الأخبار
منوعات سودانية
سيدة تطلب الطلاق من زوجها لأنه غير وسيم ببحري
سيدة تطلب الطلاق من زوجها لأنه غير وسيم ببحري
سيدة تطلب الطلاق من زوجها لأنه غير وسيم ببحري


03-12-2016 11:14 PM
أقدمت سيدة على رفع عريضة طلاق في مواجهة زوجها بحجة أنه غير وسيم. وقالت الشاكية عند مثولها أمام المحكمة الشرعية بحري، ومثل لها الادعاء الأستاذ "الفزاني" بأن زوجها غير وسيم، وأنه يعاملها معاملة قاسية وعند استجواب الزوج أمام المحكمة استنكر الزوج رفع الدعوى وذكر للقاضي أن زوجته قد وكلت محامياً أقبح منه، وأن الأمر لا يحتاج لرفع دعوى، وقام بتطليقها أمام المحكمة بالثلاثة والتزم بسداد ما عليه من نفقة .

اخبار السودان اليوم


تعليقات 24 | إهداء 0 | زيارات 7901

التعليقات
#1440383 [ود الحاجة]
0.00/5 (0 صوت)

04-06-2016 12:34 PM
يا جماعة , هل هذا الخبر صحيح ام مفبرك ؟
فقد ذكر في المقال ان الزوج قال للقاضي ان الزوجة وكلت محامي اقبح منه و في هذه الحال مما لاشك فيه ان المحامي كان موجودا و راه القاضي
ثانيا: ليس القبح من الامور المقبولة كسبب لطلب الطلاق اللهم الا اذا قبحا استثنائيا او ان اباها فرض عليها ان تتزوج من هذا القبيح و بالتالي فانه حسب هذالادعاء السبب الذي يمكن ان يناقش هو سوء المعاملة فقط

[ود الحاجة]

#1437073 [ALMAHI]
5.00/5 (1 صوت)

03-30-2016 03:58 PM
اعتقد ان الزوجه دى اتغيرت بفعل الكريمات كما ترون فى شاشات تلفزيوناتنا كثير هن الذين تغيرن صاروا بيضا وزوات شعر ناعم مجعد بفلوس هذا الزوج المسكين وفجأة وجدت نفسها معاه وهو لم يتغير فسبحان الله طلبت الطلاق لقبحه فهو ليس بقبيح اليوم بل هى قبيحة الامس . مجرد راى فما كان للقاضى ان يدفعه ايها نفقه . هذا خلع . والله اعلم

[ALMAHI]

#1427888 [tango]
0.00/5 (0 صوت)

03-13-2016 08:48 PM
الزواج زواج مغتربين سافرت للعريس باريس ولقتو ياهو على كبك بشحمو ولحمة . مقترح راغب علامة كيف ؟

[tango]

#1427846 [الكلس]
0.00/5 (0 صوت)

03-13-2016 06:37 PM
التعليقات - تقول الناس ديل قاعدين معاهم خلو الشمارات دي وشوفو ليكم شغلة شعب غربب والموضوع زاتو اكتر من ****

[الكلس]

#1427760 [عبدالله احمد محمد]
0.00/5 (0 صوت)

03-13-2016 04:10 PM
والله راجل دى ما متربية وكما ذكر الاخوة هل كسبتو فى كرتة ولا شنو

[عبدالله احمد محمد]

#1427699 [عبدالمنعم موسي]
0.00/5 (0 صوت)

03-13-2016 02:11 PM
اعوذ بالله من شر بعض النساء

[عبدالمنعم موسي]

#1427633 [mahmoudjadeed]
5.00/5 (2 صوت)

03-13-2016 12:41 PM
يمكن الراجل ما يعرفش وهي ما دايرة تقول الكلام ده .

[mahmoudjadeed]

#1427616 [المحامي المفتخر عاصم]
5.00/5 (3 صوت)

03-13-2016 12:20 PM
يا الجيمعابي والله كلامك صاح هي مادام بتفتش في الحلو والوسيم ما كان تشوف ليها محامي وسيم انا بس المزعلني انو صاحبنا ده مشكلتو مع زوجتو الدخل المحامي في الموضوع شنو انت حلها معاها يعني ماتدخلوا واحد تاني . بعدين انا مستغرب هي اول ازوجتو كيف يعني الزول بقى شين بعد الزواج ولا شنو انا غايتو الموضوع ده ماوقع لي فيهو حاجة خافية

[المحامي المفتخر عاصم]

#1427604 [ابو شهاب]
3.00/5 (2 صوت)

03-13-2016 12:09 PM
والله رجل وكمان هاك دى ثلاثه من عندى والحمد لله ربنا كفاك شرها ان كيدهن عظيم

وربنا يرزقك الذريه الصالحه وخليها تمشى تدور على واحد فى وسامه سيدنا يوسف

[ابو شهاب]

#1427577 [على الله]
5.00/5 (2 صوت)

03-13-2016 11:15 AM
غريبة وهي ما شافتو قبل الزواج ووافقت عليهو
حكم والله

[على الله]

#1427573 [سوداني بس]
5.00/5 (3 صوت)

03-13-2016 11:12 AM
وقام بتطليقها أمام المحكمة بالثلاثة !!!!!
والتزم بدفع النفقة !!!!!

الكلام دة في ياتو شريعة ؟؟؟؟؟؟

[سوداني بس]

#1427557 [fofo]
5.00/5 (2 صوت)

03-13-2016 10:50 AM
بكرة تندم يا جميل .... و تفتش على الشينين و ما تلقاهم .... انتى ما سمعت المثل البتقوله حبوباتنا ( الرجال خطف) ....

[fofo]

#1427552 [ليدو]
5.00/5 (4 صوت)

03-13-2016 10:45 AM
يادوب إكتشفتي إنو غير وسيم ؟؟؟
يعني الوقت دة كلو كان ملفوف بورق سولفان ؟؟؟
شي عجيب

[ليدو]

#1427541 [الحدقنو ود الأسد]
5.00/5 (3 صوت)

03-13-2016 10:26 AM
أخاف انو الموضوع فيهو ان والسبب ما الوسامة بس الزولة دي استحت ساكت والله أعلم.المهم الراجل كان عاقل برضو.

[الحدقنو ود الأسد]

#1427533 [waleed]
5.00/5 (1 صوت)

03-13-2016 09:59 AM
السؤال الذي يطرح نفسه لماذا تزوجته في الأصل؟ يعني كان من الأول ترفضي الإرتباط به بنات آخر زمن

[waleed]

#1427520 [الحجازي]
4.63/5 (4 صوت)

03-13-2016 09:28 AM
هو قبيل وقع ليكي في كرتله عرستيهو كيف من البدايه ورضيتي بيهو

[الحجازي]

#1427504 [زول هناك]
4.00/5 (1 صوت)

03-13-2016 09:06 AM
الرجل سماحته في اخلاقه-الجوهر- وفي جيبه وليس في شكله فالمظاهر خداعة

[زول هناك]

#1427496 [أبو السمح]
5.00/5 (1 صوت)

03-13-2016 08:55 AM
وذكر للقاضي أن زوجته قد وكلت محامياً أقبح منه،
طليقتك استغلت غباءك و جهلك
هي خلعتك مفروض تدفع ليك المبلغ ال تحدده انت و بعدين تفكها
مش تقارن قبحك بالمحامي اللكسب القضية كانت في متناول يدك

[أبو السمح]

#1427468 [جيفارا]
5.00/5 (1 صوت)

03-13-2016 08:15 AM
ده شنو يا بت الناس .. لو كل واحدة زوجها شين رفعت دعوى طلاق كان تسعين بالماية من الأزواج اتطلقوا ... استهدي بالله وتذكرى أن المهم هو (الأخلاق) ههههه

[جيفارا]

ردود على جيفارا
[المتجهجه بسبب الانفصال] 03-13-2016 11:18 AM
هههههه، يعني يا جيفارا يا أخوي نحن شينين للدرجة دي ونسوانا صابرات علينا

[بدر] 03-13-2016 10:49 AM
المحيرني هي الزوج دة وقع ليها في كرتلة ماشافته قبل العرس


#1427431 [drsha]
5.00/5 (4 صوت)

03-13-2016 07:06 AM
احييك بحرارة ، لانك رجل بكل معنى الكلمة وفعلا الامر لايحتاج لدعوى ومتى كانت الوسامة معيارا للزواج
لك التحية وربنا يعوضك خيرا منها

[drsha]

#1427426 [ودا العوض]
4.75/5 (5 صوت)

03-13-2016 06:53 AM
يحكي عن قصص العرب ان امرأة ذات جمال عجيب وحسن فريد تزوجت من رجل دميم قبيح فنظرت اليه يوما فقالت له انا وانت في الجنة بأذن الله تعالي فقال لها ولم؟ لأنك تزوجتني علي جمالي فشكرت وتزوجتك علي قبحك فصبرت. اما هذه السودانية آخر موضة فقد ضحك منا احد اللينانيين في جلسة سمر فقال ان اللبناني سيارته فيراري وزوجنه كناري اما السوداني فعنده كورولا وزوجته غوريلا. ظني ان هذه المرأة جمالها مصطنع بالكريمات والمبيضات والحبوب وان التحريض لدفعها لترك زوجها قد دفعها لهذا العمل المقيت الكريه يالها من مغفلة غافلة وقد احسن السوداني التصرف ونقول له بالشلوت وابحث عن السودانية الأصلية والله يسعدك

[ودا العوض]

#1427416 [جزيري]
5.00/5 (3 صوت)

03-13-2016 06:11 AM
الزوجة طلبت الطلاق مثل الخلع و في هذه الحالة لا يتحتم على الزوج دفع نفقة يا قاضي الغرام

[جزيري]

#1427395 [المحامي المفتخر عاصم]
5.00/5 (3 صوت)

03-13-2016 02:32 AM
انت مالك ومال المحامي وسيم ولا شين هي قالت عاوزة تطلقك لانك شين الدخل المحامي في موضعكم شنو انت موضوعك مع زوجتك بس

[المحامي المفتخر عاصم]

ردود على المحامي المفتخر عاصم
[الجميعابي] 03-13-2016 07:19 AM
وهي ما لقت الا المحامي الشين دا؟؟طالما هي بتدور علي الحلوين وليه ما فتشت كمان علي محامي وسيم .. دى فاجرة


#1427378 [الجعلى]
2.00/5 (4 صوت)

03-13-2016 01:31 AM
انتى مثال سئ للزوجات لا حولا ...
نقول للزوج انت الظاهر ربنا بحبك حتى لو لم تكن وسيما . وربنا فكاك منها لانها أكيد حتقع وقعه سوده مع الجكس الجديد وحتشوف كلامى ده براك .

[الجعلى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة