت الحكومة تجاه الاعتداءات الإثيوبية المتكررة على المنطقة، وتخوف من أن تؤول الفشقة لنفس مصير حلايب "التي ودعناها الله" حسب وصفه.
وأعرب النور عن أسفه البالغ لتصريحات القيادي بالمؤتمر الوطني مصطفى عثمان إسماعيل، التي أكد فيها عدم علمه بما يحدث في الفشقة، وقال: "أنا حزين على قيادات بمستوى مصطفى يقول كلام زي دا"، وأبان أن ذلك التصريح هو الثاني من نوعه بعد أن سبقه وزير الدفاع، وتساءل النور: "دا عدم اهتمام بناس الفشقة؟، أم عدم اهتمام بحدود الوطن؟، أم اهتمام بمحلات معينة في البلد؟".
وطالب النور خلال تصريحات صحفية أمس، الحزب الحاكم بتنوير وتثقيف قياداته بما يدور في البلد، وأضاف" ناسكم ديل نادوهم نوروهم بالبحصل ووروهم الحدود حقتنا دي وين وحدها لي وين عشان لما الواحد الصحفيين يسألوه يكون عارف".
وأكد النور أن الاعتداءات الإثيوبية لا تزال مستمرة، وقال إنها ستتكرر بسبب صمت الحكومة وعدم مبالاتها، ولفت الى نهب إثيوبيين عدداً من الماشية قبل (4) أيام، وأشار الى عزم كتلة الشرق مقابلة الرئيس عمر البشير بهذا الصدد.

الجريدة


تعليقات 6 | إهداء 0 | زيارات 1668

التعليقات
#1419878 [قاسم محمد]
5.00/5 (1 صوت)

02-25-2016 09:35 AM
علاقة الصورة بالخبر شنو ...

[قاسم محمد]

#1419759 [باكاش]
5.00/5 (1 صوت)

02-25-2016 03:24 AM
القطع ضراعي لو ما ارجل من النسوان ال وقعوا اتفاقية
الشرق ولبدوا.. قال ولا عدم اهتمام بمحلات معينة بالبلد
يا مبارك اقوالك موثقة ومواقفك مشهودة.

[باكاش]

#1419627 [ود البلد]
5.00/5 (1 صوت)

02-24-2016 07:02 PM
شدو حيلكم ياناس الشرق وأكلوا ناركم، ما في حكومة فاضية ليكم، الحكومات مشغولة بمحاربة الأجانب الذين يهددون البلد بلدنا في دارفور وجنوب كردفان والنيل الأزرق ... القشقة وحلايب وغيرها ملحوقة وخاصة ستكون هناك عملة واحدة وحريات أربع وستأكلون الأنجيرا وتشربون الطلا في وسط أديس وتاكلون الطمية والكشري بكل حرية وسط القاهرة وفس شارع 23 يوليو كمان وهل هذا ببلاش ولا هين؟ ، وهذا يعادل ستين فشقة وسبعين حلايب كمان...هي حكوماتنا ناقصة؟؟؟؟؟تحارب ليكم منو ولا تسوي ليكم شنو؟؟

[ود البلد]

ردود على ود البلد
[باكاش] 02-25-2016 03:04 AM
اسم و شارع 26 يوليو يافردة.


#1419461 [اسد]
4.50/5 (4 صوت)

02-24-2016 12:41 PM
انتو ما رجال امشو انهبو من الخبش ولا ما عندكم سلاح ذي ما نهبوكم انهبوهم وكان اعتدو عليكم اعتدو عليهم الحكومة الحبشية نكرتهم وقالت دي عصابات متفلته يعني ما عندهم دية.انا تستنو تحميكم الخكومة ظي ما ضني

[اسد]

ردود على اسد
[sudanii] 02-25-2016 05:13 AM
الحكومة خايفه على نفسها من اي سلاح
وناس الحدود محتاجين سلاح
وهم والله رجال ياكلوا النار


#1419429 [فدائى]
4.00/5 (3 صوت)

02-24-2016 11:55 AM
ما نكروا وقالوا الوضع امن امان انشاءالله ماتلقوه لا حيين ولا ميتين ياجبنا ياكلاب

[فدائى]

#1419416 [samer]
3.00/5 (2 صوت)

02-24-2016 11:44 AM
يا جماعة الخير الحكومه سلطتها فى الخرطوم و عشان كده ناس الجنجويد قاعدين حارسين الخرطوم و موضوع حلايب كانو عاوزين يعملوا وحده مع مصر و الموضوع بيكون محلول اما الفشقه الايام دى البنك المركزى و وزارة الماليه سوف يوحدو العمله السودانيه و الاثيوبيه و بكده موضوع الفشقه بيكون محلول و لا دار ما دخلك شر و انتو يا ناس البرلمان شوفوا لينا موضوع الغاز و الديزل عشان اهلنا الاحباش فى الفشقه يزرعوا و تكونوا حليتوا ليهم مشكلة الوقود لانو الجماعه ديل ما عندهم ميناء حتى يستوردو للزراعه و تكون تميتوا الناقصه مشكورين و الكيزان كلهم خوازيق و هذا ليس اخر خازوق مع اثيوبيا .

[samer]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة