الأخبار
أخبار إقليمية
إبراهيم أحمد عمر : السودان لن يكون كوريا الشمالية جديدة، نتعهد بعدم ادخال البلاد في مشاكل مع المجتمع الدولي والإقليمي.
إبراهيم أحمد عمر : السودان لن يكون كوريا الشمالية جديدة، نتعهد بعدم ادخال البلاد في مشاكل مع المجتمع الدولي والإقليمي.
  إبراهيم أحمد عمر : السودان لن يكون كوريا الشمالية جديدة، نتعهد بعدم ادخال البلاد في مشاكل مع المجتمع الدولي والإقليمي.


وزارة الدفاع تحذر من استخدام النشاط السلمي للطاقة النووية في عمل إرهابي
03-14-2016 10:46 AM
البرلمان: سارة تاج السر
حذرت وزارة الدفاع من استغلال أنشطة الطاقة النووية السلمية في عمل إرهابي يعادل الذي حدث في محطة هيروشيما وتشرنوبل، وقال ممثل الوزارة لواء حقوقي مصطفى إبراهيم"النشاط السلمي لو توفر لي وقود نووي ممكن يعمل نشاط إرهابي"، وطالب باعتماد الوزارة كرقيب على تلك الأنشطة، وأردف: "لأنو لو حصلت طوارئ كل الناس بتتضاير".
وقال رئيس البرلمان إبراهيم أحمد عمر إن السودان لن يكون كوريا الشمالية جديدة، وتعهد بعدم ادخال البلاد في مشاكل مع المجتمع الدولي والإقليمي.
وشدد ممثل وزارة الدفاع لواء حقوقي مصطفى إبراهيم، على ضرورة أن تكون الوزارة رقيباً على تطبيق مشروع قانون الرقابة على الأنشطة النووية والإشعاعية، وأعرب عن أسفه لعدم اطلاعه على المسودة الا أثناء الورشة التي نظمتها لجنة الطاقة بالبرلمان أمس، وأبدى إبراهيم تحفظه على مشروع القانون، وقال: "ليس من باب الاستحواذ أو الانحياز المهني الأعمى، ولكن من باب العقلانية والموضوعية لأنو النشاط السلمي لو توفر لي وقود نووي ممكن يعمل نشاط إرهابي".
وأضاف: لا بد للقوات المسلحة أن تكون رقيباً على تطبيق القانون وزاد: " لأنو لو حصلت طوارئ كل الناس بتتضاير".
فيما حذر ممثل وزارة الصحة عبد العزيز التوم من صراع مؤسساتي مكتوم بشأن القانون، وأشار الى أن وزارة الصحة قدمت قانون مشابهاً منذ ٢٠١٠م لمجلس الوزراء الا أنه سحب لصالح قانون المهن الصحية والطبية.
وأكد رئيس البرلمان سعي الحكومة لاستخدام الطاقة الذرية في الاستخدمات السلمية منذ ٢٥ عاماً، ولفت الى أن تلك المساعي قوبلت بشروط الوكالة الدولية للطاقة الذرية والتي منعت التوليد الكهربائي نووياً ووجهت بتوليدها مائياً أو حرارياً، وقال إن القانون سيجعل المجتمع الدولي يتعامل مع الحكومة بعقلانية حال استخدمته إيجابياً، وأضاف "زمان لو تحدثنا إنو في يوارنيوم تاني يوم يجيك مسؤول أممي يسألك"، وأكد أن السودان سيستمر في استخدام الطاقة النووية في الأغراض السلمية لتحقيق منفعة المواطن.

الجريدة


تعليقات 14 | إهداء 0 | زيارات 4441

التعليقات
#1429153 [قرنتيــــــــه]
0.00/5 (0 صوت)

03-15-2016 04:41 PM
الزول يقرا الخبر يحس انو السودان فيهو مئات المفاعلات و من كترتها الحكومه خايفه من الاستغلال السيء.... خبر تفوح منه رائحة البنقو!!

[قرنتيــــــــه]

#1428983 [يهرس عضامكم]
0.00/5 (0 صوت)

03-15-2016 11:30 AM
سمعنا بى مدينة هيروشيما وقنبلة هيروشيما ومفاعل شيرنوبل ومفاعل فوكوشيما داييشي لكن يطرشنا ما سمعنا بى حاجة إسما محطة هيروشيما

[يهرس عضامكم]

#1428935 [jamjoom]
0.00/5 (0 صوت)

03-15-2016 10:16 AM
ألف لعنة تحل عليكم محل ماقبلتوا يااوساخ الدنيا ياكرور. .. ضيعتوا البلد وأهلها بتفاهتكم يارويبضات العصر .. وشيخكم الهالك التشادي المدعو الترابي الله يسكنه فسيح جنهم

[jamjoom]

#1428756 [ابو مازن]
5.00/5 (1 صوت)

03-15-2016 04:03 AM
إنتوا قادرين تاكلوا ي جيعانين ؟؟؟قال مفاعل نووي مفاعل بولي فى ي جهلة أولاً اعملوا مجارى صرف صحى فى الخرطوم فقط و بعداك اعملوا شبكة مياه نظيفة خلوا الناس تشرب مياه صالحة للاستهلاك الآدمي

[ابو مازن]

#1428544 [العلم نور]
4.50/5 (3 صوت)

03-14-2016 04:12 PM
العبطاء المتخلفين عاوزين يحاكوا ايران بأمتلاكهم لمفاعل ذرى عشان يقدروا يقايضوا بيهو الغرب وأمريكا ترفع عقوباتها عنهم يعنى محاولة ابتزاز, لكن ايران دولة لديها إمكانيات هائلة وخبرات وتستطيع أن تبنى مفاعل, لكن انتو يا حرامية ما قادرين توفروا لشعبكم لقمة العيش...قال مفاعل ذرى, وبعدين محطة هيروشيما دى شنو !! هروشيما بلدة يابانية اسقط الامريكان فيها قنبلة نووية في نهاية الحرب العالمية الثانية يا جهلة.

[العلم نور]

#1428521 [زول]
5.00/5 (4 صوت)

03-14-2016 03:22 PM
املوا الاباريق دي عشان الناس تقطع الجمار
خلونا من النووي
ههههههه
شر البلية مايضحك والله

[زول]

ردود على زول
[QUICKLY] 03-15-2016 07:28 AM
فعلا يازول شرة البلية مايضحك
والصورة اعلاه أبلغ رد


#1428496 [بشة اب سفة]
4.38/5 (4 صوت)

03-14-2016 02:36 PM
ههههههههههههههه و الله الصورة تموت من الضحك .. ابو الشباب الخالف رجلو ده شكلو عالم زرات كبير هههههههههههههه

[بشة اب سفة]

#1428471 [ALIIIIIIIIIIIIIIIIIIIIIIIIIIIIII]
4.00/5 (1 صوت)

03-14-2016 02:06 PM
اخبار الطلاب بتاعين الهندسة النووية القرايتهم قراية شيتات ومختبرات ذاتو ماعندهم اخبارهم شنو انتو مشكلتكم ياابراهيم احمد عمر ناس هبل دايرين تعملوا حاجة وانتو اصلا ماعندكم التعملوا بيهو الحاجة فرجاء لاتقارن السودان بكوريا الشمالية فهم ارجل منكم ولديهم ادمغة وعقول استطاعوا بها عمل قنبلة نووية ومفاعلات نووية رغم جنون هذا الكيم جون اون انتو كده اول حاجة خلو الخرطوم زي لندن وواشنطن وبعد داك اتكلموا عن النووي انتو بنية تحتية ماعندكم كلو خريف غرقانيين في شبر موية

[ALIIIIIIIIIIIIIIIIIIIIIIIIIIIIII]

#1428416 [ابو شهاب]
3.50/5 (2 صوت)

03-14-2016 01:02 PM
يادكتور انتو خليتوا للسودان جهه يرقد عليها السودان اصبح فوق صفيح شاحن كل العالم نفر من السودان وليس من اهل السودان السودان لم يعد كسابق عهده السودان الذى كان قبله للقاشى والماشى حتى مواطنيه اصبحوا يهجرونه بحثا عن العيش الكريم والامن والاطمئنان السودان الذى اصبح من الدول المصنفه من دول الارهاب اين سماحه السودانيين اين كرمهم اين توادهم وتراحمهم اثرتم الفتنه بين ابناء الوطن الواحد هنا وهناك قتال ودمار وتشريد

كل دول العالم فقدت الثقه فى السودان كل الدول التى كانت دوننا اضحت اليوم من الدول التى يشار اليها بالبان اين السودان الذى كانت خيراته تكفى اهله وتزيد اين المرافق الحيويه مشروع الجزيره السكه حديد الخطوط السودانيه اين الخطوط البحريه مطاحن الغلال ومعاصر الزيوت والمصانع اين ! واين ! واين ! وغيرها السودان اضحى بلا بنيه تحتيه
نعم نحن لانكر بانكم ربطتم كل ارجاء الوطن بالطرق القوميه ولكن لم نجنى فائده منها من الناحيه الاقتصاديه كل من سعى للاستثمار فى السودان عزفواعن استثمار امواله فى السودان لانهم لم يجدوا البئه الصالحه لاستثمار امواله لتعم الفائده وكوريا الشماليه تعتبر من الدول التى لها شان وتضاحى كبرى الدول كوريا تمتلك قنبله نوويه حتى الشباب الذين كنا نعول عليهم فى قياده هذه الامه اهلكتهم المخدرات وحبوب الهلوسه

اين العقول التى تستطيع عمل نشاط نووى سواء سلميا او غيرها الكل هاجر خارج الوطن

ونتمنى ان يصنف السودان من ضمن الدول النوويه لا من الدول الراعيه للارهاب

[ابو شهاب]

#1428385 [شهنور]
5.00/5 (2 صوت)

03-14-2016 12:26 PM
(وقال رئيس البرلمان إبراهيم أحمد عمر إن السودان لن يكون كوريا الشمالية جديدة، وتعهد بعدم ادخال البلاد في مشاكل مع المجتمع الدولي والإقليمي.)
عجبا اصلا انت فى مشاكل مع المجتمع الدولي والإقليمي بتطرفكم وبفكركم الفاسد والارهابى ... ناهيك عن قدرتكم امتلاك نووى.. كلام عبط .

[شهنور]

#1428375 [واحد]
5.00/5 (2 صوت)

03-14-2016 12:13 PM
وفر العيش اول بعدين تعال اتكللم عن الطاقة الكهربائية .خليك من النووية

[واحد]

#1428369 [الناهه]
5.00/5 (2 صوت)

03-14-2016 12:06 PM
شئ مضحك خالص
كدي انتو افلحوا في توليد كهربة المويه دي ونضفوا الوساخه الماليه شوارع المدن دي بعدين اتشطحوا
قال نووي قال..نووي شنو
يمشوا يجيبوا ليكم محطه مفقوعه من الصين تنفقع ساكت وتقتل الناس
هو لعب ولا شنو
انا خايف يكون واحد من الجماعه عنده صفقه مع الصين طابعها الفساد طبعا ويجي يكحلها يعميها
ده نووي يعني مالعب زي الحاويات المشعه الماعارفنها دفنوها وين والناس اتصابت بالسرطان بسببها
نسال الله ان يجل بهم قبل ما يدخلوا النووي المضرووب ده
اذا فتشتوا وراء الموضوع حتلقوا العجب العجاب

[الناهه]

#1428317 [سوداني بس]
5.00/5 (4 صوت)

03-14-2016 11:13 AM
دة عبط ولا هبل ؟؟؟

وين الطاقة النووية ؟؟؟

بشة عندو مفاعل نووي ؟؟؟ داسيه في كافوري ولا حوش بانقا !!!

أعوذ بالله

[سوداني بس]

#1428311 [القبيلة]
5.00/5 (4 صوت)

03-14-2016 11:07 AM
أول حاجة وفروا للناس مكان للتبول .. بعد داك تكلموا عن الطاقة النووية ..

[القبيلة]

ردود على القبيلة
[عين حمراء] 03-14-2016 12:24 PM
كلامك صحيح يا القبيلة أول شئ توفير (الطاقة البولية) بعدين يفكروا في النووية !



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة