الأخبار
أخبار إقليمية
حسبو : حلايب سودانية ولن نتخلى عن شبر من أراضينا
حسبو : حلايب سودانية ولن نتخلى عن شبر من أراضينا
حسبو : حلايب سودانية ولن نتخلى عن شبر من أراضينا


02-29-2016 08:07 PM
أكد نائب الرئيس السوداني حسبو محمد عبدالرحمن، أن منطقة حلايب المتنازع عليها مع الجارة مصر سودانية، وأن السودان لن يتخلى عن شبر من أراضيه، داعياً إلى نشر ثقافة الحوار وجعله منهجاً تربوياً وسلوكاً في المجتمع.


وقال حسبو خلال مخاطبته لقاءً نوعياً ضم فعاليات المجتمع بقاعة السلام في مدينة بورتسودان حاضرة ولاية البحر الأحمر الليلة الماضية، إن الدولة ملتزمة بنتائج الحوار الوطني من أجل الوصول إلى وثيقة وطنية لصياغة الدستور الدائم للسودان.


وأشار إلى صمود السودان في مواجهة الاستهدافات وتجاوز تحديات الحصار بالعزيمة وقوة الإرادة والتوكل على الله سبحانه وتعالى.


وشدد على ضرورة حسن إدارة المتاح من الموارد، وبسط الخدمات في الأطراف وخلق توازن تنموي بين الريف والحضر.


ومن جانبه، قال والي البحر الأحمرعلي أحمد حامد مخاطباً اللقاء، إن حكومة الولاية حريصة ومهتمة بقضايا التنمية وتطوير الخدمات، ومعاش الناس والتواصل مع المجتمع لتحقيق الحكم الراشد.


وفي السياق، دعا رئيس المجلس التشريعي في الولاية أحمد محمد علي موسى، إلى إعادة النظر في سياسات تجارة الحدود لتحقيق مصالح المواطنين وتوفير الدعم الاتحادي لإنشاء خط إضافي ناقل للمياه من المصادر بمنطقة أربعات إلى مدينة بورتسودان.


سونا


تعليقات 13 | إهداء 0 | زيارات 2568

التعليقات
#1422645 [شهنور]
0.00/5 (0 صوت)

03-02-2016 02:02 PM
اهو كلام بس عشان عندو خشم الله يصر ليك خشمك .

[شهنور]

#1422611 [عبدالله احمد محمد]
1.00/5 (1 صوت)

03-02-2016 12:53 PM
كبيرهم الذى علمهم السحر شعاره ... ما اخذ بالقوة لا يسترد الا بالقوة ( ناصر ) ومن يسمع حكومتنا هذه النغمة الطروبة ... وهل اعادت لنا هذه الكلمات فلسطين الكلمات لا تجدى بل العين الحمراء يا حليلك يا عبدالله خليل شبر من حلايب برطلين من دمائنا وقد كان .. اترحم عليه بالرغم من انه اول من علم العسكر الانقلاب

[عبدالله احمد محمد]

#1422501 [محمدوردي محمدالامين]
3.00/5 (2 صوت)

03-02-2016 09:03 AM
حسبويا كوز السؤ مش انتو الرجال ال بترجعوا حلايب انتو بس بتعرفوا تضيعوا وتفصلوا وتنهبوا بس ليكم يوم قريب باذن الله ؛ ونحن بنعرف نتصرف مع اولاد بمبا ونرجع كل شبر من هذه الارض الغاليه علي الشرفاء

[محمدوردي محمدالامين]

#1422311 [ابو جاكومه]
1.50/5 (2 صوت)

03-01-2016 05:21 PM
يا حسبو يا وليد دارفور .. دارفور سودانيه ؟؟ أم لك رأي تاني بعد الإستفتاء المفيرك طبعاً يا كوز السوء ؟؟ .
لم أرى إنسان بهذا الغباء ومجرد من الإنسانيه والدين والحياء مثل هذا المدعو حسبو !! يقتل أهله وهو مسرور ومبسوط والمصيبه مشترك في قتلهم كأنه يقتل في مشركي قريش !!

[ابو جاكومه]

#1422254 [فدائى]
3.00/5 (1 صوت)

03-01-2016 01:52 PM
عليك الله؟ كيف الكلام ده؟ومتين حصل؟ امكن!!!!!!!!

[فدائى]

#1422188 [Hozaifa Yassin]
5.00/5 (1 صوت)

03-01-2016 11:35 AM
يبدو ان تعديلا وشيكا سيحدث فى مؤسسة الرئاسة لانه شايف هذه الايام نايب الرئيس زاد من وتيرة التصريحات المنتفخة فبداها باننا حوربنا لتمسكنا بديننا وواصل يحث الناس على مكارم الاخلاق وهاهو اليوم يطلق تصريحا ناريا بخصوص حلايب وهو تصريح يذكرنى بكاريكتير كان منشورا فى مجلة صباح الخير المصرية تبدو فيه الزوجة واقفة تحمل عصا غليظة بينما الزوج لابدا تحت السرير ويقول لزوجته قلت لك مش خارج يعنى مش خارج انا راجل البيت وكلمتى هى اللى لازم تمشى.فهذا هو بالضبط وضع حلايب مصر تفعل ماتريد فى حلايب وحسبو يصيح حلايب سودانية وكلمتى لازم هى اللى تمشى!!!!.ان مثل تصريح حسبو هذا لا يزيد الوضع الاسوءا وتعقيدا لانه تصريح يفتقر للدبلوماسية ويعرقل اى جهود محتملة للتوصل لحل لهذه الازمة وفوق كل ذلك فان هذا الملف منذ زمن فى يد الخارجية والرئيس فمتى يتعلم المسؤولون الصمت عند عدم الاختصاص.

[Hozaifa Yassin]

#1422181 [ساهر]
1.00/5 (1 صوت)

03-01-2016 11:17 AM
جاء في الأخبار أن المُدمرة المصرية (شلاتين) قامت بزيارة المنامة كنوع من المشاركة والمعاضدة الأخوية في سبيل مكافحة الإرهاب..........!!!!!! لاحظ شلاتين دي؟ أطلقوا أسماء حلايب وشلاتين على شوارعنا وداخلياتنا، وطراداتنا، وطائراتنا، وعلى كل شبر من أرضنا حتى تظل حية في ضمير أبناء هذه الأمة.....

[ساهر]

ردود على ساهر
[ابراهيم علي] 03-02-2016 10:31 AM
والمبكي يا أخ (ساهر) انني كنت وفي يوم من الايام موظف تابع لحكومة السودان في نقطة جمارك شلاتين التي كان يرفرف عليها علم السودان !!!!!!


#1422101 [ابو جلمبو]
5.00/5 (1 صوت)

03-01-2016 09:08 AM
اسم الله الكيزان عملو زي الكسبرة, في اي كلام لازم يكشحو منه في خطبهم, عشان ما عندهم غير المكنة دي

[ابو جلمبو]

#1422098 [Aola Tah]
5.00/5 (1 صوت)

03-01-2016 09:04 AM
والله بقت مواضيع بايته وحمضانه شوفوا هموم المواطن الاول وتعال قول حلايب والفشقه وغيرها

[Aola Tah]

#1422071 [ابو مروان الشنداوى]
5.00/5 (1 صوت)

03-01-2016 08:29 AM
يا حسبو يا كوز يامنافق يا كضاب قبل الكلام ال لايودى ولايجيب شوف لينا اول موضوع جبال النوبة ال عايزين ينفصلوا ويستقلوا وبعدين شنو اخبار دار فور ال عايزين استفتاء لانفصالهم وانفكاكهم عن سودان كيزانك ومنقذينك المجانين .يازول لايبكى على اللبن المسكوب فحلايب افضل لها مليون مرة ان تكون فى احضان المحرسة وهم محظوظون ولااخفى عليك سرا ان كثيرا من الولايات والمدن يحسدونهم ويتمنون ان يكونوا مكانهم رغم قولهم غير ذلك العوض على الله فى بلد كان اسمه السودان اما الان فلم يعد بعد انفصال الجنوب وسمى بدولة جنوب السودان وكذلك الولايات الاخرى التى فى طريقها للانفصال فعلى الكيزان ان يختاروا اسما غير السودان لما سيتبقى من اثاره

[ابو مروان الشنداوى]

#1422050 [sami]
5.00/5 (1 صوت)

03-01-2016 07:34 AM
اقرع الفشقة

[sami]

#1422003 [Truth]
5.00/5 (2 صوت)

02-29-2016 11:23 PM
التوكل علي الله في شنو , في محاربه بعضنا في كم ميل .دي حسه بترضي ربنا يعني .


السودان مليان اراضي فاضيه ..عملنا فيها شنو , والله لو اديناها ليهم حيعمروها احسن مننا .

[Truth]

ردود على Truth
[Truth] 03-02-2016 12:05 AM
اها ادونا حلايب يعني شنو يعني . ما اهو نحنا فرطنا في الجنوب الاكبر من حلايب.

أرض فضيه من دون عقل حرام زايو . والناس العنصريين الزيك ديل هم سبب تشقق السودان.

اللهم اهدنا *

[تأشيرة خروج] 03-01-2016 10:14 AM
إصمت ياحفيد الخديوي


#1421986 [Truth]
3.50/5 (3 صوت)

02-29-2016 10:40 PM
حلايب سودانية فعلا و لكن بالنسبة لك هل هذا الحديث بعد الاستفتاء ام قبل الاستفتاء على دارفور

[Truth]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة