الأخبار
أخبار إقليمية
المصارعين ديل بتحاسبوا بالدولار)، ..الشركة تلفت لالتزام المصارعين العالميين بالزي المحتشم
المصارعين ديل بتحاسبوا بالدولار)، ..الشركة تلفت لالتزام المصارعين العالميين بالزي المحتشم
المصارعين ديل بتحاسبوا بالدولار)، ..الشركة تلفت لالتزام المصارعين العالميين بالزي المحتشم


03-10-2016 09:40 AM
الخرطوم: وليد محمد إبراهيم
كشف معتمد محلية أم درمان مجدي عبد العزيز عن اكتمال كافة الترتيبات لقيام أول مهرجان للمصارعة الحرة بالسودان في السادسة من مساء يوم غدٍ الجمعة باستاد المريخ، بحضور رئاسة الجمهورية بالتنسيق المحكم مع الأجهزة الشرطية والأمنية لتنظيم دخول المصارعين والمواطنين.
ورأى المعتمد أنه من حق القطاع الخاص أن ينظم أي مهرجان دون التنسيق مع الاتحادات المحلية باعتبار أن الأستثمار ليس له علاقة بالاتحادات الرياضية المحلية، وتوقع أن يكون للمهرجان صدى عالمياً.
ومن جانبه برر المدير العام لشركة بحر العالمية، بحرام آدم بحرام ارتفاع سعر تذاكر الدخول لحضور عرض المصارعة بارتفاع سعر الدولار مقارنة بالعملة المحلية، وتابع: (المصارعين ديل بتحاسبوا بالدولار)، وأبان أن أسعار التذاكر تبلغ ( 200- 300- 500 و)1000جنيه.
وأوضح المدير العام للشركة أن المصارعين سيلتزمون باللبس المحتشم الذي يتناسب مع عادات وتقاليد الشعب السوداني.

الجريدة


تعليقات 28 | إهداء 0 | زيارات 9253

التعليقات
#1427084 [abu ahmed]
0.00/5 (0 صوت)

03-12-2016 10:34 AM
مين العندو 200 جنية في السودان عشان يشوف مصارعة اكيد الخسارة حتكون كبيره وشعب السودان اغلبه يبحث عن لقمة عيش تسد رمقه

[abu ahmed]

#1426923 [مجدى محمد]
0.00/5 (0 صوت)

03-11-2016 06:08 PM
الناس فى شنو والحسانية فى شنو وقصة الالتزام بالزي المحتشم دى قصة الذئب وابن يعقوب

[مجدى محمد]

#1426848 [الفكى الصينى]
5.00/5 (1 صوت)

03-11-2016 12:28 PM
طرطشه السواد ،،،
الوهم ديل مستهدفين منو من الجمهور فى الشو المحتشم دا
حتى اقل رقم فى قيمه النذاكر يعتبر مبلغ كبير
واغلب المهتمين بالمصارعه واجواءها من البسطاء
احتشموا انتوا فى الاول

[الفكى الصينى]

#1426797 [ابو مريم]
0.00/5 (0 صوت)

03-11-2016 08:30 AM
• هؤلاء المسؤولون فهمهم أكبر منا، فالرياضة صارت سياسة و ثقافة و استثمار و ليست جري و نطيط فقط كما نفهم نحن. فحسب معلوماتهم الكثيرة أن العلاقة بين أميركا و الصين عادت بفضل مباراة في البنق بونق و حسب ما يرون أن الدول المتصدرة في مجال الرياضة هي الدول المتقدمة. أفمهموا يا هؤلاء أن الدول المتصدرة هذه تصدرت بعدما وفرت الغذاء و الدواء و التعليم لشعوبها و عملت على تطوير و تنمية بلدانها بالمشاريع الناجحة

[ابو مريم]

#1426767 [silent zool]
0.00/5 (0 صوت)

03-11-2016 03:26 AM
اهههههههههههههههههه لالا ماف كلام + دي مصارعه البجيب الرئيس للمصارعه شنو ؟؟ + اظن لاحظوا لي اظن دي كويس , اظن انها كتمت فينا كتمه من امها , المصارعين ديل ادوهم قروشهم لانو لو ما ادوها ليهم بتحصل لينا فضيحه اههههههههههههههه

[silent zool]

#1426666 [One]
5.00/5 (3 صوت)

03-10-2016 06:57 PM
الحاجه الناس ما عارفينها انو المصارعه العالميه دي تمثيل ما مصارعه حقيقيه وبالتالي التقليد غباء

[One]

#1426654 [موجوع وطن]
4.00/5 (3 صوت)

03-10-2016 06:13 PM
المصارعين ديل نجوم عالميين ما عندهم عقد وسيسعوا لإرضاء جمهورهم دون أن يسببوا لهم حرج المشكلة في جماعة الشيخ عينهم في الدولار والثراء علي حساب الغلابة....
يا جماهير المصارعة السودانية إستمتعوا بالمشاهدات المثيرة والمباشرة بحلبة المصارعة السودانية بالحاج يوسف و فدموا دعوة للنجوم العالميين وصوت شكر وشاهدوا الفضائيات وخلوا الجماعة يشربوا المقلب..
هو الله يسألك النجوم ديل كان دايرين الدولار كان جو السودان...
نقطة مهمة:
المصارعة السودانية يجد إهتماما وعناية عالمية كبيرة يبدع فيها الغبش بلعبهم بالحلبة بينما يظفر أصحاب المناصب و الثروات والمصارين البيض بفرص الوفود والممثلين لهذه المصارعة بالمنتديات العالمية ويجوبون قارات العالم والفنادق ذوات النجوم الكاملة وبحصلون علي الدعم والحوافز مع النسبة المخصصة بحلبة الحاج يوسف ويبنون بها ثرواتهم...

[موجوع وطن]

#1426647 [هيثم]
4.50/5 (4 صوت)

03-10-2016 05:56 PM
بقت على اللبس المحتشم

[هيثم]

#1426646 [حكم]
4.75/5 (5 صوت)

03-10-2016 05:55 PM
"باعتبار أن الأستثمار ليس له علاقة بالاتحادات الرياضية المحلية"

استثمار ؟؟؟
دى مالها بقت لى تشبه بقالات عبدالرحيم حمدى؟؟؟ ههههه

والله شر البلية ما يضحك

[حكم]

#1426635 [سوداني ود بلد]
4.50/5 (5 صوت)

03-10-2016 04:56 PM
اوعا الجماعة اقطعوا الكهرباء والطشو حزام الذهب . مهازل يا بلد وكمان تحت رعاية واشراف وزير الشباب والرياضة بولاية الخرطوم .

عايزين نسمع رأي ما يسمي بهيئة علماء السودان عن هؤلاء العراة .

[سوداني ود بلد]

#1426630 [ابوبكرنك]
3.00/5 (2 صوت)

03-10-2016 04:45 PM
لبسوهم علي الله

[ابوبكرنك]

#1426624 [خواجة]
3.00/5 (3 صوت)

03-10-2016 04:41 PM
يافرحانين فاتت عليكم دي فيها إيرادات للمحليةوضرايب امدرمان وهلم جرا حاسبينها كويس فاتت عليكم

[خواجة]

#1426612 [ابوسلام]
4.75/5 (6 صوت)

03-10-2016 04:16 PM
هل شبع الشعب ليذهب ليتفرج على المصارعة - الناس تموت بالصرع من حمى الملاريا والتيفويد - الناس تصارع فى صحتها على قوت يومها نهارا وتصارع الناموس ليلا - انه الترف الذى يجب ان تنظمه دبى او الدوحه- اما نحن فالاجدى ان تاتوا لنا بوزير الاقتصاد الماليزى ليلقى محاضرة عن ادارة الاقتصاد بدلا عن هذا العرى - انها السطحية والقفز فوق احزان واوجاع الشعب لتجنوا الاموال ايها الزبالة . قاطعوا هذا السخف .

[ابوسلام]

ردود على ابوسلام
[سيف الحق] 03-11-2016 06:57 AM
جزاك الله خير اوفيت بكلامك ده .. ويجيك واحد يقول ليك الشعب مكتوم ياخ خليهو يرفه .. طيب اذا كان الشعب عندو 200 جنيه فايض يدخل بيهو مصارعه فارغه تاني وينا الكتمه
(لا يغير الله بقوم حتي يغيروا ما بأنفسهم )


#1426532 [صديق ضرار]
4.50/5 (6 صوت)

03-10-2016 01:25 PM
إقتباس :-
(كشف معتمد محلية أم درمان مجدي عبد العزيز عن اكتمال كافة الترتيبات لقيام أول مهرجان للمصارعة الحرة بالسودان )

والله إنه لكذب صراح .
فى زمن مضى - وأظنه إن لم تخنى الذاكرة العام إما 69 أو 70 _ قامت وزارة الشباب مع مجمع الشباب والرياضة - الموقع أسفل كبرى المسلمية من إتجاه الجنوب - قامت بدعوة عدد من المصارعين العالميين أذكر منهم نيجيرى وكندى وأمريكى ولبنانى وفلسطينى وآخرين لقيام مهرجان مصارعة حرة . كان ذلك فى الزمن الجميل للشباب وغيرهن حيث دعى ثيودراكس وأيزاك هايز ونزار قبانى وقبلهم أم كلثوم والمفكرين العرب .
كسرة ولم نقل لهم بالزى المحتشم لأنه لهم الحق بدعواتنا لهم أن نقبلهم كما هم لا أن نربيهم ونوجههم بهذه الطريقة الصورية . يا هلاقيييييييت .

[صديق ضرار]

#1426526 [ود احمد]
4.50/5 (6 صوت)

03-10-2016 01:08 PM
المرة الجاية جيبوا كمان مصارعة التسوان والبسوهم العبايات ليكتمل المشروع الحضاري الفن من منظور اسلامي والمصارعة الاسلامية
بلد مافيها غاز للطبخ ودقيق تستثمروا في معاش الناس ام في رياضة العنف وهذا لانكم من دعاة العنف والسيخ والملتوف

[ود احمد]

#1426520 [Bit messames]
3.00/5 (4 صوت)

03-10-2016 12:59 PM
قاطعوا المسخرة يا شعب الصبر...سجلوا موقف.

[Bit messames]

#1426517 [Bit messames]
3.00/5 (4 صوت)

03-10-2016 12:55 PM
وهذا فصل اخر من فصول المسخرة...كل يوم يتفننون باختراع كل ما يعتقدون ان من شانه ان يصرف النظر عن انهيار البلد.

[Bit messames]

#1426511 [مجرد رأي]
3.00/5 (3 صوت)

03-10-2016 12:45 PM
المضارعة ليست رياضة .. مجرد عنف وأذية

[مجرد رأي]

#1426483 [Zorba]
4.00/5 (5 صوت)

03-10-2016 11:59 AM
مع العلم انه بجانب حكم المباريات ستتواجد "شرطة النظام العام"

[Zorba]

#1426475 [الداندورمي .]
3.97/5 (6 صوت)

03-10-2016 11:48 AM
هههههههه والله بالغتوا لبسوهم عبايات.

[الداندورمي .]

#1426455 [زول]
3.00/5 (3 صوت)

03-10-2016 11:22 AM
ويعني شنو مصارعة ..ما كلها هبل .وعوارة

[زول]

#1426447 [Hozaifa Yassin]
3.98/5 (10 صوت)

03-10-2016 11:00 AM
المشروع الحضارى ما بين الغنوشى وخالد مشعل وبين استجداء المتصارعين لارتداء الزى المحتشم الذى يناسب عاداتنا وتقاليدنا !!هل المصارعة الحرة اصلا من عاداتنا وتقاليدنا؟ وهل هى رياضة ذات قيمة فنية وفيها مهارة ومتعة ام مجرد هبل فى هبل. ثم مادخل معتمد ام درمان اصلا فى هذا الموضوع؟ لو مشى اشرف على عربات نقل النفايات ونظف العاصمة الحضاريةمش كان احسن ليه وللمواطن من التصريح فى موضوع هايف ولا مصلحة للمواطن به؟ متى يتعلم مسؤولونا معرفة ماهى واجباتهم؟

[Hozaifa Yassin]

#1426432 [jime fan]
4.50/5 (6 صوت)

03-10-2016 10:45 AM
احتشام كيف يعني يتصارعوا بالخمار العباية ولاشنو؟؟؟؟؟؟؟؟؟؟؟؟

[jime fan]

#1426411 [سودانى متحييييير]
5.00/5 (3 صوت)

03-10-2016 10:17 AM
قالوافى المثل: عريان من .......... ولا بسلو صديرى

[سودانى متحييييير]

#1426399 [الراجل]
3.97/5 (10 صوت)

03-10-2016 09:54 AM
خلاس فصلوا ليهم عراريق وسراويل

[الراجل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة