الأخبار
أخبار إقليمية
أسعار قياسية جديدة للجنيه السوداني
أسعار قياسية جديدة للجنيه السوداني
أسعار قياسية جديدة للجنيه السوداني


03-22-2016 11:51 PM
واصلت اسعار العملات الأجنبية في الارتفاع مقابل الجنيه السوداني ، وفي جولة للراكوبة وسط تجار العملة بالسوق العربي الخرطوم ، قال أحد التجار أن سعر الدولار اليوم يترواح بين 12200 الى 12300 جنيه وسعر الريال السعودية يتراوح بين 3200 و 3250 جنيه وذلك حسب الكمية والتاجر.


تعليقات 50 | إهداء 0 | زيارات 29226

التعليقات
#1433807 [أحمد بابكر]
0.00/5 (0 صوت)

03-24-2016 11:07 AM
هناك تراجع في الجنيه السوداني ومعظمه بفعل طلاب السلطة والمعارضة من أجل المعارضة جملة حسب الكمية والتاجر تموبه عندما يجد البائع اﻻمر خلاف ما تقول فيبحث عن تاجر آخر ولم يجد ... تعبتوا الناس بالبحث عن التاجر

[أحمد بابكر]

#1433666 [موجوع على الوطن]
1.00/5 (2 صوت)

03-24-2016 07:57 AM
وا وطناه...وا شعباه .. وا جنيهاه...Cry my beloved country

العين بعد فراقها الوطنا

لا ساكنا ألفت ولا سكنا

ريانة بالدمع، أقلقها

لا تحس كرى ولا وسنا

كانت ترى في كل سانحة

حسناً، وباتت لا ترى حسنا

والقلب لولا أنة صعدت

أنكرته وشككت فيه أنا

ليت الذين أحبهم علموا

وهم هنالك ما لقيت هنا

ما كنت أحسبني مفارقهم

حتى تفارق روحي البدنا

لكمو كلمات نطمها الشاعر خير الدين الزركلي من أعماق قلبه حباً لوطنه.

[موجوع على الوطن]

#1433636 [عودة ديجانقو]
1.00/5 (2 صوت)

03-24-2016 06:47 AM
الدولار ده عايز أى واحد من الاتنين ديل:
(1) صلاة إستسقاء كاربه
(2) 3 جواكر

[عودة ديجانقو]

#1433591 [واحد من ناس قريعتي راحت]
3.00/5 (3 صوت)

03-24-2016 12:51 AM
دحين مسعولين من الخبر : صلوا في كاودا ولا لسة ؟؟
اها واخبار الحمار الوطني شنووووووووو ؟؟؟ طبعا قالوا لا بديل للحمار الا الحمار !!!!!!!!!!!!!!!!

[واحد من ناس قريعتي راحت]

#1433548 [الهلباوي]
1.00/5 (1 صوت)

03-23-2016 10:31 PM
السعر دا ليهو شهر

[الهلباوي]

#1433546 [الوجيع]
3.00/5 (3 صوت)

03-23-2016 10:22 PM
مع كل ذلك ما يزال الوضع ينبىء بمزيد من التوسع فى خلق مزيد من الوظائف الدستورية لارضاء احزاب الحوار الوطنى ومضاعفة اعضاء المجالس التشريعية الاقليمية والبحث عن جديد المؤتمرات الاقليمية والدولية حتى يتمكن الجميع من ممارسة حقهم فى الاسفار وفى حالة العدم يعملوا مؤتمرات داخل البلاد فمطابع العملة ستعمل 3 ورديات حتى تتمكن من تغطية العجز المستمر فى الايرادات وتحقيق شعار وزير لكل 1000 نسمة بدلا عن طبيب لكل 1000 نسمة وحينها ستمتلىء البيوت والمكاتب والمخازن بفئات العملةو سيقول لك البقال عندما ترتاد البقالة لشراء اى غرض القروش خليها معاك امانة لانه مافى مساحة فاضية يخزنوها فيهاولا فى حرامى حيفكر يسرق تانى لانه لا حيقدر يشيلها ولا حيقدر يدسهاوسيتعامل الناس بالكلام ساكت بدل القروش وتعود التجارة البكماء الى الحياة بعد الاف السنين من انقراضهاوسيتفاخر المسئولون بان السودان هى الدولة الاولى فى ذلك المجال وكمان انهم قد قضوا على النشالين واوجدوا مجتمع المدينة الفاضلة يسبب تطبيق شرع الله ... القصة طويلة

[الوجيع]

#1433521 [مبارك]
1.50/5 (2 صوت)

03-23-2016 08:55 PM
لا تزرع الشوك وتتمنى ان تحصد الورد . فكل المشاريع الزراعية دمرتها الحكومة فاصبح ما في انتاج ويواكب ذلك ازدياد في طباعة العملة ، وهذه هي النتيجة الدولار وصل 12,300 جنيه سوداني ، وبقت القروش يشيلوها في جوالات وفي درداقات وما عاملة أي حاجة . قبل الإنقاذ كانت القروش ما كتيرة لكنها سادة الحاجة وزيادة ويمكن ان توفر منها ، لكن اسع أصبحت كثيرة وما عاملة أي حاجة .
اضف الى ذلك فالدولة لا تشجع الإنتاج والاستثمار ، فمثلا اذا فتحت محل صغير برأسمال متواضع في اليوم التالي تجيئك الجبايات من الحكومة فتكرهك الشغل واذا كنت بتاع رشاوي بتمشي حالك لكن ستجد ان المرتشي لا يشبع بل كل ما يفلس يجي يقلع منك والنتيجة واحدة تكره الشغل وتفكر في الهروب من البلد .
اذن للخروج من هذه الأحوال الردية لابد من استقالة الحكومة الحالية وتسليم الحكم الى حكومة قومية تضم مؤهلين في كافة المجالات ونزيهين لتخرج البلاد من الازمة التي هي فيها وترسم للشعب السوداني الطريق للنماء والتقدم والرفاهية .

[مبارك]

#1433518 [جمال]
3.75/5 (4 صوت)

03-23-2016 08:45 PM
الاخوه المغتربين عمليه حسابيه بسيطه تجعل سعر الريال 3500 وهى تحول ريالاتك الى. مصر ثم تحول قروشك المصريه الى السودان علما بان سعر الجنيه المصرى يساوى 1440 وكل واحد يحسب. لو حول. على هذه الطريقه كم. يستفيد الان تجار. الدقيق شغالين على هذا النهج ونقول. اين الوطنيه

[جمال]

#1433509 [ود الجزيرة]
1.50/5 (2 صوت)

03-23-2016 08:28 PM
وفي واحد أهبل لافي في الجزيرة حسبو. طوالي قال الجزيرة سوف تمزق فاتورة القمح ..

[ود الجزيرة]

#1433490 [mimi]
1.50/5 (2 صوت)

03-23-2016 07:07 PM
الدوام لله

[mimi]

#1433489 [قرنتيه]
4.97/5 (9 صوت)

03-23-2016 07:02 PM
و الله يا اخوانا متمني اعرف و اشوف رأي الرئيس في الكلام ده شنو؟؟
يعني ما معقول الواحد يكون دمو بقري بالشكل ده..
ماذا يا تري يحتاج البشير ليتيقن انه رئيس فاشل.. خلي بالك نحنا ما أسأنا ليهو بل بنتكلم عن أداؤه كموظف يشغل منصب الرئيس.
التشبث بالحكم في ظل الارقام الحاصله دي يدل انو الكيزان ما عندهم علاقه بالوطنيه و لا المواطن رغم اللعلعه الكانو شاقين بيها راسنا زمان.. ياخي ما ممكن الانسان يدمر بلدو عشان يعيش بحبوحه ولا عشان يتهرب من اتهامات الجنائيه.. الناس ديل واعين يا ربي؟؟
هسه في زول بضحي بحياة شعب كامل عشان يعيش هو مرتاح و في الامكان انو كل الناس تعيش مرتاحه؟؟ اللهم الا اذا هو بيستمتع يشوف الناس دي فقرانه و جيعانه و معدمه و مريضه.. و ده يكون شخص مريض و غير سوي و مصاب بامراض نفسيه معقده!!
هل يا عمر البشير مسكت البلد عشان تنتقم من السودانيين ولا ايه الحكايه بالضبط؟؟
ياخي لو الزول ده عايز يعيش في نعيم حد يقنعو انو معطل ملايين الامكانيات عشان يحقق هدف واااااااحد.. ياخي انزل منها و ليك علينا نعيشك زي ما عايز.. ياخي خلي البلد دي يمسكوها الناس البيعرفو ليها.. و ده ما عيب اذا انت ما بتعرف تحكم لأنو كل انسان ربنا اداهو كفاء ا ت معينه لذلك ما تمرضنا ساي و الله العظيم البلد دي لو مسكها هبنقه ولا اي واحد منغولي لحدي الوكت ده كان عرف اعقد اساليب ادارة الحكم ياخي انت لهسه ما عارف الابجديات.. كلام ما اتعلمت تتكلم.. ابسط حقوق الناس (و ما بقول عليها مشاكل) ما قدرت تقدمها.. شنو يعني مويه و صحه و تعليم؟؟ ياخي احمد الله انت هسه لا تفجيرات لا داعش لا زفت عايش ليك سبعه و عشرين سنه ما سمعت ليك تفجير في الخرطوم.. ياخي انزل منها الله يهديك والله العظيم ده شعر ما عندك ليهو رقبه.. و الله اخير ليك عيش باقي حياتك دي مع الناس اصلك زول بسيط ساي تاكل و تشرب و تختم يومك بنكته و شكلة مع زول.. ده ياهو مستواك مالك و مال رئاسة السودان و مالك و مالك ابو السودان.. ياخي انت عباره عن انتهازي ليس الا و الانتهازيين المعاك الكانو نكرات قبل الانقاذ ديل و الله يغطسو حجرك محسـسنك انك زعيم و رئيس و اسد و تمساح.. و الله اخير ليك تتفكفك لسه في امل الحال ينصلح.. ما تقوي راسك ساي و تصدق.. الشغلانه دي ما قدرك.

مواطن مل مشاهدة مسلسل الفشل البشيري

[قرنتيه]

ردود على قرنتيه
European Union [الرأى العام] 03-24-2016 03:01 AM
يا أخونا في زول جابوهو من بيوت جالوص وسكنوهو في القصر وفلل كافورى , طبعا حيكنكش في الصدفة التاريخية السعيدة دى لغاية مايموت الزول ده أنانى وبحب نفسو وبس ,لا عندو جنا ولا يحزنون.

European Union [باتمان] 03-24-2016 12:14 AM
يا قرنتية لكن المشى للاهاى مكلبش ما حار،، سفر إتجاه واحد ومافى عودة ودة البسموه سفر الجفا.

[كاسـترو عـبدالحـمـيـد] 03-23-2016 11:05 PM
والله ما قصرت ياالقرنتية . عفارم عليك والله يبارك فيك . اما زولك دا فهو زى ما وصفتو دمه بقرى وما بحس . ولكن لما يجى يومه بيعرف الله واحد والله حى وان غدا لناظره قريب .


#1433478 [اب تلاليش الرقاص]
1.50/5 (2 صوت)

03-23-2016 06:25 PM
الدولار اليوم 12.500 .. والله عاوز لي 500 دولار ادفعا رسوم لحكومة الجن دي قالوا لي الا 12.500 ومافي للآن أنا بفتش

[اب تلاليش الرقاص]

#1433476 [جركان فاضى]
4.00/5 (4 صوت)

03-23-2016 06:17 PM
علبة مناديل الكلينيكس فيها 100 منديل وقيمة العلبة 10000 جنيه سودانى...يعنى كل قطعة منديل(20سمx20سم) تساوى 100 جنيه...يعنى ورق الكلينيكس اغلى من قيمة الجنيه

[جركان فاضى]

#1433427 [العركى]
1.00/5 (1 صوت)

03-23-2016 04:28 PM
سعر اليورو يخوانا كم 15 ولا كيف

[العركى]

#1433415 [الضو]
3.50/5 (3 صوت)

03-23-2016 03:44 PM
حينط ليكم واحد من الكيزان ويقول ليكم اتضرعوا وأدعوا لنزول الدولار ما بنقدر نسوى شيء ابتلاء الهى, كألعادة هذه هي لعبتهم الأخيرة.

[الضو]

#1433354 [okembo]
1.00/5 (2 صوت)

03-23-2016 01:56 PM
شيعوه الى مقابر احمد شرفى مع زميله الدينار التسعينات

[okembo]

#1433334 [sudanii]
2.00/5 (3 صوت)

03-23-2016 12:55 PM
الحل ما صعب
حزب ثالث ينافس بشدة
ليس له علاقة
بالصادق اولا
ثم بالكيزان

[sudanii]

#1433330 [ودحليب]
3.25/5 (5 صوت)

03-23-2016 12:44 PM
عندما كان الإقتصاد السوداني يعتمد فقط على مشروع الجزيرة الذي حطمه هؤلاء السفلة كان الجنه السوداني يساوى ثلاثة دولار وقرش لأن الدولار كان يساوى 33 قرش. والآن شوفو حالنا بقى كيف. ولسع الجايات اسوأ من الرايحات لو ما تحركتم والقيتم بهؤلاء السفلة الي مزبلة التاريخ

[ودحليب]

ردود على ودحليب
European Union [الحقيقة] 03-24-2016 12:20 AM
ما ياهو نفس القيمة يا أب أحمد 2 أنت حسبتها بالدولار مقابل الجنيه وأنا حسبتها بالجنيه مقابل الدولار

[أب أحمد2] 03-23-2016 08:03 PM
يا [الحقيقة] " كان الجنيه يساوى 3 دولار و40 قرش " !!!!!!!
أنا مافهمت ديه!!!!
ممكن تشرح لينا وتورينا الدولار كان يساوى كم قرش؟؟؟؟؟
كان الدولار قبل أنقلاب مايو بتاع "الشيوعيين" و "البعثيين" و "القوميين العرب" و "حزب الانتهازيين" يساوى 35.85 قرش (حوالى 36 قرش) وكان الدولار يباع بواسطة البنوك التجارية ولا يوجد سوق اسود او سوق موازى, حيث كان الجنيه السودانى محترما جدا وكانالجنيه الذهبى "الاسترلينى" يساوى 97.5 قرش (0.975 جنيه)!!!!!!!!!!
أسألوا "أحزاب الجزمة" ماذا فعلتوا بالسودان؟؟؟؟؟؟؟؟

[الحقيقة] 03-23-2016 03:03 PM
كان الجنيه يساوى 3 دولار و40 قرش

واليوم الدولار يساوى 12500 جنيه


#1433328 [المنفصل]
3.00/5 (4 صوت)

03-23-2016 12:36 PM
يا جماعة المصارعة بتاع الحزام الذهبي ما ساعد الجنية؟

[المنفصل]

#1433303 [Deya AlKhair]
2.00/5 (3 صوت)

03-23-2016 11:54 AM
كأن شئ لم يكن ولا وزير متوتر ولا رئيس مشغولين مع أمبيكي

[Deya AlKhair]

#1433302 [الحضارة]
2.00/5 (3 صوت)

03-23-2016 11:53 AM
اللهم اجرنا فى مصيبتنا واخلف لنا خيراً منها يا اخونا زمن الديمقراطية التانية كنا بنحول 137 جنيه سودانى بواسطة العلاقات الثقافية بتعادل114$ يعني كان بسعر 1.14ج للطلاب بالخارج

[الحضارة]

#1433295 [ALIIIIIIIIIIIIIIIIIIIIIIIIIIIIII]
3.05/5 (7 صوت)

03-23-2016 11:47 AM
عقبال يحصل 13 جنيه ان شاء الله اصلو ماشي كويس وزير المالية القال انو سعر الدولار 7 جنيه وينو بلد اقتصادها منهار... للمرة البليون لن تقوم للاقتصاد قائمة الا بالصناعة والزراعة او بالصادرات البترولية((دي انسوها طبعا)) وغيرها لكن انا برضو عارف ان الحظر الامريكي مطلع زيتكم..والمثير للسخرية و المضحك بوزعو الاراضي للاردنيين والخليجيين وبيعملوا في السدود وكلو مانافع في اي حاجة والاقتصاد ماشي تحت اكثر واكثر

[ALIIIIIIIIIIIIIIIIIIIIIIIIIIIIII]

#1433274 [ابو العيال]
2.72/5 (7 صوت)

03-23-2016 11:19 AM
و سوف يستمر تدهور الجنيه السوداني امام العملات الاخري طالما نستورد البسكويت و الحلويات و الفواكه النادرة في وقت تعاني البلاد من ندرة في الادوية ... الوضع الاقتصادي يحتاج ان يتصدر له علماء لهم خبرتهم و تاريخهم

[ابو العيال]

ردود على ابو العيال
[جركان فاضى] 03-23-2016 05:18 PM
تقصد العلماء الشالهم الصالح العام


#1433262 [AAA]
3.50/5 (6 صوت)

03-23-2016 11:04 AM
اصالة عن نفسي ونيابة عن حكومة السجم والرماد أيها الحاقدين..دائما تفضحونا بسعر الدولار والريال جنيهنا يهز ويرز 1 جنيه سوداني = 1.0643 يوان صيني.

[AAA]

ردود على AAA
[ود العمدة] 03-24-2016 01:11 AM
صيني بفتخر علي سوداني :فقال : نحن عندنا سور الصين العظيم ...
السوداني قاله :ونحن عندنا "سرقة" السودان العظيم

[AAA] 03-23-2016 11:31 PM
لك التحية Atef شوف بالله القرش كان بساوي 10.6 يوان..لذلك المفروض يتم الغاء وزارة المالية وبنك السودان..بل يتم الغاء حكومة السجم والرماد..لو تذكر قبل فترة مصطفى عثمان اسماعيل قال يجب التعامل باليوان بدلا عن الدولار!! غايتو السودان محن يا عاطف..اعوذ بالله من الجماعة ديل..تحياتي

[Atef] 03-23-2016 03:35 PM
القرش كان بساوي 10.6 يوان...يعني المليم كان اكبر من اليوان...
حاليا الالف جنيه اقل من اليوان...مالكم كيف تحكمون...تحياتي

[AAA] 03-23-2016 03:21 PM
[الصينى] لك التحية.. انت سعر اليوان ال كتبتو ده بالقديم ولا الجديد هههههه

[الصينى] 03-23-2016 01:47 PM
1 جنيه سوداني = 1.843 يوان صيني

[تايسون كلك حركات] 03-23-2016 11:23 AM
سيرررر سيرررر يابشير


#1433256 [المكتول مغس]
2.63/5 (5 صوت)

03-23-2016 10:51 AM
هي لله هي لله لا للسلطة ولا للجاه .

هههههههههههههههههههههه
اصبحنا مضحكة وتندر الدول والشعوب .

[المكتول مغس]

#1433254 [moneim]
2.50/5 (3 صوت)

03-23-2016 10:48 AM
طيب ياجماعه بسال المبلغ ده يعنى بعادل كم بالعمله القديمه قبل وصول الانقاذ للسلطه؟

[moneim]

ردود على moneim
[Atef] 03-23-2016 03:24 PM
سنة ٧٧ كنت بلقى كل صباح جمعه كزازة شري فاضية في الميدان, ببيعها لبتاع القزاز بقرش بشتري حلاوتين كرملا بتعريفة وربع عيشة فيها طحنية وموية جبنة بتعريفة...بتشبع طفل عمره ٥-٤سنين وبرمي الباقي... ربع العيشة بعادل عيشة الكيزان اليوم واكثر..., حبوبتي الله يرحه كانت بتقول انتو ولدوكم في زمن الغلاء...!!!, المليم كان اختفى الوقت داك, إعتقد القرش بساوي تعريفتين, او ١٠ مليم والجنيه فيه ١٠٠ قرش او الف مليم..., المليم بساوي ١٢ جنيه كيزان.

[جركان فاضى] 03-23-2016 12:07 PM
يعادل 0,00012 كسر من الجنيه عندما استلمت الانقاذ السلطة...استلمت الانقاذ السلطة والدولار= 12 جنيه...واشتغلت اشتغلت اشتغلت فى الجنيه حتى اصبح الدولار= 12000 جنيه


#1433251 [كمال]
1.00/5 (1 صوت)

03-23-2016 10:46 AM
ياتو بلد ؟

[كمال]

#1433242 [جركان فاضى]
1.00/5 (1 صوت)

03-23-2016 10:35 AM
الدولار...حركة مسلحة...بس من نوع اخر

[جركان فاضى]

#1433240 [jafal]
1.00/5 (2 صوت)

03-23-2016 10:32 AM
جيبو صلاح يشوف ليهو مجدى تانى(الله يرحمه)

[jafal]

#1433239 [jafal]
1.00/5 (1 صوت)

03-23-2016 10:32 AM
جيبو صلاح يشوف ليهو مجدى تانى(الله يرحمه)

[jafal]

ردود على jafal
[abuahmed] 03-23-2016 03:54 PM
زي ما قال لو ما الإنقاذ جاءت كان الدولار وصل 14 جنيه ولسع ما وصل 13 جنيه اليوم بس يعد إخفاء ال 3 اصفار ها هاها ها ها ها بس علقوا في الركوبه وولولوا من بيوتكم غشان الحكومه تتغي جاتكم القرف


#1433228 [المشتهى السخينه]
2.50/5 (5 صوت)

03-23-2016 10:22 AM
حكومة ما كان يعرف سابقا بجمهورية السودان تحت قيادة الجنرال امير المؤمنين ليس لديها اى خطة لتطوير وطن وشعب . وتلتزم السلطة استراتيجه واحده فقط . هى خلود ( الغايد ) فى السلطة لحماية الفساد والبطش . وكل الميزانيه على بؤسها وفقرها وفضيحتها تصرف على اجهزة الامن والقمع وتكميم الافواه ومصادرة الحريات . يعنى حتى قبيلة جهاز الامن تربط الحبل حول رقبتها باعتبارهم مواطنين لهم اسر واطفال مستقبلهم مظلم ودولتهم تنهار .
ميزانية العراق هذه السنه اكثر من 53مليار دولار بعجز بلغ 21 مليار دولار وهى بلاد تعيش فى فوضى منذ هروب ( بطلها ) ودخوله فى حفرة الخزى والعار .
اما ميزانية دولة امير المؤمنين فميزانيتها تسعة مليار دولار فقط بعجز بلغ اربعه مليار . وهو مبلغ يمتلكه افراد وتجار فى بلاد الكفر الملعونه . فلا عجب ان اصبح السودان (سابقا) فى الحضيض .
بالعربى يعنى نجيب ساويرس المصرى ده اغنى من دولة السودان .

[المشتهى السخينه]

#1433215 [ترنتي]
1.00/5 (1 صوت)

03-23-2016 10:12 AM
معاي حوالي 60 ألف من الأخضر أبو صلعة

علي كم السعر

[ترنتي]

ردود على ترنتي
[نقول شنو عاد] 03-23-2016 11:38 PM
عليكم الزكاة كان حولتوها لي جنيهات

[جركان فاضى] 03-23-2016 05:23 PM
خليها فى خدارا دا وصلعتا..ما تقوم تحولها لى مناديل الكلينكس

[تاجر عملة] 03-23-2016 03:07 PM
وأنا معاى 250000


#1433212 [wadeng albino]
3.00/5 (2 صوت)

03-23-2016 10:05 AM
سعر الدولار بجنوب السودان اكثر من 4 الف جينه جنوب السودان يعني السودان افضل من جنوب السودان إقتصاديا

[wadeng albino]

ردود على wadeng albino
United States [عبير] 03-23-2016 03:03 PM
يااااااحليلكم يالبينو لا طلنا عنب الشام ولا ضقتو بلح اليمن.مش كان أحسن نقعد مع بعض؟

[Atef] 03-23-2016 02:32 PM
الحال من بعضوا يالبينو...اولاد الحرام ديل قسموها وباعوها...بعد كده فضل يبيعونا انحنا كمان...تحياتي

United States [R adi] 03-23-2016 01:51 PM
Dear We know that Sudan economy is better that South Sudan And Somalia and they are the only 2 two countries that come after Sudan in the list.

[د.الزهجان] 03-23-2016 01:44 PM
ارجع اولي ابتدائي وشوف واتعلم ايهما اكبر الاربعة وله ال 12


#1433209 [Salah AL Deen P]
3.00/5 (3 صوت)

03-23-2016 10:03 AM
الانقاذ من ضمن مبررات انقلابها .. فلولا الانقلاب المبارك سعر الجنيه كان حيواصل الارتفاع وكان ممكن يصل 20 جنيه (طبعاً بالقديم يعني 20 قرش حالياً هههههههههه)
الجنيه واصل انخفاضوا مقابل العملات لامن ..... طلع

[Salah AL Deen P]

#1433197 [محمدوردي محمدالامين]
2.75/5 (3 صوت)

03-23-2016 09:47 AM
المشكله بسيطه ومحلوله؛ كلكم شفتو قبل فتره (سد المال والشيله) بالدولار ؛ من عبدالله البشير للبنت المسكينه ال ادوها شاكوش بقرار رئاسي
البخصنا في الموضوع كمية الدولارات المدفوعه ( كسدمال) من اخو رئيس الجمهوريه
والمسؤل الكبير في ادارة وقيادة السلاح الطبي هو وزوجته صاحبة رتبة اللواء في نفس الادارة ؛ من المفترض وهم اصحاب (المشروع الحضاري )ان يكونوا قدوه لهذا الشعب المغلوب علي امره؛ نعود للمشكله البسيطه المحلوله بكثير من الدلالات ومنهاسد المال الدولاري عرفنا اين توجد العملات الصعبه ؛ فيا أل البشير ردوا دولارات السودان لاهلها ابدأوا بانفسكم ثم وزراءكم( ونوام)البرلمان وكافة الكيزان وامنعوا منظمة الشهيد وما شابهها من الاستيراد دون جمارك واوقفوا فقه التحلل والفسادواساطيل عربات المسؤلين؛يتعافي الاقتصاد وتعود للجنيه قيمته؛
شفتوا كيف بسيطه ومحلوله !

[محمدوردي محمدالامين]

ردود على محمدوردي محمدالامين
[عقيد] 03-23-2016 03:11 PM
المشكلة كانت في أهل البنت طلبوا سد مال وشيلة لم تحدث في تاريخ العاصمة وشاع الخبر ووصل الرئيس فشالته الفضيحة فأمر بإلغاء الزيجة.


#1433188 [naselhalfaya]
3.00/5 (2 صوت)

03-23-2016 09:31 AM
يا حليلك يا بلدنا و آشريري $$$$$$$

[naselhalfaya]

#1433187 [سوداني حزين علي حال البلد]
3.00/5 (3 صوت)

03-23-2016 09:30 AM
حسبي الله ونعم الوكيل سؤال الأنقاذ دي ممكن ترجعنا لمحل مالقتنا ماعايذنها تدمرنا معليش أقصد تنقذناكل شي في البلد ماشي غالي والناس بطلت تاكل ثلاث وجبات بقت علي وجبتين وبعد ذلك ماقادرين يوفروا حق الوجبتين الناس فاض بيها وطفح بيها الكيل أتوقع أن من سيقتلع الكيذان ثورة الجياع وهي ثورة تقضي علي الأخضر واليابس لأنها سوف تكون محملة بكره عجيب لانه ماممكن شخص يكون ساكن معاك في الحي بيت أجار وبعد قيام الأنقاذ يمتلك القصور وأبنائها يركبوا الفاره ويصيفوا في ماليزيا من أين لك هذا

[سوداني حزين علي حال البلد]

#1433184 [محمد فضل يوسف]
3.00/5 (3 صوت)

03-23-2016 09:26 AM
اسوا شئ انك تخطئ دون تراجع عن الخطا
وتستمر في غييك وضلالك وعدم الاعتدال
هكذاهي حكومة السودان.

[محمد فضل يوسف]

#1433169 [الغرفان]
3.00/5 (2 صوت)

03-23-2016 09:01 AM
حكومه من الوزير الي الغفير كلهم تجار منتظرين منهم خير والدولار سعره ينزل من وين اذا كان ما عندك اي صادر ولا علاقات خارجيه

[الغرفان]

#1433146 [samer]
3.00/5 (5 صوت)

03-23-2016 08:36 AM
الجماعه الكيزان رفعوا يدهم من كل شئ و شقالين بيجمعوا الدولارات من السوق ويحولوه الى ارصدتهم فى الخارج و قالوا بالواضح اى تاجر يستورد بطريقته اى البنك المركزى ما بوفر لك و لا دولار واحد , الدواء الذى تجارهم بيربحوا فيه 200% ما عاوزين يوفروا له دولارات و برضو الناس تقول ليك الحكومه فعلت و ما وفرت لينا ما تطلعوا الشارع

[samer]

#1433138 [سامي]
3.00/5 (4 صوت)

03-23-2016 08:25 AM
اكثروا من الاستغفار .

[سامي]

#1433126 [منصور]
2.50/5 (3 صوت)

03-23-2016 08:01 AM
الانقاذ لمن جات الدولار كان ب 12 جنيه، وقالوا نحنا لو ما جينا الدولار كان وصل 20 جنيه، تخيلوا الدولار زاد الف مرة ... الف مرة ... الف مرة ... لو كنت استطيع لكتبت هذه الجملة ألف مرة ... الف مرة .... !!!!!!!

[منصور]

#1433120 [سوداني ابن بلد]
3.00/5 (4 صوت)

03-23-2016 07:54 AM
حسبنا الله ونعم الوكيل

[سوداني ابن بلد]

#1433114 [mustofa ali ahmad]
3.00/5 (2 صوت)

03-23-2016 07:48 AM
لا حولة ولا قوة الا بالله ياجماعة الحقو البلد انتهت وزير السجم دة بعمل في شنو اعلنو انهيار الاقتصاد كي يساعدكم العالم يابجم

[mustofa ali ahmad]

ردود على mustofa ali ahmad
[نقول شنو عاد] 03-23-2016 11:49 PM
البوبار في بيت الايجار...


#1433091 [هدى]
3.00/5 (3 صوت)

03-23-2016 07:06 AM
لو اخرج الحرامية دولاراتهم لحموا حكومتهم من الانهيار.

[هدى]

#1433080 [Azan Malta]
4.00/5 (5 صوت)

03-23-2016 06:10 AM
الله يرحم مجدى وجرجس وغيرهم والله ينتقم لنا من هولاء القتلة السفله

[Azan Malta]

#1433076 [عبدالمنعم موسي]
3.00/5 (2 صوت)

03-23-2016 05:56 AM
الجماعة ديل ما قالوا لينا لو نحن ما جينا كان الدولار لحق 20 جنيه بالقديم هسه الدولار حصل 13 الف معناها مفروض الشعب يتحرك لازالتهم وكنسهم من حياتنا السياسية.بتزكر نحن زمان لمن نميري الله يرحموا يزيد قرش ساكت بنمرق الشارع وين الشباب يا جماعة ولا خلاص القلوب ماتت؟؟؟

[عبدالمنعم موسي]

#1433054 [كاسـترو عـبدالحـمـيـد]
2.47/5 (8 صوت)

03-23-2016 02:31 AM
ماذا تتوقعوا من دولة غير مصدرة وليس لها انتاج محلى وبها مجاعة وليس لها أرصدة عالمية من الذهب تغطى عملتها وتكون لها ضامن ؟ هل تتوقعون ان تكون عملتها لها قيمة. سعر الدولار مقابل الجنية 13,000 وليس و 12.000

[كاسـترو عـبدالحـمـيـد]

ردود على كاسـترو عـبدالحـمـيـد
United States [عارف جلال ابراهيم] 03-23-2016 10:28 AM
بلد منتهية نهاية بطل كان اللة فى العون

[mousa] 03-23-2016 08:29 AM
ماذا تتوقعوا من دولة غير مصدرة وليس لها انتاج محلى وبها مجاعة وليس لها أرصدة عالمية من الذهب تغطى عملتها وتكون لها ضامن ؟وحميدتى بقى لواء فى الديش ماذا تتوقعون؟


#1433031 [باتمان]
2.93/5 (12 صوت)

03-23-2016 12:44 AM
إذا لديك أكثر من 10000 دولار فإن السعر 12 جنيه ونصف (12 جنيه و 50 قرش) والسبحة جارة.

[باتمان]

ردود على باتمان
[الأشـعـة الـحـمــراء] 03-23-2016 11:14 AM
يــا .. مـهـون .. !! لآآآآآ ويـن .. ؟؟


#1433027 [Salah Ibrahim]
2.87/5 (14 صوت)

03-23-2016 12:33 AM
الفاتحة على البلد. تاني في شنو ينقال

[Salah Ibrahim]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة