الأخبار
أخبار إقليمية
جهاز المغتربين يدشن دورة تدريبية في مجال الهجرة للمغتربين لاول مرة
جهاز المغتربين يدشن دورة تدريبية في مجال الهجرة للمغتربين لاول مرة
جهاز المغتربين يدشن دورة تدريبية في مجال الهجرة للمغتربين لاول مرة


03-27-2016 02:18 PM
(سونا) - انطلقت صباح اليوم بجهاز تنظيم شؤون السودانيين العاملين بالخارج دورة تدريبية في مجالات الهجرة للمغتربين ينظمها الجهاز بالتعاون مع جامعة المغتربين للمرة الاولى ممثلة في مركز السودان لدراسات الهجرة والتنمية .
واكد السفير حاج ماجد محمد سوار الامين العام لجهاز المغتربين لدى مخاطبته فاتحة الدورة اهتمام الدولة بالسودانيين بالخارج وحرصها على حقوقهم ، حيث أصدر مجلس الوزراء قراراً بتكوين الآلية الوطنية لحماية السودانيين بالخارج ،مبينا في ذات الاتجاه ان جهاز المغتربين هو الجهة المسؤولة عن المغتربين السودانيين في جميع انحاء العالم .
واوصى سوار المشاركين في الدورة باهمية التمسك بقيم الانسان السوداني المتمثلة في الامانة والتفاني في العمل والاندماج الراشد في المجتمعات الجديدة بالخارج ،اضافة الى الالتزام بالمظهر العام وحسن التعامل والتواصل الجيد مع الجاليات الاخرى بما يساعد في اكتساب الخبرات والتعلم والدراية بثقافة الدولة المضيفة خاصة السودانيين المتوجهين الى المملكة العربية السعودية ، مشيرا الى أن الجالية السودانية هناك تعتبر الجالية السادسة من حيث العدد مشيدا بتمسكها بالقيم والسمات السودانية السمحاء .
من جانبه حث الأستاذ عبد الرحمن سيد احمد زين العابدين نائب الامين العام لجهاز المغتربين السودانيين المتوجهين الى الخارج لاول مرة ، حثهم على الالتزام بنظم وقوانين ولوائح الدول المضيفة بما يجنب المغتربين الوقوع في محظورات تلك الدول ، كما حث المشاركين في الدورة على اهمية التخطيط لسنوات الغربة لتحقيق نتائج ايجابية في زمن وجيز موصيا بضرورة عكس الصورة الطيبة للسودان والسوداني بالخارج وتجنب التعامل بحسن النية بما يجنب الوقوع في الكثير من المشكلات القانونية وربما الجنائية .
من جهته قدم الدكتور خالد علي لورد المدير العام لمركز السودان لدراسات الهجرة والتنمية نبذة تعريفية عن الجهاز والخدمات التي يقدمها للمغتربين كما قدم تنويرا ضافيا حول اسباب الهجرة ، والهجرة غير النظامية وعواقبها ، الى جانب التعريف بالهجرة المرتبطة بالتنمية مشيرا الى ضرورة مساهمة المغترب السوداني في تنمية وطنه ومجتمعه وتحديد الاهداف التي من أجلها لجأ الى الهجرة .
الجدير بالذكر ان الدورة حظيت باقبال وحضور كبيرين من قبل السودانيين المتوجهين الى الخارج لاول مرة .


تعليقات 11 | إهداء 0 | زيارات 1679

التعليقات
#1435710 [ترنتي]
0.00/5 (0 صوت)

03-28-2016 10:52 AM
من المؤكد أن هذه واحدة من أفكار بروفيسر الجـبـايـات ،،،،،،،

بكرة ح إقولو ليكم الدورة إجبارية لكل المغتربين الجدد ،،،،،

رسوم الدورة بالعملة الصعبة

أي زول مسافر جديد الدورة إلزامية

وبعد داك أي واحد إمشي إجازة بتكون عندو دورة إلزامية

دورة سريعة لمدة عشر ساعات بي كدا دولار

دورة سريعة لمدة عشر دقائق بي السعر أعلاه مضروب في عشرة

دورة سريعة بدون حضور ،،،، شهاده وبس السعر الثاني مضروب في عشرة

والما عاجبو إحلق حاجبو وإندرش معانا هنا وما ح إسافر

[ترنتي]

#1435692 [ود البلد]
0.00/5 (0 صوت)

03-28-2016 10:31 AM
الكوز القمئ ده لسه خاتينو على جهاز المغتربين ؟

[ود البلد]

#1435659 [محمد عباس محمد عثمان]
0.00/5 (0 صوت)

03-28-2016 09:56 AM
والله محن وكلام فارغ ياخي شوفوا قضايا المغتربين الحقيقية ..الاسكان والتعليم وخلونا من المواضيع الفارغة دورة شنو والله فعلا نحن في محنة.

[محمد عباس محمد عثمان]

#1435518 [abuemad]
0.00/5 (0 صوت)

03-28-2016 07:18 AM
هذه الدورة للذين يغتربوا أول مرة وأظن فيهاجوانب مهمة وذا فائدة قيمة لهم وليست للمغتربين القدامي . افهموا ياناس اولا قبل أن تعلقوا

[abuemad]

#1435439 [منور]
4.50/5 (2 صوت)

03-27-2016 09:41 PM
دورة تدريبية في مجال الهجرة ..ده آخر تقليعة وكان مجال الهجرة مادة اكاديمية وأن المهاجرين القاطعين وشهم من البلد ماشين يتشغلوا في وظائف وفرتها لهم حكومتهم الرشيدة في الخارج ..
المهاجرين ناس مساكين ضيقتوها عليهم جمعوا كل ما يملكون لشراء فيزا ومصيرهم مجهول في دول المهجر فعلى ماذا تدريبهم ؟؟؟
هل ستدربوهم على الصبر وتحمل ضغوط الغربة والجهجهة ام على ماذا تدربوهم..ولا أقول غير أن المهاجر المسكين اصبح ينطبق عليه المثل السوداني (اليتيم ما بوصوه على البكاء ) ولجهاز المغتربين (تقتلوا الميت وتمشوا في جنازته )

[منور]

#1435338 [babo]
5.00/5 (3 صوت)

03-27-2016 05:12 PM
دورة شنو كل المغتربين حقوقهم محفوظة في كل قطاعات العمل في كافة الدول الخارجية غير أن حقوقهم مهضومة في الوطن فاذا انتهت خدمة السوداني أو بلغ سن المعاش تصرف له مستحقات نهاية الخدمة أو المعاش حسب نظام كل دولة أما في السودان ماذا يستفيد المغترب الذي التزم بتسديد كل الضرائب والجبايات والمساهمات والدمغات ماذا يقدم له جهاز المغتربين لا شيء .. الغريب في آخر زيارة لي للسودان في شهر فبراير الماضي من ضمن المساهمات التى وردت في المتأخرات مساهمة اسمها جامعة المغتربين وليس لدي علاقة بهذه الجامعة فكيف يتم تحميلي هذه المساهمة ؟

[babo]

#1435311 [ود الجاك]
5.00/5 (2 صوت)

03-27-2016 04:26 PM
يا اخوانا الدورة مجانية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



اكيييييييييييييييييييييييييييد ماكلة جديد.....هو بالله في تاني حاجة مجانية مع الكيزان؟؟؟؟؟

[ود الجاك]

#1435276 [ابو قرجة]
5.00/5 (4 صوت)

03-27-2016 03:24 PM
اي مغترب عمل لمدة عامين خارج السودان فى اي مجال ، مستعد يقوم بتدريب ماجد سوار وكل وزراء السودان .... المغتربين ليسو فى حاجة لتدريب يامتخلف المغتربين فى حاجة لمن يعترف ان لهم حق اصيل فى ارضهم وانهم دفعوا حتى كلت منهم الهمم دون ان يجدوا مجرد احترام داخلين او خارجين من حفرة النحاس ( السودان فى زمن الكيزان ) التدريب المزعوم يمكن يكون على طرق اساليب الاختلاس والنهب والنفاق هذه انتم شاطرين فيها ياكيزان اخر الزمان الصدئة ....

[ابو قرجة]

#1435249 [البعاتي]
5.00/5 (2 صوت)

03-27-2016 02:57 PM
عشان شنو الدورة دي
نتعلم منها شنو
ونستفيد شنو

[البعاتي]

#1435246 [abo rooba]
4.50/5 (3 صوت)

03-27-2016 02:52 PM
برز الثعلب يوما في ثياب الواعظين
هو أنت بتعرف القيم السودانية؟!أو عندك بها أدنى علاقة؟
فهذا الحاج ماجد أول من سن سنة ضرب الأساتذة .إذ ضرب أستاذه بكلية القانون جامعة الخرطوم.

[abo rooba]

#1435242 [خواجة]
5.00/5 (2 صوت)

03-27-2016 02:46 PM
كل الكلام دا متوفر ولايحتاجون له المهم ماهي الخدمات التي ستقدم لهم التي حرم منها السابقون
سبحان الله العاملين بالجهاز صاروا احسن من المغتربين
المهمومين. شوفوا....و.... ماشاء الله .

[خواجة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة